الفصل التاسع والثلاثون

فرح : متشليش هم مرات ابوكي واحنا راجعين بكره من المدرسه هنعدي ع بيتكم واقولها وهي متقدرش تقولي لا

نادين : كده يبقى تمام حتى ارتاح من شغل البيت ايام الامتحانات واعيشلي يومين

فرح : اه ما انا قولت كده عارفه انك بت مصلحجيه ولو ملكيش مصلحه مكنتيش وافقتي يا جزمه

نادين : ههههه حبيبتي اللي فهماني انتي نذاكر بقااا

فرح : يلا ياااختي يلا

*****

سليم ومراد قعدوا مع العيله قضوها هزار وضحك وبعدين سليم طلع ينام ف الاوضه اللي جهزوها ليه اما مراد طلع يشوف فين آسر ويتكلم معاه سأل عنه وعرف انه ف الاسطبل راح عنده لقاه قاعد والزعل واضح ع ملامحه قعد جمبه وقال :-

مراد : متزعلش منها يا آسر مهما كانت قالت دي لسه عيله وكل كلامها ده بالنسبالها عادي متعرفش تأثيره ع اللي قدامها

اسر : انا مش زعلان منها انا زعلان عليها امته هتقدر تحسن اسلوبها وتغير عقليتها دي خلاص هتخلص امتحان وتدخل جامعه ومن هنا الكلام الجد هيبدأ ومينفعش هبلها ده

مراد : فهمها بهدوء بلاش عصبيتك دي مش هتنفع معاها واضح انها عنيده جدا وآسر اللي انا اعرفه مينفعش معاها

اسر : تستنى بس عليا هعرفها ازاي تعمل كده معايا قدام الكل

مراد بمكر : بس سيبك انت من اسلوبها وكلامها البت موزه

اسر بعصبيه : ما تحترم نفسك يا مراد همد ايدي عليك

مراد : الله ايه زعلك دلوقتي ياعم انا قولت حاجه غلط ده انا حتى بفككر اطلب ايديها من جدك بصراحه عجبتني ومش هلاقي احسن من بنت عمك خصوصا اني عارفكم وعارف اخلاقها

اسر فكرة ان هناك رجل يريد الزواج بها صعقت اسلاك عقله ليتذكر عندما كان يقبلها كان يشعر بإحساس جميل لم يعيشه من قبل مع انه اقام علاقات كثيره مع غيرها وكم كان سعيد ف احضانها كم تمنى ان تكون زوجته او ع الاقل حبيبته وتبادله نفس الاحاسيس وعند هذه النقطه توقف هل من الممكن ان تتزوج غيره وان يلمسها غيره ويعيش معها نفس ما احسه هو لا لن يسمح لها ان تتزوج غيره صاااح في مراد بدون وعي منه :-

آسر بجنون : انت بتقول ايه تتقدم لمين عشان والله اكون قاتلك انت واي واحد يفكر فيها حتى مجرد تفكير انت فاهم اكله بسناني يا مراااد

قالها بصوت عالي واخذ يتنفس بقوه حتى يهدأ استوعب ما قاله عندما رأي نظرة مراد الماكره وابتسامه خبيثه ليعلم انه كان يستخدم اساليبه المخابراتيه حتى يصل لهدفه

ضحك مراد عاليا قائلا : بتحبها يا صاحبي

اسر بتوتر : حب ايه وكلام فاضي ده انا لسه شايفها من يومين وطول الوقت بنتخانق انا بقول كده لانها بنت عمي
ومينفعش تتكلم عنها كده معايا

مراد : مين قالك لازم تعرفها سنين عشان تحبها احيانا يكفيك لحظه واحده بس عمرك ما سمعت عن حب من اول نظره

اسر بضيق : اووف مش عارف يا مراد كل اللي اعرفه انه بحس لما بشوفها احساس غريب عليا مش قادر افهم ايه هو عايز دايما اتكلم معاها حتى لو هتخانق معاها بس اهو تكون بتتكلم معايا لما شوفتها اول مره مكنتش اعرف هي مين لقيت قدامي بنت زي القمر جمالها ياخد العقل مع كل النسوان اللي عرفتها مشوفتش ف جمالها ولا براءتها بس ياحبيبي بقااا ما يوريك بعد كده فوقت ع ماسورة شتايم

مراد : وهو ده اللي بحاول افهمهولك مش لازم يجمعك بيها وقت حلو ممكن تكون خناقات بينكم بس كفيله انها قربت بينكم واتكلمتوا وعرفتوا حاجه عن بعض اوقات بتكون الصدف والخناقات احسن من مليون علاقه مترتبه لما تلاقيها تطلعك من تحت الارض كده تشدك ليها ومع طول لسانها واسلوبها اللي ميدلش انها عاقله خالص تلاقي نفسك مش قادر تشيل صورتها من بالك وصوتها بيرن ف ودنك حتى وهي مش موجوده

اسر وهو ينظر له بشك من هذا لا يعقل ان يكون مراد صديقه يتحدث عن الحب فهو لا يؤمن به ولا يضع العلاقات ف مخططات حياته لكن الان هو يتحدث ويوصف حالي تماما ولكن ليس انا فقط هو يتحدث ايضا عن نفسه

اسر بخبث : تمام هو ده بالظبط اللي انا حاسس بيه مع فرح المشكله هنا بقااا انه صخر المخابرات المقدم مراد الدالي الملتزم بيتكلم عن الحب والعلاقات من امته داااا

مراد : ابو شكل اللي يتكلم معاك يا شيخ انا بفهمك اللي عرفته من حالتك وبفهمك انك تعقل وتصلح علاقتك بيها لعل وعسى تبقى من نصيبك

اسر : سيبك مني انا عارف نفسي ومسيطر والموضوع ف ايدي انت ايه بقااا مين اللي خدت عقل الصخر ووقعته كده

مراد بتنهيده : بنت خبطتها بالعربيه زي القمر يا اسر بس ايه يا شيخ نفس بتاعتك لسانها مبرد متبري منها لسه بعتزرلها  شرشحتني واخوك الحمار السبب كان بيضايقني وفجاه هي ظهرت قدامي وخبطتها بس مقولكش ع قد ما لسانها زفر هههههههههههههه تفطس من الضحك كنت بتخانق معاها وهموت واضحك ع كلامها وحركاتها همووت واشوفها تاني

اسر بتصفير : ايوه بقاااا هو ده الكلام كان فين من زمان ده كله يسطاااا ان شاء الله هتشوفها ربنا يجعلها من نصيبك

مراد : حبيبي يا كبير عقبال ما افرح بيك يارب

اسر بهيااام : هييييييييح يارب

ضحك مراد بصوت عالي وشاركه اسر الضحك وصعدوا الي غرفهم حتى يناموا وكل منهم يتمنى ان يجمعه الله بحبيبته

****

صباح يوم جديد ف قصر سليمان الجارحي ع سفرة الطعام يجلس سيلمان وزوجته

فريده : هي صبااا لسه نايمه ولا ايه يا داده ممكن تطلعي تصيحيها تفطر

سليمان : ما تسيبيها براحتها خليها نايمه

فريده : اسيبها نايمه ايه بس يا حبيبي دي من امبارح نايمه ولا نزلت ع الغدا ولا العشا كمان مينفعش كده اكيد جعانه بس تلاقيها مكسوفه تنزل

سليمان بضحك : صباا تتكسف ههههه انتي طيبه اووي

لتنزل صباا من ع السلم وهي تقول بصوت عالي :-

صباا :- سمعتك يا سولم سمعتك يا حبيبي

سيلمان : ههه والعقاب بقااا مش معقوله هتسكتي

صبااا : مش وقت عقاب لما اسلم ع الموزه واحتضنت فريده وحشاني مووت يا فوفا دايما قمر كده متغيرتيش من سنتين ده انتي اصغر مني

فريده : بس يا بكاشه انتي كمان واحشتيني اووي

صباا : خلاص يا طنط عشان فيه ريحة شياط ناس بتولع

فريده : ههههه انتي يابت متأكده انك كنتي ف امريكا انا حساكي راجعه من السلوم

صباا : والله يا طنط البركه ف ايمان علمتني اللغه بحزفريها

سليمان : والله برافو عليها تسلم بس اما اشوفها بس

صباا : متقلقش جيالك اول الجامعه وقاعده ع قلبك اسبوع احم قصدي ف بيتك

سيلمان بغيظ : وعلى ايه احم كملي ما انا هستنى ايه من صحبة بنت امينه اما تيجي ديل الكلب بس هعلقها

صبااا : هي خلاص قربت تخلص الكورس وهتجيب مصطفى وتيجي

( ملحوظه :- ايمان بنت امينه الكبيره واخت امير متجوزه مصطفى بيشتغل مع عاصم ف شركاته ف امريكا ولانه جدها حامد كان مانع الجامعه هي بتكمل جامعه مع صبااا بس هي اكبر منها وف جامعه هندسه سنه تانيه )

سيلمان : وحشوني اووي والله بقالي كتير مش بشوفهم حتى مصطفى اخر مره كنت عندكم كان مسافر

صباا : بداية الدراسه وهيكونوا هنا بإذن الله قولي بقاا فين ولادك انا سمعت انه عندك ولدين كل واحد فيهم احلى من التاني وانا مش ماشيه من هنا غير لما اتجوز واحد فيهم

فريده بشهقه : يابت اتلمي عيب كده هتفضحينا

صباا بغرور : ليه بقااا ان شاء الله ده انا موزه هما يطولوا

سيلمان : قومي يا صباا الحمد لله كده اكيد شبعتي صح انا اللي جبته لنفسي عارفك غلباويه وبردو صممت تقعدي معايا وهموت ناقص عمر ع ايدك انا لسه عايز افرح بولادي

صبا : اومال انا بقول ايه يا ناس اتجوز واحد فيهم وافرحك

سليمان : يابنتي اهمدي شويه مش كده ههههههههههههه

صباا : سبحان الله ناس ترفص النعمه وشكم وش فقر

ضحكت فريده وسليمان عليها فهم يحبون بنات عاصم مثل اولادهم لكن صبا عكس تولين ف صباا تتحدث كثيرا وتضحك اكثر اما تولين (فرح) لا تتحدث الا قليلا ولا تحاول الاختلاط معهم كثيرا تعيش في عالمها الخاص

***

عند فرح ونادين ذهبوا للامتحان وانتهوا منه وخرجوا يراجعون كالعاده للاطمئان ان الاجابات صحيحه اتجهوا الي بيت نادين واستأذنت فرح زوجه اب نادين ان تبقى معها خلال فتره الامتحان للمزاكره معا وافقت زوجة ابيها فورا خوفا من فرح وسمحت لها بالبقاء عادوا للمنزل وقفت فرح عند البوابه تربط رباط حذائها المفكوك وتابعت نادين طريقها غير منتبها لتوقف فرح ولا من يمشي ناحيتها بسرعه

اسر ومراد وسليم كانوا يجهزون لكي يخرجوا للتنزه قليلا ورؤيه البلد طلب اسر من مراد ان يخرج السياره لانه اول من انتهى نزل مراد بسرعه يمشي وينظر لهاتفه غير عبئ بالتي امامه حتى صدم بها

نادين : ااااااخ فتح يا اعمى

مراد : اسف مخدتش بالي انتي كوي..

ليقطع كلامه بصدمه عند رؤيتها بجمالها الذي خطفه وملامحها النادره ليصرخا الاثنين :- انت ...انتي

فلااااااااااش بااك :-

كانت نادين تمشي من دخل ارض زراعيه طريقها مختصر حتى لا تتأخر ع زوجة ابيها ويكون يوم ملئ بالخناق كانت تحمل بلاس من العسل الاسود كما طلبت منها ان تحضره معها كانت تقطع الطريق وفجأه ضربت بها سياره اوقعت منها البلاس واوقعتها ارضا لينظر شابين لها ليقول احدهم :-

:- نهارك اسود يا ابن ماجده موت مين

مراد : مش وقت هزار انزل يلاا اما نشوف كله منك

سليم : وانا مالي انا هو انا اللي بسوق

نزلوا يشوفوا مين اللي خبطوه حتى وقعت عين مراد ع جميلة الجميلات بمنظهرها المضحك وهي تبكي وتشتمه كانت غارقه ف العسل الذي يشبها ولكنها عسل ابيض ابتسم قلبه عليها وهي تقول :-

نادين ببكاء : نهار مقندل مرت ابوي هتشلوحني البلاس اتكسر

مراد بأسف : انا اسف يا انسه والله ما اقصد مخدتش بالي انتي اللي طلعتي فجأه ع الطريق

نادين بعصبيه : ولما انت اعمي ومش واخد بالك للطريق والخلق اللي عليه بتركب المخروبه دي ليه

مراد بغضب : ما تحترني نفسك وتحسني الفاظ يا انسه انتي ما قولت اسف وبعدين انتي الغلطانه حد قالك نطي ف نص الطريق من غير ما تشوفي ف عربيات جايه ولا لا

نادين : ايوه طبعاا لازم تجيب الحق عليا مش كفايه كسرتلي بلاس العسل وكمان بتغلطني منك لله يا شيخ ذنبي ف رقبتك

سليم : احنا اسفين والله حقك علينا ولو ع العسل نجبلك غيره ولا خدي تمنه وابقى هاتي انتي غيره

نادين : ليه شايفني بشحت قدامك عشان تديني تمنه مش عايزه منكم حاجه جاتكم القرف يومي هيتشقلب بسببكوا

مراد : لا بقاا ايه هو سكتنالوا دخل بحماره هنعملك يعني دلوقتي ايه المطلوب مننا هااااا

نادين : حماار اما يرفسك يا جدع انت والله مطلبتش منكم حاجه روحوا كملوا طريقكم سيبوني ف حالي

سليم : طيب معلش ممكن نوصلك اي مكان حابه تروحيه لانك مش هينفع تمشي كده بصراحه شكلك مش ولابد

نادين وهي تنظر لملابسها المتسخه بالعسل والغبار تفكر في كلامه وقالت :-

نادين : معلش مش مشكله انه هروح وحدي

سليم : اسف بس والله مينفعش تمشي كده اسمحيلي اوصلك بس اوصفي المكان لانه احنا مش من هنا

نادين بإستسلام : ماشي امري لله

مراد : لا انتي مش مغصوبه يعني اتفضلي روحي

نادين : بص بقولك ايه ملكش صالح متتكلمش خالص انا بالعند فيك انت هخلي الجدع ده يوصلني هااا يلا يا اخويااا

اخويااا قالها مراد بإستغراب من التي سرقت قلبه بجمالها لكن (يافرحه ما تمت )

بااااااااااااااااك

مراد : انتي !!!!

نادين : نهارك مش فايت حصلت كمان جاي واريا لحد هنا

مراد : استني استني اجي وراكي هنا فين انتي هنا بتعملي ايه اصلا

هنا دخلت فرح وطلعوا سليم وآسر ع صوتهم العالي

فرح بسرعه : مالك ياحبيبتي بتزعقي ليه إكده

آسر : فيه ايه يا مراد صوتك عالي ليه

نادين : مفيش يا فرح كل الحكايه انه البيه ده خبطني بالعربيه امبارح وانا راجعه البيت

اسر وفرح بصدمه : - نعم خبطك بالعربيه

سليم : اهدوا يا جماعه ممكن نقعد شويه ع جمب واحكيلكم اللي حصل ونحل المشكله دي

راحوا الجنينه وحكالهم سليم كل اللي حصل منه لما شتت تركيز مراد من الطريق ولما ظهرت نادين فجأه ف الطريق

سليم : يعني يا جماعه ده قضاء ربنا والحمد لله انتي كويسه ولولا اننا وصلناكي مكناش عرفنا نوصل هنا لاننا ساكنين ف نفس الشارع

نادين : الحمد لله انا كويسه

آسر : خلاص يا جماعه صافي يا لبن اعتذرلها يا مراد

مراد : مع اني اعتذرت قبل كده بس معلش انا اسف جدا

نادين بإحراج : وانا كمان اسفه ع طريقتي معاك ف الكلام

مراد بمرح : هو ده بتسميه كلام ده لسانك ولا بلاااش

نادين : اسم الله عليك ما انت كمان لسانك قد كده اهو

فرح بضحك : ههههههههههههه خلاص بقااا اتهدوا شويه

اسر سرح ف جمال ضحكتها وف نفس الوقت غيران لانها بتضحك معاهم وهو لا لاحظه مراد وقال : -

مراد : ايه يا اسوره اللي واخد عقلك

ليضحك سليم : هههههههههههه عارف انا

اسر بحده : ما تلم نفسك انت وهو هتتسلوا ع قفايا

خجلت فرح لأنها لاحظت نظاراته اليها وهو لاحظ خدودها اللي احمرت وابتسم ف داخله ف المؤكد هذه الطفله تحبه

فرح وقد تذكرت امرا مهما لتلتمع عيناها بخبث وهي تنظر لنادين التي تشرب الماء تتابع ردة فعلها موجهه سؤالها لمراد :-

فرح بمكر : إلا قولتلي يا استاذ مراد حضرتك بتشتغل ايه

مراد بجديه : انا ظابط ف المخابرات المصريه رتبتي مقدم

لتشرق نادين حتى كادت تختنق لتلتقط انفاسها لتقول بصعوبه :- نععععععععم

هنا انفجرت فرح ضاحكه غير عابئه لمن يرقص قلبه فرحا لرؤية ضحكتها ويود لو ان يخفيها حتى لا يراها احد توقفت فرح جاهده عن الضحك وعيناها مليئه بالدموع لتقول

فرح : اسفه يا جماعه بس افتكرت حاجه انا بجد اسفه

اسر ببرود : طيب ما تضحكينا معاكي

فرح ببرود : اسفه مبعرفش اقول نكت

احمرت نادين خجلا تعرف ان فرح تذكرت بطلها المنتظر ومن الواضح ان حلمها تحقق وبطلها امامها

فرح بخبث : ايه يا نادين سلامتك ياعمري انا قولت الموضوع ع هواكي

سليم : موضوع ايه ده

فرح : ابدا يا سيدي نادين بتحب الروايات الرومانسيه وتقريبا ملهاش سيره غيرها وطول الوقت بتقرى فيها اكتر ما بتذاكر والله ثم تابعت بضحك .. وقال ايه مستنيه بطلها ظابط المخابرات عشان تعيش مغامرات وقصة حب زي الروايات عشان كده لما مراد قال انه ظابط مخابرات ضحكت

مراد بعبث : وانا مستعد لأي مغامره

لينفجر الجميع ضحكا ع نادين التي كادت تنفجر غيظا من فرح لتقف بسرعه تذهب وهي تقول:-

نادين : بعد اذنكم يا جماعه .. الحساب يجمع يا تولين الكلب

****

مضت الايام سريعا ع الجميع نادين وفرح انتهوا من الامتحان في انتظار النتيجه طوال الاسبوع الماضي تجاهل اسر فرح تمام لا يتحدث معها حتي عندما يجمعهم مكان واحد يتشارك الحديث مع كل الحاضرين الا هي وهذا الامر ضايقها كثيرا اما مراد لا يترك فرصه الا ويتحدث مع نادين وتعلق بها جدا تأكد انها لن تكون صدفه عابره ف حياته ولابد ان يأخد قراره لان اجازته اوشكت ع الانتهاء اراد التأكد من مشاعرها هي حتى يأخذ القرار الصحيح قرر الانتظار بعد ظهور النتيجه وسؤالها عن الامر .. مرت الايام واليوم هو يوم ظهور النتيجه ذهبت فرح ونادين وامير واخذوا نتائجهم ورجعوا البيت كان الجميع ينتظر معرفة النسبه الا هو لم يكن موجود دخلوا وهم يمثلوا الحزن :-

امينه بقلق : مالكم يا عيال فيه ايه الدرجات وحشه

امير : لا يا امي الحمد لله نجحنا بس فرح

امينه : فرح مالك يابتي زعلانه إكده ليه قوليلي

فرح بعبوث : مفيش يا عمتي انا زهقت منهم كل سنه يطلعوني الاولى مفيش غيري يعني .. لتنفجر ضاحكه

امينه وهي تخلع شبشبها : يابن الكلب انت وهي بتضحكوا عليا وقعتوا قلبي

نادين : سلامة قلبك يا مينو يا عسل متقلقيش احنا زي الفل زي كل سنه انا وهي الاوائل وابنك الفاشل ده جه الاول ع الحركرك

امير : اسم الله يااختي قال حركرك قال انتي ٩٩.٨٩٪ وهي ٩٩.٩٧٪ وانااا جبت ٩٩.٨٧٪ فين الحركرك

نادين : اسمي غلبتك بردو

امير : يا امي حوشيها عني هضربها

كان مراد يتابع هزارهم بغيره مكتومه ويود لو جلبها من شعرها حتى تهدأ لكن تدارك نفسه قائلا بفرحه

مراد : مبروك يا نادين

نادين بخجل : الله يبارك فيك يا مراد

فرح بمرح : اش اش واحنا مفيش مبروك ولا ايه

مراد بضحك : مبروك ياستي مبروك يا امير

الاتنين : يبارك فيك

الجد وهو داخل للصالون : مبروك يا حبايبي طولتوا رقبتي

التلاته : الله يبارك فيك ياجدي ويطولنا ف عمرك

بارك ليهم سليم ايضا واستمر الهزار والضحك حتى المساء

****

خرجت فرح تجلس مع ورودها تشكي حزنها وتفضفض معهم كعادتها

اما اسر كان ف المكتب يتابع عمله وجد الجريده امامه فتحها ع الصفحه الاولى ليقرأ الخبر الذي زلزل قلبه فرحا مكتوب
الاولى ع الجموريه للعام الثالث ع التوالي الطالبه المتفوقه تولين عاصم حامد الجارحي .. قرر الذهاب للمنزل حتى يبارك لها لن يستطيع تجاهلها اكثر من ذلك اخد متعلقاته وذهب

وصل الي البيت وركن عربيته ولسه هيدخل جوه لقاها قاعده مع الورد بتاعها راحلها فرح كانت بتعيط وفجأه سمعته بيقول

اسر ببرود : قاعده وحدك ليه

فرح : انا طول عمري وحدي ايه الغريب ف كده يعني

اسر : انتي اللي بتعملي ف نفسك كده

فرح : بعمل ايه

اسر : وحيده بتجبري اللي حواليكي محدش يقرب لانه اللي هيقرب هتجرحيه وتدوسي ع كرامته ف بالتالي هو بيبعد عنك عشان ميتعذبش

فرح فهمت انه بيقصد نفسه بالكلام ف قررت تتكلم معاه

فرح : مش يمكن عشان خايفه اقرب اتجرح واتعذب عشان كده انا بريح نفسي وابعدهم

اسر : اديلهم فرصه وادي لنفسك فرصه يمكن يسعدوكي وتلاقي معاهم الراحه والامان

فرح : تفتكر حد هيقدر يتحملني بعيوبي واسلوبي ده

اسر : ايوه افتكر يا فرح انتي متعرفيش قيمة نفسك ولا ايه خلي عندك ثقه في نفسك انتي غاليه اووي على كل اللي حواليكي جدو وعمتو وامير ونادين وانااااا

فرح بذهول : انت !! انا غاليه عندك ده انت مبتطقنيش

اسر بحنان : مين الغبي اللي قال كده

فرح بدموع :- انت

اسر بضحك وهو يمسح دموعها :- هههههه انا غبي

فرح بسرعه : لا العفو مقصدش انا قصدي انك متجاهلني ومش بتتكلم معايا حتى لو شوفتني مش بترمي السلام

اسر : اولا ده مش تجاهل انا كنت بتجنبك عشان امتحاناتك تعدي ع خير من غير توتر ثانيا لو معملتش كده كنا هنفضل ناقر ونقير وكنتي هتسقطي بسبب لسانك اللي عايز قطعه ده

فرح بغيظ : ما انت كمان لسانك طويل وبتزعق كتير

اسر : انا لما بزعقلك عشان خايف عليكي وبنصحك لاني اكبر منك وفاهم عنك مش عشان بتحكم فيكي زي ما بتقولي يارب الدماغ دي تحن ع عليا وتفهم

فرح بتلاعب : لا الدماغ دي شغاله زي الفل وجابت ٩٩.٩٧٪ مش بطاطس زي بعض الناااس