الفصل الأول
تعاهدنا أن لا نفترق و أن نبقي سوياً...تعاهدنا أن نتقاسم الحياه...تعاهدنا أن تظل أرواحنا معلقه ببعضها
فما أصعب الحب عندما يُقرن بعهد قاسي .
وما أصعب العهد عندما يتحقق أمام عينيك.
فهذا العهد كان عَهدهُ لي..!!
حينما عاهدني بذاك العهد كُنت أشعر بلذته وأتذوق شهد
الحياه من وَقع كلماته..وأرتوي بماء الحب الذي لا أظمأ بعده أبدآ
ولكن..!!
لا أعلم أن هذا العهد سيحول حياتي إلي بحرٍ من العذاب
و أن السُهاد سيعرف طريقه إلي قلبي..بل ويجعله وطن.
.........
في ليله شديده البرودة وسط نزول المطر والرياح العَتيه.
وقفت تنظر من الشُرفه أنفاسها تضرب الزجاج بقوه لترسم صوره من الضباب الذي ينبعث من داخلها.
دموعها الغزيره علي وجهها تعادل قوة نزول المطر في الخارج.
اليوم هو الذكرى السابعه علي ذاك العهد..الذي حول حياتها إلي ظلام دامس.
كابوس لا تقوي علي الإستيقاظ منه.
نظرت من بعيد على تلك البوابه اللعينه التي كانت شاهده على تنفيذ العهد وفي يدها ورقه شجر منقوشه ببعض الكلمات التي كلما قرأت ماتحمله من معاني ينقسم قلبها ويتحول الي فُتات شردت وتذكرت تلك الذكري التى لا تموت بداخلها منذ سبع أعوام مضت..
فلاش باك....
..............................................
بعد سفر دام ثلاث أعوام أجتمع كل من في المنزل لإستقبال
أدم بفرحه وسعاده
وهاهي تقف عينيها علي ذلك المدخل الضخم حتي تنعم برؤيته تقف بضربات قلب عنيفه ..لقاء طال انتظاره بمن سكن القلب والروح وها هو يطل عليهم جميعاً..صاحب الإطلالة الأفضل علي الإطلاق.
أنه أدهم..
رقيه والدته ...أدهم حبيب روحي
جري عليها ادهم في شوق وضمها بداخل أحضانه.
أدهم...يااااااه يا أمي وحشتيني يا أمي اوي وحشني حضنك
قبلت رقيه كل انش في وجهه بدموع شوق أنت اللي وحشتني يا أبن عمري
بدأ أدهم يصافح بشوق كل الموجودين في إنتظاره
قرب منه والده ضمه بسعاده وحب.
حسن.....وحشتني يا ادهم كنت خايف أموت قبل ما ترجع
أدهم...بعد الشر عنك يا حبيبي ربنا يديك الصحه
أقترب منه أخوه أدم في سعاده.
أدم....سيبولي فرصه أسلم علي أخويا
أدهم ...بشوق قري منه تلاقت أحضانهم بشوق رتبوا علي ظهر بعضهما بقوه تعبيرآ عن الأشتياق
أدهم...وحشتني اوي يا أدم
أدم...مش أكتر مني كنت مفتقدك جداً يا أدهم
ادهم...و أديني رجعتلك أهو وأعد علي قلبك
أدم...بأبتسامه يارب ديما.
إقتربت منه ساره زوجه أخيه تصافحه وعيونها معلقه به .
نعم كانت تعشقه من قبل زواجها بأخيه أدم وتزوجت أدم بعد رفض أدهم لها ...وكان أدم مهووس بها حد اللعنه يعشق كل تفاصيلها ولكن هي لم تراه يوماً حبيباً لم تري غير أدهم وهو كان يعلم هذا ولكن من البدايه قلبه أوقع ألاختيار علي من ملكت روحه وعقله و كيانه.
بدأ أدهم يسلم علي خالته وجميع اقاربه الموجودين و أبتسم عندما نظر لسهام.
ادهم.....طنط سهام وحشتيني
سهام...أنت اللي وحشتني يا حبيبي حمدالله علي سلامتك
أدهم...الله يسلمك ..
وألتفت أدهم بعينه علي من أشتاق قلبه إليها مد يده بهدوء قاتل ونظرات كالسِهام تقذف عشقاً
أدهم....أزيك يا عهد
عهد...بيد مُرتعشه مدت يدها ..ولو كان القلب يتكلم لقال بأعلي
صوت.....إشتقت إليك
عهد....الحمد لله يا أدهم حمد الله علي سلامتك
أدهم....بعشق الله يسلمك
قطعت هذه اللحظه رقيه...وحشتني يا حبيبي
أدهم....أنتي وحشتيني أكتر يا أمي ...بس أيه المفجأه الحلوه
دي ما كنتش أعرف اني هاجي ألاقي كل الحبايب موجودين.
رقيه....حبيت أعملهالك مفجأه كلمت خالتك وسهام اللي ما صدقت اول ما قولتلها أنك جاي.
سهام....إن ما كنتش أجى لأدهم يا رقيه أجى لمين بس.
يمكن أنا وأنتي صحاب وعشرة عمر من وأحنا صغيرين و مقدرش أتخيل حياتي من غيرك ...بس مقدرش أنكر ابداً ان لما جه أدهم للدنيا قوي علاقتي بيكي أكتر أدهم يمكن مش أبني بس هو واخد نص قلبي..
أدهم...بأبتسامه والنص التاني لمين أن شاء الله يا ست سوسو
إلتفتت سهام لابنتها..وقالت بحب لعهد طبعاً
من يوم ما عادل أتوفا و مبقاش ليا غيرها
رقيه...واحنا روحنا فين يا ست سهام
سهام....أنتو عيلتي وأهلي اللي مقدرش أستغنى عنهم أبداً
والسند اللي هيكون لعهد لو جرالي حاجه.
رقيه...بعد الشر متقوليش كده ان شاء الله تشوفيها عروسه و تفرحي بيها و تشوفي ولاد ولادها كمان ايوه امال ايه أحنا هانسيبهم لا أحنا مِطولين معاهم
ضحك الجميع علي جمله رقيه
ساره....بملل طب أيه مش يلا بقي عشان العشاء..
رقيه...عندك حق يلا نحضر الأكل أدهم أكيد واقع من الجوع
أدهم...أنا جعان فعلا أوي بس واحشني أكتر أكلك يا ست الكل.
رقيه....حالاً يكون جاهز ياحبيبي.
سهام...خديني معاكي أساعدك
رقيه...يلا يا سوسو.
.......................................
ساره...بحقد نظرت لعهد
أيه يا أدهم سافرت وقولت عدولى يعني عجبتك القاعده بره ولا أيه
أدهم.. أبداً والله شغل يا ساره
أدم...بضحك شغل برضوا ولا البنات هناك حلوين.
ضحك أدهم....هتفضل طول عمرك رخم
أدم...لا بقولك أيه أحترمنى شويه مش بس عشان انا أخوك الكبير لا عشان أنا هبقي أب أخيراً.
أدهم...بفرحه أيه ده معقول مبروك يا ادم..مبروك يا ساره
ادم...الله يبارك فيك عقبالك يا ادهم
ساره...تبقي بتحلم أدهم بيحب يكون حر ملهوش في الجواز والتقيد مش كده يا أدهم
بصلها أدهم ثواني وبعدين أبتسم.. أنا هقوم شكلك علمت مراتك الرخامه.
أدم ...بضحك طبعاً من عاشر القوم
أدهم.....لعهد .....عهد تعالي لحظه عايزك والمره نبعد عن الرخمين دول.
أدم....بضحك هي بقت كده ماشي.
أبتسمت ساره إبتسامة شر وحقد
........................................
أدهم....وحشتيني أوي يا أحلي عهد
عهد...أنت اللي وحشتني اوي يا أدهم
أدهم....بأبتسامه كان نفسي أخدك في حضني أول ما شوفتك لكن مقدرتش بس خلاص أنا مش ناوي أبعد أكتر من كده
عهد...تقصد أيه؟
أدهم....هتكلم مع سهام ومع كل اللي فالبيت مش هينفع نفضل طول العمر بنتعامل علي اننا أخوات مش هينفع أستنى تاني أنا رجعت خلاص ومش ناوي أرجع للسفر تاني لازم أتكلم مع سهام و أعرفها أني بحبك ومش عايز حاجه من الدنيا غيرك
و هنيجي نطلب ايدك.
عهد...بفرحه بجد يا أدهم.
أدهم...طبعاً بجد أنتي كان عندك شك أن دي متبقاش نهايه حبنا ولا أيه؟
انتي بتاعتي يا عهد من يوم عينك ما فتحت عالدنيا.
كبرت وبقي عندي عشر سنين وأنتي أتولدتي علي أيدي فتحتي عيونك علي ايدي كبرتي و مشيتي و ايدي مِسنداكي
ومستحيل أسيبك تكوني لأي حد غيري .
عهد...عاهدني يا أدهم مَتبعدش عني تاني وتسافر
أدهم....من غير عهد يا أحلي عهد أنا سفر تاني مفيش سفر خلاص ولو علي العهد أوعدك اني مش هسيبك لحظه من بعد ما رجعت.
عهد...تفتكر هايوافقوا علي جوازنا يا أدهم.
أدهم...وليه يرفضوا ؟ هي مش دي حياتنا؟
عهد...انت عارف يا أدهم أن بابا لما كان عايش خسر فلوس كتير في شغله وفضل مديون سنين كتير حتي بعد ما أتوفي فضلت الديون عليه وعمو حسن هو اللي سد كل ديونه...وبعدها يا ادهم انتوا حياتكم راحت في حته تانيه واحنا في حته تانيه خالص انت مش ملاحظ الفرق اللي بقي بينا بقي عامل أزاي.
أدهم...لا يا عهد مش شايف ولا عايز أشوف بطريقتك دي انا مش شايف غير أني بحبك وبس. وبعدين انتي مش عارفه كلهم هنا بيحبوكم قد أيه
عهد....أول مره أحس اني خايفه يا أدهم اول مره احس اني مش مطمنه كل مره كنت بتقولي انك هتفاتحهم كنت برفض يمكن المرادي انا عيزاك تقولهم عشان خلاص مش قادره أعيش من غيرك بس كمان خايفه جداً حاسه أن في حاجه هتحصل أنا مش عايزه من الدنيا دي غيرك مش عايزه غير أني أكون ليك انت وبس يا أدهم
أدهم...بأبتسامه أولا كده أوعى تخافي طول ما انا جمبك دي أخر مره اسمعك تقولي انك خايفه و ادهم سندك في دنيا زي ما كنتي ديما بتقوليها.
ثانيا بقي وده الاهم.
أوعدك أنك مش هتكوني لأي حد غيري ولو حصل يا ستي يبقي لازم نرجع لعادتنا القديمه.
عهد...بابتسامه عادت أيه؟
أدهم...انتي نسيتي ولا ايه ؟ لو نسيتي يبقي انتي لازم تروحي وتفتحي الدولاب بتاعك وتطلعي منه ورق الشجر اللي مالي دولابك وتفتكري ايه هي عادتنا.
ابتسمت عهد وسكت
ادهم...أوعي تكوني رَمتيهم دي ذكريات بينا مينفعش تترمي
عهد...بحب مقدرش يا ادهم أرميهم أزاي افرط في كل ذكري كانت لينا مع بعض طب دول هما اللي كانوا مهونين عليا غربتي من غيرك..
أدهم...بحب مهونين عليكي غربتك ولا غربتي؟
عهد...بتأثر وعيون بتلمع من الدموع ...غربتي ...حياتي من غيرك غربه يا ادهم يمكن انت كنت متغرب لوحدك في بلد غريبه...وانا كنت وسط ناسنا واهلنا وفي بلدي بس من غيرك وفي وسط كل دول كنت حاسه بالغربه حاسه اني في مكان فاضي مفيش فيه اي حد.
رفع ادهم كفها بين ايديه قبلهم بحب
واستمرت عهد في الكلام ..فاكره اول مره خرجت معاك فيها واعترفتلي بحبك واعترفتلك بحبي يومها كنت عايز تعاهدني أنك هتفضل طول العمر تحبني واني مش هكون غير ليك وقتها كنت عايز تكتبلي الكلام ده عشان يفضل معايا مكانش معاك وقتها غير قلم فضلت تدور علي ورقه ملاقتش لاقيتك شديت ورقه شجر وأنت بتضحك وكتبتلي عليها خدت منك ورقه الشجر وكنت طايره بيها بعد كده بقت عاده كل ما توعدني بحاجه تكتبها علي ورقه شجر عشان تكون حاجه متوثقه بكلامك ويكون دليل يثبت انك وعدتني لو خالفت وعدك..
يمكن بقي معايا ورق شجر مبقتش عارفه عدده. بس عمرك يا ادهم ما كتبت ورقه و منفذتش العهد اللي فيها.كنت لما تنفذ عهد تكتب علي ضهر الورقه تم تنفيذ العهد ❣️ وتمضي عليها عشان تثبتلي انك كنت قد العهد يا ادهم ...
وحشني عهدك ليا يا أدهم وحشني ورق الشجر اللي ما زادتش
من يوم ما سافرت..
أدهم...بأبتسامه حب وعشان الكلام الحلو ده أنا لازم اعاهدك بحاجه مهمه اوي
عهد...ايه هي؟
بصلها ادهم وضحك استني بس عشان أوثق العهد ده طلع قلم من جيبه وفضل يتلفت مكانه و كالعاده سحب ورقه شجر
ضحكت عهد بحب وكأنها اشتاقت للمشهد الأقرب لقلبها.
بتعمل ايه يا مجنون
أدهم...يوثق العهد المهم اللي هقوله ولو في يوم خلفت العهد تعالي و معاكي ورقه الشجر و قوليلي انت مش قد كلامك
مسك أدهم ورقه الشجر حطها بين ايدها و بصلها في عينها
وبدأ يكتب .
أدهم...بعاهِدك يا أجمل عهد تفضلي حبيبتي وبنتي واهم حد في حياتي بعاهدك ان جوازي منك هيكون في اقرب وقت و هجيب منك ولاد كتير... ولو حصل غير كده و في يوم بقيتي مكتوبه علي أسم راجل تاني غيري يا عهد هاجي لحد بيتك يوم فرحك و هموت قدام بابك عشان تكوني انتي أخر حاجه شافتها عنيا..
وكمل كلامه بضحك...واهو بالمره أبوظلك الجوازه.
عهد...بابتسامه بعد الشر عليك اوعي تقول كده تاني انا لو مش ليك مش هبقي لغيرك يا أدهم.
أدهم...بحب طب يلا أمسكي الورقه خليها معاكي حطيها مع باقي الورق لحد ما يجي اليوم اللي هكتبلك علي ضهرها تم تنفيذ العهد ده في حاله لو بقيتي في بيتي ولو مقدرتش اكيد هيبقي النص التاني من العهد أتحقق و مبقتش موجود ساعتها انا بوصيكي يا عهد تكتبي بأيدك تم تنفيذ العهد..
ويلا لفي بقي كده شويه خليني ألبسك السلسله وطلع أدهم من جيبه سلسله من الذهب الأبيض مكتوب عليها عهد الأدهم.
عهد...بانبهار الله ايه دي يا ادهم حلوه اوي
أدهم...انا عملتهالك مخصوص مش عايزها تفارقك أبداً واول ما هاجي أتقدملك رسمي مش عايزها تتشال من رقبتك أوعديني
عهد...أوعدك...بس الوقت هلبسها أزاي قدامهم
ادهم...هشوفها عليكي وبعدين شليها في شنطتك.
عهد...شكلها حلو بجد
أدهم...هتبقي أحلي لما تلبسيها.
لفت عهد عشان يلبسها السلسله شبكت في شعرها الطويل
عهد...بضحك انت بتلبسهالي ولا بتقطع شعري
أدهم...بضحك معلش بقي انا مبعرفش في الحجات دي ..
حاول كتير يبعد شعرها ماكانش عارف قرب منها اكتر عشان يبعد السلسله بسرعه بأي طريقه قبل ما ينادوا عليهم عشان العشاء وسط ضحكهم الهستيري نسيوا الدنيا من حواليهم سرقوا منها أجمل لحظات أفتقدوها..و غفلوا تماما عن اللي كانت موجوده من البدايه والحقد والكرهه بيتآكل فيها وهي واقفه تصورهم وهما قريبين من بعض جدآ ...أبتسمت ساره أبتسامه حقد ودخلت بسرعه بمجرد ما أنتهي أدهم من أبعاد السلسله عن شعر عهد...و سماعها لنداء رقيه عشان العشاء..
......................
ألتف الجميع حول مائده الطعام الأبتسامه لم تفارق احد
سعادتهم برجوع أدهم ملأت المكان...ولكن ساره نظراتها كانت مصوبه علي تلك البريئه التي لم تقترف اي ذنب سوا أنها أحبت
وقلبها تعلق بقلب لم يرى او يعشق غيرها..
بدأ الجميع في تناول الطعام ولكن والدته وعهد أكتفوا بالنظر إليه والابتسامه مرسومه علي وجوههم.
لاحظ أدهم عدم أهتمام عهد بالاكل فقط تنظر إليه في سعاده غير مصدقه انه امامها..ولاحظ ايضا أبتسامه والدته
نظر أدهم الي عهد ووجهه الكلام ألي والدته لعلها تدرك رسالته وتبدأ في تناول طعامها .
أدهم...أيه ياست الكل هو انا وحشتك اوي كده لدرجه أنك سايبه الاكل ومركزه معايا.
ابتسمت عهد و نظرت للصحن الذي أمامها...وادرك أدهم انها استقبلت رسالته.
رقيه .....انت بتقول فيها يا ادهم من وقت ما شوفتك يا حبيبي وانا حاسه اني شبعانه مش عايزه أعمل أي حاجه غير اني افضل بصالك وبس مش مصدقه أنك قاعد قدامي وبتاكل يا أدهم
قبل أدهم كفها بحب ربنا يخليكي ليا يا ست الكل.
حسن....لا كده انا هغير يا سي أدهم انت هتيجي تاكل الجو ولا ايه.
ضحك الجميع علي جملته.
ادهم....انا اقدر برضو انت الخير والبركه
حسن...ربنا يخليك لينا يا حبيبي و مانتفرقش تاني أبدا.
الجميع....اللهم أمين.
أدم...مش ناوي بقي تفرحنا يا أدهم و تتجوز
رفعت عهد عينها سريعا صوبته باتجاه ادهم الذي بادلها نفس النظره.
أدهم...بأبتسامه ان شاء الله يا ادم قريب اوي
رقيه...بفرحه بجد والنبي يا ادهم
أدهم...بجد يا قلب أدهم انتي بس ادعيلي وان شاء الله هفرحك قريب
رقيه...طيب قولي مين اعرفها شوفتها قبل كده ولا أتعرفت عليها وانت مسافر.
حسن....طيب سبيله فرصه ايه الأسئله دي كلها.
نفسي أفرح بيه يا حسن.
ادهم....صدقيني هقولك كل حاجه في الوقت المناسب بس محتاج كام يوم كده ارتاح واظبط حجات كتير وهعرفكم كلكم عشان نروح نطلبها. وهفرحك يا ست الكل
رقيه...ان شاء الله ياحبيبي
أشتعلت ساره من كلماته ولكن كالعاده أن تعكر صفو مجلسهم
ساره...يلا خلي الفرحه تبقي فرحتين
ادهم....ربنا يقومك بالسلامه ياساره ان شاء الله.
ساره...يارب يا أدهم ..بس انا مقصدش البيبي انا أقصد عهد ما هي كمان جايلها عريس
بسرعه ألتفت ادهم إليها وغضب الدنيا في عينيه دون اي كلمه.
رقيه...ايوه صحيح دي عهد متقدملها عريس كويس اوي هيجي امته يا سهام عشان المرادي ادهم هيكون معانا واحنا بنلبس الشبكه ده اخوها الكبير.
بصتله عهد برهبه ونظرات عينه بتتوسل له أن يهدأ
سهام...مش لما العروسه تديني كلمه الاول لسه مغلباني
حسن...ليه بس يا عهد العريس اللي متقدملك كويس انا اعرف اهله كلهم ناس محترمه ورجال اعمال ليهم وزنهم وسمعتهم.
عهد...اخيرا أتكلمت وقدرت بصعوبه صوتها يطلع..مش عايزه يا عمو حسن
حسن...ليه بس
رقيه...ليه ياعهد انتي عارفه كام عريس ترفضيه لحد الوقت
سهام...قوليلها يا رقيه احسن تعبتني بجد ولما بكلمها بتزعل مني
عهد...يا مامي انا مش حابه ارتبط بالطريقه دي هو حضرتك زهقتي مني ولا ايه
سهام....انا ازهق منك يا عهد طب انا لو عليا افضل مخلياكي العمر كله جمبي بس كمان نفسي أفرح بيكي زي أي ام نفسي اشوفك عروسه نفسي أطمن عليكي عشان لو جرالي حاجه مبقاش شايله همك.
عهد...بعد الشر عليكي يا مامي متقوليش كده بس كمان عشان خاطري سبيني براحتي.
سهام...طب والعريس ده اقوله ايه أحضرنا يا أدهم.
بلع أدهم ريقه بصعوبه وعيونه احمرت من شدت الغضب والغيره...انا رأيي تسبيها تختار او تحس من جواها انها موافقه عالارتباط ده.
سهام....امري لله عموما فكري يا عهد
حسن...انا المفروض هديهم كلمه بعد بكره يا عهد راجعي نفسك كويس قبل ما اقولهم عن رأيك الاخير.
هزت عهد راسها في صمت وبسرعه بعدت عينها عن هذا الذي يشع غضبا.
أنتهي الطعام و بعد وقت بسيط أستأذنت سهام
رقيه...ما تخليكي شويه يا سهام
سهام....كفايه بقي كده عشان ترتاحوا وادهم كمان يرتاح هو اكيد جاي من السفر تعبان
ادم....طيب استني هوصلك
سهام...توصلني ايه بس ده البيت جمب البيت هي كام خطوه.
أدهم...الوقت أتأخر خليك يا ادم انا هوصلهم
خرج ادهم وهو ماسك سهام في ايده وعهد ماشيه جمب سهام ساكته تماما. بتسمع كلام ادهم ووالدتها في صمت
سهام....مش كنت طلعت ترتاح يا ادهم
ادهم...اين يا سوسو مش عيزاني اوصلك ولا ايه
سهام...عيزاك ترتاح
ادهم...هوصلكم وارجع علي طول يا حبيبي.
سهام...ماشي يا حبيبي.
بعد وقت بسيط سلم عليهم أدهم وسابهم و رجع عالڤيلا تاني وطلع علي غرفته التي اشتاق اليها ..
ولكن بكل غضب وأستناها تكلمه..
فضل اعد في مكان نصف ساعه يهز رجله
واخيرا رن موبايله.
فتح الخط وفضل ساكت
عهد...انا عارفه انك مضايق وجداً كمان بس كنت عايزني اقولك ايه..في عريس متقدملي وأشغل دماغك
أدهم...بغضب خبيتي عليا ليه ياعهد.
عهد...محبتش اضايقك يا ادهم ولا اشيلك هم التفكير وانت مسافر انا كنت بتصرف و برفض بطريقتي .
أدهم....وانتي مالك افكر ولا اشيل الهم ولا حتي اضايق المهم انك متخبيش عليا.
سمع صوت شهقاتها .
ادهم....بطلي عياط انا اسف عهد حبيبتي حقك عليا والله ما اقصد بس كمان حطي نفسك مكاني.
عهد...وانا مش زعلانه منك
أدهم...امال ايه الدموع دي..صدقيني مقصدش أتعصب عليكي بس اول ما سمعت الكلام ده محستش بنفسي.
عهد...صدقني خفت عليك من العصبيه دي وانت لوحدك ومحبتش اشغلك لكن مقصدتش أخبي عليك لان الموضوع مكانش شاغلني .
ادهم...طيب بطلي عياط بقي عشان خاطري
عهد....حاضر
ادهم...بحبك
عهد...بابتسامه وانا كمان بحبك
أدهم....بقولك ايه بكره عندي كام مشوار لازم اعملهو عايزك تيجي معايا.
عهد...حاضر هقول لمامي
أدهم...ماشي ياقلبي
عهد...يلا روح نام انت اكيد تعبان اوي
ادهم...انام وانتي زعلانه كده
عهد...بس انا مش زعلانه عشان مقدرش ازعل منك يا ادهم.
أدهم...بحب بقولك ايه بكره لما نرجع من مشوارنا
هاجي معاكي لسوسو واتكلم معاها.
عهد...ايوه بس..
قاطعها ادهم مفيش بس لازم ننهي موضوع العريس ده خالص وننهي موضوع اي عريس يتقدملك مفهوم
عهد...بسعاده مفهوم
ادهم...يلا روحي نامي عشان هعدي عليكي عالظهر كده ان شاء الله نروح مشوارنا سوا.
عهد...حاضر يا حبيبي تصبح علي خير
ادهم....وانتي من أهلي يا اجمل عهد فالدنيا.
قفلت عهد وهي طايره من السعاده حلمها علي
وشك التحقيق وتنفيذ عهد أدهم في نهايته للتوثيق.
ولكن...لا يعلموا أن بدايه تحقيق العهد هي بدايه
الوجع..
فما أصعب الحب عندما يُقرن بعهد قاسي .
وما أصعب العهد عندما يتحقق أمام عينيك.
فهذا العهد كان عَهدهُ لي..!!
حينما عاهدني بذاك العهد كُنت أشعر بلذته وأتذوق شهد
الحياه من وَقع كلماته..وأرتوي بماء الحب الذي لا أظمأ بعده أبدآ
ولكن..!!
لا أعلم أن هذا العهد سيحول حياتي إلي بحرٍ من العذاب
و أن السُهاد سيعرف طريقه إلي قلبي..بل ويجعله وطن.
.........
في ليله شديده البرودة وسط نزول المطر والرياح العَتيه.
وقفت تنظر من الشُرفه أنفاسها تضرب الزجاج بقوه لترسم صوره من الضباب الذي ينبعث من داخلها.
دموعها الغزيره علي وجهها تعادل قوة نزول المطر في الخارج.
اليوم هو الذكرى السابعه علي ذاك العهد..الذي حول حياتها إلي ظلام دامس.
كابوس لا تقوي علي الإستيقاظ منه.
نظرت من بعيد على تلك البوابه اللعينه التي كانت شاهده على تنفيذ العهد وفي يدها ورقه شجر منقوشه ببعض الكلمات التي كلما قرأت ماتحمله من معاني ينقسم قلبها ويتحول الي فُتات شردت وتذكرت تلك الذكري التى لا تموت بداخلها منذ سبع أعوام مضت..
فلاش باك....
..............................................
بعد سفر دام ثلاث أعوام أجتمع كل من في المنزل لإستقبال
أدم بفرحه وسعاده
وهاهي تقف عينيها علي ذلك المدخل الضخم حتي تنعم برؤيته تقف بضربات قلب عنيفه ..لقاء طال انتظاره بمن سكن القلب والروح وها هو يطل عليهم جميعاً..صاحب الإطلالة الأفضل علي الإطلاق.
أنه أدهم..
رقيه والدته ...أدهم حبيب روحي
جري عليها ادهم في شوق وضمها بداخل أحضانه.
أدهم...يااااااه يا أمي وحشتيني يا أمي اوي وحشني حضنك
قبلت رقيه كل انش في وجهه بدموع شوق أنت اللي وحشتني يا أبن عمري
بدأ أدهم يصافح بشوق كل الموجودين في إنتظاره
قرب منه والده ضمه بسعاده وحب.
حسن.....وحشتني يا ادهم كنت خايف أموت قبل ما ترجع
أدهم...بعد الشر عنك يا حبيبي ربنا يديك الصحه
أقترب منه أخوه أدم في سعاده.
أدم....سيبولي فرصه أسلم علي أخويا
أدهم ...بشوق قري منه تلاقت أحضانهم بشوق رتبوا علي ظهر بعضهما بقوه تعبيرآ عن الأشتياق
أدهم...وحشتني اوي يا أدم
أدم...مش أكتر مني كنت مفتقدك جداً يا أدهم
ادهم...و أديني رجعتلك أهو وأعد علي قلبك
أدم...بأبتسامه يارب ديما.
إقتربت منه ساره زوجه أخيه تصافحه وعيونها معلقه به .
نعم كانت تعشقه من قبل زواجها بأخيه أدم وتزوجت أدم بعد رفض أدهم لها ...وكان أدم مهووس بها حد اللعنه يعشق كل تفاصيلها ولكن هي لم تراه يوماً حبيباً لم تري غير أدهم وهو كان يعلم هذا ولكن من البدايه قلبه أوقع ألاختيار علي من ملكت روحه وعقله و كيانه.
بدأ أدهم يسلم علي خالته وجميع اقاربه الموجودين و أبتسم عندما نظر لسهام.
ادهم.....طنط سهام وحشتيني
سهام...أنت اللي وحشتني يا حبيبي حمدالله علي سلامتك
أدهم...الله يسلمك ..
وألتفت أدهم بعينه علي من أشتاق قلبه إليها مد يده بهدوء قاتل ونظرات كالسِهام تقذف عشقاً
أدهم....أزيك يا عهد
عهد...بيد مُرتعشه مدت يدها ..ولو كان القلب يتكلم لقال بأعلي
صوت.....إشتقت إليك
عهد....الحمد لله يا أدهم حمد الله علي سلامتك
أدهم....بعشق الله يسلمك
قطعت هذه اللحظه رقيه...وحشتني يا حبيبي
أدهم....أنتي وحشتيني أكتر يا أمي ...بس أيه المفجأه الحلوه
دي ما كنتش أعرف اني هاجي ألاقي كل الحبايب موجودين.
رقيه....حبيت أعملهالك مفجأه كلمت خالتك وسهام اللي ما صدقت اول ما قولتلها أنك جاي.
سهام....إن ما كنتش أجى لأدهم يا رقيه أجى لمين بس.
يمكن أنا وأنتي صحاب وعشرة عمر من وأحنا صغيرين و مقدرش أتخيل حياتي من غيرك ...بس مقدرش أنكر ابداً ان لما جه أدهم للدنيا قوي علاقتي بيكي أكتر أدهم يمكن مش أبني بس هو واخد نص قلبي..
أدهم...بأبتسامه والنص التاني لمين أن شاء الله يا ست سوسو
إلتفتت سهام لابنتها..وقالت بحب لعهد طبعاً
من يوم ما عادل أتوفا و مبقاش ليا غيرها
رقيه...واحنا روحنا فين يا ست سهام
سهام....أنتو عيلتي وأهلي اللي مقدرش أستغنى عنهم أبداً
والسند اللي هيكون لعهد لو جرالي حاجه.
رقيه...بعد الشر متقوليش كده ان شاء الله تشوفيها عروسه و تفرحي بيها و تشوفي ولاد ولادها كمان ايوه امال ايه أحنا هانسيبهم لا أحنا مِطولين معاهم
ضحك الجميع علي جمله رقيه
ساره....بملل طب أيه مش يلا بقي عشان العشاء..
رقيه...عندك حق يلا نحضر الأكل أدهم أكيد واقع من الجوع
أدهم...أنا جعان فعلا أوي بس واحشني أكتر أكلك يا ست الكل.
رقيه....حالاً يكون جاهز ياحبيبي.
سهام...خديني معاكي أساعدك
رقيه...يلا يا سوسو.
.......................................
ساره...بحقد نظرت لعهد
أيه يا أدهم سافرت وقولت عدولى يعني عجبتك القاعده بره ولا أيه
أدهم.. أبداً والله شغل يا ساره
أدم...بضحك شغل برضوا ولا البنات هناك حلوين.
ضحك أدهم....هتفضل طول عمرك رخم
أدم...لا بقولك أيه أحترمنى شويه مش بس عشان انا أخوك الكبير لا عشان أنا هبقي أب أخيراً.
أدهم...بفرحه أيه ده معقول مبروك يا ادم..مبروك يا ساره
ادم...الله يبارك فيك عقبالك يا ادهم
ساره...تبقي بتحلم أدهم بيحب يكون حر ملهوش في الجواز والتقيد مش كده يا أدهم
بصلها أدهم ثواني وبعدين أبتسم.. أنا هقوم شكلك علمت مراتك الرخامه.
أدم ...بضحك طبعاً من عاشر القوم
أدهم.....لعهد .....عهد تعالي لحظه عايزك والمره نبعد عن الرخمين دول.
أدم....بضحك هي بقت كده ماشي.
أبتسمت ساره إبتسامة شر وحقد
........................................
أدهم....وحشتيني أوي يا أحلي عهد
عهد...أنت اللي وحشتني اوي يا أدهم
أدهم....بأبتسامه كان نفسي أخدك في حضني أول ما شوفتك لكن مقدرتش بس خلاص أنا مش ناوي أبعد أكتر من كده
عهد...تقصد أيه؟
أدهم....هتكلم مع سهام ومع كل اللي فالبيت مش هينفع نفضل طول العمر بنتعامل علي اننا أخوات مش هينفع أستنى تاني أنا رجعت خلاص ومش ناوي أرجع للسفر تاني لازم أتكلم مع سهام و أعرفها أني بحبك ومش عايز حاجه من الدنيا غيرك
و هنيجي نطلب ايدك.
عهد...بفرحه بجد يا أدهم.
أدهم...طبعاً بجد أنتي كان عندك شك أن دي متبقاش نهايه حبنا ولا أيه؟
انتي بتاعتي يا عهد من يوم عينك ما فتحت عالدنيا.
كبرت وبقي عندي عشر سنين وأنتي أتولدتي علي أيدي فتحتي عيونك علي ايدي كبرتي و مشيتي و ايدي مِسنداكي
ومستحيل أسيبك تكوني لأي حد غيري .
عهد...عاهدني يا أدهم مَتبعدش عني تاني وتسافر
أدهم....من غير عهد يا أحلي عهد أنا سفر تاني مفيش سفر خلاص ولو علي العهد أوعدك اني مش هسيبك لحظه من بعد ما رجعت.
عهد...تفتكر هايوافقوا علي جوازنا يا أدهم.
أدهم...وليه يرفضوا ؟ هي مش دي حياتنا؟
عهد...انت عارف يا أدهم أن بابا لما كان عايش خسر فلوس كتير في شغله وفضل مديون سنين كتير حتي بعد ما أتوفي فضلت الديون عليه وعمو حسن هو اللي سد كل ديونه...وبعدها يا ادهم انتوا حياتكم راحت في حته تانيه واحنا في حته تانيه خالص انت مش ملاحظ الفرق اللي بقي بينا بقي عامل أزاي.
أدهم...لا يا عهد مش شايف ولا عايز أشوف بطريقتك دي انا مش شايف غير أني بحبك وبس. وبعدين انتي مش عارفه كلهم هنا بيحبوكم قد أيه
عهد....أول مره أحس اني خايفه يا أدهم اول مره احس اني مش مطمنه كل مره كنت بتقولي انك هتفاتحهم كنت برفض يمكن المرادي انا عيزاك تقولهم عشان خلاص مش قادره أعيش من غيرك بس كمان خايفه جداً حاسه أن في حاجه هتحصل أنا مش عايزه من الدنيا دي غيرك مش عايزه غير أني أكون ليك انت وبس يا أدهم
أدهم...بأبتسامه أولا كده أوعى تخافي طول ما انا جمبك دي أخر مره اسمعك تقولي انك خايفه و ادهم سندك في دنيا زي ما كنتي ديما بتقوليها.
ثانيا بقي وده الاهم.
أوعدك أنك مش هتكوني لأي حد غيري ولو حصل يا ستي يبقي لازم نرجع لعادتنا القديمه.
عهد...بابتسامه عادت أيه؟
أدهم...انتي نسيتي ولا ايه ؟ لو نسيتي يبقي انتي لازم تروحي وتفتحي الدولاب بتاعك وتطلعي منه ورق الشجر اللي مالي دولابك وتفتكري ايه هي عادتنا.
ابتسمت عهد وسكت
ادهم...أوعي تكوني رَمتيهم دي ذكريات بينا مينفعش تترمي
عهد...بحب مقدرش يا ادهم أرميهم أزاي افرط في كل ذكري كانت لينا مع بعض طب دول هما اللي كانوا مهونين عليا غربتي من غيرك..
أدهم...بحب مهونين عليكي غربتك ولا غربتي؟
عهد...بتأثر وعيون بتلمع من الدموع ...غربتي ...حياتي من غيرك غربه يا ادهم يمكن انت كنت متغرب لوحدك في بلد غريبه...وانا كنت وسط ناسنا واهلنا وفي بلدي بس من غيرك وفي وسط كل دول كنت حاسه بالغربه حاسه اني في مكان فاضي مفيش فيه اي حد.
رفع ادهم كفها بين ايديه قبلهم بحب
واستمرت عهد في الكلام ..فاكره اول مره خرجت معاك فيها واعترفتلي بحبك واعترفتلك بحبي يومها كنت عايز تعاهدني أنك هتفضل طول العمر تحبني واني مش هكون غير ليك وقتها كنت عايز تكتبلي الكلام ده عشان يفضل معايا مكانش معاك وقتها غير قلم فضلت تدور علي ورقه ملاقتش لاقيتك شديت ورقه شجر وأنت بتضحك وكتبتلي عليها خدت منك ورقه الشجر وكنت طايره بيها بعد كده بقت عاده كل ما توعدني بحاجه تكتبها علي ورقه شجر عشان تكون حاجه متوثقه بكلامك ويكون دليل يثبت انك وعدتني لو خالفت وعدك..
يمكن بقي معايا ورق شجر مبقتش عارفه عدده. بس عمرك يا ادهم ما كتبت ورقه و منفذتش العهد اللي فيها.كنت لما تنفذ عهد تكتب علي ضهر الورقه تم تنفيذ العهد ❣️ وتمضي عليها عشان تثبتلي انك كنت قد العهد يا ادهم ...
وحشني عهدك ليا يا أدهم وحشني ورق الشجر اللي ما زادتش
من يوم ما سافرت..
أدهم...بأبتسامه حب وعشان الكلام الحلو ده أنا لازم اعاهدك بحاجه مهمه اوي
عهد...ايه هي؟
بصلها ادهم وضحك استني بس عشان أوثق العهد ده طلع قلم من جيبه وفضل يتلفت مكانه و كالعاده سحب ورقه شجر
ضحكت عهد بحب وكأنها اشتاقت للمشهد الأقرب لقلبها.
بتعمل ايه يا مجنون
أدهم...يوثق العهد المهم اللي هقوله ولو في يوم خلفت العهد تعالي و معاكي ورقه الشجر و قوليلي انت مش قد كلامك
مسك أدهم ورقه الشجر حطها بين ايدها و بصلها في عينها
وبدأ يكتب .
أدهم...بعاهِدك يا أجمل عهد تفضلي حبيبتي وبنتي واهم حد في حياتي بعاهدك ان جوازي منك هيكون في اقرب وقت و هجيب منك ولاد كتير... ولو حصل غير كده و في يوم بقيتي مكتوبه علي أسم راجل تاني غيري يا عهد هاجي لحد بيتك يوم فرحك و هموت قدام بابك عشان تكوني انتي أخر حاجه شافتها عنيا..
وكمل كلامه بضحك...واهو بالمره أبوظلك الجوازه.
عهد...بابتسامه بعد الشر عليك اوعي تقول كده تاني انا لو مش ليك مش هبقي لغيرك يا أدهم.
أدهم...بحب طب يلا أمسكي الورقه خليها معاكي حطيها مع باقي الورق لحد ما يجي اليوم اللي هكتبلك علي ضهرها تم تنفيذ العهد ده في حاله لو بقيتي في بيتي ولو مقدرتش اكيد هيبقي النص التاني من العهد أتحقق و مبقتش موجود ساعتها انا بوصيكي يا عهد تكتبي بأيدك تم تنفيذ العهد..
ويلا لفي بقي كده شويه خليني ألبسك السلسله وطلع أدهم من جيبه سلسله من الذهب الأبيض مكتوب عليها عهد الأدهم.
عهد...بانبهار الله ايه دي يا ادهم حلوه اوي
أدهم...انا عملتهالك مخصوص مش عايزها تفارقك أبداً واول ما هاجي أتقدملك رسمي مش عايزها تتشال من رقبتك أوعديني
عهد...أوعدك...بس الوقت هلبسها أزاي قدامهم
ادهم...هشوفها عليكي وبعدين شليها في شنطتك.
عهد...شكلها حلو بجد
أدهم...هتبقي أحلي لما تلبسيها.
لفت عهد عشان يلبسها السلسله شبكت في شعرها الطويل
عهد...بضحك انت بتلبسهالي ولا بتقطع شعري
أدهم...بضحك معلش بقي انا مبعرفش في الحجات دي ..
حاول كتير يبعد شعرها ماكانش عارف قرب منها اكتر عشان يبعد السلسله بسرعه بأي طريقه قبل ما ينادوا عليهم عشان العشاء وسط ضحكهم الهستيري نسيوا الدنيا من حواليهم سرقوا منها أجمل لحظات أفتقدوها..و غفلوا تماما عن اللي كانت موجوده من البدايه والحقد والكرهه بيتآكل فيها وهي واقفه تصورهم وهما قريبين من بعض جدآ ...أبتسمت ساره أبتسامه حقد ودخلت بسرعه بمجرد ما أنتهي أدهم من أبعاد السلسله عن شعر عهد...و سماعها لنداء رقيه عشان العشاء..
......................
ألتف الجميع حول مائده الطعام الأبتسامه لم تفارق احد
سعادتهم برجوع أدهم ملأت المكان...ولكن ساره نظراتها كانت مصوبه علي تلك البريئه التي لم تقترف اي ذنب سوا أنها أحبت
وقلبها تعلق بقلب لم يرى او يعشق غيرها..
بدأ الجميع في تناول الطعام ولكن والدته وعهد أكتفوا بالنظر إليه والابتسامه مرسومه علي وجوههم.
لاحظ أدهم عدم أهتمام عهد بالاكل فقط تنظر إليه في سعاده غير مصدقه انه امامها..ولاحظ ايضا أبتسامه والدته
نظر أدهم الي عهد ووجهه الكلام ألي والدته لعلها تدرك رسالته وتبدأ في تناول طعامها .
أدهم...أيه ياست الكل هو انا وحشتك اوي كده لدرجه أنك سايبه الاكل ومركزه معايا.
ابتسمت عهد و نظرت للصحن الذي أمامها...وادرك أدهم انها استقبلت رسالته.
رقيه .....انت بتقول فيها يا ادهم من وقت ما شوفتك يا حبيبي وانا حاسه اني شبعانه مش عايزه أعمل أي حاجه غير اني افضل بصالك وبس مش مصدقه أنك قاعد قدامي وبتاكل يا أدهم
قبل أدهم كفها بحب ربنا يخليكي ليا يا ست الكل.
حسن....لا كده انا هغير يا سي أدهم انت هتيجي تاكل الجو ولا ايه.
ضحك الجميع علي جملته.
ادهم....انا اقدر برضو انت الخير والبركه
حسن...ربنا يخليك لينا يا حبيبي و مانتفرقش تاني أبدا.
الجميع....اللهم أمين.
أدم...مش ناوي بقي تفرحنا يا أدهم و تتجوز
رفعت عهد عينها سريعا صوبته باتجاه ادهم الذي بادلها نفس النظره.
أدهم...بأبتسامه ان شاء الله يا ادم قريب اوي
رقيه...بفرحه بجد والنبي يا ادهم
أدهم...بجد يا قلب أدهم انتي بس ادعيلي وان شاء الله هفرحك قريب
رقيه...طيب قولي مين اعرفها شوفتها قبل كده ولا أتعرفت عليها وانت مسافر.
حسن....طيب سبيله فرصه ايه الأسئله دي كلها.
نفسي أفرح بيه يا حسن.
ادهم....صدقيني هقولك كل حاجه في الوقت المناسب بس محتاج كام يوم كده ارتاح واظبط حجات كتير وهعرفكم كلكم عشان نروح نطلبها. وهفرحك يا ست الكل
رقيه...ان شاء الله ياحبيبي
أشتعلت ساره من كلماته ولكن كالعاده أن تعكر صفو مجلسهم
ساره...يلا خلي الفرحه تبقي فرحتين
ادهم....ربنا يقومك بالسلامه ياساره ان شاء الله.
ساره...يارب يا أدهم ..بس انا مقصدش البيبي انا أقصد عهد ما هي كمان جايلها عريس
بسرعه ألتفت ادهم إليها وغضب الدنيا في عينيه دون اي كلمه.
رقيه...ايوه صحيح دي عهد متقدملها عريس كويس اوي هيجي امته يا سهام عشان المرادي ادهم هيكون معانا واحنا بنلبس الشبكه ده اخوها الكبير.
بصتله عهد برهبه ونظرات عينه بتتوسل له أن يهدأ
سهام...مش لما العروسه تديني كلمه الاول لسه مغلباني
حسن...ليه بس يا عهد العريس اللي متقدملك كويس انا اعرف اهله كلهم ناس محترمه ورجال اعمال ليهم وزنهم وسمعتهم.
عهد...اخيرا أتكلمت وقدرت بصعوبه صوتها يطلع..مش عايزه يا عمو حسن
حسن...ليه بس
رقيه...ليه ياعهد انتي عارفه كام عريس ترفضيه لحد الوقت
سهام...قوليلها يا رقيه احسن تعبتني بجد ولما بكلمها بتزعل مني
عهد...يا مامي انا مش حابه ارتبط بالطريقه دي هو حضرتك زهقتي مني ولا ايه
سهام....انا ازهق منك يا عهد طب انا لو عليا افضل مخلياكي العمر كله جمبي بس كمان نفسي أفرح بيكي زي أي ام نفسي اشوفك عروسه نفسي أطمن عليكي عشان لو جرالي حاجه مبقاش شايله همك.
عهد...بعد الشر عليكي يا مامي متقوليش كده بس كمان عشان خاطري سبيني براحتي.
سهام...طب والعريس ده اقوله ايه أحضرنا يا أدهم.
بلع أدهم ريقه بصعوبه وعيونه احمرت من شدت الغضب والغيره...انا رأيي تسبيها تختار او تحس من جواها انها موافقه عالارتباط ده.
سهام....امري لله عموما فكري يا عهد
حسن...انا المفروض هديهم كلمه بعد بكره يا عهد راجعي نفسك كويس قبل ما اقولهم عن رأيك الاخير.
هزت عهد راسها في صمت وبسرعه بعدت عينها عن هذا الذي يشع غضبا.
أنتهي الطعام و بعد وقت بسيط أستأذنت سهام
رقيه...ما تخليكي شويه يا سهام
سهام....كفايه بقي كده عشان ترتاحوا وادهم كمان يرتاح هو اكيد جاي من السفر تعبان
ادم....طيب استني هوصلك
سهام...توصلني ايه بس ده البيت جمب البيت هي كام خطوه.
أدهم...الوقت أتأخر خليك يا ادم انا هوصلهم
خرج ادهم وهو ماسك سهام في ايده وعهد ماشيه جمب سهام ساكته تماما. بتسمع كلام ادهم ووالدتها في صمت
سهام....مش كنت طلعت ترتاح يا ادهم
ادهم...اين يا سوسو مش عيزاني اوصلك ولا ايه
سهام...عيزاك ترتاح
ادهم...هوصلكم وارجع علي طول يا حبيبي.
سهام...ماشي يا حبيبي.
بعد وقت بسيط سلم عليهم أدهم وسابهم و رجع عالڤيلا تاني وطلع علي غرفته التي اشتاق اليها ..
ولكن بكل غضب وأستناها تكلمه..
فضل اعد في مكان نصف ساعه يهز رجله
واخيرا رن موبايله.
فتح الخط وفضل ساكت
عهد...انا عارفه انك مضايق وجداً كمان بس كنت عايزني اقولك ايه..في عريس متقدملي وأشغل دماغك
أدهم...بغضب خبيتي عليا ليه ياعهد.
عهد...محبتش اضايقك يا ادهم ولا اشيلك هم التفكير وانت مسافر انا كنت بتصرف و برفض بطريقتي .
أدهم....وانتي مالك افكر ولا اشيل الهم ولا حتي اضايق المهم انك متخبيش عليا.
سمع صوت شهقاتها .
ادهم....بطلي عياط انا اسف عهد حبيبتي حقك عليا والله ما اقصد بس كمان حطي نفسك مكاني.
عهد...وانا مش زعلانه منك
أدهم...امال ايه الدموع دي..صدقيني مقصدش أتعصب عليكي بس اول ما سمعت الكلام ده محستش بنفسي.
عهد...صدقني خفت عليك من العصبيه دي وانت لوحدك ومحبتش اشغلك لكن مقصدتش أخبي عليك لان الموضوع مكانش شاغلني .
ادهم...طيب بطلي عياط بقي عشان خاطري
عهد....حاضر
ادهم...بحبك
عهد...بابتسامه وانا كمان بحبك
أدهم....بقولك ايه بكره عندي كام مشوار لازم اعملهو عايزك تيجي معايا.
عهد...حاضر هقول لمامي
أدهم...ماشي ياقلبي
عهد...يلا روح نام انت اكيد تعبان اوي
ادهم...انام وانتي زعلانه كده
عهد...بس انا مش زعلانه عشان مقدرش ازعل منك يا ادهم.
أدهم...بحب بقولك ايه بكره لما نرجع من مشوارنا
هاجي معاكي لسوسو واتكلم معاها.
عهد...ايوه بس..
قاطعها ادهم مفيش بس لازم ننهي موضوع العريس ده خالص وننهي موضوع اي عريس يتقدملك مفهوم
عهد...بسعاده مفهوم
ادهم...يلا روحي نامي عشان هعدي عليكي عالظهر كده ان شاء الله نروح مشوارنا سوا.
عهد...حاضر يا حبيبي تصبح علي خير
ادهم....وانتي من أهلي يا اجمل عهد فالدنيا.
قفلت عهد وهي طايره من السعاده حلمها علي
وشك التحقيق وتنفيذ عهد أدهم في نهايته للتوثيق.
ولكن...لا يعلموا أن بدايه تحقيق العهد هي بدايه
الوجع..