اسمي ميان..الغجريه ، غجرية بنت غجر زي مابيقولوا
هتسألوني يعني ايه غجريه..؟
ـ هقولكو معرفش..
اه معرفش..هو اسم ورثناه وكأنه عار وحرام..اف اقولكم ايه بس
كل اللي اعرفه اني اتولدت لقيت نفسي بتنقل من مكان لمكان..عشان اكل العيش طبعا

عارفين، احساس انك تبقي عايش منبوذ وسط الكون كله،الكل خايف منك، رحاله.. ملكش ارض ولا وطن..
مع اننا يمكن أطهر واجمل منهم..بس نقول ايه..؟
يالا..حظوظ..
اهو دا احساسي بالظبط..
أنا عمري ٢٠وفي العشرين سنه دول لفيت محافظات الجمهوريه كلها..
لحد مااستقرينا هنا في الجنوب..
جنوب الوادي..الصحرا والرمله والبحيرات الصافيه..
والجمال الطبيعي
ليالي الانس والسهر..
المكان دا.. استحوذ عليه زناتي زعيمنا..ورجالته
ااه نسيت اقولكو دا بعد مطاردات كتير بينا وبين اهل الجنوب..
اللي بيكرهونا جدا..وخصوصا الستات..
اللي بنسمعهم بودانا بيقولو علينا..
(ابعدو عن الغجريات دول بيسرقوا الكحل من العين.).
هو يعني ذنبنا ان اللي يشوفنا بيقع في عشقنا..
لكن في الاخر..استقر بينا الحال وعقدنا هدنه معاهم..
واتعايشنا واتعايشو معانا..
بس للاسف مع الرجاله بس..
انما الستات بيبصوا لينا كاننا أعداءهم..
وخصوصا انا واختي صولا..
صولا بتشتغل رقاصه بس مش رقاصه بالمعني
يعني استعراضيه..اهو علي قد علامها، هي اصلا ملهاش في الرقص بس بنادي الغرض خوف من ابويا الله ياخده ويريحنا

ودا طبعا غصب عنها..لان ابويا مغازي بيجبرنا علي كده
ومخبيش عليكو انا كمان..انضربت كتير..
بس كنت بنتصر في النهايه عليه..وبردو مرقصش أو ساعات ارقص بردو يووه متاخدوش في بالكم انا بكدب كتير من الهم والغم بس مش بكدب غير علي نفسي اه. اوعوا تفهموني غلط
انا ارقص لنفسي..أنا بعترف اني اشطر منها وفي الشرقي اقوي وامهر
بس مبحبش ارقص
انا بحب قرايه الفنجان والطالع..هوايه ورثتني اياها ست عجوزه من اهل الغجر
من سنين من لما كنت عندي ١١سنه من وقتها وانا بتحصلي حاجات غريبه..
وعندي قدره اني اعمل حاجات أغرب..
مديت ايدي وجهزت نفسي..
انا شعري طويل واصل لاخر ظهري
وعيوني زي غابات الزيتون..ودايما برسمها..
مااحنا غجر..زي مابيقولو لا عيب ولا حرام..
حطيت ايدي علي شفايفي بابتسامه وقعدت أختار ليها لون يخليني كدا طايره في السما..
مانا مقولتلكوش..
أني بعشق حط احمر الشفايف..ولازم اللون يخليني احس اني ملكه..
اخترت لون احمر فاقع وحطيته
بصيت لنفسي بابتسامه جميله..
مش بيقولك ان ملقتش حد يسعدك اسعد نفسك..
اهو دا اللي بعمله..
مديت ايدي وجبت خلاخيلي اللي مقدرش امشي من غيرهم..
دول بيخلوني طايره..
صوت رنه خلخالي بيحسسوني براحه نفسيه
وخصوصا وانا ماشيه حافيه..
أنا مبحبش البس حاجه في رجليا كفايه خلخالي..
ضحكت وصقفت علي ايديا..
واختي وقفه ورايا..
والله انتي مجنونه يا ميان..وعمرك.ماهتعقلي ابدا..
يابت مش ناقصين خناق..خلي يوم يعدي من غير خناق بين شباب الغجر بسببك..
ابتسمت وقولتلها ببراءه..
الله وانا مالي يا صولا..يعني انحبس يعني. الله؟
ملحقناش نكمل لقيت امي بتنادي.
ـ ميان يا ميان..
ـ نفخت بزهق وقولت ..ايوه ياامه عاوزه ايه بس..؟
خليله..بحده..قومي يابت ياللي تنشكي شوفي بنت الباشا عوزاكي في ايه..؟
قومت جري وانا بسألها..تقصدي نوران؟
خليله بلويه فم..ايوه يختي هي..يابت ابعدي عن بنت الشيخ دي..مش ناقصين مصايب..بكفايانا ابوكي وعمايله..
وقفت ميان واندارت ليها..تاني.
ليه بس ياامه..مانا بطلت اخرج.كتير.وكمان بقيت بشتغل معاكو..
امها بخوف عليها..ياميان انتي جمالك فتان..انا مش عوزاك بين العمال..انا عوزاكي عالمسرح وسيبك من شعر الفنجان ده..اللي مبيأكلش عيش
وابعدي عن بنت الشيخ اخوها لو شم خبر مش هيرحمنا..
سبتها وخرجت بلا مبالاه كالعاده..ماأنا استحاله اطلع عالمسرح واستحاله أبعد عن الفنجان..
أنا عارفه انه حرام..بس في طاقه غريبه بتسحبني ا..
مش عارفه هيأخدني الموضوع دا لفين..؟
أو مين اللي بيظهر ليا دايما بهيبه في الفنجان..
كل اللي اعرفه..أنه أمان؟وأنا اعمل اي شئ بس عشان اعيش بأمان..

خرجت لقيت نوران..اول ماشفتني جريت عليا..ميان..الحقيني ياميان..
نسيت اعرفكو..
نوران..بنت شيخ قبيله المناصره
اتعرفت عليها في ليله كاحله..ليله خدتني رجليا لبعيد..كالعاده.. وكأن شئ بيجذبني..
عشان اكون هناك في الوقت دا..
كانت بتجيلي خيالات علي هيئه واحده بتصرخ وبتنوح
وكالعاده سرقتني رجليا لحد مالقتني عند الكوخ القديم..
هناك لقيت بنت بتصرخ باقوي مافيها..معرفش القوه دي جتلي منين..
بس لقيتها بتعافر عشان تبعده عنها..وبتصرخ بقوتها..
يامهران..أنا آه بحبك..بس مش اجده..الله يخليك مش اجده..بوي وإلياس  لو دريو هيجتلوني..
الله يخليك ياولد عمي..
بصيت لقيته بيكتفها بايديه وخلاص نار الشهوه عاميه عنيه
ساعتها عرفت ان الغبيه دي هتستسلم خلاص..
لمحتني بعنيها اللي وسعت علي أخرهم..وانفزعت وقالت
يامري..انفضحنا..؟
لقيته مره وحده بيندار..ويقولي انتي مين؟
صوته مخوفنيش ادي ماالشرار اللي في عينه دخل زي السهام في قلبي فارتعش..
ولكني صمدت وقولت بقوه..
اني ميا ..بنت المغازي
حسيت انه هياكلني بعينه وهو بيقول..بذهول..
انتي ميا جميله جميلات الغجر..
اللي بيحكو عنيها..بكل خطوه حكايه..
ابتسمت وبصيت لنوران اللي واقفه تقول ياارض انشقي وابلعيني..
وانا بسال نفسي مين دي وليه ترضي بكدا..
فجأه جالي هاتف في وداني..
فغمضت عيني وسرحت بخيالي..
بعد شويه فتحت عيني بابتسامه..
وقولتلها انتي نوران بنت المناصره..
شيخه قبيله المناصره
لطمت خدها..وفضلت تترجاني..اني مقولش لحد..
بصيت للواقف جنبها بتأمل فيه..
مانا عرفت انه ابن عمها...وبعدين طمنتهم ومن يوميها وانا ونوران بنت الشيخ وكبير الجنوب كله صحاب..
بتجيلي سرقه..ولو اتقابلنا بنبقي زي الاغراب..
فوقت علي صوتها..
وهي بتبكي..
الحجيني ياميا .حمدان
في ايه يا نوران قلقتيني.
فضلت تبكي كتير وردت وقالت..حمدان.؟
ـ ماله حمدان يا نوران
ـ لطمت خدها وقالت..حمدان هرب وفاتني يا ميا
بعد.....
بصيت لها بهدوء وقولت..اوعي تكوني عملتيها يانوران؟
هزت راسها وقالت..اه..اه يا ميا ايش أسوي؟ ياريتني سمعت كلامك..أني خلاص انتهيت وبوي مصمم يجوزني لزيد واد عمي..
ورائيف اخوي هيجتلني يا ميا..
افتحي فنجانك يا ميا واعرفيلي وينه مهران..
هزيت راسي بقله حيله وقلتلها..
ياما حذرتك منه..مسمعتيش الكلام..قولتلك باين علي وشه انه ملعب وبتاع كلام..
تعالي نشوف هيقول ايه الفنجان..
قعدت وفتحنا الفنجان في ركني البعيد عن الخيمه اللي ساكنين فيها..
حاولت اعرف شئ عن حمدان..بس مشوفتش كل اللي بشوفه سواد وشاب طويل زي اللي بشوفه في الفنجان والاحلام..بس ملامحه مش ظاهره..
قفلت واتنهدت ومشيت نوران..
ياريت بايدي يا نوران
فجأه لقيت نفسي زي كل مره رجليا وخداني للامكان..
بس المره دي كان المكان غير المكان
اترعش قلبي وانا شايفه نفسي قدام مكان كبير لتدريب الفرسان..
وافتكرت حكاوي نوران عن أبوها وأخوها..وانهم عندهم مزرعه كبيره لتدريب الخيول والجمال..لسباق الفرسان..
اخوها شراني زي ماهي بتقول..ويمكن اقوي من ابوها..
بصيت حواليا واتاكدت اني في وسط المناصره واني دخلت برجليا صومعه الفرسان..
ارتعش قلبي وجف ريقي..
رجعت لورها بظهري كان الليل ليل عليا وصوت قوي زي الرعد بيدوي في وداني..
عمال يؤمر وينفذ..
وبدل ماارجع لورا وأجري..وأنفد بجلدي..لقيت فضولي اللي موديني في داهيه بياخدني..اني اشوف صاحب الصوت دا..
قربت بشويش لحد مابقيت قدام البوابه الحديد.بتاع المزرعه..
لمحت فتحه مدوره فبصيت منها..
وقعت عيوني اللي زي عيون الساحرات زي مابيقولولي.
علي عيون حاده بتلمع بالضي في وسط العتمه..
طلعت بعينيا ولمحت شعره المداري تحت عمامه ملفوفه علي راسه زي شيوخ القبايل
ـ معقول دا رئيف..؟
رئيف اللي بيتغني بحسنه وهيبته ستات الغجر كلها
انا عمري ماشوفته حتي اخته دايما بتوصفه بالوحش والشرير
يالهوي ايه الهيبه دي..؟
وليه الكل بيخاف منه كدا..
ضربت راسي افوقها..وانا بقولها..اهدي يخربيتك هنروح في داهيه..اتأففت وغصب عني رجلي جت في البوابه فعملت صوت
لقيته التفت لاتجاه الصوت بسرعه وعينه حطت علي عيني..
ارتعش قلبي..بس المره دي..مش خوف لااا..
حسيته خطف قلبي..
معقول في حد.بينخطف من اول نظره..
غمض عيونه كده وكأنه بيتأكد ان فعلا في عيون بتبص عليه..
رجعت لورا..ومشيت ولا همني..مانا مقولتلكوش أنا مبخافش..الا نادرا..
قلبي قوي..وكله جبروت زي ماالعزازي ابويا بيقول
بيقولي انتي قادره..
وبتسحري اللي يشوفك..
انتي ينخاف منك مش عليكي..
ماهو مش ذنبي اني اتولدت جميله..
في كل مكان اتنقلنا ليه..كنت سبب مشاكلهم..وبيضطروا يرحلو لحد ماابويا قرر يحبسني..
كبرت وانفرد عودي واحلويت فطمع ابويا فيا..
وعاوزني أرقص في الصوان..اللي بيعملو كل خميس
وبياجي لينا كل متعوس وخبيث..
ولكني كنت برفض دايما..
حسيت بصوت خيل جاي ورايا..بيجري..
مهتمتش ومشيت..
مشيت بدندن..بأغنيه علطول بحب أغنيها
وشعري الطويل الغجري اللي زي سواد الليل
بيطير ورايا
وابتديت أغني وكأن الكون دا بتاعي..

✍️ احببت غجري.. أسماالسيد

انا الغجريه بنت الوادي والصحرا
انا المولوده تحت السما الحرة
حكاوى السحر عني كتير يحكوها
انا الفرس اللى قلبه عنيد كما الصخرة
اوعى يدوب قلبك وتعشق بنات الغجر
تسهر تموت عطشان وانت في عز المطر
لو كنت يوم خيال وقلبك بعشر رجال
هيلين على يدي ويعيش ضعيف الحال

سكت واندرت لقيته واقف بهيبه وساند علي فرسه اللي كيف الليل الاسود..
بيسمعني بهدوء..ومربع ايده وحاطت رجل علي رجل في وقفته
كان زي الامراء
وفجأه انرسم بخيالي صوره الشاب الطويل اللي بشوفه في الفنجان..
فوقت ورجعت خطويتين برجليا
صوت خلخالي بيرن في سما الصحرا..

ووقفت قدامه..

وابتديت أغني تاني..

انا الغجريه بنت الوادي والصحرا
انا المولوده تحت السما الحرة
حكاوى السحر عني كتير يحكوها
انا الفرس اللى قلبه عنيد كما الصخرة
اوعى يدوب قلبك وتعشق بنات الغجر
تسهر تموت عطشان وانت في عز المطر
لو كنت يوم خيال وقلبك بعشر رجال
هيلين على يدي ويعيش ضعيف الحال

حسيته اتنفضت من مكانه ولقيته بيقول..

ايش جابك لارض المناصره ياغجريه..؟
ضحكت وبصتله ببراءه وقولتله اسمي ميان، وبيقولولي يا ميا..تقدر تقول اسمي علي فكره
ولو عاوز تعرف ليه؟
هقولك معرفش..
بصلي بغموض.. وقال
كيف مابتعرفي؟
وكيف قطعتي الطريق دا كله.. لحالك بين ارض الغجر والمناصره لحالك..
مديت رجلي اللي بمشي بيها في الرمله من غير شي يحميها
وبدأت العب برجلي في الرمله
وابتسمت..
وقولتله..رجلي اللي جابتني..ليه وازاي معرفش
ومتسألنيش عشان هقول
معرفش..
ـــــــــــــــــــــــ
أول مالمحت عنيها اللي شبه السحر عرفتها علطول
دي ميان..جميله جميلات الغجر
مقدرتش قلبي ارتعش وحسيت اني مش علي بعضي..
الكل بيتغني بجمالها وسحرها
الا انا..اول مره شوفتها كانت من سنتين..
علي شط البحيره..
وانا بتمشي بايهم .الحصان بتاعي..
معرفش ايه حصلي..ساعتها..
لقيت جسمي اتخشب مره واحده..ووقعت اسير لعنيها اللي مرسومه زي لوحه فنان.
ولاني رئيف ناصر ابن المناصره قدرت اعرف كل شئ عنها
ولقيتني بنوحل في اسرها اكتر
فسافرت مهو مستحيل اكون كبير قبيلتي ويسمحولي أكون لغجريه..
بعدت سنه كامله ولما رجعت فاجأني ابويا بجوازي من حفظه بنت عمي..خضعت لابويا واتجوزت
وقولت هنسي العيون اللي اسرتني..بس مقدرتش
لا قدرت اكون ليها ولا لغيرها..
عايش تعيس وكان الغجريه وسمت قلبي باسمها..طول العمر
غجريه أسرت قلب ابن المناصره..
اتنهدت وانا شايفها زي الفراشه بتدور قدامي..طب أعمل ايه بس..
قلبي هينفجر مني..
أنا رئيف ..اللي الكل بيهابه..وجعت لغجريه..
مسمعتش تحذيرات ابويا وجدي..
وهما بيقولو ابعد عن الغجر بيسرقو الفراشات من عالشجر..
ابتسمت وقربت مني وسحبت ايديا اللي مربعها وبصت عليها بهدوء..
وقالت..
خليني اشوفلك ايه مكتوب..
نزعت ايدي منها بسرعه..
وقلتلها..هتدخلي بالغيب يااك..استغفر الله العظيم هذا شرك..
لقيتها مدت شفايفها اللي مزيناها بالحمره وتتاكل أكل كيف التوت..
غمضت عيني ولقيتني بقول..ياابوي..
فتحتها لقيتها بعدت فلقيت نفسي بجري وراها كيف المهبول
ميا..استني ياميا
بس مردتش عليا..
سمعت ضحكتها..وصوت غناها بنفس الاغنيه
مسكت قلبي  بايديا وقلت خلاص انت انتهيت يا رائيف..
فضلت اجري وراها..
وانا حاسس انها مش طبيعيه..انا من يوم ماشفتها وانا بقول لا يمكن دي تكون انسيه..
لحد ماصرخت وانا شايفها  بتختفي..
رايحه للمتاهه..برجليها..
اندارت ليا..ونادت عليا..
رائيف..
جحظت عيوني..وانا بفكر
عرفت اسمي منين..؟
انا اساسا مقولتوش..
معقول..
صرخت ساعتها وقولت ميان
استني ياغجريه. ومهوش مش معقول هسيبها تاني
لا يمكن يكون..
وفجأه...
عينك ماتشوف الا النور...
ــــــــــــــــــــــــــــــــــــــــــ