بسم الله الرحمن الرحيم

هي والشيطان

الاول

....
. في مكتب بشركه فخمه

بنت جميله بتتكلم في الموبيل : الو يا كلب البحر انت فين ، الاجتماع فاضل عليه نص ساعه

الاخر :في الطريق يا لميس . وبلاش كلب البحر . انا هيبتي ضاعت قدام الناس

لميس : خلاص متزعلش يا بطاطس

الاخر : يعني بطاطس دي هي اللي حلوه . ما تقولي يا يحي وخلاص

لميس ضحكت :ههه . بذمتك احنا نعرف بعض من أمتي

يحي: ٢٥ سنه ، من واحنا في اللفه

لميس:طيب سمعتني مره بقولك يا يحي غير اما يكون في مصيبه

يحي: عندك حق . علي العموم انا خلاص هركن العربيه و طالع

لميس : تمام

.....

في قاعه الاجتماعات

واقفه لميس بثقه وهي بتشرح المشروع الجديد للعملاء

لميس: وكده نسبه المكسب هتكون الضعف

فتح الباب فجاه ودخل شاب طويل وعريض وشعر اسود ولحيه خفيفه .بمنتهي البرود قعد علي الكرسي الرئيسي

لميس: انت مين وازاي تدخل هنا

هو : عمر الشرقاوي ..الشريك الجديد بنسبه ٥٠ في المئه

لميس : نعمم . يحي الكلام اللي بيقوله ده حقيقي

يحي : هو . هشام باشا . مبلغكيش أنه مضي عقد شراكه مع شركه الشرقاوي

لميس :انت عارف ان بابي مسافر من يومين .

عمر ببرود وغموض : عندك الموب. اسالي بابي

لميس اتنفست بغضب: اوكي ، بعد الإجتماع لينا كلام

يحي للعملاء: احنا اسفين ..حصل سؤ تفاهم . لميس عرضت عليكم الفكره

كمل يحي كلامه لأن لميس كانت متغاظه من اللي حصل .. عمر بيبصلها من فوق لتحت ببرود تام

..

بعد الاجتماع

لميس رايحه جايه في مكتبها ويحي قاعد معاها

: شوفت يا يحي عمايل بابي . مش من حقه يتصرف من دماغه . كان مفروض قالي وخد راي ، ليه يعمل فيا كده. وبعدين شركه الشرقاوي دي اكبر منافسين لينا في السوق. يعني بينا عداوه

يحي: اهدي بس يا لميس . باباكي عمل كده علشان مصلحه الشركه

لميس : مصلحه الشركه وله مصلحته هو .

يحي : اشربي الليمون واهدي

لميس : و انت يا كلب البحر مقولتش ليه أنه عمل عقد مع شركه الشرقاوي

يحي : انا لسه عارف قبل الاجتماع هو كلمني في الموبيل وقالي . بس افتكرت انك عارفه

لميس : مش عارفه . انت لازم تشوفلي حل . انا مش عايزه اللي اسمه عمر ده هنا في الشركه .. مش مرتاحله ومش قابله وجوده . بكره تتصرف

. يحي :بكره ازاي انتي فاكره اني ساحر وهخفيه في يوم وليله . . هعملها ازاي دي يا لميس .

لميس : معرفش اتصرف .
..

فجاه الباب اتفتح ودخل عمر وهو حاطط أيده في جيبه وبمنتهي التناكه : انا هاخد المكتب ده

لميس: ماله ده . انت يا أستاذ في حاجه اسمها باب .. وده معمول علشان الناس تخبط عليه.

قعد عمر وحط رجل علي رجل : اوووه بجد

لميس: يارب صبرك .. ما تتكلم يا يحي

يحي: يا بنتي اهدي شويه . وانت يا MR عمر .ده مكتب لميس ممكن حضرتك تختار مكتب تاني
.
عمر : انا اخترت ده . يبق هاخده

لميس: اطلع بره المكتب والشركه. والشراكه دي اعتبرها اتفضت .

عمر : هعتبر نفسي مسمعتش حاجه ، ببسطه كده انتي ملكيش كلمه . ده عقد بينا وبين والدك .. اما انتي فتحصيل حاصل .

لميس: اتكلم كويس يا جدع انت . انت فاكر نفسك ايه .

يحي: بلاش غلط في الكلام يا مستر عمر ، الشركه دي في الأصل للميس

عمر : النص الاسهم لهشام بيه وهو باعه ليا. .

لميس : انا هدفعلك اللي دفعته وهشتري الاسهم ، ديل

عمر : تؤ نو ديل . الشركه عجباني وانا مش هسيبها

وقف عمر باستفزاز : باااي مؤقتنا ... اللي جاي هيكون اكتر بينا . تشاااااو

خرج عمر .
. ولميس صرخت في وش يحي : خلصني من الراجل البارد ده في اسرع وقت احسنلك

يحي : هخلصك حاضر.
خرج يحي وهو مش عارف هيعمل كده ازاي .

....
أما لميس فهي مسكت الموبيل واتصلت بوالدها

: الو يا بابي . حضرتك بعت نص اسهم الشركه الي اسمه عمر الشرقاوي

هشام : ايوه . بس مكنش فيه وقت اتكلم معاكي . سافرت بعدها علي طول

لميس : يعني ايه يا بابي سافرت . انا ليا حق اعرف

هشام : انتي نسيتي نفسك يا بنت . بتكلميني وتستجوبيني .علي اساس ايه

لميس: اسفه يا بابي. بس عايزه اعرف ايه السبب أن حضرتك تبيع الاسهم .

هشام : الشركه وضعها هيكون احسن . الشرقاوي شراكات معروفه في السوق. وده هيحسن انتاجنا

لميس : بس انا مش موافقه

هشام : مش مهم . أنا موافق
. قفل الموبيل في وجهها، مش فاهمه ليه بيعاملها بجفاء .

......

يحي خد لميس وراحو علي النادي يتغدو هناك

يحي : هطلبلك اسكلوب
لميس : مش عايزه حاجه .. يحي انت لازم تشوفلي حل

يحي : طيب نتكلم بالعقل . انتي عارفه أن العقد اتوقع خلاص . لو عمر رفض يبيع نصيبه احنا منقدرش نتصرف

لميس : هقنعه يبيع نصيبه
يحي : وده ازاي .
لميس : هعرض عليه مبلغ اكبر من اللي دفعه وحده

يحي : كده هتخسري

لميس : بالعكس . هكسب راحه بالي وده احسن شي

يحي : جبنا في سيره القط جه ينط . بصي وراكي

لميس : ده عمر . مين دي اللي معاه

يحي : ممكن تكون صاحبته

وقفت لميس وهي تبتسم .. يحي : أن عارف البصه دي. اكيد ناويه علي نيه سوداء

لميس حركت شعرها بغرور: هنكد عليه زي ما نكد عليا الصبح

يحي : لميس بلاش جنان

لميس : اتفرج يا بطاطس

....

عمر كان قاعد علي ترابيزه مع بنت

عمر بملل : بجد . مش معقول

حس بايد علي كتفه رفع راصه كانت لميس بتضحك بخبث: عمر . اخبارك ايه .

عمر رفع حاجبه : كويس
لميس قعدت جنبه :شكلك مضايق . مع اني كنت سايباك الصبح كويس وبتضحك

عمر فهم هي عايزه ايه ضحك : شكرا . يا honey علي اهتمامك

البنت. : انت كنت معاها الصبح يا عمر.
عمر بص ل لميس ..الي ضحكت بانتصار : هكدب عليكي . والله العظيم كان معايا .. مش انت كنت معايا

عمر : حصل

البنت : يعني انت بتخوني . انا بجد مش مصدقه كل صحابتي حظروني منك . بس انا كنت غبيه ومصدقتش .

خدت شنطتها ومشيت ...
ولميس ضحكت : هههه ، اوبس شكلي عملتلك مشكله ..

عمر بصلها : ضحكتك حلوه

لميس : عارفه .
عمر : انا عارف انتي عملتي ايه . انتي قولتي ترخمي عليا .. بس انتي عملتي فيا جميل البنت كانت ممله بشكل مش طبيعي . ده غير أنها كانت تافهه جدا

لميس : I don't care , بجد انا كنت جايه علشان اعمل معاك اتفاق دييل يعني

عمر : احب اسمع الدييل

لميس : هدفعلك ضعف الفلوس اللي اشتريت بيها الاسهم وترجعلي الشركه تاني ليا

عمر : اممم . نو مش موافق

لميس : هدفعلك الفلوس مره ونص.

عمر : مش موافق برضو . بصي ريحي نفسك الشركه دي عاجبتني اوي. ومش هسيبها

لميس : هتسيبها غصب عنك .. دي شريكتي انا.
عمر : كانت

لميس : كانت وهتكون. وانت ابعد عن طريقي احسنلك

ابتسم بجانبيه : العصبيه غلط عليكي يا Honey
لميس. : Honey في عينك يا بارد

عمر : خلي بالك من الفاظك يا شريكتي

لميس : هنسيب الشركه غصب عنك يا عمر يا شرقاوي . دي بتاعتي

عمر : اوكي . ممكن اكتبلك الاسهم بس بشرط .

لميس : بجد ، طيب الفلوس اللي انت عايزها موافقه عليها
عمر : شرطي مش فلوس
لميس : مش فلوس . هيكون ايه المقابل يعني

عمر. : انتي

لميس رفعت أيدها علشان تضربه بس هو مسك أيدها جامد : تؤ .. عيب يا honey

يحي شافها كده وقرب بسرعه و شد لميس بعيد عن عمر

عمر : اللي عملتيه ده غلط . عمر ما حد رفع أيده علي عمر الشرقاوي

لميس بغضب : طز فيكي يا عمر يا شرقاوي

عمر : هتتحاسبي بعد كده ..

يحي : في ايه يا لميس . حصل ايه

لميس : انسان قذر

عمر : انتي اللي مخك قذر . مش بتفهمي .

سابها ومشي وهي مش طائفه نفسها ...

يحي : ما تتكلمي يا لميس حصل ايه

لميس : انسان قذر ومتخلف

يحي : قالك ايه

لميس : ها ... مقليش ..بس رفض يسيب الشركه

يحي : ده شئ متوقع من عمر

لميس : ماشي . اما نشوف اخرتها

.....

عمر مرحش الشركه تاني

ولميس افتكرت أنها بكده اتخلصت منه

وبقت تتصرف في الشركه براحتها وتكمل مشاريع

يحي كان مستغرب أن عمر بعد بسهوله كده .

يحي : مش غريبه يا لميس أن عمر بقاله شهر مجاش

لميس : افتكرنا حاجه عدله يا كلب البحر
يحي : مش بهزر يا لميس . بس عمر الشرقاوي مش سهل زي ما انتي فاكره

لميس : انتم بس اللي نفخين فيه . هو انسان عادي . أما هزقته فهم وبعد عن الشركه

يحي : طيب هتعملي ايه

لميس : بعتله الشيك اللي دفعه علي الشركه

يحي : تفتكري هيوافق

لميس : ليه لا

كانت فاكره ان الامور سهله لحد اما جه اليوم اللي رجع بابها من السفر بخبر صادم

*****

يتبع

أستغفر الله العظيم

جوازه الشيطان

الثاني

...

لميس كانت بتابع الشغل في هدوء افتكرت أنها كده خلاص اتخلصت منه خصوصا وأن اخر مره شافت عمر فيها كانت من شهر .

رجعت لميس في يوم كان بابها موجود في البيت

لميس : حمد لله علي السلامه يا بابي
الاب : الله يسلمك . تعالي نتغدا علشان نتكلم في موضوع

لميس : خير يابابي موضوع ايه
الاب : جايلك عريس

ضحكت لميس : شكرا مش عايزه اتجوز

الاب : يعني ايه مش عايزه تتجوزي .بمزاجك هو وله هتفضلي طول عمرك كده

اتنهدت لميس : طيب حضرتك مين ده وشافني فين

الاب : عمر ابن الشرقاوي هو عارفك من الاول ،، انهارده بابه كلمني وعايز يتجوزك

لميس : بابي انت بتقول ايه . مستحيل اتجوز اللي اسمه عمر ده ، انت متعرفهوش كويس ده بتاع بنات كلهم في النادي بيقولو عليه كده

الاب : كل الشباب بيكونو كده في الاول ، ده ابن الشرقاوي فاهمه يعني ايه

لميس : يعني صفقه كويسه بالنسبالك .. بس هتقبل تبيع بنتك لواحد زي ده.

الاب : بلاش دراما يا لميس . عمر مش وحش للدرجه دي

لميس : عمر اوحش من كده ده شيطان يا بابي . وانا مش هتجوزه

الاب : طيب اسمعي اللي هقوله كويس اوي وخليه في بالك .. مفيش خروج من البيت ويوم الخميس اللي جاي هيكون كتب كتابك من عمر الشرقاوي .

خرج الاب .. و لميس فضلت تعيط ومسكت صوره مامتها : ياريتك كنتي معايا يا ماما كنتي رحمتيني من العذاب اللي انا فيه ده . بابي كل اللي همه الفلوس وبس. انا حاسه اني لوحدي

...
في مكان تاني كان عمر قاعد وهو مبتسم
وماسك صوره لميس : قريب اوي هتكوني ملكي . كنت مستني الفرصه دي من الاول . باباكي اقتنع

....

لميس : الو يا يحي
يحي : بدل ما قولتي يحي اكيد في مشكله ..

لميس : مش وقت استظراف . تعال الحقني

يحي بخوف وقلق : انتي فين يا لميس

لميس : في داهيه

يحي : و عنوان الداهيه ايه

لميس : في كافيه زفت كده
يحي ؛ ابعتي اللوكيشين

قفلت لميس مع يحي ...

وصل يحي بعد وقت كانت لميس قاعده مكشره

يحي : مالك يا لوما
لميس : متقوليش زفت لوما دي
ضحك: خلاص مش هقول. خير حصل ايه
لميس : بابي عايز يجوزني الهباب اللي اسمه عمر.

يحي ؛ انتي بهزري .
لميس : هو ده شكل واحده بتهزر . عمر طالب أيدي من بابي. شوفلي حل

يحي : طيب اتكلمتي مع عمي
لميس : اتكلمت ومفيش فايده مقتنع. ده كمان بيقولي كتب كتابي يوم الخميس ومكنش عايزني اخرج من البيت. بس هو خرج وانا خرجت وراه

يحي : الموضوع معقد . مفيش غير كل تاني. اتكلمي مع عمر وقوليلو انك رافضه الجواز .

لميس : ده حيوان
يحي : بصي مفيش راجل هيقبل علي نفسه يتجوز واحده وهي مش عايزه ومش طايقه مش هيقبل علي كرامته .. وكده هينهي الموضوع مع باباكي لانه خلاص وافق

لميس : تعرف يا يحي مفروض الاب يكون سند . انا مضايقه منه اوي . ازاي يعني يفرض عليا اتجوز واحد انا مش عايزه . حاسه اني لوحدي

يحي : عيب عليك يا بت . بتقولي كده وانا هنا مش مالي عينك يعني

لميس : انت غير ، مش راجل زيهم

فتح عينه بصدمه : نعم يا ختي . مش راجل يعني ايه ، لا ده انا راجل اوي

ضحكت لميس : يا كلب البحر افهم . انت راجل عارفه بس انا بعتبرك زي انتمتي

يحي : يا دي النيله . شايفاني لابس جيبه وبفيونكات.

ضحكت : لا . افهم انت اخويا . مش راجل غريب .يعني زي تؤامي كده
يحي : ما انا خوكي فعلا وله انتي ناسيه اما شريكتيني في لبن امي وخدتي اللبن كله يا مفجوعه

لميس : يا بطاطس انت اللي رفضت ترضع ومامتك قالت كده . انا مالي

يحي : من يومي قلبي طيب وبضحي كتير

لميس : انت هتسوق فيها بقي . يلا اطلبي اكل علشان زعلانه

يحي : ما تطلبي انتي

لميس : عيب عليك . انت الراجل ادفع وانت قاعد . خليك جنتل مان

يحي ؛ اه يا ختي . ثبتيني .

شاور للجرسون : يا نجم . هاتلنا اثنين برجر وبطاطس وظبطنا كده

الجرسون: حاضر يا فندم

لميس كلت مع يحي و هو أقنعها أنها بالاسلوب الهادي هتقدر تقنع عمر أنها رافضه الجواز ..وهو هيحترم رغبتها

بس اللي متعرفوش أن عمر مراقب كل حركه هي بتعملها من فتره وكان منتظر فرصه زي دي علشان يقرب من لميس

****

تاني يوم

لميس أتانقت ولبست فستان جميل ورفعت شعرها وخدت عربيتها

وراحت علي شركه الشرقاوي

طلبت من السكرتيره أنها تقابل عمر .

السكرتيره : اسفه يا فندم . بس لازم ميعاد سابق
لميس : ادخلي بس وقوليلو أن لميس هشام بره وعايزه تقابلك

السكرتيره : والله يا فندم اسفه.. مستر عمر مش هيوافق

لميس : انتي شكلك خايفه منه . بس انا مش خايفه

دخلت لميس والسكرتيره بتحاول تهديها

فتحت الباب

لميس : عمر عايزه اتكلم معاك
مرفعش عينه ليها . هو شاف في الكاميرا اللي حصل بره . بس حب يدايقها اكتر

لميس نفخت : عمر .بطل تتجاهلني مش اسلوب ده .

السكرتيره : انا اسفه يا مستر عمر ، بس حاولت معاها كتير وهي مسمعتش مني

عمر شاور للسكرتيره : اخرجي انتي

خرجت وقفلت الباب .
لميس قعدت قدام عمر : عمر

بس هو لسه متجاهل وجودها و بيتابع حاجه علي اللاب توب

لميس اتعصبت وقفت وققلت اللاب بقوه : اما اكلمك ترد عليا . مش شفافه انا قدامك . وله تكون فاكر أن بالطريقه دي بتعاقبني مثلا

عمر اتكلم ببرود : وهعاقبك ليه .
لميس : علشان اللي حصل في النادي . بس انت الغلطان عصبتني وغلطت فيا

عمر : وغلطت فيكي ازاي . احب اعرف

لميس : قولتلي أن انا المقابل .

عمر : يا honey , انا قصدي استقرار . نتجوز يعني يا baby. تبقي شريكتي في حياتي .. وعلشان اكون fair هكتبلك أسهم الشركه باسمك ودي هديتي ليكي .

لميس. : ده انا تشوف افاك يا عمر .. انا مش ممكن اتجوز واحد زيك شيطان وبتاع بنات

ضحك عمر بصوت عالي : هههههههه .
Do you want to see the devil?
( عايزه تشوفي الشيطان ؟)

لميس : مش عايزه اشوف زفت حاجه .

عمر : خلاص اخرجي بره ويوم الخميس هكون عندك . علشان نكتب الكتاب يا honey

لميس نفخت وقعدت قدامه. : احم . بص يا عمر . انا اصلا مش قصدي اتعصب عليك . بس بجد انت جبل تلج ..

عمر رفع حاجبه : لسانك يا honey

صرخت لميس. : اولا بطل تقولي يا honey دي . علشان كلمه مستفزه جدا

عمر ؛ براحتي اقول اللي عاوزه

لميس : عمر . لو سمحت . بجد انت تعبت

عمر : تعبتي من ايه ؟
لميس شربت الميه اللي قدامه : اهدي يا لميس واتكلمي براحه زي ما يحي قالك

لميس : عمر أنا مش عايزه اتجوز .. انا رافضه حكايه الجواز دي

عمر : اممم . ممكن اعرف السبب

لميس : قول عليا تافهه بس انا نفسي اتجوز واحد عن حب . يعني نكون عارفين بعض من الاول ونكون متفاهمين

عمر : كويس جدا . احنا ممكن نعرف بعض ونتفاهم .. او بمعني اصح . انتي اتاقلمي معايا

لميس : نعمممم. الكلام ده مينفعش يا عمر . انا مش بحبك ومش عايزه اتجوزك

عمر : الحب بيجي بعد الجواز بيكون افضل يا honey

لميس : انا كرهت الhoney بسببك يا عمر . مش عايزه اتجوزك

عمر : بس انا عايز

لميس : هتقبل علي نفسك تتجوز واحده رفضاك

عمر وقف وقعد علي الكرسي اللي قدمها وبمنتهي البرود : هقبل . علشان انتي مش عارفه مصلحه نفسك يا honey

لميس بياس : مش بحبك

عمر : هتحبيني

لميس : انت انسان بارد

عمر : حسابنا بعدين يا honey
لميس. : لا بعدين وله قبلين .. مفيش بعدين ده انسي

عمر : في بعدين وفي كل حاجه .. تحبي اختار الفستان علي زوقي وله انتي اللي تختاريه انا كلمت دار أزياء مشهوره هتبعتلك الفستان

لميس: انت الظاهر مش هتيجي بالذوق انا افتكرت انك انسان محترم . بس طلعت شيطان زي ما كنت عارفه

عمر :دايما هتلاقيني عند حسن ظنك . كل ما توقعتي مني حاجه هتلاقيها يا honey

لميس. : يا بارد يا متخلف يا مجنون . انا مش بطيقك . انت سامع انا رافضه الجواز منك

عمر : هتصل بدكتور نفسي علشان احددلك جلسه معاه .. انتي محتاجه كده .

لميس : يعني أنا مجنونه

عمر : واضح انك بتعاني من نوبات جنون

لميس : طيب انا هوريك الجنان اللي علي حق يا عمر .

وقفت لميس ورمت كل حاجه علي المكتب بغل وغيظ وهي بتتنفس بغضب

لميس : مش انا مجنونه اشرب بقي ؟؟؟

*******

يتبع