الفصل الثاني والعشرون

في المخزن

صقر غضب اول لما سمع كلام عمه ورغم انه كان مقرر يتحكم في اعصابه الا ان كلام سامح خرجه عن شعورة ومحسش بنفسه غير وهو بيسحب المسدس من الحرس بتوعه وناوي يقتل سامح وهو بيصرخ وبيقول

،،،،هقتلك يا سامح واريح الناس منك

بسرعه حاول ماهر ومروان انهم يمنعو صقر يقتله وحاول مروان يشد سقر بعيد عن سامح وهو بيقله

،،،،سيبه ياىصقر بيه الي زي دا خسارة فيه الموت لان الموت راحه ليه

ورغم أن كلام ماهر ومروان مأثرش في صقر الي كان مصمم يقتل سامح وفجاءة رفع صقر المسدس وقبل ما يضرب سامح بالرصاص سمع صوت وصول عربيات الشرطه وبسرعه دخل للمامور وهو بيقول

،،،،نزل المسدس دا يا صقر

سامح اول لما شاف الشرطه حس انه كدا خلاص فاز وهيقدر يهرب من الي هوا فيه وبسرعه قال

،،،الحقنا يباشا شوفت هوا حابسنا وبيعتدي علينا ازاي وكان هيموتنا

المامور بص لسامح وضحك بسخريه وهو بيقوله

،،،،مش هتقدر تهرب منها المرة دي يا سامح انتا حظك أن منال مراتك جتلنا قبل متروح قصر ثروت وسلمتنا الموبيل بتاعك الي منه عرفنا كل حاجه كمان اعترفت بكل حاجه انتا عملتها وكل حاجه خلتها تعملها

خلص المامور كلامه مع سامح وصقر وبص لثروت الي كان ساكت وهو عارف انه كدا خلاص راح في داهيه وقاله

،،،،اهلا يا ثروت ليك غيبه فاكر قلتلك ايه من سنين طويله انك هتقع واني هكون موجود اليوم دا واشوفك قدامي محبوس

وبسرعه دخلت الشرطه المخزن وقبضت علي ثروت وسامح ومنال

وفي الجنينه

وقف صقر مع المامور وهو بيقوله

،،،،احنا بنشكرك يا صقر بيه لولا مجهودك معانا مكناش قدرنا نقبض علي ثروت وسامح

صقر ابتسم بهدوء وقال

،،،لا يا فندم الشكر ليكم انتو بس دلوقتي ايه الحل مع منال اقصد يعني

قطع كلام صقر صوت المامور وهو بيقوله بتفهم

،،،،هي صحيح اعترفت وكان ليها دور كبير بس برضو هي اشتركت في الجريمه الي حصلت زمان ولازم تاخد جزاتها و

قطع كلام للمامور وصقر صوت ضرب نار عالي في المخزن وبسرعه جري للمامور وصقر عشان يشوفو في ايه وهناك اكتشفو أن سامح قدر يخطف مسدس من الظابط وقتل منال

وفي مكتب صقر
بعد ما عهد قدرت تهدي شوق وقعدو سوا يتكلمو وشوق حكت كل حاجه سمعتها من صقر وهو بيكلم ماهر وبعد ما خلصت شوق كلام كانت عهد مستغربه ومصدومه وبهدوء قالت عهد

،،،،،يعني فعلا احنا اخوات
شوق هزت راسها وهي بتقول بهدوء

،،،،،باين كدا بس السؤال الاهم دلوقتي هوا احنا هنعمل ايه

سكتت شوق وهي مش عارفه تجاوب علي السؤال الذي بساله لنفسها ولعهد كمان وقبل ما تسمع شوق اي كلام من عهد سمعو هما الاتنين صوت ضرب نار قوي وكمان من قبلها سمعو صوت عربيات الشرطه بصو الاتنين لبعض بقلق وخوف وبسرعه وقبل عهد ما تتكلم خرجت شوق تجري تشوف في ايه ووراها كمان خرجت عهد تجري واول ما وصلو شوق وعهد عند الشرطه وشافو سامح ومنال وثروت وقفت عهد وهي مش فاهمه حاجه اما شوق فمشيت لحد لما وصلت لامها ووقعت علي الارض جنبها تعيط ورغم أن عهد عرفت بعد كدا مين سامح وعرفت أن الست الي ماتت دي تبقي امها الا انها مكنتش متاثرة بيهم اوي وبعد ما الشرطه قبضت عليهم ومشيت رجع القصر تاني ماهر ومروان وصقر وعهد وشوق الي مكنتش بتتكلم ولا حتي باين عليها انها بتتنفس

وفي المكتب

بعد ما صقر حكي كل حاجه وعرف عهد كل حاجه وان ازاي هما اخوات واتعرفت كمان علي اخوها ماهر بص صقر وقتها للكل وقال بهدوء

،،،،كدا احنا كل المشاكل خلصت مش باقي غير حاجه واحدة

ماهر من كلام صقر ونظرة عينه لشوق كان عارف هوا هيتكلم يقول ايه وكان شايف كمان أن الوقت مش مناسب انه يتكلم خصوصا بعد صدمتها في ابوها وموت امها عشان كدا بسرعه قاله

،،،،مش وقته يا صقر خلي عهد وشوق يرتاحو النهاردة ونبقي نتكلم بعدين

صقر فهم الي ماهر حاول يقوله وعشان كدا قال بهدوء

،،،خلاص تمام نتكلم وقت تاني

ماهر شوق كانت صعبانه عليه وكان بيخاول يخرجها من الب هيا فيه عشان كدا قرر منها وهو بيقولها

،،،،،عارفه يا شوق زي ما عهد تبقي اختي انتي كمان تبقي بنت عمي يعني اختي الصغيره وو

قطع كلام ماهر صوت صقر الي قال وهو غضبان ومتعصب

،،،،،وبعدين يا ماهر نتكلم بعدين يلا كل واحد يروح اوضته

خرجت شوق وعهد وكمان ماهر ومروان وفضل صقر في مكتبه كل الي كان شاغل دماغه هوا شوق وبعد القرار الي هوا اخده بينه وبين نفسه قعد يفكر اذا كانت شوق هتوافق عليه ولا لا ولو اتحطت في اختيار يا تري هتختار مين

وفي اوضه عهد

شوق كانت قاعده مع عهد في الاوضه بعد ما طلبت منها تكون معاها وهي خايفه ترجع تاني اوضتها وخائفه أن صقر يدخل اوضتها في اي وقت كمان كانت خايفه من الكلام الي كان صقر بيقوله برغم انها متعرفش اصلا كان هيتكلم علي ايه ابا أن في حاجه جواها قلقاها قطع تفكير شوق صوت عهد وهي بتقولها

،،،مالك يا شوق سرحانه في ايه

شوق بصت لعهد وفضلت ساكته مش عارفه تقول للي جواها ولا توصف هي خايفه ازاي وفضلت ساكته لحد لما سمعت صوت عهد بتكمل وتقول

،،،،انا عارفه ان الموضوع صعب يا شوق وخصوصا عليكي انتي بس برضو والله هوا صعب عليا بس لو جيتي بصيتي ليها من جانب تاني هتلاقي أن يكون ليكي اخوات دا حاجه حلوه و.
قطع كلام عهد صوت شوق وهي بتقول بعصبيه

،،،،هما اخواتك انتي مش انا وبعدين انا عاوزة امشي من هنا

عهد استغربت من حدة شوق في الكلام وعصبيتها وقالتلها بهدوء

،،،،انتي ليه منفعله كدا يا شوق انا شايفه أن صقر وماهر كويسين معانا وبعاملونا حلو و


قطع كلام عهد صوت شوق وهي بتقول بعصبيه

،،،،انتي بتقولي كدا عشان مشفتيش الي اتا شفته

عهد بصت لشوق باستغراب وهي بتقولها
.،،،،ليه يا شوق هوا انتي ايه الي حصلك بالظبط

لما عهد لاحظت سكوت شوق وانها متكلمتش محبتش تضغط عليها وقالتلها بهدوء وابتسامه

،،،،خلاص متزعليش طب انتي مش فرحانه أن ليكي اخت واننا طلعنا اخوات

ابتسمت شوق وهي بتغمض عينيها بالم وخايفه من جواها من الي جاي والي ممكن تشوفه علي ايد صقر

وفي اوضه صقر

خبط ماهر علي باب اوضه صقر واول ما دخل قاله بهدوء

،،،،ناوي علي ايه يا صقر

صقر بص لماهر باستغراب وقاله

،،،مش فاهم قصدك ايه يا ماهر وليه بتقول كدا

ماهر دخل قعد قدام صقر وقاله بحزم

،،،،انا عارف دماغك يا صقر وعرفني دلوقتي انتا ناوي علي ايه لشوق

سكت صقر وهوا مش عارف برد علي اخوه ولا بقول اي حاجه لحد اما سمع صوت ماهر بيقول

،،،،انتا بتحبها صح

صقر سكت مكنش متخيل من جواه انه في يوم يحب حد او انه هيتحط في موقف زي دا كمان مكنش قادر بعترف لماعر اخوه بالحقيقه دي عشان كدا قاله

،،،،ايه الي انتا بتقوله دا لا طبعا

ماهر بص لصقر بتركيز وقال بسرعه وهو بيغير الموضوع

تمام يا صقر

وبعد تلت شهور في مكتب صقر

بعد ما عدي تلت شهور كانت عهد اخدت علي اخوتها وماهر وغصب عنها حبت مروان الي هوا كمان حبها واتخطبو لبعض جمعهم صقر في مكتبه وهو بيقولهم

،،،دلوقتي انا جمعتكم لان عهد خلاص مبقاش باقي وقت كتير وتتجوز

ماهر بصله وقتها بتركيز وقاله

،،،، طب وايه المشكله


صقر بصلهم كلهم وهو بيقول بهدوء

،،،،المشكله دلوقتي يا ماهر أن انا عهد تتجوز هتفضل شوق هنا لوحدها عايشه معانا

عهد بصت لصقر وهي مش فاهمه وقالت بخيرة
،،،،طب برضو ايه المشكله يا صقر عادي يعني

صقر وقتها اتعصب وقال بغضب

،،،عادي ازاي يعني انتي ناسيه انها بنت عمنا مش اختنا ومينفعش تفضل هنا معانا عايشه لوحدها

صقر اول لما قال كدا شوق ارتبكت هي صحبح في الشهور الي فاتت دي اتعودت عليهم وغصب عنها حبت صقر خصوصا انه كان بيخاول يعوضها علي الي هوا عمله قبل كدا حتي كانت اوقات بتخس انه بيحبها بس دلوقتي اول لما قال انها متنفعش تعيش معاهم اتكسفت وحست انها مالهاش مكان وان كل احساس حست بيه كان غلط ومش صح وبارتباك قامت وقفت وهي بتقول

،،،،خلاص مش مشكله انا كمان همشي من هنا وقبل ما عهد تتجوز كمان

سابتهم شوق وخرجت تحري من المكتب واول ما خرجت ماهر بص لصقر اخوه الي اتعصب وقاله وهو بيضحك

،،،،فالح يخويا انا مش قلتلك انك طول عمرك فهمك قليل

صفر بص لماهر اخوه وقاله بعصبيه
،،،،،ماهر

ماهر بصله باستغراب وقاله

،،،،في ايه يعم انتا هتسيب كلو وتتشطر عليا قوم يخويا الخقها قبل ما تمشي

خرج صقر بسرعه من الاوضه بلحق شوق اما ماهر ومروان فصلو يضحكو هما وعهد علي صقر الي حبه لشوق كان ظاهر عليه

وفي اوضه شوق

دخلت شوق تلم هدومها وهي بتعيط واول ما باب اوضتها خبط افتكرت أن عهد وبسرعه قالت

،،،،ادخلي يا عهد

اول لما الباب اتفتح ولقبت أن صقر هوا الي دخل وقتها قالت بعصبيه

،،،،خلاص انا باخد حاجتي وماشيه اهو

صقر قرب من شوق ووقف قدامها وهو بيقولها

،،،رايحه فبن

شوق ارتبكت من قرب صقر ليها وقالت بتوتر
،،،،همشي مش انتا قلت اني مينفعش افضل هنا بعد عهد ما تتجوز

صقر بصلها وابتسم وهو بيقولها

،،،،بس انتي مستنتيش تسمعي باقي الكلام

شوق بصتله وهي مش فاهمه حاجه وقبل ما تتكلم سمعت صقر بيقول

،،،،تتجوزيني يا شوق

شوق اتخضت من الكلمه وارتبكت وكانت هتمشي تخرج بسرعه من الاوضه وقبل ما تخرج صقر مسك ايديها وقالها بحنان

،،،موافقه

شدت شوق ايديها بسرعه وبارتباك خرجت من الاوضه وهي مكسوفه اما صقر فوقف في مكانه وهو بيبتسم علي قصه حبه الي بدات بنتقام وانتهت بجواز .