كان في اجتماع مع صاحبه وسكرتيرته وكم موظف من الموظفين وفجأة ضرب المكتب بعصبيه ايوه هو إياد صاحب اكبر شركة فاشون في الشرق

إياد بغضب: تاني؟ هيفضل ورايا الكائن ده مش قلتلك يا زفت تشوفلي هكر للموضوع ده 

كان قاعد قدامه صاحبه المقرب بدر

بدر كشر:عملت كده والله بس مفيش فايدة جبت احسن ثلاثة ومفيش حاجه 

إياد قعد ببعصبية علي كرسيه وبيتنفس بغضب

اياد: الكلب اللي شغال من ساعتها يدمرني ومعرفش هو مين ازاي الناس تشتري من شخص هم ميعرفهوش 

لين بهدوء: زي ما حضرتك قلت شخص مجهول ومحدش هيصدقه كفايه اننا ملتزمين بالصفقات اللي عندنا ودي اكيد هتقوم الشركه تاني

اياد بغضب: الشركة موقعتش عشان تقوم يا انسه لين

لين بهدوء: عارفه وعشان كده بقول نكمل ومنقفش عشان متقعش

اياد قام بغضب: الشركة مش هتقع واكيد مش قاعدين حاطين ايدينا علي خدنا يعني اكيد بنشتغل يا انسه لين كلامك مش منطقي

لين بتراجع: اسفه اني اتكلمت يافندم

بدر:اياد ااهدي شويه متنساش ان لينا تعاملاتها كتير بره ولو الناس مشترتش من هنا تشتري من بره

اياد بصله بغيظ:اسهمنا نزلت كام في الميه يا بدر

بدر اتنهد:١٥٪

ايد بغيظ: وتقولي اهدي شايفني بشد في شعري اطلعوا بره بره دلوقتي 

الكل طلع واياد قعد علي الكرسي واتنفس بغضب علي الشخص الغامض اللي بينافسه 

اياد: عنده 27سنة يكون صاحب شركه فاشون ورلد راجل مرح وفي نفس الوقت بيتعصب بسرعه عنده عقدة من البنات بسبب انهم بيلزقوا فيه علطول

بدر: صديق عمر اياد عنده 27سنة راجل مرح ويكون مدير القطاع التاني من الشركه 

لين: عندها ٢٥ سنة تكون صاحبه اسيا من ايام الكلية بنت مرحه جدا وطيبه وشريرة

*في مكان في واحد من العمارات بنت بتغني باجمل صوت وبترقص في مطبخها وهي بتطبخ الاكل 

#بس بطلي تغني صوتك وحش

بصتله البنت دي بغيظ:ولااا انت ازاي تقول عن اسيا متولي ان صوتها وحش دا انا اصاله في نفسي انت ايش فهمك انت

رد عليها اخوها اريان بتريقه:هه اصاله الله يرحم كملي طبيخ كملي قال اصاله قال

اسيا بذهول:شوف الواد ولاا قول كلام علي قد سنك 

اريان بتريقة: سني!! لما يبقي معايا شحطة عندها ٢٣سنة وتصرفاتها تدل علي طفله عندها ٥سنين متوقعه مني اي 

اسيا بذهول تاني: شوف الكلب ابن الايه-رفعت المعلقه الخشب في وشه- تعالي هوريك الطفله دي ممكن تعمل ايه

اسيا فضلت تجري ورا اريان وهو نط ورا اخوه ايان

ايان وهو بيبص في الكتاب: ممكن تسيبوني عشان انا مشغول

اسيا بتريقه: مشغول في ايه الرواية الغريبة دي

ايان بصلها: اولا يا جاهله دا كتاب تاريخي وانا اشتريته بمصروفي ومجيش وانا بقرأه ناس زييكم يتصرفوا زي الاطفال ويقاطعوني

اسيا بذهول للمرة الثالثة: شوف الواد فاكرلي نفسك نجيب محفوظ ياض 

ايان بصلها: ليه لا بكره ابقي زييه عموما امشوا بقا صدعتوني

# الله في اي مالكم بتتخانقوا كده

اسيا نطت علي امها: يا نونة عيالك بيهزقوني بالرغم اني الاكبر منهم

نادية بصتلهم: هم والله قعدين اهم مالهم بقا

اسيا: ابنك بالراء(اريان) بيقولي صوتك وحش هل انا صوتي وحش

نادية بنفي: محصلش صوتك زي العسل

اريان بتريق:  عسل اسود بعيد عنكم

اسيا بصت لمامتها وشاورت عليه:شفتي

نادية: ولد عيب كده اختك صوتها مزع....قصدي صوتها حلو

آسيا بذهول:حتي انتي يا نبع الحنان

نادية بضحك: يابت اتهدي شويه طب اريان وعرفنا انه شقي وبيحب يناغش ماله ايان بقي

اسيا بتريقه:عامل فيها نجيب محفوظ ومندمج في القراءة

ايان: انتي مالك ياساتر عليكي واحد وبيقرا عيزة مني ايه

اسيا بتفكير: هو انا مش عايزة حاجه بس منظرك وانت مندمج في القراءة كده محسسني اني ضيعت نص عمري هباءا

ايان بصلها: ايده انتي لسه مكتشفه الموضوع ده طب كويس انك عرفه ان عمرك ضاع هباءا 

نادية: خلاااص كفايه نغش-بصت لبنتها- اخبار شغلك ايه

اسيا: اي واحد

نادية: الاتنين

اريان: لسه مسلم طلبيه امبارح لزبونه واخدنا فلوسها 

اسيا: شغلي علي الفيس ماشي زي.الفل لاكن شغلي التاني العائلة اللي كنت بشتغل عندها سافرت امريكا بلا رجعه وقبضوني فدلوقتي بحاول اني ادور علي شغل تاني لين قالتلي ان مديرها محتاج خدامة تكون صغيرة عشان تقدر علي شغل البيت فهروح النهاردة استلم شغلي

نادية بحنان:  ربنا يقويكي يا حببتي عارفه انك بتتمرمطي كتير عشان تعيشينا انا....

اسيا باست مامتها في راسها: حبيبة قلبي انا مبسوطة كده وعاجبني وضعي كده 

اريان اتاوب: كل يوم نفس الدراما متغيروها اجدعان

اسيا شالت اريان وحطه علي الكنبه وفضلت تشد في خدودو

اسيا: هوريك يا كلب الدراما هخليك تولول

ايان اتسحب بالراحه بس اسيا جابته من قفاه وفضلت تهزر معاهم وناديه بصالهم بأبتسامة ودعت ربنا ان البسمة تفضل علي وشوشهم

اسيا: بطلتنا عندها 23سنة.خلصت كليه فنون جميلة عندها صفحه علي الفيس بتعرض فيها تصاميمها بس محدش يعرف هويتها وليها شغل تاني وهي بتشتغل خدامه في البيوت

اريان: عنده 17سنة 3ثانوي ولد مرح وجرئ جدا وشقي وبيشتغل في نادي وبيقف علي اللعب بتاعه الملاهي اللي بتبقي موجودة في النادي

ايان: اخو اريان التوم ولد هادي جدا وغامض وبارد بيحب القراءة وذكي جدا وصعب انه يتعصب بسهوله مستفز جدا بس جميل ووسيم زي اخوه واحيانا بيشتغل مع اريان كتسليه مش اكتر غير كده هو بيهتم بدراسته اكتر

في الشركة اياد كان قاعد بيقلب في الصفقة اللي قدامه دخلت عليه بنت لبسه دريس قصير لونه احمر وعليه جاكيت جينز وكعب عالي ووش مليان ميكب محطوط بأحتراف وشعر كيرلي من تحت نعم يا سادة انها هايدي عندها 25سنة بنت هاي كلاس وتمون خطيبه اياد المستقبليه بنت مستفزة ورخمه من الاخر

هايدي دخلت علي اياد وهو اول لما شافها اتنهد بضيق

اياد بهمس:ييي بدأنا استغفر الله

هايدي بدلع: إياد حبيبي عامل اي

اياد بضيق: هايدي ارحميني بقا قلتلك بلاش حبيبي في الشركة 

هايدي كشرت بدلع: اياد في ايه مالك انا هكون خطيبتك كمان اسبوعين الله عادي بقا

اياد: لحد ما تبقي خطيبتي خلي في بينا رسمية

هايدي بدهشه: رسمية انا يا اياد

اياد: اه انتي لحد ما تكووونييي خطيبتي يا هايدي هتعامليني برسميه بلاش بقا حبيبي وبيبي والكلام ده ومفيش لمس ولا اي حاجه وتعملي حسابك حتي بعد الخططوبه هيفضل الحال كده

هايدي بغيظ: ليه بقا انشاء الله مقروف مني

اياد: مش مشكله مقروف يا هايدي بس دا الصح انا كمسلم مش من حقي ابدا اني المسك يا هايدي ولو مش هيعجبك الوضع لسه معاكي وقت تمشي من دلوقتي 

هايدي بغيظ: انا مش همشي يا اياد انا بحبك ولو هيبقي في صعوبه في الوصول ليك هقاومها

اياد ابتسم بتكلف:  تمام اتفضلي بقا علي شغلك

هايدي خرجت مكشرة وراحت لابوها 

امير اتنهد: ايه تاني يا هايدي

هايدي: بيقولي ممنوع المسه ممنوع اقوله حبيبي ممنوع ادلع عليه ولازم اعامله برسمية طول ما انا مش خطيبته لا ووكمان قالي حتي بعد الخطوبة

امير: عنده حق يا هايدي

هايدي بذهول: ليه بقا انشاء الله

امير: هايدي قلتلك الكلام ده الف مرة قلتلك ان كلامه صح انتي مش مراته ولا من حقه وهو تفكيره حاد كده عشان عنده عرق صعيدي وبعيدا عن العرق اي راجل محترم طبيعي يكون تفكيره كده وهقولك الكلام تاني يا هايدي لو عيزاه يبقي تستني اسكتي بقا لان غلطة منك هنروح انا وانتي في ستين داهيه

هايدي: علي فكره تفكير الرجاله مش كده

امير: دا اللي تعرفيهم يا هايدي لاكن اللي ذي اياد تفكيره يحترم وبطلي بقا وقفلي علي الموضوع وبلاش تكلميه دلوقتي عشان هو اصلا متعصب بسبب الشخص اللي بينافسه ده

هايدي: معقوله متعرفوش مين هي

امير: لا حاولنا نهكرها بس شكل واخد احتياطاتها كاملة عموما احنا جاري المحاوله وانتي خفي شويه وساعديه من بعيد 

هايدي بضيق: ماشي يا بابا عن اذنك 

هايدي خرجت وراحت علي مكتبها وقررت تلعب بعقل اياد من بعيد وهو بنفسه هيقرب منها

اياد في مكتبه مدايق للمرة المليون من الشخص المجهول اللي ستايلاته احسن منه امبارح منزل موديل جديد وواخد عليه اعجابات كتير وصفحته بتضخم اكتر واكتر حاول كتير يعرف مين هو هكر وحاول يهكر بس مفيش فايدة حاول يقول لبنت من البنات تشتري من عندها وفاضل يراقبها بس اللي بيسلمه بيقول ان حد اداه ليه وعطاهولها

طب يعمل ايه يكشفها ازاي بالمعدل ده شركته هتنهارا 

اسيا في بيتها جهزت ولبست ونزلت راحت تقابل صديقة عمرها لين 

لين بغيظ: حيوانة بقالي ساعتين مستنياكي

اسيا: اعملك ايه اخواتي مطلعين عيني والله

لين اتنهدت: المهم اخبار امبارح ايه

اسيا: كله زي الفل يا قلبي قدمت الطلبيه لايان يوديها للزبونه ولما سأله واحد من رجاله اياد عن مكانه وكده قاله معرفش انا لقيت شخص حاطت قناع بيضحك قالي اديها للبنت اللي هنا وبس كده يا ستي

لين: اسيا ممكن لو فضلتي تودي اريان وايان كتير وهم مراقبين ساعتها هيتأكدوا انهم معاكي

اسيا: لين حياتي انا ليا اساليبي انا هوريهم فرق الطبقات اللي بجد مش اي غني ذكي ومش اي فقير غبي احيانا بيكون الفقير ذكي وذكي اوي كمان

لين: ربنا يستر ياختي انا معاكي وامري لله المهم بقا يلا عشان تستلمي شغلك مع عدوك اللدود

اسيا: رغم اني مش بطيقه بس هستحمل

لين: والله طيب بس هو عصبي حبتين

اسيا بتريقة: روحي حبيه ياختي بعيد عني

لين بضحك: طيب طيب خلاص المهم يلا بينا بقا 

اسيا: يلا ياستي اما نشوف اخرتها

لين: اه اسيا ياريت لما تكوني هناك حاولي تغيري من طريقه اسلوبك

اسيا استغربت: ليه يعني

لين: والد اياد محمد شخص بارد ومراته الثانية اللي هي والدة اياد ست هاي كلاس اوي ورخمة ولو شافت تصرفك الرجولي ده مش بعيد تهزقك بصي يا اسيا ارجوكي اتصرفي كبنت طول ما انتي هنا

اسيا بملل: حاضر حاضر طب ايه صح اخبار مراته الاولي

لين: دي سكره خالص واياد بيفضلها عن امه عشان طيبه وغلبانة وقلبهاا ابيض واكتر وحدة فهماه فلو اتصرفتي علي طبيعتك معاها هتحبك اوي لانها شخصيه مبتحبش التصنع خالص 

اسيا: طب كويس ان في اشخاص عدلين المهم يااختي يلا بينا لحسن ريقي نشف

لين بتنبيه: تصرفاااتك يا اسيا

اسيا بملل: حاضر حاضر انجزي بقا

البنتين راحوا لبيت اياد وهنا اسيا اتصدمت من كبره كبير جدا وفخم وطرازه قديم زي قصور بريطانيا كده طرازه غربي 

اسيا بذهول: ايده يا لين انتي قلتي فيله مش قصر 

لين بضحك: الله اكبر يا شيخه اه ياختي قصر اعملي حسابك هتعيشي هنا بعد كده

اسيا بهزار: طبعا امال انا اللي زيي محتاج كده

لين بضحك: طب يلا ياختي يلا

لسه هيدخلوا البنتين في عربيه وقفت قدام البوابة والكل ضرب تعظيم سلام لصاحب العربي

اسيا بهمس: مين؟؟

لين: عدوك 

اياد جوه العربيه مستني البوابين يفتحوا لمح في قزاز العربيه اللي قدامه لين وجنبيها وحدة مش عارف يشوف وشها كويس

اياد مداش للموضوع اي اهميه وكمل طريقه لجوه

اسيا: تصدقي فكرته زي بتوع هوليود كده

لين: طب مهو كده

اسيا: مش اوي

لين بذهول: حضرتك بتقولي علي اللي موقع بنات مصر كلها في غرامه انه مش اوي جمال موجود عضلات موجود اي بقي

اسيا: اهدي يا حجه وبعدين انتي عارفه اني مش بتاعه رجاله اد كده واعجب وياااي ومز والكلام ده انا بشوف عندي بلطجيه فده بالنسبه ليا فافي المهم يلا بينا عشان رجلي اتكسحت ياخت

لين واسيا دخلوا جوه ولين بتنبه علي اسيا تتصرف بأنوثه

(¶معلومة¶ ابو اياد متجوز اتنين الاولي متجوزها عن حب والتانيه متجوزها صالونات الاولي مبتخلفش فاهله غصبوا عليه يتجوز تاني واللي هي مامة اياد هو يكون ابن الزوجه التانيه ومراته الثانيه دي هاي كلاس اوي ومغرورة جدا اما الاولي فهي ست طيبه واياد بيعتبرها اكتر من امه وبيحبها اكتر لانه ولا مرة لقي حنان من امه الثانية بس كده)

اسيا ولين دخلوا ولين قابلت رئيسه الخدامين كانت ست في الاربعينات اسمها فاطمة 

فاطمة: اهلا يا انسه لين عامله ايه

لين: الحمد لله يا نينا انتي اخبارك ايه

فاطمة: الحمد لله نحمده و نشكر فضله

لين شاورت علي اسيا: هي دي الخدامة الجديدة 

اسيا: ازي حضرتك يا نينا انا اسمي اسيا

لين اندهشت من تصرفات اسيا وكأنها انتقلت من عبدو موته لنانسي عجرم في الرقه

لين بهمس:  اه يابنت اللذينة

اسيا: قلتلك هبهرك

فاطمة: ازيك يا حببتي عندك كام سنة بقاا

اسيا: عندي ٢٣سنة يا نينا

فاطمة: صغيرة يا حبه عيني وانتي خريجة ايه

اسيا: انا خريجة فنون جميلة 

فاطمة بذهول: وايه اللي راميكي علي الشغلانة دي 

اسيا: نصيب بقا ممكن متقوليش لحد انا خريجه ايه ياريت يفضل سر قولي اني مكملتش تعليمي

فاطمة: ليه طيب

اسيا: معلش انا عايزة كده ممك

فاطمة: اللي يريحك يابنتي المهم يلا عشان تستلمي شغلك وهوريكي اوضتك وهديكي مواعيدك وهوريكي البيت 

اسيا بهزار: شكلها هتبقي ايام لزيزة

فاطمة بضحك: هتتعودي متخافيش وهيبقي سهل وممتع بس بلاش احتكاك اد كده بأصحاب البيت خاصا مدام ملك هبقي اقولك عليها 

لين: خلاص يا نينا انا همشي بقا -بصت لاسيا- ربنا يعينك ويارب تتأقلمي 

اسيا بهمس:  انشاء الله اخلعي انتي بقا

لين بضحك: هخلع ياختي حاضر يلا سلام

لين مشيت وفاطمة اخدت اسيا و بدأت تقولها مهماتها

فاطمة راحت اوضه محمد الديب ابو اياد 

فاطمة: دي بقا اوضه الكبير محمد الديب ودا يبقي هنا رب البيت دا راجل بيحب الهدوء فلو هتخشي الاوضه لاي سبب ياريت تلتزمي الصمت 

اسيا: تمام بس مش المفروض اني اكون خدامة حد معين

فاطمة: انتي هتبقي فعلا الخدامة اللي هتركز علي ابنه اياد محمد الديب انا بقولك كده لو محمد بيه طلب منك حاجه انتي هتركزي مع اياد باشا وفنفس الوقت الكل هتخدمي لو حد طلب حاجه منك لاكن احنا موجودين فمعتقدش انهم هيطلبوا حاجه منك المهم خلينا نروح للاوضه التانيه

فاطمة راحت لاوضه مرات محمد الديب التانية "ملك"

فاطمة: دي اوضه الست ملك بحذرك انك متتعامليش معاها كتير وحاولي بقدر الامكان تستحمليها كلامها وافعالها لانها شخصيه بتهتم الطبقات وبتشوف الناس اقل منها من الاخر مغرورة

اسيا: اتجنب الاحتكاك قصدك

فاطمة: بالظبط كده ودي تبقي مامة اياد باشا

اسيا: تمام

فاطمة راحت اوضه مرات محمد الاولي "اسراء"

فاطمة: دي اوضه اسراء هانم ودي بقا اكتر وحدة هتحبيها في البيت دي ست طيبه وعلي طول بتريحك في كلامها وهتحبيها اوي ودي تقريبا بتحل مشاكل القوم كلها ودي اكتر وحدة محببه لاياد باشا

اسيا: كويس ان في حد كويس في البيت ده

فاطمة راحت عند اخر اوضه وهي اوضه اياد

فاطمة: دي بقا يا ستي اوضه اياد محمد الديب ودي الي هتخشيها علطول فلازم تحفظي مكانها

اسيا: يا نينا انا في اللحظة اللي دخلت فيها البيت عرفت كل حاجه اصلا لين كانت قيلالي وانا مبنساش متخافيش 

فاطمة: ربنا يكرمك يابنتي المهم بقا اوريكي اوضه الخدامين تعالي