حياه الجزء السابع

حياه ، انتي ازاي تتعاملي مع آسر اخويا كدا ! لا بجد فهميني !
انتي كمان مبترديش عليا !
انا بس نفسيتي تعبانه يا دكتوره شيرين انا اسفه لحضرتك واسفه لآسر كمان ..
باشمهندس آسر يا حيااااه

واسفه لباشمهندس آسر كمان .
وبتنهار حياه في العيط .
وبتصعب علي شيرين وبتحس انهم ضغطو عليها
طيب طيب يا حياه خلاص اهدي متزعليش .
ولا تزعلي من آسر ..
انا مش زعلانه منه اصلا انا بجد تعبانه وحسه اني تقيله عليكم ومسببلكم مشاكل ..
لا يا حياه متقوليش كدا .. وبعدين هو حد يلاقي حد زي آسر اخويا دا بيهتم بيه وواخد باله منه كدا ويبقي عاوز يفرط فيه دا بيعتبرك اخته الصغيره وهو بنفسه قالي كدا .
هو آسر قالك كدا !
اه والله . وبتعيط حياه اكتر ومبتكنش عارفه هي بتعيط ليه اساسا .
طب بتعيطي ليه دلوقتي يا حياه .
مش عارفه والله بجد

وآسر بيروح عند ادهم البيت وبيبان مضايق .
حصل ايه يابني مالك !

مفيش مخنوق ومش في المود سيبك مني .
اسيبني منك ايه بس في ايه .
مش عارف انا مش عارف بجد البنات دي التعامل معاهم صعب اوي .. البنت مخها ناشف جدا ومش عارف اتعامل معها !
بنت ! بنت مين
حياه يا ادهم بنت عمتي الي حكيتلك عنها ..
اه اه ومالها دي هي الي عامله فيك كل دا !
مش عامله حاجه فيا هي .
طب عملت ايه
؟
ها
مفيش معانده ومش بتاكل ولا تشرب حاجه من الصبح وجبتلها حاجات تاكلها مرضيتش فانفعلت اوي عليها واتعصبت ولما بتعصب ببقي قاسي شويه.
فمعرفش ضايقتها ولا اي رد فعلها دلوقتي مش عارف بجد

لحظه !
انت بتفكر في مشاعرها هي مش مشاعرك انت انها مضيقاك .
بس هي مضايقتنيش اصلا ..
بيبصله ادهم بصه غريبه نعم يا عم نعم انت مش شايف انت عامل ازاي .. اقولك انا الي مضايقك ..
مهي معملتش حاجه هي البنت كانت مش عاوزه تامل وانا الي غصبت عليها وبعدين عندت وبتكلمني بقرف كدا نا مش عارف عملتلها ايه اصصلا ...

امم امم خلصت !
طب تشرب قهوه ولا اسبريسو يا اسر
لا مش عاوز حاجه يا ادهم ..
تصدق بقي يا آسر انا بقي عندي فضول اشوف حياه دي .

هتشوفها كدا كدا هعرفها عليكم اصلا .
انا قدمتلها في طب بشري جامعه خاصه هنا ..
والله طب دي حاجه كويسه جدا ،
اها .. ربنا يصبرني علي الحياه بقي ، لحد ما تخلص كليتها .
مش عارف هستحمل جو العيال دا لحد امتي

هههههه الي جابلك يخليلك يا حبيبي .

بطل تريقه يا زفت بطل تريقه .
طب هتعمل اي دلوقتي ..
لا انا هقوم اروح ....
هههههه وحشتك يا حبيبي .
وحشتني ايه اتلم بقي يابني اتلم .


انا تعبان وعاوز اروح ارتاح ..
طب ايه هتخرج تسهر معنا ..!
مش عارف والله هكلمك .
طيب تمام يا حبيبي ...
بيروح آسر البيت وبيكون عاوز يشوف حياه فعلا ويطمن عليها ..
واول ما بيدخل آسر بينادي علي حياه

حياااه .
حيااااااه ، حياااه
وبيروح يخبط علي اوضتها وبتقوله اتفضل ...
بيدخل آسر اوضتها وبيسيب الباب موارب ..

اي بقي مش بتبصيلي ليه يا انسه حياه ، زعلانه مني !
بتبعد وشها عنه ومش بترد
اله دا بجد بقي ...
طب ينفع كدا الوش الحلو دا يبقي زعلان مني ومشفوش قبل ما انام ..
وش حلو اه !!!
آسر بصوت حزين بتنادي حياه علي اسر
هو انا يا اسر تخينه اوي !
يعني مش حلوه شكلي مش حلو او جسمي مش حلو ..
تخينه !!
مين قالك كدا !
نيفين خطييتك ...
اممم هو دا الي مغيرك وتاعب نفسيتك اوي كدا !
بصي هي نيفين كدا بجد مش عارف قالت كدا ليه كانت حاجه مش لطيفه متزعليش يا حياه ..


يعني انت مجاوبتتيش برضو يا آسر
انا تخينه ..
طب بصي لفي كدا !!
بتلف حياه ..

جامدده بطه كدا اوي .
يعني تخينه. .. !!
حلوه اوي ومظبوطه اوي والله وعاوزك واثقه في نفسك مش كدا ، ااتفقنا مش عاوزك عبيطه كدا وهشه اي حاجه تهزك او تاثر فيكي ..

هو دا بقي يا هانم الي كان مانعك عن انك تاكلي طول اليوم ومش طايقه حد ...
بتبصله حياه كدا وبتقوله ايوا بصراحه ..
هههههههه يا مجنونه انتي مجنونه والله وبيحط ايده علي خدها وبيحسس عليها....
ممكن تاني مره لو حاجه مزعلاكي او مضيقاكي تيجي تقوليلي علطول يا حياه ممكن !!
مش تعملي زي النهارده وتقلقيني كدا وتضايقيني وتخليني اتعصب...

حاضر ...
ومتزعليش من اي كلمه نيفين تقولها اصلا ..
ولا تاخدي علي كلامها .. واصلا انا مش حاببكم تتقابلو كتير ..

ليه هو حصل حاجه ..
محصلش حاجه بس محبيتش طريقه كلامها معاكي فعشان كدا مش حاببكم تتصادمو وانتي لمضه وممكن تبهدليها ..

والله لا متخافش مش هاكلها يعني !
اي دا وهو انتي بتاكلي بني آدمين ..
ننننن بطل رخامه ...
لا بجد بتاكليهم ازاي ..
بكلهم كدا همممم هههممم همم
يا ساتر هتاكليني وبيمسك ايديها الاتنين ويايدها وبتلف حياه عشان تفك ايديها وبيكون ضهرها لآسر وبتبقي في حضنه وبيتخانقووو بهزار كدا وبيشم آسر ريحه شعرهاا .
ااااممم ههههه وكمان غاسله شعرك بالشامبو بتاعي ، دنا هموتك لو لمستيه تاني ..
هلمسه والله وهحط منه بقي...
والله دا عافيه وبتلف حياه وبتبص في عيون آسر وبتقوله آه
عااافيه ... هااا.
وبيتثبت آسر وبيسرح في عينيها ..
هجبلك منه يا حياتي حاضر.

وبتكون واقفه شيرين وسمعاهم وشايفه كل الي بيحصل ...
وبتفهم ان اخوها شكله كدا وقع في حب حياه او بقت مسيطره عليه .
ولولا ان شيرين عارفه شخصيه اخوها وانه محترم وراقي اوي ومشبيفكر بشكل راجعي او متخلف ..
كانت فهمته غلط وان عاوز حاجه مش كويسه من حياه .
وبتقلق علي اخوها ..
وبتحس ان حياه ممكن تكون قاصده تخلي آسر يحبها خصوصا انهها ملهاش حد فعاوزه تحصل علي آسر .
وكمان آسر مش اي حد
آسر يعتبر ثري جدا وبنات اغني عائلات مصر يعرفوه ومركزين عليه كمان .
ومحبوب جدا غير انه شخصيه قويه ..
وبتحس شيرين ان آسر مستحيل يكون من نصيب واحده زي حياه وانها بسيطه ومش من مستواهم ولا عائلتها ند ليهم كمان
وان اهلها اصلا كانو ناس واطين حتي معاها .
فازاي ممكن اخوها يحبها . ..
وبتقطع كلامهم شيرين وبتقول لآسر حمدلله علي السلامه يا بشمهندس ..

وبيتكسف آسر منها
وبيبعد بسرعه عن حياه وحياه بتقف هي كمان متوتره ..
اي مالكو مش علي بعضكم كدا ليه..
هو انتو شوفتو عفريت ولا ايه ..

الله يسلمك يا شيرين عفريت ايه بس ..

طيب يا اسر انا همشي بكره الصبح ابقي خلي بالك علي نفسك بقي ..
وبتبص لحياه بصات كدا وحشه ومش بتوجهلها كلام وبتتقوله ما تيلا يا آسر ولا انت مش هتطلع من اوضتها .. !!

احمم اي طب اء ءؤؤ ماشي جاي وراكي يا حياه
بتبصله شيرين بغيظظظ .
سورى قصدي يا شيرين ..
وحياه بتحس ان شيرين مش طيقاها ..
ومبتكنش عارفه السبب .
لان اصلا حياه متعرفش مشاعر آسر تجاها
ولا آسر نفسه عارف .
ولا هي عارفه مشاعرها ايه تجاه آسر .
غير انه شخص لطيف اكرمها واعزها ووفرلها السكن الامن واللبس النضيف والاكله الطيبه الهنيه. ...
وبتكون حياه بتقظره وبتحبه وتحترمه جدا .. وفعلا بتكون من جواها بتتمني لو تقدر تقدمله اي حاجه هو يطلبها منها ..
دا لو طلب عينيها وروحها حياه مستعده تديهالوو .

دا غير الدراسه والمستقبل الي بيقدمهولها كمان علي طبق من الماظ وبدون مقابل ولا من ..
وبتحس ان ربنا بعتلها آسر رحمه ليها من ربنا وعوض ..
وبتفكر حياه انها مش هتعمل حاجه غير الحاجه الي اسر هيكون مبسوط وسعيد بيها بسسس . والي هتخليه يحس بفرحه وسعاده واستقرار هي هتكون جنبه فيه وتحاول تساعده علي قد ماتقدر ..
وبتوعد نفسها بدا ...
وبيشغلها آسر الفون والللاب توب وبيعملها ايميلات وبيركبلها الشريحه وبتسجل حياه رقمه وبيسجل رقمها عنده باسمي .

قطتي وجنبها قطه وقلب احمر .
وحياه بتسميه علي تليفونها
معجزتي وجنبه نجمه .

ومفيش حد بيكون عرف التاني سجله ايه علي تليفونه .

وبيفهمها آسر ازاي تستخدم الجهاز وبتنزل كذا ابليكيشين وبينزلها آسر كتب خاصه بالطب البشري وبيقولها تقرا فيهم لانهم هينفعوها كتير.
وبتوعده حياه انها هتذاكر فيهم .. .وبتشكره علي كل حاجه عملها عشانها .

وبتقوله انها ممتنه ليه جدا ومش عارفه هتردله كل الي بيعمله معاها وعشانها دا بايه ولا ازاي اصلا . .

بص يا آسر اوعدك اني هحاول اعمل الي اقدر عليه عشان مضيعش الي بتعمله معيا دا هدر واخليك فخور بيا
وهحاول اعمل كل الي في طاقتي وابذل كل مجهودي علي خدمتك وراحتك وسعادتك هتكون رقم واحد عندي ..
ودا وعد عليا قدامربنا وقدامك وانا عمرى ابدا مهسيبك لوحدك ولا هخذلك فيي يوم وهفضل دايما جنبك .. وقت متحتاجني هتلاقيني جنبك عمرى مهسيبك ابدا ..
عارفه اني مقدرش اعملك حاجات كتير بس هحاول بالي عندي بكل الي عندي يا آسر
عارفه انتي متعرفيش انا فرحان ومبسوط وسعيد قد ايه
بالكلام الي بسمعه منك دا

انا عمرى ماسمعت كلام جميل وحلو كدا يا حياه ..

معرفش مين فينا الي كان محتاج للتاني. .
يمكن انتي حاجه حلوه ليا في دنيتي ..
ابرأ حاجه تقرييا في حياتي ..
يلا هسيبك تذاكرى او تنامي وانا هروح اغير كدا وارتاح .
وبيسيبها وبيكون سعيد ومبسوط بيها وبكلامها ليه.
وبيحس ان حياه تستاهل الي عمله عشانها والي لسه هيعمله ..

وبتبدأ بقي تقابل آسر مشاكل من تحت راس حياه ووجودها في حياته ...
ومن الواضح ان تمسك آسر بحياه في حياته واصراره علي الوقوف جنبها هيخسره ناس كتير اووي في حياته ..
..
وبتروح شيرين لآسر وبتقوله انه لو علاقته بحياه دخلت في منحني تاني فهي مش هتكون راضيه عن دا وهتكون مشكله كبيره بالنسبالها ومينساش انها من وادي مختلف عنهم خالص .

في ايه يا شيرين ايه الي حصل لدا !
نعم انت بتسالني ايه الي حصل ..
بص يا اسر انا اختك وعرفاك وحفظاك كويس اوووي واكتر حد يحس بيك .. وانا حساك مختلف معاها حساك غريب مش زي ما انت يا آسر .
ممكن تكون حبيتها مثلا او اعجبت بيها ...
لا اكيد لا .
وبعدين هو انتي شيفاني عيل صغير هحب في كام يوم !

ههه الحب بيجي في لحظه في ثانيه ..
ثانيه واحده من الحب الصادق ممكن تساوي عمر كامل ومتتعوضش تاني اصلا .

خلي بالك ارجوك يا آسر ...

حاضر يا شيرين انتي عندك حق ..
حاول تركز كمان مع نيفين انت صابب تفكيرك كله حاليا مع حياه ... وتقريبا ناسي نيفين .

انا حاسس حياه زي بنتي بجد

بنتك ايه يا آسر .. انتو لايقين علي بعض اوي اصلا ... انا مش عارفه اقولك اي والله لولا بس اختلافنا لكنتو هتبقو قمرات مع بعض .
هي شبهنا في الشكل اساسا سبحان الله.
بصي انا موافقك في كلامك وحاضر هحاول اكون اهدي من كدا حاضر ومكنش متفاعل اوي مع حياه ...

متقلقيش انتي بس من اي حاجه
انا عوزاك تفضل كويس يا آسر ومتدخل في حكايه مش حكايتك ولا مع حد مش شبهك اصلا .
بس صدقيني حياه خلاص هتبقي فعلا مننا انا دا احساسسي .
وبيجي تاني يوم وبتصحي حياه .. مبتلاقيش حد في البيت اصلا