الفصل الثالث

3
احببت غجري..
بقلم/اسما السيد.
ـــــــــــــــــــــــــــــــــــ
(ياغجري)
ــــــــــــــــــــــــــــــ
ميان
قرب مني واول مره المح في عيون حد النظره دي..
نظره تملك علي غيره علي حقد ممزوج في بعضه..
مد ايده ومسكني من ايدي وشدني ليه بقوه كنت هنكفي علي وشي..
قولت...
اااااه
بوجع لما رجلي اتلطشت في الارض لدرجه ان صابعي اتعور..ماهو للاسف انا لسه ماشيه حافيه  علي.. الارض..
انا مجنونه وبعترف بس مبعرفش البس حاجه في رجلي..
حاولت كتير بس معرفتش..يااما صولا قالتلي اتعود بس كنت بطنش..
الصحرا والرمله والمشي عليهم حافيه بيخلوني في دنيا تانيه..
وفجأه اتحولت نظره الشده للين..
ولقيته انحني عالارض يشوف رجلي اللي اتعورت..
وهو بيقولي..

ـ بااه رجلك اتعورت وريني اجده..

بس قبل مايلمس رجلي كان خاطفني مراد من ايدي.. وزعق فيه..
انت اتجننت يابن النواصره شيل ايدك داك قطع ايدك عن بت خالتي..
وقف زي الصنم بيبص بعيون شبه الشيطان ومراد بينحني ويرفع رجلي علي رجله وبيكتم الدم بمنديله
كل دا وانا واقفه عيني عليه..
لسه هيقرب لقينا حد ظهر فجأة، ومسكه من ايده وهمسله في ودنه..
ملامحه اتجمدت.. وانا نزلت رجلي بعد ما مراد كتملي الدم..
ببص لمراد لقيت وشه هينفجر زي الشيطان..
حطيت برجلي عالارض وصوت الخلخال رن في الدور كله..
فبصلي رائف، وجز علي اسنانه..
وانا في نفسي بقول..
الله ايه اليوم اللي مش معدي دا..
بص مراد للراجل اللي جنبه ولقيته بيقوله..
ــ ايه جابك هنا يا سالم انت وابن عمك..؟
رد اللي اسمه سالم وقال...ولا شي يا مراد احنا اهنه عشان  الشيخه الصغيره، نورام اخت رائف بعافيه شويه..
انا سمعت اسم نوران من هنا وجسمي اتخشب
وفهمت اللي شوفته في المتاهه.، اللي شوفتها من غير ملامح وبتستنجد بيا، كانت نوران..
كانت بتقولي الحقيني..بس مقدرتش ابين ملامحها في المتاهه.
نوران...في خطر..لازم احميها..
لقيتهم بيبصولي باستغراب لاني شهقت اول ماسمعت اسمها ولقيت مراد بيقرصني في ايدي
لما لمحهم واخدين بالهم..
بس نجدني من الموضوع صوت الدكتور اللي خرج..
يقول بلهفه....
ــ عاوزين حد يتبرع بالدم بسرعه..
المريضه نزفت كتير وعاوزه نقل دم دلوقت.. لان مفيش في المستشفي..
وقفت انا و مراد متسمرين احنا الثلاثه فصيلتنا مش واحده..
طب والعمل..؟
دموعي نزلت ومسكت في مراد، وقولتله هنعمل ايه دلوقت..؟
ابويا الوحيد اللي نفس الفصيله ودا استحاله نجيبه او هو يرضي دا عاوز يغزنا كلنا بسكينه تلمه ويخلص
وامي مريضه كبد وبتقضيها ايام..
غمضت عيوني..
ومراد بيقوله ان مفيش فينا حد نفس الفصيله..
فجاه لقيت رائف بيسأله..
واستغربت انه بيتكلم زينا..مش زي اهل الوادي..
بس معلقتش
ايه نوع الفصيله دي يادكتور..
رد الدكتور قاله،+A
رد اللي اسمه سالم بلهفه وقاله اني ذات الفصيله وممكن اتبرع..
رد مراد وقاله..طب بسرعه يا سالم الله يخليك..
رد عارف ببسمه بشوشه..
وقال حاضر..يا مراد.
اظاهر ان سالم ومراد بيعرفو بعض بس من فين..؟
دخل مراد مع الدكتور اوضه العمليات..
وفضلنا احنا..
شدني مراد من ايدي وجز علي سنانه وقال لرائف ياريت تفارقنا..
فينا اللي مكفينا مش ناقصين غرورك..
جز علي سنانه، ولسه هيقرب لقينا واحده  بتنادي عليه بحده..
رائف..بصيت ليها وعرفتها علطول..
دي المغروره..الحيه زي مابتقول عليها نورام
مرات المحروس..
اااه في صدري كتمتها..وانا حاسه اني قلبي قاد نار..
معقول..نار الغيره..وانا مالي بيه وبيها..
بصيت بغل عليهم..
لقيته فايتها وماشي..فبصتلي بغل..واندارت مشيت وراه..
وبعدها مراد همسلي في ودني، حسابنا في البيت يا ميا..
بصيت له بنظره حزينه..وقولتله..ماشي..بس نروح بالسلامه يامراد واحكيلك..
اتنهد وقالي ماشي..انا اللي مهديني اني واثق وعارف مين ميا.؟.
وان محدش في الكون يقدر عليها..
ابتسمت ومديت ايدي وحضنت دراعه..وميلت راسي عليه..
وقولتله..ربنا يخليك ليا يا مراد
باس راسي وقالي ويخليكي ليا يا منايا..
ببص بعيد لقيته واقف قصاد شخص وعينه عليا..
عين كانها جمر جهنم..
بلعت ريقي وقولت في سري
اليوم دا مش فايت..
ــــــــــــــــــــــــــــ
سالم..
غمضت عيوني ودخلت ورا الدكتور عشان اتبرع بالدم..انا مش عارف مين جوا..
بس فتحت عيوني وشوفتها هي..
كنت دايما بسأل نفسي كل مابسمع حكاوي رائف وميان وعشقه ليها من اول نظره وكنت بقول مش معقول..
مفيش حاجه اسمها كده..بس اول ماعيني وقعت عليها..
معرفش أيه جرالي..؟
بيقولو نسوان الغجر مجرد ماتبص في عنيهم بيسحروك..
طب انا ايه جرالي وقلبي ليه بيدق..
انا هقع في العشق ولا إيه...؟
وشها كان باهت ووشها  المدور وشعرها السايح علي الترولي..
خلو قلبي يدق..
مديت ايدي وصلولي الكانيولا مني ليها مباشره..
وكأن اللعنه انتقلتلي في ثانيه..
لعنه عشق الغجريات..
اتنهدت وغمضت عيوني وهما بيخيطو جرحها
مقدرتش..
بس دماغي بدأت تفكر ياتري ياجميله انتي مين؟
وياترا عشقنا الملعون ليكو هيودينا علي فين..؟
وفجأه راح تفكيري للقصه المجنونه اللي بتتغني بيها القبايل كلها شمال وجنوب..
قصه الراوي وعمتي، سليمه..
معقول..  سليمه كانت من النواصره..وعلي كان من الراوي واتجابلو في ترحال القبايل
كانت عاده زمان قبل الاستقرار اللي حصل اني القبايل تتنقل من مكان لمكان منها يتعارفو ومنها يرعو..اتقابلو وعشقو بعض
ودارت الحروب بين القبايل..
وغادرو الوادي بعد مالكل عاداهم وقطعو صلتهم بيهم..عايشين منبوذين..بس بالحب والعشق كونو مزرعه كبيره للعشاق..
ساليمه اخت بوي كانت في العشق قويه وقدرت تتحدي الكل وتأخد الراوي، بس اتنبذت ودارت حروب ياما بين القبايل لحد ماضطروا في الاخر يجوزوهم..
اتنهدت وفي اللحظه دي اشتقتلها..
اشتقت لعمتي سليمه..والراوي..
مهو انا ورائف عمرنا ماقطعناها..
كنا صغار وواعين للي بيجري ويومها..وعدنا عمتي سليمه اننا لما نكبر ونعرف طريقها هنجيلها..
وفعلا دا حصل..عرفنا الطريق وبقينا نهربو هناك من مشاكلنا وحياتنا.
غمضت عيني واتنهدت وقولت ااه ياعمتي..
وهنا لقيت الطبيب بيقولي..
تمام يابطل..كتر خيرك تقدر تتفضل..
عدلت نفسي وبصيت عليها املي عيني منها..
وخرجت..
ــــــــــــــــــــــــــــــــ
(مسا)
مشي سالم ورائف وفاقت صولا.. وقعدنا زي العاده نضحك ونتسامر، وتحت ضغط من مراد حكيت ليهم اللي دار في الصحرا..مانا مبخبيش عنهم حاجه..
بس طبعا خبيت البوسه اللي رزعهالي...واللي لسه حسه بطعمها علي شفايفي...والا مراد كان كسر عضمي..شباب الغجر مجانين بالغيره، ومش حلو ان أعترف واقر كده
بس صولا فاجأتني وهي بتقول..
ـ بقولك يا ميا..هو فين الشخص دا اللي اتبرعلي..
عاوزه اشكره..
ـ بصيت ليها وقولت..
مراد يعرفه..روح ناديله يا مراد..
رد مراد بغيظ وقال..
بت انتي وهي..فككو من الناس دي..دي عالم بؤره شر..كفايه اابوكو واللي عامله فينا..؟
ورائف دا كتله شر هو وابوه واكيد سالم ابن عمه ميتخيرش عنهم
ردت صولا بزهق..
اف منك ياأخي..خلاص..اما اقوم هتشكره انا وغمضت عنيها بهيام وقالت..
وبعدين مش يمكن يطلع حليوه كدا..
وينقذني من الصوان وقرفه ويبقي بينا قصه حب زي الروايات..ياولاااا.
البطل يتبرع للبطله وهاتك ياحب..
ضحكنا لما عنينا دمعت..وضربتها علي كتفها السليم..
ياختي اتنيلي..حب وعشق ايه..اللي بتحلمي بيهم..
يا صولا فوقي يا حبيبتي..
احنا بالنسبالهم لعنه..مش عشق..
زفرت صولا وقالت طب عاوزه انام..ابوكي كسر عظمي..وانت سارحه في ملكوت الله..وحتي الحلم مستكترينه عليا ياغجر ..
اديني هرتاح منه اسبوعين بحالهم..
رد مراد وهو بيضرب دماغه..اوبا..دا كدا هيخلي ميا ترقص مكانك..
هنعمل ايه يا ميا..
اتنهدت وبصيتله وقولتله..
هنشوف..متقلقش
وفجأه...
حسيت بصداع مديت ايدي وحطيتها علي ودني اللي الهمس زاد فيها وانا سامعه..
سامعه...كلام...غمضت عيوني وانتبهت وسمعت..
 
انطوجي يافاجره..انتحرتي ليه..؟
رد صوت اعرفه....
بس ياأبوي سيبها دلوقت..وانا هعرف عملت اكده ليه..؟
فتحت عيوني علي أخرها والصوت سكت..
جيت افتح عيوني..
لقيت الصوت عاد تاني..
بس المره دي كانه  حد بيكلم في التليفون..
هو نفس الصوت..
الليله هتبات اهنه..خلص عليها..وجول قضاء وجدر...
وسكت..
شهقت وفتحت عيوني وبصيت ليهم لقيتهم بيبصولي بهدوء..
هما عارفين اني لما بعمل كده اكيد هشوف او اسمع حاجه..
وصرخت فيهم وقولتلهم..هيقتلو نورام..
لقيت مراد اتنفض وقال..
الشيخه نوران..تقصدي..لييه.؟
مقدرتش اتكلم..بس لازم اقول عشان نلحق ننقذها وخصوصاا بعد اللي حكتهولي نوران أخر مره..
نوران مسلمتش..بنفسها..نوران الحقير خدرها واغتصبها وقالها اخبطي دماغك بالحيط انا اجده انتجمت لخيتي..ماعرفش ليه عمل فيها كدا..
وليه عايز ينتجم لخيته..اللي اعرفه انها مرات رائف..نوران ضحيه....
اتنهدت وحكيتلهم..لاقيت مراد ر بقي عامل زي الفرخه المدبوحه بيرفرفر..
بس مكنش في وقت..فوقته وقولتله..مراد.احنا لازم نتصرف نوران معملتش حاجه..
الوسخ دا هو السبب..اغتصبها
احنا لازم نحميها..
سكتنا نفكر..كلنا..
وفجأه..نطق مراد
انا لقيت الحل..
قولنا كلنا مع بعض..ايه.؟
قال مراد بقوه وعشق مهما خباه بأن عليه..ههربها..
شهقت وقولتله..انت اتجننت انت عاوزهم يقتلوك.
بصلي مراد وقالي..
محدش هيعرف..استخدمي سحرك يا ميان
قولتله ازاي؟
بصلي بمكر وقالي اقعدي..
وبدانا  نخطط..احنا اه غجر بس منقدرش نشوف الضعيف ومنقفش جنبه..
ولا المكسور ولا نجبروش..
احنا الغجر..احسن من ناس كتير سلبيه..
وقررنا ان احنا هنساعد نوران لآخر نفس..
نزلت االدور اللي نوران فيه وانا متاكده ان رائف هناك..والكل مشي..
هتسالو عرفت منين هقولكو الهاتف ناداني..
وشوفتهم..
كان مراد ورايا وسالم زي، مااتوقعنا بالظبط اول ما شافنا نازلين  اتسحب وطلع لصولا
ابتسمت وغمزت لمراد
وانا عدلت نفسي ومشيت ناحيه رائف الشارد..
او ماخطيت برجلي عالارض.. قام عينه ناحيتي  وعيونه اتحجرت عليا...
قربت منه وانا بغني الاغنيه إياها بيني وبين نفسي..

أنا الغجريه بنت الوادي والصحرا..
انا المولوده تحت السما الحره..
امور السحر عني كتير يحكوها..

سكت ووقفت قدامه وبصيت لعيونه..
رحت في دنيا غير الدنيا وهو واقف مكانه..
ـــــــــــــــــــــــ
(رائف..)

ابويا مشي بعد ماهددني ان ماخلصت علي نوران بايدي هيخلص عليها هو...
ونوران كالعاده رفضت تكلمني وقالتلي انت السبب في كل اللي جرالي..؟
قلبي واجعني عليها..مهما كان دي اختي..
قعدت انا وعارف..
عارف، اللي من ساعه مخرج من اوضه العمليات وهو شارد وفجأه طلعت في دماغه عمته سليمه..
ااه انا كمان اشتقتلها اوي..بس مش وقته..
  بس وانا شارد  في حالي..
سمعت صوت رنه خلخالها..
رنه خلخالها اللي مجنناني من ساعه مارنت في الصحرا،الست دي ضيعت هيبتي
هيبه رائف المناصيري
ااه قلبي بدأ، يدق ونفسي ارتفع..
وبصيت ليها واتصنمت مكاني..
ووقفت ادامي..
وقااالت..
ـــــــــــــــــــــــــــــــــــ
(سالم..)
اول مالممرضه قالتلي انها لوحدها معرفش طلعت ازاي..
جريت زي العيل الصغير علي امه..
انا مقولتش للممرضه حاجه..
بس لقيتها بتقولي المريضه اللي اتبرعتلها بالدم فاقت
وهي لوحدها وعايزه تشكرك..
لبيت الندا وقلبي سعيد..
خبطت عالباب  ، ولقيت صوت كيف عود الناي بيهمس
وبيجولي اتفضل..
فتحت الباب بهدوء..واول ماعيني جت عليها.
حطيت ايدي علي صدري وقولت
ياابووي..
ـــــــــــــــــــــــــــــــ
(صولا.)
مكنش في دماغي حاجه
كل اللي كان في دماغي ان ميان و مراد ينقذو نورام..
نوران من معرفتنا بيها انسانه تستحق التقدير..
يكفي انها دخلت بيتنا وكلت وشربت من اكلنا اللي الجنوب كله بيقرف منه..
نوران..شيخه وياليت مثلها كل الشيوخ..
اتنهدت وانا بدعيلها،ان ربنا يناجيها..
مااحنا بشر مسلمين بنصلي وبنصوم..مش علي مله تانيه يعني..
كل المشكله ان لقب غجر عند الكل دا لقب منبوذ
لقيت خبط عالباب  وانا حاسه اني نفسي بدأ يديق والدوخه رجعتلي تاني..
المستوصف هنا طبقات..
واحنا الحمدلله فوق في الطبقه الاخيره طبقه الفقرا والمحتاجين..
اما اللي تحتينا دول للناس الهاي والشيوخ..
شيوخ القبايل واهلهم..
يالا متفرقش كتير..
المفروض كانو يعلقولي محاليل بس للاسف مفيش فلوس..
فاكتفو علي كدا..علي قد فلوسك يامتعوس..
ابتسمت ورفعت راسي وانا نسيت ان قولت اتفضل وانه دخل وواقف قدامي..
و..
ـــــــــــــــــــــــــــــــ
(سالم)
أول  ماعيني وقعت عليها قلبي دق..
ااه..دي حوريه من الجنه..
فضلت واقف مستني ترفع عنيها..
لحد مرفعتها وطيرت البرج اللي فاضل من نافوخي
كان وشها شاحب وعنيها بتقفلهم وتفتحهم بالعافيه..
وخبرتي كطبيب..مش بشري لا انا طبيب بيطري
بس بفهم في الطب البشري ماهو متفرقشي كتير..
عرفت انها داخله علي حاله اغما..
جريت وقربت منها..
وقولتلها..
بااه انتي زينه؟
ابتسمتلي وقالت بمزاوله...
ايه بااه دي..كلمني عادي..انا مش بفهم ولا بحب اللغوه دي..
ابتسمت وقولتلها..
حاضر ياستي..
بس انتي كويسه..انتي تعبانه...؟
غمضت عنيها وفتحتها وقالت..
بص مش عارفه..بس حاسه اني دماغي وشاورت علي دماغها..
بتروح كدا وتيجي كدا..
وحاسه..وشهقت وقالت..
حاسه اني روحي بتروح..مني..
مكملتش شهقت بتعب وارتمت براسها لورها..
سندتها بايدي..
وانا نفسي بيعلي اكتر منها..
قلبي بيدق في صدري اوي..وانا بقولها..
اهدي متخافيش ياا..
ريحت راسها علي المخده..وقالت
صولا..انا صولا
وكان كهربا مستني..
انا ازاي متوقعتش انها تكون هي..
صولا..الغازيه..
اللي الكل بيتغني بحسنها وكل ستات القبايل بيدعو عليها..
بعدت ايدي عنها بسرعه
ودارت الدواير في دماغي..
و
ــــــــــــــــــــــ
(صولاه..)
اول مااتفزع عرفت بيفكر في ايه..…؟
اني غازيه..
غمضت عيوني وبصيتله بقهر الدنيا والعالم كله فيا..
ومديتله دراعي وقولتله..
قرفان..
خد اسحب دمك من دم الغازيه..
اول مابصيتلي بعيونها الحزينه..
وقالتلي كدا..
سهم ودخل قلبي بقيت عايز اضرب نفسي ميت كف..
انا ليه عملت كدا واذيتها بالطريقه ديا..
بس لقيت لساني بيسالها، لوحده..
مين عمل فيكي كدا..يا صولا.؟
بصتلي بحزن وقالت بهدوء..
ابويا..
النار غلت في قلبي اكتر وقولتلها..
ليه؟
دارت وشها الناحيه التانيه..
وقالت علشان قولتله تعبانه مش هقدر اطلع الصوان.
واندارت ليا وقالت بلامبالاه
كالعاده..فشفش فيا.
انصدمت..وقولتلها بحده..
ايه؟
هو متعود علي كدا..
ضحكت بشجن في صوتها..
وقالت..
اه..متشغلش بالك..
مديت ايدي ومسكت وشها اللي بديره عني وقولتلها..
وانتي بتسكتي مبلغتيش عنه ليه..
ضحكت تاني وسحبت وشها
واتنهدت وقالت....متشغلش بالك انت يابيه بالغازيه..
كلامها ونبرتها التايهه كانت بتقطع فيا..
الغجريه دي لعنه وحطت عليا..
وهنا افتكرت جمله في مره من المرات الراوي قالهالي..
وانا بقول عمري ماهقع، بالحب..
قالي بكره تقع في العشق.لشوشتك..
وساعتها هتجول العشج لعنه وحطت عليا...
بس ايه ياواد ياعارف..
لعنه احلي من كل الدنيا..
الحب حلو..بس العشق سيمفونيه..
ياتعزفها صح..ياتخربط الدونيا..
ابتسمت ومشيت ايدي علي وشي..
وسحبت الكرسي..
وقعدت جنبها..
بصيتلي بعتب وسكتت..
ومن هنا ابتدت لعنتي في الدنياااا..
ــــــــــــــــــــــــــــــــــــ
(ميا)
اول ما وقفت قدامه..
بصيت في عنيه ورحنا في دنيا تانيه..
مفوقتش منها غير علي صوت مراد الحاد بيرن في وداني..
اخلصي يا ميان هطيني الدنيا..
هزيت راسي..
وقولتله..
انا جيت اطمن علي اختك واشكر عارف ان اتبرع لصولا اختي..
ابتلع ريقه وقالي  اختي، زينه..زينه..
لسه هيتكلم.. قولتله..ممكن ادخل اطمن عليها..
اتفاجئ بطلبي..
بس هو كان زي المسحور..
هز راسه وقالي طبعا..
خبط عالباب ودخل..
كنت انا وراه اول ماشافتني نوران..فتحت عنيها من الصدمه..
بس انا غمزت ليها وهي فهمت وابتلعت ريقها..
وحاولت تبان عاديه..
دخلت وقربت اسلم عليها..وانا بسلم عليها مسكت ايدها وحطيت فيها ورقه مطويه..
كتبت فيها..مراد ر هيخلص الدنيا..هي عارفه مراد زبتثق فيه..
خرجت بسرعه، ومطولتش عشان ميشكش وخرجت..
وهو زي المسحور خرج ورايا..
مشيت شويه وقولت..
اااه..
قالي..
باااه مالك يا ميت
شاورت علي رجلي قولتله بتوجعني شويه..
شوفت اللهفه في عيونه ومن غير تردد
مسك ايديا وقالي
تعالي..
للدكتور يشوفها..
متكلمتش ومشيت وراه..
اللي احنا فيه دا خطه..بس اللي انا وهو فيه دلوقت دي حكايه تانيه..
انا اول مابيقرب عليا بروح في دنيا تانيه..
خدني من ايديا لحد مابقينا عالجهه التانيه..
ولمحت مراد ر وهو بيشور ليا..
ان الخطه تمام..
نزلنا السلم..
وفجأه ادور وانحني ومد ايده سحب رجليا..
قلعني خلخالي..
وشهقت انا بقوه..
وسالته..
ـ بتعمل ايه يا رائف..؟
ولا هو هنا..
ومد ايده وخد رجلي التانيه وقلعني الفرده التانيه..
اول ماعمل كده حسيت اني عريانه..
وقلبي انخلع..
وقولتله بحده..
ـ هات خلاخيلي يا رائف
ملكش دعوه بيا اوعي..
ابتسم وقالي..
اعتبريهم ذكري منك ليا..
زي المغيبه اتسمرت..ومد ايد وحركها علي خدي بحنيه..
وقالي متزعليش ياجميله...
هجبلك بدالهم عشروميه..
غمض عيوني وقولتله..
لا دول غالين عليا..دي هديه من أمي..رجعهم ليا..
ابتسم وشد ايدي وقالي..
انتي ليه ماشيه حافيه..؟
رديت بغيظ منه وقولتله ملكش دعوه بيا..سيب ايدي..
فجأه لقيت نفسي في اوضه فاضيه وقفل الباب عليا..
وبدون مقدمات لقيته بيقرب ليا..
قولتله..
في ايه..؟
انت قفلت الباب ليه عليا.
رجعت بظهري وهو قدامي..
انا ارجع وهو يقرب.
لحد مالزقني في الحيطه..
و...
ــــــــــــــــــــــــ
( مراد)
اول ماخرجت ميا وغمزتلي..
جريت علي باب اوضتها..وفتحته ودخلت..
اتصلت بزهري صديقي وجهزلي كل حاجه..
وجابلي اللبس اللي قولتله عليه..
الكل عارف ان عاشق لنوران في صمت..
من يوم مااتعرفت عليها عندنا وانا واقع لشوشتي
ن كانت حلم بعيد..بعملتها واللي حصلها كسره ظهري..بس غصب عنها ..
انا عارف انه غصب عنها بس مش بايدي..
الغيره وحرقه قلبي اني غيري لمسها بتقطع فيا..
مين قال ان الغجر معندوهمش نخوه..
انا بحبها وياما اتمنيت يجمعنا بيت واحد بالحلال..
بس كان صعب..ودلوقتي بعد مابقي مش صعب
قلبي حزين..حزين اوي..بس مش هقدر اسيبها ليهم..
نوران..وااه منها
اول ما قفلت الباب لقيتها انفزعت وقربت بتعب عليا وقالتلي...
مراد..ارجوك..خرجني من هنا..
مقدرتش والله مقدرت..
وخصوصا وهي جايه بتتحامي فيا..
ارتمت في حضني وانا غمضت عنيا..
شميت ريحتها وطبطبت عليها وحاوطتها بايديا..
العشق حلو..وعذابه حلو..بس ااه مش بالطريقه ديا..
بوست راسها وقولتلها..
وحياتك لقتله بايديا...
بكت وقالتلي انت عرفت..أنا اللي غلطانه يامراد ياما ميان حذرت فيا..

بعدني وقالي طب بسرعه بطلي بكا، وغيري خلجاتك ديا..واوعدك اسمعك بكل مافيا..
ـــــــــــــــــــ
(نوران )
خدت منه الكيس ودخلت الحمام..
ولبست العبايه وفوقه النقاب
وبسرعه مسك ايديا وقالي بتثقي فيا..
هزيت  راسي وقولتله.
بهدوء..
اكترحد في الدنيا..
( نوران)
ابتسمت ومديت ايدي وسحبتها في ايديا..
واول مافتحت الباب..
ارتمت في حضني.. وشهقت
ــــــــــــــــــــــــــــــــــــــــــــــــ