الفصل الثالث

يزن بضحكة على تعبيرات وجهها: أيوه يا بشمهندسة أنا اللي عملت كدا عشان أنتِ تستاهلي كل دا و أكتر كمان، حتي بصي كدا هناك.
همس تنظر وجدت عاصم قادم.
همس بتعجب أكثر: إيه يا جدعان في ايه وأنت ياض مش إحنا مع بعض في إمتحانات وليا عندك جمايل بالكوم مقلتش ليا ليه بدل الصدمة اللي أنتوا عاملينهادي إزاي يعني كلكم هنا هو في ايه إشجوني يا جودعان.
"جميعهم بدأوا بالضحك على كلماتها"
دكتور يزن: همس، من فتره قلت لك أننا هنسافر عشان منحة،صح.
همس: حصل يا دكتور في ايه بقاا هسافر مثلا اليابان عشان تتعلم منهم ازاي اكون سوية نفسيًا دا هما اللي يتعلموا مني.
دكتور يزن: يابت اسمعي إهدي يا رغايه.
"دكتور يزن يوجهه كلامه بجديه لِـ همس"
أنتِ متفوقه دراسيًا ماشاء الله وشخص تتطور كتير جدًا وعلى أيدي وأنا عارفك أكتر من نفسك وأكتر حد فاهمك في العالم وعارف أنك تقدري تشيلي مسؤلية نفسك في أي وقت وأي مكان و احترام وأخلاق عالية وعشان كدا أنا عارف أنك عايزه تكملي دراسه برا، صح يا بشمهندسة؟!
همس بذهول: لا ثواني مين اللي قالك، أنا متكلمتش أنا كنت بفكر بس، أيوا فعلا أنا كنت عايزه أسافر.
يزن: وعشان كدا اتكلمت مع والدك ووالدتك و أقنعتهم أنك هتسافري إيطاليا وهناك في فرص كويسه جدًا.
همس بفرحة: بجد قولوا واللهِ كدا، يعني أنا هسافر أكمل دراسة و أرفع رأس كل الناس
"بنظرات فرح مثل الأطفال"
يعيش بابا، تعيش ماما، يعيش أجمد دكتور يزن على الكوكب.
وبدأوا بتهنئتها و تتبادل أحضان والديها
وهم جميعهم في سعادة، ويحتفلون و أول مره يكون بينهم ودّ بهذه الحالة.
عاصم في منتصف الحديث: صحيح يا أنكل يعني أنا عارف أن والدي سماني على اسمك عشان صاحبه
والد همس أنت عارف الاجابه وعارف أن أنا و والدك كنا أعز صحاب.
والدك يا بني كان عنده إعتقاد و نفسه أنك تشيل صفات تشبهني و أنا كمان نفس الموضوع، كنت عايز أشوفك نسخة صغيرة مني، برغم أنه مش موجود دلوقتي.
والدت همس: ودلوقتي بقاا يا ولاد عايزة افهم هو بنتي هتسافر ازاي؟
دكتور يزن: أنا عندي سفريه إيطاليا دراسه شهرين ورأجع وخلال الفتره دي همس في عيوني، هنكون سوا متخافوش.
وهي فتره كفايه أنها تكون فهمت هناك كل حاجه.
جميعهم في غاية السعادة، لكن عاصم زميلها كان حزين بعض الشيء، لأنها ستسافر وهو كان يميل عليها وقت ضعفه.
مر أسبوع كامل وجاء موعد سفر همس ويزن، والوداع حار ومتبادل بينهم
مرت رحلتهم وعندما وصلوا إيطاليا يزن قام بحجز غرفتين في فندق، إلى أن يجدوا مكان آخر
ومن المؤسف أنه لا يوجد سوي غرفة واحدة فقط
والوقت متأخر ولايوجد أحد سيقبلهم سوى هذا الفندق، و اضطروا لأخذ هذه الغرفة.
وعندما صعدوا إلى الغرفة
همس: استنى لما أجرب صوتي عشان بقالي فتره مصدعتش حد، و أهو نشوف صدى صوت الأوضه عشان أبقى أصيح براحتي
هقول قصيدة لِـ عمرو حسن.
يزن: ينهاري على الاحزان، اخلصي.
بدأت همس بإلقاء القصيدة.
_خُدها قاعدة
أي واحد جاب فراشة مـ الجنينة وحطها فـ البرطمان
ثم فكّر انه بيحافظ عليها، ذنبه فيها
دمها الألوان هيفضل شيء يطارده
أصل برضه، مش طريقة عشان يصونها!
هو ممكن عجبه لونها
قال يجيبها تموت قصاده بالبطيء
وأمّا ماتت هو عيّط، والجميع حسوه بريء
شالها بإيديه ثم خدها
لِلهوا ورماها تاني
نزلت الألوان بتنزف برتقاني ع الطريق!
قصة الحب الكبيرة،
صورك السيلفي الأخيرة
اتصال بالليل يضايقك تزعلوا تفضوّها سيرة
أنت طيب، بس غامض
هي عاوزة حاجات كتيرة
و أنت إيه غير "سُكر بيّن"
من حياة مَنطِقها بيرة!
شكل أوضتك، لون هدومك، ذكرياتك
نقطة الصفر فِـ حياتك
السياسة
والأغاني
والجوامع
الإضاءة الخافتة والمزيكا وأنت
_أعمل إيه لو توحشيني؟
_أنسى وأعرف واحدة تانية
_بس أنا شايلك فِـ عيني
_حظنا نبعد، دي دنيا!
_أنتِ قصدك تقتليني
_أنت ميت كل ثانية
المحطات البعيدة
شنطة السفر اللي فيها ريحة الناس والشوارع
جلدك اللي مسامه شايله
نقطة من عرق اللي راجع، الحياة رخمة وكئيبة
بس حلوة وليها معنى
إحنا باب ندخل فَـ نخرج والجميع شدّ ورزعنا
إحنا بالفعل اتخدعنا!
كنت واقف والشوارع ليل وِ وحدة
كان صحابي كلهم راحوا لبيوتهم
كنت وحدي أو معاها
أو
معاها وكنت وحدي
كلمِتني عن قمر ساكن سماها
وأمّا لمست إيدي فجأة
تابع القمر المفاجأة
خلّى نور الفجر يتأخر شوية
ثم غابت
ثم رجعت
ثم دابت بين إيديا
واكتشفت بإني وحدي أو معاها
أو معاها وكنت وحدي
الطبيب النفسي ممكن ينصحك ويهزّ فيك
بس مش ممكن يقرر اللي غابوا يعودوا ليك
و اكتئابك، رد بابك، سيبت كل الناس وغِبت
واللي سابك اسمه سابك، أنت عمرك يوم ماسِبت
قهوة تاني،
و انسحابك للصور علشان تعاني
ناس كتير فِـ الصورة مشيوا.. وأنت مجني عليه وجاني
تكتشف إنك كإنك كنت منك توهت فيك
ثم تفهم إن بكره باب وأُكره هييجي بيك
وإن خوفك لو يشوفك عمره ماهيزهق يجيك!
_طب وأبويا؟
_يرحمه ربك ياخويا، شال كتير وارتاح فَـ سيبه
_طب وهي؟
_هي باعت واللي باع ياخد نصيبه
كان ساعتها قلبي واقف والزمان ثابت مكانه
فـي فــ بكره كام شيء كويس
يستحق أعيش عشانه
طفل ممكن شبهي جدًا
أو زيارة عائلية
أو مطر هيبل روحي
يمسح العفرة اللي فيّا
أو تلاتة أصحاب فِـ مصيف
يحرقوا صباعي الصغير يقنعوني بشيء مزيف
أو يراهنوني بغيابهم وأما باكسب مايغيبوش
فيه فِـ بكره شيء حقيقي
مستحيل بالخوف يبوش، بالقياس
فيه فِـ حياتنا ياما ناس موتونا بحُب زايف
حُب آخره يكون كلام فوق الشفايف
كتفّونا بإنهم ماسكين إيدينا
يعشقونا فِـ سجننا المقفول علينا
وأمّا تعطل حاجة فينا
يسحبونا عَـ الضمان
كلنا ياصاحبي أصلاً
كام فراشة ف برطمان
همس: ايه رأيك؟
يزن: يا نهار صياح، أي حاجه منك قمر.
يزن: همس أنتِ هتنامي على السرير وأنا على الكنبة يلااا.
همس: اتفضل أنت يا دكتور يزن نام على السرير عشان حضرتك تعبان جدًا.
يزن: طب الأول ناكل وبعدها نشوف الموضوع دا.
"انتهوا من تناول الطعام وهو يعرف أن همس لن توافق أن تنام على السرير"
همس: دكتور يزن أنت هتنام على السرير وأنا على الكنبه وخلص الكلام.
يزن بدون حديث نام على السرير
بعد ساعتين يزن كان مستيقظ ويفتح عينيه كي يلقي نظرة على همس، وجدها تشرب قهوة و تكتب في دفتر ملاحظاتها، اطمئن عليها ونام
بعد قليل فاق على صوتها وهي تقرأ قرآن بصوت عذب جميل، لكنه أكمل نوم.
في الصباح استيقظ على المنبهه، وهمّ ليري تلك الـ همس وجدها تمارس رياضتها، اتجهه لها وقال: عمرك ما هتنسي انك كوتش وبتسحلي الناس في التمرين!
همس: ولا هنسي أني في كليه هندسه، ولا هنسي أني استشاري صحة نفسه ومدرب تنميه بشرية علي أيديك يا دكتور.
يزن يستوعب كلامها: أنتِ بقيتي حاجات كتير، أتمنى أنك توقفي ما بينهم بجد.
همس: طيب طيب المهم يلا عشان نفطر يا دكتور
يزن: امم، فطار همس هو انتي نمتي؟!
همس: أيوه وصحيت قبل ما أنت تقوم.
يزن: نمتي أمته؟!
همس: قعدت كتير مكنتش عارفه أنام لكن في الأخر عيني راحت في النوم يلا عشان منتأخرش وهنجيب حاجات وهنشوف هنعمل ايه متضيعش وقت كتير الحياه هنا سريعة أوي.
يزن وهمس متأقلمين جدًا في المعامله بحدودهم.
والآن جاء وقت أن يشتروا ما يودونه ويلقوا نظرة على المكان لكي يعيشون به هذه الفتره، ذهبوا إلى المول اشتروا بعض الاحتياجات و عادوا إلى الفندق.
همس بدون أي نقاش نامت نومًا عميقًا من التعب.
يزن وجد أشياء همس وقام بفتح ملاحظاتها كنوع من الفضول كي يعرف ماذا كتبت وهو نائم
وبدأ يقرأ
أثر الذنوب في حياتك بيعمل حاجات أصعب و أقوى و أوحش من أثر العين و الحسد، شوف في القرآن الأقوام اللي ربنا عاقبهم بالطوفان و لا الحشرات ولا الرياح ولا إن البلد تتقلب بيهم ولا حتى المسخ!
كل ده بسبب ايه؟!
(فَأَخَذَهُمُ اللَّهُ بِذُنُوبِهِمْ)
( فَأَهْلَكْنَاهُمْ بِذُنُوبِهِمْ )
الذنوب شؤم و بتحول النِعم نقِم و بتصعّب الرزق و بتضيق منك النفوس و بتمنع عنك البركة و تصّعب حياتك و تخلي الفشل يكتر، الذنوب أثرها خطير جدًا متكسلش تفكر في ذنوبك و تستغفر عنها بإنك تنسب كل ضرر يحصلك إنه عين و حسد
"القرآن كلمك عن أثر الذنوب أضعاف مضاعفة عن أثر الحسد"
حصّن حياتك بإستغفار أخر الليل كل يوم و أنت بتفتكر ذنوبك و بتتوب عنها، عمر خيالك ما هيجيب الاستغفار ممكن يمنع عنك ايه دنيا و آخرة.
توقيع؛ همس
وبدأ بتغير الصفحات، ويقرأ:
"عهدًا مني ياحلمي سنلتقي انتظرني أنهي مسيرتي الطويلة وأرتديك وأعيشك ياحلمي وأقول لك إثنين لا ثالث لهما إما أن أحققك وأما أن أحققك⁦⁦"
#حلم _ كلية_ الهندسة.
ومن هنا علم يزن أنها كانت تعمل على أهدافها وليست دراسه فقط.. بل لديها شغف بما تفعل.
وأكمل تغيير الصفحات، ويقرأ:
يوم معين هيجي عليك هتحضر لبسك من بليل و تظبط كل حاجة ع الشعرة، هتيجي تنام مش هتعرف تنام من الفرحة، أول يوم جامعة!
بداية حياة جديدة، أول يوم فتحقيق حلمك هتصحى الصبح تلبس و تتشيك و تنزل طبعا شبه خلف الدهشوري بس مش مهم، هتقف قدام الجامعة و أنت مش مستوعب و هما بيقولولك الفرقة الأولي مدرج واحد!
أنا وصلت هنا بعد تعب قد ايه، استحملت و عافرت في ثانوي قد ايه!
ربنا كرمني على تعبي قد ايه!
حلمي اتحقق؟
طب هو أنا بحلم؟
هتخش المدرج أول واحد و هتمسك الموبايل براحتك و هتتكلم والدكتور بيشرح عادي، و هيشوفك و هتطرد و تروح تفطر عادي جدًا حياة تانية و أنت مش مضغوط و أنت فرحان بمكانك و أنت فرحان أكتر بتعبك اللي وصلك هنا و أنك مكنش فايدك تعمل اكتر من كدة.
أنت بقى دلوقتي المفروض تسأل نفسك كل يوم هو أنا بعمل اللي عليا ولا لأ؟
هو أنا بتعبي ده دلوقتي أستحق أوصل ولا لا؟
هل أنا بضيع وقت ولا لأ؟
أسئلة كتير لازم تسألها لنفسك كل يوم أنت تعبت و مش قادر تكمل؟
طب و تعبك اللي فات ده هتسيبه يضيع عادي كدة، طب و حلمك ايه اخباره؟
أنت لسة هتبدأ من دلوقتي أصلا و خايف متلحقش؟
طب ما هو الوقت كدا كدا هيعدي فَـ ليه بقى متستغلوش صح و تبطل تضييع وقت و تبدأ بجد و ياما ناس بدأت دلوقتي و لحقوا يخلصوا بل و كمان حققوا أحلامهم و عدوا الناس اللي بدأت من الأول و مكنش عندهم القدرة أنهم يكملوا
حلمك سلالم طويلة وأنت كل لحظة بتتعب فيها و هتتعب فيها و هتتنازل فيها عن حاجة فايدك بتحبها زي الموبايل هي فِـ الحقيقة سِلمة بتطلع عليها لحلمك
مفيش مستحيل و لسه في فرصة و لسه في أمل و احلم بنفسك ناجح و احلم بنفسك محقق حلمك و احلم بأول يوم جامعة؛ يستحق منك تتعب؟
أعتقد يستحق و أنت قدها و أكتر واللهِ بشوية تعب و ثقة فكرم ربنا.
يزن في قمة سعادته بشغف تلك الصغيرة نحو ما تريد،
وأخلد للنوم.
ومع رونق الصباح، استيقظت همس، وعلمت بأن هناك من قرأ مفكرتها لأنه لم يضعها بنفس الزاوية التي وضعتها بها.
همس: دكتور يزن أنا محتاجة شوية حاجات ممكن نروح نجيبهم.
يزن: كل حاجه هنجبها إحنا مع بعض في المنحه وأنا عارف إيه اللي محتاجينه وأنا هجيب لك معايا.
همس: شكرا يا دكتور
وكانت تفتح اللابتوب الخاص بها، وجدت يزن يقول: ايه رأيك في موضوع الإرتباط يا بشمهندسة همس؟!
همس استغربت كلامه لكن عرفت أنه بيلمح لحاجه
همس: دكتور يزن حضرتك فاهم كويس أوي احنا هنا ليه عشان منحة و خبرة أكتر في الحياة وكيان وعدم استسلام وكل الكلام اللي كلنا بدون استثناء عارفينه
بس من وجهة نظري لو بتسأل عشان تعرف أنا مقتنعه بـ ايه؛ وعشان كمان تعرف أني مش هتغير لمجرد أن عندي ملايين الفرص اللي أغير بيها معدني
يبقي مش هيحصل
يزن: قولي ليه يا همس؟! أنا سامعك
همس ردت قائلة:
كنت قرأت جزء عن الموضوع من جانب ديني.
"العشق داء صعب، ومنشؤه تعلق القلب بغير الله وتعدي حدود الله بفعل خلاف ما شرعه من كلام محرم أو نظر محرم أو نحو ذلك، فإذا وقع البلاء فَـعلى المبتلى أن يجتهد في تعليق قلبه باللهِ تعالى وملء قلبه بمحبته والإقبال عليه والإنس به، ويطرد الفكرة عن نفسه في هذا المحبوب كلما عرضت له ويبدلها بغيرها من الفكرة فيما ينفع في أمر الدنيا والآخرة، ويعينه على ذلك تذكر مساوئ المحبوب ومقابحه وما طبع عليه من الأخلاق الرديئة والطباع المنفرة، وليبتعد عن كل مكان كان يجمعه به وكل ما من شأنه أن يهيج ذكراه في قلبه، وليكثر من الذكر ويلزم الدعاء فإن القلوب بين إصبعين من أصابع الرحمن يقلبها كيف يشاء، وليستحضر دائما أن المحبة التي تنفع هي ما كان لله وفي الله، وأمّا ما عداها فإنها عذاب على صاحبها في الدنيا قبل الآخرة، وكل هذا إذا تعذر الوصل بين المحبوبين في الحلال أو كان الحب من طرف واحد كما ذكر، وأما إذا أمكن تزويج المتحابين فهذا يطفئ نار العشق، ومن ثم روي: لم ير للمتحابين مثل النكاح. والوصية المبذولة هي مطالعة كتاب الداء والدواء للعلامة ابن القيم رحمه الله فقد صنف خصيصًا لبيان علاج من ابتلي بهذا الداء العضال، نسأل الله العافية لجميع المسلمين."
يزن: تمام، في حاجة تانيه عايزه تقوليها؟!
همس: مثال حي يا دكتور
هو الارتباط قبل الخطوبة والرسميات حرام؟
مر عليا فيديو من كام يوم لواحد كده بيقول على واحدة معاه: دي حبيبتي وهتقدم آخر السنة إن شاء الله!
وهي بجواره تضحك بصرف النظر عن سؤال فين العقل والمروءة (مش هقول الدين) من حاجة زي دي!
لكني فعلًا شايفة دموع حسرتها واضحة خلف تلك الضحكة المصطنعة.
هتقولي: طب وليه بتقولي كدا ما ممكن يتقدم لها فعلا ويسعدوا في حياتهم.
أقولك: لو كان يحبها مثقال ذرة ما فعل هذا.