التاسع

الفصل التاسع

في بيت البحر

صقر شال شوق ودخل بيها البيت بعد ما اغمي عليها وهي بين ايديه وبعد ما دخل صقر ونيمها علي السرير مكنش مطمن لحالتها لانها برغم انها مغمي عليها الا أن جسمها كلو بيرتعش وجسمها متلج وقف صقر جنب عشق وهوا محتار خصوصا لما بايدة لمس وشها وحس ببرودته وقتها مكنش عارف يعمل ايه يقرب منها وينقذها ولا يبعد عنها وساعتها مش عارف ايه الي ممكن يحصل ومع انعدام اي امل في انه باخدها لاقرب مستشفي خصوصا ان الليل دخل والوقت اتاخر والطريق وحش قرر صقر انه ينقذها بابسط الطرق المعروفه قعد صقر جنب شوق وهو بيلمس بايده شعرها وبيقولها

،،،،انتي ليه بتخافي مني اوي كدا انا عارف اني اذيتك عارف اني وجعتك ومرعتش سنك بس برضو الي حصل فيا زمان من ابوكي مش شويه ومهما كنت حاسس اني بميل ليكي لكن برضو غصب عني كل لما افتكر مبقدرش اتحكم في اعصابي

اتنهد صقر بتعب وهو بيبص لشوق وبيركز في ملامح وشها البريئه ورعشه شفايفها الي كانت بتجذبه غصب عنه انه يقرب منها وبعد وقت طويل استسلم صقر للواقع ونام جنب شوق اخدها في حضنه يدفيها من برد الجو وهوا كمان غمض عينه ولاول مره من زمن طويل يحس جواه بالامان وهو جنبها وعقلي مقرر يبطل يفكر في اي حاجه كل الي بيفكر فيه بس بعد ما اتاكد انه بيحب شوق أن ازاي يخليها تحبه وتنسي اي حاجه وحشه حصلت منه


وفي قصر صقر
وصل ثروت لقصر صقر ومعاه سامح ومنال ثروت كان متخيل أن الموضوع سهل وانه بمجرد ما يسلم سامح ومراته لصقر واخوه ماهر انه كدا خلص من كل مشاكل سامح وكمان من كل المشاكل الي ممكن تحصله مع صقر وبسرعه نزل ثروت من العربيه ومعاه الحرس بتوعه الي كانو مسكين سامح ومراته واول لما ثروت شاف ماهر مشي راح عنده لحد لما وقف قدامه وهو بيقوله
،،،فين صقر يا ماهر

ماهر بص لثروت بسخريه وبرغم انه من جواه كان حاسس بغضب وحقد ناحيه ثروت وسامح الي لاول مرة يشوفها من زمن طويل الا انه افتكر وعده لصقر لما وعده انه مش هيتهور ويعمل الي هوا متفق عليه معاه وساعتها بص ماهر لثروت وقاله

،،،،،صقر مش موجود هوا اتصل وبلغني بالي هيحصل وامرني اني اكون موجود واحل مكانه لحد لما يجي هوا ويتصرف معاهم

ثروت كان متضايق من جواه ان صقر مش موجود كان عاوز يتاكد أن كدا خلافه مع صقر خلص خلاص بس غياب صقر قلقه وبقلق قال لماهر

،،،،ماشي يا ماهر ادها وقدود عموما ادي سامح اهو ومنال مراته بلغ بقي صقر اني وصلت الامانه واننا كدا خالصين

خلص ثروت كلامها وهو بيستعد انه يمشي وبيامر الحرس يركبو العربيه وخلاص هيمشي وقفه صوت ماهر الي قال بهدوء

،،،،علي فين يا ثروت هوا دخول الحمام زي خروجه

ثروت ارتبك اول لما سمع كلام ماهر والتفت يبص ليه واتفاجي بالحرس والسلاح وصاحب ماهر الي اسمه مروان كان هوا والحرس محاوطين رجاله ثروت وصعب يخرج من وسطهم وحتي صعب ان الحرس بتوعه ينقذوه عشان كدا قال بارتباك وقلق

،،،،في ايه يا ماهر هوا ايه الي بيحصل دا انا مش سلمتكم سامح في ايه تلني


مط ماهر شفايفه وبص لثروت ببرود وهو بيقول بهدوء ولا مبالاه

،،،،والله انا ماليش دعوه انا بنفذ اوامر صقر ولما هوا يجي يبقي يشوف هيتصرف معاكم ازاي

خلص ماهر كلامه وهوا بيشاور للحرس بتوعه ياخدو ثروت وسامح ومنال والحرس بتوع ثروت يحبسوهم لحد لما صقر يوصل


وفي بيت البحر

ضوء النهار كان داخل من بلكونه الاوضه الب كانت شوق نايمه فيها وكان مضايقها وهي نايمه حاولت تتحرك شوق بس كانت حاسه أن في حاجه تقيله عليها مقيدة حركتها وغصب عنها مش عارفه تتحرك حاسه وهي نايمه أن في حد مايك فيها ومكتفها وشايفه صقر في حلمها وهو ماسك ايديها غصب عنها وبيحضنها حاولت تصرخ بس بردو من غير فائدة وفضلت شوق تحرك راسها شمال ويمين بسرعه وهي جسمها كلو بيرتعش والعرق مغطي وشها وبعد محاولات كتير قدرت شوق تصرخ بعلو صوتها وتفتح عينيها فجاءه وهي بترتعش واول ما شوف فتحت عيونها شافت صقر جنبها وهو بيقولها بحنان

،،،،شوق اهدي انتي كويسه وفي امان متخفيش

شوق بسرعه بعدت عن صقر وراحت لاخر السرير وهي بتضم رجلها لصدرها وحاطه ايديها علي بوقها وبتعيط بصوت واطي وهي بتحاول تكتم صوتها ودي كانت اكتر حاجه اثرت في صقر وهزته من جواه وهوا شايفها اد ايه ضعيفه وقالها بحنان وهو بيحاول يطمنها

،،،،شوق اهدي متخفيش

شوق كانت حاسه انها تعبانه جسمها كلو بيوجعها وكمان خايفه من صقر ومش مرتاحه لنظراته ليها واول لما شافت صقر بيقرب منها بعدت اكتر عنه وهي بتقول باندفاع وعصبيه


،،،،انا عاوزه امشي من هنا

صقر شاف العند في عيون شوق غمض عينه وابتسم وهوا شايف وعارف انه كل يوم يشوفها فيه يحبها اكتر واكتر من اليوم الي قابله خلطه عجيبه شوق بشقاوتها وعنادها الي بيظهر فجاءه ويختفي فجاءه والاجمل كسوفها منه غمض صقر اكتر عينيه وهو بيفكر خدودها الحمرة وارتعاش ايديها اول لما بيقرب منها وبسرعه فتح صقر عينه وبص لشوق وهو بيرسم ملامح الشدة والحزم علي وشه وبيقولها

،،،،تمام يلا بينا قومي عشان نمشي

مشي صقر وكان هيخرج من الاوضه لما فجاءة بس لشوق الي كانت لسا متحركتش من مكانها وقالها بتهديد

،،،،يلا هتيجي ولا هتفضلي هنا لوحدك انا عن نفسي همشي وو

قطع كلام صقر حركه شوق وهو شايفها قائمه بارتباك وقلق وخوف بتتحرك لحد لما وصلت عنده وهي مكسوفه تعدي من الباب لان صقر كان سادد الطريق ولو قربت من الباب هتبقي قربت اوي اوي من صقر عشان كدا وقفت مكانها وبكسوف وهي وشها احمر وقلبها بيدق من كتر الارتباك قالتلو بصوت مهزوز

،،،،طيب ابعد عشان اخرج من الباب

صقر من جواه ابتسم وهوا حاسس بمشاعر غريبه نحيتها ومن غير ما يتكلم خرج من الاوضه ومن البيت وراح ركب العربيه وهي وراه لحد لما ركبت العربيه من غير صوت


وفي قصر صقر

في اوضه عهد بعد ما عهد طلعت اوضتها عشان تخلص من غلاسه الشاب الذي شافته في الجنينه وقفت جنب الشباك بتشوف ايه الي بيحصل وايه القصر دا ومين الناس دي وفضلت عهد واقفه وهي شايفه ماهر اول لما وصل القصر وقعد مع الشاب التاني حتي لما ثروت جوز امها جه ومعاه راجل و ست شكلهم غريب وكل الي حصل ولما كمان الخرس حبسوهم في القصر كل دا عهد كانت شيفاه وهي مش فاهمه حاجه ولا عارفه ايه بيحصل ورغم انها صخيت طول الليل تفكر في الي بيحصل وايه سببه الا انها موصلتش لحل ولا حتي فهمت اي حاجه قطع تفكير عهد صوت خبط علي باب اوضتها خالتها تقوم تقف وعي مفزوعه وبتقول بصوت قلقان

،،،،ميييييييين

ماهر وقف شويه قدام الاوضه يهدي نفسه لحد لما قال بصوت هادئ حاول كمان يخليه طبيعي

،،،،،انا ماهر ممكن ادخل

عهد استغربت اكتر وقالت بارتباك

،،،،ماهر مين وعاوز ايه ووو

قطع كلام عهد صوت باب اوضتها وهو بيتفتح ودخول ماهر وهي بيبتسم وبيقولها

،،،،،انا يستي ماهر ولو عاوزه تعرفي انا عاوز ايه احب اقلك اني اخوكي زي صقر ما قال ووو


قطع كلام ماهر صوت عهد وهي بتجهز راسها بجنون وبتقوله بهيستريا

،،،،انتو مجانين اخويا ازاي انا مبقتش فاهمه حاجه ازاي انتا وهو اخواتي وازاي هي اختي انا هتجنن

ماهر كان حاسس بالغبطه الي هيا فيها ومقدر كمان ظروفها عشان كدا قالها

،،،،انا كمان كنت قلقان زيك كدا ومتوتر ومش فاهم حاجه لحد لما صقر فهمني كل حاجه وكمان هوا هيشرحلك ويفهنك كل حاجه ودلوقتي هوا جاي في الطريق ومعاه شوق وطلب اننا نستناه في المكتب بتاعه واول لما يجي كلنا هنفهم الموضوع


وفي عربيه صقر

شوق كانت قاعده في العربيه وجواها بتفكر في كل حاجه مرت عليها ووسط تفكيرها افتكرت كمان كلام صقر علي ابوها وانه ازاي كان هيبيعها لواحد عربي يتجوزها وفجاءه حست شوق انها مش قادرة تتنفس وان الهوا بيتسحب منها وخلاص هتموت وبضعف قربت ايديها من ايد صقر ومسكتها وهي بتقوله

،،،،انا مش قادرة اتنفس

صقر اول لما شوق لمست أيده حس برعشه في جسمه وبصلها بقلق وهوا بيوقف العربيه وبيقولها

،،،،،طب اهدي انتي كويسه