•　　هو احنا مينفعش نرجع بطن امنا تانى يساره، وبعدين تولدنا ف دنيا تانيه ومكان تانى وناس جديده وحياه احلى، ناس يخافوا علينا ولو طلبنا عنيهم يدوهالنا ،ناس قلبها علينا وبيتمنولنا الخير والحلو.
عارفه يساره الإنسان حزين اوى ،هو انا لى محدش بيقولى يامانجه قلبى يساره ،طب يافراوله عمرى هو انا قلقاسه...!!؟.
_ البحر وجماله بروح اقعد عليه وابص ع الغروب ،ع شكل المايه وموجها،ع المراكب اللى سايره فيها، بفضل قاعده لحد مااشوف النجوم مع اننا ف عز الشتا بس دا المكان الأقرب لقلبى ،ع صوت ام كلثوم اللى شغال ف الكاسيت بتاع عمو بتاع حمص الشام .
_المكان الأقرب لقلبى ....أو لقلبنا ،كنت باجى دايما من وانا عندى ١٨سنه كنت ف تالته ثانوى وقتها وكانت كل مابديق بينا أنا وساره كنا نمسك ف ايد بعض واجى عند عمو بتاع حمص الشام اللى ع البحر.
بس..... انا دلوقتى بقيت اجى لوحدى ،ساره مبقتش معايا من ساعه ما ماتت وانا الدنيا قدامى ضلمه ومعدتش قادره استحمل الواقع ولا الدنيا من غيرها تانى .
المره دى غير اى مره وخاصه اليوم دا هو نفس اليوم يوم ما ماتت قدام عنيا وهفضل اقول انى انا السبب ف كل دا .
قولتلك ساعتها يساره استنينى هنا قدام الموج الازرق اللى زى جمال عيونك دا وهروح اجيب حمص الشام ليا وليكى ياعسليه، ع ماروحت ولسا بقول لعمو عايزه اتنين حمص الشام وسمعت صوت حد خبط جامد وناس بتزعق ببص لقيتك كنتى جيالى بس .... بس عربيه خبطتك.
ملحقتكيش انا السبب لو مكنتش نسيت الفلوس وانتى كنتى جايه تديهالى كان زمانك معايا دلوقتى ،انتى اكتر واحده عارفه انى بحب اجى احكى للبحر حكايتنا ع طول سوا كنت أنا أقول موقف وانتى تقولى موقف ونفضل نضحك ع الهبل اللى بنقوله.
انا السبب يروح قلبى انا السبب قلبى وجعنى عليكى وكنت اتمنى تفضلى معايا كنتى أمى وصحبتى واختى وحبيبتى بالله كنتى قره عينى كمان .
كنت افضل اقولك احنا نشوف اتنين اخوات ونتجوزهم عشان منفترقش عن بعض ابدا ،الناس كانت بتقول علينا تؤام مش صحاب .
قولتها بعياط .. وحشتينى اتمنى لو ترجعى تانى . وقعدت اعيط.
سمعت صوت جنبى وماسك اتنين حمص الشام ف أيده وبيقولى وهو بيدينى واحد اسف انى سمعتك بس صوت عياطك وجع قلبى وكنت جاى اواسيكى ، بس اعرفى انى الدنيا اختبارات والقوى اللى يستحمل يمكن ربنا اخد منك ساره بس هيعوضك بحاجه حلوه اوى بعدين .
اخدتها من أيده وقولتله بس انا عمرى كله راح بقالها خمس سنين متوفيه بس كأنه لسا كان امبارح موتها .
قالى ادعيلها بالرحمه تفتكرى لو هى كانت موجوده دلوقتى معاكى كانت سابتك تعيطى كدا .
قولتله بص ع الحجر اللى قدامك دا مكتوب عليه اسمى واسمها مكتوب عليه موج وساره ،والحجر دا مكتوب عليه دكاتره المستقبل ،والحجر دا ....الحجر دا انا اللى كتبته لوحدى بعد وفاتها ،هى لى الدنيا مش عادله من ساعه ما ماتت وانا حياتى ضلمه ووحشه اوى من غيرها .
قالى ياموج الموت علينا حق وبعدين هى ف مكان احسن منى ومنك دلوقتى ،هى راحت عند ربنا عشان هى وحشته .
بس هى كمان وحشتنى .
هى سمعاكى وحاسه بيكى بس مش هتبقى فرحانه بعياطك ادعيلها بالرحمه.
بصتله وقولتله شكرا ياااا... زين ..اسمى زين .
قولتله شكرا يازين ومعلش صدعتك .
قالى ولا صداع ولا حاجه،انا موجود دايما .
سبته بس وانا ماشيه حاسه انى مرتاحه حسيت ب امان وانا بتكلم معاه بصتله وقولتله هشوفك تانى .!!؟
قالى لى لا يمكن النصيب يكون غلاب المره دى واشوفك تانى .
ابتسمت ومشيت عارفه انى عديمه الكرامه ومش اى حد اتكلم معاه بس حسيت انى عرفاه قلبى مرتاح لما اتكلمت معاه .وعدا الوقت .
كنت كل يوم ويوم بروح اقعد ع البحر لكن بروح الاقيه هناك عرفت بعدها انى اخوه كان ميت غرقان ف البحر وانو بيجى يشكى همه هو كمان للبحر بس هو ازاى قوى وقادر يستحمل ويخفف عن غيره كمان .
عدت الايام والأوقات وبقينا صحاب وطلع كمان من نفس الكليه اللى انا فيها بس اكبر منى بسنه اتخرج قبلى سنه .
_يوم تخرجى دا يوم يتبروز من حلاوته .
كنت واقفه مستنياه ولما لقيته اتاخر قولت مش هيجى وزعلت لقيتهم بينادوا عليا وبيقولوا موج محمد سويلم.
طلعت استلمت شهاده التخرج بس وانا بعيط ...بعيط عشان سايبنى ف وقت محتاجاه فيه وبعيط عشان كنت أتمنى ساره كانت معايا هى كمان ف اليوم دا .
بلف عشان انزل لقيته واقف وماسك بوكيه ورد ابيض كان ورد جوري وياسمين بالله هو عرف ازاى انى بحب الورد دا ، كان واقف بطلته اللى تخطف القلب دى لابس بدله وماسك البوكيه الورد ف أيده .
لقيته جاى عليا وقالى اسف انى اتاخرت ياموجى ..
موجى..!!!؟ قالى موجى انت رايح فين بس لقيته اخدت المايك من ايدى وطلع وقف جنبى وقالهم معلش هاخد من وقتكوا دقيقتين بس احب اقول انى موج دى من احلى الحاجات اللى تدخل القلب والعقل كمان موج قويه وكان عندها قدره تتحمل حاجات كتيره اوى واتحملتها ومخيبتش املى فيها ولا ف اللى بيحبوها بصلى وانا عينى كلها دموع طب بالله اروح احضنه طيب ولا اعمل اى .
لقيته بصلى وقعد ع ركبه ونص وطلع من جيبه علبه قطيفه فيها خاتم وهو بيقولى تتجوزيني ياموجى .
مبقتش عارفه اعمل اى بس بصيت لماما واخويا اللى قاعدين لقيتهم بيقولولى وافقى وهما عيونهم بطلع قلوب .
قولته موافقه موافقه لبسنى الخاتم وادانى بوكيه الورد وشالنى لف بيا وقالى مبارك عليا انتى ياموج قلبى.
بعدها عرفت انو كان متفق مع اخويا وماما اصلا انو يتقدملى ف حفله تخرجى بالله هو الانسان حلو كدا لى يجدع.
بصتله وقولتله شكرا ع كل لحظه وقفت جنبى فيها وكنت سند ليا بعد ربنا .
بصلى وقالى اسف على الوقت اللى عدا من غير مااكون معاكى فيه .
بحبك ياموجى.
وانا كمان بحبك ياعيون موجك.
قولتله متيجى اعزمك ع شاى واقولك حبيتك ازاى!؟.
طب متيجى اعزمك ع حمص الشام واقولك وقعتينى ف جمال عيونك ازاى!!؟ .
تمت .
Huda Ragabb