الفصل الثالث

رحيق وهي تطرق باب مريم بعنف : افتحي يا مريم

مريم : مييين مش سامعة كويس الصوت معلش

رحيق : في عصبية يا بنتِ مش وقتك افتحي

مريم : اهدي اهدي العمارة حلاص فتحت ادخلي

رحيق : اكيد سمعتي صوتنا واحنا بنزعق صح

مريم : سمعت يا ستي بس انت برضو طريقة كلامك مش احسن حاجة يا رحيق انت ساعات بتنسي انك بتكلمي مامتك تقريبا

رحيق : مريم افهميني شوية انا تعبانة منهم هما اه موجودين وانا عارفة انك عمرك مهتغلطيهم بس دول غير اهلك الله يرحمهم انت لحد دلوقت فاكره ليهم الحلو وبفتكره معاكي ولولا ذكراهم اللي كانت قدامي كنت فقدت الامل في الدنيا اكتر بس اهلي مش زيهم انا مش عارفة افتكر حلو انا مش لاقية حلو مش عايزة اصلا اشفهم انا قرفانة ومخنوقة يا مريم

مريم والدموع في عينيها : انا فاهماكي والله واللي هقوله ده مش نقص مشاعر مني هو اه طبعا في نقص وكبير بس مهما كان بالله عليك متعمليش اي تصرف يخليكي تندمي بعد كده انك عملتيه ربنا يبعد عنك احساسي بعد السما عن الارض وعارفة ان حالتي غير حالتك بس بصي للابعد هما جمبك بدل ما نقعد نكره في الحال اللي احنا فيه لحد ما يمر الوقت ويفوت ونندم تعالي نصلحوه علي الاقل في فرصة يا رحيق في فرصة

رحيق : وهي تعانق مريم انا اسفه والله اسفه انت عارفة ان مش قصدي ومراعياك اوي اوي اوي وانت عندك حق وانا هحاول بس هما بس يساعدوكي وبعدين يا هبله امال مين اللي هيتجمع معانا في الجنة ونبقوا سوا كلنا ان شاء الله

مريم : عارفة يا رحيق انت مش محتاجة تقولي بس انا برضو مش محتاجة اقولك اني منستش عشان افتكر اصلا صح

رحيق : صح يا مريم صح يا حبيبتي والله انا عارفة انت جبل يا مريم انت بطلة حياتي تعرفي ده بطلة حكايتي مش انا البطلة هنا ربنا يعلم انا كل يوم بدعي ان ربنا يكون معوضك عن كل ده بشكل يعادل كرمه وربنا مش محتاج توصية وواثقة زي عينيا انك هتبقي اسعد خلقه وبعدين دول حوالينا في كل ركن في البيت يا عبيطة وكل الذكريات قدامنا اهي

مريم : مش يمكن ده اللي بيوجع يا رحيق

رحيق : لا يا مريم متقوليش كده ده مش انت انا عارفة ده من وجعك احنا بنشتغل علي نفسنا لحد ما الذكريات دي تكون سبب اننا نكمل اصلا تتمني ان ذكريات اغلي الناس عندك اللي هي اصلا جزء من روحك تتمحي طب مشاعرنا عايزة تفقدي قلبك

مريم : عمري عمري ما اتمنيت ده يا رحيق بس كتر الوجع ده صعب حاسة اني مبقتش عارفة اتحمله حاسة اني هتجن مش ببطل اشوفهم بقيت حاسة ان وجعي ده هيتغلب علي تمسكي بذكراهم مع اني برضو عارفة اني مقدرش اعيش من غير وجودهم في حياتي حتي لو ذكري ذكري تخيلي بقول علي اهلي ذكري يا رحيق تخيلي فات سنة وبرضو مش مستوعبة

رحيق : الاهل يستاهلوا مننساهومش طول العمر يا مريم بس قصاد ده هنكمل هنستمر هنفضل تعبانين بس هنفهم اللي حصل هنحاول مرة واتنين وتلاته وكمان احنا سوا متقلقيش انا سيباكي سنة تخبطي ترزعي تنهاري وتدي كل حزنك وقته عشان مش هقدر اقولك حاجة ومش عايزة اكون مبقدرش بس استعدي من دلوقت اني هسحبك من كل ده في اي وقت يا مريم من كل الجهات بقي اللي باظت في حياتك دي بس المره دي مفيهاش انسحاب زي الاول انا سبتك اهو ولسه هسيبك بس واحنا بنكمل وبنتحرك من مكانا

مريم : كله هيبقي كويس انا عارفة وواثقة في ربنا وفيك

رحيق : وانا هنا دايما

مريم : ادي دموعي يا ستي

رحيق : يادي النيلة ايوه فوقيلي بقي يا ستي انت لسه تعبانه روحي نامي يلا

مريم : هاها يا حبيبتي ده كان تمويه

رحيق : طب ينفع نتكلم بكره يا مريم عشان فعلا مش قادرة انت نفسك شايفة اليوم طويل وصعب ازاي وفعلا مش قادرة اتكلم

مريم : ينفع يا رحيق احنا النهاردة فعلا تعبنا كتير من اول اليوم خليها بكرة عشان نركز اكتر حتي

رحيق : ياه عليكي ماشي يا حبيبتي يلا تصبحي علي خير
مريم : وانت من اهله

خلدت للنوم ولكن انتظرتها حتي تأكدت من انها نامت بعمق وخرجت من الغرفة لم استطع النوم مطلقا لم يتركني عقلي في حالي واريد ان ابكي منذ الكثير امامها لكنني تمالكت نفسي حتي لا اجعلها تبكي اكثر وتتعمق في الحزن ولقد تعبت معي اليوم كثيرا كالعادة ولكن حقا عقلي انا لا يستوعب فماذا ستفعل هي اكبر حقيقة في هذه الدنيا حقا هي الموت ولكن ياخذ الشخص وقت كثير جدا لكي يجعل ذاته مستعده ومتقبله ان هذه الفكرة ستحدث في يوم ما
وعلي الرغم من هذا فانه ايضا لا يستوعب الفكرة ولا يتقبلها باي شكل من الاشكال وان حدثت يشعر وكانه في حلم عقله يستوعب بعد الكثير حقا ويوجد عقول لا تستوعب الامر من الاساس ولا تسمح لنفسها ان تستوعب من الاساس

اعلم ان الله لا يكتب لشخص شيئا الا وكان يكتب امام هذا التعب نتيجة الصبر وايضا يعطي طاقه لتحمل هذا الامر لكن هذا لا يزيل الالم فانها دار الشقاء ونحن نعلم هذا تستيقظ في يوم لا تجد من كان معك وامامك تبحث كثيرا لا تجده تنتظره في تفاصيل يوم مجددا ولا تجده تشتاق لملامحه تريد ان تراه تقبله تعانقه ولا تستطيع ان تفعل هذا مطلقا والمرعب في الامر حقا ان هذا لن يستمر لمدة يوم او اثنين بل طوال الحياة والتفكير في هذا الامر مرعب اكثر واكثر ما هذا الفزع باكمله

انا اخشي الفراق حقا واشعر بالرعب فقط عند التخييل اشعر بالغثيان وافقد اعصابي ولكنني امامهم جميعا قوية ولكن عقلي يشعر بالجنون ولا يستوعب ايضا اتذكر اليوم الذي حدث به الحادث كنت في حالة مخذية حقا لن اقارن حالتي بحالتها بالطبع فهي ذهبت الي عالم اخر من ذدة الصدمة عليها ولكن انا كنت مدركه جيدة وهذا عيب بالنسبة لي لان ادراكي يرعبني اكثر وفي نفس الوقت عقلي يحتاج وقت لكي يفهم هذه الفكرة

لا اعلم ماذا حدث حقا حينها لكنني نظرت جيدا لباب المنزل انتظر مجيئهم كالعادة وانا واثقه ان هذه المرة لن اري احد منهم مجددا حالة من الادراك والزعر والرعب حقا وكت اسمع كل شيء انهيار مريم وحديثها الغير مفهوم وبكاء الباقية وحديثهم كانت اذني تنصت لكل حرف وكانها منتظرة ما يقال لكي يرعبها اكثر واكثر كنت اريض الرمكض بعيدا بعيدا جدا لكن كيف يجب ان اكون الاقوي هنا لكي لا ينهار احبائي ولا يجدوا من يسعفهم ويقول لهم ان هذا باكمله سيمر شخص يعانقهم ويثبت علي قلوبهم

ولكن قلبي انا ما زال لديه مخاوفه الذي لم يستطع التخلص منها حتي الان ولكن انا في اليوم الان صديقتي حياتها بالفعل تنهار امامي ولا استطيع ان امنعها لانني حقا اشعر ان لا يوجد لدي الحق ان اقول لها كلمة واحدة نعم لقد حاولت عدة مرات وهي ايضا حاولت كثيرا ولكن عند عدم استطاعتها ان تستمر كنت لا اضغط عليها بل احزن معها ولكنني اشعر بالضعف الشديد وان يدي مربوطة بشيء ما لا استطيع تحريرها ولا استطيع ان اساعدها فماذا افعل هذه مشاعرها ماذا سافعل في مشاعرها وحقها في الحزن لا استطيع ان افعل شيئا دون الجلوس بجانبها لتبكي يوجد اوقات اصمت بها ويوجد اوقات ابكي معها لا استطيع التحدث في جميع المرات اشعر في بعض الاوقات انني اريد ان اخذ من هذا الوجع اليذي بروحها لدي ترتاح قليلا علي الاقل كنت اتمني لو استطيع ان افعل هذا حقا

مريم : يا فنانتنا قومي اي كل النوم ده شغلك يا فنانة هيكرشوكي تاني يوم تكريم

رحيق : النور يا مريم عيني حرام عليكي انا نايمة متاخر ملحقتش

مريم : ده اسمه اي ده منا نايمة زيك ولا اوعي تكوني يا بت سهرتي من غيري ونيمتيني وسهرتي يا نهارك ابيض انا هروح اشوف الشوكولاتات اللي اشتريناها بليل سوا

رحيق : اتهدي واطلعي برا بقي مكلتش حاجة وطفي النور انا مش رايحة

مريم : ياه بس كده واطلع واطفي النوم وتقومي بعدها بخمس دقايق تلبسي عشان مبتقدريش تغيبي

رحيق : ايوه بالظبط والله عندك حق مش عارفة اعمل ايه في نفسي بجد انا نفسي مليت ايه رايك اغيب بجد

مريم : كان نفسي اقولك غيبي ومتقلقيش مش هسيبك لفراغك وهنعمل حاجات كتير سوا هاخدك نروح ناكل مثلا كالعادة بس للاف مينفعش تغيبي تاني يوم تكريم شكرك هيبقي وحشش ده غير ان استاذنا المشرف الجديد ممكن ينور اظن ممكن تحصل مينفعش يجي وميلاقيكيش يل دكتورة

رحيق : عندم حق صحيح شكلي هيبقي وحش قدام المشرف لو جه هساخد انطباع مش حلو بس متدخليش الامور برضو في بعض بالله عليك فاهماني انت صح

مريم : شوف اللي علي راسها باطحه مدخلتش حاجة يا حبيبتي انا بتكلم عادي

رحيق : يوووه طيرتي النوم من عيني حتي الخمس دقايق اللي كنتت بسرقهم قبل ما اقوم ضيعتيهم عليا
مريم : هاها ثم جرت الامور كمان خططت لها قومي يلا

ارتديت ملابسي وتناولت الفطور مع مريم وشعرت انني افضل بعدما استيقظت رائع النوم حقا ذهبت للعمل الذي ينتهي عصرا وهذا عملي فقط الذي ينتهي عصرا في الشركة مراعاة لعملي الاخر ولكن ايضا استطيع ان انهي عملي باكمله قبل ان اذهب فانا ماهرة بالطبع اعلم اعلم لا داعي لقول هذا

مني صديقة رحيق : في العمل صباح الخير يا رحيق

رحيق : صباح الخير يا مني اتاخرت عليكوا

مني : لا يا بنتي انا لسه جاية حالا اصلا وكلهم متجمعين جوا عندنا اجتماع تعالييلا ندخل واه صحيح في المشرف الجديد ده

رحيق : اجتماع بسرعة كده ده ايه الحماسة دي بس تمام حلو وبمناسبة المشرف فاحنا لازم نتعود بقي ان في شخص جديد هيشرف علي كل شغلنا تخيلي يا مني انا اللي بشرف علي شغلك وبكمل شغلي علي شغلك هتلاقي حد يشرف كمان علي شغلي انا وانت ويدخلنا شغل جديد وحاجات من دي ده الله يكون في عونك ده انا متقبله الفكرة بالعافية بس تما كله لمصلحة الشركة

مني : متحسرنيش بقي بس عندك حق يلا عشان منتاخرش
رحيق : يلا