الفصل العاشر
سامح كان مدلل من اخواته
بيحبوه بسبب روحه المرحة
وخاصة عادل
بيحس انه ابنه
برغم انه عارف انه دايما تصرفاته مش صح
لكن كان كل مشكلة سامح يقع فيها
مش بيلاقى وراه غير امه زهرة
وعادل اخوه الكبير
ودلع امه له كان سبب قوى جدا فى انه طلع بالشكل ده
نعمة خرجت بكوباية الشاى لسامح.قولى بقى
ايه حكايتك
عامل ايه مع حنان يا سامح
البنت دى غلبانة والله وطيبة
وبعدين محترمة
غير اى واحدة من اللى كنت بتعرفهم
خلى بالك منها
سامح مسك من ايديها كوباية الشاى.اقعدى بس يا ام هبه
خلينى ادردش معاكى شوية بقالى كتير متكلمتش معاكي
قعدت نعمة على عتبة باب شقتها
وكان سامح قاعد على كرسى خشبي جنب الباب بتاع الشقة
سامح.شوفى بقى يا ستى
حنان
بنت حلال اوى
وعلى نياتها
وشايلانى من على الارض شيل
والصراحة اهلها كمان بيشيلونى على دماغهم لما بروحلهم
بس يا ام هبة المشكلة فيا انا
نعمة.مشكلة ايه بس يا سامح
انت ليه عايز تعمل مشكلة
ومفيش حاجة اصلا تستاهل تخليك فيك مشاكل
سامح.بحب الستات
مش بعرف اقاوم
بلاقى عينى كده طايرة معاهم حتى لو طالع من باب البيت وانا ناوى مشغلش بالى بأى و احدة
ولا حتى ابص على واحدة للدرجة اللى تخلينى اركز فيها
بلاقى نفسى تلقائي كده
عيني راحت معاهم
انا حاسس انى كان مينفعش اتجوز دلوقتى
نعمة بحزن من كلامه.ليه يا سامح كده بس
انت والله لو لفيت الدنيا مكنتش هتلاقى بنت زى حنان
وبعدين يعنى انت لما عينك تروح مع الرايحة والجاية
هتستفيد ايه
هتقع فى الحرام
وناسى انك عندك اخت
وعندك بنات اختك
وعندك بنت اخوك
ومراتك
ويعالم يمكن ربنا يكرمك ببنت
كل دول مش حاططهم فى بالك
ومش عارف ان كما تدين تدان
يا سامح يابنى اعقل
بلاش تخرب بيتك بأيدك
البنت دى صايناك
اقولك على حاجة
لو هى مش عارفة تعمل اللى عليها
انصحها
ولو مقبلتش النصيحة
قولها هتجوز
مع انى عارفة انها مستحيل تكون مش شايفة اللى عليها وزيادة
لكن بلاش الغلط يا سامح
انت مش حمل عقاب ربنا
سامح.انا النهاردة يا ام هبة
ركبت معايا بنت كنت بوصلها
طيرت عقلي
يمكن حنان احلى منها
وعارف ان حنان من بيت اصيل وكل حاجة
لكن البت دى
لوحتنى
حرقت دمي
ومرضيتش تيجي معايا سكة
وانا بتغاظ اوى بقى من اللى بتدينى على دماغى
بحس ان حقى بايت برة
نعمة.لاء انت مفيش فايدة من الكلام معاك
خلى بالك يا سامح
الدنيا دوارة
متظلمش معاك بنات الناس
وكفاية تغضب ربنا
انا هقوم اصحيلك اخوك
سامح.اقعدى بس يا مرات اخويا
انا بفضفض معاكي
والله ما عاجبنى حالى
بس انا بزهق بسرعة
ماليش انا فى انى افضل مع ست واحدة
نعمة.عايزنى اقولك اتجوز تانى يا سامح
خلاص روح اتجوز
ها التانية والتالتة والرابعة
وبرضه فى الاخر هتزهق منهم
لأنك هتتعود عليهم
وبرضه هتروح تدور على الغلط والحرام
ياسامح ارجع لربنا
قرب منه
وراعي انه رزقك بالذرية
ربنا يكمل لمراتك على خير
يعنى انت هتبقى اب
بلاش تقبل على الناس
اللى مش هتقبله على نفسك
انت روحت اختارت بنت مالهاش فى الثور ولا فى الطحين
ولا رجليها بتخطى عتبة باب الشارع
علشان متعرفش حاجة عن مصايبك
وعلشان عارف انك مكان ما هتسيبها لو وسط مليون راجل
هترجع تلاقيها زى البرلنت
لكن انت بقى تعمل ايه ومتعملش ايه
ولا كأنها هى موجودة فى حياتك
بص يا سامح
انا بعتبرك ابنى
ولو عندى ولد فى سنك
نفس الكلام اللى بقوله دلوقتى ليك
ابنى هيسمعه مني
الا الحرام والا الظلم
وبنات الناس امانة
عايز تسمع مني
يبقى عملت خير
انا عارفة حماتى واخوك ممكن يلوموا عليا فى انى بضايقك بكلامى
لكن زى ماقولتلك انت فى مقام ابنى
وخايفة عليك
وفى نفس الوقت
نفسى بنتى لما تكبر متتجوزش واحد يعمل فيها اللى انت بتعمله ده
سواء مع حنان او حتى مع بنات الناس
سامح.ماهما اللى بيبقى ليهم مزاج ياام هبه
انا مش بضرب واحدة على ايديها
نعمة.وحتى لو هما المشكلة فيهم
ابعد انت عن الحرام
علشان ربنا يا سيدى مش علشان حد
هما يتحملوا وذرهم بقى براحتهم
تقدر تنصح
انصح
متقدرش خلاص خليك فى نفسك
ومراتك
وبيتك
وابنك ولا بنتك
سامح.مش عارف اتغير يا ام هبه
والله ما عارف
نعمة.بص يا سامح هقولك كلمتين حطهم حلقة فى ودنك
علشان اقوم احضرلكم العشا واصحي اخوك
الشرع يابنى لما حط حدود بين الرجالة والستات
فى الكلام
ده كان القصد منه مش الحفاظ على الفروج وبس
لاء يا سامح
ده كمان علشان حفظ النفوس
انا حضرت درس فى المسجد
الشيخ كان بيتكلم عن الحدود فى التعامل بين الست والراجل
لما يكون مش محرم لها
وقال الشيخ فى الدرس
ان تعامل اى ست مع راجل مش محرم
بيكون فتنة
الانسان مخلوق ضعيف
يعنى اللى مش بيقدر يحافظ على نفسه
وقلبه سهل يقع
قالنا كمان
(خيركم خيركم لأهله)
لأهل بيته اللي بيشوفوا منه الحلو وبنشوف الوحش
وبنصبر على الوحش وبنحاول نستحمله ونغيره كمان للأحسن
ياسامح
لو انت مجبر تشتغل مع ستات
يبقى الصح انك تغض بصرك
وده مطلوب من الست كمان
والاحسن ان الشغل ميبقاش فيه اختلاط من الاساس
علشان يبقى مفيش اى مجال للفتنة
وربنا يسترها علينا وعلى بناتنا يارب وبنات المسلمين
سامح عارف ان مرات اخوه عندها حق فى كل كلمة قالتها
لكن الغريب انه كان مبيعرفش يحس بتأنيب ضمير
وكأنه معندهوش قلب
اه سمع كل حرف هى قالته وركز فيه
لكن مظهرش عليه اى رد فعل
ولا اى تأثير من الكلام
وده لاحظته نعمة اللى حسيت بأحباط
سامح.عندك حق يا مرات اخويا
نعمة بتقوم من على الارض.انا عارفة يا سامح
الكلام معاك لا هيقدم ولا هيأخر
على الله بس تفوق قبل ما يفوت الاوان
يلا انا هدخل اصحي اخوك
واحضر العشا
قامت نعمة من قدامه وهى متعصبة جدا من هدوئه
وعدم اقتناعه بأنه لازم يبطل اللى بيعمله ده
وعمالة تردد لاحول ولا قوة الا بالله
دخلت اوضة جوزها اللى كان رايح فى النوم
وفى حضنه بنته الجميله الصغيرة كان عمرها لا يتخطى الست سنوات
وقفت نعمة تبص عليهم
وهى فى سرها بتحمد ربنا
وبتدعى من قلبها ان ربنا يهدي جوزها ويبعده عن الحرام
ويبعد عن بنتها الشر
قربت نعمة بهدوء من السرير ووقفت جنب عادل جوزها
وبصوت واطى.عادل يا عادل
اصحى اخوك سامح برة
عادل بص لنعمة وكمل نوم تانى
نعمة.ياعادل قوم ياخويا
انا هحضر العشا اخوك قاعد لواحده برة
عادل بكسل.اخويا مين؟
نعمة.اخوك سامح يا عادل هيكون مين يعنى
فوق كده يلا علشان نتعشى
بس اصحى وقوم على مهلك علشان متصحيش البت
عادل.طيب ماشى
عادل اخ بيحب اهله جدا
بيحب اخواته
وبار جدا بأمه وابوه
كان بيحب نعمة من وهى عندها 12 سنة
واتجوزها وهى عندها 28 سنة
بعد ما قابلوا مشاكل كتير جدا
وبعد ما حرضته امه واخته فى مرة انه يخطب بنت جارتهم لأنها كانت بتشاغل جوز اخته
وعلشان يبعدوا البنت دى عن جوز اخته
طلبوا منه يخطبها
وهو سمع كلام امه واخته
وفعلا راح خطب البنت بشبكة نعمة
اللى كانت هتموت بسبب بعده عنها
لكن هو بسرعة عرف انه ظلمها
وهو وامه واهله عملوا المستحيل
علشان يقنعوا ابوا نعمة واخواتها محمد واحمد انه يقبلوا انه يرجعلها
لكن ابوها واخوها كانوا حرفيا هيقتلوه
وحصلت مشاكل كتير جدا
لكن عادل وامه استحملوا الاهانات والغلط لأن عارفين من البداية ان الغلط كان منهم هما مش من اهل نعمة
لحد اخيرا بعد تدخل القريب والغريب
وافقوا اهلها على انهم يرجعوا
وبقيت نعمة هى بعد ربنا
سند لكل حد فى عيلة عادل
من اخواته لأمه
لقرايبه كمان
وكانوا كلهم بيحبوها
ويحترموها
عادل بيحب مراته وبنته
وبيحب حماه جدا
وبيحب اخوات مراته
وزى اى اتنين بتحصل بينهم مشاكل
لكن نعمة مش من الستات اللى بتسيب بيتها وتغضب
عادل كان شغال سواق
ظروفه ماشية
لكن ابو نعمة عم انور
مش بيستخسر فيهم اى حاجة
وده بيخلي نعمة متعرفش تطلب حاجة من عادل لأنها بتتكسف تطلب
وابوها كان معوض الجزء ده
عادل قام من على السرير بهدوء وفرد الغطا على هبه علشان تكمل نومها
وخرج على الحمام
غسل وشه
وطلع على باب الشقة
شاف سامح قاعد وماسك كوباية الشاى الفاضية بعد ما شربها
سامح اول ما شافه ضحك اوى
وقام من مكانه
وقرب من عادل واخدوا بعض بالحضن
بقالهم فترة طويلة مسهروش مع بعض
عادل.ايه انت مطرود من البيت ولا ايه؟
سامح بيضحك وهو فى حضن اخوه.ياعم وحشتنى انت وام هبه
قولت اجى اصدعكم شويتين
عادل.ياالف مرحب
بيتك ياسامح تيجى هنا اى وقت
بس انت اقعد بقى واحشنى اوى
طمنى على مراتك
لسه عند اهلها؟
سامح.شكلى هتجوز عليها
بيحبوه بسبب روحه المرحة
وخاصة عادل
بيحس انه ابنه
برغم انه عارف انه دايما تصرفاته مش صح
لكن كان كل مشكلة سامح يقع فيها
مش بيلاقى وراه غير امه زهرة
وعادل اخوه الكبير
ودلع امه له كان سبب قوى جدا فى انه طلع بالشكل ده
نعمة خرجت بكوباية الشاى لسامح.قولى بقى
ايه حكايتك
عامل ايه مع حنان يا سامح
البنت دى غلبانة والله وطيبة
وبعدين محترمة
غير اى واحدة من اللى كنت بتعرفهم
خلى بالك منها
سامح مسك من ايديها كوباية الشاى.اقعدى بس يا ام هبه
خلينى ادردش معاكى شوية بقالى كتير متكلمتش معاكي
قعدت نعمة على عتبة باب شقتها
وكان سامح قاعد على كرسى خشبي جنب الباب بتاع الشقة
سامح.شوفى بقى يا ستى
حنان
بنت حلال اوى
وعلى نياتها
وشايلانى من على الارض شيل
والصراحة اهلها كمان بيشيلونى على دماغهم لما بروحلهم
بس يا ام هبة المشكلة فيا انا
نعمة.مشكلة ايه بس يا سامح
انت ليه عايز تعمل مشكلة
ومفيش حاجة اصلا تستاهل تخليك فيك مشاكل
سامح.بحب الستات
مش بعرف اقاوم
بلاقى عينى كده طايرة معاهم حتى لو طالع من باب البيت وانا ناوى مشغلش بالى بأى و احدة
ولا حتى ابص على واحدة للدرجة اللى تخلينى اركز فيها
بلاقى نفسى تلقائي كده
عيني راحت معاهم
انا حاسس انى كان مينفعش اتجوز دلوقتى
نعمة بحزن من كلامه.ليه يا سامح كده بس
انت والله لو لفيت الدنيا مكنتش هتلاقى بنت زى حنان
وبعدين يعنى انت لما عينك تروح مع الرايحة والجاية
هتستفيد ايه
هتقع فى الحرام
وناسى انك عندك اخت
وعندك بنات اختك
وعندك بنت اخوك
ومراتك
ويعالم يمكن ربنا يكرمك ببنت
كل دول مش حاططهم فى بالك
ومش عارف ان كما تدين تدان
يا سامح يابنى اعقل
بلاش تخرب بيتك بأيدك
البنت دى صايناك
اقولك على حاجة
لو هى مش عارفة تعمل اللى عليها
انصحها
ولو مقبلتش النصيحة
قولها هتجوز
مع انى عارفة انها مستحيل تكون مش شايفة اللى عليها وزيادة
لكن بلاش الغلط يا سامح
انت مش حمل عقاب ربنا
سامح.انا النهاردة يا ام هبة
ركبت معايا بنت كنت بوصلها
طيرت عقلي
يمكن حنان احلى منها
وعارف ان حنان من بيت اصيل وكل حاجة
لكن البت دى
لوحتنى
حرقت دمي
ومرضيتش تيجي معايا سكة
وانا بتغاظ اوى بقى من اللى بتدينى على دماغى
بحس ان حقى بايت برة
نعمة.لاء انت مفيش فايدة من الكلام معاك
خلى بالك يا سامح
الدنيا دوارة
متظلمش معاك بنات الناس
وكفاية تغضب ربنا
انا هقوم اصحيلك اخوك
سامح.اقعدى بس يا مرات اخويا
انا بفضفض معاكي
والله ما عاجبنى حالى
بس انا بزهق بسرعة
ماليش انا فى انى افضل مع ست واحدة
نعمة.عايزنى اقولك اتجوز تانى يا سامح
خلاص روح اتجوز
ها التانية والتالتة والرابعة
وبرضه فى الاخر هتزهق منهم
لأنك هتتعود عليهم
وبرضه هتروح تدور على الغلط والحرام
ياسامح ارجع لربنا
قرب منه
وراعي انه رزقك بالذرية
ربنا يكمل لمراتك على خير
يعنى انت هتبقى اب
بلاش تقبل على الناس
اللى مش هتقبله على نفسك
انت روحت اختارت بنت مالهاش فى الثور ولا فى الطحين
ولا رجليها بتخطى عتبة باب الشارع
علشان متعرفش حاجة عن مصايبك
وعلشان عارف انك مكان ما هتسيبها لو وسط مليون راجل
هترجع تلاقيها زى البرلنت
لكن انت بقى تعمل ايه ومتعملش ايه
ولا كأنها هى موجودة فى حياتك
بص يا سامح
انا بعتبرك ابنى
ولو عندى ولد فى سنك
نفس الكلام اللى بقوله دلوقتى ليك
ابنى هيسمعه مني
الا الحرام والا الظلم
وبنات الناس امانة
عايز تسمع مني
يبقى عملت خير
انا عارفة حماتى واخوك ممكن يلوموا عليا فى انى بضايقك بكلامى
لكن زى ماقولتلك انت فى مقام ابنى
وخايفة عليك
وفى نفس الوقت
نفسى بنتى لما تكبر متتجوزش واحد يعمل فيها اللى انت بتعمله ده
سواء مع حنان او حتى مع بنات الناس
سامح.ماهما اللى بيبقى ليهم مزاج ياام هبه
انا مش بضرب واحدة على ايديها
نعمة.وحتى لو هما المشكلة فيهم
ابعد انت عن الحرام
علشان ربنا يا سيدى مش علشان حد
هما يتحملوا وذرهم بقى براحتهم
تقدر تنصح
انصح
متقدرش خلاص خليك فى نفسك
ومراتك
وبيتك
وابنك ولا بنتك
سامح.مش عارف اتغير يا ام هبه
والله ما عارف
نعمة.بص يا سامح هقولك كلمتين حطهم حلقة فى ودنك
علشان اقوم احضرلكم العشا واصحي اخوك
الشرع يابنى لما حط حدود بين الرجالة والستات
فى الكلام
ده كان القصد منه مش الحفاظ على الفروج وبس
لاء يا سامح
ده كمان علشان حفظ النفوس
انا حضرت درس فى المسجد
الشيخ كان بيتكلم عن الحدود فى التعامل بين الست والراجل
لما يكون مش محرم لها
وقال الشيخ فى الدرس
ان تعامل اى ست مع راجل مش محرم
بيكون فتنة
الانسان مخلوق ضعيف
يعنى اللى مش بيقدر يحافظ على نفسه
وقلبه سهل يقع
قالنا كمان
(خيركم خيركم لأهله)
لأهل بيته اللي بيشوفوا منه الحلو وبنشوف الوحش
وبنصبر على الوحش وبنحاول نستحمله ونغيره كمان للأحسن
ياسامح
لو انت مجبر تشتغل مع ستات
يبقى الصح انك تغض بصرك
وده مطلوب من الست كمان
والاحسن ان الشغل ميبقاش فيه اختلاط من الاساس
علشان يبقى مفيش اى مجال للفتنة
وربنا يسترها علينا وعلى بناتنا يارب وبنات المسلمين
سامح عارف ان مرات اخوه عندها حق فى كل كلمة قالتها
لكن الغريب انه كان مبيعرفش يحس بتأنيب ضمير
وكأنه معندهوش قلب
اه سمع كل حرف هى قالته وركز فيه
لكن مظهرش عليه اى رد فعل
ولا اى تأثير من الكلام
وده لاحظته نعمة اللى حسيت بأحباط
سامح.عندك حق يا مرات اخويا
نعمة بتقوم من على الارض.انا عارفة يا سامح
الكلام معاك لا هيقدم ولا هيأخر
على الله بس تفوق قبل ما يفوت الاوان
يلا انا هدخل اصحي اخوك
واحضر العشا
قامت نعمة من قدامه وهى متعصبة جدا من هدوئه
وعدم اقتناعه بأنه لازم يبطل اللى بيعمله ده
وعمالة تردد لاحول ولا قوة الا بالله
دخلت اوضة جوزها اللى كان رايح فى النوم
وفى حضنه بنته الجميله الصغيرة كان عمرها لا يتخطى الست سنوات
وقفت نعمة تبص عليهم
وهى فى سرها بتحمد ربنا
وبتدعى من قلبها ان ربنا يهدي جوزها ويبعده عن الحرام
ويبعد عن بنتها الشر
قربت نعمة بهدوء من السرير ووقفت جنب عادل جوزها
وبصوت واطى.عادل يا عادل
اصحى اخوك سامح برة
عادل بص لنعمة وكمل نوم تانى
نعمة.ياعادل قوم ياخويا
انا هحضر العشا اخوك قاعد لواحده برة
عادل بكسل.اخويا مين؟
نعمة.اخوك سامح يا عادل هيكون مين يعنى
فوق كده يلا علشان نتعشى
بس اصحى وقوم على مهلك علشان متصحيش البت
عادل.طيب ماشى
عادل اخ بيحب اهله جدا
بيحب اخواته
وبار جدا بأمه وابوه
كان بيحب نعمة من وهى عندها 12 سنة
واتجوزها وهى عندها 28 سنة
بعد ما قابلوا مشاكل كتير جدا
وبعد ما حرضته امه واخته فى مرة انه يخطب بنت جارتهم لأنها كانت بتشاغل جوز اخته
وعلشان يبعدوا البنت دى عن جوز اخته
طلبوا منه يخطبها
وهو سمع كلام امه واخته
وفعلا راح خطب البنت بشبكة نعمة
اللى كانت هتموت بسبب بعده عنها
لكن هو بسرعة عرف انه ظلمها
وهو وامه واهله عملوا المستحيل
علشان يقنعوا ابوا نعمة واخواتها محمد واحمد انه يقبلوا انه يرجعلها
لكن ابوها واخوها كانوا حرفيا هيقتلوه
وحصلت مشاكل كتير جدا
لكن عادل وامه استحملوا الاهانات والغلط لأن عارفين من البداية ان الغلط كان منهم هما مش من اهل نعمة
لحد اخيرا بعد تدخل القريب والغريب
وافقوا اهلها على انهم يرجعوا
وبقيت نعمة هى بعد ربنا
سند لكل حد فى عيلة عادل
من اخواته لأمه
لقرايبه كمان
وكانوا كلهم بيحبوها
ويحترموها
عادل بيحب مراته وبنته
وبيحب حماه جدا
وبيحب اخوات مراته
وزى اى اتنين بتحصل بينهم مشاكل
لكن نعمة مش من الستات اللى بتسيب بيتها وتغضب
عادل كان شغال سواق
ظروفه ماشية
لكن ابو نعمة عم انور
مش بيستخسر فيهم اى حاجة
وده بيخلي نعمة متعرفش تطلب حاجة من عادل لأنها بتتكسف تطلب
وابوها كان معوض الجزء ده
عادل قام من على السرير بهدوء وفرد الغطا على هبه علشان تكمل نومها
وخرج على الحمام
غسل وشه
وطلع على باب الشقة
شاف سامح قاعد وماسك كوباية الشاى الفاضية بعد ما شربها
سامح اول ما شافه ضحك اوى
وقام من مكانه
وقرب من عادل واخدوا بعض بالحضن
بقالهم فترة طويلة مسهروش مع بعض
عادل.ايه انت مطرود من البيت ولا ايه؟
سامح بيضحك وهو فى حضن اخوه.ياعم وحشتنى انت وام هبه
قولت اجى اصدعكم شويتين
عادل.ياالف مرحب
بيتك ياسامح تيجى هنا اى وقت
بس انت اقعد بقى واحشنى اوى
طمنى على مراتك
لسه عند اهلها؟
سامح.شكلى هتجوز عليها