الفصل الخامس عشر

دخل ادهم الي غرفته وفتح خزانة ملابسه واخرج منها علبه كبيره ووضعها علي السرير وعاد مرة اخري الي الخزانه واخرج منها ترنج قطني ودخل الي الحمام وفتح عليه صنبورة المياه ومع تدفق المياه علي رأسه كانت تدفق الافكار وتدور في عقله

ادهم لنفسه : انسي يا ادهم كفياك حزن وبؤس وهم فرح قلبك شويه وعيش حياتك غني وارقص اسعد نفسك قبل ما يفًوت الاوان
وبعد قليل خرج ادهم من الحمام وارتدي ترنجه القطني وقف امام المرأه ومشط خصلات شعره الحريريه واخذ العلبه الكبيره وخرج من الغرفه متوجها الي غرفة فرح
وطرق باب غرفتها

فرح من الداخل : ادخل

ادهم وهو يفتح الباب : مساء القمر

فرح ابتسمت ابتسامه عريضه عندما رأته وقالت بصوت يملؤه السعاده : مساء الروقان

ادهم : لسه بتذاكري

فرح : اه بس جوعت بقا وهنجت

ادهم : اممم طب غمضي عينك

فرح : جايبلي شكولاته

ادهم ضربها بخفه علي راسها : طفسه همك علي كرشك

فرح : هيييح اكيد يعني بس اهو غمضنا

ادهم فتح امامها العلبه الكبيره : فتحي

فرح فتحت عيناها وجدت فستان انيق حداا لونه ابيض يشبه الذي مزقه ادهم لها فصاحت قائله وهي تمسكه

فرح : اللللللله ده حلووووو اووووي

ادهم ابتسم لفرحتها : يارب يعجبك

فرح : ده احلي من التاني بكتيررر

ادهم : هو انا صراحه مبفهمش في حاجات البنات اووي بس انا حبيت اجيبه بكم يعني من غيري جاكت وغيره

فرح وهي تنظر للفستان بسعاده : جميل اوووووي يا ادهم ده هامل زي بتوع ملكات الجمال ده تلاقيه غالي عليكي

ادهم : مفيش حاجه تغلي عليكي يا فروحتي

فرح ابتسمت : نفس جملة بلال اخويا ربنا يخليكوا ليا يارب

ادهم : ويخليكي لينا لا وانا جامد برضو جبته من هنا وبلال قرر يتجوز روان من هنا

فرح : اي ده الكلام ده امتا انا مش عايشه معاكو ولا اي

ادهم : ده مجنون لسه مقرر دلوقت حالا

فرح بضحك : هما لاتنين مجانين اصلا

ادهم نظر لها : ربنا يسعدهم ويسعدك

فرح : انت بقا جبته عشان انا زعلت علي الفستان التاني صح

ادهم : بصراحه اه ويعني اعتبري ده اعتذار مني عن اي وحش شوفتي مني انا عارف كنت رخم معاكي اووي

فرح بعبوس : فاااكر يا ادهم اما شدتني من شعري

ادهم : يا ستار يارب دانتي قلبك اسود خلاص بقا دانا جايبلك فستان انجلينا جولي متحلمش بيه

فرح : عايرني بقااا

ادهم بمرح : براحتي

فرح : طب عديني بقا كده هروح اوري الفستان لنوران وروان بقولك لم الكتب دي وقفلها

ادهم : خدام ابوكي انا مش كده

فرح وهي تذهب : خليها عليككك يا دوماااا

ادهم في سره : روح دوما

ادهم بعقلانيه : ما تعقل يا ادهم انت اتجننت

في غرفة نوران تحلس معاه روان وتحاول مصالحتها وتتيقن من انها ليست حزينه فهي لا تتوقع بان شقيقتها تستسلم بتلك السهولة

روان بشك : يعني انتي بجد مش زعلانه

نوران بزهق : يا روان سالتيني 100 مره وقووولت لا والله خلاص هعمل اي يعني

روان : اصل مش مصدقه فكرتك اتغيرت في دقايق

نوران بكدب : انا صليت استخاره وحسيت اني مش مرتاحه يمكن بلال عنده حق

روان : عندك حق طول عمرك عاقله بس انتي مش بتحبي

نوران : مش انتي كنتي بتقولي انتي اتسرعتي انا فعلا حسيت اني اتسرعت حتي بالحكم علي مشاعري واكبر دليل اما صليت حسيت اني مش مرتاحه

روان ضمت نوران : ربنا ينور بصيرتك يا حببتي

نوران : المهم بقا قوليلي بلال قال الفرح امتا

روان بخجل : الاسبوع الجاي وبيحجز القاعه

نوران : خلاص هتسبيني

روان بحزن : بلال مصمم نقعد في الشقه بتاعته

نوران : طول عمره رخم الواد ده انا بحبك اووي يا روان انتي الا ليا في الدنيا

روان : وانا اووووي با نوران انتي امي وصحبتي واختي

نوران : طب بس بقا لحسن اعيط يلهووووي

روان بخضه : احنا مجبناش فساتين

فرح دخلت عليهم وهي تغني : انا جبت تيررراررررااا

روان بفزع : خضتيني انتي التانيه

نوران : فرح زعنفه اخيرا خرجت من اوضتها

روان : اش يا بت عيب اسمها فرح بزازه

فرح : اسمي دكتوره فرح يا فاشله منك ليها

نوران : بكره نقعد علي الحيطه ونسمع الزيطه

روان : وهيهيهييييي

فرح : كده طول عمركو عيال بغل

نوران وهي تضرب كف روان : علي اخر الزمن هنغل من ام ضفيره واناناسه

روان بضحك : انا عارفه يا اوختشييي

نوران : بس قوليلي يا زعنفتي وقعتي علي الفستان ده منين

روان : تلاقي بلال جبهولها ماشي يا بلال جبتلها وانا لا

نوران : هيجبلك ازاي لازم تكوني معاه وتنقي فستان الفرح

فرح بتكبر : لا مش بلال الا جابهولي اصلا

نوران : اومال مين

فرح بابتسامه : ادهم

روان ونوران في ان واحد : ادهمممم

في صباح اليوم التالي مجتمعين علي طاولة الطعام بينما كان بلال يشعر بالزجر علي حزن نوران ولكن لم يقبل ان تتزوجه ابدأ خاصةً بعدما تأكد من هوايته وكعادة من يقطع الصمت مشاغبتهم الصغيره

فرح : وحدوووووووو

الجميع : لا اله الا الله

نظرت نوران لبلال بعبوس وعادت لتنظر في طعامها بينما نظر لها بأسف واستعطاف لتغفر له

فرح بزهد : بقول اي انهارده اجازه انا عاوزه اخرج

روان بتساؤل : مش وراكي حاجه يعني

فرح بغرور مصطنع : نووو

روان بفرحه تلمع في عيناها مختلطه بملامح الخجل : خلاص تعالي معايا انا وبلال رايحين نشتري فستان الفرح

فور سماع بلال لتلك الكلمات التي تفوهت بها  روان سعل الماء الذي كان يرتشفها من الكوب وظل يسعل لثواني انتفض قلب روان خوفا عليه

روان بخوف : مالك براحه

بلال بتنهيدة  : احمم لا ابدا يا روحي شرقت كنتي بتقولي اي

روان بفرحه : فرح هتيجي معانا

بلال وهو يوزع نظرات عليهم بينما جاء نظره علي ادهم الذي كان يتابعه بعيون شامته وغمز له بخبث فنظر له بلال بترجي ان يخرجه من ذلك المإزق الذي وضعته فيه تلك الطفله التي ستصبح زوجته قريبًا

بلال بتهرب : لا مهو فرح وراها مذاكره الامتحانات قربت

فرح بعبوس وعلي وشك البكاء : ماليش دعوه انا عاوزه انقي الفستان معاكو انا اتخنقت

فاطمه : فرح بطلي شغل اطفال سيبي اخوكي ياخد روان وينجزو مفيش وقتك كفايه قرارتهم المفاجاءه دي

روان باندفاع : قرارات ابنك يختي

اقترب بلال وهمس في اذونيها : بس جاي علي هواكي يا ريوو

طرقت روان رأسها بخزي اثر قربه منها

فرح بصوت متحجر مختنق : انا مدايقه ومخنوقه من المذاكره ومبخرجش

نبرة صوتها كان لها تأثير عميق علي قلب ادهم الذي فور سماعه لصوتها رفع نظره ليراي ملامحها الذي يخيم عليها الحزن

نوران وهي تمرر نظرها علي بلال : انا راحه النادي تيجي معايا

فرح بنفخ : مبحبش قعدة النادي

فاطمه بملل : يخربيتكوا صدعتووووني انا عندي برد هيموتني وطالعه انام اعملو الا انتو عاوزينوا

ثم نظرت لادهم : عاوز حاجه يا حبيبي

نظرة لها فرح بحزن : اه ادهم لكن بنتك تولع صح

فاطمه وهي ترسل لها قبله هوائيه : حبيبت ماما الصيوحه اطلعي ذاكري

نوران ببسمه : اه خالتو كنت عاوزه اقولك اني صليت استخاره بخصوص موضوع محمد ورفض نظر عن الموضوع حسيت اني مش مرتاحه ونهيت معاه الموضوع وهو تقبل با حترام عادي

ابتسمت فاطمه بارتياح ظاهر : ياااه احسن حاجه والله صدقيني مش ارتحتله ومش خير ليكي يا روحي يا عاقله

نوران ببسمه خفيفه : الحمد لله بينما وجهت نظرها لبلال وهي ترفع حاجبه بادلها بلال بضحكة ارتسمت علي وجه وارسل لها قبله هوائيه وغمز لها
ابتسمت نوران له بامتنان دليل علي رضاها

قام بلال ومسك يد روان : طاايب حيث كده نلحق احنا بقا

نوران بضحك  :خدوني في ديلكو

نظرت روان لفرح بحزن : طب وفرح

بلال باستفاضه : ادهم هيخرجها طبعا صح يا ادهم

ادهم بغرور  : من غيري كنت هتعمل اي هييح ربنا يخليني للغلابه الا زيكو

بلال بمرح : حبيبي يا غامض

خرج كل من بلال وروان ونوران الي طريقهم بينما ذهبت فاطمه لتستريح في غرفتها كانت فرح صامته تنظر في طعامها وتتصنع الاكل ينظر لها ادهم وهو مربعا يدايه وهو يستريح علي كرسيه

ادهم : حاسك مكسوفه اووي مش عارف ليه

ضحكت فرح دون ان ترفع نظرها إليه وازدادت حمرة وجهها

ادهم مستمتعا بخجلها : وبعدين

رفعت فرح عيناها له وقالت بصوت يغلبه الخجل : الله عاوز اي

ادهم وضع ساق فوق ساق : لا انتي تكلميني حلو عشان انا اصلا تعبان ومش قادر اخرج

فرح انتفضت واقفه : وانا مش طلبت منك تخرجني

نظر لها ادهم وهو جالس من اعلي لاسفل وقام واقترب منها بهدوء واصبح في مواجهةً وجهها تماما فشعرت فرح بالخوف فهي تخشي ان يحد نظر عيناه المريبه لها

فرح وهي تستعد للركض : بيقولو الجري نص الجدعنه

امسكها ادهم من كتفيها : خدي هنا بس راح فين

فرح برفع حاجب وبطريقه جديه ممزوجه بالمزح : لا كلو الا الشاكت سيب الشاكت ده ماركه

ضحك ادهم رغم عنه وارجع رأسه للخلف بتلقائيه الضحك تمعنت فرح به بهيام واعجاب عاد بنظره لها وبادلها تلك النظرة وقال بهدوء وهو ينظر في عمق عيناها البريئة

ادهم : نتمشي ؟

فرح : اوكيه ثانيه

ادهم : اي ؟

فرح بتساؤل لتطمئن  : خدت الدواء

ادهم بابتسامه منقمه : اه يا حببتي هستناكي

توقف الزمن من حولها فور سمعها لتلك الكلمه نظره له بابتسامة عاشقه و ركضت بسعاده وهي تردد في ذهنها "حببتي " فقد مسحت تلك الكلمة علي قلبها ليتعانف مع نبضاته القويه