البدايه
حب الاعمي
الاول
نبدأ بسم الله الرحمن الرحيم
صحي من النوم وهو مش عارف الصبح وله بليل
ضحك هيعرف ازاي هو الصبح وله بليل. هو اصلا مش شايف حاجه . بقي أعمي
وقف علي الارض وبدأ يتحرك في الاوضه
حس بحاجه جنب رجله وطي وهو بيحسس علي الارض
حس بجسم طري تحت أيده وبسرعه افتكر اللي حصل قبلها بيوم وازاي بقي متجوزه بين يوم وليله
قعد علي الارض بهدوء .. وافتكر اخوه كلامه أن لازم يتجوز علشان يكون معاه حد يراعاه
باين عليها جاهله .. ازاي متعلمه وهتوافق علي الجواز من واحد أعمي زيه
افكار وافكار بتلف في رأسه ، حس بصداع
بدر : ااه
ضغط بايده علي جسمها من الالم
صحيت : في ايه . ..
مردش عليها
نور : عندك صداع وله ايه .
بدر. : ابعدي عني مش ناقص غباء
نفخت ووقفت فتحت شنطتها وخرجت مسكن وجابت كوبايه مايه : ده مسكن خده هترتاح
بدر : مش يمكن يكون سم
نور : لا ، مش سم ، ولو في سم هاخده انا مش انت
هو : مش عايز حاجه منك
نور : انا عارفه انك مش واثق فيا ، اكيد مش هضرك وانا قاعده في قلب بيتكم ،ده مسكن وعلشان تتأكد
أمسكت ايده اللي فيها الحبايه وحطتها في بوقها
وشربت المايه
نور : لو في ضرر مكنتش خدتها ، ده برشام للصداع مسكن ومش مضر
فتحت كف ايده وحطتله حبايه تانيه :اشرب دي
بصتله .اول مره تشوفه .رفع عينه ليها
بدر : بتبصيلي ليه
نور : انت شايفني
حرك رأسه بلا : بس حاسس بعينك راشقه فيا
ضحكت: اسفه مجرد فضول .. اصل اول مره اشوفك . تخيل
وقفت ومسكت ايده : قوم من علي الارض
وقف معاها وبعدها زق ايدها بقوه وسألها ودخل الحمام
استنته لحد اما خرج
نور : محتاج حاجه
هو : محتاج تبعدي عني وتبطلي رغي ، لاني مش طابق اسمع صوتك ، بكرهك
نور مردتش بس من جواها وهي عذرته لأن ليه حق يكرهها ..
حاول يرجع السرير بس خبط. في الكرسي
مسكت يده : الكرسي قدامك .
زقها بعنف وقعت علي الارض
بدر : مش محتاج مساعده من حد انا اقدر اعمل اللي انا عايزه انا مش عاااجز . فاهمه
وهو بيزعق سمعو صوت الباب بيخبط
فتحت نور وكانت ست كبيره في العمر لبسه جلباب اسود وطرحه سوداء و بتبصلها بقرف
مسكت ايد نور بقوه
نور : اااه ، سيبي أيدي
بدر : في ايه ، بيحصل ايه
الام : مفيش يا ولدي ، عايزين الخدامه تشوف شغلها
نور حست بوجع بسبب الكلمه
بدر : خديها يا امي ، وياريت تشوفيلها مكان تاني تنام فيه غير هنا . علشان مش طايق حد معايا
الام : حاضر يا ولدي
صدمت نور من طريقته في الكلام عليها
الام زقتها بره الأوضه : فاكره انك هتدلعي وتعملي فيها عروسه .، انتي أهنأ خدامه . تخدمي الكل ومتفتحيش بوقك .
شدتها علي السلم لحد المطبخ وهي بتزق فيها وتهزائها
الام : نضفي المطبخ وجهزي الوكل وبعديها هتمسحي البيت كله
نور : حاضر
الام للشغالين : محدش يساعدها . هي اللي هتنضف وتعمل كل حاجه
خرجت الام وسابت نور بتغسل الصحون
وكل اما تخلص حاجه تدخل الام تبدأ تقولها علي حاجات تعملها
نور كانت هتقع من كتر التعب بس مش قادره تتكلم
خلصت الاكل وسمعو صوت بره المطبخ حد بيزعق
وقفت مع الخادمات تشوف في ايه
واحده من الخادمات: باين أكده الست ميرفت بتتعارك مع الست بسمه
نور : مين ميرفت
ردت واحده تانيه : دي الست الكبيره وبسمه دي مرت ابنها الكبير ( عمار بيه)
نور : اه فهمت .. مليش دعوه انا ورايا بلاوي اما اخلص قبل ما ترجع تزعق تاني
اتغدو بره وهي كانت طول اليوم قاعده في المطبخ وبعدها غسلت المواعين وبدأت تجهز العشاء
الوقت تأخر و جسمها كله وجعها
قعدت علي الترابيزه وحطت راسها ونامت من التعب
صحيت علي صوت حاجه بتتكسر قامت .بسرعه كان عمار واقف قدمها
نور : حاااسب هتتعور
.
وقف : انتي هنا بتعملي ايه
نور : اه ، كنت نايمه
رد باستغراب: في المطبخ
نور : انت قولت مش عايزني ابات فوق في اوضتك. ملقتش مكان غير هنا
مردش عليها .. نور : كنت عايز ايه
رد : كنت عايز اشرب ، مفيش ازازه مايه فوق
نور : هجبلك ازازه حاضر . بس تعال اطلع علشان متتعوريش
مسكت أيده تساعده
زقها : انا بعرف اطلع
مسك في السور وبدأ يطلع درجه بعد درجه وهي رجعت المطبخ نضفته و خدت الازازه
خبطت علي الباب وسمعت صوته
نور حطت الأزازه علي الترابيزه : محتاج حاجه تاني
حرك راسه بلا . نور : ماشي
فتحت الباب وخرجت
هو : استني يا
نطقت : انا نورالدين مهدي
هو : استني يا نور ، ممكن تنامي هنا لحد اما يكون ليكي غرفه
نور : شكرا ، ممكن ادخل الحمام اخد شاور الاول
هو : ادخلي
دخلت الحمام وهي بتفتكر اللي حصل قبل شهرين من جوازها منه
##########
قبل شهرين
كان بدر في البلد لسه راجع من السفر
ماشي مع اخوه عمار كل واحد منهم علي حصانه
....
حازم ده اخو نور كان ماشي ومعه أصدقائه معاهم بنادق الصيد بيصطدو الطيور وهم بيضحكو
بدر كان علي الصف التاني وفجاه وقع من علي الحصان وهو بينزف
عمار بيبص علي اخوه وكان جبينه بينزف وهو بيصرخ
بعد وقت كانو في المستشفي
عمار اخو بدر (يعتبر كبير البلد )
وطبعا البلد اتقلبت كلها والبوليس بيحقق وعرفو أن حازم هو اللي ضرب النار علي بدر
***
خرج الدكتور : للاسف الاصابه اصرت علي النظر
الام : يعني ايه يا دكتور ابني اتعمي
الدكتور بص للاب وعمار
عمار : لا حول ولا قوه الا بالله العلي العظيم
الاب : قدر الله وما شاء فعل
عدا شهر علي اللي حصل وكل يوم حد بيحاول من كبار العائلتين يتوصلو لحل
.. (السعدي ابو بدر ) مصمم علي أن حازم يتقتل لانه دمر حياه بدر ابنه
.......
في بيت نور كانت الحياه سوداء بمعني الكلمه
ام نور بتعيط ليل نهار علي حازم
.. حسان ده اخو نور الكبير بيحاول يهدي . حازم خرج من السجن بكفاله ولكن حياته لسه في خطر
قررت نور انها تتدخل في الموضوع وتكلم عمار
هي اتعملت معاه قبل كده وعارفه أنه عاقل
راحت علي مزرعته وطلبت تقابله
دخلت نور
عمار : انتي دكتوره نور بتاعت الصحه مش أكده
نور : اه
عمار : كيفك يا دكتوره
نور : الحمد لله ، انا كنت جايه وطالبه منك معروف
عمار : اطلبي ولو بايدي اعتبري الأمر حوصل
نور : هو الأمر بايدك ، انا اخت حازم مهدي
عمار وشه احمر من الغضب
نور : انا عارفه أنه غلط ، بس هتستفادو ايه لو قتلتوه ، ارجوك اهدا واسمعني انتم ممكن تحبسوه أو خد تعويض اي حاجه بلاش القتل
عمار : عارفه انتي لو مكنتيش حرمه كنت خلصت عليكي ، متتدخليش في كلام الرجاله اخوكي دمر حياه اخوي وقصاد عينه اللي راحت رقبه اخوكي
نور : زي ما انت خايف علي اخوك انا كمان خايفه علي اخويا وهو فعلا مكنش يقصد يعمل كده دي حادثه مش مقصوده
عمار. بغضب: روحي شوفي حالك يا بنت الناس
نور : انا جيت انهارده وانا واثقه انك عاقل وهتفهمني ، بلاش دم لانه مش حل ،ومش هيرجع اخوك زي ما كان ،،
العافين عن الناس ربنا يرحمهم وبيدخلو الجنه
عمار ساكت
نور : مش طلبه منك اكتر من انك تفكر تاخد حق اخوك بالحكمه والعقل بلاش دم
خرجت من مكتبه وهي بتدعي ربما يهديه
....
رجع عمار البيت
كان في صوت كسر ازاز في غرفه بدر
طلع بسرعه
عمار مسك ايد بدر : بدر حوصل ايه
بدر بتعب : سبني يا خوي ، الله يرضي عنك ابعد عني ، عايز اموت وارتاح
عمار : لا يا بدر ما تقولش اكده ، معبعدش عنك واصل انت خوي الصغير وابني كمان
بدر : انا خلاص يا خوي مقدرش اعيش أكده
عمار : هتعيش يا بدر ، وهتتعود ، الحياه لسه قدامك
بدر : معيزش حياه يا خوي ، عايز اشوف بس
عمار مش عارفه يواسي اخوه اللي حياته ادمرت
...
دخل عمار غرفته كانت مراته بسمه قاعده
بسمه : وبعدين في جنان اخوك ده ، كل شويه يكسر ويزعق، هيقرفنا بعماه ده
ضربها عمار علي وشها : اياكي تنطقي تاني وتقولي علي بدر أعمي ، والا وقسما برب الكعبه لتكوني طالق ومتحرمه عليا
خرج وسابها وهي بتعيط . فضل طول الليل يفكر في حل وفي الاخر افتكر نور
*******
اجتمع كبار العائلتين في جلسه الصلح
اتكلم السعدي وحكم علي عائله مهدي أنهم يخرجو .. حازم من البلد و ميرجعش تاني وكمان يدبحو ( ٥٠ راس)
حسان : موافج يا حاج .
السعدي : لسه مخلصتش.. انا طالب ايد نور لبدر ابني
حسان وقف باعتراض : لا ، انا مأمنش لأختي تعيش وسطيكم
عمار : يبق اخوك هيدبح قدام عينك ..
حسان : يدبح ، بس اختي ما تتجوزش غصب عنها
خرج حسان وه. مضايق ومش راضي بالكلام
بس كان كبار عائله المهدي لسه قاعدين وقالو أنهم هيقعنو حسان
***********
في بيت نور
أم نور : رضيت بموت اخوك يا حسان..
حسان : ونور ذنبها ايه ، تعيش معاهم
لطمت علي وشها : البنت مصيرها تتجوز وهي هتتجوز مش هتترمي في الشارع
حسان : لا هتترمي يا امي
نور : انا موافقه يا خوي
حسان: وانا موفقش علي أكده
نور : بس ده الحل الوحيد
الام : انا كمان موافقه،، أفدي اخوك يا حسان
نور قلبها وجعها من كلام والدتها
وطبعا كبار العايله جم يتكلمو مع حسان ويقنوعه. يقبل
هي هتكون مرات بدر ومحدش يقدر يضرها
بس بالطريقه دي هيوقفو سلسال الدم بين العايليتن
___________
في بيت السعدي
دخل عمار غرفه بدر
: بدر كيفك يا خوي
بدر : بموت يا عمار ، مخنوق ومطيقش نفسي
عمار : وانا عندي حل للخنقه دي
بدر : وايه هو
عمار : هجوزك
ضحك : انا مريدش اتجوز ، ولو وافقت مين دي اللي هتتجوز أعمي
عمار : متقولش علي نفسك أكده ، ده انت زين الرجال ، شاور انت أكده وهتلاقي مليون واحده تجيك
بدر : اهو كلام يا عمار
عمار : مش كلام يا خوي ، انا لقيتلك العروسه وهكتبلك عليها
بدر : هعمل بيها ايه يا عمار ، انا عايز اموت مش اتجوز
عمار : متقولش أكده يا بدر ، انت مش هتموت انت هتعيش وهتكمل حياتك وتخلف ويكون ليك ولاد
بدر : طموح انت يا عمار
عمار : بكره تشوف يا ولد ابوي ، هنكتب كتابك قريب
بدر : معيزش انا اتجوز
عمار : انت محتاج حد يساعدك تكمل حياتك معاه، اسمع مني يا بدر انا عايز مصلحتك
بدر : اعمل اللي انت عايزه يا عمار انا مقدرش حتي اناهد معاك وله مع غيرك
قبل رأسه عمار : ربنا يريح قلبك يا ولد ابوي
********
وافق حسان بعد محاولات كثيره علي زواج نور من بدر وسألها تاني وهي قلتله انها موافقه
وضبت نور شنطتها
ولبست جلباب اسود ووقفت جنب حسان كتبو الكتاب .. كان حسان هو وكيلها . وعمار وكيل اخوه
وخدوها من غير أي شكل للفرح علي بيت السعدي وهناك دبحو الأغنام قدام البيت
.....
حسان حضن أخته
حسان : نور ملهاش صالح باللي حصل يا عمار
عمار : متقلقش عليها . يلا يا دكتوره
حسان وقف بعيد وهو بيبصلها وعينه كلها دموع
عمار : كفاياكي عاد بكي ، مش كنتي عايزه حل غير قتل اخوكي
نور : اه
دخلت نور البيت
الام : انتي بقي اخت اللي عما ابني
عمار : يا امي خلصنا خلاص . نور بقت مرات بدر
الام : لا مخلصناش ، منكم لله ، ربنا يحرق قلبكم زي ما حرقتم قلبي علي ولدي وشبابه
نور وطت راسها ومقدرتش تتكلم
السعدي : تعال يا ولدي نصلي العشاء عقبال ما يجهزو الوكل . وانتي خديها علي فوق
عمار : ماشي يا بوي
خرج عمار والسعدي
و ام عمار مسكت ايد نور وجرتها علي المطبخ
الام : جهزي الوكل وبعدها نضفي وامسحي واعرفي انك أهنأ خدامه ومتحلميش باكتر من أكده
سابتها وخرجت
وبعد ما خلصت كل اللي قالت عليه خدوها الخدم علي اوضه بدر
كان نايم علي السرير وهي ملقتش مكان غير الارض تنام عليه
فاقت من ذكرياتها وخرجت من الحمام
.....
صحيت نور من نومه الارض قرب الفجر علي صوت بدر وهو بيخرف. وشكله بيحلم حلم وحش
نور بتعب والم في جسمها قربت من بدر وحطت أيدها علي كتفه
: بدر ، بدر قوم ده كابوس .. بسم الله عليك
بس بدر كان جسمه بيترعش . زقته اقوي : يا بدر، بدر قووم
قعد علي السرير وهو بينهج
نور : بدر انت كويس
بدر : عايز اشرب .. هاتي مايه
قربت منه كوبايه المايه : اشرب .
شرب منها ومسحت بوقه بالمنديل
بصتله وهي بتفكر أن فكره أنها تفقد نظرها في يوم فكره صعبه ومرعبه. هو ليه حق يكرهها ويعملها اسؤ معامله
نور طبطبت عليه ومسحت دموعه. بس هو شال أيدها وزقها بعيد عنه : متلمسنيش احسنلك
نور : حاضر انا اسفه
عرف من صوتها أنها بتعيط : روحي نامي
نور : وانت هتنام
بدر : ملكيش دعوه بيا. وابعدي عني
نور : طيب انت جعان . اعملك حاجه تاكلها
بدر : لا مش جعان
نور : انت اتعشيت طيب
بدر : مش عايز اتعشا ، سبيني بقي وابعدي عني
نور : والله انا عايزه اساعدك
بدر : مش عايز شفقه من حد
نور : مش شفقه يا بدر ، بس انا دلوقتي مراتك ، وده واجب عليا. سبني اشوفك محتاج ايه
بدر ابتسم بسخريه
نور : اديني فرصه واحده بس وانت مش هتندم
بدر نفخ : قولتلك مش عايز حاجه منك ، اخرجي من الأوضه كمان مش طايقك في نفس مكاني
نور : بس يا بدر
بدر زعق فيها : اطلعي بره بره
نور : حاضر ، هخرج والله بس هدي نفسك
كانت بتدور علي الحجاب وهي بتعيط وهو وقف ومسك أيدها وخرجها بره وقفل الباب
سند علي الباب هو كمان بيعيط ومخنوق
نور بتخبط علي الباب : افتح يا بدر ،هاخد الحجاب بس والله . بدر
وقفت قدام الباب ومش عارفه تعمل ايه وله تروح فين
عمار صحي اتوضأ علشان يصلي الفجر وهو خارج يصلي حاضر زي كل يوم
سمعت صوت باب اوضه حد بيفتح سندت رأسها علي الباب وهي مسكوفه لأنها مش لابسه الحجاب
وقف عمار في مكانه اما شافها وقفه وعرف أنها نور
عمار بسرعه بص في الارض : انتي واقفه أكده ليه
نور : بدر .. بدر خرجني وقفل الباب
خد الشال اللي علي كتفه : خدي غطي شعرك .
خدته نور وهي مكسوفه
عمار خبط علي الباب بعصبيه
: بدر افتح الباب .. بدددر
فتح الباب ونور بصت لبدر بغضب بس صعب عليها اما شافت وشه احمر وشكله معيط هو كمان
عمار : ادخلي يا نور
بدر : مش عايزها معايا يا عمار
دخل عمار الأوضه : بدر نور مرتك ازاي تخرجها من غير طرحتها أكده .
بدر : تاخد هدومها وتمشي ، انت ضحكت عليا و مقولتليش أنها تكون أخته
عمار : وهتفرق معاك في ايه
بدر : هتفرق كتير يا بدر ، انا مش عايزها أهنأ معايا
نور واقفه ساكته
عمار : اهدا دلوقيت وتعال ننزل نصلي الفجر في الجامع
بدر : لا
عمار : لا حول ولا قوه الا بالله حتي الصلاه هتعترض عليها . تعال يا بدر معايا وانت هترتاح
غضب عنه خرج مع عمار .هو مش حابب حد يشوفه وهو كده
نور نامت تاني من كتر العياط
راح بدر وعمار وابوهم الجامع يصلو وبعد ما خلصت الصلاه قعدو يسمعو الخطبه
....
في الأوضه
صحيت نور علي ايد قويه بتزوقها في كتفها
فتحت عينها بتعب
ام عمار : قومي قامت قيامتك يا مدلعه
نور : نعم
ام عمار : قومي جهزي الفطور للرجاله
نور : دلوقتي ، لسه بدري
ام عمار : اه يامحروقه قومي الرجاله بتصلي الفجر وعايزين يأكلو
قامت بتعب ونزلت تحت علشان ابدا تعمل القطار
صعبت علي الشغالات وبداو في مساعدتها
اول ما الام كانت هتدخل كريت الشغاله : الست ميرفت جايه
بعدو عن نور بسرعه ودخلت الام : خلصتي يا محروقه
نور : اه خلصت
الام: هاتي الفطور علي السفره . اخلصي
نور بتعب : حاضر
حطت الاكل علي السفره ورجعت المطبخ
قعد عمار والسعدي و ميرفت وبسمه
السعدي : اقعد يا ولدي وكل معانا
بدر : معيزش اكل يا بوي
السعدي بتعب : يا ولدي من يوم اللي حوصل وانت معتكلش معانا.
بسمه: هتلاقيه مش عارف ياكل
بصلها عمار بغضب : قومي علي اوضتك وحسابنا فوق. قووومي
بدر كتم في نفسه
السعدي : خلاص يا عمار مش لزمن خناق أكده من الصبح العيال بتخاف
عمار بص لمراته بشر وسأل امه : فين نور
ميرفت : في الزفت المطبخ
عمار : وبتعمل ايه في المطبخ ، مفروض تكون أهنأ
ميرفت: لا متعقدش معانا علي سفره واحده
السعدي : هتقعد معانا ومع جوزها . من حقها تقعد
السعدي للشغاله : روحي نادي نور
نور جت : نعم
السعدي : اقعدي جار جوزك وافطري معانا
نور بصتلهم بصدمه مش مصدقه اللي سمعاه بصت لعمار الوحيد اللي بيحترمها في البيت ابتسم : اقعدي
نور قعدت جنب بدر وحطت المنديل علي رجله
وبدأت تاكله بايدها بس هو زق أيدها
نور : سبني اساعدك حتي لو قدامهم
افتكر كلام بسمه عليه . هو خايف ياكل لوحده قدمهم ويبهدل نفسه قدمهم ويضحكو عليه
حست بايده علي أيدها : ماشي
فرحت بالتقدم ده حتي لو صغير بس بدأ يتقبلها ودي حاجه فرحتها . السعدي وعمار كانو فرحانين أن بدر بدأ يتقبل نور
وأنها بتساعده وبتخلي بالها منه
وقتها حس أنه قرار صح أنه يجوز ابنه منها
شبه بدر اول مره ياكل كويس
ميرفت : قومي لمي السفره ونضفي وابدأي اعملي الغداء
السعدي : نور معتعملش حاجه
ميرفت : كيف أكده يا حاج انت عايز تعمل رأسها برأسنا
السعدي : دي مرت بدر مش خادمه ، روحي يا بتي شوفي جوزك محتاج ايه
نور بابتسامه : حاضر يا عمي ، شكرا
حطيت ايدها في يد بدر ومسكته اوي : تعال
بدر : علي فين
نور : نقعد في الجنينه الجو دلوقتي حلو اوي ، تعال بس
بدر : طلعيني علي اوضتي ..
نور : جرب بس مش هتندم
بدر : قولت طلعيني علي اوضتي .
سمعت كلامه وطلعته لاوضته
بدر : جهزي الحمام
نور : حاضر
ملئت حوض الاستحمام بالماء الدافئ
نور : الحمام جاهز يا بدر . تحب اسعدك بحاجه
بدر : لا. اخرجي بره
دخل يستحمي
******
في اوضه عمار كان بيتخانق مع بسمه
: لسانك ده عايز يتقص ، انا استحملتك كتير بس خلاص زهقت منك
بسمه : وانا قولت ايه ياعني يا عمار ، انا قولت الحقيقه، هو اخوك من يوم الحادثه وهو مش بياكول معانا
عمار : ملكيش صالح باخوي، خليكي بنفسك يا بسمه والا هيكون انتي السبب في اللي هيحصل. وانا بحذرك
بسمه -: خلاص يا عمار ، مليش صالح انا باخوك ارتحت أكده
عمار : هرتاح اما تخليكي في حالك ومتدخليش في اللي ملكيش صالح بيه
وضعت ايدها علي صدره : متبقاش قاسي أكده عليا يا عمار
عمار: من عمايلك يا بسمه
بسمه: قلب بسمه انت ، خلاص بقي .
تنهد عمار : المره دي بس هفوتها
ابتسمت هي : حبيبي يا ابو الرجال
______
في بيت عائله مهدي
سافرت الام مع حازم الي الاسكندريه علشان تعيش هناك معاه
حسان كان قاعد في البيت لوحده زعلان علي أخته واللي حصلها
اتصل بنور يطمئن عليها
نور فرحت اول ما شفت اسمه : حسان عامل ايه
حسان بحزن : انتي اللي عامله ايه يا حبيبتي
نور : انا بخير يا حبيبي
حسان : هتخبي عني يا نور.. ده انت اخوكي الكبير
نور : لا يا حسان ، صدقني انا بخير
حسان : ربنا يحنن قلوبهم عليكي يا حبيبتي
نور : امي وحازم عاملين ايه
حسان : سافرو اسكندريه هيقعدو هناك
نور : ربنا معاهم
سمعت صوت بدر بينادي عليها : معلش يا حسان هقفل دلوقتي
حسان : ماشي يا حبيبتي ، ابق طمنيني عليكي
نور : حاضر
قفلت الموبيل وقربت من باب الحمام : نعم يا بدر
بدر : فين هدومي
نور : عندك متعلقين ورا الباب
بدر بغضب : فين . مفيش حاجه
نور : والله ورا الباب
بدر مش عارف يوصل ليهم : فيين
نور : هدخل اجبهم ماشي
بدر : اخلصي
دخلت الي الحمام كان هو لابس الفوطه
نور خذت الملابس وحطتهم في ايده : اهم وكانو ورا الباب علي فكره مش بكدب عليك
بدر مردش عليها
خرجت وسابته لبس وخرج
وهي مسكت أيده وقعدته علي السرير تنشف شعره
نور : شعرك طويل ممكن اقصهولك شويه
بدر ' لا
سرحلته شعره وهو حاسس أنه هدي بعد ما استحمي وحركت أيدها
بدر : عايز انام
نور : حاضر
ساعدته ينام وغطته بس اول اما حط راسه علي المخده طار النوم من عينه
كشر وقعد علي السرير
نور : مش كنت هتنام
بدر : مش عارف انام ، هتجنن وانام
نور : تحب اقرالك حاجه
بدر بسخريه: انتي بتعرفي تقري
نور : ايوه بعرف
بدر : اكيد اخرك تفكي الخط
نور : لا ، انا دكتوره
تفاجأ بدر : كدابه
نور : والله دكتوره امراض الجهاز الهضمي والكبد و بشتغل في المستشفي هنا ، ولو مش مصدق اسال كمان عمار ، هو عارف كده
بدر : يعني دكتوره وقبلتي تتجوزي من أعمي وبالطريقة دي ، كان فين عقلك
نور : متقللش من نفسك ، انت اي واحده تتمناك ، بس لو تبطل غضب وعند هتكون ممتاز ، قولي بقي معاك شهاده ايه
بدر كشر : ملكيش فيه
نور : يووه ما احنا كنا كويسين واول مره تتكلم معايا
بدر : اكيد انتي وحشه وشكلك عفش
ضحكت نور : معرفش بس اللي متاكده منه اني مش بشعه
بدر : قولي وحشه وأما صدقتي لقيت عريس
نور : انا عندي ٢٥ سنه يعني مش عانس بس لو عايز تعرف انا وحشه وله لا ،ممكن اساعدك واقولك مثلا عيني لونها عسلي وبيضا
بدر : مش مصدق
ابتسمت ومسكت يده حطتها علي وشها
فهم هي عايزه ايه وبدأ يلمس وشها بايده ، مرر ايده علي ملامحها وهو بيحاول أن يكون شكلها في مخيلته
بدر : شعرك لونه ايه
نور : احمر
بدر حط ايده علي شعرها الناعم : شعرك طويل ، مش بحب الشعر الطويل
نور : ايه ، ليه بقي كل الناس بتحب الشعر الطويل
بدر : انا مش بحبه ،و شكلك بشع فعلا
نور : علي فكره بقي الجمال مش جمال الشكل ده جمال الروح
.
بدر : علي اساس انتي روحك حلوه
نور : اه روحي حلوه بقي
ابتسم نصف ابتسامه وهو ملاحظ نبره صوتها المعترضه علي كلامه هو كذب عرف انها جميله وملامحها متناسقه
...
صوت الباب خرجهم من اللحظه
نور حطت الحجاب وفتحت الباب
كانت ميرفت دخلت : محدش هيرحمك مني دلوقيتي
نور : حضرتك انا
ميرفت : معيزاش اسمه صوتك ، قدامي عشان تلحقي تمسحي البيت وتجهزي الغداء
بصت نور لبدر عايزاه يتكلم ويدافع عنها . بي للاسف معلش حاجه
خرجت نور مع ميرفت تنفذ أوامرها
اما السعدي وعمار كانو خارج البيت
بدر قاعد لوحده في غرفته
********
بعد ما خلصت نور من تنظيف البيت كله وعملت الغداء . طلعت أوضتها بتعب
كان بدر قاعد علي السرير ، من غير ما تتكلم دخلت الحمام و قعدت تعيط علي الظلم اللي بيحصل ليها .. غير اسلوب ميرفت معاها وكلامها اللي يحرق الدم
هي في بيت اهلها مكنتش بتعمل كل ده ومره واحده تتبهدل ومفروض أن جوزها يدافع عنها ، بس محدش واقف جنبها . حتي مامتها من وقت اما سافرت متصلتش بيها
سمع صوتها وهي بتعيط قام وهو بيخبط في الاوضه لحد اما وصل لباب الحمام وخبط عليها
دق عليه : نور .. نور اخرجي من الحمام
نور : حاضر
غيرت هدومها وفتحت الباب : نعم
بدر : متعيطيش في الحمام مره تاني
نور سمعت كلامه وفتحت في العياط.
مد ايده وطبطب عليها وضمها . هي صعبانه عليه بس فكره أنها اخت اللي عمل فيه كده منعته يظهر أي عواطف ليها
بعد وقت
مسحت دموعها نور :انا اسفه
بدر : حاسه انك احسن
نور : الحمد لله ، عايزه انام
بدر : تعالي نامي هنا
شاور علي السرير
نور : انا هنام علي السرير وانت هتنام فين
بدر : هنام هنا جنبك
نور : لا . مينفعش
بدر : ايه اللي منفعوش. نامي اكيد تعبانه من نومه الارض. بس متخديش علي كده
نور : ماشي
نام الاثنين وصحي بدر علي صوت الباب بيخبط جامد
اتفتح الباب مره واحده
بدر : مين. مين
ميرفت : انا يا ولدي
تضايق من دخولها عليه : ايه يا امي ، حضرتك اول مره تدخلي عليا كده وانا نايم
ميرفت : عادي يا ولدي ما انت مش هتعرف تفتحلي
حس بخنقه من كلامها . حس بايد والدته وهي بتهز في نور
ميرفت : قومي كفاياكي نوم . قامت قيامتك
فتحت نور عينها : في ايه.
ميرفت : قومي علي تحت وكملي شغلك
نور: مش قادره تعبانه . انا خلصت كل حاجه . مفيش حاجه ناقصه
ميرفت شدتها من شعرها جامد . صرخت نور من الوجع
ميرفت : الا تكوني فاكره أننا جيبنك اهنا تتدلعي لا انتي هنا خدامه .. واقل كمان من الخدمات
كالعاده بدر مش بيتكلم
نور : لو سمحتي مش كده التعامل.
ميرفت : انتي هتنسي نفسك يا بت انتي ، قومي احسن لك
نور : انا استحملتك كتير ، ساكته وبقول انتي قد امي ، بس خلاص تعبت في تحت خدم انا مش هنزل
ميرفت : لا ده انتي اتجنيتي في عقلك ، ده انا هربيكي من لاول وجديد
صرخ بدر : بس بقي ، كفايه. كفايه ..
ميرفت: لحقت تضحك عليك يا ابن بطني
بدر : يا امي، انا مسمعتش كلام حد. بس حرام عليكي
ميرفت : حرمت عليها عيشتها ، انتي ناسي دي تبقى مين ، دي اخت اللي عماك وضيع عينك ومستقبلك
سكت بدر ومقدرش يرد
نور : هعمل اللي انتي عايزاه بس من غير إهانات تاني ، لو سمحتي
.
خذت الحجاب وحطيته علي شعرها وبعدين خرجت من الاوضه
ميرفت : اطلعلك الوكل يا بدر
بدر : لا ، معيزش اكل
ميرفت : طيب لو جوعت . نادم عليا
بدر : ماشي
....
دخل السعدي الي البيت ومعاه عمار. واتجمعت العيله علي السفره
السعدي : فين بدر ومرته . حد ينادي عليهم يأكلو
ميرفت : بدر فوق مش جعان دلوقيت
عمار : ليه مش جعان حد زعله
لوت بسمه بوقها : يعني هو صغير ، لو جاع كان كل
عمار بتحذير : بسمممه قولت ايه
بسمه : سكت اهو
ميرفت : لا، محدش زعله ، اما يجوع هياكل
السعدي : سيبه يا ولدي ، انت خابر اللي بيه
عمار : ربنا يريح قلبه يا بوي
السعدي : يارب
نور غسلت صحون الغداء
قعدت علي الترابيزه بتعب مكلتش حاجه من الصبح
.
دخلت ميرفت
ميرفت : فين الشاي يا بت المحروقه
نور : حاضر
عملت الشاي وميرفت خدته وخرجت
........
في الجنينه
عمار : امي لو نور مكلتش طلعي الوكل ليها هي ملهاش ذنب في حاجه
ميرفت: ياكش تموت ونرتاح
السعدي : وهي عملت ايه ، ملهاش ذنب في اللي عمله اخوها واحنا جوزنها لبدر عشان تهتم بيه
ميرفت : كان ممكن جوزته واحده تانيه غيرها
بسمه ؛ مين دي اللي كانت هترضي بيه يعني
عمار : بسمممه ، انا اخويا يشرف اي حد .
بسمه : انا قصدي يعني عشان ظروفه يا عمار
السعدي : بس انت وهي وهي ، انا صدعت
وقف : هطلع انام انا
بسمه لأطفالها : يلا انت وهو علي فوق الوقت اتاخر
طلع الاطفال وبسمه .. ميرفت والسعدي كل واحد علي اوضته
.......
عمار كان قاعد مكانه في الجنينه .. قبل ما يطلع اوضته ..قال يعدي علي الشغالين يقولهم يطلعو اكل لبدر ونور
بس اتفاجا اول ما دخل المطبخ أن نور قاعده وشكلها باين انها بتعيط
عمار : نور انتي اهنا .. فكرتك فوق
نور. ساكته
عمار : خبر ايه عاد انتي مكنتيش فوق .. وله لسه نازله
نور : لا ، انا كنت هنا
عمار : في ايه يا دكتوره .. مالك أكده مكشره ليه
نور عيطت : انا مش هقدر اكمل هنا ، تعبت والله ، انا مش عارفه اتعايش مع علي كل اللي بيحصلي ده ، انا بتعامل اسوء معامله ، وكمان مامتك انهارده شدتني من شعري وبتخليني زي الخدمين وبدر مش بيتكلم وله حتي بيدافع عني
عمار : انا من الاول وانا خابر انك الوحيده اللي هتقدري تخلي بدر يتأقلم مع حياته ، هو من وقت اللي حصله ده وهو مبقاش يتعامل مع حد وله يتكلم زي الاول ودخل في حاله اكتئاب ،، أما امي فأنا هتصرف معاها
نور: انا تعبت يا عمار
عمار: لحقتي تتعبي يا دكتوره ، انا واخد عليكي عفيه وقويه ، قومي أكده وخدي اكل ليكي و لبدر و حاولي تتاقلمي مع حياتك اما امي انا هكلمها..
.........
خدت الاكل وطلعت اوضتها وهي كلها إصرار تخلي بدر يتغير
حطت الاكل علي الترابيزه قدامه
بدر : نور
نور : عرفت ازاي
بدر : انا اتعميت بس باقي الحواس شغاله
نور : هممم، طيب كويس انك عارف ان في حواس لسه شغاله عندك مش ناوي تستعملهم
بدر : تقصدي ايه
نور : مش جعان زي الناس الطبيعيه
بدر : هو ليه ماموتش
نور : لسه في عمرك باقيه ، ولازم تعيش اللي جاي احسن من كده
بدر : احسن ، انتي مش فاهمه اني ادمرت
نور : لا مدمرتش ، بس انت دلوقتي هتاكل معايا عشان ماكلتش حاجه ومياه من الجوع
بدر: ليكي نفس تأكلي
نور : اه،وبعدين الاكل ملوش دعوه بالظروف اللي احنا فيها
مسكت المعلقه وحطتها في ايده
بدر : مش هعرف اكل وهوقع علي نفسي
نور : وقع مش مهم ، انا معاك وتساعدك لحد اما تعرف تتعامل عادي
بدر : لا ، انتي عايزه تعملي كده علشان تضحكي عليا ، انتي فكراني سخريه
نور : والله ابدا ، انا بس عايزاك تتعود تاكل لوحدك. ، جرب بس واسمع كلامي والله ما هضحك
....
اتنهد بدر وقربت نور
نور ؛ اما تلمس الطبق كده هتعرف تاكل منه ، وتعرف تحدد مكانه .
مسك الطبق بين ايده وحط المعلقه بس الاكل وقع عليه
خدت المنديل ومسحتها : جرب تاني
حاول تاني بس فشل . بدر : مش عارف ومش عايز اكل
نور : خلاص خليني انا عينك
بدر : ازاي
نور: انا هكون عينك ، قولي عايز تشوف ايه وانا هوصفلك وانت اتخيله.. احنا هنتدرب هنا لوحدنا في الاوضه ومحدش معانا لحد اما تتعود تتحرك براحتك وتاكل كمان
بدر :. هفشل
نور : لو فشلت مره جرب تاني لحد اما تنجح، مش هتخصر حاجه اما تجرب
بدر حاول ياكل لوحده ومره علي مره لخد اما نجح
نور : في تقدم
بدر : بحاول بس برضو خليكي مرقباني.
نور : حاضر انا هرقبك ، الاكل هيبرد ، كل يوم ندرب شويه
بدر : اتفقنا
.........
قعدت جنبه علي السرير. بعد ما استحمت
نور : مش عايز تنام
بدر : مش عايز انام
نور : نتفرج علي التلفزيون
بدر ؛ هتفرج ازاي بقي
نور : هقولك انا
فتحت التلفزيون : ده فيلم اجنبي اسمه رامبيج
بدر : بتاع ذا روك
نور : ايوه هو ده
بدر : عارفه
نور : الشمبانزي الكبير
بدر : غوريلا
نور : مش مهم
بدر : لا مهم ، انتي هتضحكي عليا من الاول
نور : مش بضحك عليك بس الشامبنزي والغوريلا ولاد عم
ضحك بدر لاول مره
نور : علي فكره الاتنين شبه بعض
بدر : بزمتك انتي دكتوره
نور : والله دكتوره ، أسأل عمار
بدر : لزمن اساله عشان اتاكد من حكايه دي
نور : علي فكره بقي مش هضحك عليك ، اصلا مش بحب الكدب
بدر : الحقيقه هتبان
نور : ماشي اساله اصلا عادي ولا يشغلني ، بس قولي انت معاك شهاده ايه
بدر : معايا بكالوريوس آداب انجليزي
نور : كنت بتشتغل ايه
بدر : كنت بشتغل مصور في قناه تلفزيونيه ، كنت بسافر بلاد وبصور
نور : ليه مش بتشتغل بشهادتك
بدر : بحب السفر اكتر وجتلي الفرصه واستغليتها
نور : اممم . فهمت
بدر : بس خلاص كل حاجه راحت
نور : ممكن تفكر في حاجه تانيه تعملها و تكون بتحبها
بدر : مفيش حاجه بحبها
نور : هندور علي حاجه جديده ، تعال ننام ، انت مش عايز تنام
بدر : حتي لو عايز انام اول اما احط راسي النوم بيروح مني
نور : جرب كده تنام
نام الاثنان علي السرير
بدر : مش عارف انام
وضعت أيدها علي شعره
نور : وانا صغيره كانت ماما بتعملي كده لحد اما انام وكنت بنام
بدر : وانا كمان ، كان عمار بيقعد جنبي ويلعب في شعري لحد اما انام
بعد وقت نام بدر وهي كمان
********
الصباح
صوت الباب بيخبط
بدر : اكيد امي
فتحت الباب عليهم
بدر : نعم يا امي
ميرفت: صباح الخير يا ولدي كيفك
بدر : صباح الخير يا امي
ميرفت زقت نور
ميرفت: قومي شوفي شغلك
نور : شغلي هو بدر وبس
تفاجأ هو من ردها
.. ميرفت بغيظ : قومي يا محروقه بدل ما اوريكي اللي عمرك ما شوفتيه
نور : اسفه يا حماتي ، بس انا مرات بدر ولازم اهتم بيه . هو اولي بوقتي . والبيت في شغالين
ميرفت مسكتها بقوه من شعرها
صرخت نور بالم : ااااه ، شعري
بدر : امي سيبيها
ميرفت : متتكلمش انت ، البت دي لازم تتربي ، وانا اللي هربيها
عمار كان واقف علي الباب وسمع صوت الصراخ : بدر .. بدررر ايه حوصل عندك
ميرفت : والله لاربيكي عشان انتي ناقصه ربايه
...
اضطر عمار يدخل وعينه في الارض : امممي
ميرفت : عايز ايه انت كمان
عمار : سببها وتعالي بره
ميرفت : لا معخرجش
عمار : ابوي عايزك
تركتها ميرفت وخرجت وعمار وراها
نور بتعيط بدر طبطب عليها
#######
عمار: ليه أكده يا امي تمدي أيدك علي نور ليه
ميرفت' : بت قليله الادب بترد عليا
عمار: بس انا خابر أن نور مؤدبه ومتغلطش
ميرفت : انت هتكدبني كمان
عمار: عامليها زي ما بتعملي بسمه ، نور مرات بدر دلوقيت وتتعامل احسن معامله
ميرفت : هي عاملتلكم ايه البت دي ، شايفاك أكده بدافع عنها
عمار' : لا حول ولا قوه الا بالله ، خبر ايه يا امي دي مرت اخوي وليها احترمها
السعدي : ايه اللي حوصل يا عمار
عمار: مفيش يا بوي
السعدي بحزم: هتخبي عليا وله ايه
عمار : ده امي كانت بتزعق وي نور
السعدي: تاني يا ام عمار ، انا قولت أن نور ملهاش دعوه بحاجه غير ببدر وبس
ميرفت: وانا بكرهها ومعيزهاش أهنأ
السعدي: دي مرت ولدك والزمن تحبيها ولو معرفتيش علي أقل سببها في حالها
... السعدي : مش هكرر كلامي مرتين ، ملكيش صالح بنور هي أهنأ عشان بدر وبس . فاهمه
ردت رغما عنها: فاهمه يا حاج
السعدي: قولي للبنات تجهز الفطور ، و ابعتي حد لبدر ونور ينزل يفطر
******
بسمه كانت واقفه ومش عاجبها أن عمار بيدافع عن نور خصوصا أن نور جميله وحلوه .. وده خلاها تغير منها .. وبتفكر في حل تبعدها عن البيت
يتبع
الاول
نبدأ بسم الله الرحمن الرحيم
صحي من النوم وهو مش عارف الصبح وله بليل
ضحك هيعرف ازاي هو الصبح وله بليل. هو اصلا مش شايف حاجه . بقي أعمي
وقف علي الارض وبدأ يتحرك في الاوضه
حس بحاجه جنب رجله وطي وهو بيحسس علي الارض
حس بجسم طري تحت أيده وبسرعه افتكر اللي حصل قبلها بيوم وازاي بقي متجوزه بين يوم وليله
قعد علي الارض بهدوء .. وافتكر اخوه كلامه أن لازم يتجوز علشان يكون معاه حد يراعاه
باين عليها جاهله .. ازاي متعلمه وهتوافق علي الجواز من واحد أعمي زيه
افكار وافكار بتلف في رأسه ، حس بصداع
بدر : ااه
ضغط بايده علي جسمها من الالم
صحيت : في ايه . ..
مردش عليها
نور : عندك صداع وله ايه .
بدر. : ابعدي عني مش ناقص غباء
نفخت ووقفت فتحت شنطتها وخرجت مسكن وجابت كوبايه مايه : ده مسكن خده هترتاح
بدر : مش يمكن يكون سم
نور : لا ، مش سم ، ولو في سم هاخده انا مش انت
هو : مش عايز حاجه منك
نور : انا عارفه انك مش واثق فيا ، اكيد مش هضرك وانا قاعده في قلب بيتكم ،ده مسكن وعلشان تتأكد
أمسكت ايده اللي فيها الحبايه وحطتها في بوقها
وشربت المايه
نور : لو في ضرر مكنتش خدتها ، ده برشام للصداع مسكن ومش مضر
فتحت كف ايده وحطتله حبايه تانيه :اشرب دي
بصتله .اول مره تشوفه .رفع عينه ليها
بدر : بتبصيلي ليه
نور : انت شايفني
حرك رأسه بلا : بس حاسس بعينك راشقه فيا
ضحكت: اسفه مجرد فضول .. اصل اول مره اشوفك . تخيل
وقفت ومسكت ايده : قوم من علي الارض
وقف معاها وبعدها زق ايدها بقوه وسألها ودخل الحمام
استنته لحد اما خرج
نور : محتاج حاجه
هو : محتاج تبعدي عني وتبطلي رغي ، لاني مش طابق اسمع صوتك ، بكرهك
نور مردتش بس من جواها وهي عذرته لأن ليه حق يكرهها ..
حاول يرجع السرير بس خبط. في الكرسي
مسكت يده : الكرسي قدامك .
زقها بعنف وقعت علي الارض
بدر : مش محتاج مساعده من حد انا اقدر اعمل اللي انا عايزه انا مش عاااجز . فاهمه
وهو بيزعق سمعو صوت الباب بيخبط
فتحت نور وكانت ست كبيره في العمر لبسه جلباب اسود وطرحه سوداء و بتبصلها بقرف
مسكت ايد نور بقوه
نور : اااه ، سيبي أيدي
بدر : في ايه ، بيحصل ايه
الام : مفيش يا ولدي ، عايزين الخدامه تشوف شغلها
نور حست بوجع بسبب الكلمه
بدر : خديها يا امي ، وياريت تشوفيلها مكان تاني تنام فيه غير هنا . علشان مش طايق حد معايا
الام : حاضر يا ولدي
صدمت نور من طريقته في الكلام عليها
الام زقتها بره الأوضه : فاكره انك هتدلعي وتعملي فيها عروسه .، انتي أهنأ خدامه . تخدمي الكل ومتفتحيش بوقك .
شدتها علي السلم لحد المطبخ وهي بتزق فيها وتهزائها
الام : نضفي المطبخ وجهزي الوكل وبعديها هتمسحي البيت كله
نور : حاضر
الام للشغالين : محدش يساعدها . هي اللي هتنضف وتعمل كل حاجه
خرجت الام وسابت نور بتغسل الصحون
وكل اما تخلص حاجه تدخل الام تبدأ تقولها علي حاجات تعملها
نور كانت هتقع من كتر التعب بس مش قادره تتكلم
خلصت الاكل وسمعو صوت بره المطبخ حد بيزعق
وقفت مع الخادمات تشوف في ايه
واحده من الخادمات: باين أكده الست ميرفت بتتعارك مع الست بسمه
نور : مين ميرفت
ردت واحده تانيه : دي الست الكبيره وبسمه دي مرت ابنها الكبير ( عمار بيه)
نور : اه فهمت .. مليش دعوه انا ورايا بلاوي اما اخلص قبل ما ترجع تزعق تاني
اتغدو بره وهي كانت طول اليوم قاعده في المطبخ وبعدها غسلت المواعين وبدأت تجهز العشاء
الوقت تأخر و جسمها كله وجعها
قعدت علي الترابيزه وحطت راسها ونامت من التعب
صحيت علي صوت حاجه بتتكسر قامت .بسرعه كان عمار واقف قدمها
نور : حاااسب هتتعور
.
وقف : انتي هنا بتعملي ايه
نور : اه ، كنت نايمه
رد باستغراب: في المطبخ
نور : انت قولت مش عايزني ابات فوق في اوضتك. ملقتش مكان غير هنا
مردش عليها .. نور : كنت عايز ايه
رد : كنت عايز اشرب ، مفيش ازازه مايه فوق
نور : هجبلك ازازه حاضر . بس تعال اطلع علشان متتعوريش
مسكت أيده تساعده
زقها : انا بعرف اطلع
مسك في السور وبدأ يطلع درجه بعد درجه وهي رجعت المطبخ نضفته و خدت الازازه
خبطت علي الباب وسمعت صوته
نور حطت الأزازه علي الترابيزه : محتاج حاجه تاني
حرك راسه بلا . نور : ماشي
فتحت الباب وخرجت
هو : استني يا
نطقت : انا نورالدين مهدي
هو : استني يا نور ، ممكن تنامي هنا لحد اما يكون ليكي غرفه
نور : شكرا ، ممكن ادخل الحمام اخد شاور الاول
هو : ادخلي
دخلت الحمام وهي بتفتكر اللي حصل قبل شهرين من جوازها منه
##########
قبل شهرين
كان بدر في البلد لسه راجع من السفر
ماشي مع اخوه عمار كل واحد منهم علي حصانه
....
حازم ده اخو نور كان ماشي ومعه أصدقائه معاهم بنادق الصيد بيصطدو الطيور وهم بيضحكو
بدر كان علي الصف التاني وفجاه وقع من علي الحصان وهو بينزف
عمار بيبص علي اخوه وكان جبينه بينزف وهو بيصرخ
بعد وقت كانو في المستشفي
عمار اخو بدر (يعتبر كبير البلد )
وطبعا البلد اتقلبت كلها والبوليس بيحقق وعرفو أن حازم هو اللي ضرب النار علي بدر
***
خرج الدكتور : للاسف الاصابه اصرت علي النظر
الام : يعني ايه يا دكتور ابني اتعمي
الدكتور بص للاب وعمار
عمار : لا حول ولا قوه الا بالله العلي العظيم
الاب : قدر الله وما شاء فعل
عدا شهر علي اللي حصل وكل يوم حد بيحاول من كبار العائلتين يتوصلو لحل
.. (السعدي ابو بدر ) مصمم علي أن حازم يتقتل لانه دمر حياه بدر ابنه
.......
في بيت نور كانت الحياه سوداء بمعني الكلمه
ام نور بتعيط ليل نهار علي حازم
.. حسان ده اخو نور الكبير بيحاول يهدي . حازم خرج من السجن بكفاله ولكن حياته لسه في خطر
قررت نور انها تتدخل في الموضوع وتكلم عمار
هي اتعملت معاه قبل كده وعارفه أنه عاقل
راحت علي مزرعته وطلبت تقابله
دخلت نور
عمار : انتي دكتوره نور بتاعت الصحه مش أكده
نور : اه
عمار : كيفك يا دكتوره
نور : الحمد لله ، انا كنت جايه وطالبه منك معروف
عمار : اطلبي ولو بايدي اعتبري الأمر حوصل
نور : هو الأمر بايدك ، انا اخت حازم مهدي
عمار وشه احمر من الغضب
نور : انا عارفه أنه غلط ، بس هتستفادو ايه لو قتلتوه ، ارجوك اهدا واسمعني انتم ممكن تحبسوه أو خد تعويض اي حاجه بلاش القتل
عمار : عارفه انتي لو مكنتيش حرمه كنت خلصت عليكي ، متتدخليش في كلام الرجاله اخوكي دمر حياه اخوي وقصاد عينه اللي راحت رقبه اخوكي
نور : زي ما انت خايف علي اخوك انا كمان خايفه علي اخويا وهو فعلا مكنش يقصد يعمل كده دي حادثه مش مقصوده
عمار. بغضب: روحي شوفي حالك يا بنت الناس
نور : انا جيت انهارده وانا واثقه انك عاقل وهتفهمني ، بلاش دم لانه مش حل ،ومش هيرجع اخوك زي ما كان ،،
العافين عن الناس ربنا يرحمهم وبيدخلو الجنه
عمار ساكت
نور : مش طلبه منك اكتر من انك تفكر تاخد حق اخوك بالحكمه والعقل بلاش دم
خرجت من مكتبه وهي بتدعي ربما يهديه
....
رجع عمار البيت
كان في صوت كسر ازاز في غرفه بدر
طلع بسرعه
عمار مسك ايد بدر : بدر حوصل ايه
بدر بتعب : سبني يا خوي ، الله يرضي عنك ابعد عني ، عايز اموت وارتاح
عمار : لا يا بدر ما تقولش اكده ، معبعدش عنك واصل انت خوي الصغير وابني كمان
بدر : انا خلاص يا خوي مقدرش اعيش أكده
عمار : هتعيش يا بدر ، وهتتعود ، الحياه لسه قدامك
بدر : معيزش حياه يا خوي ، عايز اشوف بس
عمار مش عارفه يواسي اخوه اللي حياته ادمرت
...
دخل عمار غرفته كانت مراته بسمه قاعده
بسمه : وبعدين في جنان اخوك ده ، كل شويه يكسر ويزعق، هيقرفنا بعماه ده
ضربها عمار علي وشها : اياكي تنطقي تاني وتقولي علي بدر أعمي ، والا وقسما برب الكعبه لتكوني طالق ومتحرمه عليا
خرج وسابها وهي بتعيط . فضل طول الليل يفكر في حل وفي الاخر افتكر نور
*******
اجتمع كبار العائلتين في جلسه الصلح
اتكلم السعدي وحكم علي عائله مهدي أنهم يخرجو .. حازم من البلد و ميرجعش تاني وكمان يدبحو ( ٥٠ راس)
حسان : موافج يا حاج .
السعدي : لسه مخلصتش.. انا طالب ايد نور لبدر ابني
حسان وقف باعتراض : لا ، انا مأمنش لأختي تعيش وسطيكم
عمار : يبق اخوك هيدبح قدام عينك ..
حسان : يدبح ، بس اختي ما تتجوزش غصب عنها
خرج حسان وه. مضايق ومش راضي بالكلام
بس كان كبار عائله المهدي لسه قاعدين وقالو أنهم هيقعنو حسان
***********
في بيت نور
أم نور : رضيت بموت اخوك يا حسان..
حسان : ونور ذنبها ايه ، تعيش معاهم
لطمت علي وشها : البنت مصيرها تتجوز وهي هتتجوز مش هتترمي في الشارع
حسان : لا هتترمي يا امي
نور : انا موافقه يا خوي
حسان: وانا موفقش علي أكده
نور : بس ده الحل الوحيد
الام : انا كمان موافقه،، أفدي اخوك يا حسان
نور قلبها وجعها من كلام والدتها
وطبعا كبار العايله جم يتكلمو مع حسان ويقنوعه. يقبل
هي هتكون مرات بدر ومحدش يقدر يضرها
بس بالطريقه دي هيوقفو سلسال الدم بين العايليتن
___________
في بيت السعدي
دخل عمار غرفه بدر
: بدر كيفك يا خوي
بدر : بموت يا عمار ، مخنوق ومطيقش نفسي
عمار : وانا عندي حل للخنقه دي
بدر : وايه هو
عمار : هجوزك
ضحك : انا مريدش اتجوز ، ولو وافقت مين دي اللي هتتجوز أعمي
عمار : متقولش علي نفسك أكده ، ده انت زين الرجال ، شاور انت أكده وهتلاقي مليون واحده تجيك
بدر : اهو كلام يا عمار
عمار : مش كلام يا خوي ، انا لقيتلك العروسه وهكتبلك عليها
بدر : هعمل بيها ايه يا عمار ، انا عايز اموت مش اتجوز
عمار : متقولش أكده يا بدر ، انت مش هتموت انت هتعيش وهتكمل حياتك وتخلف ويكون ليك ولاد
بدر : طموح انت يا عمار
عمار : بكره تشوف يا ولد ابوي ، هنكتب كتابك قريب
بدر : معيزش انا اتجوز
عمار : انت محتاج حد يساعدك تكمل حياتك معاه، اسمع مني يا بدر انا عايز مصلحتك
بدر : اعمل اللي انت عايزه يا عمار انا مقدرش حتي اناهد معاك وله مع غيرك
قبل رأسه عمار : ربنا يريح قلبك يا ولد ابوي
********
وافق حسان بعد محاولات كثيره علي زواج نور من بدر وسألها تاني وهي قلتله انها موافقه
وضبت نور شنطتها
ولبست جلباب اسود ووقفت جنب حسان كتبو الكتاب .. كان حسان هو وكيلها . وعمار وكيل اخوه
وخدوها من غير أي شكل للفرح علي بيت السعدي وهناك دبحو الأغنام قدام البيت
.....
حسان حضن أخته
حسان : نور ملهاش صالح باللي حصل يا عمار
عمار : متقلقش عليها . يلا يا دكتوره
حسان وقف بعيد وهو بيبصلها وعينه كلها دموع
عمار : كفاياكي عاد بكي ، مش كنتي عايزه حل غير قتل اخوكي
نور : اه
دخلت نور البيت
الام : انتي بقي اخت اللي عما ابني
عمار : يا امي خلصنا خلاص . نور بقت مرات بدر
الام : لا مخلصناش ، منكم لله ، ربنا يحرق قلبكم زي ما حرقتم قلبي علي ولدي وشبابه
نور وطت راسها ومقدرتش تتكلم
السعدي : تعال يا ولدي نصلي العشاء عقبال ما يجهزو الوكل . وانتي خديها علي فوق
عمار : ماشي يا بوي
خرج عمار والسعدي
و ام عمار مسكت ايد نور وجرتها علي المطبخ
الام : جهزي الوكل وبعدها نضفي وامسحي واعرفي انك أهنأ خدامه ومتحلميش باكتر من أكده
سابتها وخرجت
وبعد ما خلصت كل اللي قالت عليه خدوها الخدم علي اوضه بدر
كان نايم علي السرير وهي ملقتش مكان غير الارض تنام عليه
فاقت من ذكرياتها وخرجت من الحمام
.....
صحيت نور من نومه الارض قرب الفجر علي صوت بدر وهو بيخرف. وشكله بيحلم حلم وحش
نور بتعب والم في جسمها قربت من بدر وحطت أيدها علي كتفه
: بدر ، بدر قوم ده كابوس .. بسم الله عليك
بس بدر كان جسمه بيترعش . زقته اقوي : يا بدر، بدر قووم
قعد علي السرير وهو بينهج
نور : بدر انت كويس
بدر : عايز اشرب .. هاتي مايه
قربت منه كوبايه المايه : اشرب .
شرب منها ومسحت بوقه بالمنديل
بصتله وهي بتفكر أن فكره أنها تفقد نظرها في يوم فكره صعبه ومرعبه. هو ليه حق يكرهها ويعملها اسؤ معامله
نور طبطبت عليه ومسحت دموعه. بس هو شال أيدها وزقها بعيد عنه : متلمسنيش احسنلك
نور : حاضر انا اسفه
عرف من صوتها أنها بتعيط : روحي نامي
نور : وانت هتنام
بدر : ملكيش دعوه بيا. وابعدي عني
نور : طيب انت جعان . اعملك حاجه تاكلها
بدر : لا مش جعان
نور : انت اتعشيت طيب
بدر : مش عايز اتعشا ، سبيني بقي وابعدي عني
نور : والله انا عايزه اساعدك
بدر : مش عايز شفقه من حد
نور : مش شفقه يا بدر ، بس انا دلوقتي مراتك ، وده واجب عليا. سبني اشوفك محتاج ايه
بدر ابتسم بسخريه
نور : اديني فرصه واحده بس وانت مش هتندم
بدر نفخ : قولتلك مش عايز حاجه منك ، اخرجي من الأوضه كمان مش طايقك في نفس مكاني
نور : بس يا بدر
بدر زعق فيها : اطلعي بره بره
نور : حاضر ، هخرج والله بس هدي نفسك
كانت بتدور علي الحجاب وهي بتعيط وهو وقف ومسك أيدها وخرجها بره وقفل الباب
سند علي الباب هو كمان بيعيط ومخنوق
نور بتخبط علي الباب : افتح يا بدر ،هاخد الحجاب بس والله . بدر
وقفت قدام الباب ومش عارفه تعمل ايه وله تروح فين
عمار صحي اتوضأ علشان يصلي الفجر وهو خارج يصلي حاضر زي كل يوم
سمعت صوت باب اوضه حد بيفتح سندت رأسها علي الباب وهي مسكوفه لأنها مش لابسه الحجاب
وقف عمار في مكانه اما شافها وقفه وعرف أنها نور
عمار بسرعه بص في الارض : انتي واقفه أكده ليه
نور : بدر .. بدر خرجني وقفل الباب
خد الشال اللي علي كتفه : خدي غطي شعرك .
خدته نور وهي مكسوفه
عمار خبط علي الباب بعصبيه
: بدر افتح الباب .. بدددر
فتح الباب ونور بصت لبدر بغضب بس صعب عليها اما شافت وشه احمر وشكله معيط هو كمان
عمار : ادخلي يا نور
بدر : مش عايزها معايا يا عمار
دخل عمار الأوضه : بدر نور مرتك ازاي تخرجها من غير طرحتها أكده .
بدر : تاخد هدومها وتمشي ، انت ضحكت عليا و مقولتليش أنها تكون أخته
عمار : وهتفرق معاك في ايه
بدر : هتفرق كتير يا بدر ، انا مش عايزها أهنأ معايا
نور واقفه ساكته
عمار : اهدا دلوقيت وتعال ننزل نصلي الفجر في الجامع
بدر : لا
عمار : لا حول ولا قوه الا بالله حتي الصلاه هتعترض عليها . تعال يا بدر معايا وانت هترتاح
غضب عنه خرج مع عمار .هو مش حابب حد يشوفه وهو كده
نور نامت تاني من كتر العياط
راح بدر وعمار وابوهم الجامع يصلو وبعد ما خلصت الصلاه قعدو يسمعو الخطبه
....
في الأوضه
صحيت نور علي ايد قويه بتزوقها في كتفها
فتحت عينها بتعب
ام عمار : قومي قامت قيامتك يا مدلعه
نور : نعم
ام عمار : قومي جهزي الفطور للرجاله
نور : دلوقتي ، لسه بدري
ام عمار : اه يامحروقه قومي الرجاله بتصلي الفجر وعايزين يأكلو
قامت بتعب ونزلت تحت علشان ابدا تعمل القطار
صعبت علي الشغالات وبداو في مساعدتها
اول ما الام كانت هتدخل كريت الشغاله : الست ميرفت جايه
بعدو عن نور بسرعه ودخلت الام : خلصتي يا محروقه
نور : اه خلصت
الام: هاتي الفطور علي السفره . اخلصي
نور بتعب : حاضر
حطت الاكل علي السفره ورجعت المطبخ
قعد عمار والسعدي و ميرفت وبسمه
السعدي : اقعد يا ولدي وكل معانا
بدر : معيزش اكل يا بوي
السعدي بتعب : يا ولدي من يوم اللي حوصل وانت معتكلش معانا.
بسمه: هتلاقيه مش عارف ياكل
بصلها عمار بغضب : قومي علي اوضتك وحسابنا فوق. قووومي
بدر كتم في نفسه
السعدي : خلاص يا عمار مش لزمن خناق أكده من الصبح العيال بتخاف
عمار بص لمراته بشر وسأل امه : فين نور
ميرفت : في الزفت المطبخ
عمار : وبتعمل ايه في المطبخ ، مفروض تكون أهنأ
ميرفت: لا متعقدش معانا علي سفره واحده
السعدي : هتقعد معانا ومع جوزها . من حقها تقعد
السعدي للشغاله : روحي نادي نور
نور جت : نعم
السعدي : اقعدي جار جوزك وافطري معانا
نور بصتلهم بصدمه مش مصدقه اللي سمعاه بصت لعمار الوحيد اللي بيحترمها في البيت ابتسم : اقعدي
نور قعدت جنب بدر وحطت المنديل علي رجله
وبدأت تاكله بايدها بس هو زق أيدها
نور : سبني اساعدك حتي لو قدامهم
افتكر كلام بسمه عليه . هو خايف ياكل لوحده قدمهم ويبهدل نفسه قدمهم ويضحكو عليه
حست بايده علي أيدها : ماشي
فرحت بالتقدم ده حتي لو صغير بس بدأ يتقبلها ودي حاجه فرحتها . السعدي وعمار كانو فرحانين أن بدر بدأ يتقبل نور
وأنها بتساعده وبتخلي بالها منه
وقتها حس أنه قرار صح أنه يجوز ابنه منها
شبه بدر اول مره ياكل كويس
ميرفت : قومي لمي السفره ونضفي وابدأي اعملي الغداء
السعدي : نور معتعملش حاجه
ميرفت : كيف أكده يا حاج انت عايز تعمل رأسها برأسنا
السعدي : دي مرت بدر مش خادمه ، روحي يا بتي شوفي جوزك محتاج ايه
نور بابتسامه : حاضر يا عمي ، شكرا
حطيت ايدها في يد بدر ومسكته اوي : تعال
بدر : علي فين
نور : نقعد في الجنينه الجو دلوقتي حلو اوي ، تعال بس
بدر : طلعيني علي اوضتي ..
نور : جرب بس مش هتندم
بدر : قولت طلعيني علي اوضتي .
سمعت كلامه وطلعته لاوضته
بدر : جهزي الحمام
نور : حاضر
ملئت حوض الاستحمام بالماء الدافئ
نور : الحمام جاهز يا بدر . تحب اسعدك بحاجه
بدر : لا. اخرجي بره
دخل يستحمي
******
في اوضه عمار كان بيتخانق مع بسمه
: لسانك ده عايز يتقص ، انا استحملتك كتير بس خلاص زهقت منك
بسمه : وانا قولت ايه ياعني يا عمار ، انا قولت الحقيقه، هو اخوك من يوم الحادثه وهو مش بياكول معانا
عمار : ملكيش صالح باخوي، خليكي بنفسك يا بسمه والا هيكون انتي السبب في اللي هيحصل. وانا بحذرك
بسمه -: خلاص يا عمار ، مليش صالح انا باخوك ارتحت أكده
عمار : هرتاح اما تخليكي في حالك ومتدخليش في اللي ملكيش صالح بيه
وضعت ايدها علي صدره : متبقاش قاسي أكده عليا يا عمار
عمار: من عمايلك يا بسمه
بسمه: قلب بسمه انت ، خلاص بقي .
تنهد عمار : المره دي بس هفوتها
ابتسمت هي : حبيبي يا ابو الرجال
______
في بيت عائله مهدي
سافرت الام مع حازم الي الاسكندريه علشان تعيش هناك معاه
حسان كان قاعد في البيت لوحده زعلان علي أخته واللي حصلها
اتصل بنور يطمئن عليها
نور فرحت اول ما شفت اسمه : حسان عامل ايه
حسان بحزن : انتي اللي عامله ايه يا حبيبتي
نور : انا بخير يا حبيبي
حسان : هتخبي عني يا نور.. ده انت اخوكي الكبير
نور : لا يا حسان ، صدقني انا بخير
حسان : ربنا يحنن قلوبهم عليكي يا حبيبتي
نور : امي وحازم عاملين ايه
حسان : سافرو اسكندريه هيقعدو هناك
نور : ربنا معاهم
سمعت صوت بدر بينادي عليها : معلش يا حسان هقفل دلوقتي
حسان : ماشي يا حبيبتي ، ابق طمنيني عليكي
نور : حاضر
قفلت الموبيل وقربت من باب الحمام : نعم يا بدر
بدر : فين هدومي
نور : عندك متعلقين ورا الباب
بدر بغضب : فين . مفيش حاجه
نور : والله ورا الباب
بدر مش عارف يوصل ليهم : فيين
نور : هدخل اجبهم ماشي
بدر : اخلصي
دخلت الي الحمام كان هو لابس الفوطه
نور خذت الملابس وحطتهم في ايده : اهم وكانو ورا الباب علي فكره مش بكدب عليك
بدر مردش عليها
خرجت وسابته لبس وخرج
وهي مسكت أيده وقعدته علي السرير تنشف شعره
نور : شعرك طويل ممكن اقصهولك شويه
بدر ' لا
سرحلته شعره وهو حاسس أنه هدي بعد ما استحمي وحركت أيدها
بدر : عايز انام
نور : حاضر
ساعدته ينام وغطته بس اول اما حط راسه علي المخده طار النوم من عينه
كشر وقعد علي السرير
نور : مش كنت هتنام
بدر : مش عارف انام ، هتجنن وانام
نور : تحب اقرالك حاجه
بدر بسخريه: انتي بتعرفي تقري
نور : ايوه بعرف
بدر : اكيد اخرك تفكي الخط
نور : لا ، انا دكتوره
تفاجأ بدر : كدابه
نور : والله دكتوره امراض الجهاز الهضمي والكبد و بشتغل في المستشفي هنا ، ولو مش مصدق اسال كمان عمار ، هو عارف كده
بدر : يعني دكتوره وقبلتي تتجوزي من أعمي وبالطريقة دي ، كان فين عقلك
نور : متقللش من نفسك ، انت اي واحده تتمناك ، بس لو تبطل غضب وعند هتكون ممتاز ، قولي بقي معاك شهاده ايه
بدر كشر : ملكيش فيه
نور : يووه ما احنا كنا كويسين واول مره تتكلم معايا
بدر : اكيد انتي وحشه وشكلك عفش
ضحكت نور : معرفش بس اللي متاكده منه اني مش بشعه
بدر : قولي وحشه وأما صدقتي لقيت عريس
نور : انا عندي ٢٥ سنه يعني مش عانس بس لو عايز تعرف انا وحشه وله لا ،ممكن اساعدك واقولك مثلا عيني لونها عسلي وبيضا
بدر : مش مصدق
ابتسمت ومسكت يده حطتها علي وشها
فهم هي عايزه ايه وبدأ يلمس وشها بايده ، مرر ايده علي ملامحها وهو بيحاول أن يكون شكلها في مخيلته
بدر : شعرك لونه ايه
نور : احمر
بدر حط ايده علي شعرها الناعم : شعرك طويل ، مش بحب الشعر الطويل
نور : ايه ، ليه بقي كل الناس بتحب الشعر الطويل
بدر : انا مش بحبه ،و شكلك بشع فعلا
نور : علي فكره بقي الجمال مش جمال الشكل ده جمال الروح
.
بدر : علي اساس انتي روحك حلوه
نور : اه روحي حلوه بقي
ابتسم نصف ابتسامه وهو ملاحظ نبره صوتها المعترضه علي كلامه هو كذب عرف انها جميله وملامحها متناسقه
...
صوت الباب خرجهم من اللحظه
نور حطت الحجاب وفتحت الباب
كانت ميرفت دخلت : محدش هيرحمك مني دلوقيتي
نور : حضرتك انا
ميرفت : معيزاش اسمه صوتك ، قدامي عشان تلحقي تمسحي البيت وتجهزي الغداء
بصت نور لبدر عايزاه يتكلم ويدافع عنها . بي للاسف معلش حاجه
خرجت نور مع ميرفت تنفذ أوامرها
اما السعدي وعمار كانو خارج البيت
بدر قاعد لوحده في غرفته
********
بعد ما خلصت نور من تنظيف البيت كله وعملت الغداء . طلعت أوضتها بتعب
كان بدر قاعد علي السرير ، من غير ما تتكلم دخلت الحمام و قعدت تعيط علي الظلم اللي بيحصل ليها .. غير اسلوب ميرفت معاها وكلامها اللي يحرق الدم
هي في بيت اهلها مكنتش بتعمل كل ده ومره واحده تتبهدل ومفروض أن جوزها يدافع عنها ، بس محدش واقف جنبها . حتي مامتها من وقت اما سافرت متصلتش بيها
سمع صوتها وهي بتعيط قام وهو بيخبط في الاوضه لحد اما وصل لباب الحمام وخبط عليها
دق عليه : نور .. نور اخرجي من الحمام
نور : حاضر
غيرت هدومها وفتحت الباب : نعم
بدر : متعيطيش في الحمام مره تاني
نور سمعت كلامه وفتحت في العياط.
مد ايده وطبطب عليها وضمها . هي صعبانه عليه بس فكره أنها اخت اللي عمل فيه كده منعته يظهر أي عواطف ليها
بعد وقت
مسحت دموعها نور :انا اسفه
بدر : حاسه انك احسن
نور : الحمد لله ، عايزه انام
بدر : تعالي نامي هنا
شاور علي السرير
نور : انا هنام علي السرير وانت هتنام فين
بدر : هنام هنا جنبك
نور : لا . مينفعش
بدر : ايه اللي منفعوش. نامي اكيد تعبانه من نومه الارض. بس متخديش علي كده
نور : ماشي
نام الاثنين وصحي بدر علي صوت الباب بيخبط جامد
اتفتح الباب مره واحده
بدر : مين. مين
ميرفت : انا يا ولدي
تضايق من دخولها عليه : ايه يا امي ، حضرتك اول مره تدخلي عليا كده وانا نايم
ميرفت : عادي يا ولدي ما انت مش هتعرف تفتحلي
حس بخنقه من كلامها . حس بايد والدته وهي بتهز في نور
ميرفت : قومي كفاياكي نوم . قامت قيامتك
فتحت نور عينها : في ايه.
ميرفت : قومي علي تحت وكملي شغلك
نور: مش قادره تعبانه . انا خلصت كل حاجه . مفيش حاجه ناقصه
ميرفت شدتها من شعرها جامد . صرخت نور من الوجع
ميرفت : الا تكوني فاكره أننا جيبنك اهنا تتدلعي لا انتي هنا خدامه .. واقل كمان من الخدمات
كالعاده بدر مش بيتكلم
نور : لو سمحتي مش كده التعامل.
ميرفت : انتي هتنسي نفسك يا بت انتي ، قومي احسن لك
نور : انا استحملتك كتير ، ساكته وبقول انتي قد امي ، بس خلاص تعبت في تحت خدم انا مش هنزل
ميرفت : لا ده انتي اتجنيتي في عقلك ، ده انا هربيكي من لاول وجديد
صرخ بدر : بس بقي ، كفايه. كفايه ..
ميرفت: لحقت تضحك عليك يا ابن بطني
بدر : يا امي، انا مسمعتش كلام حد. بس حرام عليكي
ميرفت : حرمت عليها عيشتها ، انتي ناسي دي تبقى مين ، دي اخت اللي عماك وضيع عينك ومستقبلك
سكت بدر ومقدرش يرد
نور : هعمل اللي انتي عايزاه بس من غير إهانات تاني ، لو سمحتي
.
خذت الحجاب وحطيته علي شعرها وبعدين خرجت من الاوضه
ميرفت : اطلعلك الوكل يا بدر
بدر : لا ، معيزش اكل
ميرفت : طيب لو جوعت . نادم عليا
بدر : ماشي
....
دخل السعدي الي البيت ومعاه عمار. واتجمعت العيله علي السفره
السعدي : فين بدر ومرته . حد ينادي عليهم يأكلو
ميرفت : بدر فوق مش جعان دلوقيت
عمار : ليه مش جعان حد زعله
لوت بسمه بوقها : يعني هو صغير ، لو جاع كان كل
عمار بتحذير : بسمممه قولت ايه
بسمه : سكت اهو
ميرفت : لا، محدش زعله ، اما يجوع هياكل
السعدي : سيبه يا ولدي ، انت خابر اللي بيه
عمار : ربنا يريح قلبه يا بوي
السعدي : يارب
نور غسلت صحون الغداء
قعدت علي الترابيزه بتعب مكلتش حاجه من الصبح
.
دخلت ميرفت
ميرفت : فين الشاي يا بت المحروقه
نور : حاضر
عملت الشاي وميرفت خدته وخرجت
........
في الجنينه
عمار : امي لو نور مكلتش طلعي الوكل ليها هي ملهاش ذنب في حاجه
ميرفت: ياكش تموت ونرتاح
السعدي : وهي عملت ايه ، ملهاش ذنب في اللي عمله اخوها واحنا جوزنها لبدر عشان تهتم بيه
ميرفت : كان ممكن جوزته واحده تانيه غيرها
بسمه ؛ مين دي اللي كانت هترضي بيه يعني
عمار : بسمممه ، انا اخويا يشرف اي حد .
بسمه : انا قصدي يعني عشان ظروفه يا عمار
السعدي : بس انت وهي وهي ، انا صدعت
وقف : هطلع انام انا
بسمه لأطفالها : يلا انت وهو علي فوق الوقت اتاخر
طلع الاطفال وبسمه .. ميرفت والسعدي كل واحد علي اوضته
.......
عمار كان قاعد مكانه في الجنينه .. قبل ما يطلع اوضته ..قال يعدي علي الشغالين يقولهم يطلعو اكل لبدر ونور
بس اتفاجا اول ما دخل المطبخ أن نور قاعده وشكلها باين انها بتعيط
عمار : نور انتي اهنا .. فكرتك فوق
نور. ساكته
عمار : خبر ايه عاد انتي مكنتيش فوق .. وله لسه نازله
نور : لا ، انا كنت هنا
عمار : في ايه يا دكتوره .. مالك أكده مكشره ليه
نور عيطت : انا مش هقدر اكمل هنا ، تعبت والله ، انا مش عارفه اتعايش مع علي كل اللي بيحصلي ده ، انا بتعامل اسوء معامله ، وكمان مامتك انهارده شدتني من شعري وبتخليني زي الخدمين وبدر مش بيتكلم وله حتي بيدافع عني
عمار : انا من الاول وانا خابر انك الوحيده اللي هتقدري تخلي بدر يتأقلم مع حياته ، هو من وقت اللي حصله ده وهو مبقاش يتعامل مع حد وله يتكلم زي الاول ودخل في حاله اكتئاب ،، أما امي فأنا هتصرف معاها
نور: انا تعبت يا عمار
عمار: لحقتي تتعبي يا دكتوره ، انا واخد عليكي عفيه وقويه ، قومي أكده وخدي اكل ليكي و لبدر و حاولي تتاقلمي مع حياتك اما امي انا هكلمها..
.........
خدت الاكل وطلعت اوضتها وهي كلها إصرار تخلي بدر يتغير
حطت الاكل علي الترابيزه قدامه
بدر : نور
نور : عرفت ازاي
بدر : انا اتعميت بس باقي الحواس شغاله
نور : هممم، طيب كويس انك عارف ان في حواس لسه شغاله عندك مش ناوي تستعملهم
بدر : تقصدي ايه
نور : مش جعان زي الناس الطبيعيه
بدر : هو ليه ماموتش
نور : لسه في عمرك باقيه ، ولازم تعيش اللي جاي احسن من كده
بدر : احسن ، انتي مش فاهمه اني ادمرت
نور : لا مدمرتش ، بس انت دلوقتي هتاكل معايا عشان ماكلتش حاجه ومياه من الجوع
بدر: ليكي نفس تأكلي
نور : اه،وبعدين الاكل ملوش دعوه بالظروف اللي احنا فيها
مسكت المعلقه وحطتها في ايده
بدر : مش هعرف اكل وهوقع علي نفسي
نور : وقع مش مهم ، انا معاك وتساعدك لحد اما تعرف تتعامل عادي
بدر : لا ، انتي عايزه تعملي كده علشان تضحكي عليا ، انتي فكراني سخريه
نور : والله ابدا ، انا بس عايزاك تتعود تاكل لوحدك. ، جرب بس واسمع كلامي والله ما هضحك
....
اتنهد بدر وقربت نور
نور ؛ اما تلمس الطبق كده هتعرف تاكل منه ، وتعرف تحدد مكانه .
مسك الطبق بين ايده وحط المعلقه بس الاكل وقع عليه
خدت المنديل ومسحتها : جرب تاني
حاول تاني بس فشل . بدر : مش عارف ومش عايز اكل
نور : خلاص خليني انا عينك
بدر : ازاي
نور: انا هكون عينك ، قولي عايز تشوف ايه وانا هوصفلك وانت اتخيله.. احنا هنتدرب هنا لوحدنا في الاوضه ومحدش معانا لحد اما تتعود تتحرك براحتك وتاكل كمان
بدر :. هفشل
نور : لو فشلت مره جرب تاني لحد اما تنجح، مش هتخصر حاجه اما تجرب
بدر حاول ياكل لوحده ومره علي مره لخد اما نجح
نور : في تقدم
بدر : بحاول بس برضو خليكي مرقباني.
نور : حاضر انا هرقبك ، الاكل هيبرد ، كل يوم ندرب شويه
بدر : اتفقنا
.........
قعدت جنبه علي السرير. بعد ما استحمت
نور : مش عايز تنام
بدر : مش عايز انام
نور : نتفرج علي التلفزيون
بدر ؛ هتفرج ازاي بقي
نور : هقولك انا
فتحت التلفزيون : ده فيلم اجنبي اسمه رامبيج
بدر : بتاع ذا روك
نور : ايوه هو ده
بدر : عارفه
نور : الشمبانزي الكبير
بدر : غوريلا
نور : مش مهم
بدر : لا مهم ، انتي هتضحكي عليا من الاول
نور : مش بضحك عليك بس الشامبنزي والغوريلا ولاد عم
ضحك بدر لاول مره
نور : علي فكره الاتنين شبه بعض
بدر : بزمتك انتي دكتوره
نور : والله دكتوره ، أسأل عمار
بدر : لزمن اساله عشان اتاكد من حكايه دي
نور : علي فكره بقي مش هضحك عليك ، اصلا مش بحب الكدب
بدر : الحقيقه هتبان
نور : ماشي اساله اصلا عادي ولا يشغلني ، بس قولي انت معاك شهاده ايه
بدر : معايا بكالوريوس آداب انجليزي
نور : كنت بتشتغل ايه
بدر : كنت بشتغل مصور في قناه تلفزيونيه ، كنت بسافر بلاد وبصور
نور : ليه مش بتشتغل بشهادتك
بدر : بحب السفر اكتر وجتلي الفرصه واستغليتها
نور : اممم . فهمت
بدر : بس خلاص كل حاجه راحت
نور : ممكن تفكر في حاجه تانيه تعملها و تكون بتحبها
بدر : مفيش حاجه بحبها
نور : هندور علي حاجه جديده ، تعال ننام ، انت مش عايز تنام
بدر : حتي لو عايز انام اول اما احط راسي النوم بيروح مني
نور : جرب كده تنام
نام الاثنان علي السرير
بدر : مش عارف انام
وضعت أيدها علي شعره
نور : وانا صغيره كانت ماما بتعملي كده لحد اما انام وكنت بنام
بدر : وانا كمان ، كان عمار بيقعد جنبي ويلعب في شعري لحد اما انام
بعد وقت نام بدر وهي كمان
********
الصباح
صوت الباب بيخبط
بدر : اكيد امي
فتحت الباب عليهم
بدر : نعم يا امي
ميرفت: صباح الخير يا ولدي كيفك
بدر : صباح الخير يا امي
ميرفت زقت نور
ميرفت: قومي شوفي شغلك
نور : شغلي هو بدر وبس
تفاجأ هو من ردها
.. ميرفت بغيظ : قومي يا محروقه بدل ما اوريكي اللي عمرك ما شوفتيه
نور : اسفه يا حماتي ، بس انا مرات بدر ولازم اهتم بيه . هو اولي بوقتي . والبيت في شغالين
ميرفت مسكتها بقوه من شعرها
صرخت نور بالم : ااااه ، شعري
بدر : امي سيبيها
ميرفت : متتكلمش انت ، البت دي لازم تتربي ، وانا اللي هربيها
عمار كان واقف علي الباب وسمع صوت الصراخ : بدر .. بدررر ايه حوصل عندك
ميرفت : والله لاربيكي عشان انتي ناقصه ربايه
...
اضطر عمار يدخل وعينه في الارض : امممي
ميرفت : عايز ايه انت كمان
عمار : سببها وتعالي بره
ميرفت : لا معخرجش
عمار : ابوي عايزك
تركتها ميرفت وخرجت وعمار وراها
نور بتعيط بدر طبطب عليها
#######
عمار: ليه أكده يا امي تمدي أيدك علي نور ليه
ميرفت' : بت قليله الادب بترد عليا
عمار: بس انا خابر أن نور مؤدبه ومتغلطش
ميرفت : انت هتكدبني كمان
عمار: عامليها زي ما بتعملي بسمه ، نور مرات بدر دلوقيت وتتعامل احسن معامله
ميرفت : هي عاملتلكم ايه البت دي ، شايفاك أكده بدافع عنها
عمار' : لا حول ولا قوه الا بالله ، خبر ايه يا امي دي مرت اخوي وليها احترمها
السعدي : ايه اللي حوصل يا عمار
عمار: مفيش يا بوي
السعدي بحزم: هتخبي عليا وله ايه
عمار : ده امي كانت بتزعق وي نور
السعدي: تاني يا ام عمار ، انا قولت أن نور ملهاش دعوه بحاجه غير ببدر وبس
ميرفت: وانا بكرهها ومعيزهاش أهنأ
السعدي: دي مرت ولدك والزمن تحبيها ولو معرفتيش علي أقل سببها في حالها
... السعدي : مش هكرر كلامي مرتين ، ملكيش صالح بنور هي أهنأ عشان بدر وبس . فاهمه
ردت رغما عنها: فاهمه يا حاج
السعدي: قولي للبنات تجهز الفطور ، و ابعتي حد لبدر ونور ينزل يفطر
******
بسمه كانت واقفه ومش عاجبها أن عمار بيدافع عن نور خصوصا أن نور جميله وحلوه .. وده خلاها تغير منها .. وبتفكر في حل تبعدها عن البيت
يتبع