صفقةعلىحياةأنثى البارت56

رواية
صفقة على حياة أنثى
البارت ال ٥٦ والأخير



_____________
ونكمل من حيث انتهينا البارت اللي فات عند عصام وهدير بعد ما استيقظوا من نومهم وتجهزوا ونزلوا لتحت لكي يتناولوا الفطار مع الحاج علي والحاجة زينب
عصام وهدير: صباح الخير
زينب وعلي : صباح السعادة عليكم الف مبروك
عصام وهدير: الله يبارك فيكم
زينب: تعالوا يا حبيباتي افطروا
عصام وهدير: حاضر
عصام: انتوا طيارتكم الساعة كام
علي: الطيارة تبعنا بعد شي ساعتين راح نفطر ونطلع لانه مشوار المطار طويل ولسه اجراءات المطار بتاخد وقت
عصام: توصلوا بالسلامة يارب بس ابقوا طمنونا عليكم لما توصلوا تمام
علي: ان شاء الله وانتوا امتا راح تسافروا
عصام: لسه على الساعة تلاتة بإذن الله
علي وزينب: الله يسعدكم يارب
______________
واما عند أحمد فقد استيقظ بطلنا باكرا وارتدى ملابسه وخرج تناول فطاره ثم ذهب الي الشركة وبدأ بمباشرة عمله والشغل على مشروع اعطاه له ابو عادل هو واثنين من المهندسين الجداد بالشركه معه جلس احمد على المكتب المخصص لرسم التصاميم الهندسية وبدأو في تطبيق افكارهم ورسم تصاميم المشروع
وخلال الشغل كان احمد يبدع في افكاره وتصاميمه وعلى اخر اليوم كان قد انجز تقريبا جزء بسيط من الرسومات المشروع فدخل ابو عادل يطمن على الشغل ماشي ازاي واقل لهم عملتوا ايه يا شباب عايزين ننتهى من التصاميم في خلال اسبوع عشان المناقصة
احمد: طمن قلبك يا باشا بإذن الله كل التصاميم هتكون جاهزة قبل الاسبوع
ابو عادل: نظر في الرسومات التي امام احمد فاعجبته وقال كويس جدا استمروا على الافكار دي وحاولوا تطورها اكتر لو امكن
احمد: اكيد يا باشا دي كلها رسومات مبدأية ولما تخلص هتبقى اوضح وافضل بكتير من دلوقتي ولسه الافكار التقيلة جاية دي حاجات خفيفة ومبدأية
ابو عادل: ربنا يوفقكم يالا كملوا بس ما تتأخروش عن ميعاد الروحة عشان التعب مش كويس هيخليكم ما تركزوش تمام
الكل: تمام يا باشا ثم تركهم وخرج
______________
ونرجع بقا عند جميلتنا هدير وزوجها عصام بعد ما جهزوا شنطهم وودعا اهل هدير ثم ركبا سيارتاهما وذهبا الي المطار وبعد بعض الساعات وصلوا الي باريس وصلا الي الفندق
هدير: فعلا باريس جميلة جدا اجمل من وصفها بكتير
عصام: طبعا جميلة وكمان اسمها مدينة العشاق وبغمزه قالها وعشقنا هيبدأ ويكبر فيها
هدير: بخجل قصدك ايه
عصام: هتعرفي بعدين يالا غيري هدومك عشان هاخدك على اجمل امكان بباريس هنعيش قصة حبنا هنا بكل تفاصيلها ثم اقترب منها وقبل شفتيها قبله خاطفة وخفيفة
هدير: خجلت جدا من هذه القبلة فذهبت من أمامه بسرعة ودخلت الحمام وعصام جلس على السرير وهو يبتسم ويتحسس شفتيه
_____________
ونرجع عند احمد مرة اخرى وبعد انتهاء تاني يوم عمل له استعد للذاهب الي بيته فعادل اناا هتروح علطول على البيت
احمد: ايوا
عادل: طيب ماتجي نغير جو الشغل والبيت ده ونسهر لنا سهرة حلوة
احمد: لا آسف انا ماليش في السهرات دي خالص
عادل: يابني انتا فهمت ايه هنروح النادي مش ديسكو
احمد: اااه اذا كان كدة ماشي بس اتصل بامي الاول عشان ماتقلقش عليا
عادل: طيب اتصل
*****************
وتمر الايام واحمد كل يوم بيبهر ابو عادل وعادل نفسه بذكائه وافكاره الجديدة والبسيطة بنفس الوقت
فابو عادل لما وجد احمد بهذا الذكاء وبانه احد الأسباب الرئيسة والاساسية في اتمام المناقصة لصالح الشركة قر ان يسند اليه كل المشاريع الخاص بالمعمار وطلب منه ان يكون المسؤول عن هذه المشروعات هو وعادل ابو عادل: قال للسكرتيرة اتصلي على عادل واحمد قوليلهم اني عايزهم بالمكتب بسرعة
السكرتيرة: تحت امرك يا باشا ثم بالفعل اتصلت على عادل واحمد وقالت لهما بان السيد ...... ينتظرهما بمكتبه
عادل واحمد: تمام جايين علطول وبعد خمس دقائق اتيا الي المكتب وطرق عادل الباب ثم دخل فقال حضرتك طلبتنا يا بابا
ابو عادل: ايوا تعالوا اسمعوني كويس
انا قررت بعد ما ربحنا المناقصة انه انتوا هتستلموا شغل اكبر واوسع احمد اثبت شطارته في فترة قصيرة جدا خلال المشروع اللي كلفته بيه وكان سبب مباشر في ربحنا للمناقصة
احمد: شكرا ياعمي كلام حضرتك شرف ليا وتاج على رأسي
ابو عادل: انتا تستهال يابني انا من الاول كنت عارف انك هتكون اد الثقة
عادل: بابتسامة يعني احمد بس هو اللي اد الثقة وشاطر وانا لأ
الاب: لأ طبعا يابني انتا كمان اد ثقتي ومن زمان والاةما كنتش اعتمدت عليك في الشغل اللي بره مصر ولا ايه
عادل: اكيد يا بابا وربنا يقدرني واكون اد ثقتك دايما
الاب: ربنا يوفقكم خدوا دا المشروع اللي هيتعمل باسكندرية عايزكم تعملوله دراسة جدوى ومخطط هندسي يكون مبتكر تمام
احمد وعادل: تمام يا باشا
ابو عادل: طيب يالا وروني همتكم بقا
احمد وعادل: ربنا يقدرنا ونكون اد الثقة دي يا باشا ثم خرجا من المكتب وذهبا الى مكتبهما وبدأا في الشغل على المشروع الجديد ايضا
________________
اما هدير وعصام سافروا شهر العسل والفسح والهدايا بقا
وهدير تغيرت مشاعرها تجاه عصام وخوفها وتوترها تلاشى واقتربت من عصام اكثر واكثر حتى ذابا معا في طقوس شهر العسل
عصام: دودو انا جعان
هدير: طيب نطلب اكل طلما جعان
عصام: لأ انا جعان حب وغرام جعان لحضنك اوي
هدير: بخجل انتا ما بتشبعش ابدا
عصام: لأ هو في حد بيشبع من الحلويات وقرب منها وبدأ بطقوسهما من جديد
____________
و نرجع عند احمد رجع بالبيت وهو قاعد مع مامته فسألته
: ألا قولي يا أحمد انتا ليه مش بتعزم صاحبك عادل عندنا يوم يابني
أحمد: الشغل كتير يا ماما وبصراحة ما جاش ببالي
الام: لأ يابني مايصحش ابقى اعزمه يوم الجمعة نقضى اليوم سوا كتر خيره يابني الصحاب اللي زيه نادرين اوي الايام دي
أحمد: معاكي حق يا ماما حاضر هاعزمه
الام: بس يابني في حاجة انتا بتروح الشركة من الصبح لما تسلم الوظيفة بالجامعة هتعمل ايه
احمد: ما تقلقيش يا ماما لما استلم الشغل بالجامعة هيبقى شغلي بالشركة بعد الجامعة وبعدين المحاضرات بالكليه بتبقى يومين او تلاتة بالأسبوع وبتبقى المدة مش كبيرة والحج ..... متفهم ده
الام: طيب انتا هتستلم الوظيفة امتا
احمد: لسه يا ماما الموضوع هياخد وقت ممكن على اول الدراسة او على حسب هيئة التدريس بالجامعة ما تقرر بقا
الام: طيب يابني انتا مش كنت بتقول انه في دكتور بيعزك وقالك لو احتجت اي حاجة بالكلية تقوله
احمد: ايوا يا ماما وهو كمان اكيد اوراقي هتكون قدامه لانه من ضمن الهيئة المنوطة بتعين المعيدين
الام: يمكن ما يخدش باله كلمه عرفه بس هو مش هيعمل حاجة انتا تستحق التعين بس ممكن حد يكون معاه واسطة ياخد حقك وهو اقل منك ومايستحقش
احمد: يا ماما الله رايده هيكون ولو ليا نصيب اتعين بالجامعة هاتعين وبعدين الحمد لله ربنا كرمني بشغل وقدرت في ايام بسيطة اكسب ثقة الكل واخد شغل انا المسؤول بالكامل عنه
الام: بس الوظيفة اضمن بكتير وليها معاش ثابت ماحدش عارف الزمن مخبي ايه للبني آدم
احمد: ربنا يسترها وبعدين بإذن الله مش هافضل موظف صغير بالشركة انا طموحي يكون عندي شغلي الخاص وربنا يقدرني واكون صاحب شركة مقاولات الحلم اللي باحلم بيه طول عمري ادعيلي انتي بس لانه دعائك بيفتحلي كل الابوب وربنا بييسر كل حاجة
الام: بادعيلك ياحبيبي دايما انتا واختك وبتمنى من ربنا اني ما اموتش الالما اشوفكم احسن ناس بالدنيا وافرح بيكم واشيل ولادكم
احمد وسمر: ربنا يطول بعمرك ويديلك الصحة والعافية يارب لحد ما تشوفي الخير كله معانا وتشيلي احفادك وتفرحي بيهم يارب
الام: يااااارب
_______________
ونروح عند السيد علي بشركته بعدما رجع الي بيروت وبدأ في مباشرة مهام شغلة بعد الاجازة التي اخذها هو والسيدة زينب وخطبا لعصام وحضرا خلالها زواجه فعلي كان قد اتفقا هو ومحسن وعصام على ان شركة محسن سوف تكون هي الوكيل لمعظم اعمالهم بمصر فاتصل على محسن وطلب منه رقم الفاكس لكي يرسل له اوراق مشروع يحتاج الي استيراد مواد بناء له من مصر فقال لمحسن انا راح ابعتلك هلا الفاكسات وبدي اياك تخلص كل شي في خلال اسبوعين وانا ان شاء الله راح استلمهم لانه بدنا نبدأ بالشغل باسرع وقت
محسن: تمام ربنا يسهل
علي: انا بعتت الفاكسات وصلوا لعندك
محسن: ايوا وصلوا خلاص
علي: تمام بس قبل كل شي المحامي تبعنا راح يجيلك بعد شوية ومعه العقود راجعتها وانا بمصر قبل ارجع لبنان والمحامي خلص كل شي وراح يجيلك لحتى توقع عليهم
محسن: تمام ياحج علي ربنا يجعلها فتحت خير علينا وعليكم يارب
علي: يااارب ياحج محسن نحنا اكتير سعداء بنسبكم وربنا يديم الود ما بينا يارب
محسن: واحنا والله ياحج علي ربنا وحده يعلم اننا اسعد بنسب ناس زيكم اصيلة وقليلين في الزمن ده
علي: تسلم يا حج محسن ثم اغلقا الخط
______________
و نرجع نكمل عند عصام وهدير وبعد أن اغلق الحج علي مع محسن أبو هدير راح اتصل على عصام وقاله مساء الخير يابني
عصام: مساء الخير يا عمي اخبارك ايه وطنط زينب عاملة ايه
علي: اكتير منيحة
عصام: ايه ياعمي انتوا ما صدقتوا خلصتوا مني ولا ايه
علي: ليش هيك عم بتقول لأ طبعا اشتقنالك اكتير ومفتقدينك معانا واللهبس نحنا مو حابين نزعجكم وانتوا عرسان اجداد
عصام: عارف ياعمي وانا كمان اشتقتلكم جدا
قولي عملت ايه في موضوع الشغل مع عمي محسن اللي قولتلك عليه
علي: خلصته اليوم وبعتله الفاكسات والمحامي تبعنا راح بالعقود منشان يوقعهم وراح نبدأ بكل شي لما المواد توصل لعندنا
عصام: كويس جدا عمي محسن راجل محترم وهيخاف على شغلنا وانا في كذا شخص كدة من اضدقائي هاذكيه عندهم واهو يبقى زيتنا في دقيقنا زي ما بيقولوا
علي: اي طبعا واكيد مارح نلاقى متل حماك لحتى نثق فيه
عصام: طيب اتفقتوا علي كل حاجة كن مواد البناء ولا لسه فدخلت هدير وهو يتحدث في الهاتف وجدته يتحدث في الشغل والشركات فقالت ايه يا عصام شغل حتى بشهر العسل
عصام: ده عمي علي
هدير: اه بعتذر ازايك ياعمي عامل ايه
علي: الحمد لله منيح انتي كيفيك
هدير: الحمد لله كويسة طنط زينب اخبارها ايه هي فين كنت حابة اكلمها
علي: منيحة الحمدلله بس للأسف انا بالشركة
هدير: اه مافيش نصيب نكلمها خلاص ابقى سلملي عليها اوي
علي: تسلمي يابنتي يلا سلام بقا خدوا راحتكم
عصام وهدير: مع السلامة ثم اغلق عصام الخط وامسك بهدير من خصرها وقال لها زعلتي ليه من الشغل
هدير: لانه احنا بشهر العسل وانتا مش ناسي الشغل خالص وسايبني وقاعد تتكلم بالتليفون
عصام: عمي هو اللي اتصل عشان كنت قايله يخلص العقود مع عمي محسن عشان يبقى الوكيل لينا بمصر
هدير: بجد طيب مبروك ربنا يوفقكم يارب المهم هنخرج انتا وعدتني اننا نخرج نروح الشانزليزيه مرة تانية ولا نسيت
عصام: لا ما نسيتش بس قربي اقولك سر عن عنه وبعدين هنروح ايه رأيك
هدير: ببرأة وعفويه سر ايه قول
عصام: بنظرة مفترسة قال لها غمضي عيونك عشان اقولك
هدير: وقفت مكانها ووضعت يدها حول خصرها وقالت اااه بعد النظرة دي يبقى بتضحك عليا فهمت انتا عايز ايه مش هيحصل الا لما نروح نتفسح بالاول ايه رأيك بقا
عصام: قام ووقف امامها واقترب منها وامسكها ثم التف بيديه حول خصرها بقوة ورفعها حتى جعل هدير تمسك به وتلف يديها حول عنقه وقالت نزلني ياعصام بطل رخامة بقا انا عايزة اتفسح شهر العسل قرب يخلص وما خرجناش كتير بسبب جنانك ده
عصام: وعد هاخرجك بس لما اخد قطة من العسل النحل عشان يبقى عندنا طاقة نلف براحتنا بشارع الشانزليزيه وده وعد
هدير: يوووه بقا طيب نزلني
عصام هانزلك بس هاكل العسل اتفقنا
هدير: طيب اتفقنا فانزلها عصام وقال اهو نزلتك
هدير: ابعد شوية
عصام: لا مش هابعد انا عارف عايزة تضحكي عليا وتستخبي بالحمام صح
هدير: وليه استخبى بالحمام لا طبعا بس
عصام: مابسش وراح قرب عليها وقبلها من شفتيها قبلة طويله تخللها كل مشاعر الرغبة بها ثم ذهب في عالم من الرومانسية والحب ونتكرهم في عالمهما ونذهب
______________
اما عند السيد محسن وبعدما انتهى من أداء عمله عاد الي البيت وهو يحمل كل علامات الفرحة لانه اخذ الذي كانوا متفقين عليه هو وعصام وعلي
وصل الي البيت فلما رأته زوجته سهير قبل ان يلقى عليها التحية قالت شكلك جاي فرحانه اوي النهاردة خير
محسن: خير كل خير طبعا
سهير: احكيلي وفرحني
محسن: النهاردة مضيت عقود الشغل مع الحج علي
سهير: بجد وراح حضنته وقالت الف مبروك وعقبال ما تاخد شغل اكتر واكتر يااارب
جاء محمد من غرفته فوجد امه تحضن ابها وتقول له الف مبروك فقال ايه يا ماما خير حاضنة بابا وبتقوليله مبروك عليه هيتجوز ولا ايه ههههه
سهير: اسكت ياواد بعد الشر هو يقدر اصلا
محسن: وما اقدرش ليه يا سهير هانم بقا ما انا لسه شباب وبصحتي اهو مالك
سهير: بنظرت غضب قالت محسن انتا عارف انا مابحبش الكلام فى حاجة زي كدة حتى لو هزار لانه انتا عارف بتضايق اد ايه
محسن: خلاص حقك عليا مش هاهزر بالكلام ده تاني وبيعدين هو انا لو لفيت الدنيا كلها هلاقى زيك يا حمادة
سهير: اه كل بعقلي حلاوة يا اخويا
محسن: خلاص بقا ما تزعلش ياقمر وبعدين المفروض تزعلي من ابنك هو اللي بدأ
سهير: اه ابني اللي بدأ وانتا الكلام جه على كيفك اوي وشبطت فيه
محمد: خلاص ياسوسو بقا الحج قالك مش هيلاقي زيك عديها بقا ده كان مجرد هزار
سهير: طيب يا خويا قولي عملت ايه انتا كمان قبلت بكلية الهندسة ولا لسه ما ظهرش حاجة
محمد: ظهر يا ماما والحمدلله قبلت وهابقى مهندس ان شاء الله
محسن وسهير ألف مبروك ياحبيبي وعقبال لما تتخرج كدة وتبقى مهندس اد الدنيا
________________
وتمر الايام وينتهي شهر العسل وترجع هدير وعصام الي بيتهم بمصر ليقضوا اسبوع بها قبل السفر الي لبنان وصلا الي الفيلا واتصلت هدير باهلها بعد ان صعدت غرفتها وأخذت حمام وبدلت ثيابها فاتصلت واخبرتهم بانها وصلت بالسلامة
الام والاب ومحمد: حمدلله على السلامة يادودو
سهير: عاملة ايه يادودو انتي وعصام
هدير: كويسين الحمدلله يا ماما
سهير: يارب دايما ياحبيبتي
الاب: طيب حمدلله عالسلامة مرة تانية نسيبكم ترتاحوا من السفر وهنبقى تجليكم نزوركم ان شاء الله
هدير: طيب تنوروا انتوا وحشتوني اوي
الكل: وانتي كمان يا دودو وحشتينا اوي يالا سلام
عصام: لازل تحت فقال للخدم طلعوا الشنط دي فوق وصعد هو الاخر الي الغرفة فسأل هدير
كلمتي عمي وطنط طمنتيهم عليكي
هدير: ايوا اتصلت بيهم وقالوا انهم هيجوا يزورنا
عصام: ينوروا بس امتا جايين
هدير: ما قالوش بس اكيد هيتصلوا قبلها بيوم
عصام: طيب ياحبيبتي انا هادخل اخد دوش على مايحضروا الاكل لاني جعان وماليش في اكل الطيارات ده
هدير: اوكيه ياقلبي وانا هانزل تحت اخليهم يخلصوا بسرعة لانه انا كمان جعانة اوي
عصام: اوكيه ياحبي ثم قبلها ودخل الحمام لايأخذ حمامه
_______________
ونروح عند احمد بالشركة بعد ما انهي المشروع الذي كلفه به السيد صبحي وسلمه له فقال له السيد صبحي برافوا عليك يا احمد انتا كل يوم بتثبتلي اني بافهم بالناس صح وانه انتا فعلا مهندس كفء وهيبقالك مستقبل واسم في وسط رجال الاعمال الشباب
احمد: ربنا يخليك يا عمي ده شرف ليا اطراء حضرتك وثقتك فيا دي هحطها تاج على راسي
السيد صبحي: انتا ليك عندي مكافأة هاقولك عليها بس مش دلوقتي
احمد: ثقتك فيا دي لوحدها اكبر مكافأة ليا والله ربنا يحفظك
السيد صبحي: طيب اعمل حسابك هتروح معايا موقع المشروع بتاع غرب القاهرة عشان في شوية حاجات اخد رأيك فيها انتا وعادل
احمد: حاضر هنروح دلوقتي
السيد صبحي: لأ دلوقتي الوقت اتاخر بكرة بإذن الله عشان نلحق نروح ونجي بدري عشان الاجتماع بتاع هيئة المشروعات السكنية اللي عامله الدولة عشان اقامة امتداد عمراني جديد شرق إسكندرية
احمد: تحت امرك يا عمي اومال عادل فين
السيد صبحي: راح يشوف صفقة مواد البناء اللي اتفقنا عليه من كام اسبوع عشان الاستلام بعد يومين بإذن الله
احمد: تمام انا هاروح اكمل شغلي تأمرني بحاجة
السيد صبحي: تمام بالتوفيق وخرج احمد وذهب الي مكتبه ليباشر عمله وهو في قمة سعادته لانه يقترب كل يوم من تحقيق احلامه اكثر واكثر
______________
ونعود لهدير وهي جالسة مع عصام على السفرة قالت له هو احنا هنسافر لبنان امتا
عصام: زي النهاردة بإذن الله ليه بتسألي
هدير: لاني بصراحة مش حابة اشوف الناس دول تاني وعمو علي وطنط زينب ساكنين قريب منهم
عصام: لا ما تقلقيش هما انتقلوا من زمان اصلا وراحوا مدينة تانية خالص وحتى لو موجودين ولايهمك منهم دول عالم ما تستهلش
هدير: برضه مش حابة اشوفهم تاني
عصام: اطمني ياقلبي مش هتشوفيهم تاني ثم انهيا طعامهما وصعدا لغرفتهما لكي يستريحا
________________
وأحمد رجع الي البيت والقى التحية على امه واخته
الام وسمر: مساء الخير وبعد ان استراح احمد وتناول الطعام وسمر احضرت له الشاي قالت له ابيه لو سمحت كنت عايزة فلوس عشان الدروس بدأت من اسبوعين وفي ملازم نقصاين عايزة اشتريها
احمد: من عيوني ياقلبي يكفيكي كام
سمر: يعني اللي تشوفه هي الملزمة بمية جينه وانا اربع ملازم
احمد: راح عطيها الفلوس بزيادة وقالها ربنا يوفقك ياحبيبتي
سمر: شكرا يا ابيه ربنا مايحرمني منك
ثم قال لامه ادويتك فيها حاجة نقصت او قربت تخلص يا ماما عشان اجبهالك
الام: لا ياحبيبي انتا لسه جايبهم من عشر ايام ما لحقوش يخلصوا
احمد: طيب لو في حاجة خلصت قوليلي يمكن انسى ابص على الاوية وتخلص وانا مش واخد بالي
الام: طيب يابني ربنا مايحرمني منك يارب
احمد: ولا منك يارب انا هادخل اغير عشان خارج مع عادل في شغل هنخلصه سوا
الام: طيب ربنا يفتحلك ابواب الرزق يارب هتتاخر بره
احمد: مش عارف يا ماما حسب الشغل
الام: خلاص بس خلي بالك من نفسك
احمد: حاضر يا ماما ربنا يستر ثم تركهم وذهب
_________________
وفي الصباح عند عصام استيقظ منه وبعد ما تناول الفطار قال لهدير انا خارج عندي شغل
هدير: رايح الشركة
عصام: ايوا عشان في اوراق عاوز اوقعها ضروري وهاعدي على عمي محسن عشان موضوع استيراد مواد البناء عشان اعرف وصل لفين
هدير: طيب ربنا يرفقك بس ممكن بعد إذنك اتصل على انجي صحبتي تجي تقضى معايا اليوم لحد ما انتا تجي
عصام: وماله ياقلبي وده محتاج تاخدي إذن ده بيتك زي ما هو بيتي اعزمي اللي تحبيهم من صحباتك
هدير: بس دي الأصول
عصام: يسلملي اللي فاهم بالاصول وراح قبل راسها وقال سلام ياقلبي
هدير: سلام يا قلبي
وبعد ان خرج عصام اتصلت هدير على صديقتها انجي لتقضي اليوم معها
__________________
وعند احمد ذهب هو وعادل مع السيد صبحي الي ارض المشروع لكي يتفقدوا اولى الاجراءات والحفريات الاولية لبدأ وضع حجر الاساس للمشروع فاحمد وعادل قالا يلا ابدأ يا باشا وحط حجر الاساس للمشروع عشان يبقى مبارك بإذن الله
السيد صبحي: ربنا يبارك فيكم يا اولادي انتوا الشباب بقا والفكر الحديث
احمد وعادل: وحضرتك الخير والبركة والخبرة كلها اللي بنتعلم منها كل يوم
السيد صبحي: تسلمولي يارب وبدأ بوضع الحجر وقال ربنا يجعله خير علينا كلنا يارب
الكل: آمين يارب وانهوا جولتهم في المشروع ثم رجعوا الي الشركة مرة اخرى لكي يبدأون إجتماع الهيئة
عادل: طيب يا باشا بالنبسة لمشروع اسكندرية ده هيبقى في نفس الوقت مع مشروع غرب القاهرة
السيد صبحي: يعني شوية بس هيبقى مشروع القاهرة تسليم بعد مشروع إسكندرية لانه على اوسع واكبر
عادل: طيب ما هو مشروع اسكندرية كبير برضه ولازم يكون في حد موجود علطول هناك وحضرتك مش هتقدر تروح وتيجي كل يومين او تلاتة عشان تطمن على المشروع وبصراحة كدة المهندس اللي هناك ولا عارف حاجة فى اي حاجة
السيد صبحي: لا من النحية دي ما تقلقش عندي حاجة هتبقى مفاجأة للكل بس على اول الاسبوع الجاي إن شاء الله باجتماعنا في فرع اسكندرية
عادل واحمد مفاجأة ايه دي
السيد صبحي: هتعرفوا في وقتها
عادل واحمد: طيب يعني بتخبي علينا
السيد صبحي: مش باخبي بس دي مفاجأة وبعدين خليكم صبورين شوية
احمد وعادل: طيب هنصبر
السيد صبحي: طيب يالا خلونا ندخل الاجتماع
ودخلوا للاجتماع واحمد وعادل كانو مبدعين في الافكار اللي قدموها للمشروع وخاصتا احمد كان متفوق على عادل بأفكار احسن وافضل
ووانتهي الاجتماع والكل والسيد صبحي تحديدا كان منبهر وراضي جدا وسعيد بالافكار اللي اتقدمت وقال لعادل واحمد انتوا فعلا بارعين يا شباب
احمد وعادل: ده من بعد تعليماتك يا باشا حضرتك الخبرة كلها
السيد صحبي: ربنا يوفقنا جميعا يارب
احمد وعادل: آمين يارب
__________________
وهدير بعد ما جاءت انجي لها وقضت اليوم معاها وحكت لها هدير عن عصام وحنيته وطيبته ورومانسيته معاها وانه خوفها وقلقها ما كانش له داعي وانها ارتاحتله
انجي: يعني حبتيه ياهدير
هدير: مش بالظبط بس خلاص اتعودت عليه وارتحتله
انجي: طيب ربنا يسعدك ويريح بالك انا هامشي بقا لانه عصام اكيد على وصول
هدير: طب ماتخليك سلامي عليه وامشي
انجي: مرة تانية يالا سلام ياروحي
هدير: مع السلامة
_______________
ويمر الاسبوع وتسافر هدير وعصام الى لبنان وذهبا الي الحج علي والحجة زينب وكانت بناتهما موجودات في زيارة لاهلهما
هدير: ايه المفاجأة الحلوة دي وسلامت عليهم وقعدوا ودردشوا مع بعض وقضوا عصام وهدير اليوم معاهم وقبل الذهاب عصام قالهم انا عامل حفلة بكرة على شرف دودو بالفيلا عندي هتيجوا طبعا دي مش محتاجة عزومة بس حبيت اقولكم عشان تيجوا بدري والبنات كمان تمام
الكل: من غير ما تقول جايين واخذوا وقتهم ثم ذهبا عصام وهدير الي بيتهم
____________
ويمر اليوم ويأتي الغد وما يحمله من مفاجأت سعيدة وخيرة للبعض وحزينة وخيبة امل للبعض منهم من يكون في قمة سعادته ومنه من ينكسر قلبه من صدمة المفاجأة التي تلقاها
***************
عند احمد باسكندرية وأثناء الاجتماع قال السيد صبحي للحضور في المكتب اقدملكم المدير الجديد للفرع هنا باسكندرية هو الباشمهندس احمد
احمد: وقف مصدوم من المفاجأة وقال انا ......
_______________
عند هدير بالحفلة بعد ما استعدت وكانت في طلتها المبهرة دائما فإذا بها تكتشف الوجه الحقيقي لعصام والذي خدعها بالوجه الملائكي طول هذه المدة حين طلب منها ان ترقص مع احد الحضرو من المدعوين للحفل وهو من اكبر رجال الأعمال ببيروت وأوروبا فرفضت هدير وقالت مستحيل انتا بتطلب ايه ازاي ارقص مع راجل غريب احنا مش أوروبا يا عصام فوق
عصام وفيها ايه ياحبيبتي ده راجل كبير اد ابوكي وبعدين ده أكبر رجل اعمال ببيروت وأوروبا وله تقله وهينفعنا كتير بشغلنا ما فيهاش حاجة لما تراضيه برقصة صغيرة وباحترامك برضه من بعيد يادوب هيمسك ايدك بس
هدير: بصدمة ورعب من اللي بتسمعه قالت انتا اكيد مش في وعيك ازاي تهلي مراتك ترقص مع راجل غريب فين شعور الغيرة حتى بعيدا عن الدين والعادات والتقاليد فين نخوتك كاراجل لما تشوف مراتك بين ايدينا راجل غريب انتا ايه نوعك
عصام: بهدوء مصتنع لو سمحتى ما تكسفنيش المرادي ياحبي المرادي بس .....

انتظرونا قريبا مع الجزء الثاني من سلسلة صفقة على حياة أنثى
والذي سيكون بإسم : صفقة على شرف أنثى فانتظرونا ......

.
________________
# بقلمي

عمر يحيى