فى تلك الطائره الخاصة المقلعه من مطار إيطاليا
متجهه إلى مصر كانت تجلس هى بين ركابها مغمضه العينين بشده على أثر تذكرها للماضي لتلك اللحظة
لذلك الشخص الذي حطمها وكسرها دون أن يكتثر
لمشاعرها أ كانت لعبه لتسليه ربما فذلك ما إكتشفته ولكن بعد فوات الآوان ليعترف بحبه لها وينكره أمام
الجميع ليهينها ويقلل منها دون أدنى اهتمام
ليتخطاها وكأنها لا تعنيه تذكرت تلك الكلمات
المسمومه التي لم لن تنساها أبداً
:"أحبك ههه أحبك إنتِ ليه إتهبلت ولا إتجننت عشان
أحب واحده زيك يا بنتى إنتِ عمرك ماهتشيلى إسمي
مش مقامك أصلاً إنتِ أخرك تكملى تعليمك وتترمي
فى أي شركه من شركتنا أو تتجوزي  عشان نخلص
صفقه من صفقاتنا رغم إننا مش محتاجين نعمل كده
بس أهو نخلص منك

'قاطعه أخر' :
" لا بقي كده كتير أنت عارف أنت بتقول إيه "

: "أيوه عارف وأنا مش غلطان مالك كده مضايق ايه
هه"
تحول نظره إليها بسخريه: "قال أحبك قال لا أكيد
اته‍بلتى"

تتذكر جيداً صدمتها تتذكر جيداً صدمة الجميع لم يكن
الامر بهين تتذكر صدمتهم عندما طلبت منهم أخر
طلب
"أنا قولت مفيش سفر يعني مفيش سفر"
"ليه يا بابا بس احنا كنا متفقين إني هسافر إيه اللى
اتغير"

"إحنا كنا متفقين إنك تسافري تكملى تعليمك مش
عشان تهربي من المواجهه"

"ومين قال بس إنى بهرب، أنا بس محتاجه ابعد الفتره
دي، بعد إذنك يا بابا إحترم قراري أنا من حقي أقرر
مصيري؛ وبعدين أنا مش هطول صدقنى هكمل
تعليمى وأرجع على طول كلها سنه"

تنهد الأخر بتعب " يعني فكرت السفر جات من يوم
وليله "

"لا مش من يوم وليله واتكلمت فيها مع حضرتك قبل كده"

"بس اتخليتى عنها"

"ورجعتلها إيه المشكله"

" وأنا قلت لأ لأ فكرت السفر إنسيها تماماً سمعانى
إنسيها نهائي "

" يا بابا صدقني اللي حصل ده فوقنى على حاجات كتيره؛ عشان كده انا حجزت التذكره وهسافر كمان ساعتين "

"نعم انتِ بتحطينى قدام الأمر الواقع"

"بعد إذنك يا بابا أن... "

قاطعها الأخر بغضب " وأنا قولت مفيش زفت مش
هتروحي لوحدك افهمى بقااا   "

" إحنا هنيجى معاكى "

نظرت هى إليهم بضيق " تيجوا فين هى لعبه "

" هنسافر معاكى مش هنسيبك لوحدك "

نظر هو إليهم بصدمه " لا أكيد إنتوا  إتجننتوا "

تحدثت بضعف" صدقني يا بابا أنا هبقى  مرتاحه أكتر 
لو هيجوا معايا بس سيبنى أسافر "

" أوووف أي كل ده ماتسبوها نسافر بقاا يعني هى
هتعمل ايه؛ دي حتة عيله لا راحت ولا جت أخرها
يومين وتيجى معيطه  "

نظرت له بأعين دامعه كارهه مشمئزه " وحتة العيله
اللى بتتكلم عنها دي هي اللي هتكسرك وهتزلك؛
وعد مني هكسر غرورك وكبريائك اللى طالع بيهم
السما؛ وهخليك تتساوي بالأرض ودي بدايه الحرب ما بينا"

نظر لها بإستهزاء ليتركها ويرحل

" يابنتي على الأقل إستنوا إخواتك لما يرجعوا وتكونوا جهزتوا كل حاجه وبقيت التذاكر "