ما وراء الموت Raghdaa `بقلم

جارِ التحديث وقعت الأعمال الأصلية Raghdaa

2عشرة ألف كلمة| 0المجموعة الكاملة| 317اجمالي النقرات

حاسس ان في شئ غامض ومرعب بيحاوط بيا انا ماشي في وسط طريق مهجور كله ظلمه وصوت همس مخيف جاي من كل مكان وهدومي كلها متقطعه وفي جسمي بقع حروق كاني خارج من حريق مش قليل بس بالرغم من كل ده الدم اللي على جسمي متجمد ومتجلط بس كل ده مكنش مهم ولا مرعب قصاد الشئ المتعلق فوق كتفي
فوق كتفي كنت شايل جثه طفل وفضلت احاول انزل الجثه من فوق كتفي وما عرفتش واكتشفت انها لازقه في جسمي كنا ملتصقين ببعض كاننا مولودين كده
وبعد شويه انا شوفت كتل سوداء متجمعه على الأرض لما قربت منها لقيت جثث بني ادمين متفحمه وميته مع اني مفيش اي آثار لنار والجثث كلها فاتحه عنيها وبوقها كأنهم بيصرخوا من الفزع وبيحاولوا يهربوا من شئ مرعب أخطر من الموت نفسه ووسط كل الجثث ظهرت حيوانات شبيهه بالضباع رقبتها طويله وسنانها حاده وواضح عليها انها كانت بتاكل في الجثث وفجأه بدأت تتحرك ناحيتي وهي فاتحه بوقها وبدأت اجري وأجرى واحاول ابعد عنهم لكن جثه الطفل الي فوق كتفي كانت تقيله جدا وبتخليني كمان اتحرك بصعوبه ومحاولتش ابص ورايا وانا بجري وكنت سامع الحيوانات وهي بتقرب مني وصوت مخالبها وهي بتهبش في الأرض ولمحت من بعيد حاجه كدا زي بيت قديم كان بيفصل بيني وبينه حاجه شبيهه بترعه صغيره ولكن مليانه بالمياه نزلت في الترعه وبدأت امشي في وسط المايع والمايه بارده زي التلج وفضلت ماشي لحد ما وصلت للبيت وبسرعه زقيت الباب ودخلت كنت عاوز اقابل اي حد ممكن يساعدني بس البيت لما دخلت كانت كل حيطه فيه مدهونه باللون الأسود وكان في صوت عالي عمال يتكرر حواليا ومكنش في آثار لأي بني آدم ناديت بصوت عالي وفضلت اقول :في حد هنا في حد هنا؟
كنت بسمع صوتي بيرجعلي وكأنه صدى صوت فضلت ادور يمين وشمال فكرت ان انا لو لقيت سكينه ممكن اقدر افصل بيها الجثه الي فوق كتفي
كان في اوضه ليها باب خشب قديم الباب كان مفتوح نص فتحه حسيت ان في حاجه بتبص علي من وراء الباب قربت منه وبصوت مضطرب بعياط فضلت اقول في احد موجود؟ وبعدين زقيت الباب ودخلت لقيت واحده ست واقفه وحواليها عدد من الستات التانيين كانوا قاعدين على الأرض وكانوا ملفوفين حواليها على هيئه دائره وهي واقفه في النص عنيها حمرا ومبرقه اوي الستات كلهم كانوا صلع معندهمش شعر ومعندهمش عنين وعنيهم شبه فجوات سوداء اول لما شافوني بصوا عليا كلهم في وقت واحد وبعدين بدأو يصرخوا صراخ كثير وصراخ لا يحتمل فضلت اقول بصوت عالي :أعوذ بالله من الشيطان الرجيم وكررتها عده مرات
ولكن كل الي حصل ده مكنش البدايه الي حصل ده كان جزء فقط من النهايه

حاول القراءة مجانا اضافة إلى رف الكتب اضافة إلى المفضلة