الفصل الثاني،

في شركه من اكبر شركات مصر والعالم العربي
يهبط شاب في اوئل العقد الثالث من عمره يقف بجانب السياره التي خرج منها لِـتوه يخرج نظارته ويقوم بارتدائها ثم يبتسم بجانب فمه
اعاد بنظره علي الحراس المصطفون امامه واشار اليهم بالذهاب
ثم دلف الي شركة والده "سراج المندوه "
دلف بخطوات واثقه وأعين تكاد تقتلع من شدة جمال ما ترى ـ سواء اكانوا رجالاً او نساء
دلف الي المصعد تعمد هذا ليرى ماذا حل في الشركه من تطور حيث كان خارج البلاد لسنوات عديده.

دلف الي مكتب والده واطلق صفيراً هادئاً
ليلتفت والده ويقول بفرحه عارمه:
ــ راضي ابني عامل ايي يحبيبي ومقلتليش لي انك نازل كنت دبحتلك

ابتسم راضي ابتسامه عريضه وقال:
ــ والله ليك واحشه يسراج باشا ووحشني كلامك ده

قال بإبتسامه:
ــ ياض انا ابوك ياض
انا قلت امريكا هتعلمك الادب

ليقهقه هو الآخر بصوت عال ويقول:
ــ علمتني اني مسبكوش تاني يحبيبي.

وعانقا كل منهم الاخر بإشتياق
ابتعد سراج قائلاً:

ــ هتبدأ امتي يا حبيبي

قال بإبتسامه عذبه:

ــ في اي وقت يا بابا انشالله حالا

قال الاب بفخر:
ـ بص يا ابني انا هسافر كمان اسبوع وانت اللي هتمسك الشركه عشان لما ارجع مش هشتغل تاني
انا كبرت وعجزت وعاوز اقضي شويه وقت في البيت قبل ما اموت

قال بحزن:
ــ بعيد الشر عليك يا حبيبي ليه بتقول كد
انا وانت هنشتغل سوا ونكبر الشركه دي اكتر واكتر
ربنا يباركلي فيك يغالي

قال بابتسامه:
ــ يا حبيبي انا اللي زهقت من الشغل مش عشان حاجه
عاوز اقعد مع امك واشوف الناس والدنيا ماشيه ازاي

صمت ثم تحدث بعد دقيقه قائلاً:
ــ الاسبوع ده هكون بقولك كل حاجه عن الشركه وماشيه ازاي عشان تكمل من بعدي
وانا لو سافرت مش هكمل شهر عشان اكون خلصت اللي انا كنت بعمله
وانت الاول عاوز تروح لامك تشوفها
ده بقالها اسبوع بتحلم بيك

ابتسم وقال:
ــ ودي تفوتني بردو يا ابو راضي
ده انا سايبها مغمي عليها من صدمة رجوعي

ضحكوا الاثنان ضحكات ملأت ارجاء الغرفه
ثم ربّط" سراج "علي كتف" راضي" وبدأو بالعمل سويا ـ

ــ ــ ـ ـ ــ ـــ ـــــ ـــــ ــــ ــــ ـــــ ــــ ــــــ ـــ ــــ ــ ـ ـ ـــ ـــ ـــــــ ــ ـــ ــ ـــ ــــ ـــ ــــ ــــ ــ ــ ـــ ــ ــــ ــ ـــ


ــ ها يماما هتفضلي واقفه كده كتيـر ولا اي

نظرت الام لها وعيناها ممتلئه بالدموع وقالت:

ــ انا خايفه اطلع يجميله يطردني مش عارفه لي

ربطت جميله بهدوء علي كتفيها وقالت بهدوء:

ــ يعني هو اللي هربك وهو اللي اهتم بيكي وهو اللي كان بيحبك وهو اللي اخوكي انتي وعرفاه اكتر مني وبتقوليلي خايفه انتي بتهزري "يجنات" ولا اي

ابتسمت جنات وقامت بضربها ضربه خفيفه علي وجنتها وقالت بمرح يلا بينا

ــ لو سمحت يا استاذ
، افندم
ــ امال شقة سيد درويش الدور الكام معلش
، نظر الرجل لاعلي ولأسفل عدة مرات وقال:
ــ في التالت يا الرابع تقريبا مش فاكر والله

ذهبوا حيثما قال ذاك الرجل وقاموا بطرق باب المبني الثالث كما قال ثم قام بالاجابه شاب في اواخر العقد الثاني وقال:
ــ نعم محتاجين حاجه

قالت جنات بخوف:
ـ انن ابن سيد درويش يا ابني ولا اي

قال الرجل بعدما شرد قليلا في جميله:
ــ لا بس لو عاوزه كد مفيش مشاكل
كاد ليقترب فقامت جميله بلكمِه لكمه وضعته ارضا من شدتها

شهقت الام بفزع وصرخت وهي تقول:

ــ بس يا جميله بس قلتلك مليار مره ابقى امسكي نفسك شويه

قالت بغضب:
ــ لما الناس تبقى تتكلم بإحترام يماما هبقى احترم نفسي

هب الشاب واقفا وقال بتهديد:
ــ جهزي نفسك للموت عشان مش هسيبك

قالت بسخريه واضحه:
ــ يلا يبابا ادخل جوا لتستهوى، يلا يا حبيبي يلا احسن ماما تدور عليك

ابتسموا كلاهما ثم قاموا بالصعود للبيت اللذي يليه

قالت جميله بنفاذ صبر:
ــ يعني مش عارفه اخوكي ساكن فين يجوجو بذمتك.

قالت بخوف:
ــ طول عمري كنت بتلبخ وبتلغبط في الابواب مبالك بقى بعد اما اتدهنت واتغيرت كده

كنا نتحدث اثناء صعودنا لبيت شقيق امي
فوجدنا من يخرج من الباب ذاته

ثانيه ثانيتان ثلاث ثوان

امي تنظر وتتساقط عبراتها واحده تلو الاخرى
وهو ينظر بحزن جلي
ثم وبدون سابق انذار صرخت امي بإسمه وهي تهرول معانقه اياه

ــ وحشتني اوي يسيد يا درويش

قال من بين بكائه:
ــ وانت والله يجنات
كنت بتمني اشوفك قبل ما اموت بعد ما اخواتك كلهم ماتوا وسابوني لوحدي حتي مراتي ماتت

توالت العبرات واحده تلو الاخري ولكنه كان يواسيها ويريط علي كتفها
وقبل اي شيء امرهم بالدخول الي بيته
بعدما دلفو الي البيت نظر الرجل الي جميله وقال:
ــ بنتك دي يجنات

قالت جنات:
ــ دي جميله بنت جوزي بس اختي وبنتي واللي ليا في الدنيا

نظر اليها بسعاده ثم اعاد نظره الي شقيقته وقال:

ــ مالك يا جنات شايف وشك حزين احكيلي

قصت له جنات ما حدث تفصيلياً وبعدما انهت الحديث قال بصدمه:

ــ بقى احمد الهلالي يعمل كل ده، انا والله شفته مره ومرتحتلوش بس مكنتش اتوقع انه بالشكل ده

بعدما قال هذا وجدوا باب البيت يفتح وتدخل اليه فتاه في بدايه العقد الثاني الا وانها "روان"

قالت جنات وقامت من مجلسها:
ــ بسم الله ما شاء الله، بسم الله ما شاء الله
دي روان يا سيد

ابتسمت روان واجابت قبل ان يتفوه والدها بنصف كلمه وقالت:
ــ د، دي عمتو جنات يبابا صح
بعدما قالت هذا ارتمت في احضان شقيقه والدها وقالت:
ــ انتي متعرفيش بابا كان بيكلمني عنك اد اي وكان بيحبك اد اي لدرجه اني اتمنيت اني اشوفك يعمتو والله ما مصدقه، ثم عانقتها مره اخرى وهي تبكي بفرحه

تفوهت جنات وقالت:
ــ يا نور عيني يبنتي والله انتي متعرفي انا كنت بعمل اي عشان اشوفك بس ابوكي اللي مكانش بيرضي

وبعدين يستي انا هفضل قعدالكوا فيها لحد ما تزهقوا ولا اي يسيد

قال السيد بسعاده غارمه:
ــ ده يبقى باب السعاده اتفتح من جديد يا جنات والله
واهو روان تبقى عندها اخت
وبعدين هي هتلاقي في جمال جميله

بعدما تفوه بهذا نظرت جميله الي روان وقامت وعانقتها قائله:
ــ اهلا بيك يا حبيبتي
من انهارده احنا بقينا اخوات اكيد واعتبريني صاحبتك بقى واختك وكل حاجه

قالوا هذا ثم ذهب كل منهم الي غرفه لتبديل ملابسهم ومن ثَم الاسترخاء قليلاً.

ـــ ــــ ــــ ــــــ ـــــــ ـــــ ــــ ـــــ ــــ ـــــ ـــ ـــــ ـ ـــ ــــ ـــــ ــــ ـــــ ـــ ــــــ ـــ ــــــ ــــ ـــ ـــ ـــــــــــــ

في شركه احمد الهلالي
وبالتحديد في مكتبه يصرخ في احد الموظفين ويقول:

ــ يعني اي المناقصه تخسر وازاي تتلغي اصلا وانا معرفش وازاي الوفد الالماني ميستمرش فيها هي كوسـه.

بعد هذا قال الاخر في خوف:
ـ، احنا ملناش ذنب يباشا شركه الـ ..

قبل انا يكمل صرخ فيه وجهه قائلاً:
ــ بره وانا هربيكم
بره
اول القصيده كفر انا لسه بقول ياهادي

بعد قول هذا دلف اليه شاب في اوائل العقد الثالث يبدوا علي مظهره انه يتعاطي المخدرات وغيرها هذا بجانب سكين صغيره معلقه علي اذنه دلف وقال:

ــ ازيك يا غالي
آدي الفلاشه والمومري اللي عليهم مصايبك
والكاميرا انا كسرتها زي محضرتك امرت

تفوه" احمد الهلالي " بنبره غاضبه وقال:
ــ هات يخويا وفلوسك جمال ابني هيعطيهالك

مد يده اليه لكنه تراجع وقال:
ــ ومش عارف اي ابنك ده هيديني اد اي بقى

قال بنبره حاده:
ــ ربع مليون زي ما اتفقنا

ضحك ذاك الشاب المتعجرف وقال:
ـــ لالالا انت اكيد بتهزر يجدوا.

مال علي اذنه وقال:
ــ الحاجات دي توديك حبل المشنقه علي صاروخ امريكاني يا ريس ااه
انا عاوز نص مليون جنيه

كان الاخر سيجادله ولكنه اشار بهما امامه ليتوقف الاخر موافقا علي شروط ذاك اللعين

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

في شركة " سراج المندوه "

دلف "راضي" بخطوات غاضبه لمكتب ابيه ليقول:
ــ سلام عليكم

اشار والِده اليه كي يكف عن الكلام لانشغاله بمكالمه هاتفيه كان يقول فيها:
ــ ازاي انا معرفش حاجه زي دي وازاي احمد ميقوليش وازاي محدش يقولي انا هتجنن
وبعد بضع دقائق اغلق الخط وقال:
ـ، فيه حاجه يا حبيبي

اجاب قائلا وعلامات الدهشه باديه علي معالم وجهه:
ــ تخيل سعد الهلالي مات من تلات اربع ايام يا راضي وانا معرفش
معرفش ان صاحب عمري مات يراضي
قال هذا ثم كاد يبكِ

اجاب راضي قائلاً بحزن:
ــ ياه يا عم سعد كنت لسه بفكر فيه والله يبابا معني تخيل اني اكتر من عشر سنين مشفتوش
يلا ربنا يرحمه يا رب
اد اي وحشوني

انتبه لقوله ولما قد جاء به الي هنا ثم قال راضي في غضب يكاد يحطم زجاج الغرفه:

ــ السكرتيره بتاعة حضرتك يا سراج بيه
واقفه مع موظف طول الوقت ولما طلبت منها الملف بتاع الشغل اللي هنقله عالكمبيوتر
لقيتها مدياني ملف كانت بتشخبط فيه لما تقعد فاضيه باين
ده غير ان هي مخدتش بالها ان انا دخلت قبل كد ولما جيت ادخل دلوقتـــي تمنعني من الدخول وتسألني واخد معاد ولا لا

تنهد السيد سراج تنهيده قويه وقال بأسى:
ــ ابدأ انت ظبط الامور يا راضي
صدقني انا مابقاش فيا حيل للمناهده وبعد الخبر ده مش قادر اصلب طولي
انا شخص قاسي مسالتش علي صاحبي لحد ما مات وانا اخر من يعلم يبني
صاحبي اللي بنينا مع بعض كل ذره في شركاتنا يموت وانا معرفش اد اي انا زعلان من نفسي يا راضي

ذهب راضي الي وربط علي كتفه عدة مرات وقال:
ــ ربنا يرحمه يبابا متزعلش نفسك
صمت لدقيقه ثم قال بحزن:
ــ متقلقش يا بابا كل حاجه هتبقى تمام
صمت ثم قال متذكرا بابتسامه:
ــ اقصد يا سراج باشا.

خرج من مكتب والده بخطواته السريعه المعتاده واشار الي احد الموظفين بالذهاب خلفه وحينما دلف الي مكتبه جلس واضعاً قدم فوق الاخرى ونظر الى ذاك الموظف وقبل ان يقول اي شيء تفاجأ من قول هذا الرجل الذي كان عباره عن:
ــ اوامرك يا غالي شو بِدك

تنحنح بحرج مخفي ضحكته وقال:
ــ بتقول اي يا حبيبي مسمعتش

قال الرجل هامسا لنفسه:
ــ يا الله شو عملت هلأ
علا صوته قليلا وقال:
ــ ندهتلي، شو بتريد

قال الاخر بابتسامه:
ــ اه، لبناني بقى

قال قبل انا يكمل:
ــ الله ينور عليك اي لبناني يا خيي

قال راضي مغيراً مجري الحديث هروباً من هذا الثرثار:
ــ عاوزك تعملي اعلان علي كل الجرايد بإن الشركه محتاجه سكرتيره في أسرع وقت

قال الموظف:
ــ اي بس هيك، لشو هديك الخضه بس يا الله

قال راضي بغضب مصطنع:
ــ اسمك اي يبني ويا ريت متبقاش تطول في الكلام

قال بخوف:
ــ بدر يا باشا انا اسمي بَــــــدِر

قال الاخر وهو يعيد الملف لمكانه:
ــ ماشي يبدر اتفضل امشي ويا ريت اللي قلت عليه يتنفذ عشان بكره او بعده بالكتير تكون السكرتيره هنا
يلا اتفضل روح كمل شغلَك

قال بدر بحماس:
ــ اوامرك يا بيه السكرتيره راح تكون بكره الصبح هون اكيد

قال هذه الكلمات ثم هم بالرحيل

بعدما رحل نهض راضي ليقف في شرفه المكتب ويقول هامساً:
ــ عامله اي دلوقتي يا ترى، ويا ترى بقيتي اجمل ولا لسه جميله.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

في صباح اليوم التالي وفي بيت السيد درويش

يستيقظون ثلاثتهم علي صراخ احدِهم
فيذهبون ثلاثتهم الى المكان الذي صُدِر منه هذا الصوت
لتقوم جميله بقول:
ــ اي دا في اي

قالت هذا بعدما رأت "روان " جالسه علي الأرض
قالت "جنات" وهي تقوم بمساعدتها هي وجميله بالنهوض
ـ، في اي يبنتي قولي

قالت روان بخجل:
ــ قمت بدري وقلت اعمل الأكل انا يعمتو
بس وقعت صابون بالغلط فـ وانا ماشيه اتزحلقت غصب عني بس مكنتش اعرف ان صوتي عالي او كد

ضحكوا ثلاثتهم ثم قال" سيد":
ــ اهي دي اول مره تدخل فيها المطبخ يا جنات
وكانت هتتكسر
قومي يا اختي قومي

قالت بمرح:
ــ ماشي يسيد يا درويش اضحك حلو

قمت من حيث كانت جالسه واكملت جميله احضار الفطور معها ثم جلسوا سويا علي منضده واحده وحينما كانوا يتناولون الافطار قالت جميله:
ــ بص يخالو انا هنزل ادور علي شغل انهارده عوزاك توصفلي الاماكن اللي ممكن اروحها

قال في دهشه:
ــ يومين كده يحبيبتي لما تهدوا وتظبطوا الامور والدنيا تبقى تمام هاجي معاكِ بنفسي.
قال هذا ثم صمت لبرهه وبعدها أكمل قائلاً:
ــ بس انت درستي اي يبنتي
قالت:
ــ ادارة اعمال
زمعلش يحبيبي انا حابه ابدأ الأيام دي.

قال باستسلام:
ــ خلاص يا جميله هشوف الموضوع ده حاضر

قال هذا ثم حل الصمت لدقائق ثم قالت روان بحماس:
ــ وانا معاكي يا جمجم في اي وقت وابقى خديني معاك ندور

بعدما قالت هذا ابتسمت جميله بخفه وقالت:
ــ بعيدا عن جمجم ده فرحانه بجد اني لقيت حد لطيف زيك

بادلتها الاخرى الابتسامه وقاموا بإكمال طعاهم
وبعدما انتهوا من هذا
جلست" جنات" لتقرأ وردها اليومي
وجلس" السيد" ليقرا جريده ثم صاح بصوت عالٍ وقال:
ــ يا جميله الحقي

هرولت اليه الفتاه لتقول بفزع:
ــ اي يدرويش وقعت قلبي

قال بفرحه عارمه تكاد تقذَف من عينيه:
ــ شركة سراج المندوه طالبه سكرتيره يبنتي
والله انتِ ربنا بيحبك يبنتي

قالت بفرح:
ــ يا ما انت كريم يا رب
يا ما انت كريم يا رب الحمد لله

صمتت لبرهه متذكره امرا ثم قالت بهمس:
ــ سراج المندوه
انا ازاي نسيته وازاي
صمتت وهي تضع يدها اعلى رأسها بأسى

ثم قالت:
ـ بما اننا لسه بدري كده هاخد روان واخد السي ڤي بتاعي وهروح اشوف الحوار ده.