اشرقت شمس يوم جديد علي القاهره وتحديدا في فيلا عائلة الانصاري وداخل غرفة يبدو من هيئتها انها تابعه لفتاه فهي مرتبة ونظيفه والخزانه عليها الكثير من الرسومات الكرتونية وعلي الفراش مجموعة من العرائس القطنيه ولكن
تتنازع في نومها بعنف تود الصراخ و لا تستطيع تشعر بالاختناق وانفاسها تختنق ببطء

روان وهي تلامس وجهها برفق: نوران نوران فوقي يا نوران ده كابوس

نوران قامت بفزع وهي تلهث بشده: اعوذ بالله من الشيطان الرجيم

روان بجانبها تهدءها  وتلمس علي خصلات شعرها الذهبيه بحنان : اهدي بس ده كابوس متخفيش

نوران تنهدت وسكنت في حضن شقيقته : الحمد لله الحمد لله

روان : وبعدين يا نوران في الكابوس بتاع كل يوم ده

نوران بابتسامه : اي يا روان عادي ده خرفات

روان : يا نوران انتي عرقانه ازاي انتي زي مايكون كنتي بتحربي

نوران بتنهيدة : كان كابوس يخنق

روان نظرت لها : هو نفس الكابوس بردو

نوران : اه وبطلي رغي بقا هنتأخر علي كليتك

روان : لا والله انا بصحي فيكي من بدري

نوران : خلاص يا ستي انتي هتاكليني قايمه اهوو

روان : عارفه يا نوران انتي لو مش كنتي قيلالي مقولش لحد علي حوار الكابوس

نوران برفع حاجب : ايوه كملي

روان : اه كنت هقول لخالتو تشوف حل

نوران اقتربت من شقيقتها بلؤم

روان تبتعد بحذر : لا لو هتتهوري هتهور

نوران وقفت امامها : بصي يا هبله حببتي ده تخاريف يعني مش حاجه تضر يعني تمام يلا بقا بره اوضتي عشان هتأخر علي المحاضره بتاعتي

روان :اووووكيه خالتو تحت بتحضر الفطار مستنياكي

نوران : بلال مشي

روان : لا لسه

نوران : تمام اصل في حاجه في عربيتي عاوزا يشوفهالي

روان : اشطاا
....................................
وبعد قليل نزلت نوران بطلتها الجاذبه و رأت الجميع علي مائده الطعام ينتظرونها ليشرعوا في التناول
جلست بجوار بلال الذي كان ينظر في ساعة يده

بلال : صباح النوم

نوران : صباح الروقان

فاطمه : صباح الفل يا روح قلبي

نوران : حببتي انتي يا احلي بطوط في الدنيا

روان : يله بقا ناكل بسرعه كلنا متأخرين

فاطمه : يعني هي الدنيا هطير كلو براحتكوا

فرح : انا كمان اتاخرت علي المدرسه

فاطمه : ربنا يوافقك يا فرح يا بنتي يارب

فرح : ايوه يماما ادعيلي لعله يجي بفايده

بلال باستحلاف : عارفه يا فرح انتي لو مجبتيش مجموع عدل هعمل فيكي اي

نوران بضحك : هيعلقك علي باب الفيلا هههههه

فرح : اي الرعب ده بدل ما تطمنوني

بلال : عند امك اسف يا ماما

فاطمه : ومالو ميضرش

روان :علي فكره كله نصيب ومحدش بياخد غير الا كاتبه ربنا

بلال : بس انتي يا ام حقوق

روان وهي تنظر له بأرف : مالها يعني حقوق مش شوفتك عالم ذره

بلال وترك الاكل من يده وخرج من طور هدوءه بسبب نظرة الارف التي وجهتها له روان : وانتي بتبصي بأرف كده ليه معلش

روان ببرود : معرفش والله

بلال بحده : لا بعد كده اعرفي عشان مش اعرفك

روان باسلوب اعتراض : والله!

فاطمه : خلاص يا روان بس يا بلال حصل خير

روان : يا خالتو انتي مش شايفه بيقول اي مالها يعني حقوق

فاطمه : ملهاش ياروح خالتو وبعدين انتي داخله حقوق برغبتك يا روحي وكل شئ قسمه ونصيب فعلا

بلال وهو يأكل وملامح الضيق علي وجه  : عيله مستفزه

روان بهدوء : شكرا مش هرد عليك

نوران : مهو لو مش عملو كل يوم كده مش يبقي بلال و روان

فرح : حصل وبعدين انا عاوزه اعدي بس

بلال وقف منتفضًا: حلو يله بقا عشان اتأخرنا

نوران : يله واه بلال عاوزاك تشوف  اي الا في العربيه  الفتيس معلق وجامد اووي

بلال : مكانيكي بتاعك انا من يومي

فاطمه : مع السلامه يا حبايبي

نوران : بالله يا خالتو شويه ورق عنب علي الغداء

بلال : لسه فاطره وبتفكري في الغداء

فرح : طفسه

فاطمه : حاضر يا روح قلبي ترجعولي بالسلامه
...............................
في الخارج امام الفيلا كان بلال يقف جزء منه خارج السياره وجزء داخلها يمسك الفتيس بيده ويحركه بحرفه ومهاره ثم خرج لينظر الي نوران الواقفه خلفه

بلال : يا بنتي مفهوش حاجه اهو شغال

نوران : اومال بحسه تقيل ليه

بلال بضحك : حببتي ايدك هي الا ضعيفه ههههه

نوران :ومالك بتضحك كده ليه

بلال : فرحان فيكي

نوران : رخم اووي يعني

فرح : يله بقا يا بلال ابوس ايدك اتأخرت

بلال يمد يده له قائلا : بوسي

فرح : يا الله بطل بقا غلاسه

بلال : روحي يا ام لسان ونص اركبي انا جاي اهو مش كفايه بوصلك

نوران : لو كانت في طريقي كنت وصلتها ولا الحوجه ليك

روان بضيق : خلصونا بقا الله

نوران وقد ركبت السياره : اوكيه

كادت روان ان تركب السياره واقفها بلال حينما مسكها من معصمها برفق وقال

بلال : روان

روان لوية فمها : اممم نعم

بلال : مفيش داعي تزعلي نفسك في اول اليوم انا كنت بهزر معاكي

روان : اه مهو كان واضح بردو

بلال : حقك عليا بقا والله مش عاوزك تمشي زعلانه من اول اليوم كده

اخرجت نوران رأسها من نافذه السياره بطريقه مضحكه : يعني لو في اخره عادي يسطا

ضحك روان وبلال علي منظر نوران

بلال : ها زعلانه

روان بابتسامتها الهادئه : لا حصل خير
......................................
امام احدي المدارس الثانويه الخاصه المشتركه بين البنين والبنات بلال يودع شقيته الصغيره

بلال : عاوزه حاجه يا فروح

فرح : لا يسطا دانتا بتعيرني بتوصيله

بلال بضحك : نفسي مره تكلميني باسلوب لايق علي جمالك

فرح : اه تصدق اتثبت هههه

بلال وهو يخرج حلوي من تبلوه السياره : عشان تعرفي بس خدي دي

فرح بسعادة طفوليه : اللله دي شكولاته بالبندق

بلال باغراء : ايوه والكبيره كمان

فرح حضنت اخيها : ربنا ما يحرمنا منك ولا من حنيتك يا بلال

بلال وهو يضمها : ويخليكوا ليا يا روحي طيري قبل ما تتاخري

فرح : اشطا سلااام

دخلت فرح الي مدرستها لتبدء يومها الدراسي بينما توجه بلال الي مكتبه ليتابع اعمال الديكورات المتراكمة عليه فهو يعشق مهنته وتخصصه.

في الجامعه  نوران وروان يتشاجرون امام الكليه الخاصه بروان

نوران : يلا يا بت علي كليتك

روان برجاء : بالله خليني احضر محاضره واحده في هندسه دانتي معاكي ولاد ابطال يلهووي

نوران بخيبة متصنعه : اخس اخس انحرفتي امتا يا يا اختي طول عمرك الهاديه المؤدبه بلال يعرف

روان : اعمل اي يعني حياتي ممله و بلال ماله اصلا

نوران : يله يا به هتاخريني علي العيال وهيقعدوا يقولو الدكتوره اتاخرت ومش عارف اي

روان : ميعرفوش انك عيله زيهم

وصلت روان مدرجها وجدت احد الدكاتره يقف ويشرح فدخلت بعد ان طرقت الباب

الدكتور بقليل من الحده : استني عندك

روان : نعم يا دكتور

الدكتور بتساؤل : جايه متأخره ليه

روان : انا اسفه بس صحيت متأخر غصب عني

الدكتور : طب اتفضلي ولو سمحت متتاخريش تاني

روان : حاضر

دخلت روان وهمست لاحدي زميلتها : هو مين ده

- ده الدكتور الجديد

روان : اها عشان كده عملي فيها شخصيه

- بيقولوا كان في امريكا ولسه جاي جديد

روان : اه منا بقول عمري ما شوفته

الدكتور بزعيق : لا بقا مهو مش معقول متاخره وقولنا ماااشي وكمان داخله تكلمي

روان قامت واقفت : حضرتك تقصدني انا

الدكتور : لا خيالك

روان  بهدوء : ممكن حضرتك تكلمني باسلوب احسن من كده

الدكتور : لا انتي تفضلي تطلعي بره ومش اشوف وشك في اي محاضره ليا اتفضلي

روان بغضب : يعني خارجين من الجنه تغور انت ومادتك وخرجت من المدرج بغضب..

في المدرسه الا فيها فرح تقف تحت ظل شجره كبيره توجد في الفناء الواسع

فرح : انت مش كنت مركز في الحصه ليه

كريم بغضض : معرفش

فرح : لا بجد مالك

كريم باستفاضه ممزوجه بالغضب : اول حاجه قلقت عليكي لما اتاخرتي وطبعا ممنوع ارن عليكي

فرح : اه كنت بفطر وبعدين ايوه افرض بلال ولا حد شافك وانت بتتصل منظري هيبقا اي

كريم بضيق : ماشي يا فرح

فرح : بطل بقا متعملش كده وابقي ركز فوق احنا في تالته ثانوي

كريم : متخفيش مركز وانتي تركزي متركزيش مع حد تاني

فرح : نعم قصدك اي

كريم : قصدي معدش ليكي كلام مع الزفت الا اسمه حسام  ده تاني

فرح باندفاع : shut up you are crazy

كريم بعند : احترمي نفسك يا فرح انتي الا مجنونه ومتخلفه

فرح بزعل  : كريم انا مش اتكلمت  معاه ولا مع حد اوكيه

وتركته وذهبت هرول خلفها مسرعًا

كريم وهو يلحق بها : فرح يا فرح واقترب منها وامسك بها ما تتهدي بقا راحه فين

فرح بدموع : خليك في حالك لو سمحت

كريم بزهول : انتي بتعيطي ليه نهار اسوح

فرح : عشان انا مش بتكلم مع حد يا كريم ولا عشان يعني بتكلم معاك ابقا مع الكل بقا

كريم : علي فكره انا مقولتش كده انتي الا ديما حاطه في دماغك كده

فرح بدموع : اوكيه

كريم : بطلي عياط هتبطلي قمص امتا ها

فرح : امممممم

كريم : يا فرح انتي مش كلمتي انهارده بين حصه الماس والسينس واديتي ليه الشيت

فرح : طب اي يعني شفتني هزرت ولا عملت حاجه غلط

كريم بغضب : انا مش عاوزك تكلميه يبقا مش تكلميه

فرح وهي تمسح دموعها : حاضر يا كريم

كريم : طب قوليها من غير قمص بقا

فرح : لا ويله ندخل البريك خلص

كريم : مش هتخشي وانتي زعلانه يا فرح انا ببقا غيران عليكي

فرح ابتسمت بتلقائيه : ماشي ندخل بقا

كريم : لازم اكسفك عشان تسكتي صح

فرح : غلس .

في محافظه الفيوم وتحديدا في منزل فخم يضم عائلة الانصاري حوله حدايقه يملؤها الجنائن والاشجار المملؤه بالثمار ويتوسطها ارجوحة كنبيه

سعد : اخبار الاراضي والشغل اي يا امجد

امجد : الحمد لله يا اخويا ماشي الحال وعادل برضو ربنا يخلي بيشتغل معانا وبيتابع الفلاحين وادهم بتابع الحسابات ونسب المحاصيل المباعه

سعد : ربنا يخليهم ليك يا امجد ولا يحرمهم منك

عادل : ويخليك لينا يا عمي انت الخير كله

نرمين : اومال ادهم فين

امجد : انا ادهم ده تاعب قلبي

سعد : يا امجد انت الا شاغل بالك بيه ماله ادهم يعني

عادل : قوله يا عمي اخره العنقود بقا

سعد بضحك : ايوه ومفيش اهتمام ليك خالص يا عادل مش اسلوب يعني

امجد : عيب يا سعد انت كبرت علي شغل التسخين ده

سعد : فشر انا لسه بصحيتي العمر ده مجرد رقم

عادل : يديك طول العمر

امجد : بس برده انطوائيته دي بتقلقني

نرمين : يا امجد ادهم كده هو دي طبعته ده ابني ومن يومه كده بس امجد هو الا قلبه طيب شويه

سعد : تعرفوا انا اشتقت لفاطمه والبنات اووي

امجد : اااه يا سعد بيوحشوني جداا

نرمين : اي رايكوا نعزمهم الاسبوع الجاي عطله رسميه ومش هيبقا في كليات

سعد : فكره حلوه جداا انا مشتاق ليهم جداا

عادل : اشمعنا هما مش بيشتاقوا لينا يعني

نرمين : مين قال كد علي طول فاطمه وكلهم بيكلموني

امجد : انت الا مش تعرف حد فتسكت

عادل : احسن برضو مش عاوز اعرفهم

سعد : يا الله عليك قوم ياض فز من قدامي

نرمين : ها نبقا نعزمهم خلاص

سعد : اه اكيد.

كانت روان تبكي و تنتظر شقيقتها ان تنهي شرح محاضرتها
خرجت لها نوران من المدرج ويخرج خلفها الطلاب انتبهت لشقيقته ورات الدمع يذرف من عيناها اقتربت إليها بلهفه

نوران : مالك يا روان في اي مين زعلك

روان بدموع : الدكتور طردني من المحاضره وزعقلي

نوران : ليه يا  طينه عملتي اي اهدي بس وقوليلي براحه

روان قصت عليها ما حدث

نوران : يا لهووي يا روان طول عمرك غلطانه وبتكلمي

روان : انا غلطانه اني جتلك ما انتي دكتوره زي هتعمليلي فيها بتاعه

نوران : شوف الهبله اكيد لا يا حببتي بس الراحل طلع محترم ودخلك متاخر تقومي تكلمي

روان : مهو تنح بقا والا حصل خايفه يتلكك ويشيلني الماده

نوران : اه وحضرتك بتقولو تغور انت ومادتك اهو هيعمل كده فعلا والله لو حد قالهالي لشيلو العمر

روان بدموع : يوووه بطلي بقا غصب عني اووف

نوران : طب خلاص اهدي انا هرحله وهكلمه بس تيجي معايا وتعتذري

روان : حاضر

نوران : استغلي مكانتي بقا هييح مش عارفه من غيري هتعملوا اي

روان بسخريه : معلش .

في كليه حقوق وتحديدا في مكتب الدكتور
نوران طرقت الباب

محمد : ادخل

نوران : السلام عليكم

محمد و راي روان خلفها : وعليكم السلام اومري

نوران : حضرتك دكتور

محمد  : اه انا دكتور محمد النويري الا طرد الانسه احنا بقا في مدرسه وهي جايبه ولي امرها

نوران : احمم انا دكتوره نوران حازم في كليه هندسه واخت روان حازم

محمد : طب والله كويس يعني انك دكتوره وعارفه موقفي

نوران : اكيد طبعا وهي بتعتذر منك يعني

محمد نظر لروان الواقفه واثر الدموع في عيناها : مش شوفتها اعتذرت يعني انتي بتستغلي اختك عشان دكتوره وكده

ضحكت نوران : لا والله يا دكتور روان طيبه جداا يعني وهي مش بتحب حد يزعق ليها

محمد : وانا ياريت محاضرتي تجيها بدري وياريت بلاش كلام وجيتك يا دكتوره فوق راسي

نوران : انا متشكره جداا هو حضرتك جديد في الجامعه صح

محمد بضحك : اه واستفتحت باختك

نوران : حصل خير يا روان اعتذري للدكتور بتاعك

روان بهدوء : انا اسفه

نظر محمد لها : حصل خير يا روان والمحاضره الا مش حضرتيها خديها من زمايلك.

مساءا في فيلا نوران الانصاري
كان فرح وبلال يجلسون امام التلفاز يشاهدون احد الافلام الاجنبيه حينما دخلت نوران ومعاها شقيقتها


نوران : يا قووووووووم انا جعانه يا قووم

فرح : اخيررر جيتواا داحنا موتنا من الجوع

بلال : انا بعد كده مش هستنا حد اولعوا

فاطمه : محدش هيحطلك اكل تعالي يا فرح ساعديني في رص الطباق

فرح : لا مش قادره انا في 3 ثانوي وتعبانه

ضربها بلال بخفه علي راسها : علي اساس انك قاعده بتذاكري قومي يا بت حطي الاكل مع ماما خلينا ناكل

فرح : لا انا كبيره زيكو مش قايمه

نوران : فرح حببتي حد قالك انك هبله قبل كده

فرح : اه كلكوا

بلال : عشان انتي فعلا هبله يلا قومي كده زي الشاطره ساعدي ماما

فرح وهي تذهب لتساعد والدتها : كل حاحه فرح فرح من غير فرح هتعملو اي

نوران : هنجيب خدامه معروفه يعني

فرح : ليه ما انتي هتبقي موجوده نينينينييي

بلال : جبهتك طارت يا نوران

نوران بتذمر طفولي : مش لعبه يعم خلاص

بلال : مالك يا روان ساكته ليه

روان : مفيش حاجه انا جعانه اووي ومفرهده

نوران : دا انا الا مفرهده منك

روان بضيق : يووه بقا  به دماغي وجعاني

بلال : فهموني حصل اي

نوران بخبث : زعلانه اني خلتها تعتذر للدكتور الا شتمته

بلال باهتمام ظاهر : ليه هو عملك حاجه شتمتي ليه عملك حاجه

نوران : ده الا همك

بلال : اكيد

نوران حكت له ما حدث

بلال بابتسامه : طب وزعلانه ليه يا ست البنات عادي موقف واتصلح

روان بخوف حقيقي : اصل خايفه يتلكك ليا بقا ويشيلني الماده

بلال بعصبيه : هو هبل متخلنيش اتعصب محدش يقدر يعمل كده ومتزعليش نفسك في حوار اهبل منتهي

روان : طب بتتعصب لي دلوقت بقا

بلال : ايوه عشان مس عاوزك زعلانه علي حاجه هبله

ابتسمت روان لكلمته : مش زعلانه

نوران وهي تنظر علي ملامح بلال : وبعدين يا بت يا روان ده يا بختك

روان : ليه

نوران : هيييح يلهووي حتة واد قمر جنتل كده يخرابي ده كفايه هيئته

روان بضحك : حصل جداااا تحسي كاريزما كده

بلال قضب حاجبيه وتجمدت ملامحه : مالك يا بت انتي وهيا ما تتلموا وبعدين في دكتوره محترمه تقول كده

نوران : يعم بقا انا واخده الدكتوراه جدعنه اصلا

روان : وبعدين مين يشوفه وميقولش قمراصلا

نوران بكوميديا: وراحه تشتميه يا سافله

روان بضحك : لا ما انا اعتذرت مكنتش هنام وانا مزعلاه

بلال ينرفزة : قومي انتي وهيا ناكل انا مش طايق نفسي