الفصل الاول

الفصل الاول
ما اجمل ان تعلم ان هناك شخصا حينما يشتاق اليك باحثا عن رسالتك لكي يقراها من جديد وكأنه يقرأها لأول مره. قمر يلامس قمر وهدوء ليل ونسائم شوق تقشعرها المسافات في لحظات الليل. أحببتك لأنني تعودت على رقة حواراتك. لست ملكه ولكنني اعترف أني أنثى مختلفه في جميع تفاصيلي متقلبه ومزاجيه ومتسامحة جباره خياليه غامضة كبريائيه و متواضعه. لا تريد منك المستحيل، هي فقط تريدك أن تكون مثل الرجل الذي تتمناہ أنت لشقيقتك. نصف جمال الأنثى في ردود أفعالها، احمرار الخدين، التماع العينين وضياع الحديث في حركة اليدين المتعانِقتين خجلاً. الأنثى إما كيد عظيم أو حب عظيم، وأنت من يحدد أيها الرجل، فإن مكرت بها مكرت بك، وإن أحببتها عشقتك. تعْشق الأنثى وردة حمراءْ، تأتيها على حين فجأة وترضيها في لحظة غضب. بقدر ما تحب الأنثى هي تغار لذا أي أنثى تجن غيرة هي تجن حباً. الأنثى تداوي وهي محمومة، وتواسي وهي مهمومة، وتسهر وهي متعبة، وتحزن مع من لا تعرف، وتبكي يوم زفافها فارفقوا بها. وتبقى سيد حروفي في حضورك أو غيابك. يا اللي تذكرني على البال ما غبت مثلك ترى ما يغيب عنا خياله دورت في الدنيا ومثلك فلا شفت انت الوحيد اللي هوينا وصاله وش كثر أحبك يا منايه ولا عفت حبك عذاب وقلبي اللي مشاله.

الأبطال
البطله

تقى بنت شقيه طيبه بس  كارثه من كوارث الزمن

عيلتها

الاب .....صبرى عبدالسلام  مهندس  فى السكك الحديد

الام ....امانى عبداللطيف ربة منزل ست مصريه اصيله

الاخوات

ايه...خريجة كلية العلوم قسم تحاليل طيبيه وبتشتغل فى مستشفى عامه وبعد. الظهر فى معمل خاص

اسراء....خريجة كلية الطب وشغاله فى مستشفى عامه وبعد الظهر فى مستشفى خاصه 

الاخ الوحيد ....ادم خريج كلية تجاره وشغال فى بنك



البطل

زين....ظابط شرطه برتبة ملازم اول فى قطاع الامن الخاص بالجامعات المصرية

احمد ..لوا شرطه متقاعد

ايات ....سيده من سيدات المجتمع بس ميعرفش بوجودها

مروان ...صديق البطل وظابط معاه فى نفس المكان

بسنت مسعد ..صديقة البطله الوحيده  نفس الكارثه

من الاخر كوارث متنقله على الارض

انتظرونى فى روايه جديده واحداثها جديده كلها ضحك وهزار وخناق وحب  بين تقى وكل اللى حواليهابس هى العشق
اخرة صبرى مع تقى بنتى

الفصل الاول
بقلم مريم سيد ام البنات

مساء الخير ..
‏خليك إنسان بسيط، متحملش نفسك فوق طاقتها، سامح وتغافل وبلاش تشيل في قلبك من حد، ابتسم في وش الناس وخليك مصدر للطاقه الإيجابيه، متستناش سؤال من حد وابعد عن العتاب، حب اللي يحبك والقي عـلى الباقي السلام، نقي قلبك من أي حسد أو غِيره أو حقد، اتمنى الخير للكل،‏ افرح لفرح غيرك واحزن لحزنهم، خلي لسانك طيب وعفيف، فكر فـي أثر كل كلمه بتطلع منك عـلى اللي قدامك، كن أنت الشخص اللي ربنا اصطفاه لجبر خواطر عباده، خليك هين ليّن، افتكر أننا مجرد ضيوف هنا فـ عيش بين الناس بسلام وسيب ذكرى طيبه فـي قلوبهم متتمحيش ابدا

فى احدى المناطق السكنية الراقيه  بمحافظة القاهرة

تسكن بطلتنا فى احدى الشقق السكنية

فى صباح يوم جديد مشرق بشروق الشمس الذهبية على كل أرجاء الجمهورية فى غرفة بطلتنا  نايمه ومامتها دخلت عليها وفتحت ستاير البلكونه والشمس ضربت فى عيون بطلتها وامها بتنادى عليها بتقولها قومى ياتقى انتى يابنتى وراكى محاضرات بدرى

تقى ...ياماما سيبنى  نصايه انبى. ياشيخه

امها ...قومى يازفته بدل مااستعمل اسلحتى معاكى

تقى...يووووه هو انا الوحيده اللى كل يوم اقوم على سلاح

امها..من اعمالكم سلط عليكم قومى فزى اخواتك صحيوا من بدرى قومى يااخرة صبرى وانا خارجه

تقى ...حاضر هقوم اهوووو وراحت فى النوم تانى امها دخلت عليها لانها عرفاها جابت معاها ازارة ميه ساقعه ودلقتها عليها وتقى قامت مفزوعه وبتقولها وكتاب الله انا لولا قتينى فى الشارع مش هتعملى معايا كده

امها .. ايييه وانتى متعرفيش

تقىى...لا معرفش

امها... اه احنا لاقينك فى مقلب زباله قومى واخلصى بطلى رغى

تقى ...ياساتر  حاضر قومنا خلاص وامها خرجت وتقى بتبرطم وامها من بره بتقولها بطلى برطمه واخلصى

تقىاييه الست دى هى رميه ودنها فى الاوضه والاييه ماعلينا تعالى يابت ياتوتا روحى عند الدولاب شوفى هتلبسى ايييه

اه صحيح هعرفكم  بنفسى انا تقى او توتا اواخرة صبرى اوفساد زى نبع الحنان مابتقول اخر العنقود يعنى الصغيره يعنى طالبه فى كلية تربية رياضية وانا اصلا عمرى مالعبت رياضه بس نقول ايييه التنسيق ماعلينا لسه فى سنه اولى وانهارده عندى تدريب عملى انا مش عارفه هنعمل اييه بس هما قالولنا هاتوا معاكم ترينج رياضى وانا قلت لنبع الحنان قالت منين روحت للكباره حبيب الكل سيد الناس بابتى صبرى باشا عبدالسلام قالى من عنيا وادانى فلوس من غير مانبع الحنان تعرف علشان عالطول انت اللى مخيبه دى بت فاشله بس الصراحه هى عندها حق طووول عمرى مجنناها هبقى احكليكم كل كوارثى معاها بس مش دلوقتي اسيبكم واطلع قبل ابورده يعلم علياوتقى خرجت من اوضتها لاقت اختها ايه ادامها بتقولها اخيرا قومتى ياهانم

تقى ...وانتى مالك يادكتورة البراز انتى

ايه...انا دكتورة البراز ياللى محصلتيش لاعب كوره شراب

تقى .. مش فيه فخر العرب محمد صلاح

ايه..اه طبعا
تقى ..اتا بقى فخر كفر البطيخ لاقت ابوورده لابس فى وشها وامها بتقولها روحى يابطيخه على الحمام وايه اختها فطسانه عليها من الضحك وبتقولها يالا يافخر كفر البطيخ

تقى ... وربنا انا لو لاقيتونى على باب جامع مش هتعملوا معايا كده اخوها ادم قبلها بيقولها ماتخلصى يازفته هنتاخر على شغلنا بسبب العطله بتاعة كل يوم

تقى ...حتى انت يادومى دانت حبيبى ياراجل

ادم...اه حتى انا كلنا صاحيين من بدرى وانتى كل يوم قرفانه

تقى..تصدق انا مش هرد عليكم انا ادخل حمامى واسيبكم تاكلوا فى نفسكم بتغيروا منى اصل انا حلوه وجميله وعسل فى نفسى كده وطلعتلهم لسانها وادم اخوها بيقولهم عمرها ماهتكبر
ايه .. فعلا بس والله مخليه للبيت حس وهزراها مهون علينا التعب اللى بنشوفه طول اليوم

ادم ..فعلا انا لما بنزل وهى نايمه بحس ان فى حاجه نقصانى تقى من وراهم لما انتوا بتحبونى ليه بقى المعامله بتاعة مرات الاب

ادم وايه...بسم الله الرحمن الرحيم اييه يابنتى خضتينا

تقى....سيبكم من خضتينا دى وقولوا بقى بتحبونى صح

ادم.. طبعا دانتى اخر صبرنا

ايه .. بتضحك وتفى بتقولهم وربنا انتوا رخمين الله هى اسراء فين ...

ايه عندها نبطشيه وهى على وصول لسه مكلماها

تقى ..اه طيب ادخل البس علشان الحق افطر وانزل ودخلت لبست. خرجت كان باباها قاعد على السفره واخواتها ومامتها ومامتها بتقولها اخيرا خرجتى. وبتقولها ماهو انا لبست عالطول دخلت جوه البنطلون والبلوزه وخلاص كده وبعدين باست ابوها من خده صباح القشطه لااكبر مهندسى السكك الحديدية في مصر والشرق الأوسط

ابوها...صباح العسل الابيض على اجمل بنوته فى الكون

اسراء...يابابا هو انت ليه الوحيد اللى شايف تقى عسل بالرغم ان هى مش كده ولسه تقى هترد عليها باباها رد عليها توتا دى العسل والسكر الزياده اللى فى البيت اللى يومى. مابيحلاش الا بيها
تقى ..حبيبى اللى نصفنى عالطول اصل حضرنك متعرفش معاملة مرات الاب واولادها مع بنت جوزها

ابوها...لاعارف معاملتهم

تقى.. علشان تعرف انا مستحمله اد ايييه علشان خاطر عيونك ياباشا

ابوها قلب الباشا من جوه وبعدها مال عليها امانى هتتحول يالا بينا نقوم نمشى بدل ماتقلب زومبى

تقى بصوت واطى بتقوله يالا ياخرابى دى هتقوم تولع فينا يالا ياصبور ياحبيبى وصبرى خد ايديها وجريوا على الباب وفتحوه وقفلوه وراهم وتقى بتقولها خرجنا من عندها سالمين وامانى فتحت بتقولها ههه‍هههههه لماترجعوا وصبرى وتقى اتخضوا لان الباب اتفتح براحه وبيقولوا فى نفس واحد يالهوووووى هنموت على ايد دراكولا ونزلوا جرى على السلم وامانى بتضحك عليهم وادم بيقولها بابا مع تقى بحس انه بيرجع طفل صغير بيحب جنانها وبيجريها فيه

امانى ..تقى نسخه مصغره منه صبرى طووول عمره زيها كده بيحب الهزار والضحك والمقالب ده كان مجنن مامته وباباه وتقى طالعه زيه

ادم...سبحانه جينات بقى بس والله تقى دى احلى  حاجه حلوه موجوده فى حياتنا

امه..اه والله بس انا بخاف عليها من هزارها وضحكها الناس تفهمها غلط جت عليها اسراء وايه بيقولها لا ياماما انا مش معاكى مش اى بنت بتهزر وتضحك تبقى بنت مش متربيه بالعكس دى بتبقى فطره فى البنى ادم ولو علشان نرضى الناس ونعمل اللى هما عايزينه مش هيحصل بردوا هيتنمروا علينا وهينتقدونا

ادم ..صح ..يالا ياايه اخدك فى طريقى وانتى يادكتوره هتنامى صح

اسراء..اه صح بس هما ساعتين علشان عندى شغل تانى فى المستشفى

ادم .. ربنا يقويكى ويعينك ياحبيبتى يالا ياايه سلام ياامى

إمهم ..سلام ياحبايبى ربنا يكفيكم شر طريقكم انتوا واللى زيكم
ولادها ..امين وادم وايه نزلوا واسراء دخلت تنام وقالت لمامتها صحينى الساعه 11علشان الشغل الساعه واحده ومامتها قللتلها ماشى ياحبيبتى واسراء دخلت استلمت السرير ومامتهم دخلت المطبخ تكمل اللى بتعمله وتشطبه نسييها مع روتينها اليومى ونروح لتقى وباباها ركبت معاه العربية علشان يوصلها لجامعتها وهى قاعده معاه لاقت تليفونها بيرن وردت عالطول بسبوسه بالقشطه

بسنت..بضحك فينك يامجنونه

تقى..راكبه العربيه مع بابتى انتى اللى فين

بسنت...بابا وصلنى للجامعه لسه واصله من شويه

تقى..ط خلاص روحى الكافتيريا وانا كلها خمس دقايق وهبقى ادامك

بسنت ..اوكشن عارفه لو اتاخرتى اعمل فيكى اييه

تقى...مش هتأخر يابومه سلاموز يامزه وقفلت معاها وابوها بسنت دى بت عسل بقالى كتييير مشفتهاش

بسنت...ماهى صحيح بقالها كتيير ماجاتش عندنا لان اخوها الرخم جه من السفر ومأايد حركتها بس على مين انا هخليها تيجى تقعد معايا شويه يوم الاجازه وتشوفها ياباشا انا عارفه انت بتحب بسنت زى بالظبط

صبري.. حبيبتي انتى ياتوتا فعلا بعتبرها زيك بالظبط وكمان ظروف وفاة مامتها وباباها راح اتجوز واحده مطلعه عينها بس انا مش عارف باباها واخوها فين من ده كله

تقى...هى مش بتقولهم على حاجه لان ياباها تحس ان الست دى سحراله

باباها...بس غلطان المفروض ياخد باله منها انت عارفه لو مش عيب انا كنت كلمته وعرفته غلطه

تقى...لا يابابا بسنت مش عايزه مشاكل هى بتقولى مسيره يعرف علشان هو بيصدقها عالطول الخط وبتقول يمكن اخوها يعرف ويتعامل معاها هو

باباها ..ربنا يسهل وصلنا تقى متركبيش اى تاكسى مع حد اطلبى اوبر وارجعى بيه وابقى ابعتيلى اسم السواق ورقم العربيه

تقى ..خاصر يابابا ونزلت وبتلف خبطتت فى واحد بتقوله ماتحاسب ياعمنا وبترفع عينها بتقول اوبا اييه كل ده دى كلها  عضلات لا عيون خضرا ولا طويل اييبه يابنى الحلاوه دي كل ده طبعا فى سرها
هو ...بيضحك هو انا حلو اووووى كده وتقى فاقت على كلامه بتقوله نعم بتقول ايييه ياعنيا هو مين اللى حلو

هو شاور على نفسه انا

تقى ...بس ياعم هو مين اللى حلو ابقى فتح وانت معدى وزقته ودخلت راحت الكافتيريا وراحت على الكرسى اللى صحبتها وقعدت بدون كلام وبسنت استغربت سكوتها وسرحانها وبسنت بتقولها انتى يابنتى مالك جايه ساكته ومسهمه ليه  هو يابنت المحنونه هى اللى خبطتت فيا ومشى وهو بيضحك على جنانها

تقى ..مفيش اى رد وبسنت ضربتها على ايديها ضربه جامده وتقى اتخضت بتقولها ضربه فى ايديك ياللى تتشكى

بسنت...بيئه اوووى ياروحى مالك يااختى جايه واكله سد الحنك يعنى

تقى ...بهيام اسكتى يابت بسبوسة خبطت  فى واحد تقولى حيطه بس ايييه تقولى قمر مز كده فى نفسه  وانا شفته من هنا تنحت وهو بيقولى ايييه هو انا حلو اووووى كده متعرفيش عرف منين ان انا كنت بقول عليه كده

بسنت ...وانتى عملتى ابييه معاهم

تقى..بالا فخر اتخنقت معاه وزقيته وجيت على هنا عالطول

بسنت .. جدعه يابت تربيتى

تقى ..تربيه قذره قومى يااختى الواد حموكشه عمال يبص علينا واحنا قاعدنا مطلبناش حاجه ولولا خايف مننا كان زمانه قالنا قومى ياانسات من هنا ده مكان اكل عيش مش للقعاد

بسنت ..اه يعينى داحنا علمناه الادب ومن ساعتها وهو مرعوب مننا يالا قومى المحاضره ادامها خمس دقايق وتلاقى العيال قعدوا فى الاول وبذات البت ماهى الصفرا بت غلويه كده فى نفسها

تقى ..سيبك منها مسبرها تيجى تحت ايدينا وهنعمل فيها زى ريا وسكينه هههههههههه ودخلوا المحاضره ولاقوا ماهى بتبصلهم من تحت للفوق وبسنت سيبنى اروح اجيبها من شعرها بنت سلطح باشا دى

تقى ...سيبك منها يالا نطلع نقعد على اى كرسى من الكراسى وراحوا على مكان كله بنات وسلموا عليهم وقعدوا وبعدها بشويه دخل دكتور الماده شرح وبعدها سال حد عنده سؤال الكل قال لا يادكتور وهو قالهم تمام اللى عايز اى حاجه منى انا موجود في مكتبى تقى مايلت عليها بتقولها بت يابسنت انتى فهمتى حاجه

بسنت ..وربنا ماحصل بصى احنا تروح نقرا الدرس ونشوف هنفهم ولا لا بقولك تعالى نروح الكافتيريا ننفع الواد حموكشه  وتقى بتقولها يالا صبور الامور ادانى فلوس زياده علشان اطلب اوبر وارجع بيه
.بسنت قشطه يالا قبل محاضرة العملى وراحوا على الكافتيريا نسيهم ونبقى نرجع ليهم تانى .نروح لمبنى الامن بتاع الجامعه داخل بكل هيبه وعظمه واول ماشافه بيقوله زينو حبيبى منور ياباشا حمدالله على سلامتك جيت امتى من اسفر

زين ..الله يسلمك امبارح يامارو اييه اخبارك وحشنى

مروان .. الحمدلله كله تمام منورنا يعنى فى الجامعه

زين...ماهو انا هنورك عالطول

مروان .بجد
زين ..اه بجد.اييه رايك فى المفاجاه

مروان بصراحه جميله انا كنت مفتقدك لما انا جيت وسيبتك فى مكانك بس ازاى

زين ..ده عقاب من السيد الوالد علشان موافقتش على البت الملزقه ماهى بنت اخوه

مروان...هى لسه بتطردك

زين ..يووووه كتير لا وكمان هنا فى الجامعة وتلاقيها عرفت منه ان هشتغل هنا وتلاقيها هتنطط كل شويه

مروان..انا عايز افهم انت ليه مش عايز تتجوزها
زين..بتنهيده...انا عايزواحده تكون مسئوله ولما تغيب تقف وتسد عنك مش تقولك بابى ومامى وانا الصراحه ماليش فى امور السهوكه بتاعة البنات انا من الاخر عايز بت مخربشه تدووووس فى الحديد

مروان...بس دى هتلاقيها فين

زين..هلاقيها متخافش ولسه هيتكلموا لاقوا ماهى داخله عليهم وبتقوله زينو انا فرحانه انت انت معانا فى الجامعه

زين....ماهى لوسمحتى انا هنا خضرة الظابط زين مش زينو وانتى طالبه هنا ياريت متتعديش حددودك معايا واتفضلى لو سمحتى

ماهى بعيون مليانه دموع انت ليه بتعمل كده معايا دانا بنت عمك

زين ..بنت عمى فى بيتنا وبيتكم مش فى مكان شغلى ياانسه

ماهى عيطت وخرجت ومروان بيقوله انت قاسى اووووى حرام عليك

زين...كده احسن علشان مش كل شويه تتنطط وتيجى هنا وهتروح للباشا وتشتكيله ولسه بيكلم لاقى ابوه بيرن عليه وزين بيشاور للمروان بيقوله سيادة اللوا

مروان... معقوله هى لاحقت

زين...اه تلاقيها خرجت ورنت عليه وهو طبعا زى عادته هيتصل وهيهزقنى كان هى اللى بنته مش انا هرد واسمعها هيقول ايييه وزين رد وفتح الاسبيكر بيقوله سياده اللوا

ابوه...بلا لوا بالا زفت انت ايببه اللى عملته فى ماهى ده بتطردها وكمان ادام صاحبك مروان

زين...انا مطردهاش بس انا قلتلهاانتى طالبه ولازم يبقى فى حدود مابينا انتى بنت عمى اه بس مش هنا هنا انا الظابط والمسئول عن الطلبه وانتى طالبه مسئوله منى بس ونتعامل على اساس كده وطبعا هى مش عاجبها واتصلت بحضرتك تشتكيلك

ابوه...دى خطيبتك يابنى ادم وحدود اييه اللى تتعامل معاه بيها

زين..بابا ارجوك هى مش خطيبتى ولا عمرها هيكون

ابوه ...لا خطيبتك غصبن عنك فاهم ولا لا وقفل السكه فى وشه

زين.. استغفر الله العظيم من كل ذنب انا مش عارف ايييه معاملته دى أنا بقى اروح اقعد قى شقتى وماارجغش البيت لانى زهقت من الاسطوانة بتاعة كل يوم ماهى ماهى لحد ما زهقت وطهقت

مروان...ط اهدى تعالى نشوف امن الجامعة ونشوف الطليه والطالبات بيعملوا ايييه

زين..روح انت انا نفسيتى زى الزفت

مروان..ماهو علشان كده بقولك تعالى نتجول فى المكان لا وكمان فى سكشن تدريب للطلاب انهارده 

زين.. حاضر وقام معاه يتجول فى الجامعة وبعدها راحوا على مكان سكشن التدريب وقفوا يتفرجوا وكان من ضمن الطالبات البنت اللى خبطتت فيه وهى شافته بتقولها بت يابسبوسه

بسنت..عايزه ايييه يازفته مش عارفه اعمل الضغط

تقى ..سيبك من الضغط وبصى لقدام الواد المز اللى خبطت فيه الصبخ
بسنت ..بجد

تقى ..اه بس متعمليش اى ريئكشن وبسنت عملت عبيطه وبتبص لاقت الاتنين احلى من بعض وبعدين بتبص ليها بتقولها هما دووول حققين

تقى...زى ماانا عملت الصبح تحسى امهاتهم ملكات عسل النحل اومال الواد دومى مش مز زيهم ليه

بسنت ..اخس عليكى ده دومى عسل

تقى... يااختى اتوكسى هو مين اللى عسل لما هو عسل يبقى دووول يبقى ايييه

بسنت ...دول مرونج لسيه على كريم شانتيه متغطى بالكريز ومن رغيهم نسيوا التدريب خالص ومعيد الماده بيقول الاتنين الى بيرغوا مع بعض مش شايفكم بتعملوا حاجه

تقى...جالك الموت ياتارك الصلاه والدكتور جه عليهم بيقولهم مالكم بترغوا ليه

بسنت ..مفيش يادكتور اصل الانسه عندها شد عضلى وبتقولى قولى للدكتور

الدكتور ..شد عضلى من ايييه انا شايفك من بدري معملتيش اى حاجه من تدريبات الضغط

تقى ..مين قال لا دانا عملت كتيير بس حضرتك مخدتش بالك

الدكتور.. والله ط ادامى انتى وهى اعملولى 10ضغط

بسنت ..يالهوووى عشره مين يادكتور وهو احنا قادرين نعمل واحد لما نعمل عشره

الدكتور ..بحزم يالا ياانسه احنا مش هنهزر

تقى ..ببرطمه اللى يضغطوا عليك لحد ماتروح فيها يابعيد

الدكتور... بتقولى ايييه ياانسه

تقى ...انا مبقولش والدكتور ط يالا ياانسه انتى وهى دى التدريب ده عليه اعمال السنه  وتقى بسنت عملوا 5ضغط بالعافيه وناموا مكانهم فى الارض كانوا خلاص جابوا آخرهم وتقى بتقوله الهى ينصرك على من يعديك كفايه كده انا عقبال مااخلص التيرم هبكونوا بيقروا الفاتحه عليا فى عمر مكرم بسنت لا فى الحمديه الشاذلية

تقى ..ليه

بسنت ..قريبه من البيت

تقى .. اتوكسى هنموت مش شيفاه بيبص علينا ازاى والدكتور بيقولهم كملوا ياانسات بدل ما ابعتكم للعميد  ماهى اه يادكتور ياريت بنات بتدلع

تقى..برفعة حاجب نعم ياصفرا مالك انتى وزين ضحك بصوته كله والكل انتبه وشاور بايده وبيقول انت اسف ومروان كمان ضحك على تقى وكلامها لماهى

ماهى..بس يالوكل

بسنت..بت انتى ابعدى عن وشنا بدل مانلعب فى شعرك اللى ضرباه اكسجين ده

ماهى .. الدكتور زعق بيقولهم اييه انتى وهى مش عاجبكم الواقف ادامكم والايييه

بسنت .. حضرتك هى اللى ادخلت فى الكلام مالها هى

الدكتور.. خلاص ياانسه وانتى يانسه اتفضلى مكانك ويالا كملوا اللى بتعملوه وتقى وبسنت بعد معاناه خلصوا والتدريب خلص وهما فضلوا موجودين مكانهم مش قادرين يتحركوا ومروان وزين كملوا جوله فى بقيت الجامعه وراحوا على مكان التدريب لاقول تقى وبسنت قاعدين مكانهم وحاطين ايديهم على خدهم ومش قادرين يقوموا بسنت بتقولها بت ياتقى ماتتصلى بالواد دومى يجيبلنا ونش يقومنا

تقى..دانا لو اتصلت بيه هيفضل يضحك ويقولى مش انا قلتلك انتى اخرك لاعبة كرة شراب قومى يااختى نتسند على بعض ونطلب اوبر ونروح على طول بس تعرفى اييه اللى مضيقانى فى. الموضوع

بسنت...ايييه

تقى..ان انا ماحبتش البت اللى اسمها ماهى من شعرها اللى شبه سلوك الكهربا زين من وراها هى لدرجادى مش طقياها

تقى...نعم مالك يااخ

زين... مالى فى جيبى
تقى ..ظريف وبسنت بتقوله افندم عايز ايييه

زين..برفعة كتف مش عايز انا واقف فى ملكى

تقى ..وانت مين الحكومة

زين...اه

تقى ... والله

زين... والله

تقى ...ط خليك فى ملكك واحنا هنسيهالك اشبع بيها

زين...ماتقوليلى انتى مش بتطيقى الانسه الصفرا ليه

تقى ..بت كده مايصه ملزقه بتاعة بابى ومامى بص من الاخر حاجه كده عامله زى الاكل الى مالوش طعم هى كده كوكتيل رخامه

زين..ياه لدرجادى

بسنت ..اه زى ماهى قالت كده يالا نمشى التاكسى بره

تقى...اوك ومشيوا وهو واقف مكانه ومروان جه وراه بيقوله مالك واقف كده ليه

زين...لا انا رجعت تانى لماهى والبنات يتخنقوا

مروان.. ماهى عالطول بتتخانق مع البنات ودووول بذات بس هما مش بيكلموها مش خوف منها بس هما مكبرين دماغهم من ناحيتها

زين..والله جدعان بس بنات شكلهم ولاد بلد وحدعان

مروان...فعلا الاتنين دووول بذات من بداية الدراسة وهما مع بعض وعمرى ماشفتهم كلموا ولد ولا عملوا اى مشكله بالعكس دفعتهم بيحبوهم حتى الدكاتره والدليل شوفت الدكتور اتعامل معاهم ازاى

مروان ...تقى وبسنت كذا مره يدخلوا مسابقات للشعر والغنى ويطلعوا الجامعه من أوائل الجامعات والكل يعرفهم حتى العميد موصى عليهم

زين.. ماشاء الله اهو يأمروان فى بنات شاطره وجدعه دانا لقيتهم قاعدين في الارض وبقولهم هاتوا ايديكم اؤمكم  واحده منهم بتقولى ليه وهو احنا اتشلينا علشان تقومنا ابعد ايدك ياعم لتوحشك

مروان...مش بقولك هما كده من ساعة مادخلوا الجامعه ولما اشتركوا فى المسابقات وهما مالهمش دعوه بحد

زين..وانت عرفت الكلام ده منين

مروان ..انتى ناسى انا جاى من ساعة التنسيق ومع بداية الدراسة وكمان عالطول قاعد على كاميرات المراقبة اللى موجوده داخل الجامعة فى مكان

زين ..اه ط يالا تعالى نسلم النبطشيه للى هيجيى مكانا

مروان ..لااسف انا وانت اللى مكملين لان الاتنين الزملاء واحد مامته توفت والتانى مراته بتولد

زين...سبحانه ماله الدوام حد مات وحد اتولد سبحان الله العظيم

مروان ماهى الدنيا كده ياصاحبى ربنا يحسن خاتمتنا جميعا

زين ..يارب ط يالا نرجع المكتب ونطلب اكل لانى ميت من الجوع

مروان...وانا شرحه ودخلوا المكتب وطلبوا الاكل نسيبهم ونروح لبطلتنا وصاحبتها من التاكسى 
بسنت..تقى هو انتى نمتى
تقى ..لا بس مش قادره

بسنت ...ومين سمعك انا مش عارفه لمااروح والبومه مرات ابويا طلبت حاجه اعمللها اعمل اييه

تقى..قولها تعبانه

بسنت ..هتقولى لو هتموتى هتعملى اخلصى مش ناقصه قرف مش كفايه مستحملاكى انتى وابوكى. واخوكى جوازه تقصر العمر

تقى ...يابنت خدى رد فعل معاها سكوتك ده هو اللى مخليها متفرعنه

بسنت ..ياتقى بابا بيسمع ليها ومس هيصدقنى

تقى ..ج اقولك على حاجه سجليلها كل كلامها علشان لما تكلمى  يبقى معاكى الدليل

بسنت ..صدقى فكره حلوه هتعامل معاها كده علشان نفسى تغور من البيت هى واخوها اامقرف اللى عينه تتدب فيها رصاصه

تقى..لسه بضايقك

بسنت ...اه وهى تضحك تقولى اجوزيه يابت ده هينيكى اتجوزتها عقربه

تقى...وقفيه عند حده الشمام ده

بسنت ..لا متخافيش وبتقولها وصلنا يالا باى لمانوصلى رنى عليا

تقى ..حاضر والتاكسى مشى وبسنت طلعت وفتحت الباب بالمفتاح ودخلت لاقت البيت هادى دخلت على  اوضتها ومااهتمتش بعدم وجود مرات ابوها غيرت هدومها ولبست لبس بيتى وقفلت باب اوضتها واتصلت على تقى كانت رجعت البيت واطمنت عليها وبعدها راحت فى النوم عالطول نسيبها تنام ونروح لبيت تقى ..تقى داخله من باب الشقه امها قبلتها بتقولها مالك يابت ماشيه زى السلحفه

تقى...اسكتى ياماما دانا طلعت السلم بالعافيه

امها..سلم ليه هو الانساتسير مش شغال

تقى...لا شغال بس حد معلقه فوق تلاقى الواد حماصه الرخم علشان هو شافانى نازله من التاكسى وشاورلى بايده وانا طلعتله لسانى عمل فيا المقلب

ده

امها..حماصه الواد اللى عنده خمس سنين بتطلعيله لسانه  ياعانس عامله عقلك بعيل لو اجوزتى كنت جبتى قده

تقى...يوووه بقى هو عيل رخم بس لما ارتاح هطلع اجيبه من قفاه الجذمه

امها..صبرنى ياصبر يارب هو انا عملت ايييه فى دنيتى علشان اتبلى ببلوه زى دى ادخلى ياتقى انا واحده صاحبة مرض ماليش مراره ليكى

تقى....انا بلوه يامنوش وربنا انتى بتقولى كده من ورا قلبك
امها...لا ده من جوه يالا يابت روحى ارتاحى ماهو مش كل ماتبجى من التدريب العملى تبقى كده

تقى...اسكتى ياماما الدكتور شافنى انا وبسنت بنرغى حكم علينا نعمل 10ضغط طلع عبنا الله يسامحه وبسامح التنسيق

امها ..بضحك تتستاهلى يالا روحى اوصتك ارناحى لحد مابابا يجيى وتتغدوا مع بعض

تقى ..لو نمت سيبينى انام وبعدها ابقى اقوم اتغدى

امها.. ماشى ودخلت المطبخ وتقى دخلت اوضتها وغيرت هى كمان واستلمت السرير وراحت فى النوم على طول

استوب لحد هنا ونكمل فى ميعاد نشرها السبت  والاتنين  والاربعاء