الفصلالخامسعشر

الفصل الخامس عشر
من روايه/
احببت غجري
أسما السيد



قدام كليه تجاره اسكندريه

أخيرا وصلت قدام حلمها الكبير، حلم أتمنته بقلبها وعقلها من سنين، صحيح مش نفس الحلم ولا نفس الدرجه العلميه بس هي متاكده انها هتقدر، مش شرط الحلم يتحقق بحذافيره كفايه بس أنه يتحقق، أنه هيتحقق وتكلم تعليمها..
بصوت علي مراد، ولمحت خوفه وقلقه علي حجم فرحتي حسيت بحجم خوفه، خوف مجهول، مبعرفش اني حاسه بيه، واني مطمنه بس انه جاري، واني اصلا مش شايفه الا هو بعقلي وقلبي، هو اللي شاغل بالي

نوران بابتسامه..
_ وصلنا يامراد
_ اه يا قلب مراد وصلنا..
كلمته التلقائية العقوبه أسرت روحي وقلبي، وقعتني في حب الغجري للمره الالف، دا شخص قادر يحتويني ويحتوي جناني، وروحي الموجوعه بكلمه، كلمه واحده بس خارجه من قلبه وشفايفه

_ نوران
ناداها بهدوء كله توتر، وخوف، حست بيه:
_ ..نعم يامراد
_ خلي بالك من نفسك، ومتتحكيش بشباب عشان خاطري

ابتسمت وانا بحاول افك شويه عنه:
_ طيب ولو هما احتكو بيا يا مراد، اعمل ايه؟

ارتفع صوته بغيظ من ردها:
_ نوران، اتلمي، واتعدلي

نوران ابتسامه..
_ خلاص والله بهزر مش هكلم شباب ، لا هضحك بصوت عالي، ولو حد كلمني مش هرد، ولو حاجه حصلت هتصل عليك..
والله حفظت..من ساعه ماركبنا عربيه الشيخ قاسم الكحيانه دي، وانت بتحفضني الكلمتين دول
علي وجهها وتعابيره المتغاظه، وكلامها علي عربيه الشيخ قاسم، مقدرتش امسك نفسي:
_ مسمعكيش الشيخ قاسم بتشتمي عربيته كان قالك، مش عارفين قيمتها دي، دي وش الخير عليا وسعدي وهوايات

نوران بضحك:
_ ااه قالتلي امل..انه خلاه ورا صاحب العربيه لما اشتراها منه..عشان كانت سبب مقابلته بيها..
مراد بحب:
_ شفتي بقي الحب بيعمل ايه في صحابه...
نوران بمراوغه:
_ بيعمل ايه يا غجري؟

ضحك مراد وهو بيشوح بايديه بحركه غجريه  ويغمزلها بعنيه:

_ يوووه يا شيخه نوران دا بيعمل عمايل مهببه..بس سيبك انت ياقمر..
هو الجميل حلو ليه انهارده..
نوران بخجل:
انت قليل الادب اوعي هتأخر...
مراد وهو بيمسك ايدها ويرجعها ليه تاني:
_ استني ياجميل.
نوران بخجل:
_ عاوز ايه تاني..انت بقيت سافل اوي يا مراد
مراد بقهقه:
_ سافل ايه بس دا لسه السفاله جايه ورا..
غمضي بقي عينك..
نوران بصدمه، وفكرت أنه عاوز يقرب منها:
_ يلهوي عليك..مجنون..والنعمه..

مديت ايدي ومسكت ايدها ارتعشت، ماهو استحاله هسيبها تدخل الجامعه من غير رابط يربطني بيها البت زي القمر وعارف ان كل يوم هتشاكل مع واحد بسببها..بس قررت مضغطش عليها لحد ماتبقي مراتي، وساعتها هتبع سياسه الشيخ قاسم..
هخبي جمالها عن الكل وتبقي ليا لوحدي..
ضحكت غصب عني..

_ اوعي يا مراد ايدي، اف خلص بتضحك ليه
مديت ايدي ولبستها دبلتي في ايدها الشمال وحذرتها متقلعاش ابدا..
ابتسمت بخجل، ورجعت قالتلي بغيظ؛
_ بس احنا لسه مخطوبين مش متجوزين يا مراد دي .بتتلبس في اليمين..
مراد بتملك..
_ لا كدا حلوه.ولو قلعتيها هبهدلك وانتي حره..
نوران وهي بتفتح الباب..
_ اف منك..حاضر...سلام..
مراد بحب ناداها..
_ نوران
_ يا نعمممم
_ بحبك..
نوران بخجل قربت راسها من الشباك، وقالتله وانا كمان..وسبته ودخلت تجري..
مراد بصدمه:
_ انتي قولتي ايه؟..نوران، خدي يابت..
حكيت راسي وانا اسعد واحد في الدنيا
الخبيثه الجبانه، أخيرا قالتلي بحبك وبتجري تستخبي..
بتتلاعب بيااا
ماشي يانوران..بصيت علي جوز التيران اللي وراها علي رأي الخاله ماجده
وابتسمت..واطمنت انها بأمان..بس بردو ربنا يستر دي كانت مصاحبه اختي ميا، ودماغهم نفس الدماغ، لو عاوزه تهرب منهم، قادره وتعملها
ــــــــــــــــــــــــــــــــ
بخيمه صولا وميان

يافي رايح جاي زي المجنون بعد مااتاكد ان الزناتي بعد الفوارس ورا رائف
قربت صولا عليه تسأله بخوف ورعب من منظره، وغياب ميان:
في ايه يا يافي مالك؟.
يافي بقلق وهو بيبصلها بحزن:
_ الغبيه ميا راحت وكر التعابين يا صولاوانا محذرها ميت مره
وبزهق كمل:
_ ومحذرك انتي كمان ميت مره لو خرجت ترني عليا..
انا تعبت من عمايلها وجنانها، وانتي كالعاده بتحاميلها
صولا بهدوء حاولت تمتص غضبه، وخوفه:
_ اهدي بس، دا بيبقي غصب عنها مانا حكيتلك صدقني

يافي بجنان:
_ وانا قولتها ميت مره واتحايلت عليها، اوديها للشيخ عبدالرحمن، يعالجها هي الي مش راضيه..
صولا بتحاول تفهمه، براحه:
_ الموضوع مش كدا، ميا اللي معاها عمرهم مااذوها ولا اذو حد فينا بالعكس تمام
انت بس اللي قلقان من حاجه تانيه كبيره..
في ايه هناك في وكر التعابين دا، ومتقولش تعابين لان انا وميا رحناه قبل كده..مفيش الكلام دا

اول ما سمع كلامها، قرب منها زي المجنون، وصوته ارتفع
_ انتو اتجننتو خلاص رحتوه امتا انطقي يا صولا، وليه محكتيش ليا

جسم صولا ارتعش بخوف منه لاول مره:
_ رحناه من سنه كان بردو خيالات جت لميا ولان بثق في كلامها رحت معاها..
حس أنه خوفها، وأنه كده مش هيعرف يطلع منها حاجه
قرب منها، وبهدوء عشان ميخوفهاش..
_ ولقيتو ايه.؟

ببراءة كملت:
_ مكملناش للخندق..كنا هندخل بس ميان جالها هاتف تاني ان حنونه تعبت وجرينا رجعنا..

بتعب بقلبه، وراحه رغم أنه بيجاهد أنه ميخنقهاش ، اتمي عالكنبه:
_ اه منكم اه،، هتجبولي جلطه،، وحلال فيكم عمايل المغازي انتوا تقتلوا

صولا بغيظ من كلامه، لكنها براحه قعدت جمبه، وهي بفضول بتحاول تسحبه بالكلام:
_ مالك يا ياقلب صولا ايه اللي قلقك كدا انا بخاف لما بشوفك متوتر كدا..

" يافي"
اول ماقعدت جت جمبي، بعد كلامها الناعم ده اللي بيوديني بعالم تاني، وحطت ايدها علي ايدي..حسيت اني مالك الدنيا بحالها، هديت..
بصتلها ومديت ايدي وخدتها لحضني..
وقولتلها وانا مستغرب نفسي:
_ انتي ازاي كدا؟
بصتلي وضحكت وقالت..
_ ازاي ايه؟
ضحكت علي ضحكتها..ازاي بتقدري تنسيني همي بهدوءك دا..
مع ان اللي بتعملوه فيا..يهد جبال ياشيخه..
وانتي يامجنونه انتي اي حاجه الهبله التانيه تقولك عليها..تعمليها..
بصتلي وابتسمت اكتر وهزت راسها..اه مانا بثق فيها، اختي يا جدع انت الله، متقلقش انت علينا
ضحكت رغم خوفي علي اختي، اللي متاكد ان رائف بروحه هيفديها واقسمت اني من بعد الليله لسيبه يربيها، لانها تستاهل..طول الشهر اللي فات وانا حايشه عنها، وعمال اوديه واجيبه، وهو متحمل
انما تبوظ الخطط اللي بقالنا سنين بنبنيها وتعرض نفسها للخطر ده،
الغبيه هضيع خططنا وتفتح علينا نار دلوقتي مينفعش ننفخ فيها..
يبقي لازم تتأدب..
فوقت علي همسها:
_ يافي
ابتسمت وخدتها في حضني..وانا بقولها..عيون يافي انتي...
متخافيش انا لازم  أمشي دلوقتي.
صولا بخوف مسكت فيه..
_ رايح فين.؟
_ افتكرت حاجه مهمه.. هروح للزناتي
_ ليه؟
يافيوهو خارج..
_ متقلقيش..هرجعلك تاني بسرعه
ــــــــــــــــــــــــــ
بالخندق..

اتسحبت ودخلت..ولسه هشهق، من اللي شوفته..
لقيت ايد بتسحبني لورا..

لسه هصرخ حط ايده علي بوقي وكتمها وسحبني..
وهو بيسحبني حاجه وقعت دبت عالارض..

فشدني واستخبينا في سرداب صغير جار الخندق انا ازاي مشفتوش..
بقيت بعافر عشان يسيبني..
سمعت همسه في وداني لاول مره بلهجه زي لهجتنا...اقسم بالله لربيكي يا ميان واتوبك واتوب اللي معاكي، واعرفك مين رائف النواصري
حاولت تتكلم بس همس بغيظ ليها:

_ اخرسي خالص واهدي..
عرفته علطول..يلهوي دا رائف ، يا مرك يا ميان، علي اللي هيعمله فيكي، وانا بصراحه استاهل
فهديت..
وسمعت حد بيتكلم.. بلغه اجنبيه
ـ ماذا يحدث هنا؟
لا اعلم ايها الامير..
ـ الامير بحده..
_ اذهب لتري ايها الغبي..من يجرؤ للقدوم لهنا....؟
اريده حي..والا قتلتكم جميعا..
سمعت الكلام دا وبعد اللي شوفته..بقيت عاوزه اخرج...
دورت وشي ليه لقيته متعمم ومتكلفت ومش باين منه الا عنيه..بصلي بصه لجمتني...انا عارفاها البصه دي..مبيجيش بعدها خير..
بلعت ريقي  وخرج  من جيبه، شال نفس شاله وكلفت وشي..
وهمسلي في ودني بحنيه، رغم غيظه مني:
_ ااهدي ومتخافيش..هخرجك من هنا بس اعملي زي ماهاعمل وخدي دا..
كانوا خرجو يشوفو ايه اللي وقع..
بس اللي لحظته ان رائف شكله عارف هو بيعمل ايه ودي مش اول مره يجي هنا، أو..
مد ايده واداني مسدس..
هو كان علمني عليه قبل كدا لما اصريت ازاي انشن عليه..
ولقيته بيقول لاول مره بغيظ مني:
_ دي اول مره مندمش، اني علمتك حاجه يا همي كله
همستله بفضول، وكان الخوف اتبخر ودا العادي:
_ رائف تعالي ندخل نشوف هو في أيه؟
رد بغيظ بعد ما كلفت وشي ومعدش باين مني حاجه؟
_ يابرودك ياشيخه، ويا جبروتك ، انتي تخرسي وتعملي زي مابقولك،اظن تعرفي دانت عندك جرأه مش عند الرجال..
بس نخرج من هنا وهحبسك مش هخرجك ولا هتشوفي النور تاني، يا ميان ويبقي يوريني اخوكي هيكسر كلامي ازاي

شهقت وهرد فزغرلي بعينه، فسكت ماانا عارفه اني استحق اللي هيعمله فيا بصراحه هو عنده حق

بص لساعته وقالي:
_ .الله يسامحك يا شيخه ..قومتي الحرب اللي هاديه من سنين، وضيعتي تعب المشوار الطويل
وفجأه..
خطفني من ايدي باتجاه السرداب وقالي اجري ومتبصيش وراكي..
عملت كدا. وانا هموت واعرف في ايه.؟
بردو فضولي هيموتي..
قولت لنفسي وانا بولول..
ان مومتش علي ايديهم هخرج وهموت علي رائف ويافي والحمدلله
اول مابدانا نجري.. لقيناهم بيجروا ورانا..
لحد ماخرجنا من باب السرداب واول ماخرجنا  دارت حرب بالسلاح..
كان في رجاله لابسين زي رائف بالظبط...
ودارت بينهم حرب بالسلاح..
ادير رائف وضرب نار علي الملثم زينا بس بشال ابيض مش زينا بالاسود..
وقع عالارض..
لمحت واحد تاني بيرفع سلاحه علي رائف
افتكرت تعليم رائف ليا، ورفعت مسدسي وعملت زي ماعمل..وفعلا الراجل وقع الارض.
بصلي رائف وسمعت حد من اللي بيضربو معانا..بسرعه اهربو.. احنا هنحمي ضهركو..

شدني رايف٥ وقالي بغيظ:
_ وله حق بصراحه، بردو هربيكي ولو قتلتي ميت واحد وهتشوفي
صرخت وانا شايفه مسلح هيصوب النار علي رائف ولاول مره في حياتي قلبي يترعش مش عشق ولا حزن، لا دا خووف
دا الخوف المميت..فتحت عيوني بصدمه والمسلح بيضرب النار باتجاهنا الطلقه عارفه طريقها..
دي راحه ليه..هو..
صرخت بقووه..
_ حاسب يا رائف
ـــــــــــــــــــــــــــــ


احببت غجري
✍️أسما السيد✍️
يتبع