الفصل السادس والعشرون

اخت جوزك اللى مكفهاش اللى عملته فيكي زمان
كمان خليت ابنها يضحك على بنتى ويعشمها بالجواز وانه بيحبها
كسر قلبها ابن ال...
عقدهالى
بعد ما كانت بتصرف عليه من فلوس اخوكى

هادية بعدم استيعاب.ايه ده
ايه اللى بتقوليه ده
وبعدين ابن اخت جوزى ايه اللى يوصل لسحر بنتك
منين لفين علشان يعرفها ولا يبقى فيه بينهم كلام

ام سحر.عرفها فى الكلية ياختى
كانت رايحة يوم مع بنت خالها
وقابلها هناك
وشبه عليها
واتكلم معاها
وعرف انها بنت اخوكى
واخد رقم التليفون
وراح عملها ايميل
وبقوا يكلموا بعض
بعلمي
قولت اكيد الواد عارف اننا اهل يعنى مش هيلعب بالبت
وعرف يدخل للبت وعجبها
وانا بنتى مصحباها
قولت مش عيب اخطب لبنتك ولا تخطبش لأبنك
خليهم يعرفوا بعض مدام بعلمي وبنتى مش بتعمل حاجة غلط
وبتحكيلى كل حاجة
وان شاء الله يجعلها نصيب فيه
واد حلو
ومتعلم
وشغال كسيب يعنى
والبنات حواليه
قولت وماله
بقى يكلمها فى التليفون
ويكلمها على الايميل
ويشغلها عن مذاكرتها
لحد ما فشلت وسابت المدرسة بسبب ما اتعلقت بيه
وانا علشان ام فاشلة
قولت وماله البت مسيرها لبيتها
وغيرة ياختى
وتحكمات
ده كان مانعها تنزل معايا
وانا اقول وماله
حمش بيغير عليها
وعشمها انه هيتقدملها بعد الكلية علشان يكون نفسه

هادية بتسمع الكلام ومش مستوعبة
ام سحر.وبعدين ياختى
بعد ما البت بقيت خاتم فى صباعه
فص ملح وداب
تكلمه ميردش
يقفل السكة فى وشها
بصى احلى اهانة واحلى مرمطة
البت كانت بتموت من القهرة
لدرجة انى اتحايلت على بنت خالها تاخدها معاها يمكن تشوفه
ولما قابلته فى الكلية
شافته مع واحدة
ولما راحت تكلمه غلط فيها وقالها انتى رمية ومقطوعالى وانا مش فاضيلك

هادية.بنت اخويا انا يحصل معاها كل ده وانا معرفش
اومال لو مش عندك كل اسبوع
كنتى هتقوليلى امتى
وازاى متخلنيش اقف جنبها
ولا انصحك وانصحها
تانى نجية يا مرات اخويا
اومال لو مش عارفة طبعهم
كنتى عملتى ايه

ام سحر.ياختى قولت الواد اكيد مش طالع لأمه
وكنت بدور على سترة بنتى يا هادية
مش عيب
والله ياختى ما كان فى ضميرى حاجة وحشة
كنت عايزة افرح ببنتى وهى صغيرة كده
وقولت اللى نعرفه احسن من اللى منعرفهوش

هادية.طيب وبعدين ايه اللى حصل

ام سحر.ولا حاجة
اليوم ده رجعتلى البت مع بنت خالها وكانت هتموت من القهرة
ذلها ابن ال...
اهانها قدام الناس
وكانت فرجة للى يسوا واللى ميسواش
انا عارفة اننا غلطانين
بس اهو بقى كنت انا وهى عشمانين
شوفت قهرة بنتى مستحملتش يا هادية
النار اكلت قلبى
لقيت بنت اخويا علشان تهدى سحر
بتتكلم عن رحاب

نغم.يابنتى خالد ده معروف بتاع بنات
وانتى غلطانة يا سحر انك علقتى نفسك بيه للدرجة دى
ده هو واخته فى الكلية انيل من بعض
هى بتاعت شباب
وهو مدورها وبتاع بنات

ام سحر.اول ما قالت الكلمتين دول يا هادية
حسيت ان قلبى بيغلي

بصيت لبنت اخويا وكأنها عطتنى الحبل اللى ارجع بيه حق بنتى
هادية.اللى هو ايه

ام سحر.اخته

لقيت نفسى بصيت لنغم
وقولتلها.بت يا نغم
انتى تعرفى اخته

نغم.اه طبعا يا عمتو
دى اشهر من نار على العلم
كل يوم والتانى برضه واقعالها واقعة حلوة
ليا كلام معاها بس بالصدفة يعنى
وضايفين بعض على الايميل

ام سحر.يافرج الله
وغلاوتك يابنت قلبى لأجيبلك حقك من قلوبهم وعنيهم نفر فر
ولاد نجية

سحر.هتعملى ايه ياماما

ام سحر.مالكيش انتى دعوة
بت يا نغم
بقولك ايه
عايزاكى تعلمينى ازاى ياختى اتكلم على الايميل ده
وتخلى البت اخته دى عندى
هى اسمها ايه

نغم.اسمها رحاب يا عمتو
بس انتى ناوية على ايه

ام سحر.مالكيش دعوة
اعملى بس اللى بقولك عليه

هادية.وعملتى ايه

ام سحر.اتعلمت يا هادية
وكلمت البت رحاب
وبكلمها وانا عايزة اكسرها واكسر قلبهم وعنيهم
وكل هدفى انى اوصل لحاجة من قطرها
اعملها بيها عمل يجيب رقبتها الارض
علشان يبقى الراجل يتشملل ويلعب ببنات الناس مرة تانية

هادية.طيب وهى ذنبها ايه

ام سحر.وبنتى ذنبها ايه

هادية.والصور اللى بنتك متصوراها دى يا مرات اخويا
ولا دى صورك انتى وانا مش واخدة بالى

ام سحر.لاء صور بنتى
بس انا اللى مصوراهالها
كنت بعتاها للشيخ هو اللى طلبها
لما طلبت منه يحيل جن من بتوعه على البت رحاب
ينام معاها ويضيع شرفها هى كمان زى ما عملنا فى منى
وعلشان طلب صور لبنت تكون عريانة
علشان يقدر يحضر الجن النجس
مكنتش عارفة اجيب ازاى صور للبت رحاب
صورت سحر انا وحطيتهم بالكابل من التليفون على الايميل
وبعتهم للشيخ
وعمل اللى طلبته منه
وفعلا طمنى وقاللى ان اللى طلبته حصل
اه البت مأذتنيش فى حاجة ولا اختها اذتنى فى حاجة
لكن اخوهم اذى بنتى
واللى يضر بنتى اكل قلبه يا هادية
وانا اكلت قلوبهم وهديت دلوقتى
لما كلهم اتكسرت عنيهم

كل ده هشام بيسمع وساكت

هادية.طيب ورقمى انا ماله يا ام سحر
ام سحر.لما حصل اللى حصل بين منى وامينة
قولت حلو انا اعمل ايميل تانى ويكون فيه بياناتك انتى
علشان ارجع اكلم منه البت رحاب
قولت يوم ما يحصل فى الامور امور
واتكشفت
يفكروا ان انتى اللى عملتى كده علشان تنتقى من اللى نجية عملته فيكي زمان
واللى كانت منى هتعمله فى امينة كمان

هشام.وقدرتى تقنعى رحاب بكل ده

ام سحر.طبعا
واقنع العفريت كمان يا سيدى
دى بنتى
كسرة قلبها عندى ميكفنيش فيها شرف عيلته كلها
ولما كانت مبتروحش هى تجدد العمل كنت بجدده انا
وبدفع الفلوس حتى لو هبيع دهب من دهبى

هادية بتعيط ومش مصدقة اللى بتسمعه

هشام.انتى عارفة هما وصلوا لأيه
انتى متخيلة حالهم
عارفة بنات مالهاش ذنب فى ان اخوهم مؤذى او بتاع بنات
او متعود يضحك على البنات اللى هما واهاليهم بيكونوا ساهلين وسايبنلهم الدنيا سداح مداح
بقى عامل ازاى
واحدة حياتها ادمرت وولعت كمان
والتانية شرفها ضاع وحتى مش عارفة مين اللى عمل فيها كده
عملولك ايه هما

ام سحر.وبنتى عملتلهم ايه

هشام.اللى حصل حصل
اتأذيت بنتك واتأذوا بنات مالهاش ذنب
ايه الحل دلوقتى

ام سحر.ييجى خالد يتقدم لبنتى

هشام.غصب عنه يعنى
عايزاه ييجى مجبر علشان ترحمى اخواته

سحر.ياماما بس انا مش عايزاه

ام سحر.اخرسى انتى يابت
ايوة يا استاذ
اجبار
ييجى ياخدها غصب عنه
لو عايز اخواته يرتاحوا شوية من المصايب اللى لسه فى منها كتير

هشام.وساعتها ايه اللى يحصل

ام سحر.ساعتها مش هجدد الاعمال

هشام.بس الشيخ رحاب راحتله وملقيتهوش

ام سحر.اه عزل
وانا عارفة مكانه
لو حصل ده وخالد جه لبنتى
احلفلك بحياتها
انى مش هجددهم مرة تانية
وهطلعهم خالص من دماغى
وانسى اللى حصل

هادية بحزن.تنسى
بعد كل اللى عملتيه ده وتنسى
انتى مش فاهمة انتى اللى عملتيه ده اتسبب فى ايه
وكان ممكن يتسبب فى ايه تانى
ولو جوزك عرف ممكن يعمل ايه

ام سحر.بلاش يا هادية يعرف اخوكى
علشان مش هيحصل كويس
وساعتها هروح لصبرى واعرفه ان بنته المحترمة ركب مع رجالة عربية وراحوا ابوقير على البحر الميت بليل
وانتى عارفة جوزك ممكن يعمل ايه ساعتها
مش بعيد يقتلك ويقتلها
خلى بالك يا هادية
لو كنتى مكانى كنتى هتعملى كده

هادية.عمرى ما افكر فى اللى انتى فكرتى فيه ده
الله يهديكي يا مرات اخويا الله يهديكي

هشام.طيب يا ست ام سحر
انا هتكلم فى الموضوع ده

ام سحر.موضوع ايه
هتروح تقوله انى عاملة لأخواته سحر علشان يتفك لازم ييجى يطلب بنتى

هشام.اه طبعا اومال هخليه ييجى ازاى
ام سحر.لاء تقنعه بالبنت
مش ترهبه بأخواته علشان ييجى وهو مضطر
ييجى بمزاجه

هشام.طيب انا وعد مني ليكي هتصرف فى الموضوع ده
بس انتى كمان اوعدينى ان انتى متأّذيهمش مرة تانية

ام سحر.لو جه عمل اللى بطلبه
والله وعد مني مش هفكر فى اذى ليهم مرة تانية
وحياة غلاوة بنتى عليا

مشى هشام وهادية وهما مصدومين

هشام.تحبى اوصلك يا ام امينة

هادية.كتر خيرك
وانا اسفة يا استاذ هشام على كل اللى اتقال
بس انا نفسى حاسة ان اللى سمعته ده طالع من ناس معرفهاش

هشام.فيه ناس الانتقام بيعميها يا ام امينة
هى بنتها غالية عليها
للدرجة اللى خليتها تفكر فى تدمير ناس مالهاش ذنب بأى حاجة
غير ان اخوهم جرح قلب بنتها
ربنا يهديها
ويارب اللى عملته ده ميتردش فى بنتها

هادية.يارب
ويارب يقومك بالسلامة يمنى يا بنت نجية
ويصلح حالك
معلش يا استاذ هشام انا لازم امشى
استأذن حضرتك

هشام.تحبى اوصلك طيب

هادية.لاء كتر الف خيرك

مشيت هادية وهى مصدومة من الفيلم العربى اللى سمعته من مرات اخوها
وبرغم ان نجية اذيت هادية زمان وكسرت قلبها الا ان عمرها ما فكرت فى انها تنتقم منها

هادية لنفسها.معقول يارب بتجيبلى حقى دلوقتى
معقول يا نجية ربنا كسر قلبك زى ما كسرتى قلبى
بس البنات ذنبهم ايه بس يارب
وهو يعنى انا كان ذنبى ايه زمان
لما قهرونى وكسروا فرحتى
حسبى الله ونعم الوكيل فى كل ظالم
ربنا كبير على الظالم

ركبت هادية ورجعت على بيتها
وهى مقررة انها تنسى مرات اخوها وتنسى اخت جوزها بكل اللى عندها