بتخلص جنه اليوم بتاعها ... وبعد ما بتخلصه بتطلع تروح لبيتها ..
ومش بتاخد بالها ان في حد ماشي وراها ولا بيراقبها حتي
وبتركب وبتروح بيتها ..
وجاسر بيفضل ماشي وراها لحد ما بيععرف مكان بيتها ..
وبيتبسط جدا لان بيجمع بينهم صدفه حلوه ..
ان جاسر بيكون ساكن في نفس بلدها بس بيوتهم بعيده عن بعض مش جيران من نفس البلد لكن هو من منطقه وهي من منطقه تانيه ..
فبيفرح جاسر اوي بالصدفه دي وبيحس انها اشاره انهم يقربو من بعض ..

بيروح جاسر بقي لبيته وبيفضل يفكر ازتي يقدر يوصل لجنه ..

وبيفضل سرحان وباله مشغول في جنه ..

اما جنه بقي بتروح البيت .. تعبانه وهلكانه.
اعملك اكل يا جنه .
لا يا ماما انا مش عاوزه اكل يا حبيبتي .. انا كلت برا اكل سريع كدا بس عاوزه انام دلوقتي ..
عشان اعرف اصحي بدرى للكليه ..

ماشي يا حبيبتي نامي وارتاحي ..

وبيفوت فتره من الجامعه وفي الفتره دي جاسر بيتميز اوي اوي وسط دفعته وبيتعرف فييها بانه مجتهد ..
وبيفضل يحاول يتقرب من جنه وبينجح فعلا من التقرب منها

وبيقف جاسر في يوم مع جنه واصحابها وبيتكلمو وبيتعرفو علي بعض ..

عامله ايه يا جنه ..
الحمدلله يا جاسر انا كويسه
وانت ...
انا الحمدلله كويس مبسوط جدا اني كلمتك اخيرا ..

اخيرا يعني ايه !!
يعني انا يا جنه كنت بتمني اقف بس معاكي من زمان واكلمك

بس انا عمري ماشوفتك يعني غير في المدرج بس
بس انا يا جنه دايما بشوفك وعارفك كويس .

وبيقولها انه عارف هي ساكنه فين لانه مشي وراها قبل كدا ..

بجد يعني انت عارف بيتي كمان ..
اه انا شوفتك صدفه وانتي مروحه ..
وبعدين احنا من نفس البلد بس انتي من منطقه وانا منطقه تانيه .

اي دا بجد والله !!

ايواا
وبيتعرفو علي بعض وبيعرف حساب الفيس بتاعها
وبياخد منها رقمها ..
لان جنه بتكون محتاجه مساعدته في بعض الابحاث الي بيعملوها .
والامتحانات كمان بتكون خلاص قربت ومحتاجه حد يساعدها ف المزاكره

خلاص يا جنه هكلمك ولو اي حاجه محتاجه ليها
كلميني بس وانا هحاول اساعدك اكيد ..

خلاص ماشي يا جاسر .. سلام انا هروح بقي انا ..
طب ما نروح مع بعض ما احنا نفس الطريق
ايوا نفس الطريق بس طبعا مينفعش ..
لان ميصحش حد يشوفني ماشيه معاك وكدا غلط مش هينفع ..

طيب خلاص ماشي يا جنه زي ما تحبي يعني انا مكنش قصدي حاجه .

لا عادي ولا يهمك سلام
وبتسيبه جنه وبتمشي ...
وبتروح بيتها ..
وبتلاقي جايلها مكالمه من جاسر
ايوا يا جنه عامله اي ..
الحمدلله يا جاسر في حاجه ولا اي !!

لا مفيش حاجه انا عاوز اكلمك بس اطمن عليكي ..
اه تمام

طيب تمام انتي وصلتي ايوا وصلت الحمدلله
في حاجه تانيه ....

لاء خلاص انا بس كنت بطمن .... ....

طيب تمام انا هقفل
ماشي يا جنه .

وبتقفل جنه معاه
وبتضايق من اتصاله

وبتاكل جنه واليوم بيخلص وبيعدي ..

وبيروحو الجامعه تاني يوم
وبتتقابل هي وجاسر تاني في الجامعه وبيقعد جاسر معاها وبيفهمها هي واصحابها حاجات في المنهج
عشان كان في حاجات كتير واقفه قدامهم في المنهج

ها يا جنه فهمتي حاجه ..

بص في حاجات فهمتها وحاجات لاء بصراحه
طيب بصي شوفي اي الي واقف قدامك بعد ماتروحي البيت وانا هفهمك واشرحلك كل الي انتي عوزاه بس كلميني ..

حاضر يا جاسر .. شكرا بجد تعبناك كلنا معنا ..

وبيركب جاسر مع جنه نفس العربيه وهما مروحين .. وبيحاول يتكلم معاها ..

ولما بتروح جنه بتتغدي وبتنام . ولما بتصحي وبتيجي تذاكر بتلاقي ان في حاجات كتير اوي هي مش فهماها ..

فبتتصل بجاسر ..
وجاسر بمجرد ما بيلاقي رقم جنه عنده علي الجهاز بيفرح اوي وبيكون مش مصدق نفسه .
وبيرد عليها وبتساله عن الحاجات الي مش فهماها وجاسر بيجاوبها .. وبيرشحلها ويفهمها ..

وبتفوت ايام وجاسر حبه لجنه وتعلقه بيها بيزيد جدا ..

لكن جنه من نحيتها هو مجرد زميل وبس مش اكتر من كدا ..

لكن جاسر طول الوقت بيراقب جنه .. وبيجرى وراها
وبيحاول يتتبعها ويتتبع خطواتها ..

وجنه واصحابها بيلاحظو دا وصحابها بيقولولها ان جاسر
تقريبا كدا معجب بيكي .

اما جاسر بيكون كون صداقات في الجامعه .. وبقي عنده صحاب . ..
وكلهم عارفين انه بيحب جنه ومتيم بيها ..


جاسر وهو بيحكي ليهم عن حبه لجنه ..

انا بحبها اوي اوي .. عاوز اعيش عمرى كله عشانها ..
انا نفسي اعبرلها عن حبي واقولها بحبها قد اي .. وازاي براقبها .. وبعرف بتعمل اي وعايشه ازاي ومع مين وبتكلم مين
وبتروح فين وتيجي منين ..
انا بشوفها اجمل واحده في حياتي وفي العالم كله ..
انا عمرى ما اعجبت ببنت ولا في بنت لفتت انتباهي وعجبتني قد جنه جنه دي اجمل واحلي حاجه في الكون كله
نفسي اتجوزها وتعيش معيا العمر كله ..


طب ما تتتجوزها يابني روح اتقدملها طالما بتحبها الحب دا كله .. ... ..

ازاي بس اروح اتقدملها ازاي هروح اكلم اهلها وانا معنديش شقه ..
ولا عندي شغل
ولا عندي اب حتي يجي معيا يخطبهالي .. انا حالتي الماديه تحت خط الفقر
دا امي هي الي بتصرف علينا انا واخواتي البنات ..

هروح اقولهم اي .
وجنه حلوه وجميله اوي واكيد بيتقدملها ناس كويسين اوي وناس مستويات .....
وانا مش من الناس دي .... يعني مستحيل توافق عليك ..

_ ياعم لا هي لو بتحبك مش هتبص لكل دا وكفايه عليها انها هتلاقي راجل جدع زيك كدا يحبها كل الحب دا ..
ويبقي عاوزها .. دي لو رفضتك علي الحب دا كله تستاهل الدبح والله .

بيقول الكلام دا واحد صاحب جاسر ..
وبيكون الولد معندوش نظره للحياه وجاهل بامور كتير ..
وبيطلع الفكره في دماغ جاسر انه يروح يعترف لجنه بحبه ليها ....

يعني انت شايف اني اروح اقولها واعبرلها عن الي جوايا.

اه طبعا روحلها يسطا وقولها هي هتلاقي زيك فين دا انت زينه الرجال .

وطبعا دا صاحب منافق بيطبل لصاحبه ..

..
حب جاسر لجنه بيكون كبير اوي جواه فعلا ومبقاش قادر يسيطر علي مشاعره .
غيره انه بيشوف ولاد بيحاولو يتقربو من جنه ..
بحجه انهم زمايل او صحاب ..
وجنه بتتقبل دا عادي لانهم زمايلها ..
اما جاسر دا كان بيستفزه جدا ويثير غضبه اوي ..


وبعد ما الامتحانات بتعدي وتخلص ..
بتنجح جنه وبينجح جاسر ..
بس جاسسر بيطلع الاول على الدفعه يعني بيكون عمل انجاز كبير ...
والكل بيعرفه انه طالب متفوق ..

وخلال فتره الاجازه جنه بيكون عندها شغل كتير
وبتنزل تشتغل ...
اي دا جاسىر !
انت بتعمل اي عند بيتنا ..

مفيش مبعملش حاجه انا كنت معدي بس هنا جاي لحد صاحبي ..

ازيك يا جنه عامله اي ! وحشتيني.

الحمدلله يا جاسر. انا كويسه انت عامل ايه ..
الحمدلله انا كويس ..
بيكون جاسر متوتر شويه ومرتبك ..

اي يا جاسر مالك كدا في حاجه ولا اي !!
لا لا يا جنه مفيش ..
انتي رايحه فين كدا ..

__ ليه يعني بتسالني !

مفيش اصلك كل يوم خارجه يعني فبسالك ....


وانت تسالني ليه اصلا ولا ليك اي عندي عشان تعرف او تسالني !!
بعد ازنك يا جاسر .. انا ماشيه ..

جنه اهدي بس يا جنه انا مش قصدي حاجه .

لا لو سمحت وعاوزه اقولك حاجه بطل تتصل بيا عشان مش هرد عليك ..

وبتسيبه جنه وتمشي ..
وبيفضل جاسر واقف مخنوق وحزين جدا ان جنه كلمته بالطريقه دي ..

ليه عملت كدا وزعلتها .. انا كدا مش هعرف اكلمها تاني ولا اللاقي طريقه اكلمها بيها .
طب اعمل اي دلوقتي ..

انا الاحسن مخليهاش تضايق مني .. واراقبها من بعيد لبعيد وبس .

وفعلا بيراقبها من بعيد لبعيد كدا ...


وبيمشي ورا جنه وبيروح وراها المكان الي هي بتصور فيها ..
وبيكون في ولاد في المكان .. وطبيعه شغلها بتكون بتحتم عليها التعامل مع الولاد ..
سواء منسقين او مصممين او مصورين ..

وبيتضايق جاسر لما بيشوف جنه وولد مصور بيصورها وبيقرب منها وبيهزر معاها ..
وبيجي يدخل عشان يتخانق معاه .
بس الامن بيمنعه من الدخول ..

وبيفضل مستنيها لحد ماتخرج من المكان ..


جنه انتي ليه بتهزرى مع المصور دا ..

اي دا يا جاسر !!
وبتتصدم جنه .
هو انت مشيت ورايا !!
انت بتراقبني ولا ايه !!
ولا ايه الي جابك هنا اصلا !!

منا سالتك انتي رايحه فين وانتي مرضتيش تجاوبيني .. فكان لازم امشي وراكي عشان اعرف ..

لا والله !!
دا ازاي يعني .. جاسر ياريت متعملش كدا تاني لو سمحت اي الاسلوب دا ؟؟


جنه بجد حسي بيا بقي يا جنه .
احس بيك في اي يا جاسر !!
جنه انا بحبك اوي بحبك يا جنه ..

بتسكت جنه وبتهدي شويه .. وبتفكر بينها وبين نفسها
جاسر طيب وكويس .. بس انا شيفاه مجرد اخ وزميل . وعشان ميتعلقش بيا
انا هقوله الحقيقه علطول ..
بص يا جاسر انا شيفاك اخ وزميل بس لكن انا مبفكرش في حب او ارتباط عشان اكون واضحه معاك .
انا بحب شغلي بس وعندي طموح كبير اوي ... والحب هيعطلني ...
فنا عاوزه اركز في مستقبلي ..

طيب يا جنه بس فكرى او اديني فرصه او حتي ادي لنفسك فرصه تعرفيني ..
انا بحبك يا جنه ومستعد اعمل اي حاجه عشانك ..
جنه انتي لو قولتيلي اقتل هقتل ..
لو قولتيلي اسرق هسرق .. انا هعيش ليكي وهعمل كل الي اقدر عليه عشان اقف جنبك واساعدك .. واعوضك عن كل حاجه ..
انا عاوزك بجد يا جنه ..

بتتاثر جنه من كلامه وبتحس انها مش عارفه تعمل اي ولا تتصرف معاه ازاي .. وشايفه انه غلط انها ترتبط بيه ارتباط غير رسمي

بص يا جاسر صدقني انا معنديش اي حاجه اقولهالك ولا حتي عندي حاجه افكر فيها انا واخده قرارى وانت شاب كويس ومحترم ومتفوق وطموح ..
بس احنا مننفعش بعض انا طموحاتي كبيره اوي اوي اوي اكبر مني ومنك ومن اي حاجه ..
انا عندي اهداف وحياه وبتمني احقق كل اهدافي دي كلها ..

طيب يا جنه يعني دا اخر كلام عندك ؟؟
يعني انتي حتي مش هتدي لنفسك فرصه تعرفيني ..
او تعرفي انا بحبك قد اي وازاي من اول يوم شوفتك فيه ..

جاااسر بجد انا اسفه يا جاسر .. انا مضطره امشي ..
.
بيتعصب جاسر اوي ........
اسمعي يا جنه ..انتي لو مش ليا مش هتكوني لحد خالص .. انا عمرى مهسيبك لغيري انا هاخدك يعني هاخدك ..
انا مش هسيبك لحد غيري .. وبيقول الكلام دا جاسر بصوت عالي جدا وجهورى وبانفعال شديد ..
لدرجه ان جنه بتقلق منه ..

وبتروح جنه البيت وموبايلها مش بيبطل رن ..
وبيكون جاسر الي بيرن عليها
وعاملها ازعاج فظيع ..
وبيفضل يبعتلها علي الفيس بوك والوتساب رسايل كتير جدا
بانه عاوزها ترد عليه وتسمعه وانه بيحبها اوي ..

وبتضايق جنه جدا وبتحس بالنزعاج الشديد من جاسر. .
وانه شخص متسلط اوي وبشخصيته دي مستحيل تفكر حتي فيه ..

بيروح جاسر يحكي لاصحابه الي حصل معاه ..

وصاحبه بيسخنه اوي علي جنه ..
:::::

البت دي شتيفه نفسها اوي وفاكره نفسها حاجه ..
هي عشان حلوه وبتلبس حلو وشغاله موديل تشوف نفسها عليك وتتكبر عليك كدا ؟؟
هي شايفه نفسها كدا ليه ولا كانت بنت مين اصلا !!
دا بدل ماتحمد ربنا ان واحد زيك الاول علي دفعته البنات كلها بيحاولو يتقربو منه بيحبها الحب دا كله وعاوزها ..
دي بت متكبره ومش كويسه .
انا لو منك تفكسلها خالص وتعرف ست ستها .. دي عيله ملهاش في الطيب نصيب وغاويه انزحه علي الفاضي ..
البنات مش عارف بقو بيتكبرو كدا ليه ..

بقي دي ترفضك انت والله عيب في حقك ..
مش عارف تطبق البت وتخليها تحبك .. ياخرابي علي الرجاله ..

بيقول الكلام دا واحد تاني صاحب جاسر بسخريه
وبيستفز جاسر جدا وبيوجع كرامته بكلامه وبيستفز جواه الشيطان الي لا يمكن حد يقدر يوقفه لو صحي ..


مين يابنتي الي كل شويه يرنلك دا !!
ماتردي ..

لا يا ماما دا واحد بيعاكس ..
بيعاكس !! .
اما قليل الادب بصحيح .. متعمليلو البلوك ولا بتقولو عليه دا عشان ميعرفش يوصلك يا جنه .

سيبيه يا ماما هو هيزهق اصلا لوحده يعني صدقيني ..
مسيره يزهق ويبطل رن
.
وهتعرفي تنامي ازاي كدا يابنتي دا كل ثانيه بيرن ..
هقفل تليفوني وانام يا ماما ..

طيب يا جنه خلي بالك من نفسك يابنتي ربنا يبعد عنك ولاد الحرام يارب العالمين .
يارب يا ماما يارب ..
وبتنام جنه ..
وبتفوت ايام وشهور حب جاسر لجنه بيزيد ... بيحبها بجنون ويتعلق بفكره وجودها دايما جنبه وفكره امتلاكها ليه ..
وبيرجعو تاني الكليه ..
وبيحاول جاسر يتكلم مع جنه اكتر من مره عشان يقربها منه وبتصده جنه قدام كل صحبتها ..

يا حرام يا جنه .. دا شكله بيحبك اوي وواقع خالص ..

ايوا يابنتي دا مطهقني في عيشتي دا مراقبني دايما
وعلطول بيمشي ورايا وبشوفه عند بيتي ومبيبطلش رن عليا بجد
مبيهداش من الرن . ..
مبقيتش اصلا عارفه اعمل معاه ايه ولا اتصىف مع الي زي دا ازاي .
وبجد بقيت قلقانه منه اوي ..

مش عارفه بس جاسر دا الاول علي الدفعه يعني ومتفوق ..
طب حرام يا جنه .. ماتديلو فرصه دا شكله بيحبك خالص ..

واحده صاحبه جنه بترد تقول كدا ..

__ يا بنتي حرمت عليه عيشته .. هو انت هتجوزه ازاي دا هعيش منين اصلا ولا ازاي هو حيلته حاجه ..
يعني هسيب كل الي بيتقدمولي دول واخده هو وكمان انا مبحسش تجاهه باي حاجه اصلا مجرد واحد زميل وبس مش اكتر من كدا ..
وانتو عارفين دا كويس .. واني اهم حاجه عندي شغلي .. وبس

اه طبعا يا جنه انتي عاوزه تبقي مشهوره ومعروفه والارتباط هيقصر عليكي ..

اه طبعا هيقصر عليا .. انا عاوزه اشوف حياتي واعرف ناس احسن وانجح .. واحلي كتير ..
دا بيكون طموح جنه في الحياه ودا حقها زي مهي حبه تعيش . ..
وبتروح جنه بيتها واليوم بيعدي ..

بس بتروح بنت من صحابهم تتكلم مع جاسر وبتقوله كل الي جنه قالته بالحرف الواحد .. وبتقوله ان جنه متكبره ومش كويسه .. وانها بتستحقره .. وعاوزه واحد تاني غيره
يعيشها في مستوي تاني خالص ومختلف ..
وبيفهم جاسر ان جنه مستحقراه واستقلت بيه عشان كدا رفضته ..

وبيفوت اسبوع وجاسر مبيرنش علي جنه ولا بيكلمها
ولا حتي بيوجهلها اي رساله .
ولا بيتعرضلها في الجامعه ..
وبتستغرب جنه واصحابها ..
بس بتقول جنه انه اخيرا بقي ..
هو حل عني وسابني في حالي ..
بس مش عارفين اي الي هيحصل مع جنه وجاسر
والقدر لسه مخبيلهم اي
.
دا الي هنعرفه في الفصل الجاي ..
بقلم ... هدي مراد ..