البارت الثانى

البارت الثانى
_ ازيك يا مصطفى يابنى عامل ايه
ازيك يا ام مصطفى يا حبيبتى يارب تكونى بخير عامله ايه يا عروستنا
- الحمدلله يا حبيبتى كلنا بخير انتم ايه اخباركم وايه اخبار رضوى الجميلة
_ بخير الحمدلله متقدملها عريس سألنه عليه والناس بتشكر فيه وان شاء الله بكرا نقعد نفس القاعده ونقرأ فاتحتهم قولى امين
- امين يارب العالمين الايام بتجرى يا راويه ياختى وان شاء الله نستر عيالنا ونفرح بعيالهم
_ يارب يا حبيبتى يارب
- نقرأ الفاتحة بقى
_ نسيب العرسان يقعدو لوحدهم شويه
- تحب نطلع البلكونه يا احمد
_ يكون افضل يا ناديه
- انا مكنتش اعرف انك بتحبنى قبل كده كانت كل فكرتى عنك انا بتعاملنى زى اختك عمرى ما تخيلت انك عايز تطلب ايدى
_ فى الحقيقه يا نادية انا بحبك من زمان من اول مرة شفتك فيها لما مصطفى عمل حادثة ونقلناه المستشفى وانت جيتى له هناك حقيقى متتخيليش انت عملتى فيا ايه وقتها كنت بحاول ادارى لهفتى عليكى وعيونى الى متشابتش من عليكى ولا لحظه
- هههههه انا حسيت بكل ده وقتها بس قولت اكيد عشان اول مرة يشوفنى او اول مرة يعرف ان مصطفى عنده اخت قمر كده صحيح مقولتليش ايه رأيك فى فستانى
_ شيك جدا بس مش مفتوح حبيتين
- لا لا انا مش بحب المقفلين خليك اوبن مايند يا حبيبى ها هتخرجنى امتى وفين
_ فى الوقت الى انت عايزاه بكرا كويس
- كويس جداً هنروح فين
_ نروح النادى ونتغدا هناك
- لا انا عايزة اروح سينما او ديسكو نسهر هناك ونرقص شوية وبعدين نرجع
_ لا سهر ايه ماينفعش انت عارفه طبيعة شغلى. وكمان اهلك مش ها وافقوا
- خلاص يبقى نخرج من غير ما هما يعرفوا
_ ايه الى بتقولي ده بس يا نادية
- الله يا احمد هو انا غلطانه انى عايزة اقضى معاك وقت لذيذ
_ بكرا يا حبيبتى لما نتجوز هنقضى كل وقتنا مع بعض متقلقيش
- يلا ندخل بقى
نستأذن احنا بقى يا طنط احسن الوقت اتأخر ولازم نرجع البيت
- مع السلامه يا حبيبى
" هما تأخروا كده ليه اكيد طبعا مبسوطين بست ناديه الجديده اخص عليك يا سى احمد معقول كل السنين دى قصاد عيونك و ما حسيت بيا ولا بى قلبى الى بيفرح لما يشوفك ويبقى هينط من ضلوعى ولا عيونى الى مش بتنام الا لما تطمن ان نامت عيونك اااه يا قلبى يارب صبرنى على العذاب الى انا فيه "
_ زينه يا زينه
- اكيد نامت يا ماما ده احنا اتأخرنا اووى
_ خلاص يلا بينا تصبحى على خير يا حبيبتى
- وانتى من اهله يا ماما يارب .....ماما هو احمد هيرد بكرا على مستر يوسف
_ ايوه يا حبيبتى ربنا يكملك بخير يارب
كل العيون نامت الى مستنى بكرا بفارغ الصبر والى بيفكر انه اتسرع فى قراره والى بيتمنى بكرا يلاقيه جثة هامدة
_ زينه يا زينه مالها البت دى بقالى ساعه ادور عليها ومش لاقيها تقولي مش بتسمع
- معلش يا ماما انا هروح اشوفها بنفسى يا حبيبتى
_ ماشى يا حبيبى قول لها حضرى الفطار وانا هروح اصحى رضوى
رضوى يا حبيبتى تسمحى لى ادخل
= طبعاً اتفضلى يا ماما
_ انت صاحيه يا حبيبتى
= انا مش نمت اصلا يا ماما عيونى ما غمضت لحظة واحده من كتر ما انا نفسى النهار يطلع بسرعة
_ ياااااه للدرجه دى يا بنتى بتحبيه وانا مش حاسه
= واكتر يا ماما ده انا مش مصدقه نفسى
_ سامحيني يا حبيبتى انى مكنتش واخده بالى حقك عليا
= متقوليش كده يا ماما انا الى مش بعرف اتكلم عن مشاعرى
_ ربنا يتمم لك بخير يارب يا حبيبتى انهارده هتبقى اجمل عروسه يلا طلعى اجمل فستان عندك عايزاكى قمر انهارده
= ايه يا زينه مش سامعه ماما وهى تنادى عليكى
_لا مؤاخذه يا سى احمد بالى شارد مسمعتش
=شارد فى ايه ترى بتحب جديد
_ العفو يا سى احمد انا الى ذى مش مكتوب عليه يحب ولا ينحب
= متقوليش كده يا زينه انت انسانه جميلة واكيد هتلاقى الى يقدر جمالك
_ ما يلزمنيش يا سى احمد مبقاش يهمنى الاقى ولا لا
= يااااه ده انت زعلانه من الدنيا جامد يا زينه
_ اوى اوى يا سى احمد
= ممكن اعرف السبب
_ اخدت منى الحلم الوحيد الى عشت علشانه طول عمرى يا سى احمد
= متقوليش كده يا زينه لو فى حد مضايقك عرفينى وتأكدي انى هاخد لك حقك ...... زينه انت متعرفيش انت غاليه عندى ازاى
" طيب ولو عرفت ان زينه قلبها واجعها منك انت يا سى احمد هتعمل ايه يا ترى ده ذنب انا انى حبيتك ولا ذنبك انت انك ما حسيت بيا اه يا سى احمد لو تعرف ايه الى فى قلبى والنار الى جوايا بسبب خطوبتك دى "
= زينه زينه انت سامعانى
_ سمعاك يا سى احمد
= مالك بس يا زينه حالك مش عاجبنى
_ مفيش حاجه يا سى احمد ....... مبارك الخطوبة
= الله يبارك فيكى يا زينه عقبالك
_ انت كده بتدعي عليا بالموت يا سى احمد
= ليه بس كده يا زينه
_ اصل انا ..... انا مقدرش ابعد عنكم يا سى احمد مقدرش ابعد عن الست راوية وست رضوى ......و عنك
= كل بنت نهايتها بيت جوزها يا زينه وتأكدي اننا عمرنا ما هنغصب عليكى تتجوزي انت زى رضوى اختى ومش هفرط فيكى ابدا
_ ان شاء الله تسلم يا سى احمد
= يلا بقى حضري الفطار بلاش دلع
"خلاص يا سى احمد انا كمان مش هفرط فيك هفضل معاك اشوفك واتطمئن عليك حتى ولو على حساب سعادتى وقلبى الى بيتعذب لما اشوفك مع وحده غيرى المهم تفضل قصاد عيونى "
- صباح الخير يا احمد يا بنى
_ يا صباح الفل يا ست الكل صباح الجمال يا رضوى
- صباح النور يا احمد
_ قولى لى موافقة على مستر يوسف
- متكسفنيش بقى يا احمد
_ متتكسفيش منى يا حبيبتى انا اعطيت له معاد جاى انهارده ع العشاء هو واهله وان شاء الله اشوفك اجمل عروسة يا حبيبتى
بعد اذنك يا ست الكل انا عايز اعمل فرح على طول مش حابب اطول فى الخطوبة بس طبعا بعد ما نطمن على رضوى
- الى تشوفه يابنى
على خيرت الله
" البيت كله واقف على رجل واحده وكل ده عشان فاتحة ست رضوى انا فرحانه جدا ان هى هتتجوز الى بتحبه كان نفسى انا كمان اتجوز الى بحبه بس ده نصيب ومحدش بياخد اكتر من نصيبه "
_ ست رضوى بسم الله تبارك الله ايه الجمال ده انا مش مصدقه عيونى هى دى ست رضوى بتاعتنا ولا غيرها
- بجد يا زينه شكلى حلو انهارده
_ انت قمر فى كل حالاتك يا ستى ده جمال مفيش بعده ده
- ربنا يخليكي يا زينه يارب عقبالك يا حبيبتى
_ ان شاء الله تسلمي وتعيش يارب ياستى
-رضوى ايه الجمال ده يا ضنايا عشت وشوفتك عروسة انا مش مصدقه انى عشت وشوفت اليوم ده عقبال الليلة الكبيرة يارب
_ ربنا يخليكي ليا يا ماما ويبارك لى فى عمرك يارب وتشيلي ولادى و ولاد احمد يا ست الكل يا حبيبتى
يلا بينا بقى عشان مش نتأخر على يوسف يا ماما
- يلا يا حبيبتى
-لولولولولو لولولولولو لولولولولى
ازيك يابنى ازيك يا يوسف ايه اخبارك يا بنى انا من اول ما شفت يوسف اول مرة قولت عليه ابن حلال وابن ناس طيبين وسألنا عليكم كتير وكل الناس بتشكر فيكم وفى يوسف وادب يوسف وجمال يوسف الى انا شفته بعيوني وانا مش اتمنى لى بنتى احسن من يوسف والله
_ ربنا يخليكي يا طنط راويه والله ده العشم برضو انا كمان شفت بعيونى ادب واخلاق وذوق الانسة رضوى وكنت متردد اتقدم خوفاً من الرفض ولكن استاذ احمد سهل عليا جدا الموضوع وانا هنا انهارده انا و ولدتى عشان اتشرف و اطلب ايد الانسة رضوى واتمنى تكون قبلت بيا عن اقتناع خصوصاً ان هى تعرف عنى حاجات كتير وتعرفنى انا شخصياً لذلك اتمنى اسمع موافقتها بنفسى عشان اطمن على حياتى الجاية كلها معاها
_ اطمن يا يوسف اختى رضوى قبلت الزواج بك بكل ارادتها انا مستحيل اغصب عليها فى اى شئ وتأكد كمان انى ها اهدى لك وردة تحتاج الى الحب والرعاية والاهتمام ورده فى غاية تفتحها اتمنى تحافظ عليها وما تذبل منك اعتبرها امانة بحملها على عاتقك بعد ما كنت انا احملها على عاتقى بعد وفاة ابويا الله يرحمه
- اطمن يا استاذ احمد الانسه رضوى فى عيونى وفى قلبى
= اطلعوا يا حبايب قلبي فى البلكونه عشان تاخدو راحتكم_مبسوطه يا رضوى مبسوطه اننا اخيرا هنكون لبعض -مبسوطه جدا يا يوسف انت ما تعرفش انا اتمنيت اليوم ده قد ايه واستنيته بقى لي قد ايه مستنيه بقالي كتير اوى كتير اووى يا يوسف ده اسعد يوم في حياتي انا عايزه نعيش انا وانت في جزيره لوحدنا ما حدش يشوفنا فيها ما يبقاش فيها الا انا وانت بس هتبقى اسعد ايام حياتي كلها معاك
_اوعدك يا حبيبتي ان انا هنفضل دائما مع بعض وعيشك في سعاده طول العمر وعمري ما افكر اضايقك او اخليك تحزني او عيونك تدمع تاكدي انك هتعيشي معي في سعاده مالهاش مثيل
-يا رب يا يوسف يا رب يا رب يكمل لنا على خير
_ يارب يا حبيبتى
اقول لك على حاجه اول مره شفتك فيها قلت ان انت الى هتكوني لى اجمل حاجه في حياتى و هتشاركيني حياتي انت اللي عيشتيني اسعد ايام عمري عمري ما كنت اتخيل ابدا ان الاحساس اللي جاء لي في اول مقابله ده حقيقي كل مره كنت اعطى لك درس البيانو فيها كان قلبي اللي بيعزف مش البيانو وكنت بحرك صوابعي على نغماته يا اجمل نغمه عزفتها في عمري كله
-انا كمان اول مره شفتك فيها ما كنتش مركزه في الدرس كنت مركزه في عينيك و في شعرك وفى توترك وفي اول مره سلمت فيها علي حسيت انك لمست قلبي مش ايدى درس البيانو بالنسبه لي كان بيكون اكثر من درس كان بيكون الوقت الوحيد اللي في يومي اللي بيكون فيه طايره في السماء وكانه مش الدرس وكانه الوقت اللي بتنفس فيه وبعرف يعني ايه حياه انا باحبك قوي يا يوسف
ما كنتش قادره اقول علشان زي ما انت عارف انا بتكسف جدا وكنت خايفه ما تكونش ب تبادلني نفس الشعور بس الحمد لله خلاص تاكدت انا قلبي اختار صح
" بتفرج من بعيد وقلبي يتحسر يعني خلاص الست رضوى هتسيب البيت وتمشي دي كانت اكثر من اختي والله دي كانت هي الونس الوحيد في البيت هي اللي بتصبرنى و ماليه على حياتي الست راويه اه الخير والبركه بس غصب عني برده الست راويه دائما في اوضتها ولما بتنزل بتروح الجنينه لكن الست رضوى كانت من سنى وكانت بتفهمني وبتتكلم معي و يمكن كمان تكون كانت حاسه بي وعارفه ان انا باحب سي احمد طب اعمل ايه بعد ما هي تمشي وناديه تيجي مكانها ياترى هتكون كويسه معايا ولا هات عذبني حاكم احنا الستات بنعرف لو في واحده عينها على جوزها بنعرف وده اللي مخوفني خايفه تفضحني مشاعري ويعرفوا انا جوه في قلبي في ايه يا رب استرها معي يا رب انت اللي عالم بي يا رب"
=واقفه بعيد كده ليه قربي يا زينه قرب بقى لك كم يوم فعلا حالك مش عاجبني ايه غيرانه عايزه تتجوزي انت كمان قولي اه ومن بكره ادور لك على جدع ابن حلال يعيشك متستته متهنيا في بيتك ما تزعليش نفسك يا عبيطه كل شيء قسمه ونصيب والنبي ده انت اللي ماليه على حياتي ده انت معزتك من معزه رضوى بنتي ومش بس زي رضوى انت كمان بنتي ده انا اللي مربيه ياك من وقت ما كنت قد كده حتى لما والدتك توفت وبعثتك عند اختي تاخد بالها منك لحد ما تكبري ويشد عودك ما كنتش عايزاكى تكبري في الهم يا حبيبتي قلت احسن تعيشي هناك اختي ما عندهاش اولاد وتاخد بالها منك اوعى تفكري ان ما بحبكيش ده انا مستنيه اليوم اللي اشوفك فيه احلى عروسه وبعد الايام ساعه ساعه و ثانيه ثانيه وانا متاكده انك انت كمان بتعتبريني زي امك ما هو انا امك فعلا يا حبيبتي
-يا خبر يا ست راويه ده انت اكثر من امي كمان وانا كنت اوعى على الدنيا لما امي ماتت لقيتك انت امي وصاحبتي وحبيبتي وحتى ست ثريا اخدت بالها مني وكانت حطاني في عينيها ومين كرش الفضل الا ابن الحرام ربنا يخليك لي يا ست راويه انا مش عايزه اتجوز انا عايزه افضل معكم انتم كل عيلتي وكل الناس اللي اعرفها في حياتي وستي رضوى اختي .............وسي احمد اخويا ربنا يخليكم لي يا رب
_ماما يا ماما تعالى عايزين نتفق على ميعاد الخطوبه والفرح علشان نبدا التجهيزات علشان انا كمان ابدا تجهيزات فرحي خلصوني بقى يا ماما
- حاضر يا حبيبي من عنيا وبعدين اللي يشوفك كده ما يقولش ان كنت بتحايل عليك طول الوقت تتجوز وانت اللي ما كنتش راضي
هي سحر لك ولا ايه اوع تكون سحرا لك يا ابني ده انت اللي حيلتي من الدنيا
_ ههه ما تقوليش كده يا ماما ناديه بنت ناس ومحترمه واكيد ما لهاش في طرق السحر والكلام ده انا ماشي في الدنيا ببركه دعواتك ليه يا امي وبعدين يوسف كمان مستعجل وعايز يتجوز ووالدته مستعجله عايزه تفرح يعني هي جاءت على يا ماما مش كده ولا ايه يا يوسف
=كده طبعا انا عايزه اتجوز النهارده قبل بكره وعلى فكره يا طنط بيتي جاهز من مجاميعه مش ناقص بس غير انكم تتفرجوا عليه وتجيبوا جهازك و اقصد جهاز رضوى علشان يكمل و تنور وتبقى اجمل عروسه ان شاء الله
_ خلاص حيث كده بقى نقرا الفاتحه على خيره الله يا اولاد بكره ننزل نشترى جهاز رضوى ونجهز كمان اوضه احمد هنتعبك معنا يا زينه بس انت عارفه يا حبيبتي ما لناش غيرك -ما تقولش كده يا ستي راويه وانا في ديك الساعه لما اجهز حاجه ست رضوى بيدي
=وانا يا زينه ما ليش نصيب فى كلامك الحلو ده
- لا ازاي يا سي احمد ده انت الخير والبركه ده انت ما تعرفش غلاوتك عندي
= عارف عارف غلاوتي عندك قد ايه
-ههه
_زينه يا زينه قومي يا بنتى بسرعه
-جرا ايه يا ستي في حاجه
_ لا يا حبيبتي ما تقلقيش قومي حضري الفطار عايزاكى تيجي معي النهارده وناخد معانا رضوى واحمد علشان ننزل نشترى طقم الصيني بتاع رضوى وباقي الفرش عقبال ما اشتري لك يا ضنايا ان شاء الله
-تسلمي وتعيشي يا ستي خلاص انا هطلع انادي ستى رضوى _لا ما هي جاهزه من بدري روحي صحى احمد من النوم ما تسيبهوش الا ما يصحي وانا هنقل الاطباق لحد ما انت تنزلي -من عينيا يا ستي
سى احمد يا سي احمد اصحي بقى يا سى احمد
_جرا ايه يا بت انت في حد يصحى حد كده انا اتسرعت افتكرت في حد في البيت حصلت له حاجه ا
- اعوذ بالله فال الله ولا فالك يا سى احمد هو انت دائما كده _ دائما كده اللي هو ايه ما ادب يعني
- العفو يا سى احمد انا ما اقصدش ده انت الخير والبركه _باقول لك ايه انا مش نبهت عليكي وحذرتك قبل كده مليون مره لو شفت ضفائرك الطويله دي محلوله هزعلك هاروح اقص لك شعرك ده خالص
-غصب عني والله يا سى احمد اصلي لسه صاحيه من النوم ما غسلت وشي حتى
_ ليه في حد صاحي من النوم بيكون وشه قمر كده
"انا برده اللي قمر ده انت اللي قمر ضحكتك قمر وعيونك قمر وكل حاجه فيك قمر قمر قمر يا اخواتي على الجمال والرقه عملت ايه في حياتها ناديه المفكوكه دي عشان تاخذ واحد زي سى احمد ده اكيد امها كانت داعي لها في ليله القدر مش لو كنت عايشه يا امي كان زمانك دعيت لي كنت تجوزت دلوقتي يلا الحمد لله على كل حال كفايه على اقعدوا افضل ابص في عينيه دي عندي بالدنيا وما فيها"
_ مالك يا بنت تناحت كده ليه
-لا ابدا يا سي احمد طب قولي مش هتنزل بقى تفطر علشان خاطر نروح نشتري جهاز ست رضوى
_هو انت هتروحي معانا
-ايوه طبعا هاروح اصلا الست راويه متستغناش عني والله _احنا كلنا منستغناش عنك يا زينه خلاص جهزي نفسك والبسي فستان طويل مش عايز حاجه ضيقه ولا مفتوحه ابص عليك قبل ما اطلع لو لقيتك لابسه حاجه كده ولا كده مش هخليك تيجي معنا
- لا والنبي يا سي احمد طب ده انت عارف السته رضوى اديتني حته فستان انما ايه عسل هيبقى تحفه عليا
_خلاص فكريني النهارده كمان نعدي على الترزى ياخذ مقاساتك ويعمل لك كم فستان علشان الافراح اللي هل علينا دي اهم حاجه عندي انكم كلكم تكونوا مبسوطين
- احنا مبسوطين طول ما انت بخير يا سى احمد يلا بينا
(زينه بالنسبه لي طول عمرها حاجه كبيره كنت بشوفها زمان اجمل بنت عرفتها و شفتها في حياتي كانت بتكسر قلبي لما عرفت ان امها ماتت كانت صغيره قوي وقتها لما وديتها ماما عند طنط ثريا ما رضيتش اسيبها وقتها كنت في مدرسه داخلي اول ما نزلت اصريت على ماما انها تجيبها ماما كانت خايفه تجيبها علشان في ولد في البيت وهي بنت وتجوز لي علشان كده خليت جاياتي للبيت قليله انا مش مهم انا راجل اهم حاجه عندي انها تكون موجوده في بيت امين ومطمن عليها كانت بتكبر قدامي حبه حبه وبشوفها قد ايه بقت ورده جميله مفتحه حقيقي محظوظ اللي هيتجوزها حافظت عليها حتى من نفسي علشان اسلمها لى نصيبها صاغ سليم وهافضل على العهد وهافضل شايلها في عيوني لحد ما اسلمها للانسان اللي هيختاروا قلبها)
_فرجني يا ابني على طقم الصيني ده ايه رايك في الطقم ده يا رضوى
-جميل يا ماما
_انت كل حاجه عندك جميله يا ماما جميله يا ماما تعالى يا زينه قولي لي ايه رايك انت انت ذكيه وشاطره عن رضوى -حلوه قوي يا ستي بس انا بقول لو تجيب لها طقم صيني يكون في طقم الشاي كبير يكون افضل بدل ما نشتري طقم صيني وطقم شاي الاثنين هو مفيش حاجه طبعا تغلى على ستى رضوى بس العقل بيقول كده
-والنبي انت شاطره يا زينه وانا كان عندي حق لما قلت ان انا انزل معك انت الوحيده اللي بتعرفيني بافكر ازاي
=يلا يا ماما اشتري اللي نفسكم فيه بقى وخلصونا بقى لنا كثير قوي بنلف
_ما تصبر يا ابني ده احنا كل ده ولسه هنشتري طقم الصيني لسه بقى حاجات كثير قوي فرجني يا ابني الكوبايات اللي هناك دي
-لا لا يا ستي بلاش نشتري كوبايات من هنا احسن شكلها مش حلو وغاليه علينا ويقول معاهم نعدي على محل ثاني هناخذ منه الكوبايات ومنها نتفرج ممكن يكون عنده حاجات احلى وبالمره نروح نشتري السجاد والنجف انا شفت المحل كده على الناصيه حلوه قوي كنت بتفرج على النجف اللي فيه لما كنت بروح احط الهدوم فى المغسلة
_والنبي شاطره يا زينه خلاص يلا
-قولي لي يا ماما ايه رايك في الطقم ده
= استني يا ستي راويه طقم السجاد ده يا ست رضوى غاليه جدا وهو اساسا بيبيع هنا غالي علشان فاكر ان احنا هنا خذه منه بس خلينا نشتري كم حاجه وعلى بعض وخليه يعمل لنا خصم عليهم كلهم
_ياما انت شاطره يا زينه
- امال ده انا اعجبك يا ستي يلا بقى اشتري طقم الصالون ما قلتليش يا عروسه عايزه تشتري الانتريه شكله ايه
= والله مش عارفه يا زينه هو يوسف قال ان الصالون لونه بنى انا كمان عايزه اشتري الانتريه لونه بنى
-ليه كده يا ستي رضوي طالما الصالون بنى خلينا نشتري الانتريه لونه ابيض او سكري او بيج علشان يبان ما تبقاش الدنيا كلها بنى في بنى
= والله انت عندك حق يا زينه خلاص ماشي ممكن نشتريه بيج
_ خلاص ماشي هات لنا ده يا فندم لو سمحت يلا بقى نشتري كم طقم حلل على كم طقم اطباق علشان خاطر نقفل المطبخ - يلا بنا يا ستي اللي صحيح يا ست رضوى انا باقول تشتري كم طقم جاهز فساتين يعني بدل ما تفصلي كل الفساتين الجاهز دلوقتى موضه
=خلاص يبقى بعد ما اشترى حاجة البيت نعدى على محلات الهدوم نشترى كام فستان جاهز احسن
_ انا ملاحظ ان الخروجه كلها على رأى زينه هى الى بتقول نروح فين نشتري ايه وندفع كام
- انا بس بقول رأى يا سى احمد انا بفهم فى الحاجات دى بس طبعا لو مش عجبكم رأى بلاش منه ولا ايه يا ست راويه
= لا طبعاً رأيك هو الصح يا حبيبتى انا مش عارفه من غيرك كنت عملت ايه