المُشرده

وهذا الشعر الذي يبدو انه في الاساس شديد النعومه والجمال الا انه متشابك ومنعكش ومبعثرر بشكل ما ...

مالها يا دكتور ايهاب طمني عليها ..
بتسال والده الدكتور احمد وهي الحاجه ام علاء ..

هي تعبانه اوي وضغطها واطي مكالتش من زمان جدا تقريبا
وداخله علي حاله جفاف انا هكتبلها علي علاج وهنزل انا بنفسي اجيبه ..
وياريت بس يا طنط بعد ازنك تعمليلها اكل بيتي صحي لو سمحتي .
عشان نلحقها لانها ممكن لو ضغطها وطي اكتر من كدا بعد الشر ..تموت ...

هو انتو جيبنها منين ..!!
ولا كانت فين اصلا هي مين دي ..

والله يابني احنا منعرف عنها حاجه خالص .. هي كانت واقفه قدام المطعم وفجاه كدا وبدون اي مقدمات راحت مغم عليها مره واحده قدام المطعم ومعرفناش نعمل اي دخلناها المحل
وشربناها عصير وفوقناها فتحت عينيها بس وبصتلنا واغم عليها تاني ...


طيب يا طنط خلاص انا هنزل اروح اجيب الدوا دا علي ماحضرتك تحضري ليها اكل ...

وبينزل الدكتور ايهاب وبياخد عربيته وبيوصل اقرب صيدليه
وحال البنت بيكون شاغل باله مس عارف يعمل اي عشان ينقءها من الحال دا وكا دكتور طبعا دوره وحمايه كطبيب لحاله بيكون هدفه انها تتحسن اوي وتكون كويسه وبخير ..


بيفكر انه البنت دي محتاجه لبس جديد وحاجه تاخد شاور بيها وكام حاجه من المتعلقات الشخصيه الي بتستخدمها البنات وبيجيبها ليها من الصيدليه عشان لما تفوق وتتحسن
وبيفكر يجيبلها لبس عشان لما تفوق تاخد شاور وتغير لبسها
عشان مفيش حد يبصلها بصات فيها احراج ليها او تكون مكسوفه من شكلها .
رغم ان الدكتور ايهاب ميعرفهاش .. لكن واجبه تجاه انسان زيه في وضع مذرى بالشكل دا وبدون مأوي بيحتم عليه التصرف بشكل نبيل ..
لان دا طبع الدكتور نادر اصلا ... بيبادر دايما بعمل الخير والمساعده . ..
وهوو شايف ان دي بنت بلا ماوي وملهاش حد وفيى وضع زي دا فهي اولي بالمساعده من اي شخص اخر ..

وبينزل الدكتور ايهاب بعد مجاب العلاج والمتعلقات الشخصيه بيفتكر انه محتاج يجيبلها مشط كمان علشان نسيه ..


ما اجمله من طبيب قلبه مليئ بالرحمه .. يهتم بجميع التفاصيل .. يفعل ما لا يفعله غيره ..
ولا يفكر غيره حتي في فعله ..
ثم يذهب لمحل ملابس ليشترى لها ملابس للبيت وللخروج اكتر من طقم ..
ويخبر الموظفة في المحل ان تختار هي علي ذوقها
لفتاه في مثل طولها ووزنهاا ملابس ..
ويطلب منها ان تسرع في احضار تلك الملابس ..

تختار الموظفه الملابس .. وتعطيها للدكتور ايهاب
ويشكرها ..
ثم يخرج هذا الطبيب الرائع ليستقل عربيته ويذهب مره اخرى
لمنزل صديقه احمد حيث توجد الفتاه المريضه ..



تكون الحاجه ام علاء تحضر الطعام في المطبخ للفتاه ويكون الطعام قد اقترب من الاستواء ..

ويصل الدكتور ايهاب الي المنزل .. ليدخل ..
مره اخره للمنزل ..

اتفضلي يا طنط دا للبس عشان البنت دي
ودي شويه متعلقات شخصيه ممكن اي بنت تحتاجها ..
انا عارفه انكم صعب تنزلو تروحو وتيجو وطبيعي البنت هتحتاج الحاجات دي دلوقتي .. وجدا ..


ربنا يارب يكرمك يابني ويجازيك خير مفيش منك الايام دي
يا ايهاب يا ابني والله ..

لا يا طنط مفيش حاجه دا واجبي انا عارف ان احمد مش موجود
وان احمد لو موجود كان عمل كدا هو كمان ..


لتنظر له تلك الام نظرات حب وامتنان له ولكرم اخلاقه وادبه ..

يدخل الطبيب الي غرفه الفتاه ليركب لها الكانولا ويضع لها محلول حتي تستطيع ان تستعيد صحتها مره اخرى ومن جديد
واذا به يضع فيه حقن مقويات ويعطيها الدواء ..
ثم يحاول ان يتحدث معها ليجعلها تستعيد وعيها ..
واذا بها تبدا من جديد في استعاده وعيها ..
لتجد امامها شاباً وسيما .. يبدو علي ملامحه القلق عليها ..
انه ينظر اليها بترقب حتي تستفيق ..

تستجمع قواها لكي تراه فتثبت رؤيتها وتراه بوضوح

ليسالها ..
انتي شيفاني بوضوح !!

لتنظر لهه بعينيها وكانها تجيب بنعم اراك ..

تمام .. انا الدكتور الي هيتابع حالتك واطمني ..
انا هكون معاكي لحد ما تتحسني خالص وتكوني كويسه ..


وانتي عموما في بيت ناس كويسين ومحترمين اوي ..
اغم عليكي قدام المطعم بتاعهم بس وهما اخدوكي بيتهم ..

فمتقلقيش ..

الطبيب اجابها علي الاسئله التي بعلم انها بحاجه لها وانها تريد ان تسمعها ..

ثم خرج للسيده طالبا منها احضار الطعام للفتاه ..
واستأذن هو ف الرحيل واخبرهم ان حالتها اصبحت نوعا ما مستقره.

وانه سيذهب للمستشفي لان لديه عمل
ولكنه قبل ان يذهب طلب من الحاجه ام علاء ان تساعدها
في ان تبدل لها ملابسها بعد الطعام
لانها من الاكيد ستكون مرهقه جدا وتحتاج للمساعده ..

لتخبره تلك المرأه العجوز الحنونه انها سوف تقوم بفعل كل شيئ لتجعل الفتاه تشعر بحال افضل ..

ثم يذهب الطبيب الي المستفشي ..
"ذلك الرجل صاحب الكاريزما القويه والطله الساحره
هذا الوسيم الذي تطمع فيه كل فتاه تراه ...''
فلما لا وهو طبيب وذا مكانه ووسيم ومرح ولديه خلق رفيع تميزه عن غيره من من هم حوله .
_____________

تقوم السيده بادخال الطعام للفتاه ..

ان دا عمملتلك اكل بقي من ايديا يارب يعجبك
حمدلله علي سلامتك يابنتي ، خضتيني عليكي انا وعمك الحاج ابو علاء ..

تنصت الفتاه اليها بنظرات فيها حذر وخوف وكانها لم تعد تصدق اي احد في العالم وكانها فاقده لكل الثقه التي تعجلها تثق في اي شخص من حولها ..


__ عوزاكي تطمني يابنتي والله انتي زي بنتي

دنا خوفت عليكي وعوزاكي تبقي كويسه خدي دي كليها من ايدي ..

وتضع تلك الام يدها علي كتف الفتاه لتطمئنها وتمسح علي كتفها وتثبتهااا ..
وتشد من اذرها ..
كلي يا حبيبتي عشان تعرفي تاخدي الدوا

وتشعر الفتاه وكان ما وضعته المراه علي كتفها ليست مجرد يد وضعت عليها وحسب .. لا ، ولكن كانها رحمه من الله ارسلت ووضعت علي جسد هذه الفتاه لتهدأ وتسكن روحها وتشعر بالامان والاطمئنان ..
هي التي لم تشعر بالامان ابدا في اي يوم منذ ان عرفت كيف تنطق الكلمات وتدرك المعاني ..

ثم اخذت الفتاه تاگل كشخص مصعور تلهث وهي تاكل
من شده جوعها رغم انها مرهقه ومريضه .. الا انها اكلت وجسدها يرتعش .. تشعر بانها تريد ان تمتلأ بالطعام ...

وعين تلك الام امتلأت بالدموع ... لما راته من منظر مهيب
كيف للانسان ان يري انسانا مثله .. ياكل ككلب مصعور من شده جوعه ياله من مجتمع آثم جني علي تلك الفتاه ومن مثلها ..
وياليت الجميع كاتلك الام الحنون وهذا الطبيب الخلوق ..
ولكن للمجتمع وللناس انياب اينما وجدت اثارُ اقدامٍ

هناك من يأكل وهناك من يُأكَلُ بلا رحمه ..


وتشرب الفتاه الماء وينزل من فمها الماء كانها طفل يتعلم كيف يشرب الماء ..



تشعر الام ان الفتاه ورايها حكايه طويله ..

واخيرا تشعر تلك الفتاه بالشبع لتأخذ نفسها وتريح جسدها ..


بالهنا والشفا يابنتي .. ربنا يجعله بالشفا ان شاء الله وتطبطب الام علي تلك الفتاه الضعيفه المسكينه التي ليس لها احد غير الله الان ..
وتشعر هي بان الثلج ينزل علي قلبها من حنان ومحبه هذه الام ..
الطيبه العطوف ..


انا هسيبك دلوقتي علي ما المحلول دا يخلص ..
وهاجي اشلهولك وتكوني انتي نمتي شويه ..
واخدك تاخدي شاور حلو كدا وتلبسي هدوم تانيه غير دي ..

وبتبصلها البنت بصات فيها حزن واسيي غير مبرر ابدا ..


تتركها السيده وتخرج ..


__
تدخل الفتاه يدها في جيبها لتخرج منه صوره لشاب في ال ٢٩ من عمره او الثلاثين تنظر له نظرات حقدد وكره وغل ..
نظرات مليئه بالكره والحقد وكانها تريد ان تقتله الف مره
وان كل مره يموت فيها تريده ان يحيا مره اخرى لتقتله ميته ابشع من التي سبقتها ..

وهكذا اخذت هي تلك الصوره وقطعتها بيدها ووضعتها داخل جيبها مره اخرى ..
لكنها طانت تنظر الي تلك الصوره .. وكانها تحفر ملامح هذا الشخص .. داخل عقلها .
تحمل ملامحه في عقلها وكانها تقوم بنسخ الصوره الي ذاكرتها ... حتي لا تنساه ابدا ولا تحتاج لمجرد صوره تذكرها بملامح هذا الرجل الفاسق ..


ثم تبكي عينان الفتاه متألمه وتشعر بالحزن الشديد ..
ليس حزنا ...
هو اقرب الي القهررر .

اين العدل في حياه تلك الفتاه .. متي تراه وتحصل عليه

لعل العدل حقا قد مات وانتهي مع الفاروق عمر ..

لا تيأسي يا فتاتي .. فالله العدل باقٍ ستحصلين حقا يوما علي العدل والانصاف ..
تذهب تلك الفتاه في نوم عميق ..

تدخل الام الغرفه اكثر من مره للاطمئنان عليها فتجدها نائمه ..
وتجد ان هذا السائل قد انتهي فتقوم هي بازالته وازاله تلك الكانه في وريدها ..
ولكن الفتاه لا تشعر بشيئ علي الاطلاق وكانها لم تنام منش وقت طويل ...




تخرج الام من غرفه الفتاه وتتركها كي تستريح من هذا التعب ..
__ البنت حالها اي دلوقتي كويسن واحسن ولا ايه !

ايوا يا ابو علاء اكلتها وشربتها والدكتور ايهاب علقلها المحلول وخلص وانا اديتها الدوا ونامت ..


اه صحيح الدكتور ايهاب ربنا يجازيه خير جابلها ملابس
وحاجات تستخدمهاةعشان لما تفوق من الي هي فيه دا تلاقي حاجه تلبسها .

__ ربنا يحفظه ويبارك فيه .. محترم طول عمره ..

سبحان الله يا ام علاء خلفنا ولاد وكان نفسنا طول عمرنا في بنت وطول عمرك كان نفسك يبقي عندك بنت .. واهو اديكي عندك بنت ..
جاتلك البنت الي كان نفسك فيها .




لا لا يا ابو علاء احنا عندنا ولاد ودي بنت حلوه .. وبرضو مهما كان منعرفش اصلها ولا فصلها ..


__ سلمي امرك لله يا حاجه ومتسبقيش الاحداث يمكن يطلع ليها اهل ويبقو اولي بيها ..


طب ولو مطلعش ليها اهل بقي ..

__ لا اله الا الله هتفضل هنا عندنا ونكسب فيها ثواب ..
العماره دي عمارتنا وفيها اوضتين تحت جنب اوضه البواب
نفتحهم ليها علي بعض وتقعد فيهم واهي تشوف طلباتك لو مش عوزاها تعيش معنا ولا عوزاها زي بنتك ياستي ..



والله هي فكره .. طول عمرك تعرف ربنا وقلبك طيب وفيه الرحمه با ابو علاء ربنا مايحرمنا منك ابدا وتفضل كدا علطول معنا وواخد بحسنا.

حتي ياتي عليهم الصباح ومازالت الفتاه نائمه ..
تدخل عليها السيده منال وهي الحاجه ام علاء ..

وتقوم بإيقاظ الفتاه من نومها العميق ..
لتلاحظ ان الفتاه في حال جيده صحيا لكن يبدو عليها الحزن والاكتئاب ..


مشاء الله عال عال انتي اتحسنتي خالص عن امبارح ..
يلا قومي ادخلي الحمام خديلك دش حلو كدا ..
علي ما اجبلك الفطار ..