الفصل السابع عشر

المراهقه والاربعيني

في بيت عيله سالم

عيله سالم عيله معروفه وسط البلد والعائلات الي عايشين معاهم انها العيله الوحيدة الي القسوة عنوانها عيله مفيش اي مشاعر بتحكمها والسبب في كدا هوا سالم الفضل كبير عيله سالم والي زرع في ولادة واحفادة قسوة القلب والجبروت وبحكم انهم تجار وكل تعاملاتهم بيع وشراء انعكس دا كمان علي. تعاملهم مع زوجاتهم وبناتهم وحتي اي شي مؤنث يشوفوه كل حاجه وليها تمن دا كان قانون سالم الفضل الي اتاسس عليه كل عيله سالم والي كان اهم ركن في العيله دي هو عاصم حفيد سالم الفضل الكبير والي شرب منه كل كبيرة وصغيرة في الطبع وحتي الملامح والتفاصيل بجمسه العريض وطوله ولياقته العاليه ووسامته الي كان بيحسدة عليها كل شباب عيله سالم والي كنت السبب برضو في انه يكون جاذب انظار البنات والي كانو. بيشوفو فيه فتي الاحلام رغم سنه الي عدي الخمسه وتلاتنين سنه

خرج عاصم من اوضته بعد ما عمل اخر لمسه في لبسه وهي رش اابرفان المميز والي متعود عليه من وقت ما كان مراهق وهو نفسه الي كان جدة بستخدمه مشي عاصم لحد لما وصل لاوضه السفره وهناك كان ابوة وامه واخوة بلال الي اصغر منه ومرات اخوة وابنهم وبهدوء ورزانه قعد عاصم علي كرسي السفرة وقال

،،،،صباح الخير

والد عاصم بطبعه الهادي اكتفي انه يهز راسه بهدوء اما والدة عاصم بطبعها التلقائي وكون عاصم عندها اكبر اولادها واغلاهم بسعادة قالت

،،،،،صباح الفل والسعد والهنا عليك يبني
بلا اخو عاصم فضل ساكت لحد لما والدته خلصت كلام وقال بضحك

،،،،،ما كفايه يا ام بلال احنا عيالك برضو

والدة بلال بصتله بحدة وهي بتقوله

،،،،ايه ام بلال دي ام عاصم

بلال ضحك اكتر باحراج وهو بيبص لابوه ومراته وبيقول

،،،،،ايه الإحراج دا يا حاجه كب مش قدام المدام طيب

والدى بلال ضحكت وهي بتقوله

،،،،قدام الكل يا حبيبي انا ام عاصم دا اول العين ما شافت

والد عاصم بص لمراته أن خلاص كدا وقت الهزار خلص واتنحتح بجد وهو بيبص لعاصم ابنه وبيقول

،،،،،بقلك يا عاصم مزاد النهاردة بتاع بيعه الخشب

عاصم بص لابوة من جواه كان عارف ألي ابوة عاوز يقوله عشان قطع قطع الكلام وقال بحزم عشان يعرفه أن فرصه انهم يسيبو المزاد دي راحت وقال وهو بيقوم

،،،،باذن الله هناخدة يا حج انا بعت التامين اندفع امبارح يلا يا حج انا ماشي عشان اتاخرت

قام عاصم عشان يمشي لمخزن الخشب شغله وشغل عيلته من قبله وكان خلاص هيقفل الباب بس الي وقفه صوت ابوة وهو بيقول بحزم

،،،،عاصم اسحب تامين المزاد دا مش هندخله

قفل عاصم الباب بغيظ من غير ما يرد علي ابوة ونزل وهو متعصب مشي في الشارع عشان يوصل لشغله

وفي الجامعه
قعدت صبا مع نور بعد المحاضرات يضحكو ويهزرو علي المقلب ألي صبا عملته في شاب زميلهم لما حاول بكلمها قطع صوت ضحك صبا نور وهي بتقولها

،،،،،بس بقي يا صبا اسكتي شويه صوتك عالي والواد انحرج

سكتت صبا وهي بتبص لزميلها الشاب بغيظ وبتقول لنور

،،،احسن خليه يتربي ولا هوا فاكر اني زي البنات الي بتمشي كل يومين مع شاب شكل

سكتت نور وهي بتبص لصبا صحبتها هو صح صبا كان ليعا تاثير علي نور وخلتها تبقي اجتماعيه اكتر ومن جواها نور كانت عارفه أن صبا بنت طيبه ومحترمه بس ضحكها بصوت عالي وفي بعض من افعالها بتخلي بعض الناس ياخد عنها فكرة وحشه ومن الناس دي او يعتبر الوحيد الي شايف أن صبا بنت مش محترمه هو عاصم اخوها الكبير غمضت نور عينيها واتنفست بعنف وغضب وقالت وهي بتقوم تقف

،،،،طب يلا يختي نروح عشان اتاخرنا احنا محاضرتنا خلصت من نص ساعه

قامت صبا وهي بتبص لنور وبتغمزها وهي بتقول

،،،،اشطي يلا طب بقلك ايه هتيجي النهاردة تزاكري معايا الحج جمال ابويا عاملنا شويه مشاوي ايه عنب

هزت نور راسها باسف علي صبا وضربتها في كتفها وهي بتقول بصدمه

،،،،مشاوي !!!! يا شيخه حرام عليكي وانا الي قلت عوزاني اجي ازاكر معاكي عشان امتحان بكرا

مطت صبا شفيفها بضحك وهي بتقول

،،،،الله والله انا مش فاهمه ايه علاقه الاكل بالمذاكرة والامتحان هو يعني عشان في امتخان بكرا يبقي بلاش ناكل

مشيت نور وهي بتضحك علي صبا وبتقول

،،،،،طب يختي تعالي زاكري معايا انا مش هينفع اخرج النهاردة

،،،،خلاص اشطي اجيلك انا

مشيت صبا ونور يرحو كل واحدة لبيتها وهما ساكتين وفجاءة وقفت صبا وهي بتقول بصوت عالي خلي كل الي ماشي في الشارع يبصلهم

،،،،لا ااااا



وفي مخزن الخشب

قعد عاصم علي مكتب ابوة والي سلمه لابنه بعد ما كبر وحس انه مش قادر علي الشغل زي الاول عاصم كا بيبص للورق الي قدامه لحد ما عامل دخل وهو بيقوله


،،،،،يا بشمهندس عاصم المناقصه ألي قلت نروح ليها نحضرها الحج لسا متصل وقايل نلغيها

عاصم اتعصب وغضب وبحدة قال

،،،،،هوا ايه الي نلغيها اسمع الي هقوله كويس انتا تروح تحضر المناقصه دي وتفضل هناك لحد لما اطمن انها رسيت علينا فاهم

العامل بص لعاصم وهو مرتبك ومحنار مش عارف يسمع كلام مين فيهم الحج ألي طول عمرة شغال معاه ولا عاصم ابنه وفضل متردد يقول اول لا لحد لما قال بهدوء لعاصم

،،،،يا عاصم يبني والي والدك قاله كدا الحج هيزعل مننا وممكن تبقي مشكله وانا ابي في الوش

عاصم مط شفايفه من غيمت يرفع عينه وقال بهدوء

،،،،،عادي هنفول أن العامل التاني مبلغكش بامر الحجغير بعد ما جيت من المناقصه

بسيوني العامل الي كان شغال بقاله اكتر من عشربن سنه في مخزن عيله الفضل بص لعاصم وقاله بعتااب

،،،،انتا عاوزني اكدب يا عاصم علي الحج بعد العمر دا كلو

عاصم بص لبسيوني بغضب وحده وقسوة ظهرت في صوته ونظرة عينيه

،،،،بقلك ايه انا مش عاوز كلام كتير تكدب ولا تمشي من هنا خالص

بسيوني بص بصدمه لعاصم الي كل مدي بيفتري اكتر واكتر وقاله بحزن

،،،،ماشي يبني بس عموما انا هبلغ الحج بالي ووو

قطع كلام بسيوني عاصم وهو بيقوم من علي كرسي المكتب بغضب وبيقول بصراخ وغضب وحدة اكتر

،،،،يوووووووة مكنتش مناقصه دي انا بنفسي هروح اخلصها

وفي الشارع

نور وقفت وهي مخضوضه من كلمه صبا وفي نفس الوقت محروجه من نظرات الناس ليهم وهي بتقولها بقلق

،،،،في ايه يا صبا ايه ألي حصل

صبا فضلت واقفه في الشارع تبص لنور وهي متنحه وعينيها بتبربش كتير وفجاءه قالت لنور

،،،،هوا اعوذ بالله سلام قول من رب رحيم ابو لهب هيكون موجود

فضلت نور ساكته وهي مش فاهمه صبا قصدها ايه لحد لما قالت بسرعه

،،،،ابو لهب ميت اااااه قصدك عاصم اخويا يا شيخه حرام عليكي خضتيني انا قلت في مصيبه اه طبعا هيكون موجود

مطت صبا شفيفها بقرف وهي بتقول

،،،يوووووة هو كل مرة بقي عموما انا هاجي بس عشان خاطر اشوف ميزو ابن اخوكي بلال وحشني

نور فضلت ساكته وفجاءة انفجرت في الضحك وهي بتقول

،،،،والله انا مش عارفه سبحان الله من القلب للقلب لا انتي بتطقيه ولا هو بيقبلك يلا

صبا شدت ايد نور مشيو وهي بتقولها

،،،احسن برضو طب بزمتك دا شخص يتقبل هو عنس من شويه

مشيو صبا ونور يتكلمو ويضحكو وفجاءة

ياتري هيحصل ايه تابعو معانا الحلقه الجايه