الفصل الرابع عشر

بعد مرور يومان لم تتغير فيهم الاحداث ومازالت نوران متمسكة بموقفها من العائله ولا تحدث احد منهم معدا ادهم الذي يشاجرها دوما
والان في كافيه خاص بالجامعه تجلس وعلي وجهها علامات اقتضاب واعتراض ممزوجه بالزهول من حديث محمد

نوران بصدمه : انت عاوزني اتجوزك من ورا اهلي

محمد مسك يداها باطمئنان : يا نوران انتي مش شايفه هما بيعملوا اي تقدري تقوليلي هتعملي اي هتسبيني

نوران ابتسمت له بعشق : متقلقش انا عمري ما اسيبك بس اكيد مش هنتجوز عرفي يعني

محمد بتنرفزه : انا حر وانتي حره يبقا مش نتجوز ليه محدش من حقه يمنعك تجوزي

نوران نظرة له بضيق : انت بتزعقلي ليه

محمد بعصبيه : من الاخر يا نوران انا معرفش اي مبرر لرفضي اصلا ولو كنتي مش عاوزاني وبتجبيها في اهلك قولي

نوران نظرت له بحزن من تفكيره الغير منطقي : انت شايف كده يعني

محمد بغلب ونفاذ صبر : يا نوران منا بقولك هنتجوز وحطيهم قدام الامر الواقع

نوران باندفاع ونبرة قويه : اه هو يا اتجوزك يا مبقاش بحبك اسلوب جديده ده صح انا ماشيه

محمد امسكها لتجلس مرة اخري : استني بس راحه فين

نوران بضيق : اوعي يا محمد لو سمحت

محمد بهدوء : حقك عليا انا اسف بس انا بحبك وانتي مش مقدره ده

نوران جلست مرة اخري بتنهيدة : وهو التقدير ان اتجوزك من وراهم انت عارف انت بتطلب مني اي

محمد : طب عندك حل تاني انا خايف تسبيني

نوران بتذمر ممزوج بالحده : انا مش بسيب حد بحبه

ابتسم محمد بتلقائيه : امان يعني

نوران ابتسمت بهدوء : انت شكلك مضحوك عليك قبل كده ولا اي هي كانت غداره صح

ضحك محمد بقوه من تفكيرها : لا يا مجنونه يخربيتك

نوران  بابتسامة قاصده مغازلته : امممم هو انت عنيك زرقا لمين بقا

محمد غمز لها : سؤال ولا مجرد اظهار اعجاب مش اكتر

نوران بخجل : رخم

محمد : بحس هيبتك كلها بضيع معايا

نوران : مهو انت وقح

محمد : مسكاني وقحتك هي فين دي يا بت انتي لسه شوفتي وقاحه

نوران : طب بص بقا يا وقحي انا هروح وهحاول معاهم محاوله اخيره ولو

محمد بتركيز : ولو رفضوا

نوران بغرور متصنع ممزوج بالعشق : هعمل اي بقا امري لله هتجوزك نصيبي احبك بقا بس هعرفهم برضو

محمد لمع الانتصار في عينه وقال : مهو مبقاش انا سايب جمال امريكا وبنات امريكي واجي اترفض هنا

نوران بسخريه : جمال بنت امريكا طب عن اذنك خليهم ينفعوك بقا

محمد وهو يلحق بها بضحك : خدي يا بت والله انتي احلي

في شركة الادهم داخل مكتب صخر الذي جن جنونه علي ادهم ويمسكه ويرفع عليه سلاحه ويهدده بالقتل

ادهم بصراخ من جنون صديقه الذي فقد السيطرة علي نفسه : سبني يا مجنون ونزل السلاح هتموتني يا مجنون

صخر وهو يلف ذراعه حول عنق ادهم وبيده الاخري يسلط عليه مسدسه

صخر بزعيق وجنون : هقتلك يا ادهم جايبني امبارح احضر خطوبتها يا ادهم

ادهم  يحاول تهدئته وهو يحاول كبت ضحكته فحقا الامر مضحك بألم : يسطا اهدي وانا ايش عرفني ان نوران دي تبقا ست فاتنتك دي

صخر وقد تلفت اعصابه : همووت جايبني احضر خطوبتها دانت تحمد ربنا كان زماني مرتكب جريمه

ادهم بتنهيدة : طب الحمد لله سبني بقا حرام عليك انا لسه صغير انت عمرك ما قولتيلي ان الا بتحبها اسمها نوران هعرف منين بقا

صخر تركه بحزن وذهب ليجلس باهمال علي الاريكه : وحتي لو عرفت اي الا هتغير يعني

ادهم اقترب منه وجلس براحة : هترتاح وتشوف حياتك

صخر وضع سلاحه بجيبه ورمقع بنظره قاتله

ادهم بخنقه : يا ستار عليك كان يوم اسود يوم ما عرفتك

صخر نظر له بأرف : ده يوم سعدك اصلا

ادهم بندب : سعد مين ونيلة دانتا مجنون يخربيت معرفتك اصلا لو عرفت الا فيها هتطمن

صخرباندفاع : فيها اي يا ادهم دي بتحبه بنفس طريقه حبي ليها دي عيطت عشانه للدرجادي انا ظلمت نفسي

ادهم باستغراب : انا مش عارف انت زعلان ليه اي يعني بتحبه هي اتجوزته

صخر وهو يتلفت حوله بعصبيه : هو مصمم يخليني افتحله نفوخه ولاااء متعفرتنيش

ادهم : يلهوي دانتا حبك مؤذي اللهم احفظنا

صخر : مش قادر يا ادهم بركان بركان جوايا مش عارف اعيش مش عارف اعمل اي حاجه حاسس اني هتجنن

ادهم : صدقني انا متفاءل خيرا ليك القلب متقلب يا صخر يعني ممكن هي مشاعرها تتغير لمحمد وانت ممكن مشاعرك تتغير ناحيتها لدرجه هتضحك علي نفسك فيوم  ولما اموت ابقي افتكر كلامي ده

صخر : انت بتقول اي انت كمان اخرس

ادهم واحتل الالم ملامحهُ : تعبان اووي يا صخر الوجع كل يوم بيزيد وخايف

صخر : خايف من اي

ادهم : خايف اموت وانا شايل الذنب ده وخايف افضل عمري شايله

صخر بزجر : ما انت الا مصمم يا ادهم انت ملكش ذنب حرام عليك الا بتعمله فنفسك قلبك مش ناقص

ادهم : ازاي مش ذنبي اني ابقا عارف ان فيه واحد برئ مرمي في السجن وساكت

صخر بقلق : ادهم هو كده نوران قربتك تبقي هي دي

ادهم اماء برأسه علامة الموافقه باسف : اه يا صخر هي دي الا صرخت وقالت انها شافته بيخنق  ملك بس نوران مرتاحه لانها ناسيه

ادهم شرد للامام بمأساة وكاد الدمع ان يفيض من عينه يتكلم بحزن وهو يحمل مرارة الايام فقد سئم وزهد منه قلبه الذي ينزف رويدا رويدا ويهدده بالموت الايكفي عليه المرض أيحمله حزنه وماضيه ايضا !؟
ادهم : انا عشت طفولتي وحياتي منطوئ وساكت مش عارف هفضل ساكت لامتي

صخر : انا عندي فكره قوم يله شوف شغلك عشان ان مش قادر

ادهم بهدوء حزين : يا اخي ارحمني بقا هتبقي انت والدنيا عليا هديتوا حيلي

صخر : انا خلقي ضيق وملاحظ انك بقيت امينه رزق الايام دي واعمل حسابك العمليه الاسبوع الجاي

ادهم بسخريه : خسارة الصحوبيه هروح اشتكي لفروحتي

صخر بانتباه : لي اييه

ادهم انتبه لكلامه : لا مهو

صخر نظر لها بابتسامه شامته : مهو اي يا دوماااا

ادهم : عادي يعني my friend

صخر بضحكة ساخره : يا عنيا

عند روان تجلس امام التلفاز وتأكل بعض السندوتشات بشهية فهي عندما تتعرض لحزن او يصيبها الاكتئاب تخرجه جاء بلال واقترب منها جلس وهو ينظر لها بتأمل وقبل يداها ونظر في عيناها وابتسم بينما تجاهلت ذلك روان تمامًا

بلال بصوت هادئ : انا اسف

نظرت له روان وعادت نظرها الي التلفاز مرة اخري

بلال بمرح : يا جباره بقالك يومين مش بتكلميني لسه مش استكفيتي

روان بتهكم : امممممم

بلال : اممم طب غمضي عينك عشان خاطري

روان برفض : لا عاوزه اشوف الفيلم

بلال بدراما كوميديا : انا ولا الفيلم يا روان

روان بقليل من المرح : ده فيلم توم كروز انت هتهزر

مسك بلال رمود التلفاز وقفله بعنف ورمي الرمود جانبا : وادي الزفت اهو

حاولت روان تداري ابتسامتها علي نرفزته : ايوه وبعدين بقا

بلال : اضحكي انا عارف انك بتحبيني ومش بتزعلي مني اضحكي متكسفيش

روان لم تتمالك تفسها فضحكت: نينيني مغرور

بلال  غمز لها : طب غمضي عينك عشان تشوفي المغرور جابلك اي

روان اغمضت عيناها والابتسامه علي وجهها

بلال بعد ان اخرج علبه صغيرة من جيبه : فتحي

روان بصياح : هييه الله ده حلق دهب ابيض زي الا كان نفسي فيه

بلال : انا عارف انك بتكرهي الدهب الاصفروانك كارها الحلق الا فودنك عشان كده جبته ليكي

روان بفرحه وتصفق علي يداها  مثل الاطفال : الله يا بلال انا فرحانه اووي

بلال بابتسامه : يعني خلاص مش زعلانه مني

روان نظرة له بعبوس : لا استني عندك مين الا كنت بتقولها هبقا اجيلك في التلفون

بلال بتبرير : اولا دي سما لاني يعتبر خلصت الفيلا بتاعتها بس في تشطيبات اخيره ثانيا بقا انتي بتتصنتي عليا

روان باندفاع : اتصنت اي انا كنت جايه اوريك الفستان بتاع الخطوبه وسمعتك

بلال : امم واديكي عرفتي الا فيها اعتذري بقا

روان بصدمه : اعتذر اناا

بلال بحده خفيه : اه اولا اسلوبك كان وحش معايا ثانيا صوتك عالي عليا ثالثا قولتي عليا خاين وفي الاخر انا الا بصالحك برضو فاعتذري واه دا في عقاب تاني غير الاعتذار كمان اما تعتذري هتعرفي

روان : لا عقاب اي انا عيله ولا اي

بلال بجديه : اعتذري

روان بنفخ  : انا اسفه حقك عليا

بلال بتشفي : امممم عقابك التاني اننا هنعمل فرح مش خطوبه

روان باعتراض ونفي : لا متفقناش ع كده

بلال نظر لها : روان انا بحبك واكيد مش هزعلك اقصد يعني مش هرضي ليكي حاجه وحشه يعني

دلدلت روان رأسها في خجل اقترب لها ورفع رأسها اليه حتي اصبحت عيناها في عينه مباشرةً

بلال بتأكيد : روان انتي بجد خايفه

روان بتذمر : يا بلال انا خايفه من المسئوليه انا لسه عاوزه اعيش

بلال بزهول جنوني : ويعني انا هحبسك يا روان

روان : لا

بلال : يبقا نتجوز

روان بتفكير : عندي شرط

بلال ابتسم بفرحه : انت تشرط براحتك يا قمر

روان : وافق علي جواز نوران

بلال بنفي : لا نوران هتلاقي واحد احسن من ده

نوران دخلت عليهم وسمعت اخر ما قاله بلال : وانا مش عاوزه غير ده يا سيدي

بلال وقف وتنهد ونظر لها في صمت

نوران نظرت له بتوسل : بتعمل ليه كده فهمني في اي وحش


اقترب بلال منها وحاول ان يتعامل معاها باسلوب السياسه والهدوء وضع يده علي كتفها بحنان

بلال : انتي تعرفي انك غاليه عندي صح

نوران بدموع : اه

بلال وهو يمسح دموعها وقبل جبينها : وحيات غلاوتك بلاش بلاش ده

نوران بانهيار وجنون : لييييه ليييه بتبعدوني عنه ليه

واقترب من روان الذي تبكي علي بكاء شقيقتها : قوليلي يا روان انتي ليه ليه يا نااس في حاجه غلط وحش حتي لو انا بحبه والله العظيم بحبه بلاش انانيه الا فيكوا دي ما انتو بتحبوا بتحرموا عليا ليه

اقترب بلال منها ويصعب عليه حالها : صدقيني مش انانيه والله العظيم ده عشانك صدقيني نفسي اشوفك مبسوطة بس محمد مش مناسب ليكي

نوران مسحت دموعها : ماشي يا بلال الا تشوفه عن اذنكو انا طالعه اوضتي

روان بدموع وهي تنظر لها وهي تتخطي الدرج : حرام عليك يا بلال

اقترب بلال منها ولم يتحمل بكاءها ضمها الي صدره وظل يربت علي ظهرها

بلال : اششششش متعيطيش انا مش ناقص صدقيني ده لمصلحتها

روان : بس مفيش مبرر للرفض يا بلال نوران بتحبه تردي حد يفرق ما بينا

بلال وهو يشدد من احتضانها : بس بس يا روان اخرسي


دخل ادهم عليهم وقال بصراخ : لاااا البيت ده طاهر وهيفضل طول عمره طاهر

اتحرجت روان وابتعدت عن بلال بخجل وجلست تشاهد التلفاز بحرج شديد
اقترب ادهم منهم وغمز لبلال ومسك قميصه

ادهم : في الصاله يا ظالم يا عديم الحياء

بلال نظر علي روان وجد حمرة وجهاا ازدادت من شدة الخجل فقال بغيظ : دانتا عيل غتتت

ادهم نظر لروان : هو ده الا مش هتخطبله

روان : الله بقا ملكش دعوه بيا

ادهم بضحك علي خجلها وقال لبلال : مش في الصاله يا وحش

بلال : لا انا بجح ملكش دعوه

ادهم : الله يسهلوووو

بلال : واه اتصل بابوك وخليهم يجهزو عشان فرحي علي روان الخميس الجاي

روان بصدمه : اييه احنا لسه مش جهزنا حاجه

بلال : شقتي وجاهزه بفراشها ناقصك اي يا عسل

روان بتوتر : ايوه في في حاحات كتير بتتعمل وفستان و و لا

ضحك ادهم وبلال عليها

روان : انا طالعه اوضتي انتو الا اتنين ارخم من بعض

ادهم : انا كمان هطلع اخد دوش واغير وانا جعاااان

بلال : ماما بتعمل اكل انا هكلم احجز القاعه الفرح وغمز لروان الذي جريت سريعا الي غرفتها