صهباء ملكت قلبي


يطلع شروق شمس ع قلب ..... يطفي نور عاشق كان ملك الحب ..... سيف الجرح اتغرز ف فؤاد الود

محمود العشق لما يصون هم.... عمر عدي ع دمع اتدفن ف الغم.... وحب أدهم ابتدي بالدم

ملعون الحب اللي يحرقنا بالفراق...... جمعنا القدر تحت ظلمه السماء.... ضمني حبيبي فقد قتلني الاشتياق..... نحن عشاق ولسنا اعداء
لن تعترف... ولن اعترف..... بيننا كبرياء عشاق
*****************
تعالوا اعرفكم ع أبطال الرواية

محمود الفرماوي______شمس الشيمي
عمر البنهاوي________شروق الشيمي
سيف الفرماوي_______نور البنهاوي
أدهم ناصر________ملك الفرماوي

الحلقة الأول......................
تحت السماء السوداء ف ريف سوهاج ......... بنت بتجري بسرعة جنونية

كأن الشيطان نفسه بيجري وراها..... عماله تجري... وتقع.... وتقوم تجري

فجأه..... تطير البنت ف الهوا.... عربيه خبطتها.... وقفت العربيه فجأه

ونزل منها..... شاب وسيم.... قوي البنيه
نزل مخضوض

جري عليها.... وشالها بسرعة... وجري بيها ع عربيته
ونقلها ع أقرب مستشفى

اتصل الشاب ع أبوه.... منصور البنهاوي...
قال الشاب بقلق لابوه عن الحادثة ف التلفون

حضر منصور بيه بنفسه.... الشاب جري ع ابوه وقاله
ع تفاصيل الحادثه

ابوه قاله يطمنه
(( اهدي يا عمر.... ان شاء الله هتقوم بالسلامة ))

عمر بقلق
(( ياحج... دي صحيت من شويه... وقالت إنها مش فاكره حاجه عن نفسها.... وكمان مكنش معاها لا بطاقه ولا شنطه... ولا اي حاجة تدل ع شخصيتها))

منصور البنهاوي... سمع الكلمتين دول.... ودماغه سرحت لبعيييد أوي

افتكر الحديث اللي دار من كام ساعه ف بيت العمده....

كانت متجمعه عيله البنهاوي....... وعيله الفرماوي.... العيلتين... أكبر عيلتين ف سوهاج كلها

العمده كان جامعهم... عشان يوضع حل نهائي للدم اللي بين العيلتين من سنين

واتفقوا أن نهايه التار اللي بينهم... لازم يكون بالنسب.....

واتفقوا أن بنت منصور ... البنت الوحيده اللي ف العيله اللي لسه ما اتجوزتش

اللي بتدرس ف مصر.... هيه اللي هتكون العروسه... والعريس هيكون واحد من أحفاد الفرماوي

العيلتين وافقوا ع النسب ده... عشان الصراع ينتهي... خصوصاً أن شباب ورجاله كتير

راحوا من العيلتين...... لكن منصور كان معترض... لكن اخوه الكبير سعيد.... بصله... بصه واحده

فهم منصور أنه لازم يوافق ع الكلام...

منصور رجع لأرض الواقع... لما ابنه هزه.. وقاله
(( ايه يا حج..... رحت فين.... بقولك روح انت وانا هبقي اطمنك))

لكن منصور .... بص لابنه اوي... وقاله
(( اسمع يا عمر..... اللي انت خبطتها دي..... هتقول انها أختك... ))

******
ف القاهرة..... ف حي الزمالك
داخل فيلا الفرماوي.... متجمع الأب يحيي الفرماوي مع

أولاده.... محمود... الابن الكبير
شريك والده ف الشغل.... وكبير الأسره

سيف.... الابن الأصغر
رائد ف الداخلية... شاب شخصيته قويه... وحازم... زي اخوه

ملك.... اصغرهم... وبتدرس ف كليه الطب
وهيه دلوعه العيله

الأم ريهام الحفناوي...بنت رجل الأعمال المشهور

الأب يحيي(( جدك عايزك انت يا محمود ))

محمود بغضب(( وانا مش هتجوز بالطريقة دي ابدا... ومستحيل اتجوز بنت عيله البنهاوي))

الأب بعصبيه(( يعني انت هتكسر كلمه جدك))

محمود بعصبيه هوه كمان
(( يعني بقالكم سنين ف التار... والدم ده... جت ع ايامي انا.... وعايزين تتراضوا.... وانا ذنبي ايه بس))

يحيي بحزن(( ذنبك انك من عيله الفرماوي... ولو رفضت الجوازه دي.... الدور هيجي عليك انت واخوك.... ف القتل..... وانا معنديش استعداد اني اخسر ولادي))

***
ف مطعم صغير ف حي الجيزه....... واقفه بنت باين عليها.... الجوع... والتعب.... والخوف

واقفه قصاد مطعم... عايزه تدخل... لكنها متردده
خرج راجل كبير ف السن

وقف قصادها.... فضل يبصلها... وهيه سرحانه مش شيفاه... قرب منها الراجل

وحط ايده ع كتفها... اتنفضت البنت.. وبصتله برعب... الرجل قالها بسرعه عشان يطمنها

(( ما تخافيش... انا عمك جمال.... بقالك كتير واقفه كده.... شكلك جعانه.... تحبي تدخلي))

البنت بتردد(( لأ.. انا.... انا اسفه... انا همشي))

مسك الراجل ايدها... وطبطب عليها..... وقالها بحنان
(( تعالي.... تعالي ادخلي.... انا عندي بنت ف سنك شغاله معايا جوه... تعالي اعرفك عليها... شكلك تايه... ضايعه... مالكيش حد..... انتي اسمك ايه ))

فكرت البنت بسرعه... وكذبت عليه... وقالتله
(( معرفش.... انا فقت ف محطه مصر... معرفتش انا كنت هناك بعمل ايه..... أو انا مين... ولا اصلي ايه))

الراجل الطيب صدقها.... وقالها
(( شكلك بنت ناس... تعالي يا بنتي خليكي معانا هنا.... لحد ما تفتكري اي حاجة عن نفسك.... لحسن تضيعي ف الغابه اللي بره دي))

البنت ابتسمت بخجل... مش من الراجل وكرمه... لأ من كذبها هيه عليه

*

ف المستشفى المركزي ف سوهاج.... فاقت شمس أخيراً.... الممرضة نادت ع عمر البنهاوي

جه عمر يجري... ودخل للبنت
قرب منها... وقالها بتوتر

(( انتي كويسه..... يا نور))

شمس قالت وهيه تايهه
(( انا مين.... انا فين... ومين انت))

عمر بص للأرض بحزن وقال
(( انا اخوكي عمر.... انتي عملتي حادثه... وفقدتي الذاكرة... بس الدكتور.... طمنا عليكي... انتي كويسه دلوقتي ))

*******
ف سرايا البنهاوي ف سوهاج.... العيله كلها متجمعه..... رفض الأخ سعيد فكره منصور المجنونه.... وقال لاخوه بعصبيه

(( انت اكيد اتجننت... عايز تجوز واحده من الشارع لعيله الفرماوي.... دا لو حد اكتشف الجريمه دي... الدم هيبقي للركب ))

منصور (( وهيعرفوا منين..... بنتي ف مصر من سنين.... ومجاتش هنا يجي من 8 سنين..... ومحدش يعرف شكلها... انت عارف اني كنت خايف عليها.... عشان كده سيبتها عند خالها ف مصر... متخافش يا سعيد... محدش هيعرف))

سعيد بغضب(( ولما نور بنتك تيجي ف يوم من الايام..... هتقول دي مين أن شاء الله ))

منصور (( مش هخليها ترجع هنا ابدا.... هتتجوز ابن خالها.... هوه دكتور ف الكليه بتاعتها .... ما تخافش... محدش هيعرف الحقيقه ابدا... بس يا خويا انت ما ترضاش اني اجوز بنتي من العيله دي.... دا انا أهون عليا ادبحها بأيدي... ولا اني اخليها تتجوز من العيله دي))

بعد مجادله طويله.... وافقت العيله ع خطه منصور ..... وكانوا ف إنتظار رجوع شمس.... من المستشفى

عشان يردوا خبر للعمده بموافقتهم ع نسب عيله الفرماوي

بعد يوم واحد خرجت شمس من المستشفى... عمر خدها.... وكانوا ف طريقهم للسرايا

اتعطلت العربيه ف نص الطريق... نزل عمر متعصب... وقال لشمس

(( خليكي هنا.... هروح اجيب ميكانيكي من ع اول الطريق... مش هتاخر عليكي))

شمس رمت رأسها ع الكرسي... وغمضت عينها.... فتحت عينها ع كلاكس عربيه

نزل شاب طويل.... اسمر... قوي البنيه.... قرب منها بغضب... وفتح باب العربيه بعنف

شمس بصتله بغضب... وقالتله
(( انت بتعمل ايه يا فندي انت... ازاي تمد ايدك ع عربيتي))

شمس كانت نزلت... ووقفت أدام محمود الفرماوي... وكانت بتكلمه بتحدي... وغضب

غضب لمع ف عيونها الخضرا... خضار الحشيش... وشعرها الأحمر الناري كان بيطير ع وشها الأبيض

محمود رد عليها بعصبيه... وقالها
(( حضرتك واقفه ف نص الطريق بتهببي ايه... عايز اعدي يا برنسيسه))

شمس بصتله بغضب... وقالت بعصبيه برضو

(( انت اتعميت ف عينك.... مش شايف ان العربيه متعطله يا بيه ))

محمود انفجر من الغضب.... أول مرة حد يكلمه باللهجة دي

مسكها من ايدها... وهزها بعنف.. وقالها
(( لو مكنتش مستعجل... كنتي عرفتك مقامك..... وعرفتك تتكلمي مع اسيادك ازاي يا زباله))

رمي ايدها بعنف... اتخبطت ف العربيه..... ورجع هوه ع عربيته... وساقها لورا... بسرعه كبيرة

خلي التراب ملي الجو ادامها.... شمس فضلت تسب وتعلن فيه
******
وصل محمود الفرماوي.... لسرايا عيله الفرماوي.. نزل بغضب من عربيته... ودخل ع طول

نادي ع جده.... سمع صوت عمه حمدي بيقوله
(( حمدلله ع السلامه يا محمود... انت لسه واصل دلوقتي من مصر ))

محمود تجاهل سؤال عمه... وقاله
(( جدي فين يا عمي... عايزه ف موضوع ضروري ))

رد صوت من وراه
(( تعالي يا محمود... انا كنت مستنيك تيجي امبارح... بس مش مشكله... تعالي ورايا ع المكتب... عشان نتكلم براحتنا ))

مشي محمود ورا جده..... ودخلوا المكتب... محمود ابتدي الكلام ع طول

(( ازاي يا جدي... عايزني اتجوز بنت عيله البنهاوي.... ازاي بعد سنين العداوة.... عايزنا نبقي نسايب.. وقرايب.... دي عيبه ف حق العيله كلها))

الجد بص لمحمود بصرامه... محمود اتكسف من كلامه... الجد قاله

(( انت جاي تعلمني الأصول يا محمود))

محمود حط وشه ف الأرض.... وقال محرج

(( العفو يا جدي... بس... بس ازاي هتجوزها... دا انا مش هطيق ابص ف خلقتها))

الجد قرب من محمود.... وبصله اوي.... وقال
(( كنت فاكرك اذكي من كده يا محمود..... مين قالك تحبها... ولا تطيقها... الجوازه دي مجرد مصلحه لفض نزاع طال سنين...... انا عارف ان مش لازم نتصالح احنا وهما.... بس يابني لحد امتى... شباب.. ورجاله من العيلتين راحوا كتير...... انا فعلاً كاره اننا نكون نسايب....... لكن لو فكرت شويه.... هتلاقي النسب ده ضربه قاضيه ليهم))

محمود قال باندفاع
(( قصدك ايه يا جدي.... ازاي يعني ضربه قاضيه))

الجد بابتسامه خبيثه
(( انت ناسي أن عيله البنهاوي عينها اتكسرت لما بنتهم هربت زمان..... انت بقي هتستغل النقطه دي مع بنتهم...... هتذلها ليل مع نهار.... هتبقي خدامه ف بيتك بعد ما كانت برنسيسه ف بيت ابوها..... لازم تخليها هيه اللي تترجاك تطلقها.... وقتها بقي هيبقي موقفنا اقوي... وعمها سعيد البنهاوي.... غصب عن عين أهله... هيتنازل لعمك عن عضويه مجلس الشعب ))

محمود بص لجده اوي... وقاله بضيق
(( بقي هيه كده... الجواز.. والنسب... وكل ده... عشان الانتخابات قربت.... وطبعاً دا اقتراح العمده.... عشان طول ما احنا ف بينا دم.. وتار... الانتخابات عمرها ما هتكون لينا... صح... كده انا فهمت... ماشي يا جدي.... انا تحت أمرك... انتوا هتاخدوا العضويه... وانا هتعامل مع بنت البنهاوي..... هخليها ترجع لابوها زاحفه ع وشها..... عشان يعرفوا ازاي يفكروا... ويحطوا رأسهم براسنا ))
00

الجد ضحك بخبث... وهز راسه لمحمود.... بإعجاب.. ونادي ع عم محمود... وقاله

(( اتصل بالعمده يا حمدي.... احنا وافقنا ع نسب البنهاويه ))

ابتسم حمدي هوه كمان... ومسك تلفونه... يبلغ الخبر

سيف الفرماوي... كان سايق عربيته وهوه متضايق.... اتصل ع إيهاب صديقه

سيف(( ايه يا إيهاب فينك))

إيهاب(( انت اللي فينك يا عم.... بكلمك من بدري تلفونك مقفول))

سيف بضيق(( كنت متضايق اوي... سافر النهارده لجدي... يمكن يعرف يقنعه يغير رأيه ))

إيهاب(( طب انت فين كده... الكلام ده مينفعش ع التلفون ))

سيف(( انت اللي فين ف المستشفى.. ولا ف بيتك... ولا ف التجمع ))

إيهاب(( لأ ف التجمع مع علي... تعالي احنا مستنيناك))

سيف(( ماشي سلام))

غير سيف اتجاهه... ومشي ع المهندسين... التجمع دي شقه ف المهندسين

سموها الشباب التجمع... عشان بتجمع ذكرياتهم سوا من ايام الثانويه....

وصل سيف للعماره... فضل مستني الاسانسير.. لحد ما زهق... جه يطلع ع السلم.... فجأه

خبط ف بنت.. كانت نازله بتجري بسرعه... بصتله برعب... وكملت جريها ع بره

سيف استغرب... لكنه كبر دماغه... وكمل طريقه ع السلم.... لكن ف الدور الرابع

لفت نظره ع باب شقه..... دم.... دم كان ع الباب
وقف بص كويس... لقاه فعلاً دم

راح يجري ع الشقه.... كان الباب مفتوح... دخل لقي جثه شاب مقتول.... ولقي جمبه تلفون واقع

جه ف دماغه ع طول.... البنت اللي شافها نازله بتجري... وقتها بس افتكر

انه شاف البنت دي قبل كده..... وشكلها مش غريب عليه..... اتصل بلغ ع الجريمه....

وعقله عمال يفتكر شافها فين.... مسك التلفون اللي لقاه جمب الجثه.... وشاف صوره البنت ع الخلفيه

ركز ف وشها اوي.... وفجأة افتكر.... ايوه دي بتيجي تدرب ف المستشفى بتاعه إيهاب صاحبه

طلع يجري ع شقه التجمع..... وحكي بسرعه للشباب ع اللي حصل... ووري الصوره لايهاب

إيهاب اتصدم... قاله وهوه مش مصدق
(( دي... دي نور منصور ... طالبه وبتيجي تدرب عندي ف المستشفى.... بس ازاي تعمل كده.... دي بنت ناس اوي))

سيف قاله بسخريه
(( ماهي المصايب بتيجي من ولاد الناس يا صاحبي... تعرف عنوانها))

إيهاب(( لأ ما اعرفش... بس اقدر اجيبه بسهوله من ملفها))

سيف(( طب يلا بينا بسرعه ع المستشفى... هات عنوانها قبل ما تهرب))
***********************
عمر جاب الميكانيكي... ووقف يدخن سيجارة... بص ع شمس اللي كانت واقفه جمبه

وبتبص ع المناظر الطبيعية ف الريف.... شعرها الأحمر الناري كان بيطير ع وشها

عمر بصلها... والحزن والكآبه... دبوا ف قلبه.... كاره اللي هيعمله ف المسكينه دي

ضميره مش مخلصه... قال لنفسه ف سره
(( انا كان ايه اللي جابني الأسبوع ده.... ما انا ف مصر مريح دماغي من مشاكل الصعيد...... كان لازم أجي الاجازة دي... واخبط المسكينه دي.... وادمرلها حياتها... ومستقبلها... الله يسامحك يا حج..... بس ازاي انا هسامح نفسي.... بس هنعمل إيه... لو مش هيه... هتبقي نور اختي.... وانا مستحيل أقبل أن اختي تدخل عيله الفرماوي.... لو ع رقبتي..... ياتري انتي تبقي مين..... وعيلتك فين...... واسمك إيه ))

فاق عمر من شروده ع عيونها الخضرا... وهيه بتبصله... وتقوله

(( تلفونك عمال يرن..... تلقيه بابا وقلقان علينا.... يلا رد يا عمر))

***************************
الجد حامد الفرماوي..... اتصل ع ابو محمود..... وبلغه انه اقنع محمود ع الجوازه

وطلب منه يجي ع طول... عشان يحددوا معاد الفرح.....
**********************
نور البنهاوي كانت ف شقه خالها لوحدها..... خالها ف الشغل.... وادهم ف الكليه

ومرات خالها ف النادي كعادتها..... مع بنتها
نور كانت بتترعش من اللي حصل من ساعه تقريباً

ف بيت حازم..... فجأه

تلفون البيت رن..... جريت عليه نور... لقته عمر اخوها..... ردت... بعد ما خدت نفسها... عشان ما يلاحظش انها خايفه

(( ايه يا عمر.... انت رجعت من البلد ولا ايه))

عمر بجديه
(( نور...عمال اتصل ع تلفونك..... مش بتردي ليه.....مش مهم......... اسمعيني كويس ف اللي هقولهولك ده... اقفي ف حته لوحدك... عشان مش عايز حد يسمعك))

نور بقلق(( ف ايه يا عمر.... قلقتني))

عمر حكي لأخته ع كل حاجه حصلت... وبتحصل حاليا ف الصعيد... نور صرخت ف اخوها

(( انت بتقول ايه يا عمر.... هوه بابا اتجنن ولا إيه.... ط ما انا كده هتثبت عند الحكومه اني متجوزه.... يبقي هتجوز ابن خالنا ازاي هنا.... وبعدين انا مبحبش أدهم... هوه بابا هيجوزني ع مزاجه.... انا جيت مصر اتعلم مش اتجوز... وبعدين ازاي العيله توافق ع الغش ده....... هما هيتراضوا ع قفايا..... قول لبابا اني جايه البلد النهاردة ))

عمر بعصبيه
(( اخرسي يا نور.... انتي فاكره الموضوع لعبه..... دا يطير فيها رقاب لو جيتي البلد وحد شافك..... بابا اقنع البنت دي بالعافيه.... وقالها أن الجوازه دي لازم تتم..... والغلبانه وافقت ع اعتبار أنه ابوها..... ودي مصلحه العيله..... انا كلمتك زي ما بابا قال.... واياكي تفكري تيجي البلد....... وبعدين يا ستي..... لما تبقي تيجي تتجوزي.... هنشوف لها حل... وبعدين يا نور... يخلق من شبه الإسم أربعين.... بابا كلم واحد يزور بطاقه للبنت دي....... كلها كام يوم.... وتتجوز هيه ابن الفرماوي........ أحمدي ربك... لو عمك كان أصر انك تيجي وانك انتي اللي تتجوزي ابن الفرماوي..... كان هيتحكم عليكي بالإعدام وسط العيله دي...... ده الغلبانه دي مش عارفة ايه اللي مستنيها.... وبابا كل مصلحته انه يحميكي انتي..... وف نفس الوقت تنتهي قصه التار اللي بين العيلتين من أجيال.... فهمتي يا نور..... أحمدي ربنا بقي..... وما تجبيش سيره لحد..... ابوكي هيبقي يجي لخالك بعدين.... ويفهمه.... انتي بس خليكي عندك... واهتمي بمذكرتك.... وما تحطيش الموضوع ده ف دماغك ابدا))

قفل عمر مع أخته.... وهيه مش مصدقة أن ابوها يعمل فيها كده.... دا تزوير رسمي

لسه نور دماغها كانت بتلف من الصدمه اللي سمعتها.... لكن... باب الشقة فجأه رزع عليها....

واتفجئت بالرائد سيف الفرماوي ادامها

يتبع في الفصل الثاني يت