انت يا بني في ايه ماتبعد شويه ده انت شكلك متحرش يالهوى الحقوني يا ناس متحرش ااااه أيدي
سيف ، ماتخرسي يابت انتي هتوديني في داهيه يخربيت ام شكلك
لين ، انت بشتمني كمان لا ده كده كتير اه والله كتير كتير جدا كمان يا أمن يا أمن الحقوني
سيف ، يا ربي ابعدي كده انا عايز اعدي عديني ده انتي غوله بجد ايه ده في بنت كده ثم انك واقفه في الطريق والطريق ضيق عايز ادخل ام الجامعه دي انتي سده الطريق مش عارف ادخل
لين ، ليه مالي أن شاء الله ناقصه ايد واللا رجل اتفضل ادخل يا اخويا اتفضل
سيف ، اخوكي هو اليوم باين من أوله يارب صبرني ع ام اليوم ده
ركن سيف عربيته ودخل الجامعه سيف دكتور جامعي في جامعه حقوق القاهره شاب طويل القامه اسمر البشره ذو عينين شديدتين السواد الكاتم ذو شعر اسود فحمي اللون ناعم مبيكرهش في حياته قد البنات الدلوعه مبيستخفهمش عمره ثمانيه وعشرون عام رافض مبدأ الجواز
//////////
هنا ، مالك يا بنتي ماشيه تنفخي ليه كده في ايه
لين ، مافيش يا بنتي قابلت واحد رخم وفضل يرخم عليه ده كان عايز يتحرش بيا
هنا بشهقه عاليه ، انتي بتتكلمي بجد
لين ، اه يتحرش بس هو شكله مش بتاع تحرش شكله محترم كده
هنا ، ههههه ازاي محترم وازاي يتحرش
لين ، فكك يا بنتي ياللا بس ندخل عشان انهارده اول يوم ومش عايزين حد يتكلم معانا
هنا ، ماشي ياللا بينا

وبعد ما وصلو لسكشن المحاضرات
هنا ، اوووف ده الدكتور وصل جوه ده احنا احتمال مطرد
لين ، ليه بقا أن شاء الله
هنا ، ليه مش عارفه خبطي انتي كده وانا داخله وراكي
لين ، مش هخبط انا هدخل عالطول
فتحت لين الباب وداخله واول ما شافت سيف اتصدمت
سيف ، هو ايه ده أن شاء الله انتي داخله زريبه
لين ، بيئه
سيف ، هو مين اللي بيئه يا بت انتي اطلعي بره يا روح امك
لين ، لا ده انت زودتها اوى مين دي اللي يتقالها روح امك ياله
سيف ، ياله انا دكتور سيف الالفي يتقالي ياله
لين ، اه انت واللي يتشددلك
سيف ، لا ده انا هطلبلك الأمن ده انتي مش محترمه خالص ياللا بينا ع غرفه العميد
لين ، ياللا يا بابا مين قالك اني خفت ياللا لا انت ولا العميد بتاعك تهموني
سيف ، بقا كده طب ياللا بينا يا حلوه
//////
هنا ، ربنا يسامحك يا شيخه انا روحت في الرجلين بسببك امشي ربنا يكافأك
لين ، والنبي اسكتي مش فايقالك انتي كمان
سيف ، اتفضلي يا انسه
العميد ، خير في ايه انهارده اول يوم
سيف ،. الانسه بتقل ادبها عليا قدام الطلبه وبتقولي ياله لا وايه لا انت واللا العميد بتاعك تهموني انا عايز حقي
العميد راح بكل قوته  و ضرب  لين بالقلم من شدته وقعت عالارض
سيف باستغراب من موقف العميد بعده عن لين وقال ، لا لا لا مينفعش حضرتك تمد ايدك عليها مش من حقك
لين قامت من ع الأرض ومسحت دموعها وقالت ، عرفت بقا لا انت و اللا العميد بتاعك تهموني ولا حد في الدنيا دي يهمني شكرا اوي يا يا يا بابا
سيف ، بابا
لين خرجت من غرفه العميد تجرى و هي بتعيط
هنا ، استني يا لين استني و راحت مسكتها وحضنتها وقعدت تعيط في حضنها
سيف ساب غرفه العميد وخرج راح وقف قدام لين لين شافته مسحت دموعها و بعدت عن هنا و بصتله بصه احتكار
سيف راح لها و قال ، انا اسف عن اللي حصلك بسببي
لين ، اسف اممم ده انت الفرحه بتنط من عينيك شمتان فيا
سيف ، طب اهدي بس و ثم اني هشمت فيكي ليه تعالي يا ستي ادخلي السكشن و المسامح كريم و لا تزعلي حقك عليا
لين ، غور ياض من قدامي انا اصلا بكرهكوا كلكو
سيف ، لا ده انتي مش طبيعيه انا داخل المحاضره و أما تهدي و عايزه تدخلي تحضري تنوري يا انسه و سابها و جاي يدخل المحاضره
لين ،. تكك نيله في تقل دمك
سيف لف و بص عليها و قال ، شكرا يا انسه وكمل مشي و دخل المحاضره
هنا ، و ربنا و ربنا انتي ما عندك ريحه الدم يا شيخه ده شكله محترم اوى كده اي ده هو في كده
لين ، و الله ده دمه يلطش
هنا ، و الله طب ياللا ندخل
لين ، لا مش عايزه ادخل
هنا ، خلاص براحتك بس انا هدخل عشان الدكتور ده يشجع الواحد ع حب الجامعه بجد شايفه السمار و الجمال ملامحه كلها رجوله بجد يتعشق
لين ، انتي جايه تتعلمي و اللا جايه تسبلي
هنا ، الصراحه  اسبل هههههه
لين ، هههه طب ياللا ندخل يا بلوه ربنا يصبرني عليكي يارب ده انا قربت انتحر منك يا بنتي
هنا ، انا بردك يا معلم و ربنا اللي يشوف جمالك وعنيكي الزرقا و طعامتك دي ميصدقش انك كده
لين ، كده اللي هو ازاي
هنا ، كده اللي هو دكر كده حاسه انك دكر مختفي في موزه بس موزه صاروخ
لين ، ادخلي يا مصيبه
هنا ، انا هخبط مليش دعوه بيكي
لين ، خبطي يا اختي خبطي
هنا خبطت عالباب و دخلت السكشن ووقفت قدام الباب أما لين دخلت عالطول
هنا ، ادخل يا دكتور
سيف ، تدخلي ما تعملي زي صاحبتك دخلت ولا كأنها دخله اوووه خلاص اتفضلي ادخلي
هنا ، ميرسي يا دكتور
سيف حركت دماغه لهنا و فضل يشرح المحاضره و هو مركز مع عيون لين اللي مبطلتش دموع
سيف وقف سرح مع نفسه يفكر ليه هي كده و ليه ابوها عمل معاها كده و ليه معرفتهوش أن ابوها العميد بتاع الجامعه و ليه أسلوبها كله بيوحي بأنها معقده و في حاجه تعباها
هنا اخدت بالها أن الدكتور سرحان في لين و هي بتعيط قامت عشان محدش ياخد باله و قالت ، دكتور لو سمحت انا مش فاهمه ممكن تعيد تاني اللي حضرتك بتشرحه
سيف فاق من شروده و قال ، تمام تمام هشرحه من تاني اتفضلي قولي مش فاهمه من اول فين بالضبط يا انسه هنا و انا هشرحه من تاني
هنا ، من اول الحق المدني للاسره هو هو ايه بالضبط يا دكتور
سيف ، تمام و كمل شرح سيف لحد ما المحاضره خلصت و الكل خرج و سيف عامل نفسه بيلم كتبه و هو واقف بيبص ع لين و هي خارجه لحد ما راحت واقعه في الأرض مغمي عليها يا ترى ايه اللي هيحصل للين البارت القادم و باباها ليه بيكرها و هي بتكرهه اوي كده  تمام يا ابني انا خلصت لبس ونازل حالا اصبر دقيقه بس
مراد ، دقيقه مين ده انا واقف من العصر ياللا يا باااارد
سيف ، انا بارد طب مش رايح في مكان واعلي ما في خيلك اركبه
مراد ، ياعم البارد بطل بقا وانزل انا تلجت في الشارع ده الجو تلج
سيف ، ما بلاش نروح في مكان و تعالى نسهر هنا
مراد ، ابدا انا لازم اروح ابارك للباشا ع الفرح بتاع ابنه عشان ده بيزنس مش فرح و انت فاهم ياللا بقا يا برنس
سيف ، افتح العربيه انا جنبك يا حيوان
مراد ، طب بص بقا من اولها مفيش حيوان دي هناك انت تكلمني بكل ادب وانسا انك ابن عمي دي خالص ماشي
سيف ، ماشي يا حيوان
مراد ، ياربي ميقعش حظى وأصحاب دونن عن كل العيله غير البني ادم ده صبرني ياربي
سيف سرح في العربيه وافتكر لين وقت ما وقعت مغمي عليها
هنا ، لين فوقي يا لين لين يا بنتي فوقي
سيف ،. حاسبوا كده عن اذنكم يا جماعه غلط اللمه دي حواليها انا هعرف افوقها عن اذنكم بره لو سمحتم
هنا ، اتفضل يا دكتور
سيف قلع لين النضاره و فكلها الطرحه وقعد يفوق فيها اول ما فتحت عيونها سيف بكل ذهول من جمال لون عيونها قال ماشاء الله اي ده
لين ، هو ايه اللي اي ده انت مين يا حيوان اااه دماغي
سيف ، حيوان و الله اللسان مش راكب خالص ع القمر اللي قدامي
لين ، قمر في عينك اوعا كده وبتحط أيدها ع راسها من وجع راسها وراحت مصوته بعلو صوتها و قالت ، طرحتي مين قلعني طرحتي
سيف ، انا
لين ، اصلا انا قولت من البدايه انك متحرش و قليل الادب
هنا ، اهدى يا بنتي ده كان بيفوقك و غير كده خرج الطلبه كلهم بره يعني محدش شاف شعرك
لين ، ع أساس أنه اخويا في الرضاعه و لبست الطرحه بسرعه و قامت
سيف ، هو ده اصلا شعر تخافي حد يشوفه انتي فاكره نفسك حلوه فوقي يا بت انتي
لين ، ممكن مكنش حلوه زي ما بتقول بس ربنا أمرني محدش يشوف شعرى يا دكتور يا محترم عن اذنك و مسكت ايد هنا و خرجت بسرعه بره
سيف وقف بكل ذهول مستغرب لين ازاي بالجمال ده كله و مش شايفه نفسها حلوه لا دي وراها عقد كتير و صمم أنه لازم يعرفها
مراد ، سيف سيف
سيف ، هاا
مراد ، هاا سرحان و تايه في ملكوت الله ليه يا بني اوعا تكون بتحب
سيف ، بحب بحب مين يا اهبل ولا واحده في الدنيا دي تقدر تخلي سيف الدين الالفي قلبه يتحرك ليها
مراد ، لا و الله ده انت شكلك واقع و ع بوزك كمان ده انا بقالي ساعه بكلمك و انت مش هنا خالص
سيف ، معلش بقا سرحان في قضيه تقيله شويه انت عارف بقا محامي الشركه و دكتور جامعه فلازم عقلي ميكنش معايا و بالذات لو شركه ابويا
مراد ، الله يكون في عونك يا عم المهم وصلنا و المزز شكلهم بينور من بعيد ازاي هو انت مش لابس بدله ليه ده فرح يا بني
سيف ، بدله مين مش كفايه الصبح في الجامعه و الشغل كتير كده انا لسه صغير ع البهدله دي بس اي رايك في البالطو ده لسه جايلي مخصوص من باريس اول لبسه
مراد ، بصراحه جامد و شكله غالي اوى
سيف ، قر بقا بعينك دي هيولع و انا لبسه
مراد ، هو ده بدل ما تقولي اتفضله يا صاحبي و تقلعه
سيف ، ده بعينك يا للا ندخل ام الفرح ده اللي انا جاي فيه غصب عني
مراد ، ماشي يا للا بينا يا صاحبي
دخل سيف و مراد الفرح و كان الفرح كله بنات عرايا و خمور و عروسه عريانه فستانها فوق الركبه و صدره عريان
سيف ، هو اي ده هي العروسه قالعه ليه هي مش قادره تصبر أما تطلع فوق و يتقفل عليها باب اوضتها
مراد ، بس يا عم هتودينا في داهيه
سيف ، ده حتي الجو تلج هو البني ادمين دي مبتحسش
مراد ، يا لهوتي اسكت بقا اخوها جاي يسلم علينا
سيف ، ماشي ياعم انا هروح الحمام بسرعه و جاي
مراد ، من اولها
سيف ، اه يا عم من اولها و سابه وراح الحمام
هنا ، دكتور سيف ايه الصدفه دي
سيف ، هنا ازيك انتي ايه اللي جيبك هنا
هنا ، انا ابقا اخت العروسه 
سيف ، ازاي
هنا ، هو ايه اللي ازاي
سيف ، مفيش ما تخديش في بالك المهم صاحبتك اخبارها ايه
هنا ، كويسه الحمد لله هي اللي واقفه هناك دي
سيف ، هي اللي لبسه فستان احمر
هنا ، اه
سيف ، ازاي راجل و لابس فستان ههههه
هنا ، اخص عليك يا دكتور دي لين قمر
سيف ،. هي من ناحيه قمر فهي قمر 24 كمان أما لسان دكر دكر يعني مفيش كلام
هنا ، ربنا يسامحها مرات ابوها كرهتها في عيشتها وكل الناس كل ده عشان كانت بتغير من امها و سبحان الله لين شبه مامتها خالص عارف لدرجه انها كل شويه تحسسها أنها مش حلوه
سيف ، و ع كده مرات ابوها دي حلوه
هنا ، بص هناك كده شايف شوال الدقيق اللي لابس فستان اسود قصير ده
سيف ، ههههه شوال دقيق
هنا ، طب بذمتك دي شكل واحده تتنمر ع قمر زي لين
سيف ، بصراحه لا و هي عريانه كده ليه اومال لين محجبه وكده
هنا ، لين متدينه اوي و حافظه القران الكريم مش زي العالم اللي حواليك دول
سيف ، امم طب عن اذنك
هنا ، ماشي يا دوك
سيف راح وقف جنب لين
لين بصتله و لفتت وشها وراحت بصاله بصدمه و قالت ،. اي ده انت هو انت ايه اللي جابك هنا
سيف ، العربيه
لين ، يخربيت الاستخفاف
سيف ، امم يخربيت الجمال
لين وشها احمر جامد
سيف ، اي ده و كمان بيتكسف لا لا مش معقول اللسان ده بيتكسف
لين ، عن اذنك
سيف ، استني .
لين ، نعم
سيف ، هي دي بجد عنيكي
لين ،. وانت مال امك
سيف ، أصلها لو عنيكي تبقي مش حلوه في حد عينيه تبقا زرقا
لين ، اخزقهم عشان ترتاحوا بدالهم مش عجبنكو كلكو
سيف ، اه ياريت خزقيهم عشان وحشين اوي
مراد راح لسيف ، انت سيبني لوحدي وجاي تتكلم مع القمر ده اي ده انتي بجد
لين ، والله
سيف حس أنه غيران من ابن عمه و قال ، امشي يا مراد دي الوقت انا جيلك اهو
لين ، انا اللي همشي عن اذنكم
سيف شد أيدها و قال ، انا مش بتكلم معاكي لسه هو مفيش احترام خالص للدكتور بتاعك
لين ، انت اتجننت ازاي تمسك أيدي يا حيوان
سيف ، انتي ايديكي ساقعه اوي كده ليه
لين ، انت رخم اوي اقسم بالله و سابته و راحت وقفت بعيد في الجنينه بعيد عن الدوشه
مراد ، بصراحه تستاهل في حد يمسك ايد بنت كده
سيف ، والنبي نقطني بسكاتك و خرج راح ورا لين