تعويذة امى ١

فى بيت يتهيأ للراى ان الامور تجرى به على ما يرام ، ولكن هيهات ما بين الظاهر وما خفى ، فالبيت يكمن بداخله العديد من المشاجرات ولكن إذا كانت الام هى المسيطرة وهى من يتحكم فى مجرى الامور ، فالسيدة لوزة تطلب الطلب مرة واحده واذا لم يوافق عليه الاستاذ حنفى فى التو واللحظه ، عندءذ تتهيىء السيدة لوزة لممارسة بعض الطقوس التى طالما تعودت عليها ، ثم تخرج بعد دقايق معدودة لتجد ان الاستاذ حنفى قد نزلت كلمته أرضا


فالسيدة لوزة ، تتميز بالشخصية القويه والتى تسيطر بدورها على الزوج ، ااستاذ حنفى ، ولكن لهذة السيطرة سر دفين لابد من معرفته اولا


لوزة
حاااانفى انا قلت كلمتى انا بس هى اللى تمشى ، إياك نكون فاكر انى علشان باحترمكقدام العيال يبقى خلاص انت اللى تحكم وتنهى فى البيت ، لا ، القول قولتى والحكم حكمى دة انا لوزة اللى كنت أمشى اقول يا أرض اتهدى ما عليكى أدى، دة انا كنت زمان اخرج من بيتنا المرور يقف اربع ساعات ونص ، وتسأل المرور واقف ليه يا جماعه د يردوا يقولوا اصل لوزة اخت القمر طالعه بتدلع

وبدأت لوزة ان تستعيد ذكرياتنا ايام الشباب وتحكى انها كانت من أجمل البنات بل انها كانت حبا تجمل جميلات البلد ولكن من سوء حظها انها تزوجت الاستاذ حنفى ، ويبدو ان الاستاذ حنفى لم يغضب فقد تعود على ان يسمع منها مثل هذا الكلام كثيرا جدا ، فقط يكتفى بابتسامه مصنعه

وحياتك يا حنفى ولا ليك عليا يمين ولا حتى ان شالله اعدمك تحت عجلات قطار سواقه اهوج ، انا كان بيتقدملى عرسان اكثر من دفعه آداب تاريخ السنادي، بس انا كنت خايبه وحبيتك يا حنفى ووافقت عليك ، ومن يومها وانا حالى فى النازل


قلت لا يمكن اتجوز واحد غير حنفى ، دة حب عمرى ودة الحته اللى فى الشمال


واستكملت حديثها قاءله ... لقد أحببتك يا زوجى العزيز ، لقد عرفت الحب من النظر إلى عيناك ، لقد ولدت من اول يوم لى فى بيتك ، لكنك صدمتنى صدمه عمرى فلم تجد معك الخب المنشود ولا الراحه ولا المال ، فكينا كنت افكر واقول ، لماذا اظل معك رغم ان حياتى صعبه ولكن كنت أتراجع عن القرار فى اخر لحظه وأشعر كان قلبى يقبض منى بسبب فقط انى فكرت فى ابعد عنك ، لذلك لابد لك ان تسمع كلامى وتنفذه بكل حرف فيه فانا الوحيدة التى وقفت بجانبك فى الأوقات المصيبه وتنظر له وتقول

ها يا حنفى هتسمع كلامى ولا ليك رأى تانى

حنفى
خلاص تنزل المرادى بس اعملى حسابك المرة الجايه كلامى انا بس هو اللى يمشى

لوزة
ربنا يديلك طوله العمر ياابو البنات

وفى هذا الوقت تجلس البنات تنظر فى تعجب للقدر الفاءقه للام على السيطرة على ابيهم ، بل ان ابيهم أيضا بعد القليل من التفكير أصبح يوافق الام الرأى ، تجلس البنات ويتبادلن أطراف الحديث ..

وردة تميل على اختها ياسمين وتحاول قدر جهدها تن تخفض من صوتها وتقول ...
وردة
بت يا ياسمين شوفتى امك مسيطرة ازاى؟

ياسمين باستغراب
اموت واعرف سر امك بقالى عشرين سنه باشوف المنظر دة ونفسى اعرف سر السيطرة دى ايه؟

وردة تنظر لاختها باستغراب وتقول..
ما انتى عارفه ياابنتى السر فى الاوضه الظلمه


وكان البنات يعرفون موضوع الغرفه المظلمه لكنهم حتى الان ام يجروؤا على دخول الغرفه المظلمه ولا يعرفوا ما الذى بها وما سر امهم التى طالما اخفته عليهم العمر كله


ياسمين تهز راسها وهى حزينه نوعا ما
ايوة صح هى الاوضه الظلمه اموت وادخلها واعرف اللى جواها

هذا المشهد كثيرا ما يتكرر فى منزل الاستاذ حنفى ، فهو يعمل موظف على الدرجه الماليه الثالثه ، ويبدو ان كلمته لن ولم تنزل الأرض ابدا ، اممم بصراحه انى اكذب ، لأن الاستاذ حنفى طيله عمرة كلمته فى الأرض والست لوزة هى من يمسك بزمام الامور




ودى مدام لوزة ست الستات وكلمتها هى الأولى والأخيرة جوة البيت وبرة البيت


وردة
البنت الكبيرة للأستاذ حنفى ومخطوبه لأسر جواز صالونات بس بدأوا يحبوا بعض ...وردة حلم حياتها تعرف سر امها وازاى هى مسيطرة على ابوها بالطريقه دى

ياسمين
البنت الصغيرة والعاقله اللى فى العيله مبتسيبش فرض ومش فى دماغها اى حاجه غير خطيبها مهاب

وردة تكلم امها وتحاول اقناعها بشىء ما
ماما انا عاوزة طقم الصينى اللى شوفناه امبارح مليش دعوة

وتنظر الام نظرة غضب وتحاول ان تبتلع ريقها بصعوبه وتقول
الام
يا بت دة ب ١٥ الف جنيه دة ابوكى لو حرامى ميعرفش يجيبه


وردة تبكى بدلع وتقول
انا مليش دعوة انا حكيت لأسر عنه وقالى مدا م عاجبك اشتريه
وكان ورده تهدد والدتها وانها تجد من يقف بجانبها
الام بعصبيه غير مفعو
طيب ياااختى خلى سبع البرمبه خطيبك يشتريه اهو كله فى بيته
وردة تنظر لامها بغضب وتقول فى نفسها ، حقا تهالى اخر زمن فهل من المعقول ان تجعل خطيبها يشترى اها الجهاز ، فقد كانت تسمع زمان ان الاب والام يشترون جهاز البنات فما فيه الأجهزة والطاقم ويساعدني العريس أيضا، ولكن السيدة لوزة لديها رأى اخر وهو ان العريس يمكنه شراء كا تحب زوجته ولا داعى لتكليف الاب والام المزيد من المصاريف، واستطردت وردة قاءله ..


وردة
ماما معقول اخليه يشترى الصينى بتاع جهازى يقول علينا ايه مش لاقين ناكل



وفكرت وردة للحظات فى خطه محكمه ربما تفيد فى حل المشكله ، وكانت وردة تعرف جيدا مدةجى كره امها لعمتي وبناتها ، وأن السيدة لوزة تحب دايما ان تكون هى المقدمه وهى وفقط ولا يستطيع احد ان يعلى عليها فى اى شىء

وبدأت وردة فى تنفيذ خطتها وقالت ...
وبعدين عاوزة اقولك يا لوزة البت شيماء بنت عمتي هويدا اشترت اخو الطقم دة

وهنا الام تثار لكرامتها وتقرر ان تكون أفضل من العمه لذلك لابد أن يعرف سعر طقم الصينى ، ولن يقف الأمر على مجرد المعرفه بل لابد أن يشتريه أيضا

الام
انتى بتقولى ايه يا بت هويدا بتشتري لبيتها اامعضمه صقم صينى ب ١٥ الف جنيه دى كانت لسه بتعملها مفتقه علشان البت تتخن شويه وحد يرضى بيها

لا وراس ابويا ماحصل ابدا تلاقيها بتحاول تعمل كدة علشان تغيرني وتفرسنى ولاباقي كمان بنتها ولا فى عريس ولا يحزنون وهى الوليه العقربه دى اللى بتحاول انها تجر رجلين العرسان ، فاكرة ال ايه انها ممكن تجاوزها قبلك انتى واختك ، إنما لا دةةلا بمكن ابدا ده على جثتى وجثه ابوكى


واستكملت لوزة حديثها وقالت
يالهوى اوعى با بت تكون البنت المغضمه دى حالها عريس وهما مخليين علينا مانا عارفه عمتك طول عمرها خربانه وتأمل الحاجه فى السر ومتخبش حد يعرف عنها حاجه ابدا


وردة
لا يامامتى مهى عمتو بتجهز للبت من دلوقتى علشان لما عريس يجى يزيحوها بسرعه ااا قصدى يجهزوها بسرعه


الام
اه بقى كدة يا ست هويدا بتعلى عليا طب والنبى ومن نبى النبى نبى لازم يجيلك طقم ب ٢٠ الف مهو يا انا يااهى

وهنا تبتسم وردة ابتسامه واسعه فقد نجحت خطتها واستكاعت ان تقنع امها بما تريده، كما انها قررت استخدام تلك الخطه فى الايام والمواقف التاليه

وردة
ايوة كدة يا نبع الحنان الله اكبر محدش يعلى على لوزة
بس فى مشكله دلوقتى ازاى هنفاتح بابا فى الموضوع ده ....هو اصلا مكنش موافق على الطقم ابو ١٥ الف معقول دلوقتى هيوافق على الطقم ابو ٢٠ الف


الام
لازم يوافق مهو مش معقول اخته تقعد تتفرد وتنتنى قدام الناس وتقول انها جابت لبنتها احسن من بنتى لا يمكن انا عارفه ومتأكدة انها هتموت من الغيظ علشان انتى واختك بسم الله ماشاء الله تبارك الله انتوا الاتنين اتخطبتوا قبل بنتها ام عرقوب
فهى طبعا تعمل ايه؟
قالت فى بالها اجهز البت وانشر الخبر انى جيبالها المستخبي كله علشان اى راجل ينطس فى نظرة ويروح يخطبها ...ولا تكونش فاكرة ان بنتها ممكن تتجوز قبلك انتى واختك دى تبقى مصيبه دى انا اموت فيها خلى المنحوس خطيبك يتلحلح كدة ويخلص ولازم تتجوزى وتخلى قبل بنتها اوعى يا بت حد يحمل قبلك متبقيش بنت لوزة لو حد سبقك ولا يبقى احسن منك امك طول عمرها تقول ياارب اتهدى ما عليكى ادى

وردة تحاول أن نطمان امها بانهم سوف يتم زفافها قبل ابنه عمتهم وهذا ما تسعى اليه اليه السيدة لوزة

يااالوزة ياااجامد....لا متخافيش يا لوزة ان شاء الله هنتجوز قبلها ...المهم دلوقتى نادى على بابا وعرفه يتصرف فى العشرين الف بتوع طقم الصينى ، احسن انا خايفه ان بابا يرفض ويعطلنا وعلى ما يوافق تكون بنت همتى اتجوزت ، ودى بالك يا لوزة انتى بتتانرى اوى فى طلب الساعده


لوزة مستغربه كلام ابنتها


مساعده ... مش فاهمه يا بت ، هو انا با،لب المساعده من حد




وردة تنظر لامها نظرات مكر وتقول ..

ااها قصدى يعنى يا حجه لوزة على ما تدخلى الاوضه الظلمه وتطلبى المدد والعون وتطلعى وتسيطرى كدة يعنى كل دة برضو وقت



لوزة تنظر لابنتها وقد احمرت عيناها من الغيظ وتقول


وحياه امك د وهو تنا باعمل ايه يعنى انكلمى علطول يا مقصوفه الرقبه انتى ، مش انا يا بت اللى تقعدى تكفى وتدور عليا لا دة انا اعجنك واخبزك والمك واغردك يا عنيه


وردة تنظر بخوف وترقب لأى شبشب طاير يمكنه ان يودى بحياتها

لا خالص يا ست الحبايب يا نبع الحنان وحياتك مش قصدى خالص دة انا قصدى يعنى ان حضرتك لازم تبقة براحتك وانتى بتخططى وبتتكتكى علشان النتيجه تطلع مظبوطه وكدة، بصى حقك عليا يا ست الكل يلا شوفى شغلك الله معك



ودخلت الام لتنادى على زوجها استاذ حنفى امى نطلب منه المطلوب منها ، وهنا تجلس وردة وقد وضعت يدها على قلبها من الخوف من مجرد فكرة رفض ابيها للموضوع ، واكن ثمه طاقه نور تطىء لها وهى آت السيدة لوزة لديها القدرة على السيطرة على المور وقوه اقناع ليس لها مثيل ، ومازالت البنات تريد معرفه سر الام وسر الغرفه المظلمه
وبدأت الام مهمتها وبدأت تنادى على الزوج وقالت بصوت عالى ،،،


الام
عندك حق ...
حنفى يا حنفى ياابو البنات

يخرج الاستاذ حنفى سيد الرجاله من غرفته وهو يتثاءب ومغمض العينين وأكثر من ذلك ينظر فى ساعه يدة
حنفى
اللهم اجعله خير
فى ايه ياالوزة


تقترب لوزة منه وترمى ابتسامه خبيثه وتنظر لابنتها وردة وتغمز لها غمزه خبيثه ، وتعود وترتب على كتب الاستاذ حنفى وتقول...

لوزة
اعمل حسابك عاوزة بكرة عشرين ألف جنيه ، ربنا بخليك ليا وبناتك، طول عمرك كريم ومارينا فى خيرك، دة انا حتى بدعيلك وانا باصلى الفجر واقول روح يا حنفى يا ابن ست ابوها يوسع رزقك وتلاقي فى خطوه دولار اى والله، مالك يا راجل بتبصلى كدة ليه ولا تكونش مش مصدقني، لا دى تبقى مصيبه لو مش مصدقني د حنفى رد عليا قولت ايه يا سيد الرجاله عاوزة بكرة عشرين ألف جنيه


حنفى يفتح فمه من هول الصدمه ويبتسم ريقه بصعوبه وينظر لها مع انه قد بدأ يرى الكون كله الوان الطيف السبعه

حنفى
لييييه فى اييه حد عيان بيموت حد حصله مصيبه ، يا وليه ردى عليا مالك انخرستى ليه ، عشرين ألف ليه ، اوعى يكون فى مصيبه ولا تكونش امى ولا اختى تعبانين وانتى مخبيه عليا


تنظر السيدة لوزة له نظرة غل وغير وتقول

بقى كل تفكيرك فى امك واختك ، يا راجل يا عره ، يا عرة الرجاله بقى يعنى مقولتش بناتى ولا انتى يا مراتى يا لل شايله همى وقرف طول العمر ، خايف بس على امك واختك ياخى ربنا ياخدك زياخدهم وارتاح منكم


وبعد ثوانى تنظر اها وردة وتقول بصوت عالى

ماما صلى على النبى خلينا فى موضوعنا ، واقترت وردة من امها وهى تهمس فى اذنها وتقول
هو دة وقت خافات يا لوزة خدى الراجل على الهادى وخليكى كيوت كدة وحلوة خليه يوافق

الاستاذ حنفى يكرر سؤاله ويقول
ردى عليا يا ام البنات هو فى حدةمات ولا حد جراله مصيبه


اما لوزة فقد ركزت لبضع ثوانى وقالت
لوزة
ياراجل تف من بؤك دة ايام فرح بناتك


حنفى
امال ايه انا بيحصلى شد عضلي لما حد يطلب منى فلوس قوم انتى يا لوزة تطلبى المبلغ دة وتقولها فى وشى كدة من غير احم ولا دستور ؟

لوزة
سلامتك ياخويا من شد العضل المهم الفلوس تكون على الترابيزة الصبح بدرى


حنفى
دة انتى مصرة بقى؟


لوزة
طبعا مصرة ولا تكونش متفق مع اللى ما تتسمى اختك وعاوزه تجيب لبنتها قبلى علشان تكيدونى وتقهرونى .....طبعا ما انت طول عمرك ابن امك وديما تنصر امك واختك عليا


حنفى
يا لوزة امى ماتت قبل ما اتجوزك اساسا ، وانتى من كتر ما بتجيب سيرتها واشتكى منها انا كمان بانسى انها ماتت الله يرحمها وساعات كتير باكون اتصل بيها اقولها يا امى ابعد جى عن لوزة وسيبينى فى حالى ، واختى طول عمرها فى حالها محدش شاغل باله بيكى انتى اللى شاغله بالك بالناس

ولم نكن هذة هى المرة الأولى التى يتحدث فيها الاستاذ حنفى بهذة الطريقه ،، ولكنه طالما اعتبر ان لوزة تتحدث كثيرا بل وتتحدث فى مالا يعنيها وتأتي بالاتهامات لأمه المتوفاه واخته التى لا تذكر لوزة ابدا ، وهنا كان لابد للسيدة لوزة ان تستعيد كرامتها التى قد تبعثرت أرضا لذلك ردت وقالت....
،
لوزة
ياانهارك اسود انت بترد عليا بالطريقه دى قدام بناتى ؟ طيب اخلص بقى وطلع العشرين الف جنيه علشان الليله دى تعدى على خير


حنفى يحاول أن يامالك نفسه ، لكن دون جدوى وبدون قصد قصفها كلمه فى وجهها قلءلا
عشرين ألف عفريت يركبوكى وليه هبله

قالها حنفى وهو يظن ان لوزة لم تسمعه ولكن لسوء حظه فقد سمعته وارمقته بظراتها قاءله

لوزة
حااانفى


حنفى
طيب خليهم ثلاثين ألف عفريت يركبوكى ويجيبوا أجلك


لوزة
حااانفى


حنفى.
دة انا ابقى راجل اهبل لو سمعت كلامك ولا اديتك جنيه



لوزة
حااانفى

حنفى
خابط يحسرنى على شبابك يا لوزة يا بنت ام لوزة ، الحوقونى يا ناس الوليه اتجننت قال ايه عاوزة عشرين ألف جنيه ، دة انا انجوزتك ب ميه وعشرة جنيه ومبارك على بعضه متجيش ٤٠٠ جنيه ، يعنى اقدر افكر بعشر نسوان على الموضه وليه هبله بصحيح
انتى لازم تعرفى انتى وبناتك انى راجل اوى فى بيتى وكلمتى انا بس هى إلى بتمشى ، فاهمه ولا مش فاهمه يا وليه يا عرة النسوان ، يا كسر الحريم يا بقايا الحرب انتى


لوزة
كدة؟؟ ماشى يااحنفى ...

وهنا تقرر السيدة لوزة ان تدخل للغرفة المظامه والتى تدور حولها العديد والعديد من الاتهامات والشكوك ، فهل يا ترى تستطيع لوزة ان تجد لها حل فى هذة الغرفه ، فهى فقط قررت لتوجه اها وطلبت من ابنتها...


بت يا وردة انا داخله الاوضه الفاضيه مش عاوزة حد يخبط عليا ولا حد ينادى كل واحد يحط لسانه جوه بؤة واللى ها اسمع صوته مش هتطلعله شمس


ودخلت الام الغرفه الظلمه ولم يعرف احد حتى الآن سرها ، ولكن الام تخرج من هذة الغرفه بكل ما تريد وكان هذة الغرفه يكمن بها مصباح علاء الدين

وردة
تمام يا ماما ربنا معاكى يا لوزة


وقد سمعت الابنه الصغرى ياسمين صوت خناق ما بين ابيها وامها وقد خرجت من غرفتها للتو لترى امها وقد توجههت إلى الغرفه المظلمه وهنا حتى ياسمين اصبحت متاكدة تنه هناك سر دفين فى هذة الغرفه واصبحت متاكده أيضا ان تمها سوف تخرج عليهم بعد لحظات وقد كسبت المعركه
ياسمين
برضو دخلت الاوضه الظلمه ربنا يهديكى ياامى


وردة
يااختى قولى ربنا يعينها دى بتعمل كل ده علشان خاطرى ..حبيبتى يا مامتىالتانى
لوزه لسه فى الاوضه الظلمه والتعويذة شغاله ياترى ايه اللى بيحصل ؟؟؟؟
وبعد ساعه....

لوزه خرجت من الاوضة الظلمه‏ جريت عليها وردة... ‏

وردة تعرف جيدا مدى قدرت امها على السيطرة على الامور ولكن هذا ام يمنع توترخا وقلبها لذلك قررت أن تطمان نوعا ما وتسأل امها عن النتيجه
ورده
ايه الأخبار يا ماما عرفتى تسيطري ؟

لوزه بفخر وترفع راسها عاليا تقول
عيب عليكى يا بت ده انا لوزه ام البنات


وهنا قد أتى اسر خطيب وردة وقد سأل عن حماته وعرف انها تستريح قليلا ولكنه اندهش من قلق وردة وياسمين واستغرب بشدة احوالالمنزل فى مثل هذا الوقت فإن تعويذة امى ليس لها وقت معين
اسر
هو فى ايه انتوا ساكتين ليه كده

قالها اسر خطيب وردة وقد قام بالكلام مع حنفى ولوزة من قبل على عدد غرف الشقه التى تصلح للزواج ، وقد كان الاستاذ حنفى من صفه ، اما الان فقد دخلت لوزة الغرفه المظلمه ولا نعلم رد فعل حنفى فيما بعد

حنفي
يا اسر يا بنى شقه ‏مطرحين و صاله صغيره اوى كلها كام شهر و يجى نونو صغير كده يلعب فين ؟


اسر (متنح)
هو فى ايه ايه اللى حصل يا عمى حضرتك كنت موافق على رايى

حنفي
ايوه يا حبيبي بس انا فكرت كويس ولقيت ان احنا ‏ جايبين حاجات كثير. ‏يا ابني وردة جايبه طقم الصيني بس بعشرين الف انت عارف يعني ايه عشرين الف ؟

اسر
‏يا عمي عارف ‏طنط و وردة قالولى بس ‏أنا لسة ورايا حاجات تانية كتير في لسه أجهزة و فى عفش وفي الفرح ‏كل ده عاوز فلوس كتير جدا طالما في شقة كويسة نقعد فيها لغيت ما ربنا يسهلها وأنا لو في يدي حاجة كنت عملتها

لوزه
‏يعني ايه يا أخويا واما أنت مش معاك لكل الالتزامات ديه ‏بتتزوج ليه ؟ ولا هى بنات الناس لعبه؟

اسر
‏خلاص يا حماتي حلو اوى على كده و لو أنتوا عايزني‏ يبقى نستنى ثلاث او أربع سنين لحد ما أعرف اجيب التلات مطارح وصالة و فلوس الفرح واجهز كل الالتزامات اللي عليا

ورده
‏يعني ايه مش أنت قلت كلها كم شهر و هنتجوز يعني ايه مش هنتجوز دلوقتي ؟
بدا الأمر يزداد سوءا فقد قرر الاب ان يأتى العريس بشقه اوسع والابله تريد أن تتزوج على ايه حال ولكن هناك عده مشكلات لا يمكن تخطيها فى الوقت الحالى لذلك يرد اسر وقد انتابه الحزن والقلق والتوتر

اسر
‏اجيب منين اشتغل حرامي اللي داخل علي اد ‏اللي خارج ‏وإنتي عارفه. ظروفي كويس ، وبعدين انا باقول انا وردة احنا اتنين بس ولما يبقى يجى نونو يبقى ربنا يفرجها، المهم اننا نتجوز دلوقتى وأهم من ده كله اننا مطلعش من ااجواز مديونين انا ما صدقت انى اسدد ديونى واخلص اللى ورايا مش معقول يعنى اروح اجيب شقه تانى اوسع بالشيء الفلاني وادين نفسى لمدة خمسين سنه لقدام

ورده
‏ ‏الحقي يا ماما ده بيقول كم سنة يعني ايه كل بنات العيلة تجوز وانا ولا لسه ، ياليتك يا وردة يا ميله بختك يا وردة لا مهو ا مش هافضل قاعده زى خيبتها كدة ، لا دة انا ممكن جدا اتجنن وممكن انتحر كمان لا ياماما شوفيلك حل اتصرفى

اسر قد وجد الامور تتعقد تكتر وقد مجد ان وردة لدا علبها التوتر والجميع صامت فقط يستمعون للندب من وردة لذاك قرر اسر ان يغادر حتى يجدوا رأى مناسب يستطيع هو تنفيذة



‏أستأذن أنا يا عمى ولو غيرتوا رايكوا كلمونى
وبعدما خرج اسر اجتمعت الأسرة لكى تجد حلا يناسب جميع الاطراف
ورده
لا لا انا ماليش دعوه اتصرفي يا ماما


لوزه
‏قل لي يا أبو البنات هنعمل ايه البت منهاره ايه العمل

حنفي
مش عامل حاجه انا وافقت على رايك يا لوزة ايه المطلوب منى تانى؟ والبت ديه عاوزه ايه عاوزه مطرحين. و صاله ولا التلات مطارح وصاله ولا عايزة تتجوز والسلام ؟



ورده
ماما انا عاوزه اتجوز قبل بنت عمتى يا ماما بقى البت المسلوعه ديه تتجوز قبلى وأنا اقعد كمان سنتين ولا تلاته دة انا كنت اتقهر واموت فيها قومى شوفى حل فى الاوضة


لوزه
اعمل ايه يا حبيبتي استنى بكره ان شاء لله نشوفلك حل

ورده
لا مش هقدر انام لغايت بكره ادخلى دلوقتي يلا يا ماما عشان خاطرى ارحمونى ياناس مستقبلى بينهار

لوزه
مستقبل ايه هو انتى نافعه فى حاجه ....
وعلى فكرة موضوع الاوضه دة مينفعش غير مرة واحده بس فى اليوم

وجلست وردة فى غرفتها تفكر تفكير جنونى ، ماذا تفعل فقد تأزمت المواضيع ، لكنها لم تستسلم وقررت ان تعرف سر امها وان تمارسه بنفسها


خلت كله ينام ‏واتسحبت ‏وراحت الاوضة الظلمة وكان قلبها بدق اوي وصوته عالي وبكل هدوء...
‏فتحت الباب

والمفاجأة

ورده
‏ايه ده ايه ده الاوضة مفيهاش نور فين الموبايل بتاعي اولع الكشاف معقول؟ الاوضة عادية جدا
‏ ده سرير ومكتب و ورق كتير
امال ماما بتعمل ايه كل ده انت يا اللى هنا أظهر بقى مهو انا لازم اعرف سر امى


عفريت اسمه زعزوع
السلام عليكم عامله ايه يا انسه وردة

ورده
بسم الله الرحمن الرحيم ايه ده انت مين


عفريت زعزوع
انا زعزوع متاجر من امك الاوضه دى......ايه اللى داخلك هنا يا ورده مش احنا قولنا كده غلط

ورده
فى ايه يا عم العفريت خليك رويح كده


العفريت زعزوع
حاضر يا ستى هيخلينى رويح.... انتى ايه اللى داخلك هنا

ورده
بصراحه انا عاوزه اتجوز شوفلك حل بقى وزى ما بتنفذ طلبات امى تنفذ طلباتى

عفريت زعزوع
هو ايه ده انا باخد اوامر مره كل يوم نامى والصباح رباح


ورده
‏ يعني ايه؟ أنت مش عفريت يعني بتعمل أي حاجة في أي وقت ولا انت عفريت نص لبة

زعزوع
ياعينى عليكى جت الحزينه تفرح، ما لقيتلهاش مطرح مش هازعل منك علشان عارف ان نفسيتك تعبانه

ورده
‏أنت عفريت بجد ده أنت شكلك عفريت من ‏بولاق ولا إمبابة

عفريت
و‏مالها يا أختي بولاق ومالها امبابه دى فيها عافريت رجاله توقف الحته دي كلها على ‏رجل

ورده
‏ أنت متأكد انك عفريت بجد بحق و حقيقي.

زعزوع
ياختى اتوكسى وخليكى فى خيبتك على راى المثل أعمى يقابل أعمى يقول له ليلتنا سودة اللي اجتمعنا.

ورده
‏ايه خالتي اللتاته دى ؟ أنت بتعرف أكثر مني.... مش بقولك انت عفريت من بولاق

زعزوع
طيب يلا يا حلوة ياامودرن ‏أنتي مفيش فى ايدك حاجة وأنا مش حأعرف اعمل حاجة دلوقتي بكرة الصبح إن شاء الله نشوفلك حل فى مشكلتك





اطمانت وردة قليلا بعدما اتفقت مع العفريت انه ومع طلوع الصباح لابد أن يجد لها حل فى مشكلتها ، أو أنه كما تريد يفعل ما تريد هى ، وقد تم الاتفاق فيما بينهم على هذا

زعزوع
‏تمام يا حلوة تصبحى على خير

وردة
يلا تصبح على خير يا شبح

وضربت وردة زعزوع على كتفه فى هزار....

زعزوع
اى ايدك جامده ياالى تتشكى فى قلبك

ورده
فى ايه بتصوت ليه هو انا بضربك بنار ده ايدى


عفريت
ايه ربنا يكون في عون اسر ده لو يعرف عميلك كان طفش من بدرى

ورده
اوعى توصله حاجه انت عفريت محترم وبعدين انا وانت دلوقتى بقينا أصحاب

زعزوع
لا عيب ماتخافيش سرك فى بير انا مش هقوله على حاجه عارفه ليه ؟

ورده
ليه يا عم العفريت اوعى تقولى انك معجب ‏بيا

زعزوع
لا طبعا ده ربنا يكون في عونه منك على راي المثل عفص وكرفس وشيء يصد النفس.

ورده
هو انت تطول دا انت عفريت قصير شبر ونص
وعلى راي المثل الطويلة طول عز، والقصيرة حبة رز. نحن نبني لكم القصور وأنتم تحفرون لنا القبور،

زعزوع
على رأي المثل الطويلة دايما محنية، والقصيرة لك بنية


ورده
ههههههه انت عرفت كل الامثلة ديه منين يا اروبه


عفريت
من كتر القعده معاكى انتى والست الوالده



ورده
طب ايه رايك انك تشتغل معايا زاى ماما

عفريت
انتى مش هتقدري على طلباتى انا اى شركه تتمنى انى اشتغل معاها بصراحه كدة انا مرتبى كبير اوى عليكى


وفى اللحظة ديه لوزه دخلت

لوزه
مين هنا انا سمعت صوتك اطلعي من هنا بسرعة

ورده
ايوه يا ماما

لوزه
انتى ايه اللى دخلك هنا وانت ايه اللى ‏خليك تظهر لها ...انت عاوز الناس تقول عليا مربيه عفريت فى بيتى

زعزوع
يعنى قصدك ان وردة فتانه ؟ طيب ‏خليها تعملها كده وأنا اقلبها قرد بسلسلة وابقى ‏قولي لي مين هيبص فى وشها تانى

ورده
قلبل ابيض يا عم العفريت

زعزوع
لا يا ورده انتى لو قولتى حاجه كده انتى بتقطعى عيشى وانا مش ‏هسمحلك. سمعتى

لوزه
اطلعي بره انا مش عارفه دخلتي هنا ليه

ورده
‏يا ماما كنت عاوزة اعرف سر الاوضه الظلمه وبصراحه بقى الموضوع عجبنى وعايزه يشتغل معايا ويمشى اسر على العجين ميلخبطوش


لوزه
‏أطلعى يا بنت بره شغل ايه يا ام شغل العفريت ده بتاعي أنا بس و لو حد عاوز منه حاجه لازم يدفع خلو رجل اه مهو انا مش هاصرف من جيبى

ورده
لا يا ماما ده من جيب بابا وانا هقوله

وخرجت وردة من الاوضه الظلمه وناويه على الشر ناويه تقول لوالدها ان ماما مربيه عفريت فى البيت
وهى ‏ ‏داخله عند ابوها زعزوع العفريت ‏عمل شغله ...ورده حست ب رجليها رجلين معزه ..... أول ما شافتها كده صوتت ‏ودخلت الاوضة تعيط اما زعزوع دخل لى وراها

عفريت
‏ايه رأيك بقى ‏المرة الجاية اخليكي قردة أنتى حره سمعتي يا حلوة يا جميلة

وهنا قررت و دة ان تعترف بأن العفريت يستطيع أن ياذيها وانها لابد وان نحافظ على سرة وسر امها حتى عن أقرب الناس لها

ورده
سمعت وعرفت انك تقدر


العفريت شاف ورده وهى بتعيط طول اليوم ولوزه قالتله تعال نفكر فى موضوع الشقه ونشوف حل مناسب للطرفين وقعدوا يفكروا.


ياسمين
ماما كنت عايزاكي فى موضوع كده

لوزه
ايه انتى كمان فى مشكله فى شقه ولا فرح ولا فستان قولى قولى ‏ما تكسفيش منى ابدا يا حبيبتي


ياسمين
لا يا ماًما شكرا انا عاوزه بس تخلى البيت بكره مش كل شويه عياط ومشاكل وبلاش الاوضة ديه علشان خطيبى جى يزورنا

لوزة
ماشى يا حبيبتى يشرف


لوزه

زعزوع عايزاك وفى موضوع كده


زعزوع
قولى انا تحت امرك


لوزه
عاوزك تعمل كرت رعب لياسمين

عفريت
ليه بس ده ياسمين طيبه جدا

لوزه
نفذ كلامى من غير تفكير
ودخل العفريت غرفه ياسمين لكى ينفذ امر اليت لوزة ولكنه فوجىء بشىء ام يستطع هو على فعله


زعزوع
الحقيني با لوزة ....جيت اعمل فى ياسمين زاى ورده التعويذة بتترد عليا مافيش حاجه بتحصلها ده محصنه


لوزه
محصنه نفسها النصحه البت ديه طول عمرها كده عارفه بتعمل ايه

إنما بنتى ورده زاى فى كل حاجه



ورده
ماما خطيبي ‏‏جاي يخبط على الباب عاوزك فى موضوع قبل بابا ‏ما يجي





لوزه
جبت سيرة القط طلع ينط فى ايه يا بت ايه اللى حصل انتى يا. مقصوفة الرقبه تعالى قولى حصل ايه عشان لو فى حاجه اعرف ارد


ورده
هو فى حاجه لس مش عارفه حاسه انك مش تعرفى تعمليها ولا تحليها


لوزه
يعنى فى مشكله بس يا ناصحه مفيش حاجه تيتعصى على لوزة تعالى كلميني هنا


والباب خبط و كان فعلا اسر خطيب وردة

اسر
السلام عليكم ازيك يا حماتي وصحتك اخبارها ايه

لوزه
الحمدلله يا حبيبي تسلم وتعيش قولى يا بنى فى حاجه حصلت من البت ورده

اسر
لا ابدا يا حماتي ورده ديه ست البنات بس كنا بنتكلم في حوار كده ورده قالت حضرتك الوحيده اللى هتخلصى الحوار ده

لوزه
ما تقولى قبل ما عمك يجى ونعرف نفكر

ورده
بصى يا ماما يا ست الكل ‏الموضوع ده أنت الوحيدة اللي تعرفى تخلي بابا يوافق عليه
قالتها وردة وقد كانت تقصد بها ت تستفز غيرة وثقه امها فى نفسها
لوزه
‏ما تقولى يا بنت ما تقول يا ولد هي فزورة يعني ‏ما تقولوا

اسر
‏بصى يا حماتي ‏احنا دلوقتي عاوزين نتجوز وأنا موافق على انى اشوف شقه واسعه زى ما طلبتوا بس المشكلة إني مش معايا كميه فلوس اللي تطلبها النادي والفستان و الميكب والتصوير

لوزه
‏ايوه عاوز نعمل ايه بقى عايزني أنا اللي اجوزك ولا ‏اجيبلك الفستان واعملك ميكب هو أنت داخل على طمع ولا ايه يا واد انت فاكر ورد ديه بنت الباشا ‏ده ابوها على باب الله اااا قصدى ابوها ابن ناس


ورده
.‏يا ماما انتى الخير و بالبركة بردو ‏وبصراحه كدة
‏احنا عايزين نتزوج قبل البنات كلهم يرضيكى الناس كلها ‏يتجوزوا واحنا
نقعد نسقف فى الفرح

لوزه
‏اللى عايز يتجوز ما يتجوز وانت يا ابني مش معاك فلوس كفاية يبقى نستنى شوية على الجواز
احنا كل حاجه هندخل فيها اتصرف انت يا حبيبي
شوفوا موضوع الشقه وخلصوها وشوفوا الفرح والفستان وكل اللى انتوا عاوزينه



ورده
‏يا ماماكدة نستنى سنين مش شهر ولا اتنين فهماني يا ماما وخالتي وعمتي وبناتها يا ماما ركزي معايا شوية

لوزه
‏ماشي يا وردة بس يكون فى علمكم ده أخر طلب تطلبيه ‏ربنا يستر بقى لما اشوف أبوكي هيقول ايه


كانت وردة تتحدث مع امها بقه كبيرة فهى تعلم جيدا ان امها لديها من الأسرار ما يجعلها تستطيع أن تحل المشكلات ، وبالفعل وردة تردد كلمه لفتت انتباه الخطيب ، امى لازم تحلى الامر مثل كل مرة

خطيب وردة
‏هو ايه اللي زي كل مرة هو انتى تعمل ايه يا حماتي ؟

ورده
‏حتكون بتعمل ايه ي أخويا اصلا بابا بيحبها وكلمتها عمرها ما نزلت الارض ابدا

اسر
ربنا يخليكوا لبعض يا حماتي

اول ما داخل حنفي معاه فاكهة ياسمين ووردة قسموا الفاكهة عليهم

اسر
هههههه انتوا بتعملوا كده ليه

ورد
اسكت ده بابا كل ما يجيب حلويات او فاكهة تصحى الصبح ماتلقيش منها حاجه

اسر
ازاى ده طب شوفوا احسن يكون فى عفريت بيجى ياكل ده كله


حنفي
‏يا ابني جبت شيوخ كتير ‏بس كل واحد يجى ‏أول ما يدخل البيت كده يبص ويجري
يا ابنى نقول الحمد لله أنها جت على قد كده ‏أحسن ما يطلع عفريت ‏شرير ويعمل فينا حاجة ههههههه


اسر
عندك حق عفريت طيب طب أستأذن انا بقى عشان عندى شغل

حنفي
هو فى ايه الواد ده جيه ومشي فى ايه هو كان فى حاجه يا لوزه ، مش عارف ليه الواد ده بقى تصرفاته غريبه شويه والبت وردة كمان مش عارف ليه قلبى مش مطمن ليهم ليه


لوزه
بصراحه ايوه الواد كان مكسوف يفتحك فى الموضوع ، علشان كدة كلمنى انا وقالى يا طنط انا عارف ان عمى حنفى سيد الرجاله وهو صاحب الكلمه الأولى والأخيرة فى البيت علشان كدة كنت طمعان انه يساعدني

حنفي
‏ايوه خلصي ‏في ايه بقى خشي في الموضوع على طول


لوزه
بص يا سيدى ورده وخطيبها عاوزين ‏يتزوجوا والواد موافق على كل طلباتى اااا قصدى طلباتك انت ايه رايك

حنفي
‏اللي عاوز يتجوز ما يتجوز انا مالى ، هو انا بعنى اخلف وأربع واجهز واساعد المحروس كمان ليه هو انا بناتى بيريين ولا باييرين

لوزة
بصراحه كدة الواد عاوز اننا نساعدهم


حنفى
لا طبعا كفايه علينا الجهاز وطقم الصينى ابو عشرين ألف

لوزة
بس انا قولت هنساعدهم يا حنفى ولا هتكسر كلامى؟

ياترى الاستاذ حنفى هذة المرة سوف يكسر كلام الست لوزة تم انها سول تسيطر عليه وعلى رايه كعادتها....