البارت 3

فيكي أعلنت أنانيتي

بقلم: ولاء محمد "أنثي الكتاب"

البارت 3


_________________________


: انا جتلك يا غالي

رامي بعصبيه: مازن انا كام مره اقولك متجيش هنا

مازن بخبث الفاعي : عيب لما تقابل صحبك بشكل دا طب حتي دخلني

رامي: لا مينفعش تدخل و اظن ان قولتلك الكلام دا قبل كدا

مازن: ما انا بتصل عليك و انت مش بترد فقولت اجيلك انا بنفسي

رامي: عايز اي

مازن: عايز اعرف قرارت اي هتشاركني ولا لا

رامي: انا لسه بفكر

مازن: بس انا معنديش وقت لو بكرا مردتش عليا يبقا بقا اعذرني هشوف غيرك

رامي: ماشي بكرا هبقا اكلمك

بينما كان رامي يتحدث مع مازن أتت رهف
فوقفت تلقي تحيه علي مازن ثم علي رامي

رامي: و عليكم سلام في حاجه يا دكتوره

رهف: اه انا كنت نسيت ان لازم ادي الحقنه دي لي ايات انهارده بس نسيت بسبب شغل الي كان مستنيني اسفه

رامي: ولا يهمك يا دكتوره اتفضلي

مازن بضحكه صفراء: اي دا مقعول تجوز و انا معرفش

رامي: اهو الي حصل

مازن: لا دا انا لازم ادخل ابارك بقا

ودفع مازن رامي و دخل وجلس بجانب رهف ف ابتسم لها و هي بادلته الابتسامه ثم عادت بنظرها الي رامي الذي ترك الاثنين و ذهب الي ايات التي كانت تجلس في الغرفه

رامي: رهف برا عشان هتديكي حقنه انا هنادي عليها هنا و هحاول اصرف الي اسمه مازن دا ماشي

ايات: تصرفه لي

رامي: عشان مش بطيقه يا ايات دا واد رخم

ايات: معلش دا ضيف عندنا هغير هدومي و اعمل شاي يشربه و يتكل

رامي: كمان هنشربه شاي

ايات: معلش استحمل عشان خاطري

رامي: دا انا عشان خاطرك انا ايتحملت ياما

ايات: اي ياعم انت هتذلني بعدين يلا يعني استحملت كتير مجتش علي دي

رامي: ماشي ياستي اجهزي و تعالي



________________________


عاد رامي الي رهف و مازن فوجد الاثنين يجلسون و يتحدثون و يبدون في غاية الانسجام فقال بينه و بين نفسه: اهو هو دا الي ناقص اكون ان سبب في جمع جوز الغربان سوا يلا اهو يمكن يحلو عن

مازن: رامي انا حقيقي زعلان منك جدا لي سببين قولي كدا اي هما

رامي بضجر: و هو يضغط علي اسنانه: اي هما

مازن: الاول انك مقولتليش انك متجوز دا حتي احنا صحاب من زمان و محدش كان هيفرحلك قدي و تاني بقا و دا الاهم ازاي ها قولي ازاي تكون عارف شخصيه رقيقه زي دكتوره رهف بالجمال و رقه دي و متعرفنيش عليها لا انا زعلت بجد زعلت منك جدا

رامي: و هو يغضط علي اسنانه اكثر: معلش يا مازن مجتش مناسبه و اهو اديكم اتعرفتو علي بعض

مازن: طبعا دي حتي احلا صدفه

رامي: منورين يا جماعه والله برحتك علي الاخر البيت بيتك عن اذنكم لحظه بس اشوف ايات لو عايزه حاجه

دخل رامي المطبخ لي ايات التي مازالت تبحث عن سكر

رامي: بتعملي يا قلبي

ايات: مش لاقيه سكر

رامي مغزلا: احلا من كدا مفيش

ايات: لا انجز مش وقته ضيوف برا

رامي: انجز ابو الفصلان يا شيخه سكر قدامك اهو

ايات : اي دا والله انا بضور علي من صبح ههه

رامي: طب يلا ياختي قبل ما جوز الغربان الي بره يعشش عندنا

ايات بضحك: من عنيا دقيقه و اكون عندك

رامي: ماشي كاد رامي يخرج حتي نادته ايات مره اخري

ايات: رامي هو فين شاي

رامي: ابعدي يا ايات انا الي هعمل شاي

ايات: ما انا مش فاكره مكانه اعملك اي

رامي: ولا حاجه ياحبيبتي ابعدي انت بس وانا هعمل كل حاجه

ايات: طيب انا غلطانه

رامي: لا انا الي غلطان انت بتغلطي ابدا

ايات: اه طبعا مبغلطش

ثبت رامي في مكانه للحظه و تغيرت ملامح وجهه مما اثار فضول ايات

ايات: وشك اتغير كدا ليه هو انا قولت حاجه غلط ثم اكملت هو عملت حاجه غلط قبل كدا

حمل رامي الاكواب و خرج و خرجت ايات خلفه و هي تتسأل عن سبب الذي جعل وجه رامي يتغير بهذه طريقه
خرجت ايات و القت تحيه علي رهف و سلمت عليها و القت تحيه علي مازن وحين مد يده لي يسلم عليها مد رامي يده بسرعه و سلم هو عليه

رامي: معلش اصلا المدام مش بتسلم علي رجاله

مازن: ياراجل هو انا غريب دي تعتبر مرات اخويا يعني اختي برضو

رامي: اخوك مين

مازن: اي هو انت مش اخويا برضو

رامي:ااه ااه طيب اتفضل شاي

امسك مازن شاي و اخذ منه اول رشفه ثم رفع صوته و هو يتظاهر بتلذذ: احلا شاي شربته في حياتي كلها

رامي: بضحك: انا مكنتش اعرف انك بتحب شاي كدا اوي

مازن بضحكه غبيه: ها لا انا طول عمري بحب شايك انت متعرفش ولا اي

رامي: لا معرفش

مازن: طيب اهو اديك عرفت

رهف: طب يا جماعه معلش الوقت متأخر وانا لازم امشي ممكن يا ايات تتفضلي معايا عشان اديك دوا قبل ما امشي

رامي: اه طبعا اتفضلي حتي احنا بنام بدري
ثم نظر الي مازن و اعاد جملته الاخيره: بنام بدري ها يارب نفهم

امسك مازن كوب شاي و رفعه علي فمه و تظاهر بالغباء و انه لا يعرف ان رامي يقوم بطرده الان

________________________


دخلت رهف مع ايات لي اعطائها دواء و ما هي الا دقائق حتي سمع رامي صوت صرخت ايات فركض الي داخل و كانت رهف تجلس علي سرير بجانب ايات و تضع الحقنه مكان الحقنه الذي ينزف دم اكثر من العادي بقليل

ايات: انت اخدي شهادك دي فين انت دكتوره اصلا ولا دكتورة بهايم

رامي: هو في اي ثم ذهب الي ايات و امسك ذراعه و اكمل قائلا هو حصل اي

ايات: في ان الهانم مش بتعرف تدي الحقنه دي كسرت سن في دراعي شوف

رهف ببعض توتر: لا مش هو دا الي حصل ما انا بديها دايما حقن حصل لكن دلوقتي يختلف عن و هي نايمه و هي كانت خايفه من الحقنه و انا بدهالها لانها مش ثابته اتكسرت في ايدها و انا بقولها اثبتي اثبتي بس هي بتتصرف زي العيال صغيره

رامي: خلاص حصل غير هحطلك عليها ضماد و ان شاء الله تخف و متحسيش بيها

رهف: طب استأذن انا دلوقتي يا رامي عشان الوقت اتاخر جدا و انت عارف ان الوقت دا خطر بنت تمشي في الوحدها

رامي: اه طبعا اتفضلي ربنا معاكي

امسكت رهف حقيبتها و خرجت من الغرفه وهي تسب بينها و بين نفسها بغضب

ايات: كانت عايزاك توصلها اخدت بالك

رامي: اه بس الي خلها تيجي دلوقتي وحدها يخليها ترجع الوحدها

ايات: بقولك اي الكائن الي اسمه مازن دا انا مش طايقه اطلع انت اصرفه و انا هستني هنا

رامي: خلاص ماشي


ـــــــــــــــــــــــــــــــــــــــــــــــــــــــــــ


خرجت رهف وهي في طريقها رأت مازن و هو يمسك مفاتيح من علي طاوله و يقوم بطبعها واحد واحد بسرعه و حين رأها اعاد المفاتيح بسرعه الي مكانها فوقفت رهف قليلا مندهشه علي ما رأت حتي أتي رامي و قال لها حين رأها جامده

رامي: خير يا رهف و هو في حاجه

رهف: ها لا مفيش انا ماشيه

مازن بتوتر: انا كمان اتاخرت ولازم امشي تحبي اوصلك في طريقي

رهف: اه طبعا مفيش مانع

مازن: طيب يا رامي تصبح علي خير اتفضلي يا انسه رهف

وقف رامي و هو في حيره من مازن ذلك الذي ظن انه لن يرحل و انه سوف يبقا طوال ليل مثل ما يفعل دائما لكنه تفجأه برحيله فظن انه رحل لانها يحاول تودد الي رهف و عاد الي داخل و ذهب الي الغرفه التي كانت تجلس بها ايات و مازالت تمسك ذراعها

رامي: المره الجايه لما تيجي تاخدي الحقنه همسكك

ايات: انا مكنتش خايفه منها دي هيا الي مش عارفه تدي حقن دكتورة البهايم دي اكيد خرمتني و انا نايمه مش بعيده اكون صحيت اصلا من ضربها الغبي لي الحقن دا

رامي: ماشي ياستي المهم انك صحيت نامي دلوقتي انا لسه فايقه و محتاجه راحه و اخذ بعض الاوراق و هي و في طريقه للخروج

ايات: انا مش عايزه انام ما انا كنت نايمه و انت رايح فين بالورق دا انت خارج

رامي: لا بس عندي شغل لازم اخلصه

ايات: طب انا مش عايزه انام

وضع رامي الاوراق علي طاوله و اتجه الي سرير الذي تجلس عليه ايات و قام برفع قدمها و عدل من نومتها و قام بتغطيتها و اغلق نور

ايات: يعني انا هنام كدا

رامي: اه هتنامي انا هخلص شغلي و بعيدن هنام لو جيت و لقيتك لسه صاحيه هزعلك


ــــــــــــــــــــــــــــــــــــــــــــــــــــــــــــــــــــــــ

خرج مازن مع رهف و قام برن جرس السياره و صعدت معه رهف

رهف : انا مرتضش افضحك فوق و قولت اسالك الاول يمكن اكون ظلماك

مازن: لا انت قولتي يمكن اطلع بمصلحه بعدين انت من اول ما دخلتي و انا شايف ان عينك من رامي اي رأيك بقا تكون دي الخدمه الي اقدمها ليكي و معها فلوس كتير مقابل مساعده صغيره

رهف: و اي هيا المساعده دي

مازن: انا بس عايزك تساعديني اخد الفلوس و اخلع و طبعا حقك محفوظ

رهف: لا انت اكيد اهبل و اظاهر انت معرفتنيش كويس انا صحيح عايزه اتجوز رامي بس برضو مش عايزه اتجوز شحات

مازن: شحات هههههههههه انت تعرفي رامي دا ابن مين ولا عائلته مين دا انا بعمل فيكي و في اكبر معروف

رهف: تقصد اي فهمني

مازن: افهمك يا قمر كل الفلوس الي مع رامي و الي عمل بيها المشروع دا قروش جمب ثروته بس هو دماغه ناشفه اخد الفلوس الي كان هو محوشها و ساب اهله عشان يبداء شغله الوحده لكن انا لما اخد الفلوس دي هو بقا مش هيبقا مع قرش و غصب عنه هيرجع تاني لي بيته وسط العيله و اتمتعي انت بقا بدهب هناك و انا راضي بالكام قرش الي هخدهم

رهف: و انا اي الي يضمنلي ان كلامك صح او اي الي يضمنلي ان هو يرجع البيت لما انت تاخد الفلوس

مازن: الي ياكدلك كلامي ان اعرفه من زمان من ايات المدرسه و عارف اصله و فصله و لو عايزه دليل ملموس اجبلك و اطمنك و لو علي اي الي يضمنلك يرجع لي اهله تاني لو هو مرجعش احنا بمكالمه صغيره من فاعل خير نقولهم علي مكانه و هم بقا الي هيجي ياخدوه ها نقول اتفقنا

رهف: تجبلي الاول دليل علي الي بتقوله و بعدين نتفق و انا بحذرك اوعي تلعب معايا

مازن: حقك برضو و دليل يكون عندك بكرا بالكتير


ـــــــــــــــــــــــــــــــــــــــــــــــــــــــــــــــــــــــ


خرج رامي و ذهب الي صالون و فتح الملفات التي معه و بدأت يقوم بالحسابات و يحاول ايجاد حل لي انقاذ عمله الذي علي وشك الانهيار بعيدا عن مشاركة مازن به فهو لا يحبه و لا يشعر اتجاهه براحه ظل يعمل لي ساعات طويله حتي ان ايات بعد ان نامت استيقظت باليل المتاخر و خرجت من الغرفه فوجدته مازال يعمل

ايات: انت لسه مخلصتش شغل

رامي: و هو انا مقولتلكيش نامي

ايات: نمت و صحيت اهو انت هتنام امتي

رامي: لسه عندي شغل كتير

ايات: شغل اي الي هيفضل دا كله

رامي: ظاهر ان مفيش فايده يلا ننام

في نهايه استسلم رامي حين لم يحد حلا و ذهب الي نوم

ايات: استني حيلك انت هتنام فين

رامي: هنا علي سريري هنام فين يعني

ايات: عيب يا بابا ميصحش

رامي: لا بصي تعبان و مصدع و مش فاضي لي شغل مسلسلات الهندي دا تعالي اتخمدي

تسطح رامي علي سرير و اعطها ظهره و وضع ذراعه اسفل رأسه و حاول ان يتوقف عن تفكير و نام


ـــــــــــــــــــــــــــــــــــــــــــــــــــــــــــــــ


في صباح اليوم ثاني استيقظ رامي باكرا و قام بتجهيز نفسه الي العمل و قام بالاتصال بي مازن

رامي: صباح الخير مازن انا هشاركك في شغل تعال انهارده عشان نراجع كل حاجه و نمضي العقود




ـــــــــــــــــــــــــــــــــــــــــــــــــــــــــ


بقلم: ولاء محمد "أنثي الكتاب"