صفقةعلىحياةأنثى البارت 11

رواية
صفقة على حياة أنثى
البارت 11


_________________
و نكمل من حيث انتهينا البارت اللي فات و عند عمنا أحمد و هو قاعد قال لامه هناء ادعيلي انتي بس و اكيد ربنا هيحققلي كل احلامي بفضل دعواتك يا ماما
الام : كل حاجة بفضل الله يابني المهم لازم تجتهد وتسعى و الأهم اكتر خلي املك في ربنا كبير و خليك متفائل دايما و ربنا هيعوضك عن كل حاجة بإذن الله
احمد : ان شاء الله يا ماما بس انا صعبان عليا انها انكسرت بسببي كانت جاية و كلها امل اني ما اتخلاش عنها و اتمسك بيها بس انا خذلتها يا ماما و خليتها تمشي مكسورة و مقهورة كان لازم أبقى راجل وما اتخلاش عنها لكن ظروفي غصب عني كان نفسي تكون حياتي احسن من كده ما كنتش هتخلى عنها مهما حصل
الام : يابني انتا عملت عين العقل ما ينفعش تظلمها معاك و كمان أهلها ما كانوش هيوافقوا اصلا على جوازه زي دي لبنتهم مش تقليل منك يابني انا عارفة انك انتا راجل و سيد الراجلة و البنت اللي هتكون من نصيبك امها دعيالها بجد بس كل واحد و نصيبه في الدنيا و انتا قدرك تتحمل المسؤولية في سن صغير و تشيل حمل فوق طاقتك وما تعيشش شبابك زي اللي بسنك
احمد و بابتسامة يتخللها الحزن ايضا : ده بس عشان انا ابنك بتقولي كده
الام : لا يابني انتا نعم الابن و ربنا يجازيك خير الدنيا والاخرة و يعوضك و يسعدك و يرزقك يارب يا احمد يابن بطني
فراح احمد وقف و قبل رأس امه ثم قال
ربنا يخليكي ليا و ما يحرمنيش منك يارب يالا هاستئذنك ادخل اذاكر شوية و بعدين انام تصبحي على خير يا احن ام بالدنيا
الام و انتا من اهل الخير يا حبيبي
________________
اما عند هدير و صلاح ببيتهم بيتفق على التجهيزات
صلاح : طيب استئذن انا بقا و بكرة الساعة عشرة هاجي و نروح نشتري الشبكة لعروستنا الحلوة
الام : لسة بدري يا صلاح بيه خليك منورنا كمان شوية
صلاح : لا يا دوب كده عشان عندي شغل بكرة بدري يادوب ألحق اخلصه و اجيلكم ان شاءالله
محسن : ولا يهمك يا صلاح بيه شرفتنا و نورتنا و ربنا يجعله نسب خير يارب
صلاح : ربنا يخليك يا محسن يالا سلام
وخرج اللي اسمه صلاح ده عم عمنا سعيد اللي لسه ما شوفناش وشه و اول ما خرج من باب الفيلا صعدت هدير الي غرفتها و ظلت تبكي و تتذكر ايامها مع احمد ثم امسكت الهاتف و حاولت ان تتصل باحمد لكنها تراجعت ثم حاولت مرات اخرى وبالاخير لم تتصل به واتصلت على صديقتها انجي
انجي : ايه يا بنتي فينك من الصبح اتصلت عليكي كتير وموبايلك مقفول
هدير : كنت قافلاه
انجي : ليه بس مالك
هدير : تشهق بالبكاء و تئن
انجي : يا بنتي اهدي طيب و طمنيني عملتي ايه
هدير : روحت و كلمت احمد و حصل ..... و حكت لانجي كل شئ بالتفصيل
انجي : هدير يا حبيبتي ما تزعليش نفسك خليكي متماسكة و قوية و عيشي حياتك
هدير : الكلام سهل اوي بس ما حدش حاسس باللي جوايا انا باموت بجد
انجي : صدقيني مسألة وقت بس و هتنسي يا هدير كلنا مرينا بنفس الظروف دايما الجرح بأوله بيألم كتير بس بعد مدة الوجع بيروح ويخف واحدة واحدة لحد ما الجرح يخف و الوجع ينتهى خالص و يروح و ننسى
هدير : بس انا جرحي غير يا إنجي انا اهلي باعوني عشان الفلوس باعوني لواحد ما اعرفوش عشان فيلا و عربية و شركة انتي لو مكاني كنت هتفهمي جرحي
انجي : حبيبتي بصي للحاجة الحلوة بالموضوع فكري بانك هتقدري تحققي حلمك و تكملي دراستك فكري في الحياة المختلفة اللي هتعيشيها فكري في الإيجابيات وانسي اي سلبيات هتلاقي نفسك مراتحة شوية على الاقل
هدير : يووووووووه حتى انتي صديقتي الوحيدة مش فهماني ولا حاسة بيا بتتكلمي زي ماما و بابا حتى احمد اللي حبيته و كنت مستعدة احارب الكل عشانه اتخلى عني بسهولة لكن بالرغم من كده انا مقدرة ظروفه شهادة حق تتقال احمد معاه حق في اللي عمله انا ما اعرفش حالته ايه دلوقتي و هو حاسس بالعجز لانه مش قادر يكون مع الانسان اللي حبها بسبب ظروفه و بسبب مجتمع عقيم كل تفكيره في الحياة هي الفلوس و المظاهر الكدابة مجتمع بيقيس سعادة البنات على حسب جوزها معاه كام و رصيده بالبنوك كام او بيشتغل ايه مجتمع بيتعامل مع الانسان هو ابن مين او يمتلك ايه او وارث ايه انا كرهت المجتمع ده كرهت الاهل اللي بيحسبوا سعادة بنتهم على حسب هو العريس اللي جايلها ابن مين و معاه كام و عايش فين وووووو اقسم بالله لو الانتحار ربنا حلله كنت انتحرت و خلصت من العذاب اللي انا فيه ده
انجي : انتحار ايه يا مجنونة اوعي تفكري كده ابدا
هدير : انجي انا هقفل تصبحي على خير
انجي : طيب بس خليكي قوية و بطلي التفكير السلبي ده و اكيد ربنا هيحلها من عنده
هدير : ربنا يسهل سلام
_______________
و في اليوم التالي أتى صلاح ثم خرجوا جميعا لشراء الشبكة و فستان العرس ... و تمر عدة ايام و تنتهي هدير و عائلتها من تجهيز كل شئ و جاء يوم كتب الكتاب ... و صلاح جاء و معه المأذون و بعد ان تم كتب الكتاب و تجهزت هدير للسفر
و بعد ان استعدت للسفر و تجهزت و جه صلاح عبد الهادي و معاه حراسته و اخدها و ركبوا عربياتهم بما فيهم اهلها و وصلوا للمطار فقال صلاح انتوا خليكم هنا لحد ما اخلص الاجراءات و ارجعلكم علطول ولو احتاجنا العروسة عشان الإجراءات هبقى اقولكم
الاب : تمام و انا هافضل معاهم هنا لما حضرتك تخلص كل حاجة
صلاح : اوكي يالا ما تقلقيش يا عروستنا كل حاجة هتكون تمام
هدير : بعدم اهتمام بصتله ولم ترد وبعد ما صلاح راح يخلص الاجراءات
الام : الف مبروووك يا حبيبتي ربنا يسعدك و يريح بالك يارب خلي بالك من نفسك و استهدي بالله كده سعيد اكيد طيب و محترم و مش هيزعلك
هدير : تهمك سعادتي اوي يا ماما عشان كدة بتدعيلي و بعدين ما تخافيش يا ماما انا مستهدية بالله ماتقلقيش مش هابوظ الجوازة و اخسركم مشاريعكم اللي بتحلموا بيها انتوا بعتوني و خلاص و انا رضيت بالبيعة دي
الاب : ليه يا بنتي بتقولي كده احنا مش بعناكي عشان تقولي كده احنا جوزاناكي لشاب زي الوردة و هيصونك و يحميكي و يعيشك احسن عيشة
الام : انتي بقى كلامك تقيل اوي يا هدير و جارح بس معلش بكرة تعرفي انه جوازك من سعيد لمصلحتك
هدير لمصلحتي برضه ولا لمصلحتكم انتوا صفقة دخلوتها على حساب بنتكم علشان تعيشوا فوق مع الناس الارسطوقراط بس افرحوا اديكم كسبتوا الصفقة و شركتكم هتكبر و شغلكم هيتوسع واكيد هتعيشي بفيلا احسن من فيلاتكم و بمكان راقي و هتركبي احدث العربيات يا ماما مش ده اللي انتي بتحلمي بيه علشان كدة بعتيني للشاب الغني رومتيني لواحد ما بحبوش ولا حتى اعرفهصحيح انتوا ربحتوا الصفقة و هتطلعوا و هتبقوا في العالي بس كل ده على حساب بنتكم الواحيد
الام : ردت بعصبية هدير كفاية بقا كلامك اللي زي السم ده بلا بعناكي بلا زفت بصي لمستقبلك بلا حب بلا كلام فارغ و بعدين خلاص انتي اتجوزتي و مسافره لجوزك دلوقتي بدل التفكير في البيع و الشرا و الكلام الفارغ اللي بتقوليه ده فكري بالحياة اللي هتعيشيها و العز اللي هتكوني فيه بنات كتير بتحلم و بتتمنى تتجوز جوازة زي دي ومن رجالة كبار اد ابوكي و اكبر كمان بس الحظ ما ساعدهم انتي حظك جالك لحد عندك و اتجوزتي من شاب زي الوردة بطلي بقا السم اللي عمال ترمي من وقت ما وافقتي على الجوازة و حاولي تعيشي بقا و تنبسطي بالاملة اللي هتبقى فيها سيبك من كلام الافلام و المسلسلات الهندي ده
الاب : خلاص يا سهير بلاش تضغطي على البنت سيبيها تتكلم و تطلع اللي جواها اتكلمي يا بنتي فضفضي و طلعي اللي جواكي بس صدقيني يا حبيبتي هتعرفي إننا عملنا كده عشانك انتي و بس ربنا يهديكي يابنتي و يريح بالك و ما تنسيش لو حصل مهما حصل و حتى لو كرهتيني انا و امك خليك فاكرة انه انتي بنتنا وحتة مننا و لو حصل معاكي حاجة او سعيد زعلك بيوم من الايام اتصلي بيا علطول هتلاقيني عندك بنفسك اليوم و ان شاء الله ربنا ما يجيبش زعل بينكم يارب
هدير : ان شاء الله ربنا يسهل
و بعد ساعة تقريبا جه صلاح و قال يالا يا عروستنا عشان نخلص باقي الاجراءات و ذهبت هدير و ابوها مع صلاح لكي ينتهوا من اجراءات السفر و بعد ساعة ايضا من انهاء الاجراءات و الاوراق اللازمة قال صلاح كده خلاص خلصنا كل حاجة يالا بقا عشان ندخل عشان الطيارة سلامي على أهلك و ودعيهم يا هدير
هدير : ودعت اهلها و هي تبكى و قالت لمحمد خلي بالك من نفسك يا محمد و خلي بالك من بابا و ماما
ثم ذهبت و هى تكاد لا ترى من كثرت الدموع التي بعينها
صلاح : قرب منها و وضع يده عليها و قالها كوني مرتاحة مش هتلاقى غير كل خير و هتتبسطى على الاخر و مسح دموعها و هو ينظر اليها نظرات اربكتها و جعلتها تشعر بالخوف و قالها مش عاوز اشوف دموع في عيونك الحلوة دي بعد النهاردة اوكي
هدير : اومأت برأسها اوكي و لكن من داخلها تشعر بالخوف فهو ينظر اليها بشكل غريب ليست نظرات رجل لامرأة ابنه و لكنها حاولت نزع الافكار السيئة من رأسها و قررت ان تكون قوية و ليست ضعيفة هي و ضعت في اختبار صعب و لابد ان تنجح فيه و ان تكون قوية و تنسى ضعفها ذاك
و بينما هي شاردة تفكر بحالها و تقوي نفسها بنفسها نتركها ونذهب عند احمد
________________
و عند احمد في ذلك الوقت ذهب الي بيت هدير قبل ان تخرج لكي يراها لاخر مرة و لكنه بمجرد ما رأها تخرج من البيت مع اهلها و صلاح بيه اختبأ لكي لا يراه احد و دموعه في عينيه و ودعها من بعيد حتى لا تراه هي ايضا لكنه ارد فقط ان يراها قبل ان تسافر وحسب
و بعد ان ذهبت هدير مع اهلها رجع احمد الي عمله و هو حزين ومكسور وجلس يحدث نفسه وكأنه يتحدث مع هدير ايضا و قال لو كنت بظروف احسن من اللي انا فيها دي ما كنتش اتخليت عنك بالشكل ده ولا كنت خليتك تكون ملك لحد غيري بس غصب عنى الفقر كسرني و مخليني ضعيف ما قدرتش ادافع عنك واحارب عشانك سامحني يا هدير ياريت تسامحيني على ضعفي وقلة حيلتي جاء صاحب الورشة فوجد احمد يتحدث مع نفسه و الدموع تملأ عيناه فقال له مالك يا احمد الست هناء جرالها حاجة يابني
احمد : لا الحمد لله ماما كويسة
الحج ،،،،،،، : اومال مالك يابني مهموم و حزين كدة ليه
احمد : من الحياة يا عم ،،،،،،، كل ما اقول هتتعدل والدنيا هتتضحكلي ترجع تكشر بوشي تاني كأنه مش مكتوبلي افرح زي الناس ليه بيحصل معايا كل ده ربنا اخد مني ابويا في عز ما انا محتاجله واخد معاه كل حاجة
الحج ،،،،،،، : بص يابني هاقولك كلام خليك حاطه حلقة بودنك ربنا سبحانه وتعالى موزع الارزاق على خلقه بالعدل يعنى مش كل الرزق فلوس فيه ناس ربنا عطيهم الفلوس و واخد منهم الصحة او الذرية او راحت البال وراحت البال والرضى دول اهم وافضل رزق ممكن يعطيه ربنا لعبده فدايما احمد ربنا على كل حال ربنا عادل يابني ما بيظلمش حد وابوك الله يرحمه ما نقصش من عمره ثانية الرسول صل الله عليه وسلم مات ابوه وامه كانت لسة حامل فيه وامه ماتت وهو لسة صغير و عاش يتيم و هو رسول الله خلي عند امل في ربنا انه هيكون جنبك طول ما انت بتسعى وتجتهد في حياتك ودايما خليك قريب من ربنا هيساعدك ويحققلك كل احلامك
احمد : اللهم صل وسلم و بارك عليه الله ربنا يحفظك يا عم ،،،،،،، الكلام معاك خلاني ارتحت و فعلا لازم ابص لمستقبلي و اسعى و اجتهد عشان اوصل لحلمي واحقق كل امنياتي بالحياة ان شاء الله
الحج ،،،،،،، : ايوا كدة خليك مع ربنا دايما
احمد : ان شاءالله خير بإذن الله .............

يتبع .

____________________
#بقلمي

عمر يحيى