الفصلالخامسعشر

ف شركه أمل الجابر ...

السكرتيرة حسناء : سامى الفاروق نورت الشركه

سامى : اندهيلي سالم ياريت يعني

حسناء بهدوء : حاضر

حسناء دخبت متوجه الى مكتب سالم

سالم بأجهاد : خير يا حسنا ف حاجه ؟

حسناء : سامى باشا عايز حضرتك

سالم : هو شرف ماشي روحي انتي على مكتبك و انا هروحله

حسناء بعمليه : تمام متتأخرش عشان شكله لا يسر عدو و لا حبيب

سالم بالامبالاه : على نفسه انا ناقص

سالم دخل مكتب سامى

سامى : اقعد يا سالم

سالم : خير

سامى : طبعا انت من هنا و رايح هتبقي المحامي بتاعي انا مش محامي أمل الجابر

سالم : اسف يا سامى باشا انا محامي أمل بس

سامى : بقولك ايه يا سالم متنساش انك شغال دلوقتي فى شركتي و سهل اوووي ارميك بره الشركه

سالم ضحك بستهزاء : لا نقول الجمله بمعناها الصح هي شركه الحج محسن الحابر  اللي قبل مايموت رحمه الله عليه  كتبها بأسم أمل و هتفضل كده يعني اللي صاحب الشركه دلوقتي هي أمل محسن اللي انت ختها بالتزوير

سامى بغضب : أمل ملهاش اي حاجه هنا دي شركتي انا و الشركه دي دايما من حقي .. محدش كان يستاهلها غيري و انت مطرود بره الشركه يا سالم و بستهزاء تبقا خلي أنل هانم بقا تنفعك

سالم : مشي و وقف تاني و بابتسامه خبيثه الشركه هترجعلها عاجلا ام اجلا اصل الحرام مبيدمش ابدا خليك فاكر يا و بستهزاء يا سامى باشا و سابه و مشي و هو عارف ان هو دلوقتي هيولع من العصبيه
سامى مسك موبيله ..

سامى : صبري عايزك ترقبهالي خطوه بخطوه .. حتي لو وصلت بيك انك تراقبلي النفس اللي بتتنفسه وقفل السكه من غير مايسمع رد .. و بغضب و نرفزه اما وريتك يا أنل مبقاش انا سامى الفاروق ..
و ب شر انا هخليكي ول ا تسوي اي حاجه
. . . . . . . .
ب شقه هبه ..
اسر الصغير فتح

أسر الصغير : عمو حمزه

حمزه ضحك : ياالهوووي ع اسمي القمر اللي بيطلع قمر منك

أسر بخبث : اهلا اهلا ايه اللي جابك

حمزه : ده بدل ماتقولي اتفضل

أسر : احنا هنستهبل انت مش جاي عشاني اصلا

حمزه : احم احم اخويا و صاحبي و كفاءه برضو مافيش كلام اللي دايما فاهمني صاحبي السندال اللي عمره ماكان من الاندال

أسر ضحك جامد : الله يخربيت تشبيهاتك يا شيخ .. ع العموم هي مش رايحه الجامعه اصل كان فى حاجه اهم من الجامعه كانت الطعميه

أسر بصدمه : اكلتوا بسكوتي طعميه يا عالم يا قادره

أسر : ضحك جامد على صدمته : بسكوتك هي اللي عجبتها ريحتها فحبت تجربها .. بس المهم هي اكيد بكره هتروح تبقا وديها عشان هي مش عارفه الطريق

حمزه : اولا : اياك تقول بسكوتك دي تاني انا بس اللي اقول كده اي حد تاني لا ثانيا بقا انا اصلا كنت ناوي اعمل كده من غير ماتقول

أسر : كتك نيله يا حمزه طلعت بتغير .. مش خايف تيأس

حمزه : اه بغير و بغير جدا كمان .. لا مش هيأس و كلمه قولتها لعز و هقولهالك اللي بيحب مبييأسش ابدا اللي بيحب بيعافر

أسر : و ده اللي هيخليني اقولك وديها بكره و مش هبقا قلقان

حمزه ببتسامه : دي نور عيوني يا عم

تقى : ايه ده حزه هنا يا مرحبا يا مرحبا

حمزه : اهلا اهلا بضحك : انا هطير انا بقا

أسر : خلي بالك من الطريق

حمزه ببتسامه : حاضر يا صاحبي

أسر :  اومال فين ماما

تقى : قاعده مع طنط وفاء دول حبوا بعض اووي

أسر : طب تمام تعالي يا تقى عايز اتكلم معاكي

تقى : أسر مالوش لزوم انا كويسه والله

أسر بأصرار : يلا يا تقى

تقى بتنهيده : حاضر خلاص

كانت هبه و وفاء يتسامرون ودخلت عليهم امل بهدوء قائله : قطعتكوا !

هبه : لا يا بنتي اقعدي

أمل : شكرا بجد على الاكل و الشقه و كل حاجه بجد

هبه : ايه اللي انتي بتقوليه ده .. والله ربنا بعلم انتوا دخلتوا قلبي ازاي

أمل ببتسامه : شكرا ليكي بجد .. . ونظرت لداده وفاء :  داده انا بكره هسافر اسكندريه هصفي الشركه اللي هناك

وفاء بتعجب : و لما تصفيها هتعمليها فين ؟

أمل : هعملها هنا ف الشرابيه

هبه و داده وفاء بصوا لبعض بصدمه : شركه فى الشرابيه ؟
امل : ايوه و فيها ايه و غير دي هتكون مربحه جدا

داده وفاء : أمل بلاش تكون السكينه سرقاكي

أما : داده انا بكلم جدا مبهزرش انا خطتط ليها يا داده المهم اني انا بكره هسافر اسكندريه عشان اخلص من الموضوع ده و سابتهم و قامت

داده وفاء بصت ل هبه : شوفتي هي كده دايما

هبه ابتسمت : بتفكرني ببابا الله يرحمه و بمحسن شديده وصعب حد يقرأ هي عايزه ايه ابدا ربنا يوفقها بجد يلا انا هنزل بقا

ف اوضه ادهم ..

بغرفه أسر نظر لأخته و قال : ها احكي سمعك و بلاش تقولي انا كويسه عشان انا عارف انك مش كويسه او بمعني اصح قلبك مش كويس

تقى : اول ما أسر قالها كده اتفتحت ف العياط

أسر : بقا يطبطب عليها اهدي طيب اهدي مدحت عمل ايه

تقى ببكاء : اتغير اتغير كتير مش مدحت اللي حبيته ابدا يا أسر مش هو كانه اتبدل بقا واحد تاني غير اللي انا عارفاه بقا دايما يزعق و يسبلي البيت ده وصلت بيه كمان انه بقا يزعقلي قدام أسر .. أسر بقا شايفه وحش يا أسر و انا مش عايزه يشوف ابوه كده ابدا .. أسر انا عارفه انك صح فى كل حاجه بس انا بحبه فاهمني

أسر : خدها ف حضنه فهمك يا تقى و فهمك اوووي كمان .. انا هروح له بكرا و هتكلم معاه

تقى بسرعه : لالا عشان خاطري يا أسر لا متروحلوش

أسر : لا طبعا تقى لازم يعرف اني انا فى ضهرك

تقى : عشان خاطري يا أسر

أسر بهدوء : عشان خاطري انتي بس .. انا بكره هروح خلاص و لنفسه و اما اشوف هتبقا عامل ازاي قدامي يا مدحت

تقى : انا عارفه اني مش هعرف اقنعك أسر مسحلها دموعها قومي اغسلي وشك انا احرق الدنيا عشان دموعك دي

تقى : حضنته ربنا يخليك ليا وماتحرمش منك يا أسر ياررب  و قامت و كانت لسه هتمشي بس وقفت تاني أسر

أسر : نعم يا تقى

تقى : أمل هي كمان بكره مسافره اسكندريه عشان هتصفي الشركه بتاعتها هناك

أسر بستغراب : هي مش اتحجر على ممتلكاتهم

تقى ابتسمت : لا أنل دايما بتكون عامله حساب اي حاجه و بتبقا عامله استبنات عشان تتسند عليها فهي ليها شركه هناك كانت كتباها بأسم سالم ابن خالها بس ورق صوري كده المهم اني هي بكره هتروح تصفي الشركه دي .. أمل ذكيه وذكيه جداجدا كمان  .. المهم سيبك من كل ده طلما انت رايح روحوا مع بعض و ارجعوا مع بعض هي برضو هنا مش عارفه الطريق

أسر : نروح مع بعض بصفتي ايه يا تقى و غير ماينفعش دي بنت وليها سمعتها اي حد هيفتكر حاجه و انا مش هحب ابدا حد يتكلم عليها عشان ساعتها هقطع لسانه من لغلوغه

تقى : طب اعرض عليها كده

أسر : يا بنتي شوف انا بقول ايه و انتي بتقولي ايه انا غريب عنها انا و لا اخوها و لا خطيبها و لا جوزها انا غريب عنها حطي تحتها مليون خط

تقى : ماهي لو ركبت مع سواق ماهو غريب عنها هو كمان ايه المشكله فيك دلوقتي

أسر : دعك ف دقنه امشي يا تقى امشي

تقى ضحكت :  انت هتدعكلي فى دقنك لا ياعم انا همشي بكرامتي احسن

أسر : شاطوره بتسمعي الكلام اتكلي على الله بقا

بعرفه ناديه مانت ممسكه بهاتفها رات الخبر اتنهدت ( وادينا اتفضحنا و بقت سيرتنا ع كل لسان )

أمل دخلت عليها الاوضه

أمل بستغراب : انتي بتكلمي نفسك

ناديه : هو بعد اللي حصل ده الواحد المفروض يكون سليم .. بصي الخبر الرهيب سامى باشاا خلاص مسك اداره شركات الجابر كلها

أمل بهدوء : عادي مضايقه ليه ؟

ناديه : لا انتي بتهزري صح انا نفسي اعرف ايه الهدوء ده واحده غيرك دلوقتي كانت زمانها هدت الدنيا عليهم دول مزورين

أمل ببرود : خلصتي يا ناديه .. و بنظرات شرسه صوتك يوطي واخر مره اسمعك بتعلي صوتك عليا مفهوم يا ناديه

ناديه بخوف : اسفه مكنتش اقصد بس قدري اللي حصلنا ده رد فعل طبيعي مني

أنل : قربت منها و مسكت وشها بكف ايديها ناديه حبيبتي كل حاجه هترجع زي الاول اوعدك و ببتسامه خبيثه سيبي سامى الفاروق يفرح شويه هو محدث نعمه ف انا هسيبه يفرح شويه و شويه كتير كمان لحد مايشبع او مايشبعش مش ضامنه الصراحه

ناديه بلئم : هى دى أمل الصقر اللي انا عارفاها.. اضرب بأيد من حديد يا وحش

امل : المهم يلا نامي انا عدتلك النهارده بمزاجي عدم مرواحك لجامعتك لكن بكره هتروحي مفهوم

ناديه : حاضر يا باشا علم وينفذ

أمل ضحكت : نامي يلا تصبحي ع خير
بشقه هبه
قاعدين بيتغدوا ..

أسر : ماما انا بكره مسافر اسكندريه عندي شغل هناك

تقى بصتله و ابتسمت و فهمت انه هو مش عايز يقلق امهم
هبه : ماشي يا ابني .. و أنا بكره مسافره برضو تبقا خدها معاك
تقى كانت كاتمه الضحكه
أسر : ماما تقى قالتلي نفس الجمله و قولتلها لا
هبه : ليه يا أسر
تقى : عشان هو و لا خطيبها و لا جوزها يبقا بصفته ايه يمشي معها هو غريب عنها فماينفعش

هبه : زي اختك يا أسر

أسر : ماما مافيش حاجه اسمها زي دي خالص على فكره

هبه : كلمه و مش هتنيها يا أسر بكره هتروحوا و هترجعوا مع بعض من اسكندريه خلاص و انا دلوقتي هكلم وفاء و اقولها اني انت هتروح مع أمل بكره تمام

أسر : ماما لو سمحتي

هبه بلئم : اول مره تكسر كلمتي يا أسر اول مره انا معرفتش اربي خلاص

أسر : ماما لوسمحتي خلاص حاضر هروح معاها ارتحتي كده يا ماما

هبه : ربنا يجبر بخاطرك زي مانت جابر خاطري

أسر : ياررب يا امي ابقي قوليلها بقا اني احنا هنسافر ع 7 الصبح

هبه ببتسامه واسعه : حاضر

أسر : ايه الابتسامه الواسعه دي ياماما كل ده عشان وافقت سبحان مغير الاحوال اللي يشوفك امبارح حقيقي مايشوفكيش النهارده
هبه : النبي وصي ع سابع جار ياابني  و هما بصراحه يدخلوا القلب
أسر : اما اشوف اخريتها يا ماما ولنفسه ياررب عدي بكره ع خير
بغرفة أمل
أمل الرجاله كلهم خاينين .. كلهم يا أمل كلهم اوعي تسلمي قلبك لحد اوعي محدش هيصونه اوعي يا أمل و في نار بتقرب عليها و ابتسامه مخيفه اترسمت ع وش أمها .. ماما النار يا ماما النار بتقرب مني امسكيني يا ماما امسكيني  وأمل لقت ايد مسكتها بس هي مش عارفه مين
الشخص : أمل هاتي ايدك تبتي فيا كويس
أمل بدموع : متسبنيش ارجوك متسبنيش
الشخص : عمري ماهسيبك يا أمل عمري ماهسيبك
أنل اتنفضت من النوم : انا كنت بطلت احلم الحلم ده انا ايه اللي بيحصلي
داده وفاء خبطت
أمل : ادخل
داده وفاء بستغراب : مالك يا بنتي وشك عرقان كده ليه
أمل : مافيش انا كنت نايمه و هنا الجو حر اووي كمان
داده وفاء : هتتعودي

أما : متقلقيش يا داده انا بعرف اتكيف مع اي حاجه لكن ناديه مش اوووي .. خير يا داده ف حاجه حصلت
داده وفاء : لا يا حبيبتي مافيش حاجه حصلت ده انا دخلتلك عشان اقولك هبه كلمتني و قالتلي ان أسر كان مسافر بكره شغل فقالتلي انكوا تروحوا مع بعض  و ترجعوا مع بعض عشان مترجعيش لوحدك
أمل برفعه حاجب : وع اساس ان انا صغيره مثلا عايزه حراسه
داده وفاء : لا يابنتي عشان يعني انتي هنا جديده و مش عارفه المناطق و لا تركبي منين و لا الكلام ده

أمل : داده انا هروح بأوبر يعني شكرا مايتعبش نفسه
داده وفاء : أمل انا مش هخليكي تسافري لوحدك .. و انتي عارفه كويس جدا ان المستوي مبقاش زي زمان و غير لو سمحتي كرهك للرجاله حطيه ع جمب
أمل : وانا قولت اني مش رايحه يا داده والموضوع اتقفل خلاص ماشي
داده وفاء : أمل
أمل بحزم : قولت اتقفل خلاص يا داده و غير كده كده فاضل ساعه و هقوم عشان البس عشان ارجع بدري و سابتها و قامت تدخل الحمام ..

داده وفاء : أمل ربنا يرزقك بواحد يهد كل الاسوار اللي بنيها حوالين نفسك دي قادر يا كريم


بغرفه ناديه جائها أتصال لتفتحه وتجيب بدون أن ترى هوية المتصل : ايوا يا مكه

حمزه بضحك : مايمشيش معاكي حمزه

ناديه اتنفضت : حمزه هو فى حاجه و لا ايه

حمزه : لا مافيش انا بس كنت بصحيكي عشان نروح الجامعه سوا بدل ماتروحي لوحدك

ناديه ابتسمت : عادي على فكره انا هاخد اوبر او تاكسي عادي يعني

حمزه : قومي البسي يا ناديه عقبال ماخلص لبس و هعدي عليكي تمام و قفل من غير مايسمع ردها

ناديه : بصت للموبايل ايه ده ده قفل ف وشي .. ده بيأمرني كمان  و لقت نفسها ابتسمت

أمل دخلت يلا قومي عشان اوديكي جامعتك واطلع ع اسكندريه

ناديه : لا يوسف هيجي معايا هو قالي كده وكلمني كمان و كويس يعني بنسبه اني هو ساكن هنا كمان

أمل بهدوء : تمام خلي بالك من نفسك مفهوم

ناديه : متقلقيش حمزه محترم و انتي عارفه ده كويس

أمل : تمام ماشي

ناديه : صح استني انتي هتلبسي ايه .. انتي لازم الصحافه متلقطكيش خالص

أمل بهدوء : هنزل اخد حاجه من عند تقى .. متقلقيش فكرت ف الموضوع ده
ف شقه هبه ..
الباب خبط أسر : أمل !
أمل : صباح الخير بعتذر ع اني خبطت دلوقتي بس انا عايزه تقى
ادهم : كان لسه هينده لقي تقى جت جمبه

تقى : أمل خير ف حاجه ولا ايه
أمل : كنت عايزه لبس اسافر بيه عشان انا مش عايزه الصحافه تتعرف عليا نهائي ممكن

تقى : طبعا تعالي خشي و شوفي الدولاب نقي اللي انتي عايزه

أسر الصغير : الله انتي حلوه اوووي يا طنط تعرفي كده

أسر بصله : أسر عيب

أسر الصغير : ثوري (سوري ) يا خالو

أمل ابتسمت : نزلت لمستواه هاي انا أمل

أسر الصغير : وانا أسر

أمل : انت قمور خالص تعرف انت كده

أسر الصغير : ضحك ببرائه واتكسف .. وبص ل تقى ماما بتقولي اني قمور خالص
كلهم ضحكوا عليه

تقى : تعالي يا مغلبني نشوف طنط عايزه ايه طيب

أسر الصغير : ادخلي يا طنط ادخلي

تقى : ده حبك اوووي يا أمل خلاص

أمل شالته تعالي نقي معايا بقا

أسر الصغير بفرحه : ماثي (ماشي ) يا طنط
عند سامى يقف امام نافذة مكتبه يهمس بحقد و غل : أمل بح خلاص عقبال مخليها بح خالص من ع وش الدنيا واخلص منها زي ماخلصت من كل اللي حواليها وضحك ضحكه شيطانيه . . .