طبع الحياة الفصل الرابع

( ع القهوه )
مصطفى : ايه يا حبيبنا ! ناوى على ايه
احمد : ناوى على ايه ف ايه
مصطفى : ف الاجازه . هنعمل ايه
احمد : لسا مش عارف يا مصطفى . بس بفاضل ما بين اسبانيا ومابين فرنسا
على : هههههههههههههه
حسن : ابقى خدنى معاك يا مولانا
احمد : عنيا ... قوم ياض يا مصطفى هاتلنا حجرين يالا قوم قامت قيامتك
مصطفى : هههههههههههه يا رمه انا قصدى يعنى ف الشغل ابو شكلك واد معفن
احمد : ولااااا . لم لسان امك ده بدل ما اقوم اعلم عليك وسط القهوه وانت عارف هههههههههه
مصطفى : خلاص يا عم بهزر
طارق : مسا الفل يا شباب
حسن : مسا الفل يا طروق .. ما تيجى تقعد
طارق : تسلم يا حسن .. حمو بكره بقا الساعه 7 ونص كده هعدى عليك
احمد : اشطا يا طارق انا عامل حسابي من ساعة ما قولتيلى .... انت قولتلى فين ؟
طارق : استانلى
احمد : طيب تمام عدى عليا انت بس وانا 7 ونص بالظبط هتلاقينى تحت البيت عشان ورايا شغل الساعه 9
طارق : على الله ! عن اذنكو يا شباب
...............
( البنات )
منه : ها يا بنات جاهزين ؟ عاوزينها مفاجأأأأه بقي لعمو ابو سلمى
سلمى : طيب يعنى هنمشي بدرى اوى كده ليه ؟
منه : يدوب احنا نكون هناك ع العصر عشان مافيش يوم يضيع مننا . يعنى الساعه 7 بالكتير نكون متحركين والطياره الساعه 12 وعشان الطريق ممكن يبقى زحمه وكده ..... شرم واللى منها يا سرسوووووور
ساره : طيب يعنى اجيب مايوه شرعى ولا اجيب ايه
سلمى : ههههههههههههههه هاتى اللى تجيبيه بقي ... فريده ومروه راحو يجهزوا نفسهم دلوقتى
منه : تفتكرى ابوك ممكن يزعل لو دخلنا قولناله اننا مسافرين كده فجأأأه وبكره ؟
سلمى : لا عادى بابا بيثق فيا وبعدين مانتو معايا اهو
........
سلمى : بابتى
ابو سلمى : اهلا ! اهلا بالقمرات كنتو فين
سلمى : كنا ف مول ديب واتفرجنا على فيلم حلو اوى وروحنا حجزنا 5 تذاكر طيران ل شرم بكره الصبح ههههههههههههههه
ابو سلمى : الصبح ؟ الصبح امتى
سلمى : الطياره الساعه 12 يعنى ممكن نتحرك من هنا 8 او 9
ابو سلمى : 8 او 9 ؟ طيب تمام . رايحين انتو ومين
منه : ماتقلقش يا عمو . رايحين انا وسلمى وساره ومروه وفريده
ابو سلمى : طيب خلو بالكو من نفسكو .. خلى بالك من صاحبتك يا منه
منه : دى ف عيونى يا عمو .. دى حبيبتى
ابو سلمى : ابوك قالك ايه ع الموضوع ده يا منون
منه : قالى شوفى عمك ابو سلمى هيقول ايه واللى هيقوله هيتنفذ هههههههههههههههههه
ابو سلمى : اه يعنى بتثبتينى يعنى
ام سلمى : هههههههههههههه العيال دى مش سهله
سلمى : مامتى ! خليكى محضر خير يا مامتى . عن اذنكو بقا هندخل نشوف ناقصنا ايه
منه : لا ادخلى انتى بقا عشان انا هروح اوصل ساره تجهز نفسها وهروح انا اجهز نفسي ....
سلمى : خلاص ماشى ... ف الميعاد اللى قولتلكو عليه بقي
منه : المهم ماتتأخريش ف النوم والسهر وروحى نامى عشان تقومى فايقه
سلمى : ماتقلقيش
................
( تانى يوم قدام شقة سلمى الساعه 8 )
طارق : ايوه هو ده .. الرمل اهو موجود ... تمام كويس ماتأخروش
احمد : تمام .. المكنه بتاعتك دى عاوزه عمره يخربيت كده
طارق : هههههههههه لا بس انت مالكش حل اتعلمت ركوبها فين دى
احمد : ههههههههههههه خد ياض مكنتك روح ارميها ف اى حته .. يابنى دنا مولود على طريق .. روح اركنها بقي وشوف الناس عشان نخلص اللى ورانا
...........
( ف العربيه )
سلمى : ايه يا بنات مانسيناش حاجه متأكدين
منه : يابت خلاص احنا داخلين ع المطار اهو مش عاوزين قلبة دماغ بقي
................
( بعد 10 دقايق )
طارق : يلا يا رياسه .. الجماعه فاتحين الابواب فوق ولامين كراكيب الاوض
احمد : انهى دور
طارق : التالت .. بس حاجه اخر اوبهه يا اخى ايه ده .. لا وع البحر كمان .. تصدق فيه مكان واسع اهو نعرف نبقى نيجى نلعب فيه كوره ... هى الشقه ف عماره زى دى تجيلها بكام
احمد : بعيلتك كلها .. شوف لو بيعت عيلتك كلها مش هتجيبو ربع تمنها ههههههههههه يلا يلا قدامى ... عاوزين نخلص انا ورايا شغل
.......
( الساعه 9 الا عشر دقايق )
طارق : تمام كده !
ابو سلمى : الله ينور عليكو .. احححم انتو منين بقا
طارق : من جنبكو هنا سيدى بشر يا فندم
ابو سلمى : انتو جيران بقي ولا اصحاب
طارق : الاتنين
ابو سلمى : طيب اتفضلو اتفضلو
احمد : معلش يا عمى احنا ورانا شغل ف حته تانيه . ف انا هستأذن حضرتك
ابو سلمى : يابنى اقعد بس . والله مانت ماشى الا لما تفطر معايا
احمد : ههههههههههه تتعوض ف شغل تانى ان شاء الله والله عندى شغل
ابو سلمى : يرضيك توقعنى ف حلفانى يعنى . اقعد ياض
احمد : وحياة ربنا لو اتأخرت مش هيتحسب من يوميتى ... معلش
ابو سلمى : طيب خلاص اتفضل انت . استنى اما احاسبكو بقي
احمد : الحساب مع طارق يا فندم وانا كده كده هقابله تانى
ابو سلمى : طيب تمام ف رعاية الله
...........
ابو سلمى : هو ده صاحبك
طارق : ابن حتتى يا فندم
ابو سلمى : بس باين عليه مش وش بهدله يعنى هههههههههه
طارق : حمو ! ده حمو ده العسل بتاعنا كلنا .. حتة الكريز بتاع المنطقه كلها
ابو سلمى : طب ايه اللى مشغله كده يعنى مش فاهم ..
طارق : عيل راجل يا فندم
ابوه لسا متوفى من كم شهر وهو أكبر اخواته . واخواته لسا صغيرين بنات
ف قرر انه ياخد باله منهم . ساعات بيطلع معايا
بيروح يشتغل ف معرض بتاع خرده وحديد
واى شغلانه مهما كانت صعبه بالنسبالنا هو بيشتغلها طالما حلال وفلوسها حلال
ابو سلمى : ربنا يكرمكو . انا اول ما شوفته قولت عليه راجل
المهم حسابكو كام
طارق : اللى تجيبه حضرتك والله كفايه بشاشة حضرتك وروحك
ابو سلمى : يابنى قول .. كام انا مش عارف
طارق : 75 جنيه
ابو سلمى : بتقول كام ؟
طارق : 75 جنيه
ابو سلمى : بس ؟
طارق : ههههههههههه 3 متر رمل في 15 جنيه يبقى 45
و 15 شكاره اسكنت ف 2 جنيه يبقى 30 .. يبقى الحساب 75 جنيه
ابو سلمى : طيب خد دول
طارق : ايه دول يا فندم ؟
ابو سلمى : 300 جنيه
طارق : بتوع ايه ؟
ابو سلمى : تعبكو . انتو ولاد حلال وتستاهلو كل الخير . انت 150 وصاحبك 150
طارق : متشكر جدا يا فندم والله . هستأذن انا بقي
ابو سلمى : مع السلامه
...........
ام سلمى : ايه الواد ده ؟ انا كنت لامحاه من بعيد
ابو سلمى : انهى واد
ام سلمى : ههههههههههه ماتقلقش اللى نزل ف الاول انا اخدت بالى منه
ابو سلمى : ايه رأيك بقي كان عندى حق ؟
ام سلمى : يا قلبي الواد صعب عليا اوى
كان صعبان عليا والله وهو طالع نازل وشايل .. الغريبه انه بيضحك وهو بيشتغل
عرفت حكايته ايه ؟
ابو سلمى : زى ما توقعت .. راجل ابن راجل .. بيصرف على امه واخواته البنات الصغيرين بعد ما ابوه مات
ام سلمى : ( بتدمع ) فيه عيال متلطمه كتير ف البلد دى . ربنا يعينه .. ويجازيه خير ويجعلله رزقه قدام عينه
ابو سلمى : اول مره اشوفك متأثره بحد كده وبتدعيله
ام سلمى : اصله شبه بنتك ههههههههههه
ابو سلمى : ههههههههه يعنى انا ماكنتش ببالغ بقي صح
ام سلمى : البت الجزمه مشيت من غير ما تشوفه
ابو سلمى : ههههههههه سيبيها تتبسط شويه . انا ماشي بقي هعدى ع الشركه شويه واحتمال اجى بدرى شويه
ام سلمى : ماشى يا بابا خلى بالك من نفسك .. الناس اللى هتشتغل هييجو امتى
ابو سلمى : الضهر ... ان شاء الله الشغل مش كتير
..............
( بعد 20 ايام )
سلمى : باااااااابتى ! وحشتنى
ابو سلمى : اهلا ! اهلا باللى ناسيانا . من لقى احبابه نسي اصحابه ولا ايه
سلمى : ههههه انتو اصحابي وحبايبى بس الجو ف شرم حكايه وكنا مبسوطين اوى
ابو سلمى : ماشى يا حبيبتى
ام سلمى : تعالى يابت هاتى بوسه
سلمى : ياسلام . احلى بوسه .. ايه خلصتو شغل ف الاوضه بقا ولا ايه
ام سلمى : يوووه من بدرى . ادخلى شوفيها كده .. بقت شقه لوحدها هههههههههه
سلمى : ههههههه هدخل اخد دش بس بسرعه واخرج ارغى معاكو
ام سلمى : طيب يا روحى وانا هفكلك الكراكيب بتاعتك اللى كنتى لاماها قبل ما تسافرى
سلمى : ماشي يا حبيبتى
.............
( اوضة سلمى )
ابو سلمى : لوما لسا ف الحمام
ام سلمى : هه !
ابو سلمى : ايه مالك ؟
ام سلمى : هه ! البت لسا بتستحمى اه
ابو سلمى : مالك صحيح فيه حاجه ولا ايه ؟
ام سلمى : انا مش فاهمه حاجه .... انت شوفت الرسمه دى قبل كده ؟
ابو سلمى : رسمه ايه ؟
ام سلمى : الرسمه دى . خد كده وقولى شبه مين
ابو سلمى : ورينى !
ام سلمى : ها ايه رايك ؟
ابو سلمى : هه !
ام سلمى : هههههههههه سيب كل حاجه مكانها وتعالى بقي بنتك زمانها طالعه
...............
( بالليل ع التليفون )
منه : سوسو ! بكره حضرى نفسك هندخل الفيلم الجديد اللى لسا نازل التريلر بتاعه النهارده بتاع توم كروز
سلمى : هتدخلو امتى
منه : الساعه 9 ف المول اللى ف ستيفانو .. بس احنا بره من المغرب يعنى
سلمى : اشطا .... نكمل صياعه يعنى ههههههههههههه
منه : ماشى يا مزه هسيبك ترتاحى وتنامى بقي
سلمى : يلا تصبحى على خير
...........
( بيت احمد )
سالى : حمو !
احمد : ايه يا قلبى
سالى : احححم عاوزين ندخل سينما بكره انا واختك وانت
احمد : ههههههههه بقا ندى بردو ام 9 سنين عاوزه تدخل سينما ؟
سالى : ههههههههه بصراحه انا اللى عاوزه . فيه فيلم حلو اوى نازل بكره عاوزه اشوفه والنبى والنبى
ام احمد : بس يا بت سيبى اخوكى ف حاله راجع تعبان من بره
سالى : ( بتزعل وبتحط ايديها على خدها )
احمد : لاااااااا يا قلبي كله الا زعلك .. خلاص ندخله بكره انا وانتى
سالى : احلى اخ ف الدنيا دى كلها ..... هات بوسه بقي
احمد : ندخله امتى 9 ولا بدرى
سالى : اى وقت .. خليه الساعه 6 احسن يبقى بدرى بدرى
احمد : خلاص لو رجعت بدرى م الشغل هاخدك ونطير على هناك . لو اتأخرت نخليها 9
سالى : اثطا
...............
( تانى يوم جوه السينما )
احمد : اقعدى بقي ... وانا هخرج اجيب كوبايتين نسكافيه ليا وليك . اجيبلك فشار ؟
سالى : ياريت هههههههههه بس بسرعه عشان فاضل 5 دقايق والفيلم يبدا
احمد : ماشى .... خلينى انا ع الطرف وانتى جنبي جوه .. اى حد ييجى دخليه جوه . ده مكانى .. عشان ماتغاباش على امك
سالى : هههههههههههه ماشي يا عم . ذلنى بقي عشان دخلتنى سينما
........
منه : يخربيوتكو ويخربيت ام اللكاعه بتاعتكو . أخرتونا ومش هنعرف نقعد براحتنا
سلمى : لا لا فيه مكان هناك اهو . الصف كله فاضي مافيش الا بنوته صغننه
منه : طب تعالو ... يارب بس ماتكونش حاجزه لحد ولا حد جاي معاها
سلمى : تعالى بس
....
سلمى : مساء الخير يا قمر
سالى : اهلا مساء النور
سلمى : حد معاكى ولا لوحدك
سالى : اه اخويا بس .. هو بره بيجيب شاى ونسكافيه
سلمى : يعنى الاماكن دى كلها فاضيه مش كده ؟
سالى : اه . مافيش حد قاعد هنا من اول ما جيت
سلمى : طيب متشكره جدا
سالى : العفو ... اتفضلو
منه : استاذنك اقعد انا ع الطرف يا قمر
سالى : لا معلش ده مكان اخويا وهيجرسنى انا وانتى لو لقى حد قعد مكانه
منه : ههههههه طيب خلاص تعالى بقا عدينا احنا الخمسه نقعد جنبك الناحيه التانيه
سالى : اه .. اتفضلو
ساره : هقعد انا جنبها ومروه جنبي .. ومنه وسلمى وفريده بقي ف الطرف التانى عشان بتصدعونا رغى ف احداث الفيلم ومش بركز
سلمى : هههههههههه ماشى
...........
( الانوار بتطفى والفيلم بيبدا واحمد بيدخل )
( احمد بييجى يقعد جنب سالى ع طرف الصف وجنبه سالى .. وجنب سالى بالترتيب ساره مروه فريده منه .. وسلمى ع الطرف التانى )
احمد : ها بدأ
سالى : اه ...
..............




ساره : ( بتوشوش مروه ) بت يا ساره الواد اخو البت اللى جنبنا دى شكله واد مز هههههههههههه
مروه : بقولك ايه مش عاوزه عبط
ساره : ههههههههههه وحياة امى زمبؤلك ... حاطط رجل على رجل وماسك ايد اخته . واد برنس كده , ده غير البرفان بتاعه هيخلينى اروح اقوله بحبك ههههههههه بس مش عارفه اشوف وشه . الدنيا ضلمه وهو حاطط ايده على وشه وخده
مروه : اووووف عليك يا ساره .. ما تسيبينى اركز بقي
ساره : طيب
....
سالى : ايه ياعم مالك عمال تضحك ليه
احمد : مافيش ! بس حاسس كده بحاجه حلوه .
......
منه : مالك يابت بتتفرجى وانتى مسهمه ليه كده
سلمى : ههههههههه مش عارفه بس الفيلم حلو
منه : ربنا يشفى
.......
احمد : سولى ! الفيلم قرب نصه يخلص ,,هخرج اشيش بره على ما الاستراحه تيجى ويبدأ الجزء التانى اشطا ؟
سالى : اشطا
احمد : ماتقوميش من هنا
سالى : ماتخافش .. معاك راجل هههههههههه
...........
( النص الاول خلص والانوار اشتغلت )
ساره : ايه ده ؟ انتى لسا قاعده لوحدك انا سامعه حس جنبك
سالى : ههههههههه اه ده اخويا بس خرج يجيب حاجه
ساره : ماشى يا حبيبتى . الفيلم عجبك
سالى : اوى ..دنا اول ما نزل التريلر بتاعه قولت لاخويا لازم ندخله
ساره : اه بجد يستاهل
( سلمى بتبص على الحوار من بعيد ومشدوده بسالى بشكل غريب )
منه : ايه يابت بتبصى للبت دى كده ليه
سلمى : مش عارفه ! بس شكلها حلو اوى ... عيونها شوفتها قبل كده بس معرفش دى عيون مين .. وشها مالوف ليا والله كأنى شوفتها قبل كده كتير
منه : هههههههههه ماتخطرفيش تانى يا روحى ... وركزى عشان الجزء التانى هيبدا اهو
سالى : الجزء التانى هيبدا اهو
ساره : اه ! اخوكى لسا مارجعش
سالى : زمانه جاى
ساره : ماشى
.........
( قدام السينما )
سيف : ايه ده ايه ده ؟ بسيونى بسيونى
احمد : حازم حازم ههههههههههه بتعمل ايه هنا ياض
سيف : جاى اشقط ههههههههههه انت اللى بتعمل ايه
احمد : مع البت سالى اختى جوه بفرجها على فيلم
سيف : البت سولا ؟ عامله ايه البت المزه دى
احمد : جرا ايه يا شيلحف انت هتحلو على اختى يالا ههههههههههه
سيف : اعملكو ايه انتو اللى عيله كلكو مزز من اول انت لغاية اختك الصغننه .... طب وسايبها وبتعمل ايه هنا
احمد : خارج اضربلى حجرين . دماغك مزمزقه .. ماتيجى تشيش معايا
سيف : طب والفيلم ...
احمد : ياعم فيلم مين انا جاى مع البت بس .... اطلبلنا بس حجرين على ما ادخل اقولها انى مستنيها بره
سيف : حبيبى
.............
( جوه السينما )
احمد : بت يا لولا .. انا بره ف القهوه اللى ف الوش دى على طول . عارفاها
سالى : اه .
احمد : قاعد بره مع سيف لما تخلصى ابقى تعالى على طول
سالى : مش هتتفرج ع الفيلم ؟
احمد : ههههههههه انا بشيش بس وقاعد معاه بتكلم ف موضوع كده
سالى : خلاص ماشى
..............
( بعد انتهاء الفيلم )
احمد : بقولك ايه يا سيف الفيلم زمانه خلص . خليك واقف هنا استنى سالى زمانها طالعه وانا هجيبلها ايس كريم من البقاله اللى هناك دى
سيف : ماتقلقش . روح انت
......
( قدام السينما البنات كلهم خارجين مع بعض وسالى معاهم )
ساره : الفيلم كان تحفه اوى
سلمى : جدا .. انتى ايه رأيك يا مزه يا صغننه
سالى : هههههههههه الفيلم كان جامد وبعدين مزه ايه وانتى موجوده بس
سلمى : لا والله مزه وهتوقفى اسكندريه كلها على رجل لما تكبرى شويه بس
سالى : وحياة النبى انتى اللى هتفضلى موقفاها العمر كله . هو فيه كده ههههههههه
سلمى : انتى جايه مع مين وسايبك لوحدك كده
سالى : مع حمو
سلمى : حمو ! مين حمو ؟
سالى : ده حبيبى
سلمى : ههههههههه انتى بتحبى من دلوقتى يا مفعوصه
سالى : طبعا ... حبيبى واخويا وابويا
سلمى : اها . اخوكى يعنى ؟ .. طب هو فين نسلمك ليه
سالى : ههههههههههههه ماتخافيش ماتخاقيش دنا اتوهك ف اسكندريه .. ع العموم هو قصادنا ع القهوه هناك اهو ( سيف واقف بيشاور لسالى )
سلمى : هو ده اخوك ؟
سالى : لا دا صاحبه ... هتلاقيه هنا ولا هنا
سلمى : طيب ع العموم انا كده اتطمنت عليك .....مع السلامه يا روحى
سالى : مع السلامه يا مزه
............
سيف : ايه يابت كنتى واقفه مع مين
سالى : وانت مالك ياض
سيف : هههههههههههههههه لمضه زى اخوك ... لا كنتى واقفه مع مين صحيح . ايه المزز دول يخربيت كده
سالى : ههههههههههههههه مزز ايه بس شوفتش انت البت اللى كنت واقفه معاها .. حته فراولايه اقسم بالله ههههههههههههه فين حمو
سيف : بيجيبلك ايس كريم ياختى
احمد : ها الفيلم خلص
سالى : ايوه ياعم فاتك انت الفيلم ده
احمد : معلش تتعوض . الافلام جايه كتير وموسم صيف بقي وهتبقى عسل .. يلا نروح ولا ايه الساعه داخله على 12
سالى : ماشى
احمد : جاى ولا قاعد ياض
سيف : لا قاعد شويه لسا
احمد : طيب انا هروح سالى وهنزل ع القهوه بتاعتنا شويه مع العيال زمانهم مستنيينى . ابقى تعالى
سيف : حاضر يا حبيبنا ...
احمد : يلا سلام
............
( شقة سلمى )
ابو سلمى : انتى لسا ماعرفتيش البت دى رسمت الرسمه دى امتى
ام سلمى : لا عيب انت عاوزها تاخد بالها اننا بنفتش ف حاجتها
ابو سلمى : انا مخى هيضرب
انا اللى شايف الواد وانا اللى متفق معاه وجايبه
وهى مشيت وسافرت قبل ما هو ييجى
تبقى عرفته منين
ام سلمى : ياراجل مش اوى كده . الصوره مش شبهه بنسبه كبيره
ابو سلمى : ههههههههههه انتى هتضحكى عليا ولا على نفسك . الرسمه تيبيكال .. ع العموم معاكى حق فعلا ممكن صدفه او حتى ممكن تكون شافته ف حته وقررت ترسمه زى منا شوفته كده ..... اسكتى بنتك جايه
...
سلمى : ايه ده سكتتو ليه لما انا دخلت . هههههههههههه كنتو بتتوددو ف ايه يا حلوين
ام سلمى : ولا بنتودد ولا حاجه يابنتى
سلمى : هههههه اه يبقى كنتو بتحبو ف بعض
ابو سلمى : عيب يابت اختشى
سلمى : ههههههههه بابتى اعترف كنتو بتقولوا ايه
ابو سلمى : كنا بنقول ان ربنا رزقنا بملكة جمال اسكندريه كلها وعاوزين نشوفها عروسه بقي
سلمى : ههههههههههه مستعجلين على ايه بس .لسا بدرى
ابو سلمى : كده كده مافيش جواز غير بعد الجامعه