الفصل الرابع
تنهار حنين بعد سماعها كلام احمد و تقع على الأرض تبكي، يقف حسام عاجزا عن فعل أي شئ؟ يربت على كتفها، لكنها تقول: ابعد عني.
احمد: مش عايزك تبكي بسببي يا حنين، و لا عايزكم تتخانقوا بسببي، استحملوني الايام اللي فاضلالي في الدنيا.
حسام: احمد متقولش كده يا ابني حرام عليك، انت كويس، مفيش حاجه عندك كل اللي محتاجه عملية، وبعدين هتمشي وتكون زي الفل.
احمد: انا هفضل كده لآخر يوم في عمري يا احمد، مش هضحك على نفسي، العملية فلوسها كتييرة جدا.
حسام: يا ابني هتتدبر.
احمد: انت بتقول اي كلام.
تنهض حنين من الارض فجأة و تمسح دموعها و تقول: لأ . الفلوس هتتدبر يا احمد، وهدبرهالك ومش هسيبك بالحالة دي ابدا.
وبتقوم وبتمشي وبتتجه على باب الشقة تخرج.
حسام بينادي عليها ويقول: استني رايحه فين يا حنين؟
تتجاهله و تتجاهل نداؤه و تسير خارجة من البيت و يخرج خلفها. وتذهب الى بيت حسام، تطرق الباب ففتح خالتها الباب.
الخاله: اهلا يا حنين تعالي يا بنتي. و تعانقها بحرارة.
حنين: عامله ايه يا خالتو؟
الخالة: بخير يا حنين، انتي اخبار اخوكي ايه؟ انا مرحتلهوش النهارده.
حنين: كويس الحمدالله، خالتو فين عمو عماد؟
الخالة: جوه موجود.
حنين: طيب ممكن تناديهولي؟
الخالة: حاضر يا حنين.
تذهب الخاله وتدخل احدى الغرف.
حسام ينظر لها بتعجب ويقول: انتي ناوية على ايه بس؟
حنين: ملكش كلام معايا يا حسام تاني، ومش عايزة منك حاجه خالص.
حسام: ايه اللي بتقوليه ده يا حنين؟
يأتي عماد ويقول: حنين اهلا يا بنتي، ليا كذا يوم مشفتكيش.
حنين: معلش يا عمو عماد الامتحانات والظروف اللي احنا فيها.
عماد: ربنا يعديها على خير بس برضه لازم تسألي عليا يا حنين انتي بنتي.
حنين: حقك عليا يا عمو والله.
يلقي عماد نظرة سريعة لحنين وحسام ويقول: طب ايه هتفضلوا واقفين كده، تعالوا نقعد.
يجلس الثلاث اشخاص على الاريكة.
عماد: احكيلي احمد اخباره ايه دلوقت؟
حنين: مغلبني والله. مكتئب وحالته عمالة تزيد سوء، وبيقطع قلبي كل يوم من البكا، لحد متعبت، ومش عارفه اعمله ايه؟
عماد: كلنا مش عارفين نعمل ايه يا حنين؟ بس امر ربنا مفيش في ايدينا غير ندعيله، ربنا قادر على كل شئ.
حنين: ونعم بالله، بس انا مش هقف اتفرج على اخويا يا عمو عماد وهو بيموت بالبطئ، حالته صعبة جدا، وصعبانة عليه نفسه اوي، ودايما بيقول يا ريتني مت.
عماد: لا حول ولا قوة إلا بالله. بعد الشر عليه، ليه بس كده يا احمد؟
حنين: لازم نشوف حل.
عماد: ما باليد حيلة يا بنتي، لو معايا تمن العملية مكنتش هتأخر انتي عارفه.
حنين: عارفة. لو انت معاك انا مكنتش هتكسف اطلب. دلني اعمل ايه احترت، و قلبني واجعني، نار قايدة على اخويا، ده هو املنا، كان نفسي يكون دكتور.
عماد: وهيكون يا حنين، ازمته دي مش المفروض تضعفه المفروض تقويه، خليه يذاكر و يروح الامتحانات امكن ده يرفع من روحه المعنوية.
حنين: رافض يا عمو عماد، عنده اكتئاب شديد، محتاج دكتور نفسي، بس زي ما عارف الحال.
عماد:عارف يا بنتي عارف من غير متقولي.
حنين: عشان كده العملية دي لازم تتعمل، انا معنديش استعداد اتفرج على أخويا وهو بيضيع مني.
عماد: ادي الله و ادي حكمته، ازاي بس يا حنين؟ هنجيب تكاليفها من فين؟.
حنين: هو ده اللي جايه اكلمك فيه.
عماد: خير ايه اللي في دماغك.
حنين: عايزة أبيع بيتنا، ده الحل الوحيد.
يصدم عماد وحسام يقول حسام: لا طبعا مستحيل انتي اتجنينتي، ده اللي حيلتك انتي واخواتك، وتروحوا فين؟
حنين: انا قولتلك ملكش دعوة بيا يا حسام.
حسام: ازاي يعني مليش دعوة بيكي؟ انتي مسئولة مني.
حنين: لا انا مسئولة من نفسي.
عماد: اهدوا هتتخانقوا ادامي و لا ايه؟ مش عامليني اي اعتبار.
حنين: حقك عليا يا عمو عماد، بس قول لحسام ملهوش دعوة بيا.
حسام: شايف يا بابا اسلوبها.
حنين: اسلوبي و لا أسلوبك؟ انت مش شايف نفسك عملت ايه م الصبح؟
عماد: قولت خلاص، احنا دلوقتي مش في اسلوبكم، خلينا في اخوكي المسكين ده المرمي على السرير ومستقبله بيضيع.
حنين: انا مش هسيب مستقبله يضيع يا عمي.
عماد: حنين انتي مقدرة اللي بتقوليه يا بنتي، ده قرار مش سهل.
حنين: مقدرة، امكن يكون قرار مش سهل، بس مش أصعب اني اشوف احمد في الحالة دي كل يوم.
عماد: يا حنين، الموضوع ده محتاج تفكير كبير، وعواقبه مش مضمونة، يعني هتروحوا فين انتي وامك واخواتك؟ وهتيعيشوا ازاي؟ ده غير اصلا مش عارفين تمن البيت ممكن يغطي مصاريف العملية و لا لأ؟
حسام: وكمان مينفعش تسكنوا في مكان بعيد عننا، انا عمري ما هسمح بده أبدا.
حنين: تاني يا حسام قولتلك مش عايزة اتكلم معاك، لو اتكلمت هتخانق وانا مش عايزة، وخلينا في اللي احنا فيه احسن.
عماد: خلاص يا حسام، خلينا نفكر.
حسام: نفكر في ايه بس يا بابا اللي هي بتقوله مستحيل.
عماد: بس برضه يا حسام الحالة اللي فيها ابن خالتك متنفعش، ولا زم نعمله حاجه.
حنين: هنعمل ايه يا عمو عماد؟
عماد: شوفي يا حنين انا لا هقولك اعملي كده ولا متعمليش، ولا هقولك موافق ولا هرفض، غير لما ادرس الموضوع، اصل انتي عندك حق اخوكي ادام عينك بيحصل فيه كده، عاجز ما قدرش يتحرك، وهو لسه صغير ومشافش دنيا، كمان حسام عنده حق برضه، هتروحوا فين و تعيشوا ازاي، ولو خدنالكم مكان ايجار هتقدروا على ايجاره و لا لأ؟ الموضوع صعب يا بنتي.
حنين: مفيش حاجه أصعب عليا من الوضع اللي فيه احمد، اي حاجه هتكون أهون.
عماد: شوفي يا حنين، احنا لازم ندرس الموضوع كويس، وكويس جدا، يعني لازم نعرف تكاليف العملية بالتفصيل، ونعرف سعر البيت كام بالظبط، كمان لازم نكون عارفين انتوا هتروحوا فين، يعني لازم كمان سعر البيت يغطي مصاريف العملية، ويفضل مبلغ تحطوه وديعة وتعيشوا منه.
حنين: طب هنعمل ده ازاي؟
عماد: مش قبل متخلصوا امتحانات، انا هابدأ اسأل واجمع معلومات، بس لازم شهر الامتحانات يعدي الأول يا حنين.
حنين: شهر؟ يكون احمد نفسيته ادمرت اكتر ما هي مدمرة كده.
عماد: بصوا انا بقترح اقتراح، اعملوله حفلة كده في البيت بسيطة، و نتلم فيها كلنا، ولا اقولكم خرجوه من البيت افضل في اسرع وقت ده هيخفف شوية من الاكتئاب اللي عنده.
حنين : اخرجه ازاي بس؟
عماد: ممكن في تاكسي .
حسام : متشيليش هم سيبي الموضوع ده عليا.
حنين : جاتني فكرة، انا هاخده النهارده لوكيشن التصوير، واحنا راجعين نفسحه شوية.
حسام: تما وانا معاكي مش هسيبك.
حنين: انا مش عايزة منك حاجه خالص.
عماد: ممكن تأجلوا مشاكلكم وخناقتكم، لبعدين وفكروا بس في الولد الغلبان، اللي هو أمانة في رقبتكم.
حنين: ده علا صوته عليا وكان هيضربني، ومش بيثق فيا.
عماد: أيا كانت الأسباب، أجلوا الخناق لحد ما الامتحانات تخلص، وأخوكي الغلبان ده ربنا ياخد بايده.
حسام: أصلا انتي ملكيش حق تزعلي، انتي بتكسري كلمتي ومش عايزة تسمعي كلامي.
حنين: وانت ملكش كلمة عليا، بصفتك ايه؟
عماد: طيب انا مش حمل اتفرج على الخناقة دي، انا هدخل أريح شوية، وكملوا انتوا الخناقة بتاعتكم، بس ياريت صوتكم ميعلاش، كمان في آخر الخناقة ايا كانت نتيجتها، لازم تكلموا بعض وتروحوا لأحمد وتخرجوه. الواد ملوش ذنب. بعد اذنكم بأه.
حنين: اتفضل يا عمو عماد.
بيقوم عماد، وحنين بتفضل موجوده، وبتسكت شوية كتيير بعدين بتقول: على فكرة يا حسام الاولى من انك عايز تمشي كلمتك عليا وعايز تفرض شروط عليا، الاولى انك تحدد علاقتك بيا، انا ايه بالظبط بالنسبالك؟
حسام : وانتي كمان لازم تتحددي علاقتك بيا وتتحددي انا ايه بالنسبالك يا حنين.
حنين: لما تتحدد انت الأول، ومش هنعلي على بعض.
حسام: ما هي مش بالكلام يا بنت خالتي.
حنين: ازاي يعني يا حسام؟ قصدك ايه؟ وضح كلامك.
حسام: يعني مش بالكلام، بالفعل يا بنت خالتي، وانتي المفروض تكوني شايفه افعالي.
حنين: بتعمل الافعال دي كلها ومستخسر فيا شوية كلام.
حسام: وبعد ما اقول الكلام يا حنين، ايه هيحصل، ما انا لازم ادي وعود و انا مقدرش.
حنين: ليه متقدرش؟
حسام : عشان لسه في بداية حياتي، وعشان انتي أمانة في رقبتي.
حنين: مش مقتنعة بكلامك يا حسام.
حسام: طب اقنعيني انتي، اقولك بحبك، وعايزك وعايز اكمل عمري كله معاكي طيب وبعدين، ما الكلام ده مش النهاية، الكلام ده البداية.
حنين: واحنا ممكن نبدأ كل البدايات ونكملها مع بعض.
حسام: انتي غالية عندي مقدرش اعمل فيكي كده، لازم بعد ما اقول بحبك، لازم اقرر الحب ده هيكمل ازاي؟
حنين: لا يا حسام الحب ممكن يكمل من غير ما نقرر ازاي، المهم نكون شايفين هدفنا.
حسام: حنين انا محلتيش حاجه، امكن احوالنا المادية مستقرة الى حد ما، بس ده مش معناه اني غني، انا كل أجازة بنزل اشتغل معاكي في المولات، عشان اجيب مصاريف الجامعة، و السنة الجاية، لا سنة ايه كلها شهور شهور يا حنين وهدخل الجيش، وبعدها لازم ادور على شغل ولازم اكون نفسي، لازم لما اخد الخطوة اكون ادها.
حنين: ومين قالك اني هيفرق معايا، انت لو قلت بكرة نتجوز هتجوزك يا حسام وانت لسه طالب وفي اوضتك في بيت ابوك، ومش عايزة حتى تغير المرتبة، هكون معاك بنفس الحالة، ونعيش زي ما احنا عايشين يا حسام ونبني نفسنا مع بعض.
حسام: كلام يا حنين، لكن وقت الجد صعب، انا مرضاش اظلمك، يوم مهتجوزك، لازم اكون جايبلك عش زوجية يليق بيكي، ولازم تتهني وتكوني اجمل عروسة، واعملك أكبر فرح، و تفرحي.
حنين: حسام اوعى تكون فاكر اني ممكن اكون لحد لغيرك، انا مش هقدر يا حسام، انت وبس اللي ادام عيني، كل الرجالة و كل الشباب ما بشوفهمش، انت بس اللي تملا عيني.
حسام: وانا يا حنين حاسس اني صعب أكون لواحدة غيرك، بس خايف من النصيب ومن الظروف يا حنين، الدنيا وحشة و قلابة.
حنين: محدش بيخاف من النصيب والظروف ادي يا حسام. عشان كده لازم نبتدر ونكون مع بعض، زي ما انت قلت الدنيا مش مضمونة.
حسام: لو عليا اتجوزك نهارده يا حنين، بس مش هينفع .
حنين: لا هينفع ، هنتجوز قريب يا حسام العمر مفهوش وقت نضيعه. تنهض حنين وتقول بصوت عال: يا عمو عماد، يا خالتو، تعالوا هنا.
حسام: بتعملي ايه يا حنين؟
حنين: ملكش دعوة، هي الدنيا مبتحيش غير كده لازم ناخد منها اللي عايزينه بالقوة و بالعافية.
و بتنادي تاني: يا عمو عماد يا خالتو، انت فين؟
حسام: حنين بلاش جنان.
بييجي عماد و مراته.
عماد: ايه اوعوا تكونوا اتحانقتوا تاني؟
حنين: لأ بس ابنكم بيحبني وعايز يتجوزني.
بيضحك عماد:وتقومي تسيحيله.
الخالة: عيب كده يا حنين، كده برضه يا حسام.
حسام: عاجبك كده يا حنين، عاجبك منظرنا؟
حنين: لا مش عاجبني هيعجبني لما تجوزونا، احنا لازم نتجوز يا عمو عماد وفي اقرب وقت، مش عايزة الدنيا تفرقنا.
الخالة: يا حنين يا بنتي ده جواز، محتاج وقت وترتيب وتفكير كمان، ما تقول حاجه يا عماد انت وحسام .
حسام: انشقي يا ارض وابلعيني.
عماد: اقول ايه بس ما حنين كل شوية تطسنا بقرار مفاجئ انجح من التاني، انا مش لسه سايبكم متخانقين .
حنين: لا مش قرار مفاجئ يا عمو عماد، انا لازم اتجوز حسام، مش عايزة الدنيا تفرقنا، وفي اقرب وقت ممكن، انا راضيه بأقل الامكانيات وراضيه أعيش معاكم هنا في اوضة حسام، ومش عايزة أي حاجه خالص. عمو عماد خالتو الدنيا قاسية، عايزين نخطف الفرحة منها، انا عارفة ان كلامي صدمكم، بس اسمعوني، احنا بنحب بعض وده اهم حاجه لو عالترتيبات ممكن نبدأ وعلى ع اد امكانياتنا، ونتجوز خلال شهور 6 شهور مثلا مش اكتر من كده، فكروا كويس، فكر يا عمو عماد زي ما هتفكر في الموضوع التاني وهنتظر منك الرد بعد الامتحانات.
بيكونوا مصدومين ومذهولين، فبيرد عماد ويقولها: صدمتي يا حنين، تاني مرة تصدميني نهارده، بالراحة عليا شوية، يا بنتي.
الخالة: والله لقول لامك يا حنين، مفيش اختشى خالص.
حنين: قوليلها انا معملتش حاجه غلط. انا عامة ماشية لازم امشي عشان كلها كام ساعة وهننزل عشان مشوار الليل ولازم ناخد احمد معانا، مستنياك بليل يا حسام، و انت يا عمو عماد مستنيا ردك في كل المواضيع بعد الامتحانات. سلام.
و بيتبيهم مصدومين و مذهولين و بتمشي .
احمد: مش عايزك تبكي بسببي يا حنين، و لا عايزكم تتخانقوا بسببي، استحملوني الايام اللي فاضلالي في الدنيا.
حسام: احمد متقولش كده يا ابني حرام عليك، انت كويس، مفيش حاجه عندك كل اللي محتاجه عملية، وبعدين هتمشي وتكون زي الفل.
احمد: انا هفضل كده لآخر يوم في عمري يا احمد، مش هضحك على نفسي، العملية فلوسها كتييرة جدا.
حسام: يا ابني هتتدبر.
احمد: انت بتقول اي كلام.
تنهض حنين من الارض فجأة و تمسح دموعها و تقول: لأ . الفلوس هتتدبر يا احمد، وهدبرهالك ومش هسيبك بالحالة دي ابدا.
وبتقوم وبتمشي وبتتجه على باب الشقة تخرج.
حسام بينادي عليها ويقول: استني رايحه فين يا حنين؟
تتجاهله و تتجاهل نداؤه و تسير خارجة من البيت و يخرج خلفها. وتذهب الى بيت حسام، تطرق الباب ففتح خالتها الباب.
الخاله: اهلا يا حنين تعالي يا بنتي. و تعانقها بحرارة.
حنين: عامله ايه يا خالتو؟
الخالة: بخير يا حنين، انتي اخبار اخوكي ايه؟ انا مرحتلهوش النهارده.
حنين: كويس الحمدالله، خالتو فين عمو عماد؟
الخالة: جوه موجود.
حنين: طيب ممكن تناديهولي؟
الخالة: حاضر يا حنين.
تذهب الخاله وتدخل احدى الغرف.
حسام ينظر لها بتعجب ويقول: انتي ناوية على ايه بس؟
حنين: ملكش كلام معايا يا حسام تاني، ومش عايزة منك حاجه خالص.
حسام: ايه اللي بتقوليه ده يا حنين؟
يأتي عماد ويقول: حنين اهلا يا بنتي، ليا كذا يوم مشفتكيش.
حنين: معلش يا عمو عماد الامتحانات والظروف اللي احنا فيها.
عماد: ربنا يعديها على خير بس برضه لازم تسألي عليا يا حنين انتي بنتي.
حنين: حقك عليا يا عمو والله.
يلقي عماد نظرة سريعة لحنين وحسام ويقول: طب ايه هتفضلوا واقفين كده، تعالوا نقعد.
يجلس الثلاث اشخاص على الاريكة.
عماد: احكيلي احمد اخباره ايه دلوقت؟
حنين: مغلبني والله. مكتئب وحالته عمالة تزيد سوء، وبيقطع قلبي كل يوم من البكا، لحد متعبت، ومش عارفه اعمله ايه؟
عماد: كلنا مش عارفين نعمل ايه يا حنين؟ بس امر ربنا مفيش في ايدينا غير ندعيله، ربنا قادر على كل شئ.
حنين: ونعم بالله، بس انا مش هقف اتفرج على اخويا يا عمو عماد وهو بيموت بالبطئ، حالته صعبة جدا، وصعبانة عليه نفسه اوي، ودايما بيقول يا ريتني مت.
عماد: لا حول ولا قوة إلا بالله. بعد الشر عليه، ليه بس كده يا احمد؟
حنين: لازم نشوف حل.
عماد: ما باليد حيلة يا بنتي، لو معايا تمن العملية مكنتش هتأخر انتي عارفه.
حنين: عارفة. لو انت معاك انا مكنتش هتكسف اطلب. دلني اعمل ايه احترت، و قلبني واجعني، نار قايدة على اخويا، ده هو املنا، كان نفسي يكون دكتور.
عماد: وهيكون يا حنين، ازمته دي مش المفروض تضعفه المفروض تقويه، خليه يذاكر و يروح الامتحانات امكن ده يرفع من روحه المعنوية.
حنين: رافض يا عمو عماد، عنده اكتئاب شديد، محتاج دكتور نفسي، بس زي ما عارف الحال.
عماد:عارف يا بنتي عارف من غير متقولي.
حنين: عشان كده العملية دي لازم تتعمل، انا معنديش استعداد اتفرج على أخويا وهو بيضيع مني.
عماد: ادي الله و ادي حكمته، ازاي بس يا حنين؟ هنجيب تكاليفها من فين؟.
حنين: هو ده اللي جايه اكلمك فيه.
عماد: خير ايه اللي في دماغك.
حنين: عايزة أبيع بيتنا، ده الحل الوحيد.
يصدم عماد وحسام يقول حسام: لا طبعا مستحيل انتي اتجنينتي، ده اللي حيلتك انتي واخواتك، وتروحوا فين؟
حنين: انا قولتلك ملكش دعوة بيا يا حسام.
حسام: ازاي يعني مليش دعوة بيكي؟ انتي مسئولة مني.
حنين: لا انا مسئولة من نفسي.
عماد: اهدوا هتتخانقوا ادامي و لا ايه؟ مش عامليني اي اعتبار.
حنين: حقك عليا يا عمو عماد، بس قول لحسام ملهوش دعوة بيا.
حسام: شايف يا بابا اسلوبها.
حنين: اسلوبي و لا أسلوبك؟ انت مش شايف نفسك عملت ايه م الصبح؟
عماد: قولت خلاص، احنا دلوقتي مش في اسلوبكم، خلينا في اخوكي المسكين ده المرمي على السرير ومستقبله بيضيع.
حنين: انا مش هسيب مستقبله يضيع يا عمي.
عماد: حنين انتي مقدرة اللي بتقوليه يا بنتي، ده قرار مش سهل.
حنين: مقدرة، امكن يكون قرار مش سهل، بس مش أصعب اني اشوف احمد في الحالة دي كل يوم.
عماد: يا حنين، الموضوع ده محتاج تفكير كبير، وعواقبه مش مضمونة، يعني هتروحوا فين انتي وامك واخواتك؟ وهتيعيشوا ازاي؟ ده غير اصلا مش عارفين تمن البيت ممكن يغطي مصاريف العملية و لا لأ؟
حسام: وكمان مينفعش تسكنوا في مكان بعيد عننا، انا عمري ما هسمح بده أبدا.
حنين: تاني يا حسام قولتلك مش عايزة اتكلم معاك، لو اتكلمت هتخانق وانا مش عايزة، وخلينا في اللي احنا فيه احسن.
عماد: خلاص يا حسام، خلينا نفكر.
حسام: نفكر في ايه بس يا بابا اللي هي بتقوله مستحيل.
عماد: بس برضه يا حسام الحالة اللي فيها ابن خالتك متنفعش، ولا زم نعمله حاجه.
حنين: هنعمل ايه يا عمو عماد؟
عماد: شوفي يا حنين انا لا هقولك اعملي كده ولا متعمليش، ولا هقولك موافق ولا هرفض، غير لما ادرس الموضوع، اصل انتي عندك حق اخوكي ادام عينك بيحصل فيه كده، عاجز ما قدرش يتحرك، وهو لسه صغير ومشافش دنيا، كمان حسام عنده حق برضه، هتروحوا فين و تعيشوا ازاي، ولو خدنالكم مكان ايجار هتقدروا على ايجاره و لا لأ؟ الموضوع صعب يا بنتي.
حنين: مفيش حاجه أصعب عليا من الوضع اللي فيه احمد، اي حاجه هتكون أهون.
عماد: شوفي يا حنين، احنا لازم ندرس الموضوع كويس، وكويس جدا، يعني لازم نعرف تكاليف العملية بالتفصيل، ونعرف سعر البيت كام بالظبط، كمان لازم نكون عارفين انتوا هتروحوا فين، يعني لازم كمان سعر البيت يغطي مصاريف العملية، ويفضل مبلغ تحطوه وديعة وتعيشوا منه.
حنين: طب هنعمل ده ازاي؟
عماد: مش قبل متخلصوا امتحانات، انا هابدأ اسأل واجمع معلومات، بس لازم شهر الامتحانات يعدي الأول يا حنين.
حنين: شهر؟ يكون احمد نفسيته ادمرت اكتر ما هي مدمرة كده.
عماد: بصوا انا بقترح اقتراح، اعملوله حفلة كده في البيت بسيطة، و نتلم فيها كلنا، ولا اقولكم خرجوه من البيت افضل في اسرع وقت ده هيخفف شوية من الاكتئاب اللي عنده.
حنين : اخرجه ازاي بس؟
عماد: ممكن في تاكسي .
حسام : متشيليش هم سيبي الموضوع ده عليا.
حنين : جاتني فكرة، انا هاخده النهارده لوكيشن التصوير، واحنا راجعين نفسحه شوية.
حسام: تما وانا معاكي مش هسيبك.
حنين: انا مش عايزة منك حاجه خالص.
عماد: ممكن تأجلوا مشاكلكم وخناقتكم، لبعدين وفكروا بس في الولد الغلبان، اللي هو أمانة في رقبتكم.
حنين: ده علا صوته عليا وكان هيضربني، ومش بيثق فيا.
عماد: أيا كانت الأسباب، أجلوا الخناق لحد ما الامتحانات تخلص، وأخوكي الغلبان ده ربنا ياخد بايده.
حسام: أصلا انتي ملكيش حق تزعلي، انتي بتكسري كلمتي ومش عايزة تسمعي كلامي.
حنين: وانت ملكش كلمة عليا، بصفتك ايه؟
عماد: طيب انا مش حمل اتفرج على الخناقة دي، انا هدخل أريح شوية، وكملوا انتوا الخناقة بتاعتكم، بس ياريت صوتكم ميعلاش، كمان في آخر الخناقة ايا كانت نتيجتها، لازم تكلموا بعض وتروحوا لأحمد وتخرجوه. الواد ملوش ذنب. بعد اذنكم بأه.
حنين: اتفضل يا عمو عماد.
بيقوم عماد، وحنين بتفضل موجوده، وبتسكت شوية كتيير بعدين بتقول: على فكرة يا حسام الاولى من انك عايز تمشي كلمتك عليا وعايز تفرض شروط عليا، الاولى انك تحدد علاقتك بيا، انا ايه بالظبط بالنسبالك؟
حسام : وانتي كمان لازم تتحددي علاقتك بيا وتتحددي انا ايه بالنسبالك يا حنين.
حنين: لما تتحدد انت الأول، ومش هنعلي على بعض.
حسام: ما هي مش بالكلام يا بنت خالتي.
حنين: ازاي يعني يا حسام؟ قصدك ايه؟ وضح كلامك.
حسام: يعني مش بالكلام، بالفعل يا بنت خالتي، وانتي المفروض تكوني شايفه افعالي.
حنين: بتعمل الافعال دي كلها ومستخسر فيا شوية كلام.
حسام: وبعد ما اقول الكلام يا حنين، ايه هيحصل، ما انا لازم ادي وعود و انا مقدرش.
حنين: ليه متقدرش؟
حسام : عشان لسه في بداية حياتي، وعشان انتي أمانة في رقبتي.
حنين: مش مقتنعة بكلامك يا حسام.
حسام: طب اقنعيني انتي، اقولك بحبك، وعايزك وعايز اكمل عمري كله معاكي طيب وبعدين، ما الكلام ده مش النهاية، الكلام ده البداية.
حنين: واحنا ممكن نبدأ كل البدايات ونكملها مع بعض.
حسام: انتي غالية عندي مقدرش اعمل فيكي كده، لازم بعد ما اقول بحبك، لازم اقرر الحب ده هيكمل ازاي؟
حنين: لا يا حسام الحب ممكن يكمل من غير ما نقرر ازاي، المهم نكون شايفين هدفنا.
حسام: حنين انا محلتيش حاجه، امكن احوالنا المادية مستقرة الى حد ما، بس ده مش معناه اني غني، انا كل أجازة بنزل اشتغل معاكي في المولات، عشان اجيب مصاريف الجامعة، و السنة الجاية، لا سنة ايه كلها شهور شهور يا حنين وهدخل الجيش، وبعدها لازم ادور على شغل ولازم اكون نفسي، لازم لما اخد الخطوة اكون ادها.
حنين: ومين قالك اني هيفرق معايا، انت لو قلت بكرة نتجوز هتجوزك يا حسام وانت لسه طالب وفي اوضتك في بيت ابوك، ومش عايزة حتى تغير المرتبة، هكون معاك بنفس الحالة، ونعيش زي ما احنا عايشين يا حسام ونبني نفسنا مع بعض.
حسام: كلام يا حنين، لكن وقت الجد صعب، انا مرضاش اظلمك، يوم مهتجوزك، لازم اكون جايبلك عش زوجية يليق بيكي، ولازم تتهني وتكوني اجمل عروسة، واعملك أكبر فرح، و تفرحي.
حنين: حسام اوعى تكون فاكر اني ممكن اكون لحد لغيرك، انا مش هقدر يا حسام، انت وبس اللي ادام عيني، كل الرجالة و كل الشباب ما بشوفهمش، انت بس اللي تملا عيني.
حسام: وانا يا حنين حاسس اني صعب أكون لواحدة غيرك، بس خايف من النصيب ومن الظروف يا حنين، الدنيا وحشة و قلابة.
حنين: محدش بيخاف من النصيب والظروف ادي يا حسام. عشان كده لازم نبتدر ونكون مع بعض، زي ما انت قلت الدنيا مش مضمونة.
حسام: لو عليا اتجوزك نهارده يا حنين، بس مش هينفع .
حنين: لا هينفع ، هنتجوز قريب يا حسام العمر مفهوش وقت نضيعه. تنهض حنين وتقول بصوت عال: يا عمو عماد، يا خالتو، تعالوا هنا.
حسام: بتعملي ايه يا حنين؟
حنين: ملكش دعوة، هي الدنيا مبتحيش غير كده لازم ناخد منها اللي عايزينه بالقوة و بالعافية.
و بتنادي تاني: يا عمو عماد يا خالتو، انت فين؟
حسام: حنين بلاش جنان.
بييجي عماد و مراته.
عماد: ايه اوعوا تكونوا اتحانقتوا تاني؟
حنين: لأ بس ابنكم بيحبني وعايز يتجوزني.
بيضحك عماد:وتقومي تسيحيله.
الخالة: عيب كده يا حنين، كده برضه يا حسام.
حسام: عاجبك كده يا حنين، عاجبك منظرنا؟
حنين: لا مش عاجبني هيعجبني لما تجوزونا، احنا لازم نتجوز يا عمو عماد وفي اقرب وقت، مش عايزة الدنيا تفرقنا.
الخالة: يا حنين يا بنتي ده جواز، محتاج وقت وترتيب وتفكير كمان، ما تقول حاجه يا عماد انت وحسام .
حسام: انشقي يا ارض وابلعيني.
عماد: اقول ايه بس ما حنين كل شوية تطسنا بقرار مفاجئ انجح من التاني، انا مش لسه سايبكم متخانقين .
حنين: لا مش قرار مفاجئ يا عمو عماد، انا لازم اتجوز حسام، مش عايزة الدنيا تفرقنا، وفي اقرب وقت ممكن، انا راضيه بأقل الامكانيات وراضيه أعيش معاكم هنا في اوضة حسام، ومش عايزة أي حاجه خالص. عمو عماد خالتو الدنيا قاسية، عايزين نخطف الفرحة منها، انا عارفة ان كلامي صدمكم، بس اسمعوني، احنا بنحب بعض وده اهم حاجه لو عالترتيبات ممكن نبدأ وعلى ع اد امكانياتنا، ونتجوز خلال شهور 6 شهور مثلا مش اكتر من كده، فكروا كويس، فكر يا عمو عماد زي ما هتفكر في الموضوع التاني وهنتظر منك الرد بعد الامتحانات.
بيكونوا مصدومين ومذهولين، فبيرد عماد ويقولها: صدمتي يا حنين، تاني مرة تصدميني نهارده، بالراحة عليا شوية، يا بنتي.
الخالة: والله لقول لامك يا حنين، مفيش اختشى خالص.
حنين: قوليلها انا معملتش حاجه غلط. انا عامة ماشية لازم امشي عشان كلها كام ساعة وهننزل عشان مشوار الليل ولازم ناخد احمد معانا، مستنياك بليل يا حسام، و انت يا عمو عماد مستنيا ردك في كل المواضيع بعد الامتحانات. سلام.
و بيتبيهم مصدومين و مذهولين و بتمشي .