الفصل 26 لجزء 2

دخل بلال ونظر لدقائق ثم اندفع اتجاه عادل بقوة ودون تفكير وامسكه من قميصه وصدد لها ضربات قوية وبدا الجميع بتدخل ومحمد الذي بعد بلال بالقوة عنه بينما اقتربت جنات ووقفت امامه وحمت عادل خلف طهرها والشرار يملاء عيناها وتنظر لها بغضب وقوة وقالت بصوت عالي وقوي تعجب له الجميع حتي عادل زُهل من شجاعتها وكان ادهم يقف بجانب عادل وينظر لها باعجاب لحبها لعادل

جنات : اياك تفكر تاني مره تمد ايدك عليه انت فاهم ولا لا

بلال وهو يحاول يتخلص من حصار الرجاله له : ودي مين تبقي كمان واحده ضاحك عليها

جنات : اخرس يتقطع لسانك

روان بعصبية : انتي ازاي تكلمي كده مع بلال جوزي انتي مجنونه ولا اي

جنات : اه يا حببتي مجنونه ومتعرفونيش انا الا يفكر يجي علي عادل انا هدفنه مكانه

صخر بضيق : بس بس بقا اسكتي يا جنات احنا مش جاين نمسك في بعض


جنات وهي تنظر لوجه عادل الذي ينظر لها بحب العالم كله في عينه وما الذي يريده الانسان في الدنيا سوي شخص يسنده ويقف بجانبه ويهتم به كثيرا

جنات : انت مش شايف عامل في اي داخل حامي كده ليه اذا كان مش عاوز الصلح يبقي بلاها منه خالص يله يا عادل

ومسكت يد عادل الصامت تماما وجاءت لتخرج منه اوقفها ادهم قائلا : ما تهدي شويه يا جنات ما تشوف مراتك يعم الاه وانتي متوقعه انه هياخده بالحضن

جنات : الله الغني يا عنيا

بلال بغضب : شايفين البجاحه شايفين غلطانين وبيكلمو اتلم النتن علي الانتن

جنات تركت يد عادل ونظرة له بغضب : لا بقولك ايي دا انا واخده بطول الجمهورية 4 مرات في امريكا في التايكوندو ولا مصبرني عليك الناس الحلوه احنا يا عنيا بنغلط وبجحين عندك مانع

الجميع ينظر لتلك الصغيره التي لم يتعدي طولها 160 سم وحجمها الضئيل كيف ان يكون بداخلها وحشا هكذا عادل علم انها سوف تتهور عليهم وقرر التحدث إليها نظر لها وسحبها بيده بجانبه وقال بهدوء فهو حقا محطم بداخله

عادل : جنات عيب كده ممكن تهدي

جنات نظرة له والدمع في عيناها يترغرغ علي حالته : مالك ساكت ليه متخفش انا جمبك

عادل : مش خايف بس احنا محتاجنهم مش هنكمل حياتنا لوحدينا

جنات : لا وحدينا احلي منهم انا وانت عالم

ابتسم عادل : بس الصلح خير وانا غلطت في حقهم كتير اووي وبأبشع الصور خاصة بلال

جنات : واي يعني ولا يهمك يكفي انك ندمان قدام ربنا الله اكبر منهم

عادل ضحك لها : حبك ليا عميكي عن الحق الصح صح يا روحي

جنات : انت جيت واعتذرت وخلصت

عادل : طب عشان خاطري نحاول مرة كمان

جنان باستسلام : ماشي بس لو زعلك ولو رد او اتجرء و

قاطعه عادل مازحًا: بااس اهدي عشان خاطري انتي عملتي الا عليكي جامد ينفع الرجالة تكلم بقا

جنات بطاعة : حاضر

عادل : ايو عشان عيب كمان كلهم كبار واكبر منك بكتير

جنات همست له بطفوله : هما كمان زيك مش بيبان عليهم السن

عادل بنفس الهمس : ايو احنا عايلة كده احسدينا بقا

جنات : ولو برضو اي الانجاز انهم جم الدنيا قبلي يعني

عادل نظر لها بنفاذ صبر
جنات بتنازل : حاضر هتكتم

تنهد ونظر لها بنفاذ صبر وكان الجميع ينظر لهم بزهول حتي بلال الذي انتبه لهم أيضًا فالجميع يرا علاقتهم جميلة ببعضهم وحبهم لبعض الشديد خاصة جنات رغم فرق السن الكبير بينهم الا انها تعشقه حد الجنون التفت عادل ونظر لبلال بأسف

بلال نظر له : يعني مش كفاك الا عملته انت واخوك ومن قلة اصلك رايح لمراتي من ورايا

عادل : والله العظيم ما كنت اعرف ان مفيش حد وانا اتكلمت معاها وهي قبلت السماح

روان نظرة لبلال بامل ان يسامحه : الا فات فات بقا نفسنا نعيش بسلام

بلال بغضب : والزفت ادهم مخبي علينا كل دا ليه حد قاله اني قتال قتله

ادهم : اعمل اي يعني دا اخويا كان لازم احميه

بلال بعصبية : طول عمرك غبي وافعالك كلها بتبوظ الدنيا ليه تفضل تخبي ليه انت هتفضل طول عمرك غبي مجرد غلطه بتفضل شايلاها لسنين بدل ما تخلص منها علي طول انت ايي

ادهم اتنرفز هو الاخر لانه شعر بصدق كلام بلال : يوووه بقا انت هتقلبها عليا

محمد : ممكن خلاص انتو اي كان يوم اسود يوم ما دخلت العايله الهباب دي كلها حورات

نوران بجدية : متنساش انك بداية الحورات اصلا

هاجر : بس بقا انتو كمان مش ناقصنكو

صخر : مش فاهم انا

عادل : يا بلال مفيش انسان معصوم من الخطا وصدقني انا شربت المر واتبهدلت ودخلت مصحه نفسيه ولو انا وحش مكنش ربنا عوضني بجنات صدقني مش فاكر اي حاجه من الا فات وانت كمان انسي

ادهم : كلنا نسينا وسامحنا انت بقا عاوز الماضي يفضل معاك خلي يونسك واتفلق

بلال نظر لها بأرف : قليل الذوق وعديم الدم وبجح واقولك طلق اختي يالاه

فرح بزهول : الله وانا ماالي لا صفوا حسابتكوا بعيد عني

هاجر: خلاص يا بلال بقا

بلال ايتسم : بس بشرط

عادل بفرحه وقام باحتضانه وبادله بلال الحضن والجميع لفحته السعادة : اشرط براحتك

بلال : البنت دي تعتذر مني عشان قلة ادبها

جنات باندفاع : مين دي الا قليلة الادب

ادهم قاطعها سريعا : اسشش هشش انتي اي ما بتصدقي تطلعي

نوران بضحك : انا اتصدمت فيها صراحه كان باين عليها هادية وكيوت

جنات : الكيوت في الكبوت يا حلوة

محمد نظر لها ورفع حاجبه : مالك يا سكر هدي شوية

بلال : مراتك ولا الطفلة الا انت جيباه دي غلطت فينا كلنا

عادل : بس قلبها طيب والله

روان : ايوا بس مش من حقها تعمل كده

عادل : هتعتذر متخفوش هي طيبه والله

جنات نظرة له بخيبة امل منكسره : يعني عملت كل دا عشانك وفي الاخر تقول هتعتذرلكوا طب ارفع من شأني حتي

عادل اتلهف عليها عندما ادرك حزنها : يا روحي لا والله ما قصدي

جنات بحزن : ولا قاصدك عادي ولا يهمك انا اسفه يا جماعه حقك عليا يا استاذ بلال متأسفه يا روان وربنا يخليكو لبعض

عادل نظر لها بحزن : جنات متزعليش كده

روان اقتربت منها وحضنتها : انتي زعلانه ليه خلاص بقا اتصافينا والله احنا كلنا حبناكي

جنات بابتسامة مزيفه : لا يجدعان ازعل اي يله خلونا نشرب الشاي وهاتوا كيك ولا اي حاجه

عادل : جنات متبقيش كده انتي زعلتي

نظرة له بحمود : لا مزعلتش

محمد بخولق ضيق : لا انا زهقت انا مروح

ضحكوا علي محمد فهو دائما يزهق ودائما الصامت بينهم

جنات ضحكت بصفاء : خلاص عشان خاطر الاستاذ المحترم دا

جلس الجميع وحل الهدوء النفسي والارتياح في القلوب ودخلو الفتيات الي المطلخ واحضرو الكيك والعصائر وكثيرًا من الاشياء واللطفال يلعبون في الغرفة ويمرحون بسعادة والان يشاهدون احدي الافلام الكوميديه وكل واحد منهم يجلس بجانب زوجته وانتهي الفيلم وسعدوا كثيرا

نوران : فيلم جميل

هاجر: جدا وبيضحك

فرح : بقول اي انا عندي سؤال لعادل وجنات

جنات : اسألي يستي وربنا يستر

فرح : ازاي انتي وعادل حبيتوا بعض وفرق السن ما بينكو كبير

جنات : مش كبير اووي وبعدين اصلا قبل ما احبه مكنتش اعرف سنه انا ادبست يا باشا

عادل نظر لها مازحًا: لا والله

جنات بضحك : ايوا انا حبيته وكنت مفكره انه 25 27 بالكتير بعد واتعلقت بيه واما بدأنا نتكلم قالي 39 هههه

ضحك الجميع بمرح

صخر : ينهار ابيض علي الضحك ي جدعاان

ادهم : حاجه تموت تضحك

هاجر : يا عيني يا بنتي

فرح : اتغشت في شكله

جنات : يله المهم بحبه وخلاص

عادل غمز له : روحي انا

ادهم : طب بقولكو بالمناسبه السعيدة دي اي رايكو نروح البلد عند الجماعه الا بقالنا سنين مش شفناهم دول ونعمل سبوع ابني سيف هناك

فرح بحماس : ياااه ماما وبابا واونكل احمد وسلمي وعمو امجد وطنط نرمين وكلهم وحشني اووي اووي

عادل باشتياق  شديد : ايوا وانا اووي احلي فكرة بجد

نوران : ايوا بقالنا كتير مش روحنا

بلال : هما الا خدوا القرار دا ومشيوا وسابونا

روان : يعني عم عادل وطنط نرمين يبقو لوحديهم في البيت الكبير دا كده كويس بيت العايله ماليان

هاجر : فعلا عايله الانصاري في كل حته

صخر : ربنا يزيد ويبارك

محمد بانتباه : هما العيال دول كل دا بيلعبوا

نوران نظرة له وتفهم انها يخاف علي نور فهو يغير عليها جدا هي وابنتها

صخر : متخفش بيلعبوا

هاجر : خلي بالك يا فرح ليعملو حاجه في سيف

فرح : لا يا بنتي سيف في اوضتي هما بيلعبوا في الاوضه التانيه

محمد همس لنوران : بقولك اي ما تنادي علي نور كفايه كده

نوران : بس بقا يا محمد اطفال بيلعبوا

محمد بضيق : ماااشي مااشي

انتهي اليوم علي جميع ابطالنا وبدا الجميع ينسحب من الجالسه بسعادة ويتمنون الساعدة لبعضهم كثيرا وبداخله سلام وارتياح نفسي يغمرهم ولكن سعادة عادل وجنات تفوق اضعاف اضعاف فرحتهم

في منزل محمد تقف نوران في الشرفة تنظر الي القمر مبتسمه تستعيد ذكرياتها في اول لقاء بينها وبين محمد

فلاش باك

في كليه حقوق وتحديدا في مكتب الدكتور
نوران طرقت الباب

محمد : ادخل

نوران : السلام عليكم

محمد و راي روان خلفها : وعليكم السلام اومري

نوران : حضرتك دكتور

محمد : اه انا دكتور محمد النويري الا طرد الانسه  احنا بقا في مدرسه وهي جايبه ولي امرها

نوران : احمم انا دكتوره نوران حازم  في كليه هندسه واخت روان حازم

محمد : طب والله كويس يعني انك دكتوره وعارفه موقفي

نوران : اكيد طبعا وهي بتعتذر منك يعني

محمد نظر لروان الواقفه واثر الدموع في عيناها : مش شوفتها اعتذرت يعني انتي بتستغلي اختك عشان دكتوره وكده

ضحكت نوران : لا والله يا دكتور روان طيبه جداا يعني وهي مش بتحب حد يزعق ليها

محمد : وانا ياريت محاضرتي تجيها بدري وياريت بلاش كلام وجيتك يا دكتوره فوق راسي

نوران : انا متشكره جداا هو حضرتك جديد في الجامعه صح

محمد بضحك : اه واستفتحت باختك

نوران : حصل خير يا روان اعتذري للدكتور بتاعك

روان بهدوء : انا اسفه

نظر محمد لها : حصل خير يا روان والمحاضره الا مش حضرتيها خديها من زمايلك.

فاقت من شرودها علي صوت محمد الذي ينادي عليها وهو واقف امامها

نوران : اي خضتني

محمد بضحك : بقالي ساعه بنادي عليكي سرحانه في اي

نوران ابتسمت : افتكرت اول مره اتقابلنا فيها وشوفتك

محمد بتذكر : لما روان اتخانقت معايا صح

نوران بضحك : ايوا بالظبط كده قولي صحيح انت كنت وقتها عارفني ولا لا

محمد : لا مكنتش اعرف انك نوران الانصاري لسه  عرفت لما جيت اتقدملك

نوران بضحك : يااه يعني حبتني الاول

محمد : وهو دا الا كنت بحاول افهمهولك

نوران : اعملك اي ما انت غدرت بيا

محمد : بس بس خلاص انتي اي مش بتنسي

نوران : لا والله عادي يعني

محمد : ايوا واضح انه عادي يعني دانتي علي طول فاكره

نوران : بس مش زعلانه تفرق

محمد : بس فاكره

نوران : عادي يا محمد والله

محمد : قلبك اسود

ضحكت نوران : لا عقلي هو الا فاكر لكن قلبي بيحبك عادي واحمد ربنا ان قلبي مسيطر مش عقلي كان زمانك ولا هنا

محمد : الف حمد وشكر ليك يارب

نوران : هيييح يااه ذكريات جميلة

محمد : فعلا فاكرة السوبر ماركت

نظرة له نوران بابتسامه وقالت وهي تقلده : اعتذري

فلاش ياك

عند منزل جنات وعادل تجلس بجواره علي الفراش ويتحدثون بمرح وسعادة ويشعرون بانهم يمتلكوا العالم نعم فالاهل والعائله هما القوة والامان والسند وكاسر الصعوبات والوحدة ممها بلغت المشاكل بينهم يظلو هم المأوي والملجأ

عادل : بس انا مكنتش اعرف انك بتحبيني اووي كده

جنات : شوفت بقا عشان تعرف غلاوتك

عادل : عرفتها جداا ربنا يخليكي ليا انا كمان بحبك اووي

جنات ضحكت له وقالت : انا نفسي في بيبي

عادل ضحك : وانا اووي

جنات : طب ما تيجي نكشف انا خايفه يكون عندي حاجه

عادل : لا يا روحي معندكيش حاجه الموضوع مسألة وقت وكلو بيد الله

جنات : لا يا عادل انا عاوزه اكشف احنا اتأخرنا

عادل : وبعدين يا جنات هتزني ولا اي ما قولتلك مسألة وقت وصبر

جنات اتعدلت في جلستها وقالت بتذمر : لا انا ماليش دعوة انا عاوزة اكشف وهزن وهعيط واتشنهف

عادل ضحك عليها : يا بت اهدي يا بت بلاش طفولية زايدة 

جنات : سميها زي ما تسميها انا عاوزه اكشف ونطمن

عادل : جنات ممكن تستقبلي الكلام وتفهمي

جنات : نعم

عادل : يا حببتي لو روحنا كشفنا دلوقت هيقول علينا هبل لانو لسه بدري جداا

جنات : خلاص يا عادل ماشي

عادل : زعلانه

جنات بقمص وتكشيرة : اه زعلانه مش كفاية غلطتني قدامهم وانا كنت بدافع عنك وانت اصلا غلطان ومطين الدنيا

عادل : يا بنتي مش كان قصدي اغلطك انا كنت بفوض مجلس با جنات ومصدقت خلصنا والله

جنات : ايوا يبا طبعا رجعت لاهلك انسي جنات بقا وسنين جنات والا جابوا جنات

عادل بضيق : ليه الاسلوب دا يعني

جنات : معرفش

عادل بنرفزة : جنات في اي ما تتظبطي اسلوبك وحش وانا مش قابله

جنات نظرة له بضيق وحزن ونرفزة : اه من اولها كده مبقتش طايقني ولا قابلني اومال بعد كده هتعمل اي

عادل بنفاذ صبر وقال من بين اسنانه : جنات اعقلي اي النكد دا كل دا عشان بقولك لسه بدري علي الخلفه

حنات : ماشي يا عادل

عادل : ماشي وانتي زعلااانه

جنات : لا مش زعلانه

عادل نظر لها بترقب : بجد والله نصير شويه وانا الا هودييكي

جنا ابتسمت : خلاص اوكيه

عادل : اوكيه اي يا حلوة اعتذري يله علي اسلوبك

جنات: اي دا انا معملتش حاجه

عادل : جنات اعتذري عشان بجد اسلوبك وكلامك نرفزني وياريت ميتعدش تاني


جنات نظرة له وقالت : حاضر انا اسفه مبسوط كده يا اونكل


عادل بحب ومسك يداها قبلها : مبسوط يا روح اونكل

بعد مرور اسبوع سافر الحميع الي الفيوم الحبيبة وتجمعو في فيلا الانصار والاصوات بها تعلو والاغاني والدبايح لترحيب للطفل الجديد الدي نور العائلع وكانو جميعهم كبير صغير سعيد ولا يخلو اليوم من حب كل رجل منهم لزوجته ويتبادلون الغزل امام الحميع والمرح بين تافة ومرح الفتيات وجنات الذي تعايشت معاهم وكانها جزء منهم والعائلة الكبيرة رحبت بها وفرحو بعودة عادل اليهم ولاحضانهم وها قد تجمع الجميع ولم ينقصهم احد وانتهت قصتنا علي ابطالنا ...
وأخيرًا الهدف من روايتي هو :

أولآ:- أهمية الذاكره
للذاكره اهمية كبيره ،فكرة بأن احد يفقد جزء من ذاكرته فكرة سيئة ومتعبة يمكن ان تصل صاحبها الي الدنار النفسي واضطرابات العقل وأيضا عدم تذكر الماضي ومافعل فيه واحداثه قد يؤثر ذلك علي المستقبل وبشده ، الكثير منا يتمني ان يفقد ذاكرته لان هناك ذكريات مؤلمه تراوضه وذلك من اكثر الاخطاء الشائعة التي نقع بها ، فتخيل معي مريض الزهايمر يعاني من عدم تذكره لاشياءه واشخاصه وحياته يتمني لو يتذكر عشر ثواني من ماضيه سوا ذكري مؤلمه او سعيدة ، الذاكرة عضو لا يتعدي 10 ملليمترات من الخلايا العصبية ورغم حجمها الضئيل ذلك الا ان لديها اهمية كبيرة للانسان ولكنه لا يعلم ذلك والبعض مازال يتمني فقدانها .......

يقولون "ان الذكريات اسوء عدو للانسان" الجميع يكمن بداخله ذكريات سيئه كلما يتذكرها يخيم عليه الحزن والتعاسة ولن يتمكن من التخلص من تلك الذكري المؤلمه كخذلان صديقك المقرب او مفارقة حبيب لك ..إلخ
كيف لمشاهد قصيرة من لقاءات احبابنا ان تحرك دموعنا في كل مرةً ندرك أنهم فارقوا الي الابد ؟
كيف لاحداث عالقه في جدار عقولنا قادرة ان تيقظنا من النوم مفزوعين وتأخذنا الي دوامة من القلق والاضطراب؟
لا يمكننا التخلص من الذكريات ولكن !
يمككنا ان نستبدلها من كونها اسوء عدو الي خير انيس ، تخيل ان يصيبك مرض الزهايمر فوالله لتكن كالمجنون تتمني ان تتذكر لو عشر ثواني من ماضيك سوءًا ذكري سيئه ، حزينه او سعيدة ..
لا تلوم الذاكرة بل عاتب المشاعر .
مشكلتك ليس مع الذكريات بل مع مشاعرك التي مازالت حيه بداخلك تجاه شئ قد فني بأمكانك حين تتذكر تبتسم وتقول كانت ذكري جميلة بدل ان تبكي وتقول رحل عني إن اتقنت ذلك تحولت الذكري من سيئة مؤلمه الي جميلة ومعبره فما قيمة الانسان إذا لم يمر بتجارب ومواقف عابرة ...نصيحة إن أرادت محو الآلام الماضي تخلص من مشاعرك وليس الذكري .

ثانيًا : "قل الحق لو علي نفسك"
من حق كل إنسانان يحتفظ باسرار وخصوصيات فمن منا لا يملك خفايا وحقائق مخباه ولكن يجب ان نكون علي حذر من ضرر الاخرين فأحيانًا اخفاء الحقيقة تسبب ضرر لحياة احد الاشخاص كظلم له ، تجنب اخفاء الحقيقة لتبرءة نفسك او احد اشخاصك المقربين علي حساب شخص اخر يدفع الثمن وبأمكانك تبرئته بقول واحد منك لانك من يعلم الحقيقة وتذكر إنه كم ما استطاعت اخفاءها لن تظل مخبأة والله لا يرد دعوة مظلوم لجأ إليه ثم إنك لن تستريح ابدا لان الله سبحانه وتعالي خلق بداخلنا حارس يسمي الضمير ومادام الله يحبنا ويريد لنا الخير سيأمر حارسنا بايقظنا لاصلاح ما تلف....

ثالثًا: عدم الكذب
الكذب من اسوء الخصل التي من الممكن ان تتواجد في الانسان البعض ينسي أن الكذب من الكبائر التي حرمها الله وانت تري كذبتك سخيفة لا عمل لها ما دامت نيتك صافية بيضاء ولكن احذر من الممكن ان تفرق قلوب وتقيم حروب وانت لا تدري ، تأقلم علي قول الحقيقة وتعود علي الجراءة فدائمًا تنعكس الكذبة علي الكاذب ويتحمل عواقب مؤلمه أكثر من عواقب قول الحقيقة......

رابعًا:- استخدام اسلوب الحذر الهادئ مع المراهقين

من أكثر الاعمار التي تعاني من الالم النفسية واضطرابات هم اشخاص سن المراهقة وأيضا يرتكبون اشياء ليس من عاداتهم او اخلاقهم هنا يجب التعامل معهم بلين وحذر وعدم مهاجمتهم وتعنيفهم قد يؤدي ذلك الي نتيجة سيئة ضاره لهم علينا أن نأخذ باسبابهم والتعامل معهم برفق وعدم اشعارهم بأنهم سيئون لانهم فعلوا خطأ بل نعلمهم التحكم في ذواتهم ومشاعرهم والتعلم من الاخطاء وعدم تكرار الخطأ مرة اخري وألا ندكرهم بما فعلو لان سوف يسبب لهم كره لانفسهم وشتات عقولهم بل نساعدهم علي نسيان المواقف التي تزعجهم من انفسهم بعد التعلم منها وتجاوز تلك المرحلة بسلام نفسي .....

خامسًا: " عدم الافراط في المشاعر "
الافراط والمبالغة في المشاعر خاصة الحب دون التأكد من مبادلة الطرف الاخر نفس المشاعر قد يسبب ذلك ضرر لك ويؤدي إلي هلاكك داخليًا واجهاد القلب من كثرة فرط المشاعر وأداء الحب بشكل مبالغ جارف قد يتلف من عدم اعطاءه المشاعر الذي يعطيها وبقوة فلذلك يجب التأكد اولآ إن كان يبادلك الشعور ام لا حتي تستطيع إنقاذ نفسك من التعمق فب دوامة عشق ناقصة وكن علي حذر ان الحب الصادق إن لم يكن نصيبك سيكون ذكراك مدي الحياة لذلك يجب قبل أن نسلم قلوبنا للحب التأكد من سلامة اختيارنا وأن نختار الشخص أولآ ثم تأديت الحب معه حتي لا يرهقنا داء العشق اعلم أن قلوبنا ليس ملكنا ولكني فقط اقول انتبه لمشاعرك التي تفرط لشخص لا يبالي ولي امرك أنه ظلم  النفس يا سادة...

سادسًا: تجنب الظلم بالظلم
من العدل أنه عند إظهار حقيقة المظلوم عدم ظلم احد او استعمال اساليب احتيال ليس لها علاقة بالموضوع  لأن ذلك ايضا ظلم ولا يجوز رد الظلم بالظلم فلا تظنه هين تجنب ذلك ودع العقاب للخالق، قد يعينك الله للدفاع عن احدهم وتبرءته من تهمة ما ولكن هل يعقل أن يقبل الله بظلم احدا من عبادة حتي وإن كان ظالمًا فدائما يكون عقابه علي قد ظلمه فلا تكن غبيا مبالغًا في اخذ حقك فتتحول الي ظالم من مظلوم وكن مسالمًا ودع الاقدار تقوم بدورها ....

مع خالص تحياتي
بقلم / مريم الشبراوي..

تمت