المُشرده ٦

يعني تاخدي كورسات تتعلمي لغات ..
تتعلمي مهاره معينه ..

بتسكت ليلي وبتبصله بصات فيها سخريه ..
وهاخد الحاجات دي ليه هتفيدني في اي !

طبعا هتفيدك يا ليلي هتطورى من نفسك جدا وتنميه
عشان حياتك ومستقبلك ..
ناقص كمان تقولي ادخل جامعه ..!!

طب وليه لاء ..

يا ايهاب انا هجيب مصاريف الجامعه والكورسات والحاجات
دي منين بس ..

ليلي وافقي انتي وكل حاجه هتقولي عليها هتتعمل
وهتبقي تحت امرك بس وافقي وانا متكفل بيكي في اي حاجه
دا طبعا لو هتوافقي ..

لا طبعا واي المقابل بقي قصاد كل دا !

مقابل اي !! مفيش اي مقابل.. انا شايف انك بنت مشاء الله جميله وذكيه جدا .. فحرام وخساره الجمال والذكاء دا مندعمهمش بعلم ويكونو مجتمعين مع بعض فتكوني كامله
مشاء الله .. ليه لاء .. لو الظروف يا ليلي مساعدتكيش
ليه لا اني مساعدكيش !!
هو كل الناس لازم يدو ضهرهم لبعض .ولو حد حابب يساعد غيره يبقي عاوز مقابل !!! .

ليلي بيكون دا مش هدفها خالص اصلا ..
ولا بتفكر في انها تتعلم او تطور من نفسها
هي وجودها هنا لهدف معين وبس ..

بس بتحس ان ايهاب انسان كويس في وقت غلط ومشاعر غلط

وبتقوله يديها فرصه تفكر ولو حست انها عاوزه تعمل دا وحباه هتوافق اكيد ..

لتفكر ليلي . ان فرصه الحياه والعيش الكريم منحت لها بعدما رفضت هي الحياه وسخطت عليها وزهدت فيها ..
ولم تعد تريد شيئا من الحياه بعدما لعنت حياتها وتركتها ولم تعد تريد من العيش شيئا ابدا ..

طب يلا بقي يا ايهاب نقوم نمشي انا عاوزه اروح
عشان ماما منال قالتلي متتاخريش .

هو انتي قولتيلها !!
انك خارجه معيا ..
اه طبعا قولتلها عمرى مخبي عن الست الي اكرمتني حاجه ..

بيتبسط ايهاب جدا وبيعجب بيها اوي ..
برافو عليكي يا ليلي ..

ليلي انا جايبلك هديه كدا ..
وبيطلعلها هديه وبيكون جايبلها موبايل احدث اصدار ..

وبتتفاجيي ليلي ..
بس انا هعمل بيه اي يا دكتور انا معنديش صحاب
وولا اعرف حد ولا بكلم حد وبعدين خايفه اوي كمان ان
ماما منال تزعل مني ..
او تفتكر اني طلبته منك ..
لا طبعا مش هتزعل هي بس ممكن تكون ماخدتش بالخا انك محتاجه موبايل في الوقت دا .
وبعدين لو انتي معندكيش صحاب فانا مش عاجبك بقي ولا اي وعموما انا مسجلك رقمي عندك ..

بجد انا مش عارفه اقولك اي ولا اشكرك ازاي ..

وبتمون ليلي متفاجأه من تصرفات ادهم واليىهي تصرفات نبيله وغير عاديه انها تطلع من حد في الزمن دا ..

وبياخدها ادهم وبيوصلها للبيت ..

ولما بتوصل ليلي بتدخل للست منال وبتحكيلها
عن الموبايل الي ايهاب جابهولها ..
بس الست منال بتكون حسه ان ايهاب دي مش طبيعته يخرج مع بنات ..
وان ليلي طالما بتاكل وتشرب وقاعده في مكتن هو مالوش اي علاقه بانه يساعدها
فبتشك فيه انه ممكن يكون معجب بليلي ..
وبتخاف علي ليلي منه لان ليلي بنت بسيطه جدا وملهاش اهل
وايهاب دكتور وليه مكانه وشان ومن عيله كبيره ..
وكدا ليلي لو هو قرب منها ممكن قلبها يتكسر ..
او تترفض من اهله لو حتي هو كويس واعجب بيها بجد

...
بتسكت الست منال وبتقولها انه كله زوق ولكن متقبلش هدايا من حد تاني ولو احتاجت اي حاجه هي هتجيبها ليها وهتعملهالها .... لانها بتحبها وبتعتربها بنتها ..

وببيفوت كام يوم والحياه في بيت الست منال بتبقي نعيم وبتحول ليلي بيتهم لبيت كله حيويه وشباب ونشاط . . .

وبتاخد الست منال ليلي في يوم وبتروح معاها للمول
وبيشترو للبس كتير للخروج وللبيت ..
وبتفرح ليلي جدا من حنان وحب وعطف السيده منال عليها ..

وبتكون بتقول لموظيفين وهما بيشترو انها بنتها ..
وكل الي بيشوفو ليلي بيعجبو بيها واللبس كله الي بتجربه بيطلع حلو اوي عليها وشكله بيطلع مظبوط عليها وجميل ..
وكمان بتجمله اكتترر.

بس يا ماما منال اللبس دا غالي اوووي اوي
وكتير انا كدا كلفتك كتير اوي ..
ملكيش دعوه انتي انتي بنتي ولازم تبقي بنت الست منال
مفيش حد احسن منها ولا لابس زيها ..
وكمان باباكي الحاج هو الي امر بكدا وهو الي مدينا الفلوس
واحنا الحمدلله ربنا ادنا خييير كتيرررر هنوديه فين يعني ..

ربنا يخليكي ليا يا ماما .. ولاول مره ليلي بتحس انها قالت للست منال ماما من قلبها .. وبتحضنها وعنيها بتتملي دموع ..

اي دا اي دا انتي هتعيطي يا لولو بجد ولا ايه ...
لا متعيطيش ..
وبعدين علاء ابني ومراته جاين عندنا يوم الجمعه ..
خلي بالك بقي عشان لازم قدام الحربايه دي تلبسي احلي واجمل لبس ..
وبتشترى الست منال خاتم واسوره دهب لليلي عشان متبقاش كدا معهاش اي حاجه .. تزينها ..

وليلي بترفض تقبلهم .. بس الست منال بتحلف انها لو ما اخدتهمش ولبستهم هتزعل منها ومش هتكلمها
وان دول هديتها منها ..
ولما لا تهديها هديه وهي تهتم بها وباكلها وشربها
ودوائها وتحكي لها وتقرا لها وتؤنس وحدتها اثناء وجود زوجها في مطعمهم او اثناء تواجده خارج المنزل ..

وتهتم ايضا بتفاصيل المنزل وبراحه زوج الست منال ..
الذي يعتبر ليلي بمثابه ابنه له ..
فقد عوضت ليلي الست منال عن ذلك الشعور السيئ بالوحده
وعن هجر اولادها لها وانشغالهم بنفسهم ومصالحهم اكتر من انشغالهم بامهم وحبهم لها وتقديرهم لها .


عاوزين بقي يا لولو نجهز غدا حلو عشان علاء ..
هنبعت البواب يجيب كل الحاجات الي محتاجينها وتساعديني

اقعدي انتي يا ماما وانا هطبخ كل الاكل انا اعمليلهم انتي حلويات ..

بس علاء ابني بيحب اوي ياكل من ايدي .

انتي خايفه معملش الاكل طعمه حلو ولا اي يا ماما منال
وبعدين دنا متعلمه منك اصلا فاكيد يعني هيطلع حلو
عوزاكي تثقي فيا بس ..

بتوافق الست منال وبتقولها امرى لله يارب يطلع حلو ..

ان شاء الله هيطلع حلو وبعدين انا هعمل الاكل دا تحت اشرافك انتي ومش هعمل حاجه غير لما اسالك ..

وبتكتب ليلي قايمه كبيره من الطلبات وبتديها للبواب ..
وبتسال ماما منال علاء بيحب اي ومراته كمان بتحب اي ..

وبتطلب من البواب الطلبات عشان تجهز الاكل ...

ولما بيجبلها البواب الطلبات بتسهر ليلي في المطبخ
بتعمل الاكل وتجهزه كله واخيرا بتخلص كل حاجه وبتغلفها كويس ..
وبتاخد شاور وبتدخل تنام ..
وتاني يوم بتصحي الست منال تلاقي المطبخ نضيف
وكل الاكل جاهز ومعمول ..
ومتغلف كمان ..
وبتتفاجيي ان ليلي مكننتش بتجهز لعمايل الاكل بس
لا دي عملته كمان كله وجهزته ...
ولما بتدوق الاكل بتتفاجيئ ان طعمه حلو جدا جدا ...
ويمكن احلي من اكلهااا كمان ..

وبعدها بتطلع للبيت بتلاقيه كله متنضف وممسوح ومتعطر

وبيرن جرس الباب وبيكون جالهم الورد الطبيعي الي ليلي موصيه عليه البواب انه يجيبه ليهم الصبح فريش
وبتاخده الست منال وبتساله مين جايبه ..

دي الست ليلي هي الي قالتلي واكدت عليا اجيبه لحضرتك
الصبح فريش ..


























 

































.