الفصل الرابع

عندما انتهي علي والد ساندي من اقناع سميره والدته ساندي ...بان ساندي ليست صغيره والاهم من الخوف عليها ورفضها بان ابنتها الوحيده تتزوج الان لان من وجهه نظرها انها مازالت صغيره ...فخاول علي اقناعها بان الاهم من هذا كله ان نختار لها زوج صالح زوج يتقي الله في معاملتها ومعاشرتها بالحسني ...فكان تفكير علي والد ساندي علي صواب ..حين قال انه علب اتم الاستعداد ان يتخلي في اختيار زوج ابنته عن المناصب والاموال والمراكز ولا يهم لديه ان كان العريس المتقدم لخطبه ابنته طبيب او خلافه ولا يهم ان كان معه اموال وعقارات ام لا يمتك شئ ..فالمهم شخص ان خاصم لا يفجر وان حزن وغضب لا يهين ..فالمهم شخص يصون ويحمي ويحب ويحنو علي ابنته ..يكون لها عوض الله عن والديها ..فيصبح بعد زواجهما هو والدها ووالدتها هو كل دنيتها ...اقتنعت سميره بعد نقاش طويل مع علي باءذن يستقبلوا العريس وينظروا ماذا تقول ساندي وماذا يحدث لعل الله يحدث بعد ذالك امرا ....
رفعت سميره سماعه الهاتف وتحدثت الي سمير اخاها قائله
سميره : عامل ايه يا سمير واخبار اسرتك عامله ايه يا حببيبي ...بقولك يا سمير رديت علي زميلك الي معاك في الشغل ابو العريس دا ولا لسه ما عطتلوش جواب
سمير : الحمد لله بخير يا سمسمه صوتك شكله منور كده مش زي المره الي فاتت كنتي متغيره وحزينه كده ....لا لسه ما ردتش عليه ..مش قولتيلي هتاخدي رأى علي الاول وتردي عليا الجواب النهائي
سميره : خلاص تمام ..ماشي يا سمير انا كلمت علي وهو قالي ماشي يجوا وينوروا ونتعرف عليهم وربنا ييسر ..المهم ساندي بس ترتاح له ...هو ابوه راجل محترم يا سمير وكوبس ولا عصبي وعندي . شخصيته عامله ازاي ..ما انت اكيد صاحبه وعارفه
سمير : والله يا سميره هو محترم وكويس انا ما شوفتش منه غير مل خير علشان كده رشحت ساندي دي بنتي اصلا يعني اكيد هختارلها حد كويس ..بس انتو كمان لازم تسالوا علي العريس نفسه وتسالوا برضه علي اهله ..الله اعلم الواحد دلوقت مش عاوز يتخدع في المظاهر ...علشان اكون اخليت ذمتي من دلوقت يا سميره وما ترجعيش تقولي لي انت الي جايبه ..انا بقولك اهو اسالي الناس عليه والجيران دول يدلوكي اكتر مني ....وعموما انا هحدد معاد معاهم وابلغكم ...طاب انتو ايه المعاد الي يناسبكوا اكتر واقولهم عليه
سميره : ماشي يا حببي كتر خيرك طبعا ..واحنا اكيد هنسال عليه ...هو ابو ساندي بيجي علي الساعه اربعه كده ..ساعتين يرتاح فيهم ويتغدا يبقي الساعه سته معاد مناسب ..شوف انت اليوم وعرفنا بقي
سمير : خلاص ماشي تمام هكلم ابو رامي دلوقت واقوله اي يوم يناسبهم الساعه سته واعرف اليوم بالظبط وهبلغك بيه
سميره : رامي ..هو العريس اسمه رامي يعني .
سمير : اه يا سمسمه ...هقفل معاكي بقي علشان الحق ارن عليهم .يالا سلام
* تم انهاء المكالمه مع سميره واتصل سمير في الحال علي زميله في العمل والد رامي
سمير : سلام عليكم ..عامل ايه يا ابو رامي وحشني با راجل ماجتش الشغل بقالك يوميت لبه كده ..ورامي العريس بتاعنا عامل ايه
ابو رامي : وعليكم السلام ..سمير حبيبي عامل ايه ...معلش والله شويه ظروف شخصيه كده اضطريت ما اروحش الشغل ....احنا بخير وكويسن الحمد لله ورامي بيسلم عليك ..ايه يا عم ما ردتش علينا ليه في موضوع بنت اختك دا ولا الجماعه مش موافقين
سمير : موافقين الحمد لله يا ابو رامي بس كانوا محتاجين وقت يفكروا ..اختي اصلها مدلعها شويه ولسه مصممه علي ان ساندي صغيره ..بس شكل علي كده اقنعها ..علي العموم هما منتظرنكوا شوف المعاد الي يناسبك ايه وعرفني اي يوم بعد الساعه سته دا المعاد الي يناسبهم ..اختار انت اليوم بقي وقولي وابلغهم
ابو رامي : خلاص تمام والمعاد مناسب جدا معانا برضه ...لو كده يبقي يوم الجمعه باءذن الله اقابلك ونروح نزورهم الساعه سته ان شاء الله اتفقنا كده يا سمير