الفصل الثاني

بتنزل جنه وبتبدا شغل ولما بتخلص وبتروح البيت
بتتفاجيئ ان متقدملها عريس
وبيكون الشخص دا شافها وهي في مكان وحب يدخل البيت من بابه

ولما بيروحلهم البيت مامتها بتقوله انها لسه صغيره اوي ولسه داخله اولي جامعه ومينفعش انها تتخطب في السن الصغير دا .
وان لسه قدامها دراسه وسنين .

فبيطلب منهم الشخص دا انه يتكلم مع جنه او يعرف رايها منها هي في البدايه ..
وبيكون شخص مستواه كويس ومهندس يعني بالنسبه لاي حد عريس كويس
بس جنه لما بتقعد معاه بترفض ودا لانها عاوزه تركز في مستقبلها وبس
ومش حسه انها قد مسؤليه الجواز دلوقتي وان لسه بدرى اوي علي موضوع الجواز دا وانها تفكر فيه اصلا
فبتقوله انه شخص كويس جدا جدا لكن هي مش مستعده لموضوع الخطوبه دي ولا الجواز ومش بتفكر فيهم دلوقتي خالص .

وبتعتذرله بادب وبينتهي الموضوع ... لكن بيكبر معاه طموح جنه في فتي احلامها والشخص الي نفسها ترتبط بيه او بتحلم انها ترتبط بيه ويكون جوزها ..

وبتستممر المرات الطتير الي بيتقدملها فيها خطاب وبيكونو كلهم ناس احسن من بعض ..

وبيزيد اصرارها علي التركيز في نفسها وفي مستقبلها
وبتعدي الايام والجامعه والدراسه خلاص علي وشك انها تبدا ..
وبتيجي ام جنه وبتقولها انها عند وعدها ليها
وخلاص جهزت ليها المبلغ الي عشان تشترى اللبس الي هي عوزاه ..

خدي يا جنه دي الفلوس الي كنتي عوزاها عشان تشترى للبس جديد

لا لا يا ماما يا حبيبتي خلاص انا مش محتجاهم دلوقتي
شليهم معاكي لوقت تحتاجيهم فيه
انا من الشغل حوشت فلوس اصلا وكمان اشتريت شويه للبس كدا وحاجات نقصاني
ومش محتاجه الفلوس دي دلوقتي خالص ..


طيب يا جنه يابنتي انا هشيلك الفلوس دي علي جنب
وقت ماتحتاجيها زي ما وعدتك ولنا تكوني عوزاهم قوليلي بس وانا هديهوملك .. وهحوشلك عليهم كمان ...

ربنا يخليكي يا ماما ..
ويخليكي ليا يارب يا حبيبتي ومتحرمش منك ابدا ..
انتي يا جنه زهره البيت ووردته واجمل حاجه في دنيتي
وفي الدنيا كلها ..

يا حبيبتي يا ماما انا بحبك اوي ربنا يطول في عمرك يارب

اي بقي يا ست جنه وهو بابا مالوش في الحب جانب ولا ايه !!

لا طبعا يا بابا وادي اجمل حضن لاجمل بابا ربنا يخليك ليا يارب وميحرمنيش منك ابدا ابدا


ولا منك يا حبيبه بابا ..

بكره اول يوم جامعه يا بابا ..

بس انا اصلا عندي شغل فمش هروح اول اسبوع
لاني سالت وكدا كدا بيقولو انه بيكون فاضيى

يابنتي يا حبيبتي اقعدي ومتشتغليش
هو انا قصرت معاكي في حاجه ركزي في مزاكرتك يا جنه بس وسيبي الباقي علينا احنا عمرى مهقصر معاكي في حاجه ان شاء الله بس اهم حاجه كليتك ومزاكرتك ..


يا بابا حاضر انا هركز في الكليه وفي الدراسه ان شاء الله
بس انا مش هبطل شغل خلاص ..
هو انت مستقل ببنتك ولا اي .. ولا فاكرني شويه

انا دلوقتي بقيت معروفه خلاص وبقي ليا اسم كمان
وبقيت اطلب لشغل كتير واتعرفت فبعد ما خلاص وصلت لكل دا هاجي في النص كدا واقول لاء مش هكمل طبعا هككمل
وهشتغل واصرف علي نفسي واعتمد علي نفسي كمان ان شاء الله

طيب يا حبيبتي الي تشوفيه صح ويريحك اعمليه وربنا يوفقك يارب .

ايوا كدا يا ابو جنه سيبها تعمل الي هي عوزاه والنبي دي غلبانه وطيبه وان شاء الله ربنا هيكرمها .. ويوفقها


ام جنه ووالدها بيكونو ناس بسيطه اوي وعلي طبيعتهم وغير متكلفين تماما زي اي اسره بسيطه وعاديه محدوده الدخل .. .. .. .. .. .. .. ..
وجنه بتفكر انها ازاي تسعي وتوسع الدخل دا وتكبره عشان تعيش هي واهلها في مكانه احسن وافضل من كدا
وتحسن من مستواهم ودخلهم ودا حق كل شخص في الدنيا انه بيطمح للافضل دايما في حياته ..

وبيخلص اول اسبوع في الجامعه وبعدها.. في اول صباح لاول يوم جامعه جنه هتروحو ..

انا رايحه الجامعه يا ماما
طيب يا حبيبه ماما خلي بالك من نفسك يا حبيبتي
هبقي اتصل بيكي اطمن عليكي ..
خلاص ماشي يا ماما اتفقنا ..

جنه بتكون شكلها حلو اوي ومُرتبه وشيك وانيقه ..
ولما بتدخل وسط المدرج ومع زمايلها
بتلفت الانظار ليها من الولاد والبنات بجمالها ورقتها وشياكتها كمان ...


وبتكون لسه لوحدها مش عارفه تتعرف علي حد من زمايلها
وبتتفادي نظرات الكل ليها لاول يوم ..

وبتيجي بنت جميله ولطيفه برضو وبتقعد جنبها وبتتعرف عليها وبتعرفها علي نفسها. .
وبياخدو ارقام بعض ..
واليوم بيخلص وبتكون جنه اتعرفت علي اول زميله ليها ..

بس اليوم هنا كان خلص بالنسبه لجني بس ..

انما بالنسبه بقي لجاسر فمخلصش هنا ...
جاسر زميل جنه في نفس السنه الدراسيه . .. .
واول ما بيشوف جنه من اول نظره وهو بيقف في مكانه مبيتحركش ولا خطوه واحده ولا بيشيل نظره عنها اصلا
وجنه اصلا مش بتشوفه ولا بتاخد بالها منه حتي ..
وبيفضل يفكر فيها طول اليوم وطول مهو قاعد في المدرج بيفكر فيها ويبصلها ..

وكانه اتحول فجأه لشخص تاني ..
او كان جنه فيها مغناطيس بيشدوه ليها ..
وجاسر خجول جدا جدا .. بيكون ولد محترم ومؤدب وفي حاله .. مبيتكلمش مع اي حد من الدفعه ولا بيحاول حتي يتعرف علي حد ..
وبتفضل صوره جنه قدام عينه حتي بعد ما اليوم الدراسي بيخلص ...
وبيقول لنفسه ..
هو انا اي الي حصلي اشمعني البنت دي اول ماشوفتها حصلي كدا ..
هو دا الحب من اول نظره ولا ايه .. !!

وعلي عكس كل الروايات المشهوره ...
والحكايات المعروفه ان البنت الفقيره هيعجب بيها الامير ابن السلطان وهياخدها علي حصانه الابيض ويجرى بيها ..
ويحبها للابد وتبقي هي الاميره ..

لكن للاسف الحكايه كانت مختلفه خالص ..
لان جاسر كان ولد يتيم الاب اصلا
وامه هي الي شقيانه عليه وبتتعب جدا عشان توفرلهم للقمه العيش ....
وعايشين حياه بسيطه جدا جدا واقل من البسيطه كمان هو واخواته البنات ..

وبكدا حكايتنا بتكون واقعيه جدا جدا وممكن تحصل كل يوم وهي الي بنشوفها في الحقيقه والواقع ..

وان مش كل كلام الروايات لازم نصدقه ولا حتي نآمن بيه ونشوفه انه لازم هو الي يحصل ..
ونفضل نعلي في سقف احلامنا وسقف طموحنا لحد ما يقع علينا في النهايه ويقضي علينا ..

ودا طبعا للعموم مش بس بيوصف قصتنا ..
دايما نحاول قدر الامكان نقلل من سقف طموحنا
ومن تخيلتنا ...
او نتوقع ان مش كل الي هنتمناه ونتمني ونستني حدوثه هيحصل ..
لازم نكون فاهمين ان الحياه عمرها مهتدينا اشياء كامله ابدا
وان حياتنا عمرنا مهناخد فيها كل حاجه ولا كل الي هنتمناه هيتحقق ونفهم ان مفيش حاجه بتيجي بالساهل او من غير تعب ومجهود ..
ومهما الانسان وصل لايه .. عمره مهيحس بطعم ومعني السعاده الحقيقي الا بالرضا والايمان بقضاء الله والتسليم لامر ربنا سبحانه وتعالي ...

لو مفيش رضا ... مستحيل يكون في استمتاع ..
بدون الرضا لا تقدر تستمتع بنومه ولا طعم اكله .... ولا تقدر تستمتع بسفريه حلوه .. ولا حتي تقدر تستمتع بالحب الي معني السعاده الحقيقي طول ما انت مش راضي ..
ولا بتسلم لامرم لله ... راحه البال بتتناسب دايما تناسب طردي مع الرضا ...
كلما زاد الرضا .. كلما زادت ووجدت راحه البال ..


المحور الرئيسي للرضا هو انك تكون عارف ومتاكد ان ربنا عادل ...
وان ربنا حكمٌ عَدل ...
ولما تعرف ان ربنا عادل وتكون مؤمن بدا هتفهم وتدرك انه قسم الارزاق بالتساوي وبالعدل وان مفيش انسان احسن من انسان .. وان ربنا خلق الناس سواسيه كل واحده واخد ال ٢٤ قيراط بتوعه بنسله وتوزيع مختلف بنظام فيه حكمه من ربنا
سيستم رباني من الله سبحانه وتعالي
..بيسير كل حاجه في الكون بحكمه ولحكمه معينه ويدبر الامور ..
بيدبر الامر من السماء الي الارض ..
علشان كدا لازم تكون مؤمن بانك واخد رزقك كله بالكامل ...
ولكن في حكمه غير مبينه لك او مبرهنه لك لا تعرفها انت ولكن الله يعرفها ..
ربما لن تعرفها الا في وقت متاخر .. لكنك ستدرك انها كانت رحمه من الله وفضل عليك ..

نرجع بقي لجاسر .. الي هيمان وسرحان في جنه ومن اول يوم وهو علي دا الحال ..
مش شايف غير صورتها قدام عينيه وجمالها الي قدام عينيه طول اليوم ..
وكان جنه مثلا سحر واتصاب بيه او للعنه جميله وحلت عليه!!


بيجي تاني يوم وبتشيك جاسر وبيلبس اجمل ما عنده
وهو يتامل ان تراه زميتله جنه ..
ويتمني ان يحدث بينهما اعجاب متبادل ..

جاسر بقي : ولد متفوق دراسيا بيحب المزاكره جدا وبيحب مستقبله وعاوز ينجح في كليته ويتعين ويبقي معيد.
عشان يحاول يحقق ذاته ويبقي ليه مكانه في المجتمع .. ..
ووسط الناس ويساعد اهله ويعوض امه عن تعبها معاه ومع اخواته البنات الاتنين .

انا هروح دلوقتي الجامعه وهحاول اعمل اي حاجه الفت بيها نظر جنه ليا ..
ويارب تاخد بالها بقي ..
وبيروح الجامعه وبيشوف جنه تاني وبتكون واقفه لوحدها مفيش معاها حد من زمايلها لانها لسه تقريبا متعرفتش غير علي بنت واحده .
وبعدها البنت دي بتيجي وبتقف جنه معاها ..
وجاسر بيكون مش قادر ينزل عينه من عليها .. والموضوع مش مجرد اعجاب ..
وبيفكر يروح يقف معاهم او يكلمهم .. بس بسبب خجله بيتردد في دا ..
وغير جاسر فا في غيره من الولاد سواء الاكبر منهم او دفعتهم عينهم بتكون علي جنه وبيحاولو يتقربو منها برضو
وجاسر بياخد باله من نظرات بعض زمايله وغيرهم ليها ..
ومش معني كدا انها الاجمل علي الاطلاق .. لا بس هي من ضمن الاجمل اكيد ..

بس رقتها كانت مميزه حتي عن البنات الي ممكن يكونو اجمل منها..

وفي المدرج لما بيدخلو المحاضره والدكتور بيشرح بيطرح بعض الاسئله ..
وبيقوم جاسر يجاوب هو بكل ثقه وبيجاوب صح ..
وبيسالو الدكتور عن اسمه وبيقوله انه اسمه جاسر ..

وبيتبسط الدكتور منه ..
وبكدا جنه فعلا عرفت جاسر ومش بس جنه الدفعه كلها عرفته وتقريبا يعني بقي ظاهر كدا اكتر واحد في الدفعه كلها ..

وبتطلع جنه وصاحبتها من المدرج وهما متعرفين علي تلت بنات كمان .. وبياخدو ارقام بعض وبيكونو شله ..

وهما خارجين بيشوفو جاسر واقف لوحده مش معاه اصحاب ..
وجنه بتبصله .. فبيضحكلها ..
وبيحصل الي بيتمناه وبتبتسمله جنه ..

اي دا هو بيبصلك ويضحكلك كدا ليه يا جنه انتي تعرفيه !

لا طبعا معرفوش .. بس لما لقيته بصلي وضحك فابتسمت عادي ..

ااه هو شكله كدا شاطر ..
بترد واحده تانيه ..
ايوا شكله كدا شاطر عاوزين نستفيد منه بقي ويبقي يساعدنا .

طب ازاي واحنا لسه منعرفوش اصلا ..

يابنتي الايام جايه اهو وهنتعرف كتير بقي ..
وبيبداو البنات يتعرفو علي بعض .
وبيجي دو جنه تعرف نفسها .. وبتقولهم هي ساكنه فين ..
وانها بتشتغل دلوقتي كابلوجر وموديل ..

الله يا جنه بجد .. طب في ناس عرفاكي وكدا . !

اه اكيد في ناس عرفاني وبيجيلي شغل الحمدلله ..

لا بقي دا انتي تدينا الانستجرام والفيس بتوعك ..

اه طبعا ثواني بس ..
وبتطلع جنه موبايلها وبتبعت اد وفولو هي وزمايلها لبعض
وبيتفرجو علي صورها وبيفرحو بيها وانها بدات تحط رجليها علي سلالم النجاح والشهره ..


انتي فعلا يا جنه جميله خالص وكمان رقيقه وشكلك طيبه
فانا حساكي هتبقي ناجحه اوي في المجال دا ..
ربنا يوفقك يارب ..

حبيبتي يارب وربنا يوفقك انتي كمان ..

طب احنا كدا خلصنا محاضرات يا بنات يلا نروح بقي ..

اه يلا بينا بس انا مش هروح علطول .. لاني عندي اوردر هنا شغل قريب من الجامعه .. فهروح اخلصه واروح بعده علطول ..

طيب يا جنه ربنا يوفقك يارب .. خلي بالك من نفسك

بيودعوها اصدقائها وهي بتكمل تروح المكان الي عندها شغل فيه ..
وهنا بقي جاسر بيكون تطور معاه الموضوع لانه يتابعها اوي ويتابع كل خواتها ويعرف هي رايحه فين ..
او يعرف عنها اي حاجه ..
وبيفضل يتتبع خطواتها عشان بس يشوفها وياخد باله منها وعشان مفيش حد يضايقها ..

طب ازاي وامتي!!
يعني ازاي جاسر لحق في يومين اتنين يتعلق بحد كدا وكمان يمشي وراه ويراقبه !!

بس المعروف عن شخصيته انه خجول ومالوش علاقات مع بنات ولا صداقات مع بنات كمان .
وعمره ماكلم بنت ولا حس بشعور اعجاب او حب تجاه بنت ..
عشان كدا جاسر اول ما بيحس بمشاعر اعجاب تجاه جنه
بيترجمها لانها حب ... وحب من اول نظره ..
وبيقتنع بدا كمان ..
ومش ناقصه غير ان جنه تعجب بيه وبس ..