البارت الاول من طبقات العشق

قومي يابت بقا عشان تلحقي الامتحان الساعه بقت سابعه ونص يا بت يا نور فوقي بقا تعبتيني ايه نايمه دي و اللا مغمي عليها يا خواتي

نور قامت من ع السرير و قالت صباح الفل يا ست الكل انا فوقت خلاص يا ست الكل يا قمر

ثريا ردت و قالت صباح القشطه يا قشطه قومي ياللا بقا يا روحي انا واثقه فيكي يا نور انا عايزه ابقا ام الدكتوره نور اه ام الدكتوره عايزه اتباهى بيكي في الحاره دي كلها متكسفنيش

نور ردت و قالت أن شاء الله يا حبيبتي وقامت دخلت الحمام واتوضت وصلت فرضها و لبست ملابس المدرسه وخرجت لأمها بابتسامه و قال ماما انا رايحه المدرسه دعوه حلوه بقا من ست الكل

ثريا رفعت أيدها و قالت ربنا يوفقك يا حبيبتي يارب ويجبر بخاطرك ويسهلك كل صعب يارب يا نور يا بنت قلبي و ما يفرح عدو فيكي و أشوفك دكتوره قد الدنيا

نور بابتسامه خفيفه ردت ع امهاو قالت تسلميلي يا غاليه و وطت قبلت يدها و قالت انا همشي بقا عشان متاخرش يا قلبي

ردت ثريا و قالت ماشي يا حبيبتي ربنا معاكي يارب يا حبيبتي و ذهبت نور للمدرسه عشان الامتحان

بعد انتهاء الامتحان نور قابلت صديقتها هنا و فضلو يتشاوروا فيما يتعلق بالامتحان

هنا راحت لنور و قالت بت يا نور عملتي ايه يا بت الامتحان كان صعب بس انا عرفاكي دحيحه و فاتك كنتي طول الليل سهرانه تذاكرى لعبه معاكي

نور ردت عليها و قالت طب وانتي مسهرتيش ليه تذاكرى الامتحان كله من الكتاب مفيش حاجه صعبه غير ع اللي مبيذكرش فاهمه يا ست هانم و اللا ايه

هنا بضحك ردت و قالت مانتي عارفه هذاكر ازاي ومرات ابويا طول الليل شيلي حطي اعملي سوى كرهتني في عيشتي ربنا يسامحه هو و مراته انا تعبت منهم بجد نفسي اخلص أو ارتاح من عيشتهم دي

نور ردت عليها بصوت حزين و قالت الله يكون في عونك يا حبيبتي يارب دي باين عليها ست صعبه انا عارفه ابوكي جيبها منين دي دي متتعاشرش هو بيحبها ازاي أو بيطاوعها ازاي دي

هنا ردت و قالت بتنهد دي يا ستي تبقي اخت مرات عمو صلاح صاحب ابويا اي ده الحقي يا بت يا نور في زحمه قدام بيتكم

نور بصت بلهفه و جرت ع أمها لقت امها تبكي بحرقه و تترجا في ظابط المرافق أن يترك لها فرشه الخضار التي تسترزق منها

ثريا بدموع يا باشا والنبي سيب تقفيصه الجرجير دي انا باكل منها عيش أنا والبت اليتيمه بنتي

نور و هي محموقه قالت في ايه يا ماما الراجل ده بيعمل ايه

ثريا بزعييق ملكيش دعوه يا بنتي ادخلي انتي جوه ملكيش دعوه بحاجه امشي الله يهديكي يارب

نور بعلو صوتها هما حبه الجرجير دول هما اللي
موقفين الطريق يا باشا ما تروح تشوف اللي حاطين كراسي و قفلين الطريق دول و اللا معلم القهوه محدش يقدر يكلمه أما الست الغلبانه نفترى عليها عادي

الظابط رد بنوفزه و قال ايوه دول اللي موقفين الطريق و الكراسي دي مش موقفين الطريق انا حر مزاجي كده بقا عندك مانع أو عايزه تدخلي جوه مزاجي

ثريا بزعيق لنور ادخلي جوه يا نور انتي والنبي يا باشا سيبهوملي ممعيش ادفع تمنهم للراجل بتاع الخضار و الله يا باشا ده احنا اغلب من الغلب و حياه الغاليين عندك سيبهوملي استرزق منهم

الظابط ببرود ياللا يا بني حطهم في العربيه بسرعه مش عايز وجع دماغ

نور بنرفزه ردت و قالت ماتقول انك طمعان فيهم و عايز تطف،حهم عايز تأكل ولادك حرام من عرق واحده ست غلبانه ده انت مفيش عندك احساس و لا ريحه الدم

الظابط بزعييق خد البت دي كمان يا بني شكلها عايزه تتربي و انا هعرف اربيها ازاي ياللا على البوكس

ثريا جرت وراه و هي بتعيط و قالت لا والنبي يا باشا ومسكت أيده باستها و قالت عشان خاطر ربنا بلاش بنتي الله يسترك يارب دي لسه جايه من الامتحان مدمرش مستقبلها

الظابط زقها بكل قوته وقعها ع الأرض

نور اتعصبت وقالت له انت حي،وان و قذر  وسط الشارع أما توقع ست كبيره كده على الارض راعي سنها على الأقل يا اخي

الظابط اتعصب و شدها من شعرها وركبها في العربيه وجرى بالعربيه عالقسم

العربيه وقفت قدام القسم ونزل منها الظابط وشد نور من شعرها نزلها من العربيه و اخدها و دخل بيها غرفه الظابط سليم الالفي اصعب ضابط في الداخليه
و يبقا ابن عم حسام شاب طويل له عضلات جسم متناسق شعره اسود عيونه سوداء كاتم


سليم باستغراب خير يا حسام في ايه مين البت اللي معاك دي استر يارب

حسام رد بنرفزه الحي،وانه دي هانتني قدام الناس

نور بعصبية ردت و قالت حي،وانه في عينك ده انت اللي حي،وان انت كمان بتشتم

حسام هجم عليها و شدها من شعرها بكل قوته و قال ، وديني لهوريكي اديك شوفت قله ادبها يا سليم انا عايز البت دي تتروق و شيلها دعاره عشان تبقى وصمه عار في حياتها

سليم قام يفض ما بينهم و قال خلاص يا حسام متشلش هم امشي انت و انا هقوم بالواجب معاها

حسام بص لسليم و قاله تمام يا سليم ماشي سلام يا صاحبي

سليم رد و قال سلام يا جلاب المصايب

حسام خرج و قفل الباب وراه و سليم راح وقف قدام نور
نور ع فكره صاحبك ده بني ادم منحط و قذر

سليم بضحك وايه تاني

نور ردت باستغراب و قالت انت بتضحك ليه انا قولت حاجه تضحك

سليم رد و قال مفيش كملي صاحبي ايه كمان

نور ردت و قالت بحده انت عارف هو عمل ايه

سليم رد و قال لا مش عارف و مش عايز اعرف و ياللا يا حلوه جهزى نفسك للحجز

نور ردت ببرود و قالت، عادي جاهزه لاي حاجه بس افتكر انك بكده تكون ظلمت و الظلم ظلمات يوم القيامه و تحسبونه هينا و هو عند الله عظيم

سليم رد و قال بس بس في ايه بغبغان صدعتيني

نور بنرفزه قالت ابن الجزمه بوظلي شعرى و قامت فكاه و مشت صوبعها في رأسها و قالت ، ده انا حاسه ان شعري اتقطع يارب ينشل في أيده البعيد
سليم بيكتب المحضر و بيبص عليها لقاها موطيه لقدام و منزله شعرها لقدام واصل لحد الأرض

سليم راح وقف قدمها من غير ما تشوفه و هي بترجع لورا بشعرها خبط في وش سليم سليم غمض عنيه و قال ، ايه في ايه

نور ردت و قالت، سورى انت مش كنت بتكتب انت ايه اللي جابك هنا و بصتله بعيونها الزرقاء مثل لون السماء الصافي
سليم وهو مش مصدق نفسه من جمالها قال ، يعني جمال العيون دي و الشعر ده و في الاخر اللسان الطويل ده
نور وهي رافعه حاجبها انا ع فكره لساني مش طويل هو

سليم بضحكه خفيفه قال هيشش كل ده و مش طويل اومال لو كنتي لسانك طويل كنتي عملتي ايه

نور بدموع ردت و قالت هو اللي زق ماما وقعها عالارض و كمان سرق حاجتها اللي بتسترزق منها

سليم رد و قال طب ما كنتو اتكلمتو بالراحه معاه عشان دي الوقت هو مش هيهدى غير أما يوديكي في داهيه

نور و هي لسه بتعيط ردت و قالت يعني الست الكبيره تترمي في الشارع عادي أما الظابط لا مينفعش أنه يتهان

باب الغرفه خبط

سليم بحده ، ادخل

امين الشرطه دخل و قال يا باشا  في ست بره عماله تعيط و عماله تقول عايزه بنتي

سليم رد و قال دخلوها يابني ده يوم باين من اوله

امين الشرطه رد و قال تمام يا فندم

نور بلهفه قالت شكلها ماما يا حبيبتي فاتها قلقانه عليا

وفجاه دخلت ثريا جرى ع بنتها و قالت ليه كده يا نور ليه كده

نور و هي بتحضن امها قالت مش هسمح لحد يمد أيده عليكي طول ما انا عايشه اللي هيفكر هدمره

ثريا ردت و قالت ملكيش دعوه انتي والنبي يا باشا خرجوها عشان خاطر ربنا دي يتيمه و مليش حد في الدنيا غيرها و النبي يا بني

سليم رد عليها و قال خلاص يا حاجه انا همشيها بس قوليلها تلم لسانها ده عشان متقعش في مصيبه تانيه و خدي المبلغ ده تمن البضاعه اللي اخدها الظابط حسام

نور بنرفزه ردت و قالت لا مش عايزين فلوس هو أن شاء الله هيولع بالحاجه دي في نار جهنم

ثريا بزعيق في نور ردت و قالت ، ماتخرسي بقا حرام عليكي لسانك ده هيودينا فين تاني امشي يا جاحده شكرا يا بني ع انك حليت الموضوع ربنا يوفقك يارب

سليم بهزار رد و قال بس هتاخدي الفلوس يا اما هدخلها تتحبس و اللا انتي شكلك عايزه تخلصي منها و اللا ايه

ثريا بضحكه خفيفه ردت و قالت لا خلاص هاخدهم يا بني كتر خيرك

نور بصت بإعجاب لسليم و قالت بصراحه حضرتك محترم جدا عن الحرامي التاني فاته عمال ياكل في الجرجير بتاعنا

سليم بضحك رد و قال هههههههه والله انتي مسخره بقا هو اخد الجرجير عشان ياكله بصراحه انتي سكر

نور ردت و قالت شكرا لحضرتك

ثريا ردت و قالت ماشي يابني ربنا يحميك نمشي احنا بقا

سليم رد و قال ماشي يا حاجه مع السلامه بس خلي بنتك تخف شويه ميبقاش كده عشان محدش ياذيها

ثريا ردت و قالت ربنا يهديها يارب دي مدوخاني و الله بس بحق الله شاطره و بتطلع دايما من الاول بحس اني يلاقي تعبي و مجهودي بجد معاها

رد سليم و قال ربنا يخليهالك و يهديهالك يارب

ثريا ردت و قالت تسلم يابني ربنا يحفظك يارب بحفظه و اخدت بنتها و مشت روحت البيت و سليم فضل يفكر في جمال نور و سحر عيونها و فضل يفكر ماذا سيقول لحسام عندما يسأله عنها و خاف عليها من حسام

للكاتبه اميره محمود