الفصل الثانى عشر

كانت هناء منتظره بفارغ الصبر بدء المشروع علشان تكون جنبه دائما طبعا هي عرضت عليه المساعده خاصه انها في الاجازه وقررت انها تبقى المساعد بتاعه خصوصا وانها عندها خبره كبيره في الزراعه وكانت مهووسه بها لدرجه كبيره ولولا حلم والدها والدتها انها تبقى دكتوره كانت دخلت كليه زراعه على شان تقدر تمارس هوايتها اللي ما كانش احد عارف انها مهووسه فيها

طبعا اول شيء هي عملته بدات تجهز وتراجع كل الابحاث اللي كانت بتقراها في كل العالم عن احدث اساليب الزراعه واللي ممكن تتوفر عندهم

ما كانش احد عارف ان دي هوايتها رغم ان هي قدرت تحول جزء كبير من الارض الخاصه بها لمزارع فاكهه باقل الامكانيات وما كانش احد فاهم هي عرفت تعمل كده ازاي وده اللي كانت عايزه تقوله لعادل لانها كانت حابه ان هو يعرف ان في بينهم شيء مشترك وهو عشق الزراعه والارض

جهزت نفسها كويس وقررت انها تعزمه علشان يزور مزارع الفاكهه بتاعتها،وفعلا بعثت له علشان توريه الارض وقالت له يا ريت يقابلها ثاني يوم على حدود الارض بينهم علشان توريه مزرعتها بتاعه الفاكهه

لما وصلته الرساله كان مستغرب منها هو صحيح شاف الارض كلها لكن ما وصلش بحدود مزارع الفاكهه اللي شافها واللي كان شجر الموز واضح فيها كويس وافتكر ان هي بعت الارض دي مستغرب جدا ان هي اللي حولتها لمزارع فاكهه

وافق طبعا على دعوتها وثاني يوم راح علشان يشوف المزرعه اللي هي عملتها وما كانش مصدق لما شاف الشجر اللي مزروع جوه الجنينه كانت حاجه مهوله وجميله جدا ما شافهاش في مصر من زمان وكان فاكر ان هو اول حد هيعمل حاجه زي كده لكن مستغرب هي عارفه ده كله ازاي ومين ساعتها علشان تزرع كل الشجر ده وقرر يسالها

: مين اللي ساعدك في كل ده يا هنا وقدرتي على تكلفه ده كله ازاي انت عارفه يا بنتي الشجره من دول ثمنها كام؟
ضحكت هنا وكانت فخوره جدا بنفسها خاصه ان هي قدرت تثير اعجابه وكانت منتظره اللحظه دي علشان تقول له على اللي هي عملته وانها هي اللي عملت كل ده وبدات تحكي له هي بدات ازاي وايه اللي عملته وهي عماله تلف في الجنينه بتاعتها بتكلمه عن كل شجره وكل فخر جواها

: الموضوع ده بدا بعد ما حضرتك سافرت سنه طبعا انا كنت بادرس في الوقت ده وكنت حابه جدا مجال الزراعه وقتها بدا فكره الفيديوهات دي في دماغي وكنت باقعد ادور على حاجات كثيره تخص الزراعه وكنت باقراها وبدات اقدم الفيديوهات خاصه ان انا كنت باتابع كل ابحاثك اللي انت كنت بتنشرها وكل الدكاتره اللي كنت بتشير اليهم كنت باقراهلم كتبهم

عادل استغرب من اللي هي كانت بتقوله وخاصه ان الابحاث دي كانت بتبقى مكتوبه بالانجليزي وساعات بتبقى بالفرنساوي والالماني كمان
: ازاي يا هنا قدرت تقراي الكتب دي ده اغلبها كانت بتبقى منشوره بالانجليزي او بلغه العالم الام كنا بننتظر انها تنزل ترجمتها؟!
هنا: عارفه طبعا يا دكتور بس اللي انت ما تعرفوش ان انا كنت شاطره جدا في الانجلش وكمان اخذت كم كورس كده في الانجليزي علشان انمي ما قدرتش على قراءه اللغه دي كويس قوي مش مجرد كلام بس واخذت كمان كورس في الفرنساوي والالماني يعني انا دلوقتي بتكلم ثلاث لغات فعلا
عادل ما كانش مصدق ان هي بتقوله وفجاه سالها سؤال بالفرنساوي وعلشان ذهوله يزيد لقاها بترد عليه بكل سلاسة كانها بتتكلم بلغتها الام وفعلا قدرت انها تثير اعجابه للمره الثانيه وبدات تحكي له هي ازاي قدرت تحول الارض اللي كانت ما بتزرعش غير رز وقمح بجنينه الكل بيسعى ان هو يشتريها
هنا: طبعا بعد ما قرات كل الابحاث دي وكل الفيديوهات اللي كنت باعملها في يوم واحد من المتابعين اتحداني ان انا انفذ اللي انا باقول عليه واني باقول كلام وبس صعب التنفيذ فبدات معهم التحدي وبدات اجيب الاشجار دي وهيأ لها البيئه اللي هي محتاجاها علشان تدي النتيجه وكنت باعمل كل اللي كنت باقراه في الابحاث دي لغايه ما بقت بالشكل اللي انت شايفه ده لا وكمان قدرت اهجن بعض الانواع مع بعض واللي انت ما تعرفوش كمان يا باشمهندس ان انا باصدر دلوقتي محصول الجنينه دي

عادل ما كانش مصدق كل اللي هي بتقول عليه يعني مش كفايه ان هي حولتها لجنينه بالروعه دي لا وكمان بتصدر المحصول بتاعها
: مش معقول بدات التصدير المحصول ده امتى وتوافق عليه بسهوله كده؟!
: انا بدات تصديره السنه دي بس عايزه اقول لك ان اول دفعه كانت مش من شهور بسيطه لكن كنت فرحانه قوي لان قدرت اخيرا احقق حلم والدي وان اخلي الارض دي جنه اتزرعت بيد مصريه تاكل العالم كله وطبعا المحصول ده اهل البلد هنا داقوه كلهم ما باصدروش كله