في احد الاحياء الشعبيه وبالتحديد في الارياف تقطن السيده ام جابر مريضة الكلى تعافر بمفردها وتقاوم لتبقا على قيد الحياه وتعبر باطفالها بر الامان

ست مصريه اصيله اسمها ام جابر جوزها مات وساب لها جابر وحسين جابر عنده عشر سنين وحسين عنده خمس سنين مع أذان الفجر تصلي ام جابر وتفتح باب الخيمه وتصر الخضار والفاكهة علشان تلقط رزقها ورزق عيالها ما هي عايشه في نفس الخيمه اللي بتبيع فيها الخضار ما هي معندهاس حته تاني تنام فيها هي وأولادها الغلابه وتصبح جابر قوم يا جابر صلي الفجر وانا جهزت لك الفجل والجرجير علي عربية اليد علشان تلف بيهم في البلد علشان ربنا يكرمنا بالزرق الحلال يرد جابر يا أمي اشمعنا احنا من دول الناس ملناش بيت نسكن فيه ولا قرايب يسألوا علينا حتي المدرسه مبقتش اروحها من قلة الفلوس وانا كان نفسي أطلع دكتور علشان أعالج كليتك التعبانه يا امي. ام جابر ياولدي قول الحمد لله احنا احسن من غيرنا وبنشتغل بعرق جبينا ومش بنمد ايدينا لحد وبنطلب من ربنا وحده الحلال وغرائب ابوك يا ولدي كتير وملين البلد بس هي الدنيا كده يا ولدي الغلبان اللي زي حالتنا الناس بتبعد عنه ومتحبش تعرفه. جابر ان شاء الله يا امي لما اكبر هسافر واشتغل علشان ا عالجك واشتريلك بيت تقعدي فيه انتي وأبويا حسين وربنا يتوب علينا من نومة الشارع دي. ام جابر يا مين يعيش يا جابر يا ولدي محدش عارف بكره هيحصل أي. يلا روح استرزق وخد حسين أخوك معاك ومتخليش العيال يضربوه علشان هو غلبان وفي حاله. حسين يا امي انا مش عايز أبيع في البلد بتعب من زق العربيه والعيال بتتريق علي جلابيتي القديمه اللي معنديش غيرها . ام جابر معلش يا حسين يا ولدي بكره ربنا يعدلها من عنده سبحانه وتعالي واهو انت بتساعد جابر أخوك بدل ما يا عيني شايل الحمل لوحده من صغره وأنت يا جابرمتزعلش حسين أخوك ده مهما كان لسه صغير. جابر انا برضوا يا امي أزعل حسين؟ ده انا مليش غيرك انت وهو في الدنيا بعد ربنا سبحانه وتعالي. ام جابر ربنا يحافظ عليكم يا أولادي استني خد لك حتة رغيف اقسمه انت وحسين أخوك ولما ربنا يكرمكم وتبيعووا اشتري كل واحد سندوتشين طعمية. وخلي بالك يا جابر عايزين نجمع ثمن البضاعة علشان التاجر هيجي بعد الظهر ياخد حسابه وإلا مش هينزل لنا بضاعه تاني. جابر حاضر يا امي خليها علي الله يلا يا حسين توكلنا علي الله ويمشي جابر وحسين في شوارع البلد و ينادي جابر علي البضاعه و يقول يلا الفجل و. الجرجييييير و. يمد صوته و. هو ينادي زي البياعين الكبيره و يقول معايا الفجل و الجرجير الربطه ب. نص جنيه و تبص عليهم واحدة ست من الدور الخامس و تنادي عليهم و تقول بكام الجرجير يا واد انت و هو يرد جابر و. يقول لها الربطه ب بنص جنيه يا ست الكل يرد حسين و يقول له سيبك منها يا جابر يا اخويا الست دي بتفاصيل في كل حاجه و بتتعبنا يرد جابر علي حسين اصبر يا اخويا شويه ترد الست من الدور الخامس و تقوله هاخد الثلاثه ب جنيه و لو مش عاجبك خلاص أمشي لحال سبيلك انت و هو يرد حسين قائلا يلا يا جابر مش انا قولت لك سيبك منها دي عايزه الحاجه ببلاش. يرد جابر علي حسين اصبر يا حسين امي بتقول لازم البياع يكون باله طويل ويتحمل الوحش والزين و ينادي جابر علي الست تحت امرك يا هانم عايزه بكم. ترد الست عايزه تلاته ب جنيه اتنين فجل و. ربطة جرجير يرد جابر حاضر نزلي السبت و خديهم ترد الست قائله السبت مقطوع أطلع علي السلم بيهم. يرد جابر امري الي الله حاضر يا ست هانم. خد يا حسين طلع الحاجه و. تعالي ترد الست قائله. لا هات هم انت احسن الولظ الصغير باين عليه مش نظيف. يرد جابر حاضر يا ست هانم مع ان حسين اخويا ده أنظف مني أحرس العربيه يا حسين لحد ما ارجعلك يرد حسين حاضر يا جابر بس تتأخرش عليا علشان مبحبش أقف مع البضاعة وحدي لأحسن حد يسرق منها. يرد جابر حاضر يا حسين مسافة السلم بس. طلع جابر و رن جرس الشقه التفضيل يا ست هانم. الست ترد عليه أوعي تكون حاجه مضروبة. يرد جابر ومطول باله ع الاخر يا ستي دي بضاعه طازة بتيجي يوم بيوم يلا هاتي الحساب علشان اخويا تحت لوحده وبخاف عليه. ترد الست ماشي خد الجنيه أهو ولو جبت طماطم حلوه بكره اعمل حسابي يرد جابر حاضر أن شاء الله سلام عليكم. الست قائله وعليكم السلام. ينزل جابر ويأخذ حسين ويلف وينادي وسبع شويه والناس تفاصيل معاهم ك العاده وحسين يقول يا جابر انا تعبت من اللف في الشوارع وجعان ع الاخر يرد جابر اصبر شويه يا حسين يا اخويا فاضل شارعين ولا تلات شوارع ونواصل المطعم وصل حسين وأجبر المطعم. جابر لو سمحت يا عم عبدالله اديني سندوتشين طعمية واتنين فول وشوية مخلل عم عبدالله حاضر من عينيا يا جابر وبلغ سلامي الحاجه ام جابر. يرد جابر تسلم يا عم عبد الله. يرد عن عبد الله اتفضل يا جابر اخلي سندوتشات و بالهنا و الشفا و خلي بالك من أمك و اخوك يرد جابر تسلم يا عم عبد الله. سلام عليكم يرد عم عبد الله وعليكم السلام في رعاية الله. يسال واحد من الناس اللي في المطعم مين ده يا عم عبدالله. يرد عم عبد الله يا عم دول اتنين يا أمي أبوهم كان من أحسن الناس ويعرف ربنا وطةب الأرض كان بيحبه ويعشقه وقع عليه الونش في الشغل ومات الله يرحمه ويتقبله من شهداء العمل. ويكمل عم عبد الله ومن ساعة ما مات وسابهم امهم يا عيني اتكسرت عليهم وبتبيع خضار وفاكهة واللي بيكرمهم بيه ربنا سبحانه وتعالي بيعيشوا بيه واهي مستوره معاهم وخلاص ونفسهم عزيزة ما بيمدوش ايديهم لحد رد الزبون قائلا و الله يا عم عبد الله انت وجعت لي قلبي علي الناس دي انا من هنا و رايح ه شاري كل طلباتي من عندهم و هخلي الجيران كمان يشتروا من عندهم. يلا سلام عليكم يا عم عبد الله. يرد عم عبد الله وعليكم السلام و رحمة الله و بركاته. و نروح لمشهد الشارع نلاقي العيال بات لم علي حسين و ترتيب علي هدومي القديمه و فجأة علي مسك حجر من الارض و ضرب حسين في دماغه و الدم نزل و رأس حسين انفتحت و و فضل يصرخ من الوجع جابر يبص حواليه يلاقي عم علي صاحب محل البقالة و يقول له خد العربيه دي يا عم علي و خلي بالك منها و من البضاعه يرد عم علي عليه حاضر يا جابر بس انت رايح فين يرد جابر هاخد حسين اخويا ع الوحدة الصحيه علشان اخيط الجرح ما هي كانت ناقصه العطله والتعب ده كله. وياخد جابر حسين اخوه و يجري علي المستشفي و حسين يبكي من الوجع. جابر يقول له اتحمل يا حسين يا حبيبي قربنا نوصل. و فعلا وصلوا المستشفي و الدنيا زحمة يجري جابر عج لمرضة و يقول لها لو سمحت يا أستاذه اخويا بينزل و عايز ادخل الدكتوره ه بسرعه ترد الممرضه خليك واقف في الطابور يا ابني. يرد جابر طابور؟ طابور أي علي بال ما يجي علينا يكون حسين دمه اتصلي انا لازم ادخل للدكتوره حالا ترد الممرضه انا قولت خليك واقف في الطابور ده قانون المستشفي مليش دعوه. و وسط صوت الزعيق و الكلام يتسمع عم محمود الراجل الكبير في السن اللي مستني دوره في الطابور الكلام و يروح للممرضه في اي يا أستاذه؟ ترد الممرضه الولد ده مش راضي يوقف في الطابور زي باقي الناس يرد عم محمود يا أستاذه ده حال وجه مستعجله ما ينفعش يستنيي اكتر من كده و بعدين ده عيل صغير يعني خلي عنك شوية رحمه عشان خاطر ربنا عز وجل. الممرضه تستعصي أكتر و تقول له يعني انا ما عندي رحمه يا راجدل انت؟ طيب اي رأيك ده نظام المستشفي و مش ب أيدي حاجه أعملها. عم محمود يرد عليها لا يا ستي مش قصدي كده والله طيب اي اللي يرضيكي. ؟ ترد الممرضه اهو انت كلك م فهوميه وشطاره. طبعا عم محمود فهم أن الممرضه ب تاخد رشوه علشان تمشي كشف العيانين الغلابه. يرد عم محمود حاضر تحت امرك يا ست الستات و يحط عم محمود أيده في جييه و يطلع خمسه جنيه للمرضه. الممرضه ترد وتقول له خمسة اي يا راجل انت هو احنا هنا بن بيع ترمس؟ عمي محمود و الله يا ست انا كنت رايح الفرن اشتري عيش آل الأولاد بيها بعد ما أخلص كشف بس لما شوفت الواد الصير. ه بينزف صعب عليا ومقدرتش امسك نفسي ترد الممرضه صعب عليك؟ ما يصعبش عليك غالي هات يا اخويا الخمسه جنيه وخش للدكتوره انت والواد ده. يرظ عم محمود ماشي تشكري يا ست الكل و يدخل عم محمود للدكتوره والدكتورة تتخض و تسال اي اللي عمل فيك كده يا ابني يرد حسين العيال ضربوني ب حجر و انا بلف مع جابر اخويا نبيع الخضار ترد الدكتوره و اللي في سنك ده يعرف يشتغل يا حببيبي؟ ظه انت لسه نونو يرد جابر عندك حق يا دكتوره بس ه نعمل اي ادي الله و ادي حكمته وترش الكتوره بنج ل حسين و تخيط له خمس غرز في راسه و تسأل عم محمود و هي يتخيط ل حسين. ابنك ده يا حاج؟ يرد عم محمود لا والله يا دكتوره دول ولاد ام جابر اللي بتبيع خضار في مدخل البلد الست الاصليه بس الزمن جار عليهم. ترد الدكتوره ربنا يسترها علينا و عليهم وتسأل الدكتوره حسين و انت اسمك اي يا معلم يا صغير. يرد حسين اسمي حسين ترد الدكتوره مع ابتسامه ماشي يا معلم سكس كده انا خلصت الحمد لله و تيجي بكره علشان تغير ع الجرح يرد جابر بكره؟ الممرضه مش هترضي تدخلني تاني غير لما يخلص الطابور كله. تضحك الدكتوره ضحكه طويله و تقول له لا ما تخافيش بكره هات أخوك و تعالي وأنا ه خليها تدخل كم قبل كل الناس يرد جابر شكرا يا دكتوره. الدكتوره العفو يا ابني ده شغلي اللي باخد مرتب عليه. بس المهم و انت ماشي هات ل اخوك شويه عصير يشربهم علشان يعوض الدم اللي نزل من راسه يرد عم محمود و يقول عصير اي يا دكتور ه بقول لك دول غلابه مش لاقين ياكلوا ترد الدكتوره و لا يهمك يا عم محمود و تطلع الدكتوره فلوس من الشنطه بتاعتنا و تقوله خد هات لهم العصير اللي نفسهم فيه و انت ماشي. يرد عم محمود ماشي تشكري يا ست الدكتوره ربنا يجعله في ميزان حسناتك ويكثر من امثالك يلا بينا يا جابر انت و حسين سلام عليكم يا ست الدكتوره ترد الدكتوره و عليكم السلام و رحمة الله و بركاته مع السلامه أمشي بعيد عن الشمس يا معلم سحس علشان الجرح يخف ب سرعه. يرد حسين ب ابتسامه خفيفه حاضر حاضر يا دكتوره سلام