الرابع عشر

الرابع عشر متابعه للاحداث
في غرفه المكتب
جني وسيلا وملك وسليم كانوا في انتظار فهد وعمر
قالت سيلا ...مامي بلاش بابي يعرف باللي حصل كله
عشان مايزعلش من سليم .
ملك ...ي حبيبتي ي سيلا رغم اللي عمله لسه خايفه عليه
اتسعت عيناه علي طريقتها فتلك الجنيه تكذب والكل يصدقها
اومات هي بلؤم وقالت
ممكن تجيبوها فيااا وتقولوا انا اللي خبيت
جني ...لاء طبعا مش هنقول كداا لان باباكي وخالك هيزعلوا منك انتي وانتي مالكيش ذنب .قالتها وهي ترمق سليم بنظره غاضبه علي ما فعله بابنتها
هم سليم كي يتكلم .فتح فهد الباب وهو حامل ابنته
وبعده بثواني دخل عمر
فهد ..خير في حاجة حصلت
عمر ....في اي ي جني طالبتونا ليه
جني وهي تقترب منه وتطمئنه خوفا عليه
اطمن ي عمر مفيش حاجة مقلقه باذن الله
ثم نظرت ل ملك كي تدعمها فقالت ملك وهي تبتسم
عيله المهدي هتزيد فرد جديد......
فهد .....سديل حامل
ملك.....لا مش سديل
عمر بسعادة ...يبقي جني هي اللي حامل
ثم وجهه كلامه ل جني وهو يغمز لها قائلا ......مش قولتلك هنجيب فريد
جني بحرج منهم
لاء مش انا دي سيلا
تحولت وجههم صوبها وقالوا في نفس واحد
سيلا
اومات هي بخجل وقالت
ايوة
كانت علي وجوههم الكثير والكثير من التسألات
فاجبتهم ملك قائله
سيلا تعبت من شويه وجبتلها دكتورة من غير ماحد يعرف عشان ماتقلقوش
الدكتورة بتقول انها حامل وفي بدايه شهرها السادس
فهد بسعادة.....الف مبروك ي ولاد
عمر لا يقل عنه سعادة بعد ان حمد ربه
وناوين علي ايه باذن الله ي سليم ....
سليم ...مش ناوين علي حاجة انا مش هتخلي عن مسؤليتي
سيلا مندفعه ...ومين قالك اني عاوزة حاجة منك
فهد ...انتوا هتزعقوا لبعض في وجودنا
سليم ..لا ي بابا انا اسف انا مااقصدش
سيلا ..اسفه ي خالوا
عمر ...انتوا الاتنين قدمكم حل مالوش تاني
لازم ترجعوا لبعض
سيلا معترضه ....لا ي بابي من فضلك
انا مش عاوزة ارجعله
سليم .....مش بمزاجك
سيلل.....لا طبعا بمزاجي ايييه هترجعني بالعافيه .
سليم ..ايوة لو انا عاوز هرجعك بالعافيه لكن انا اللي مش عاوز
سيلا بحزن لم تظهره وغضب .....
لا ي استاذ لا هرجعلك برضايا ولا غصب عني
ومسؤليتك انا بعافيك منها
سليم بحده نوعا ماا .....يعني ايه
يعني اللي بطني ابني انا وبس انا اللي هصرف عليه
وهتكفل بكل حاجة
سليم بغضب منها
لا ي هانم داااا ابني انا وانا اللي هتكفل بكل حاجة سواء رضياتي او لاء
يعني ايه
يعني طووووووز في كلام حضرتك
عمر بصوت جهوري .....انتي وهووو مش عاملين حساب لينا وعمالين تناقروا في بعض اييييييه
جني بقلق عليه
عمر اهدا هتتعب تاني
انتي مش شيفاهم عاملين ازاي
فهد مهداء للصغيرة التي صرخت علي اصواتهم
ملك.... فهد هات البنت اوديها للناني
فهد بعند .... لاء سيبيها
عمر وهو يتظاهر بالتعب
انتوا الاتنين سمعتوا اللي قولت عليه رايكم ايه
سليم لم يتكلم اما سيلا فقالت
لاء ي بابي انا و هو مش هينفع نرجع
عمر وهو يتظاهر بالاعياء ويضع كفه علي موضع قلبه
اااااه
جني وفهد وسيلا وملك وسليم بزعر عليه
جني عمر فيك اييه
سيلا ببكاء. . ...بابي فيك ايه ي حبيبي
فهد حاسبي ي جني انتي وهي
وحاول ان يفكك رباطة عنقه
فغمز له عمر فعلم بانه يتصنع التعب
عمر وهو مازال يتظاهر .....هسيبكم 10دقايق
وهطلع اوضتي ومستنيكم
ي توفقوا علي قراري .ياانا لا عمك ولا انا ابوكي
سااامعين
سيلا ببكاء ...حاضر ي بابي
سليم .بقلق عليه ......حاضر ي عمي بس حضرتك هدي نفسك واللي انت هتطلبه احنا هنفذه
نهض من علي كرسيه وجني تسنده هي وفهد
حتي اخرجوه من غرفه المكتب وصعدوا به الي غرفته
وتركوهم وحدهم
سليم بغضب منها وهو يقترب بشر بصوت ارعبها
بقي انا كنت عاوزك تنزليه وانا اللي قولتلك خبي حملك
مش كدااا
سيلا بزعر منه وهي تتراجع
لو سمحت ي سليم كدا كداا ما ماينفعش
انطقي ليه قولتي كدااا
كادت ان تتعثر فحاوط ذراعه علي خصرها جاذباً اياها حتي لا تسقط
سيلا ...بتألم .....ااااه
سليم بزعر عليها وهو يجذبها اكثر
حصلك حاجة فيكي حاجة بتوجعك
سيلا وهي رافعه له عيناها بنظرات عاتبه مشتاقه
محبه لائمه
لا انا كويسه كنت هقع بس
اعدلها سليم بارتباك من قربها وقال وهو يتظاهر بالبرود
وكأن قربها لم يأثر عليه
احم ....هتعملي اي في اللي عمي قالوااا
سيلا ....وهي تحاول ان تلملم شتات نفسها
مش ..مش عارفه
لا لازم تعرفي ال 10دقايق خلصت .
قالت سيلا كي تثير غضبه
انا موافقه اننا نرجع لبعض
بس طبعا بيني وبينك لاء
سليم وهو ينظر لها ...تقصدي اي
سيلا ....اقصد انا وانت مش هنرجع زي الاول في حاجات اتكسر وصعب انها تتصلح
وبابي تعبان ورفضنا هيأثر علي صحته
سليم وهو يربع يده امام صدره كملي
احم ...اللي ااقصده ااننا هنرجع قدمهم بس عشان خاطر بابي
لكن بيني وبينك لاء
سليم اوك اقتراح كويس
انا اصلا كدا كدا مااكنتش عاوز ارجع بس صحه عمي اهم
سيلا بغيظ ...انا بقول كدااا ويلا عشان نقولهم
ذهب من امامها واتجه صوب الباب وقال ببرود
ورايا
اغتاظت سيلا من بروده معه
حتي انه لم يعتذر لها او يصارحها بحبه
ولكنه يتعامل معها ببرود وكانها هي من اخطأت وحدها
صعدوا واخبروا الجميع برجوعهم لبعض
فقال سليم حتي لا يخبرها بانها علي ذمته
انا هروح للمأذون وهرجعها النهاردة
فرح الجميع لهم
اما هم فتجمعهم مشاعر مختلطة
عناد وفرحة وشوق وحزن وغرور
فكلهما مشتاق محب عاشق وايضا عنيد
فمن الذي سيربح عنادهم ام عشقهم
.......
في مساء هذا اليوم في فيلا فهد
كانوا يضحكون باصوات عاليه
الثنائي العنيد سيلا وسليم
سليم الذي يختلس النظرات لسيلا بين الحين والاخر
والعنيده العاشقه التي تتصنع عدم الاهتمام له
وادهم وادم وسديل وعز ووعد المتعبه

مالت وعد علي عز وقالت
عز انا عاوزة اطلع انام
عز مقبلا كفها ....اوك حبيبتي تعالي نطلع .
وعد ... لا خليك معاهم
عز ...لا ي روحي هطلع معاكي
نهض من مكانه وهو ممسك يدها وساندها حتي نهضت
فقال معتذرا
معلش ي جماعه هطلع انا عشان وعد تعبانه شويه وعاوزة تنام
ملك بقلق عليها ......حاسه بحاجة حبيبتي اتصل بايمان
وعد .....لا ي ماما ماتقلقيش انا عاوزة انام بس
ملك بابتسامه عذبه ....اوك حبيبتي خدي شاور دافي وانتي تحسي بتحسن وانا هعمل كوبايه عصير تشربيها حالا
لا ي ماما ماتتعبيش نفسك
لا حبيبتي مفيهاش تعب ولا حاجة
استاذن منهم وصعد معها
جلست علي الفراش بعدما اخذت حمام كي ينعشها
جلس بجانبها وناولها كوب العصير
بعدما انتهت منه سحبها لحضنه فقالت
عز انت مضايق مني !!!
عز وهو يقبل اعلي راسها
لا ي روحي مش مضايق ليه بتقولي كدااا
ابتعدت وعد عنه قليلا وهي رافعه وجهها
....يعني حساك كنت عاوز تقعد معاهم كانت القعدة حلوة
عز بود ....حبيبتي فعلا حلوة بس لو انتي مش قاعده فيها مش هيبقي ليها طعم الحته اللي انتي بتكوني فيها ي وعد هي دي راحتي وسعادتي
وعد...ي حبيبي ي عز ربنا يخليك ليا انا بحبك اوي
قبلها علي شفتيها بقبله ناعمة وقال
مش قدي ي روح عز ويلا بقي تعالي نامي في حضني
مددها وتمدد بجوارها وسحبها لتنام علي صدره ككل يوم


بالاسفل مازالوا يجلسون ويتسامرون ويضحكون
بكت ملك الصغيرة التي كانت علي يد فهد
ملك ...هاتها عشان اكلها واغيرلها وانيمها
فهد .....لا سيبيها شويه
ملك بغيظ ...موال كل يوم هاتها ي فهد وبطل عند
فهد .....انا اللي بعند قولي انك غيرانه منها
ملك ...انا اغير م المفعوصه دي
فهد وهو يبتسم كي يغيظها
ايوة بتغيري منها اعترفي
ملك بغضب طفولي ...ماشي ي فهد انا هنام في اوضه فهد الصغير وابقي خلي المفعوصه دي تنفعك
قطع كلامهم عمر حينما نهض وقال
انا طالع انام
قال فهد ......لسه بدري خليك شويه
عمر ..لا وريا شغل بكرة بدري هطلع انا عشان الحق اناملي ساعتين
فهد...... اوك انا كمان طالع
ثم وجهه كلامه ل سليم وسيلا وقال
يلا ي سليم اطلع وخد مراتك في ايدك
ابتلعت سيلا ريقها بتوتر وقالت
لا احنا هنقعد شويه مع ادم وسديل
نهض هو وقال وهو يمسك يدها
لا انا كمان وريا شغل بدري يلا بينا
قامت معه وصعدوا الي غرفتهم في توتر منها وترقب منه
اييييه هنفضل واقفين كدااا كتير
دخلت هي وهي تتذكر تلك الليله التي اصبحت فيها امراته وزوجته شرعا تذكرت وقت ما كان يبثها حبه وعشقه
تذكرت عندما كانت ذائبه بين يديه
وتذكرت ايضا عندما اتي الصباح واصبحت طليقته
تنحنح هو وقال
عاوز اتكلم معاكي كلمتين
قالت بصوت مختنق ...هدخل الحمام ثواني وراجعه
اوك
دخلت هي فكانت تبكي غسلت وجهها وجففته وبعد ما اخذت نفسا عميق خرجت له مرة اخري
عاوزني ف اي
اقعدي
لا مش عاوزة اقعد قعدت كتير ورجلي شادة شويه
قال بلهفه ....تحبي نروح المستشفي ولا اجيب دكتورة
سيلا وهي تحاول ان تهرب بعيناها بعيدا عن ناظريه
لا الحكايه مش مستاهله
لاحظ احمرار وجهها واحمرار عينيها
كانت تبكي نعم يريد ان يأخذها ويعتصرها بين اضلعه

هو اخطاء نعم بتركها ولكن كان رد فعل ليس اكثر
اخذ نفسا عميق ثم قال بصوته القوي .....
طبعا الوضع اللي احنا فيه اتفرض علينا
انا مش هغصبك علي حاجة يعني زي ما قولتي زوج وزوجة قدمهم بس
لكن انا ليا حقوق وواجبات عليكي
حاجتي هتبقي من اهتماماتك انتي وبس مابحبش حد يعملي حاجة غير امي بس دلوقت ليا زوجة هتشوف طلباتي
اما عن شغلك
اندفعت هي وقالت
مش هسيب شغلي ي سليم
قال بحدة.....مش بمزاجك تسيبيه او لا انا اللي ااقول ودا حقي
فقالت .....وفين حقي انا
رد عليها قائلا .....شوفي طلباتك وانا هنفذها
انا مش عاوزة حاجة منك
قال بحدة ايضااا ....مش بمزاجك بردووو طلباتك واي حاجة تخصك بقت تخصني ''اللي عاوز ااقوله بخصوص شغلك
مفيش سفر ولو حسيت انه خطر عليكي وعلي اللي في بطنك هيبقي مفيش شغل
قالت بتحدي ... .....انا ادري منك اذ كان خطر عليا او علي اللي في بطني انا اخاف عليه اكتر منك
انت ماكنتش هتعرف بيه لولا الصدفه
دا ابن الغلطة وانت قولتها قبل كدااا ولا ناسي اسف كانت غلطة
يعني حكايه الخوف دي انا بعفيك منها
قام من مكانه بعنف ووقف امامها وقال
اللهجة بتاعتك دي تتغير وداا اولا
ثانيا اللي في بطنك سواء كان غلطة او لاء ابني او بنتي يعني مسؤليتي
ثالثااااشغلك او اي مشوار مش هتروحيه لوحدك
سيلا بنبره ساخرة ....ودا ليه قله ثقه
سليم ....لا طبعا عشان مش قله ثقه قله ثقه فيكي يعني موتك علي ايدي ي سيلا
سميها قلق وماتخافيش مش عليكي لاء ي سيلا علي ابني او بنتي
دمعت عيناها فقالت كي تهرب من امامه
في حاجة تاني
لا
همت لتتحرك من امامه فقال
عل فين
فقالت بنفاذ صبر ...علي الحمام اييه ممنوع
سليم ...لا مش ممنوع اتفضلي
دخلت هي وبكت ايضا وبعد دقائق خرجت عليه وهي ترتدي قميص
مريح فتوجهت صوب المراءة ومشطط شعرها
ووضعت بعض الكريمات
امام نظرات سليم التي تبعتها وكان يتفرس بها كل تفصيلله تخصها
عيونها الامعه
شعرها الذي يعشقه بكل تفصيله لونه لمعته نعومته رائحته
ورقبتها التي كان يلتهمها بين شفتيه ووجنتيها الناعمه
وشفتيها التي تسكره كلما تذوقها
نزل بعيناه الي بطنها الذي ينام بها طفلهم ثمرة عشقهم
ود ولو ينهض من مكانه ليحتضنها ويحتضنه ليلتحما معا

كانت تلاحظ نظراته لها ولكنها تجاهلتها
انتبهه علي نفسه فدخل ايضا وابدل ملابسه ل شورت قصير فقط
اتسعت عيناها عندما راته هكذا وهو يقترب من الفراش فقالت
اييه دااا
قال وهو يتصنع البراءة .... اييه
ايييه دااا اللي انت عامله من فضلك البس هدومك وياريت تراعي اني معاك في الاوضه
قال بلا مبالاه ....وانا عملت ايه
حضرتك قالع
لا مهو انتي تتعودي علي كدااا انا عاداتنا بنام من غير هدوم خالص
فتحمدي ربنا اني هنام بالشورت دااا
قالها وهو يزيح المفرش ويتمدد علي الفراش فقالت
انت بتعمل ايه
زي ماانتي شايفه هنام وبطلي دوشه واقفلي النور
هبت واقفه فقالت
لا مش هينفع ننام جمب بعض
قال ببرود اغاظها
اوك شوفي هتنامي فين واقفلي النور
واعتدل ثم وضع ذراعه علي عيناه وهو ممدد
فقالت بحدة ...ااييبه اللي بتقوله داا اشوف انام فين!! هنام علي السرير طبعا
قال ..اوك نامي من غير صوت
قالت ... يوووووه انتي ايييه اللي بتعمله دااا
لو سمحت قوم من هنا عاوزة انام
سليم ...ااقوم من هنا !!!!
سيلا ....اييوة
سليم ....لييه
سيلا ....عشان انام
سليم ....ماتنامي حد ماسكك
انا مش هنام جمبك
قولتلك اوك
يعني اييه انام علي الارض
سليم ....اللي انتي عوزاه اعمليه
سيلا .. يووووة بقي
ووقامت من جانبه وسحبت وساده وغطاء لها
وتوجهت صوب الاريكة ووضعتهم بغيظ وتمددت
تظاهر هو بالنوم وعدم الامبالاه
اما هي فكانت تتاكل من الغيظ علي بروده معها
بعد مده ذهبت في سبات عميق فقام من مكانه ووضع يده تحت ركبتيها والاخري خلف رقبتها وحملها ووضعها علي الفراش برفق
فتحت عيناها بنعاس وهمت للتعترض
اسكتها هو قائلا
هوووووشششش نامي والصبح اعترضي انا تعبان وعاوز انام