قسمة ونصيب MennaAyman2001 `بقلم

إكتمل التحديث وقعت الأعمال الأصلية MennaAyman2001

6عشرة ألف كلمة| 0المجموعة الكاملة| 608اجمالي النقرات

نهضت "سدرة" وتوجهت نحو المطبخ تحت أنظار "حسن" الذى ظل يتفحصها جيدا ويُقنع نفسه أنه لن يظلمها فى هذا الأمر فهى يبدو عليها أنها أصبحت كباقى الفتيات ، ظل ينظر نحوها إلى أن أختفت من أمامه ، لاحظته "زينب" تفحص "حسن" لأبنتها لينتابها بعض القلق لتردف بأستفسار :

_ خير يا حسن فى أيه !!

تنهد "حسن" وهو يُحول نظره ناحية "زينب" مُصطنعا إبتسامة ود رادفا بمدح :

_ البت كبرت أوى يا زينب وبقت عروسه مشاء الله

بأدلته "زينب" الأبتسامة ظننا منها أن نيته خير وأنه جاء كى يبارك ل "سدرة" على نجاحها ، لتردف "زينب" بفخر :

_ الحمدلله يا حسن دى لسه هتدخل الجامعه ما شاء الله عليها نفسها ومُنى عينها تطلع دكتورة وأهو ربنا أستجابلها وجابت مجموع عالى فى الثانوية العامة و ...

قاطعها "حسن" نهيا إياها عما تقول رادفا بشيء من الحدة :

_ لا لا دكتورة أيه وقرف أيه!! ، البنت مهما كبرت ملهاش إلا بيتها ، الشهادات والهبل ده كلام فاضى

زجرته "زينب" بأنفعال وقليل من الغضب رادفة بإنزعاج :

_ لا يا حسن عمر الشهادات مكانت كلام فاضى وهبل ، ده سلاح فى أيد البنت لو مال عليها الزمن

أبتسم "حسن" بأستهزاء من حديث "زينب" رادفا بسخرية :

_ ده لو مال بقى يا زينب ، لكن بقى لو متجوزة جوازة عدله مش هتحتاج العلام ده فى حاجه !!

شعرت "زينب" بالقلق من حديثه لتُصر على أن أبنتها لاتزال صغيرة وأن هذا ليش الوقت للحديث فى هذا الأمر ردفه بإصرار وتأكيد :

_ المهم إن البت لسه صغيرة يا حسن و ...

قاطعها "حسن" بإنفعال وعصبية غير طبيعية رادفا بحدة :

_ صغيرة فين يا زينب!! ، دى بقت عروسه طولك أهى ، دى اللى يشوفها يديها ٢٥ سنة مش ١٧ بس

أزداد قلق "زينب" بسبب إنفعال "حسن" الغير مُبرر والغير طبيعى هذا رادفة بإنفعال مُماثل ونفاذ صبر :

_ أنت عايز أيه بالظبط يا حسن ؟!

صاح "حسن" بحدة وبنبرة غير قابلة لنقاش رادفا بحزم :

_ جايب للبت عريس يا زينب وعايز أجوزها

أتسعت عينى "زينب" بصدمه مما تفوه به "حسن" رادفة بعدم أستعاب :

_ عايز أيه ؟!

زجرها "حسن" بحدة مُصرا على حديثه رادفا بتأكيد :

_ زى ما سمعتى ، عايز أجوز سدرة

حاول القراءة مجانا اضافة إلى رف الكتب اضافة إلى المفضلة