الفصل الاخير

قمر الهوى
وصلنا ف الحلقه اللي فاتت لما معتز ولطيفه كانو قاعدين ف العربيه
ولطيفه فكرت ف خطه بمساعدته وفكرت انها تقوله بس ياترى هو هيوافق ولا لأ
معتز ـ ان مش فاهم اي حاجه من اللي انتي قولتيعا دي خالص
لطيفه ـ خلاص يازوز مش مهم تعرف
انا عاوزه منك حاجه واحده بس ان لما اجي اتكلم مع ابويا وابصلك تهز راسك بأيوه مفهوم
زوز ـ اه طبعا لازم اهز راسي ما انا قدام لغتكم هبقى عامل زي الاطرش ف الزفه مش كدا
لطيفه ـ صدقني يامعتز جميل عمري ماهنساهولك ابدا انت شكلك طيب وجدع وابن ناس وبتساعد اي واحده تبقى ف ضيقه زيي

معتز ـ طيب موافق .. بلاش بس تقعدي تبربشي بعنيكي كدا علشان انا بضعف
لطيفه ضحكت وقالت
طب يالا بينا نمشي

معتز دور العربيه ـ يالا بينا نمشي

ـــــــــــــــــــــــــــــــــــــــــــــــــــــــــــــــ
اما في بيت الصياد
ثريا ـ يادي المصيبه يادي الفضيحه اللي حلت علينا ف المنطقه...
بكرا تبقى سمعتنا وحشه قدام كل الناس واللي مايشتري يتفرج علينا
ياشماته اماثل اختي فيا
ياشماته العدوين والحبايب فينا يابنت بطني
اروى كانت قاعده جنب امها وبتحاول تهدي فيها
ـ اهدي بس ياماما ان شاء الله هتتحل من عنده انتي بس اهدي علشان لو فضلتي كدا اللي ميعرفش هيعرف
ثريا ـ طيب يابنت بطني خلاص سكت اتخرست.. هديت واتبطيت
هتحليها ازاي دي بقى

اروى ـ الاول عايزاكي تعرفي ان اللي ف الفديو دا مش حقيقي والله العظيم ماهو حقيقي
هم كانو شابين وحاولو فعلا الاعتداء عليا لكن محصلش حاجه وقبل مايحصل اللي كانو ناويين عليه كان
سليم لحقني
ـ اومال ايه الفديو دا يا اروى.،
ـ الفديو دا اكيد اخدوه من كاميرا الاستراحه علشان ميكونش دليل إدانه ليهم وعلشان يدبسوني انا ويجيبو العيب عندي مش عندهم
بس انا بقى مش هسبهم
مش هسيب حقي وهبلغ عنهم مباحث الانترنت
اماثل لطمت على وشها
ـ مباحث ايه ياختي
وعايزه تفضحيهم
تفضحي مين ياروح امك
انت هتفضحي نفسك قبل ماتفضحيهم
لازم تكوني فاهمه كدا كويس
اروى ـ اتفضح اتفضح ليه انا مش فاهمه
ياماما انا المجني عليها
لو كل بنت خافت وادارت جنب الحيط زي مابتقولي هنبقى عايشين ف غابه والقوي فيها هياكل الضعيف
لازم الشباب دول يكونو عبره لمن يعتبر علشان كل بنت يبقى ليها كرامتها وراسها مرفوعه وسط المجتمع

ثريا ـ انا يابنتي مفهمش في الكلام بتاع المتعلمين دا
دي فلسفه ميفهمهاش غير بتوع البرامج والجرايد
انما انا علامي على قدي
انا كل اللي عاوزاه انك تتحوزي وتتستري علشان ارتاح منك ومن مسؤليتك اللي عليا دي
اروى ـ كدا ياماما يعني انا بقيت حمل تقيل عليكي وخلاص مش قادره تشيليه
اماثل ـ لا مش قادره اشيله... شيلت كتير خلاص لحد اما كتفي اتخدل وضهري حنى
انتي عندك كام سنه يا اروى 
انتي دلوقتي ماشه ف ال 25 يابنتي
25 ولسه مجاش نصيبك انا خايفه تعنسي وف الاخر تتجوزي واحد اكبر منك بعشرين سنه وتخلفي منه عيل ويموت ويسيبك وف الاخر تشيلي مسؤليه العيل لوحدك
وتبقي بالنسباله الام والاب وكل حاجه
انا عشت كدا يابنتي
دي كانت ظروفي ومش عاوزاكي تعيشي اللي عشته ولا تشوفي اللي شوفته
اروى حست بأمها اخيرا وعرفت هي ليه ديما بتكون مستعجله على جوازها
لانها مش عاوزاها تعيش. اللي هي عايشاه ولا تشوف اللي شافته
لان ديما كل ام بتتمنى لولادها الاحسن
ـــــــــــــــــــــــــــــــــــــــــــــــــــــــــــــــ
اما عند قمر وفجر
قمر ـ صحيت من النوم وقالت
اصبحنا واصبح الملك لله ياااه دا احنا شكلنا ضحينا اوي ياترى احنا امتى دلوقتي
وبصت ف الساعه
ـ يالهوي دي الساعه 1 بعد الضهر والنهارده التلات يعني في سوق ولقمه عيش حلوه النهارده اما اقوم بقى علشان اسعى على رزقي
وصت على فجر اللي كان نايم جنبها
وقالت
على رأي المثل حط ايدك ف جيب غيرك اكنه طل رمل
انا مش هستنى من حد المصروف لا انا كاتعه ولا بنص دراع 
وطول مافيا نفس هاكل لقمتي من عرق جبيني
وشالت البطنيه من عليها وشدت الرحال
وصلت بعد شويه على مكان الفرشه بتاعتها
وبدأت تظبط النصبه
ام فاروق الجاره ـ يوووه ايه اللي انا شايفاه بعيني دا حلم وعلم

لفت وشها قمر وبصت عليها
ـ جرا ايه ياوليه مالك ماشيه تلقحي بالكلام كدا ليه هو ايه اللي حلم وعلم روحي يختي اتغطي كويس وطسي وشك بشويه ميه بدال العماص اللي ساددهم ومخليكي ماشيه تلطشي
ـ ههههههه يخربيت لسانك الزفر يابت ياقمر
بس انتي ايه اللي جابك عالفرشه يابت هو انتي ناقصك شغل ياللي تنشكي
ايه مش مكفيكي اللي عند جوزك وابوه جايه تفتحي الفرشه بتاعتك اللي بتجبلك ملاليم اخر النهار
هتتعملي بيهم ايه دول يابت هتجيبي شويه لب وحرنكش تكليهم مع جوزك قصاد الشاشه
قمر ضربت كف على كف
ـ ياوليه انتي مالك استغفر الله العظيم يارب
متخليكي ف حالك وتحطي لسانك جوا بؤقك بدال ما اجيبك تحت رجلي وامرمط بكرامتك الارض
يالا غوري من وشي

ام فاروق ـ كتذا كتذا ياقمر ماشي انا هاوريكي مين دي اللي هتمرمطي بكرامتها الارض
ومشيت من قدامها وهي مش ناويه على الخير لقمر ابدا
قمر بدأت تظبط ف حاجتها
جه واحد ـ صباح الخير ياقمر
ـ اهلا يابو عبدو صباح النور
ـ ايه يابنتي فينك من الصبح احنا فطرنا وبعت الواد يجبلنا طقم شاي من عندك قالي انك مش موجوده خير انتي كويسه
ـ بخير يا ابو عبدو الحمد لله
ـ طيب ابعتيلنا طقم شاي بسرعه وحيات ابوكي اصل دماغي خرمانه من كتر المناهده مع الزباين ف السوق
قمر ـ حالا يا ابو عبدو احلى طقم شاي للمعلم ابو عبدو واللي معاه
ابو عبدو مشي
وجت ام محمد صاحبه قمر
ام محمد ـ يووه قمر ايه اللي جابك يابنتي دا انتي لسه عروسه ف شهر العسل
ـ عسل ايه وبصل ايه بقى يا ام محمد ما انتي عارفه اللي فيها
ـ ايوا بس فجر عارف انك هنا
ـ وانا مالي ومال فجر بقى ان شاء الله دا شغلي واكل عيشي وهو دا اللي باقيلي بعد مايطلقني
ـ طب مش لما تطلقي منه تبقي ترجعي لشغلك
كدا غلط على سمعته ف المنطقه
قمر ـ بقولك ايه ياام محمد سبيها على الله
ـ ونعم بالله
ـــــــــــــــــــــــــــــــــــــــــــــــــــــــــــــــ
ام فاروق مكدبتش خبر وبسرعه راحت على بيت الصياد
وخبطت عالباب وفتحت منار
ام فاروق ـ سالخير ياشابه
منار بصتلها من فوق لتحت
ـ مساء النور مين حضرتك
ـ انا تم فاروق جارتكم في الشارع اللي قدام اللي في فرن مرزوق
القصد هي الحاجه ام فجر هنا
اصل انا كنت عايزاها في موضوع كدا
جت اماثل ـ مين يامنار ام فاروق اهلا ياحببتي اتفضلي يامرحب

ام فاروق ـ ازيك يا حجه عامله ايه
ـ الحمد لله ياحببتي ف نعمه
ـ انا قولت اجي اسلم عليكي لما شوفت قمر  شوفت قمر ف الفرشه
قولتلها ازاي حماتك عامله ايه

اماثل قاطعتها ـ نعم شوفتي مين اللي ف الفرشه لامؤخذه
ـ قمر
ـ  قمر مين؟؟ قمر مرات ابني فجر
ـ اه والمصحب ياحببتي انا بردو برقت اول ماشوفتها
وقولتلها قولتلها ياقمر الله يهديكي ياحببتي روحي بيتك وخليكي ف حضن جوزك احسن من الشغل والمرمطه اللي انتي فيها دي وكان جوابها انها اهئ اهئ زعقتلي ف الشارع قدام الناس والنبي ياختي انا كنت  عايزه مصلحتها بس هي كسىرت بخاطري
الا قوليلي يا حجه هو فجر بيه يعرف
اماثل بسرحان ـ ها.... طيب بقولك ايه روحي انتي بقى دلوقتي يا ام فاروق اصل انا تعبانه ولسه مخدتش حبايه السكر ودي ساعه فكار زي ما انتي شايفه
ـ طيب استأذن انا بقى اقعدي بالعافيه
ومشيت ام فاروق واماثل وشها احمر وحست بنار ف صدرها وغل ظاهر ف عنيها
،  بقى كدا ياقمر يابنت عزيزه يالمامه الشوارع ياللي متعرفيش ولا شوفتيش بتلاته مليم ربايه
اما وريتك ما بقاش انا اماثل
هاتي يابت الطرحه من جوا
منار ـ استهدي بالله بس يامه وخلينا نقول ل فجر اخويه
ـ واخوكي ياختي هيعمل ايه
دا هو اصلا مش عايزها ومش فارفه معاه بتلاته مليم
وكلها كام شهر ويطلقها وتغور ف ستين داهيه بعيد عنا وعن وشنا
منار ـ طيب انتي ليه مزعله نفسك دلوقتي يامه طالما اخويه هيطلقنا
ـ سمعتنا يااختي سمعتنا وسط الحي كله هتبقى على كل لسان بسبب بت متسواش زي دي
هتبقى!  مابقت خلاص زمان الكل بقول مرات فجر الصياد شغاله على فرشه شاي وجوزها اللي عنده اراضي ومحلات مش عارف يصرف  عليها

وخطفت الطرحه من ايد منار وراحت على السوق
منار ـ طب طب وبعدين اعمل ايه انا دلوقتي؟؟
بس لاقتها
ـــــــــــــــــــــــــــــــــــــــــــــــــــــــــــــــ
بعد شويه كانت وصلت على السوق
ومن غير مقدمات دلقت الشاي اللي ف البرميل عالارض
وقمر كانت جايه بكوبيات فاضيه راحت خبطتها بإديها ووقعت عالارض اتكسرت
والناس كلها اتلكت وقعدو يتفرجو في منهم اللي شمتان واللي شفقان
قمر ـ ليه كدا ياحماتي حرام عليكي دا رزق اليوم كلو اتكب عالارض
اماثل ـ انتي بتعملي ايه هنا يابنت عزيزه النماصه

قمر ـ هكون بعمل ايه يعني بسعى على اكل عيشي
فرشتي ورزقي الي باقيلي
ـ باقيلك دا لما تبقي متجوزه واحد زيك وشبهك وانتو الاتنين تكحو تراب على بعض
مش لما تبقي متجوزه من فجر الصياد على سن ورمح
يالا انجري معايا حسابي معاكي في البيت مش هنا

قمر ـ مالكيش دعوه بيا لما جوزي يجي يقول الكلام ابقى اروح معاه

ـ جوزك دا يبقى ابني ومش هيكسر كلمتي مهما حصل فاهمه
ولو قولتله يركي عليكي يمين الطلاق دلوقتي مش هيأثر وهيعملها
فأنجري معايا بالذوق بدال ما اخدك من شعرك
ام محمد جت وقالت،  طب استهدي بالله كدا ياست اماثل وصاي عالنبي دا احنا داخلين على الشهر الكريم
وكل سنه وانتي طيبه

ـ متدخليش انتي يا ام محمد خليكي ف كوزك انتي مش عارفه انا فيا ايه انا عفاريت الدنيا كلها بتتنطط ف وشي
وولسه هتمسك قمر من شعرها راح فجر جه ومسك اديها
ـ ايه يامه في ايه؟؟!
ـ شايف ياضنايا شايف مراتك بطول لسانها عليا ومستقله بيك وجايه تشتغل على الفرشه من وراك
فجر ـ مش من ورايا ولا حاجه انا عارف وموافق وهي قالتلي قبل ماتنزل

اماثل ف صدمه ـ ايه موافق على ايه دي عارتنا
فجر ـ يالا ياقمر نمشي وبكرا ان شاء الله هبقى اصلح اللي اتكسر على حسابي
قمر مكنتش مصدقه اللي سمعته وشافته من فجر بس فردت ضهرها المحني ورفعت راسها وخدت نفس وبصت لأماثل بإنتصار ومشيت مع فجر بعين مفتوحه

ـــــــــــــــــــــــــــــــــــــــــــــــــــــــــــــــ
فجر وقمر وصلو عالبيت واول مادخلو
قمر ـ انا مش عارفه اشكرك ازاي يافج
فجأه لقت كف نازل على وشها وقعها عالارض
ـ انتي ايه اللي خرجك من الببت من ورايا وازاي تروحي عالفرشه من غير ماتعرفيني
نزل فجر لمستوها ومسكها من دراعها
انتي ليه عملتي كدا ليه فضحتيني وسط الخلق من تاني يوم جواز
الناس دلوقتي يقولو ايه
فجر الصياد مش عارف يصرف على مراته وخلاها تنزل تبيع شاي
ايع اللي ناقصك فهميني علشان تعملي كدا.
ـ  حتى لو ناقصني اكيد مش هطلب منك حاجه ومش عاوزه منك حاجه
انا ملزومه من نفسي

ـ الكلام دا قبل ماتبقي مرات فجر الصياد
ـ يوووه كل شويه فجر الصياد وعيله الصياد فلقتوني بقى
انت انت عايز ايه مني
انا تعبانه سبني ف حالي
وبدأت تبكي بضعف
وفجر بسرعه شدها لحضنه وفصل يطبطب عليها
ـ بس اهدي متعيطيش
متعيطيش خلاص وتعملي زي العيال الصغيره
قمر بطفوله ـ انا مش عيله صعيره
ـ ياسلام طب تيجي نقيس ونشوف مين اكبر من التاني

قمر ف عز دموعها ضحكت وفجر قالها
ياااه اخيرا ضحكتي
دا انتي ايه دا حتى ف عز ضعفك بتتخانقي
وبدأ يتكلم معاها بالعقل
ـ بصي ياقمر
لازم تفهمي انك متجوزه اغنى واحد ف المنطقه بفضل الله
وعلشان كدا مينفعش مراته تبقى شغاله على نصبه شاي

قمر بتفكير ـ خلاص نلغي النصبه ونخليها قهوه كبيره
ونسميها قمر الفجر
فجر قالها
ـ اه نسميها قمر الفجر
وبدأ يطلع الحزام من بنطلونه

قمر صرخت وجريت
عااااااااا فجر انت هتعمل ايه يامجنون

فجر جري بسرعه وراها وقدر يمسكها
ـ تعالي هنا بقى انتي عاوزه تفتحي قهوه
ـ لا لا خلاص يافجر انا اسفه
ـ طب ايه رأيك بقى ان انا موافق
ـ بجد
ـ امم بس بشرط
ـ  ايه هو
ـ تفتحي القهوه دي ف الشقه هنا
ـ اه يعني عاوزها قهوه خاصه بيك انت ؟
ـ اه وايه المشكله هو انا مش قولتلك قبل كدا ان انتي ملكي

قمر بصت لعنيه وحسن بطمئنينه محستش بيها قبل كدا
وفجر لقى نفسه بيقرب منها وبيبوسها
بالراحه و ايده اتحطت على وسطها
وضغط عليها بقوه وهو بيحسسها بقوته وملكيته ليها
ومن غير ماتحس حطت اديها على شعره وبتجاريه ف نفس الشعور والاحساس
فجر حس برغبه قويه بتشده ناحيتها
فمقدرش يبعد عنها فقرر انه يخليها زوجته بجد قولا وفعلا وقمر حاولت تمنعه بس مقدرتش لانها حست فعلا انها محتجاله زي ماهو محتاجها
ودخلو سوا في عالمهم الخاص بيهم

ـــــــــــــــــــــــــــــــــــــــــــــــــــــــــــــــ
اما عند معتز ولطيفه فوصلو اخيرا على النوبه
واول ماوصلو جت كام عربيه وحاوطوهم من كل مكان
معتز ـ اي دا احنا دخلنا فيلم الجزيره ولا ايه استر يارب
لطيفه ـ لا دي بلد بابا
معتز لاقاهم بيمسكوه وبيمسكوها حاول يعمل حركه جدعنه بس لقى سلاح اتحط على دماغه
معتز ـ ليه يااخوانا كدا دا انا حتى مسالم والله
بعد شويه وقت كانو وصلو على بيت الكبير بتاع البلد واللي هو يبقى ابو لطيفه
لطيفه بصت لمعتز وغمزتله قال يعني اعمل زي ماقولتلك

الاب سامر بلغه النوبه ـ حمد الله عالسلامه يابنت ابوكي
ياللي كنت ماشي ورافع راسي بيكي
انتي دلوقتي متستاهليش حاجه غير الموت

لطيفه ـ انا اسفه يابا بس انا حبيته حبيته اوي
هو كويس جدا معايا يابابا وجدع اوي اوي
وبصت لمعتز اللي مش فاهم حاجه وفضلت تملس على شعره وتقول
هو فعلا شخص مميز يستحق حبي ويستاهل كل شئ ف حياتي
لا هو يستاهل كل حياتي
معتز ف نفسه ـ ياسلام عليكي ياحوه لما بتتدلعي هتودينا فين بسهوكه امك  دي

لطيفه بصتله وجذت على سنانها
وقالت مش كدا ياروحي
معتز فضل متنح مع كلمه روحي
لحد ماهي جذت على سنانها
مش كدا ياروحييييييي
معتز هز دماغه بأه زي ما اتفقو

سامر بالنوبي ـ افهم من كدا انكو اتجوزتو
معتز من غير فهم هز دماغه ـ ايونن

كان رد فعل الاب محدش يتوقعه وقام واخد معتز ف حضنه ورحب بيه وسط الناس بس ياترى ايه اللي بيفكر فيه
وبعدها معتز لقى التمثليه بتقلب بجد ومع الوقت زاد تعلقه ب لطيفه وحبه ليها كان بيزيد يوم عن يوم وكمان لطيفه بدأت تحس بإرتياح نفسي من ناحيته وطلب اديها وقررت انها تتجوزه وهم الاتنين قعدو مع ابوها وصارحوه بالحقيقه وهو مزعلش بالعكس اتمسك بمعتز اكتر من الاول
ووافق يجوزهم لبعض
وبعدها معتز قرر يفضل ف النوبه واتعلم لغتهم وقرر انه ينفذ كام مشروع كانو ف خياله هناك
وبقت حياتهم هاديه ومستقره وجابو توأم وسموهم زياد وسمرا


ـــــــــــــــــــــــــــــــــــــــــــــــــــــــــــــــ
اما في بيت الصياد فوصل اخيرا سليم وهو مقرر على شئ في راسه وعزم على تنفيذه وبدأ يتكلم مع ثريا ف الموضوع وهو متحمس جدا

سليم ـ فهماني ياطنط؟!
ثريا ـ يعني دلوقتي عاوز تتجوز اروى بنتي علشان تجبلها حقها
طب وبعد مايرجع حقها من العيال اللي ظلموها هتسبها يا ابني

سليم ـ لا ياحاجه يشهد عليا ربنا اني حابب اروى  وعاوز اكمل معاها
بس ف نفس الوقت مش عايز اكون مغصوب عليها
هنا ثريا مسكت ايده
ـ اوعدني يا ابني اوعدني ان عمرك ماهتسبها
اروى مالهاش حد غيري ف الدنيا ابوها اتوفى وهي صغيره ومالهاش غيري وانا لو جرالي حاجه مش هكون مطمنه عليها مع حد تاني غيرك

سليم متقلقيش ياطنط انا هشيلها ف عنيا
وعدى حوالي اسبوعين وسليم اتجوز اروى وبعدها والدتها اتوفت ودا اللي خلى سليم يتمسك بيها اكتر وهي مع الوقت حبته وعاشو ف تبات ونبات

ـــــــــــــــــــــــــــــــــــــــــــــــــــــــــــــــ
مرت الايام والشهور وعدى حوالي 3 شهور على جواز فجر وقمر
راجح وهم ف في الصاله بيتكلمو ف الشغل
ـ مش ناوي تطلقها بقى يافجر اظن انا مردتش اطلب منك الطلب دا ف الاول قولت البت حلوه واسيبك تعيشلك يومين معاها

فجر ـ انا مش عايز اعيش يومين بس يابا انا عايز اعيش معاها العمر كلو.... انا مش هطلق مراتي يابا
مش هطلقها

راجح ـ خلاص خلاص فلقتنا يا اخي مراتي مراتي كل شويه
طيب تولع بيها اهي عندك بس عالله تجيلي بعدها ندمان انت فاهم
ـ لا مش هندم يابا
وعالفكرا انا هتنقل اسكندريه
جت اماثل وقالت
ياندامه اسكندريه ايه ياضنايا اللي عايز تروحها وتسبني
انت عايز تبعد عني يا ابني

فجر قرب من امه ومسك اديها وباسها
ـ مقدرش ابعد عنك ياست الكل بس لولا المشاغل
ـ ماشي ياضنايا تروح وترجع بالسلامه
ومتقلقش مراتك هتبقى ف عنينا
ـ لا ماهو انا هاخد قمر معايا
ـ لا بقى دا انت كدا ناوي على روحه بلا رجعه
فجر ـ على حسب ظروف شغلي
ـ كدا يافجر هانت عليك العشره ياضنايا
فجر ـ متقوليش كدا بقى يا اماثل
يالا انا همشي دلوقتي وابقى اعدي عليكي بليل قبل ما اسافر


كلع فجر فوق فلقى الشقه متزينه وجميله وشكلها حلو اوي ولا كأنه داخل قصر
ولقى قمر لابسه فستان شيك كدا
قالها
ايه الحلاوه دي مش ممكن الحمال دا هو انا كل يوم اكتشف انك جميله اكتر  من اليوم اللي بعده

قمر ـ دا بس علشان انت بتحبني وبعدين في حد تاني بيحبني اكتر منك وهو اللي محليني

فجر ـ حد حد مين دا بقى ان شاء الله
قمر ـ متغيرش كدا علشان دا حد منك انت
ومدت اديها على السفره فجابت نتيجه تحليل الحمل وورتهوله
وقالت ـ فجر مبروك ياحبيبي هتبقى اب

فجر حرفيا الفرحه مكنتش سايعاه وشالها ودوخها وعزم ف نفسه على السفر لأسكندريه اكتر علشان يبعدها عن امه وابوه ازيتهم ليها خصوصا بعد خبر حملها
وبعد 9 شهور جابو بنت زي القمر وسموها شمس
شمس بنت قمر وفجر
يعني شمس القمر والفجر مش عارفه ازاي

وتوته توته خلصت الحدوته حلوه ولا ملتوته