جبر آلخواطر
️ بقلم مريم سيد ام البنات

انا هانم

اه والله اسمى هانم طالبه فى كلية تجاره والنهارده اجازه يوم الجمعة وكنت نايمه صحيت على زعيق امى ومرات اخويا

امى ..الحاجه امال

مرات اخويا ..نعمه

اخويا ..حسن

ارجع احكى الحكايه

كل يوم جمعه مرات اخويا متعوده تنظف شقتها وتنزل بالسلم وانا اخد منها واكمل وطبعا وده مش جديد علينا بس كل مره امى الحاجة امال تتخانق معاها ويحصل مشكله وهى ومرات اخويا بس مرات اخويا مبتكلمش بس فى يوم صحيت على خناقه جامده وقومت من نومى مفزوعه وخرجت لاقيت امى ومرات اخويا حرفيا ماسكين فى بعض حاولت معاهم معرفتش دخلت جوه لشقة اخويا ودخلت اوضته لاقيته صاحى وقاعد يشرب كوباية شاى باللبن
انا ياحسن ياحبيبى انت مش سامع اللى بيحصل بره
حسن. سيبك هو ده جديد تعالى ياهانم اشربى كوباية شاى باللبن معايا وخدولك ساندوتش جبنه رومى قديمه حلوه من اللى بتحبيها

انا ..ياحسن دى امك مبهدله مراتك بره وانت بتقول تعالى كولى.

حسن ...سبيهم وانا هتصرف وقعد شرب الشاى واكل الساندوتش وادانى كوباية شاى باللبن بيقولى خدى يابنتى اشربى بصى نعمه عامله كيكه عظمه خدى حته بدل ساندوتش

انا..بصاله ومصدومه ياحسن انت مش سامع امك ناقص تموت مراتك يابنى اييبه البرود اللى انت فيه ده

حسن ..قعد على الكرسى قوليلى ياهانم انا لوخرجت علشان اسلك مابينهم ياترا هاجى على مين لحساب مين

هانم..ااكيد هتيجى على مراتك علشان خاطر ماما

حسن ...وانكد على. نفسى

هانم ..يالهوووى ياحسن هتيجى على امك علشان مراتك

حسن ...ومين قال كده انا عايش برضاها

هانم ..انت هتجننى ط هتعمل اييبه

حسن ..اصبرى يخلصوا خناق امك هتدخل شقتها ومراتى هتيجى وهتشتك. اقعدى واتعلمى

اتا ..مسكت كوباية الشاى باللبن وحتة الكيكه وسكتت وهو بيقولى كلى ياهنومه وهبهرك

انا .هاكل لمااشوف ياخويا الانبهاى وقعدت كلت وبالفعل الخناقه خلصت ودخلت نعمه علينا بتقوله شوفت ماما الحاجه واللى عملته فيا لاقيت اخويا قام من على كرسيه ومسك المقشه من ايدين مراته انا قلت اوبا هو هيضربها والاايه لاقيته ركانها على جنب وباس دماغ مراته ومسك ايديها قالها الايد دى لاتكنس ولا تنفض الايد دى بس للنعومه مش للغسيل والمسح وانا فاتحه بوقى على اخره وهى بتقوله يعنى ايييه ياسونه

حسن..يعنى ياقلب سونه انا هجيب واحده تعمل مكانك وانتى تخلى بالك من نفسك وتهتمى بنفسك علشانى وباس ايديها ودماغها

كل ده واتا بوقى مفتوح على اخره ونعمه بتقوله بس ماما الحاجه هتوافق

حسن..سيبى ماما ليا وبصلى وبيقولى هنومه اقفلى بوقك ياحبيبة اخوكى وتعالى وخدنى من ايدى ونزلنا انا هو لاامى لقينا امى شايطه بتقول شوف مراتك بترد عليا لاقيته نزل قعد تحت رجليها ومسك ايديها وبيقولها مالك بس ياست الكل

امى ..شفت مرات بنت وبنت وهو بيقولها ياامى مرات مين انتى الاهم هى يجيى غيرها انتى متتعوضيش هى تتعوض

امى..يعنى ايييه يابنى

حسن ..يعنى رضاكى عنى اهم من اى حد يعنى نعمه تتعوض انتى متتعوضيش

امى ..الهى بجبر بخاطرك ياحسن ياابن امال

حسن .. ربنا يباركلى فيكى ياامى بقولك اييه ياام حسن

ام حسن ..قول ياضنايا

حسن..بقولك اتا ادامى واحده بتغسل وتمسح وتنظف انما ايييه ست طيبه بتربى يتامى بقول تيجى تعمل مكانكم فى تنظيف البيت وتبقى صدقه مخفيه وهانساعدها بس بشغلها

امى ..يعنى انت عايز تريح مراتك وتجيبلها واحده وتريحها ومتشتغلش فى شغل البيت

حسن...مين قال لا طبعا انا علشان خاطرك انتى بقول امى بتعمل صدقه قلت اقولك حاجه تبقى فى ميزان حسناتك

امى . يعنى مش علشان مراتك

حسن ..لاطبعا انتى اهم ياامى مراتى يجيى غيرها الصبح اما انتى لا انتى . فى كفه والباقى فى كفه تانيه خالص انتى رضاكى هو اللى هيدخلنى الجنه مرات مين اللى هريحها

امى .. خلاص انا اللى هدفع فى للست ومراتك ماتدفعش جنيه

حسن .. طبعا اومال انا قلتلك انتى ليه وماقلتش ليها علشان الثواب ليكى انتى بس

امى ..حبيبى ياابنى يارب يجبر بخاطرك ويرزقك من وسع ياحسن ياابن بطنى. وانا كل ده واقفه مذهوله من اللى بيحصل حسن كسب الجبهتين كسب رضا امه وحب مراته و امه بتدعيله ومراته كمان بتدعيله لاقيت اخويا بيغمزلى ويقولى اتعلمتى يا هنومه
انا اه اتعلمت
هو اتعلمتى اييبه

انا ..سكت مش عارفه عملتها ازاى

حسن ...بجبر الخواطر لو كنت طلعت كان حد فيهم هيزعل دلوقتي كل.واحده مفكره ان انا نصرتها على التانيه وكسبت حب مراتى ومش هتقدر تزعلنى ورضيت امى وكمان بيدعولى
عرفتوا ياطيببن بجبر الخواطر تتحل كل المشاكل
انا ..بضحك مش قلت لعيب ابن لعيبه دانت غلبت موصلاح

حسن.....جبر الخواطر على الله


جبر الخواطر ياطيببن