الفصل الثامن

غضبت عروسة وكررت انها هتتنتقم من كل اللى هانوها .. وفى يوم ماطلعتلوش شمس لاقيناه البلجى محمود الاخرس مربوط فى عمود الانارة ورقبته مفصولة عن جسمة .. وفى يوم تانى كل اللى شتمه عروسة لاقيناهم مرميين مع بعض فى مقلب الزبالة وجسمهم كله مسلوخ ماعدا وشهم .. وبقت عروسة بتقتل اى حد مايرضاش يتجوزها .. لحد مافى يوم اهل المنطقة غضبوا عليها وقرروا انهم ينتقموا لولادهم اللى ماتو .. وهجموا عليها فى شقتها وضربوها علقة .. وماتت عروسة من كتر الضرب .. بس الحكاية ماخلصتش ع كده بعد ماموتوها حصلت حاجة غريبة اوى .. فضل كل واحد فيهم رقبته يتسلخ مرة واحدة كان فى حد مختفى وبيعذبهم .. واللى نجى من كل الناس دول كان عمار المكانيكى .. عمار الميكانيكى حكى اللى شافوا بظبط .. قال عمار .. احنا اول مادخلنا عليها كل الناس قعدت تضرب فيها .. الا انا اللى لفت انتباهى حاجة تانية .. كانت مكتبة مليانة كتب شكلها غريب .. مسكت كتاب كان اسمه شمس المعارف .. مفهمتش معنى الكتاب وفتحته ولاقيت رموز وحروف مش مفهومة .. حاولت انى افهم حاجة لغاية ماقريت جملة وفهمتها بس مش هاقولهالكوا .. اول ماقريت الجملة دى ابتدت كل الناس دى جسمها يتسلخ ويتحرقوا .. انا رميت الكتاب وخرجت من البيت جرى .. قعدت كل شوية اشوف كوابيس وحياتى اتقلبت اليوم ده .. انا مش عارف انا السبب فى اللى حصلهم ولا الملعونة دى .. عروسة كانت بتشتغل فى السحر الاسود .. ماهو مش معقول هاتقتل كل دول وتقتل محمود البلطجى بالطريقة دى لوحدها .. اكيد حد من عالم تانى بيساعدها .. وعدت ايام ووالله العظيم يابنى كنت ساعات بشوفها واقفة فى البلكونة وماسكة سكينة وعنيها كلها شر .. وساعات كنت اصحى من النوم بليل كنت الاقيها هى اللى نايمة مكان مراتى .. ومش انا بس لا دى كل المنطقة كانوا بيشفوها ........ عدت سنين وشبه نسينا الموضوع .. وفى يوم مولد النبى شحاته الجزار بيحكيلنا وهو مرعوب ع حاجة حولت حياته اللى جحيم : نزلت اشترى عروسة لبنتى ندى عادى يعنى .. روحت محل ولفتت انتباهى عروسة جميلة جدا غير اى عروسة تانية .. كان شكلها مختلف جدا .. وجبتها لبنتى وكانت طايرة بيها ..وفى يوم كنت فى الشقة لوحدى ومراتى وبنتى عند امها .. وكنت قاعد بتفرج ع التلفزيون الساعة 12 بليل .. مرة واحدة لاقيت النور قطع .. عادى مالنور بيقطع كتير .. قومت جبت شمعة ونورتها عشان اخد الصدمة الكبيرة .. العروسة اللى جبتها لبنتى بتتحول وبتطول عشان تتشكل ع شكل .. عارف اتشكلت ع مين يابنى .. اتشكلت ع عروسة اللى المنطقة قتلتها .. انا مش عارف حصل ازاى ده وقعدت مرعوب مبتحركش .. وهى كانت عينيها قابته وبتتاملنى .. ونطقت : انتوا كنتوا فاكرين اما تموتونى انكوا هتخلصوا منى انا هخليكوا تتمنوا الموت ومش هتشوفوه .. وابتدت تقول كلام غريب مكنتش فاهمة .. وبعد كده هجمت عليا .. وانا عمال اسمع صوت صريخ وكلام مش مفهوم .. انا من صدمتى واغمى عليا .. وشحاتته خلص كلامه.. كل اللى قتلوها يابنى قالوا انهم حصل معاهم نفس الكلام ده .. اكيد انت عايز تفهم ده حصل ازاى .. عروسة قبل ماتموت سخرت جن ع عروسة المولد دى .. بحيث انها لو ماتت انه يربط روحها بالعروسة دى وبكده تكون ماتت جسديا بس .. وروحها تفضل متعلقة بالعروسة دى .. استعنا بدجال عشان يقولنا نخلص منها ازاى .. قالنا ان اللعنة دى لازم تتنقل لحد غريب وبكده نخلص منها للابد .. عارف ليه انا طردت سامى اما جالى .. عشان هى جاتلى وقالتلى لو سامى عرف السر ده هى هتقضى ع حياتى .. بس يابنى هى دى كل الحكاية .. انا كده ريحت ضميرى الحمد لله وانا مش خايف منها.

خلص عم جميل كلامه وطول مانا بسمعه قاعد وشبة اتخرست .. وفجاءة النور قطع .. واصوات صريخ متداخل ملت المكان كله .. عم جميل قالنا :

- اهربوا يابنى بسرعة اهربوا عشان متموتوش معايا.

الصرخة دى كانت صرخته هو .. ورجع النور عشان نلاقى عم جميل متقطع ومفيش حته فى جسمه سليمه .. وسامى واقف متكلفت فيا وعمال يقوللى ايه ده ايه يالا نهرب يالا نهرب مفيش وقت .. وانا واقف مرعوب من المنظر ده .. لا انا مش هعمل زيك ياعم جميل وانقل اللعنة لحد .. مش هقدر اءذى حد .. انا هحرقها واخلص من لعنتها دى واقفل الباب اللى كان عمرة مايتقفل .. وطلعت الولاعة من جيبى وولعت فيها .. ابتدت تصرخ بطريقة بشعة .. وانا خرجت انا وسامى من البيت وهربنا .. رجعت ع البيت ولاقيت عربية اسعاف وناس كتير ملمومة .. قربت ولقيت عم صابر البواب بيقوللى : لاحول ولا قوة الا بالله شد حيلك يا استاذ احمد.

طلعت جرى ع الشقة عشان اللاقى عمر مرمى ع الارض ومتقطع بنفس طريقة عم جميل .. وداليا عماله تعيط وقالتلى :

- عمر اتقتل يا احمد عمر اتقتل .
= انا وقعت ع الارض وحضنت عمر , او اللى باقى من عمر وانا مش داريان بنفسى .. طب ليه يارب .. انا عملت ايه وحش فى دنيتى .. انا عمرى ماذيت حد ده يبقى جزاتى .

جثة عمر راحت ع المشرحة وطلعله تصريح دفن ودفنته .. اليوم ده عدى عليا كانه 100 سنة .. وبعد العزام اخلص دخلت اوضة عمر وقعدت فيها لوحدى .. ومسكت صورته وقعدت اعيط .. ببص قدامى عشان اخد اكبر صدمة فى حياتى .. هههه العروسة فوق الترابيزة وبتبصلى بصة كلها شر .. انا طلعت من الاوضة وقفلتها وجبت ورق وقلم وقعدت اكتب .. ممكن لغاية اما القصة تكونوا سمعتوها اكون انا مت .. نصيحة منى لو حد شاف عروسة شكلها مميز فى اى محل بلاش يشتريها .. سلام