الفصل الاول

في بيت صغير في احدي المدن في احدي محافاظات مصر

توجد عائله مكونه من الاب والام وابنتان ..

الاب يدعي سالم ..
والام نجوي
والبنت الكبيره رشا
والاخت الصغيره جنه ...
الاسره تعيش غي منزل بسيط للغايه ..
والاب يعمل مدرس ..
والام ربه منزل ..

انجب الاب والام بنتهم الاولي رشا ...
ثم مر عليهم ٧ سنوات ولم ينجبو .. مره اخرى ..

وبعد مرو ال ٧ سنوات حملت الام في جنين .

وبعد ان انجبت .. انجبتها فتاه ..
فسموها جنه ..


البنت دي كانت جميله جدا جدا جدا فوق ما يتخيلو ..

وكبرت جنه واختها مع بعض
اختين بيحبو بعض وقلبهم علي بعض ..

اما الاب سالم فيعمل بكل طاقته وبكل قوته ..
ويجتهد فهو مربي فاضل ومدرس محترم
يوفر لهم كل ما يحتاجو له من ماكل وملبس ولم يحرمهم يوما من اي شيئ تمنوه او ارادو الحصول عليه ..


رشا وجنه كبرو معا وتزوجت رشا اخت جنه ..
كانت جنه صغيره عن رشا ب ٧ اعوام

وكانت حينها جنه قد وصلت لمرحله الثانويه العامه ..


اما جنه فمن صغرها وهي تعلم انها جميله جدا من نظرات الناس لها
ومن حبهم لها ..

ومن كلامهم معاها ..

فكل من يراها كان يراها جميله جدا جدا ..
ورقيقه ..



ولما وصلت جنه لمرحله الثانويه العامه ..
بدا يتقرب منها اصدقائها من الولاد لكنها كانت تعلم
بانهم يتقربون منها فقط لانها اجمل من الفتيات حولها ..

ودا الي كانو دايما بيقولوه ليها ...

جنه كانت بنت بسيطه وطيبه جدا جدا ...
كان اخر العنقود عند اهلها ..

اخر واحده بقي وجايه بعد مده ..
يعني الدلع كله ليها هي بس ..

وعلي الرغم من حاله اهلها البسيطه ماديا الي انهم كانو موفرين ليها احسن الملابس واحسن اكل ..
وكانت بتاخد مصروف كويس جدا يكفيها .. وقت خروجها ..



بتعدي مرحله الثانويه وبتتعقد جنه من المعاكاسات الي بتتعرضلها بسبب شكلها الجميل والملفت للنظر ..
وبسبب لبسها الشيك دايما والانيق ..

وبتتمني لو الثانويه العامه دي بكل قرفها وضغطها النفسي تعدي ..


وفعلا بتقدي جنه الثانويه العامه وهي طلبتها كلها مجابه ..
اكل ولبس ودروس ..

وعند والدها هي البنت المفضله والدلوعه بتاعه البيت ..

كانت بالنسبالهم قطه صغيره ..

بيوجهوها مكان مهما عاوزين وفي نفس الوقت بينفذولها طلباتها. .....


ولما بتنتهي الثانويه العامه بتجيب جنه مجموع ..
كويس لانها كانت بتكون شعبه ادبي ..
فبتقرر جنه انها هتدخل كليه الاداب ..


اما جنه من المرحله دي .. بدا يكون عندها طموح ..
لانها وبسبب جمالها وحلاوتها
كانت بتتصور وتنزل صورها علي السوشيال ميديا
فكانت بتحصل علي الكثير من التفاعل مع اصدقائها والاقارب والمعارف .

ولما بدات تحس انها خلاص بيجيلها الكتير من اللايكات او الاعجابات .. والعين بتكون عليها بسبب جمالها ورقتها ..
بتحب انها تدخل المجال دا كشغل ..
وبتقرر جنه انها تبقي موديل .. او بلوجر .. ... ..
وفعلا

بيجيلها عروض من بنات ومن ناس انها تشتغل مودل ..

زي انها تلبس لبس من محلات معروفه وتعرضه
والمحل يعرضه علي صفحته ..
او انها تعمل ميكاب ويوضحو قد اي الميكاب حلو ..
ويشرحو للناس ازاي ينعلمو يعملو ميكاب ..



وبتتبسط جنه لانها بتحس انها بدات تعرف طريقها وتفهم هي عاوزه اي وتتحط علي اول الطريق ..

ولما بيمشي الموضوع وبيجيلها اوردرات ورا اوردرات
.
بتبدا جني تتعرف وتتشهررر

وبتدخل المجال دا فعلا بشكل جدي ..

وبقت بتعرف انها تعتمد علي نفسها ويدخلها دخل مادي خاص بيها هي
من خلال شغلها ..
وبتكون بتحكي لباباها ومامتها عن طموحها وعن الي هي نفسها فيه ..

وانها عاوزه تكون ليها مستقبل وحياه كويسه وكريمه ..
وانها عاوزه تشتغل ويبقي عندها كارير ..

واهلها بيشجعوها جدا جدا علي الخطوه دي وبيتمنو انها تفضل تجتهد فيها وتوصل ان شاء الله للي هي بتتمناه . ..


ولما بتتقاضي مبلغ مالي بترجع وبتكون فرحانه وبتجيب هدايا لامها وابوها ولاختها كمان ..
وبيستمرو علي تشجيعها ...



وجنه كل دا بيحفزها وبيدا يديها امل ودافع كبير للاستمراريه .. والاصرار علي النجاح ..


فجنه تملك شخصيه رائعه ... انسانه لديها طموح
وتنظر الي المستقبل بنظره تفاؤل وامل وحب ..
وتنتظر ان تحقق اهدافها التي تسعي لها بالفعل .
فهي بالفعل لها اهداف مخططه لهاا ..
تلك هي شخصيتها طموحه تحب النجاح ..تتمني ان تجد نفسها امراه ناجحه ومشهوره ومعروفه ..
لها تاثير في المجتمع وذات قيمه كبيره يشعر بها الجميع وليست هي فقط ...

فهي ما زالت في عمر الزهور الصغيره ..
التي تريد ان تتفتح علي الدنيا وترى العالم ..
لا تريد ان تتسلق الجبال حتي يراها الناس فوقها
بل تريد ان تتسلق الجبال حتي ترى العالم هي من فوق الجبال .. لم تخلق وفي فمها معلقه من ذهب ..

هي بسيطه ومن اسره صغيره وبسيطه ..
تعلم جنه المجهود التي تقوم به اسرتها للانفاق عليها وعلي اختها ولجلب المال. .

وكيف زوج لبيها اختها الكبري وانه كان يعمل ليلا مع نهار حتي يستطيع ان يدبر مصاريف زواج اختها الكبري
وبعد ان زوجها فقد ارتاح قلبه قليلا ..
وشعر ان الحمل قد قل علي كتفيه ..
لكن الاب سالم المسكين لم يكن يعرف ما سيحدث فيه

.وما تخبأه له الحياه وما يخبأه القدر له ..

بتعدي جنه من الثانويه وبتنجح واهلها بيفرحو بيها ..
ماما انا نجحت خلاص ...
لازم بقي اشترى لبس عشان الجامعه ..
وبتوافق مامتها بدون تردد
وبتطلب من والدها فلوس عشان يشترو للبس الجامعه


وبتاخد جنه الفلوس وبتشيلها معاها ..
وبتروح جنه ووالدتها عند ناس قرايبهم ..
وبيسالوها ..

هي جنه نجحت ..
ايوا الحمدلله نجحت .

والله وجابت كام بقي علي كدا طالما نجحت ..

بتقولهم جنه .. ان دا ميخصهمش وانها هتدخل كليه الاداب قسم اعلاء . . . .

والناس بيباركولها بس بغل

والمحروسه مشاء الله كل يوم يجيلها عريس وبترفض ليه
في حد كدا ولا كدا ولا انتي عشان عارفه انك حلوه بتتعززي ..


اه عشان عارفه اني حلوه بتعزز وفيها
وبترد جنه علي كل الانتقادات الي بتواجهها من الي حواليها
والي دايما بيحاولو يحسسوها ان جمالها دا نقمه عليها ويقللو منها بسبب حقدهم وغيرتهم منها وكرههم ليها ..

وجنه بتكون بنت لطيفه جدا ومبتحبش تعمل مشاكل
بس وقت ما الوضع بيضطرها انها ترد او تعبر عن الي جواها
فهي بتحاول قدر الامكان تعمل دا ومتسمحش لحد انه ياخد فرصه يضايقها او يضايق والدتها بالكلام ..

يلا يا جنه عشان نروح احنا ورانا لسه مشاوير كتير اوي

وبتسالها قريبتهم...
علي فين كدا ان شاء الله ..
وبترد عليها جنه وبتقولها مهي قالتك مشوار ..

يا ساتر البت جنه دي لسانها متبري منها اوي ..
اه يا ماما بس حلوه اوي ... ياريت تجوزهالي بقي ..

اجوزهالك اي انت عبيط يلا
عمرى ما اجوزك البت دي لو اخر واحده في الدنيا

ليه بس كدا يا ماما ..
هو كدا مستحيل ...

انتي بس واخواتي بتغيرو منها عشان قموره كدا وعسوله .

طب اتنيل بس انت وافلح في حاجه وبعدين فكر في الجواز ..



ها يا ماما بابا اداكي كلام ...

اداني ٣ الاف جنيه هنشتري بيهم كل الي انتي عوزاه ..

يا ماما بقي حرام عليكي بجد والله ٣ الاف اي الي هيجيبو ليا كل الي انا عوزاه
دول مش هيكملو طقمين بالعافيه يا ماما ..


طب اعمل اي بس مهو دا الي مع ابوكي دلوقتي يا جنه ..
ومن عنيا بصي نجيب دول دلوقتي ..
وانا هحوشلك لحد بدايه الجامعه ونشتري اللبس الي انتي عوزاه ..


خلاص بقي مش مشكله وانا كمان هحاول اشتغل ويارب يجيلي اوردرات عشان اعرف اشتري اللبس الي انا عوزاه ..


ان شاء الله يا جنه هيجيلك كل الي انتي عوزاه ونفسك فيه ..

متقلقيش خالص انتي بس ..

ان شاء الله يا ماما ..
وبتخرج جنه وامها وبيلفو كتير ..
وفي النهايه بتشتري جنه اللبس الي عجبها ..
رغم ان كل اللبس الي بتقيسه وتجربه بيطلع حلو عليها جدا

بس مبتكنش قادره تجيب كل الي نفسها فيه بسبب ان الفلوس مش مكمله معاها ..
وبتبص للبس والحاجات الي نفسها فيها ..
وبتقول ... : انا في يوم هشترى كل اللبس الي انا عوزاه واغلي واحسن من دا كمان بكتير ..

انا هشتغل وهتعب وهفضل اجتهد واركز علي مستقبلي عشان العيشه الي عاوزه اعيشها .. عشان اعمل الي انا عوزاه كله .. واعيش في المستوي الي نفسي فيه وبتمناه
مش هياس ابدا وهفضل ورا حلمي دايما وعمرى ما هسيبه لازم انجح واجتهد واوصل واحاول واحارب عشان اوصل لهدفي ...
وبتوعد نفسها بانها تكون يوم نموذج ناجح ومشهور ومعروف كمان ..


هاااا بقي يا حبيبتي اي رايك في اللبس الي اشتريناه ..

جميل يا ماما وعجبني .. بس انتي بقي اي !! علي وعدك ليا اتفقنا !!

حاضر يا جنه علي وعدي معاكي وقبل ما تدخلي الكليه هتكون جبتلك كل الي انتي عوزاه ونفسك فيه كله ..


ربنا يخليكي ليا يارب يا ماما انتي وبابا .. وميحرمنيش منكم ابدا...


انا بقي دلوقتي لازم انزل اتصور شويه صور كدا وانزلهم عندي علي الصفحه ، عشان ازود عدد المتابعين عندي وابقي
معروفه شويه ويجيلي اوردرات..

وبتنام جنه وبيعدي اليوم
وبتنزل جنه فعلا وبتتصور صور حلوه اوي وبتنشرها علي صفحتها ... وبتلاقي تفاعل كبير جدا من الناس علي صورها بسبب جمالها وبرائتها وطريقتها واسلوبها في الكلام لو نزلت فيديو او عملت تيك توك ..
فالناس بيحبوها ..
وفعلا بيبدأ يجيلها اوردرات ..
وبتفرح وبتحس انها خلاص قربت من حلمها
وبتتفق معاهم علي كل حاجه والمره دي بيجيلها
مبلغ كبير وبتكون مبسوطه وسعيده

وبتتشهر اكتر ودا بيكون بدايه حلمها في انها تحقق
الشهره
اوتكون موديل او بلوجر زي ما بتتمني


ماما
ايوا يا جنه ..
انا هنزل يا ماما عشان عندي تصوير لميكاب
ومش هتاخر
طيب ياجنه
خلي بالك من نفسك يا حبيبتي
ومتتاخريش

حاضر يا ماما سلام يا حبيبتي...