الفصل الثاني

في صباح يوماً جديد أستيقظ أدهم من نومه نظر
لغرفته بأبتسامه وتأمل كم اشتاق إليها كم إشتاق
لجدرانها و تخته الذي سهر عليه للصباح وهو
يتحدث مع من ملكت قلبه أبتسم أدهم وتذكر
أخر يوم شهدت فيه غرفته علي هذا الحديث.
فلاش باك...
عهد....انت يعني مش ناوي تقوم تنام شويه طيارتك فاضل عليها ست ساعات
ادهم...لا مش هنام انا حر بذمتك ينفع أسيب القمر ده واروح أنام
عهد....اه ينفع ولو مقفلتش انا هقفل.
ادهم...هتقفلي في وشي
عهد...اه هقفل في وشك
ادهم...اهون عليكي
عهد...بحب لا ما تهونش بس كمان مش عيزاك تبقي تعبان لسه وراك يوم طويل.
ادهم...مش قادر انام واسيبك بجد يا عهد وبعدين
حبيبي الجميل ده يبقي بيعيط من الصبح ومن اسبوع فات عشان انا مسافر واروح انام ؟
عهد .....هتوحشني يا ادهم
ادهم....مش هتأخر عليكي والله يا عهد هي سنه
واحده
عهد....كل اللي فكر يسافر قال هي سنه واحده
وهرجع
ادهم...صدقيني هعمل كل جهدي عشان تكون سنه واحده هو انتي مفكره يا عهد ان السفر ده بالنسبالك انتي بس اللي صعب صدقيني يمكن عليا انا اصعب انا مش متخيل اني اسيبك كل الفتره دي من غير ما
اشوفك قدامي كل ما افكر مع نفسي شويه احسن
اني مش قادر كان هيحصل ايه لو كنت اتقدمتلك
واتجوزنا وخدتك معايا.
عهد....مكانش هينفع صدقني كمان مقدرش اسيب
مامي لوحدها تهون عليك سوسو يا ادهم.
ادهم...لا طبعا بس انا كمان مش قادر ابعد عنك.
عهد....هو ايه الآيه هتتقلب بعد ما كنت بتواسيني انا اللي هواسيك لا بقولك ايه انا اللي زعلانه
ضحك ادهم بحب...طيب خلاص انا هواسيكي تاني
عهد...لا مش عيزاك تواسيني عاهدني
أدهم...اعاهدك بأيه.
عهد....عاهدني انها هتكون سنه
ادهم....لاااا إلا العهد ده لاني مش ضامنه مقدرش
اعاهدك بأي حاجه غير لو كنت ضامنها.
عهد...شوفت بقي انك كنت بتضحك عليا
أدهم...مقدرش اضحك عليكي يا حبيبي بس انا رايح
علي سنه لكن لو طولت شويه اكيد هيبقي بسبب
حاجه خارجه عن إيرادتي غير كده انا مقدرش
ابعد عنك يوم واحد مش بس سنه
عهد...بابتسامه بحبك يا ادهم
ادهم....وانا بحبك يا احلي عهد.
باك.......
أبتسم ادهم وقام من علي سريره ودخل ياخد شاور
دافئ
و بعد وقت بسيط خرج لبس ونزل علي تحت كان
الجميع مستيقظ .
ادهم...صباح الخير
الجميع...صباح النور
رقيه...انت خارج يا حبيبي.
أدهم....ايوه يا امي ورايا كام مشوار مهم
رقيه...طيب مش كنت ترتاح شويه ده انت يادوب
واصل أمبارح بليل.
أدهم....مقدرش يا امي في حجات معايا ناس صحابي من السفر بعتوها أمانه لناس هنا والأمانة مينفعش تستني.
رقيه...طيب أقعد افطر حتي.

ادهم....معلش حقك عليا انا هفطر اي حاجه بره
انا وعهد.
رقيه...هي عهد جايه معاك.
أدهم ..ايوه انا قولتلها امبارح و هتيجي وبعدين بقي بيني وبينك انا كنت عايزها تيجي بأي شكل ...
عهد كان عيد ميلادها من اسبوع وانا بقالي 3 سنين
ماحتفلتش بعيد ميلادها
فا هخدها أفاجئها و أوديها اكتر مكان بتحبه في
حياتها
ادم...من بعيد وهو بيضحك اكيد المول بتاع اللعب.
ادهم ..بابتسامه بالظبط.
رقيه...بحب انت لسه فاكر يا ادهم..

ادهم...عمري ما انسي يا امي عهد اتولدت علي ايدي وده كان اكتر مكان بتلاقي نفسها فيه وانا عارف اني من يوم ما سافرت محدش و داها هناك.
رقيه....ربنا يسعد قلبك يا حبيبي زي ما ديما بتفكر
تسعد كل اللي حواليك.
مسك ادهم ايدها باس كفها...ويخليكي ليا
يا حبيبتي
يلا انا همشي بقي زمانها مستنياني.
رقيه...ماشي يا حبيبي خلي بالك منها يا ادهم.
ادهم....في عيوني يا ست الكل
خرج أدهم وعيون ساره مسلطه عليه بحقد وقررت
تعكر صفو الخروجه الجميله دي..
............
وصل أدهم لمنزل عهد فتح بايده البوابه ودخل مشي وسط الجنينه لحد ما دخل عالباب الداخلي وخبط.
ثواني و فتحتله عهد الباب وهي مكشره زي الاطفال
أدهم...بحب صباح السكر علي أحلي تكشيره في
الدنيا.
عهد...كمان بتهزر عالصبح
ادهم...في ايه بس انا عملت ايه لكل ده
عهد....اتأخرت
ادهم....يا مفتريه كل الحكايه عشر دقايق
عهد...برضوا اتأخرت
أدهم...طيب حقك عليا هصالحك بحاجه هتعجبك جدا انهارده
عهد...بأبتسامه ايه هي؟؟
أدهم....لاااا دي مفجأه...بس قوليلي ايه القمر ده
بصت عهد علي نفسها بسعاده كانت لابسه فستان
ابيض لحد ركبتها ضيق من علي الصدر ونازل واسع
كانت شبه الاطفال شعرها الاسود الطويل نازل علي ضهرها...
عهد...بجد شكلي حلو
أدهم....والله يا عهد لحد يومنا ده ما شوفتش ولا
هشوف حد احلي او أجمل منك.
عهد...بإحراج طب ادخل تعالي مامي عيزاك.
أدهم....طب حتي جامليني و قوليلي ولا انا شوفت حد احلي منك
عهد ..بابتسامه رفعت حواجبها ادخل يا ادهم .
ادهم....ياساتر ماشي دخلنا يا سوسووووو انتي فين
سهام...تعالي ياحبيبي انا اهو في المطبخ
دخل ادهم أعد قدامها عالكرسي وسند ايده علي
الرخامه
صباح السكر
سهام....صباح النور يا حبيبي.
ادهم....اتفضلي يا سوسو ومد ايده بشنطه كبيره
سهام...ايه ده
ادهم ..دول شويه هدايه بسيطه يارب ذوقي يعجبك

سهام...ليه كده بس يا ادهم انا فرحه رجوعك عندي
بالدنيا

أدهم....دي حاجه بسيطه يا حبيبتي والله لو معايا
وزن كفايه

كنت جبتلك الدنيا بحالها
سهام....انت عندي بالدنيا بحالها يا أدهم
أدهم ....ربنا ما يحرمني منك ابدا.
بقولك ايه عهد قالتلك اني هخطفها شويه انهارده و ارجعهالك تاني
سهام...ايوه يا سيدي قالتلي بس مفيش خروج غير
لما تفطروا
ادهم...لا مفيش وقت هنفطر بره
سهام...مفيش بره الفطار خلص خلاص هتأعد انت
وهي تفطروا يا إما مفيش خروج
ادهم...بإبتسامه لسه بتعاملينا علي اننا صغيرين يا
سوسو خلاص كبرنا عالكلام ده انا بقيت 33 سنه
وعهد 24
سهام...والله لو بقيتوا 100 سنه كلمتي هي اللي
هتمشي
ادهم...بحب يمشي كلامك يا احلي سوسو بس بقولك ايه اوعي تقولي لرقيه أحسن تقتلني عشان مفطرتش معاهم
سهام...بضحك لا خلاص مش هقول يلا شيل الاكل
انت وهي حطوه عالسفره
أدهم ..بس كده عيوني ليكي يا سوسو يلا يا عهد
قدامي أعملي بلقمتك بدل ما تقلب علينا.
ضحكت عهد وخرجت الاطباق وبدأوا يفطروا
سوا.
وبعد وقت بسيط ودعوها ومشيوا.
فتح ادهم باب العربيه لعهد أتفضلي يا قلبي
عهد...بحب شكرا
لف ادهم بسرعه بعد ما ركبت عهد وانطلق بالعربيه.

وفضلوا كام ساعه يلفوا في اماكن مختلفه يوصل

ادهم الامانه اللي معاه لأصحابها وبعد ما خلصوا.

أدهم....الحمد لله اخيرا ارتاحت هم و اتشال من عليا
عهد....مفيش خلاص معاك حاجه تاني
ادهم...لا كده كلو تمام يلا بقي نروح نتغدا عشان بعد كده عاملك مفجأه حلوه
عهد...طيب ما تعمل المفجأه الاول
ادهم...لا مفيش مفجأه غير لما تاكلي الاول
عهد...طيب يلا بسرعه
ادهم...بحب يلا ياقلبي.

راحوا مع بعض علي مطعم كبير ديما كان بيتغدا فيه معاها
طلبوا الأكل وبدأوا ياكلوا .

عهد...الحمد لله.
ادهم...انتي لحقتي كملي اكلك يا عهد

عهد...لا خلاص مش قادره يلا قوم بقي

ادهم...بابتسامه انتي عرفتي ان فيها مفجأه طبعا
مش هتسكتي
عهد...بضحك مش انت اللي قولتلي تستاهل

أدهم...ماشي ياستي يلا بينا

خدها ادهم ومشيوا وطول الطريق عهد متحمسه

للمفجأه وبمجرد ما وقف ادهم قدام المول طارت
عهد من السعاده.
عهد....ايه ده اللله.

أدهم...بحب كل سنه وانتي طيبه ياقلب أدهم طبعا

الهديه دي متأخره 3 سنين بحالهم

عهد...اممم يعني معني كده اني لازم اجيب الهدايا
المتأخره من 3 سنين.


أدهم.....شايفه المول اللي قدامك ده كله اي حاجه هتعجبك فيه خديها علي طول.

عهد...بفرحه طب يلا بسرعه فتحت عهد باب العربيه
بسرعه و جريت علي مكان الباب بتاعه فتحته
وفضلت تشد فيه

ادهم...بضحك طيب يا مجنونه استني اقفل العربيه
عهد...طيب بسرعه
قفل ادهم العربيه ونزل مسكت ايده وهي بتجري

وهو بيحاول يوقفها
ادهم...انتي يا مجنونه استني الناس بتتفرج علينا
عهد...بفرحه انا فرحانه اوي
ادهم...وانا فرحان عشان انتي فرحانه. بس والله
ياعهد لو
ما مشيتي كويس لا هرجع بيكي ايه ماشي مع طفله
عهد ..لا خلاص همشي كويس
مشيت كام خطوه وهي بتبصله بطرف عنيها وهو
كمان بيبصلها بطرف عينه وفجأه ضحكوها الاتنين
ورجعت تاني تشده وتجري بيه....

ابتسم أدهم عالطفله اللي قلبه اختارها واللي مدمنه لألعاب الأطفال بطريقه مثيره للأهتمام.

دخلت عهد وبمجرد ما شافت الالعاب في كل مكان
فضلت تجري وتختار بفرحه غير طبيعيه.

عهد...انا هاخد دي ودي كمان طب دي حلوه
أدهم...كلهم حلوين طيب بصي دي كمان.
عهد ..ودي حلوه اوي

ادهم...طيب حطيها يلا وشوفي عايزه ايه تاني.


فضلت عهد تروح هنا وتجري هنا تخرج من مكان

وتدخل لمكان معاها عربيه زي بتاعت السوبر ماركت مباقتش باينه من كتر الالعاب.
أدهم كان سايبها وواقف سعادة الدنيا جوه عيونه
ومرسومه علي ملامحه

عهد...بتعب خلاص خلصت
أدهم...محتاجه اي حاجه تاني
عهد....لا خلاص انا جبت كل المكان تقريبا

أبتسم أدهم وخدها وراح حاسب ومشيوا طول
الطريق عهد مطلعه عروسه من الشنطه وحضناها
أدهم....مبسوطه
عهد...اوي يا أدهم اخر مره جيت المكان ده في عيد
ميلادي قبل ما تسافر انا روحت معاك أماكن كتير
كل مكان خرجت معاك فيه ليه ذكري غاليه عندي
لكن المكان ده اكتر مكان ليه مكانه خاصه في
قلبي
أدهم ..اشمعني بقي عشان انتي طفله وبتحبي
اللعب..

عهد...مش بس كده بس كل مكان يا ادهم ليه طابع

خاص وكأن ليه شخصيه بتتفرض عليك وانت رايح

المكان ده يعني مكان رومانسي مكان هادي مكان جد مكان لعب مكان تتأمل فيه

لكن المكان ده بالذات بروحه معاك بشخصيه انا
بحبها شخصيه في براءه متتوصفش بمجرد ما بدخل

المكان ده بحس اني طفله عايزه اجري و احضن

كل اللعب ببقي حاسه لما باجي المكان ده ان

معنديش اي هموم مفيش حاجه شغلاني بحس
اني صافيه وبحس ان المكان مش بيفرض عليا
شخصيته لان دي حقيقي الشخصيه الاقرب لقلبي

فاهمني يا ادهم.
ادهم...بحب فاهمك يا قلب أدهم

عهد...عارف يا ادهم يمكن من بعد ما سافرت

مخرجتش ولا مره لوحدي ولو كنت بخرج كان بيبقي مع مامي مع طنط رقيه وانكل حسن وعلي قد
ما الاماكن كانت بتبقي جميله بس

مكنتش ببقي مبسوطه انهارده بس حاسه ان
روحي رجعتلي يا ادهم
مسك ادهم ايدها قربها من شفايفه بحب..
من انهارده مش هسيبك لحظه يا قلب ادهم
ومش عايز اشوفك غير مبسوطه وبس أتفقنا.
عهد...اتفقنا..
..............................
في منزل عهد ..
كانت سهام ماسكه الشنطه اللي جابها أدهم
بتتفرج علي الهدايا وهي مبسوطه وفجأه رن جرس
الباب.
راحت سهام تفتح الباب
سهام...ايوه جايه اهو.
فتحت الباب ..
سهام...ايه ده ساره ايه المفجأه الحلوه دي تعالي
يا حبيبتي اتفضلي
ساره...اهلا يا طنط سهام.
سهام...اهلا بيكي حبيبتي ادخلي تعالي

دخلت ساره اعدت وبصت بحقد علي الهدايا اللي علي التربيزه
ساره...حلو ذوق أدهم!!
سهام...بحب طول عمره ذوقه حلو حبيبي ربنا يسعد
قلبه يارب
ساره...امين.
سهام...تشربي ايه يا ساره متتخيليش مبسوطه
قد ايه انك جيتي انهارده تقريبا كده انتي
مبتجيش خالص هنا

ساره.....ميرسي يا طنط وعموما تعالي أعدي انا مش عايزه اشرب حاجه انا جايه أقولك كلمتين و همشي
علي طول

راحت سهام أعدت قدامها بقلق خير يا ساره خير
يا حبيبتي انتي زعلانه انتي وادم ولا ايه.

ساره...لا لا خالص الموضوع اللي جايه أكلمك فيه
ميخصش أدم خالص.
سهام....طيب أتكلمي قلقتيني.

ساره... أيه رأيك في ادهم يا طنط..؟؟
سهام...من ناحيه ايه..؟؟
ساره...يعني من ناحيه انه راجل وقريب اوي هيكون عريس .

سهام ....يابخت اللي عينه هتقع عليها....
أدهم راجل ومفيش في حنيه قلبه عنده كمية
حب تكفي العالم كله
ساره...معني كده انك ممكن توافقي.؟؟
سهام..بعدم فهم اوافق عليه انا مش فاهمه؟؟

ساره...يعني لو ادهم اتقدم لعهد هتوافقي.؟؟

سهام...بضحك ادهم طول عمره بيعامل عهد علي

انها اخته دي يوم ما اتولدت صمم انه يشيلها ومن

يومها وهو مش بيفارقها ابدا....بس لو بنتي

ممكن يتقدملها عريس زي ادهم اكيد هوافق
من غير تفكير
ساره...عريس زيه ولا ممكن هو

سهام...والله حتي لو ادهم اكيد مش هعترض

بالعكس هبقي اسعد ام فالدنيا بس هما اخوات

يا ساره وبعدين انا مش فاهمه ليه كل أسئلتك دي
ساره....هتعرفي بس قبل ما اقولك عايزه بس
اعرفك ان عهد وادهم مش أخوات و عمرهم
ما كانوا أخوات.
سهام...عارفه انهم مش اخوات ولا حتي راضعين
علي بعض ادهم اكبر من عهد بتسع سنين بس
اقصد اقول انهم زي الاخوات
ساره...ولا دي كمان.بصي عشان اختصر الوقت
عايزاكي تسمعيني كويس وتنفذي اللي هقولك عليه وده في مصلحه بنتك لو خايفه علي مصلحتها
استغربت سهام من الطريقه اللي بتتكلم بيها
وبصتلها بصدمه
ساره...ابعدي عهد عن أدهم .
سهام .....انتي بتقولي ايه
ساره...اللي انتي سمعاه بنتك وادهم بيستغفلوا

الكل وبيحبوا بعض ومن زمان كمان مفهمين الكل

انهم مجرد أخوات ومن وراكم الله اعلم بيعملوا ايه
قامت سهام وقفت وهي متعصبه.
سهام..اخرسي قطع لسانك ولسان اي حد يتكلم
علي بنتي بنتي دي تاج علي راس الكل بنتي دي اللي

بيشوفها بيقول عليها ملاك شكلاً وطباعاً
و حتي لو بيحبوا بعض ياساره انا عمري ما

هرفض الحب اللي بينهم عمري ما هرفض ادهم ده هيبقي أسعد يوم في حياتي
ساره...أقعدي بس و متتعصبيش اوي وفتحت

الموبايل بصي كده عالصوره دي....
طبعا قصت ساره من الفديو اللي مش عيزاه وركزت
علي الجزء اللي شبكت فيه السلسه في شعر عهد
وخدت منه صور.. وظهرت الصوره كأنها في وضع
حميمي
اتصدمت سهام من الصوره و جسمها وقع عالكرسي
ساره ..الصوره دي معايا منها ڤديو كمان وفي
اعتراف صريح بحبهم لبعض
سهام...مستحيل ولا بنتي تعمل كده ولا ادهم
يخون ثقتي فيه
الصور دي مش حقيقيه في حاجه غلط.

ساره...تمام لحد بقي ما تثبتي الصح ده صور بنتك
هتكون انتشرت في كل مكان وأولهم ڤيلا الشامي.

سهام...لا يا ساره ابوس ايدك بلاش انا معنديش

في الدنيا دي غير عهد طول عمري محافظه

علي سمعتها وبرائتها اللي الدنيا كلها بتحسدها
عليهم.

ساره....يبقي تبعديهم عن بعض والاحسن انك

تحاولي
ما تجيش كتير هناك واظن كمان انتي بقيتي شايفه

الوضع اللي بقيتوا فيه تقريبا كده انتوا متملكوش

غير الڤيلا اللي انتوا أعدين فيها دي واظن ان انكل

حسن سد عنكم ديون متتعدش وبقيتوا ولا حاجه
واظن محدش في عيله الشامي هيوافق علي
نسبكم
هما بالكتير اخرهم معاكم شفقه إحسان صداقه

قديمه بينك وبين طنط رقيه لكن نسب مستحيل.

سهام...بدموع انتي بتعملي كل ده ليه هتستفادي
ايه لو خايفه علي الورث أدهم لو مش هيتجوز
بنتي هيتجوز غيرها

ساره...مش موضوع ورث انتي فاهمه غلط ومعنديش مشكله يتجوز من اي واحده لكن ميتجوزش بنتك

سهام...ليه ليه؟؟
ساره....بعصبيه عشان بيحبهاااا عشان قلبه اختارها

لازم يجرب انه يعيش مع واحده بالاجبار واحده

مجرد زوجه وبس لازم يجرب التعاسه والوجع
والحزن زي ما خلاني جربتهم زمان

حبيته من كل قلبي قبل ما اتجوز اخوه.

سهام...بصدمه أنتي بتقولي ايه.؟؟

ساره...ايوه حبيته و اديته كل ذره حب جوايا مبقاش

عندي حاجه اديها لأي حد غيره لكن رفضني

رفض الحب ده عشان خاطر بنتك وانا لاخر يوم
في عمري مش هسيب ادهم يحب

و يتجوز لازم اخليه يجرب سواد الحياه لازم اخليه

يجرب يعيش مع واحده مش طايق نفسها جمبه..

انما حب مستحيل لو خايفه علي بنتك ارفضي
وألا قسمآ بالله وحيات كل وجع جوه قلبي لا
هدمر بنتك اللي فَضلها عليا

ولو الكلام ده طلع لأي حد هكدبك وساعتها

هتبقي فرصه اخد بتاري من بنتك...

و هطلع صور ها للكل وهقولهم أنك قولتي

الكلام ده عشان انا عرفت ان بنتها بتستغفلها.

فهمتيني..
حتي عهد متعرفش السبب ارفضي وبس مفهوم


ادهم هيطلب عهد منك ارفضي اظن الرساله
وصلت واتمني ماشوفش حد فيكم هناك كتير
وإلا بنتك اللي بتتباهي بيها دي محدش يبص في
وشها واخرها تتجوز واحد فقير

سهام...بدموع ادهم مش هيتجوز عهد...
وعهـد عليا يا ساره اني هجوز بنتي احسن واحد في
الدنيا وساعتها هعرفك ان بنتي لا هاتتجوز
شفقه ولا إحسان
ساره...اتمني ان شالله تتجوز احسن واحد في مصر
ادهم لا ...
خرجت بسرعه من الڤيلا
وأعدت سهام وهي منهاره من العياط
بتدعي ربنا يحفظ عهد